Yangiliklar

Xitoyning Zeekr kompaniyasi o‘zining yangi modeli Zeekr 007 GT elektromobilining rasmiy suratlarini e’lon qildi. U Zeekr 007 bazasida yaratilgan bo‘lib, 2025-yilning ikkinchi choragida sotuvga chiqarilishi kutilmoqda. Bu haqda ITHome xabar berdi.

Dizayndagi asosiy o‘zgarish – avtomobilning orqa qismi. Sedandan farqli ravishda orqa ustundan keyingi tom chizig‘i tekisroq shaklga ega bo‘ldi, bu esa yukxona hajmini oshirdi.

Bazaviy konfiguratsiya 421 ot kuchiga ega elektromotor bilan jihozlangan bo‘lib, 100 km/soat tezlikka 5,4 soniyada erishadi. To‘liq uzatmali versiya esa 224 va 421 ot kuchiga ega ikkita motor bilan ta’minlangan bo‘lib, u 2,84 soniyada 100 km/soat tezlikka chiqadi.

Model 800 voltli arxitektura asosida...

O‘zbekistonlik gimnastikachi Oksana Chusovitina Ozarbayjon poytaxti Boku shahrida o‘tkazilgan sport gimnastikasi bo‘yicha Jahon kubogi bosqichida tayanch sakrash yo‘nalishida g‘oliblikni qo‘lga kiritdi. 49 yoshli sportchi 13,516 ball to‘plab, raqiblarini ortda qoldirdi. Bu haqda RBK xabar bermoqda.

Ikkinchi o‘rin 30 yoshli sloveniya vakili Teya Belakka (13,366 ball), uchinchi o‘rin esa uning hamyurti 31 yoshli Tyasa Kisseliefga (13,283 ball) nasib etdi.

Oksana Chusovitina sport gimnastikasi tarixidagi noyob sportchilardan biri hisoblanadi. U sakkizta yozgi Olimpiya o‘yinlarida qatnashgan (1992, 1996, 2000, 2004, 2008, 2012, 2016, 2020) va turli yillarda SSSR, Germaniya hamda O‘zbekiston terma jamoalari sharafini himoya qilgan.

Chusovitina 1992-yilgi Barselona Olimpiadasida jamoaviy musobaqalarda...

Latakiya va Tartusda Suriya hukumati kuchlari bilan sobiq prezident Bashar Asadning tarafdorlari o‘rtasida yuz bergan to‘qnashuvlarda yuzlab odam halok bo‘ldi, deb xabar bermoqda kuzatuvchilar.

Londonda joylashgan Inson huquqlari bo‘yicha Suriya monitoring markazi ma’lumotiga ko‘ra, 7-mart kuni kamida 240 kishi halok bo‘lgan.

Halok bo‘lganlar orasida alavitlar yashaydigan hududlardan bo‘lgan tinch aholi vakillari ham bor. Ushbu diniy guruhga sobiq prezident Bashar Asad va uning oilasi ham mansub.

Markaz xabariga ko‘ra, Mudofaa vazirligi va ichki xavfsizlik xodimlari Al-Muxtariya qishlog‘ida 38 nafar tinch aholini, Ash-Shayir qishlog‘ida 24 fuqaro va Karfis qishlog‘ida 22 nafar kishini o‘qqa tutgan.

Baniyas shahrida (Tartus) xavfsizlik kuchlari tomonidan o‘tkazilgan...

O‘zbekiston va Turkmaniston o‘rtasida erkin savdo rejimi 2025-yil 25-fevraldan rasmiy ravishda kuchga kirdi. Bu haqda Investitsiyalar, sanoat va savdo vazirligi ma’lum qildi.

Mazkur tartib 2024-yil 16-iyulda imzolangan bayonnoma asosida joriy qilindi. Hujjat O‘zbekiston prezidentining 2025-yil 27-yanvardagi PQ-29-son qarori bilan tasdiqlandi.

«Rejimning joriy etilishi natijasida ayrim turdagi mahsulotlardan tashqari ikki mamlakatda ishlab chiqarilgan tovarlarga nisbatan bojxona bojlari bekor qilinib, o‘zaro tovarlar savdosidagi mavjud cheklovlar bartaraf etildi va savdo tartibotlari soddalashtirildi», – deb xabar qildi Investitsiyalar, sanoat va savdo vazirligi.

Masalan, Turkmanistonga olib kirilayotgan mahalliy sement mahsulotlari, to‘qimachilik matolari, mebel, shisha idishlar, kolbasa va go‘sht...

Angliyaning «Manchester Siti» futbol klubi fevral oyining eng yaxshi futbolchisini e’lon qildi. Ushbu unvonga himoyachi Abduqodir Husanov loyiq deb topildi.

Mukofot topshirilgandan so‘ng Husanov klubning Instagram sahifasida e’lon qilingan qisqa intervyuda qatnashdi. Unda futbolchidan ingliz tilidagi sevimli slang so‘zi haqida so‘rashdi. Husanovning javobiga ko‘ra, bu so‘z «buzzing» ekan (baxtli, energiyaga to‘la, hayajonda bo‘lish).

Futbolchi sevimli «cheat meal» (rejalangan parhezni buzib iste’mol qilinadigan taom) sifatida osh va shashlikni tilga oldi.

Husanovning Manchester shahridagi eng yoqtirgan joyi «Etihad» stadioni, jamoa ichidagi eng yaqin do‘sti esa Vitor Reis ekanini aytdi.

Avvalroq Kursiv Uzbekistan Fayzullayevdan Husanovgacha: Oʻzbekistonning ayni damdagi eng qimmat 11 nafar...

Independent nashrining hisob-kitoblariga ko‘ra, Ilon Maskning boyligi Tesla aksiyalari qiymatining tushishi tufayli bir kunda $8,8 milliardga (114 trillion so‘mga) kamaydi. Shu tariqa u dunyoning eng boy odami maqomini yo‘qotishi mumkin.

Tesla aksiyalari S&P 500 indeksining 1,78% ga pasayishi fonida arzonlashdi. Bunga AQSh prezidenti Donald Trampning Kanada, Xitoy va Meksikaga qarshi boj tariflari joriy qilgani sabab bo‘ldi.

2024-yil dekabridan beri Mask $121 milliard yo‘qotgan bo‘lib, bu uning umumiy boyligining 25 foizdan ko‘prog‘ini tashkil etadi. Hozirda uning moliyaviy holati $342 milliard yoki 4,4 kvadrillion so‘m deb baholanmoqda.

Avvalroq Kursiv Uzbekistan Ilon Maskning Grok 3 sun’iy intellekti va uning ChatGPT...

Dongfeng Honda kompaniyasi Xitoy bozoriga mo‘ljallangan yangi Honda S7 krossoverini taqdim etdi. O‘rta o‘lchamli bo‘lishiga qaramay, ushbu model keng g‘ildirak bazasiga ega. Bu haqda Autohome xabar berdi.

Honda S7 ning o‘lchamlari 4750 x 1930 x 1625 mm, g‘ildirak bazasi 2930 mm, minimal klirens 193 mm ni tashkil etadi. Yana bir g‘ayrioddiy xususiyat – orqa ko‘rinish oynalarining yo‘qligi: ularning o‘rniga kameralar o‘rnatilgan.

Model ikkita versiyada taqdim etilgan: asosiy versiya 272 ot kuchiga ega bitta elektromotor bilan jihozlangan bo‘lsa, kuchliroq variant ikki elektromotor bilan keladi va umumiy quvvati 476 ot kuchini tashkil etadi. Ikkinchi versiya 100 km/soat tezlikka atigi...

8-mart kuni O‘zbekiston hududida yog‘ingarchilik kutilmaydi, faqat Toshkent viloyati va Farg‘ona vodiysi viloyatlarida ayrim joylarda biroz yomg‘ir yog‘ishi mumkin. Shamol 7-12 m/s tezlikda esadi, ba’zi joylarda 17-22 m/s gacha kuchayishi, Navoiy va Jizzax viloyatlarida esa ayrim hududlarda 25-30 m/s gacha yetishi mumkin. Harorat 10-15 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkentda ertalab biroz yomg‘ir yog‘ishi ehtimoli bor. Shamol 5-10 m/s tezlikda esadi. Harorat 12-14 daraja iliq bo‘lishi kutilmoqda.

Tog‘li hududlarda esa ayrim joylarda yomg‘ir va qor yog‘ishi mumkin. Shuningdek, tuman tushishi va qor ko‘chishi xavfi borligi haqida ogohlantirilmoqda. Shamol tezligi 7-12 m/s, ayrim joylarda...

O‘zbekiston aholisi 8-mart bayrami munosabati bilan ketma-ket uch kun dam oladi. Biroq ayrim banklar bayram kunlarida ham valyuta ayirboshlash va pul o‘tkazmalari xizmatlarini ko‘rsatishda davom etadi.

Dam olish kunlari ishlaydigan banklar

Quyidagi banklar dam olish (bayram) kunlari ham mijozlarga xizmat ko‘rsatadi. Har bir bank nomiga bosib, qaysi filial yoki bo‘limlar ochiq ekanini bilib olishingiz mumkin:

O‘zbekistonda avtomobil bozori faollashib, sotilgan yengil avtomobillar jami hisobda 78,6 ming donaga yetdi, deya ma’lum qildi Iqtisodiy tadqiqotlar va islohotlar markazi.

Unga ko‘ra, eng katta o‘sish Surxondaryo (27%), Andijon (25%) va Namangan (24%) viloyatlarida qayd etildi.

Yangi avtomobillar bozori 18,5% ga kengayib, 21,7 ming dona avtomobil sotildi. Xorijiy avtomobillar savdosi esa 21% ga oshib, 4,9 ming donani tashkil etdi.

Elektromobillar bozori ham jadal o‘sib bormoqda. Yil boshida ushbu segmentda savdolar 24% ga ko‘payib, 5,5 ming donaga yetdi. Foydalanilgan elektromobillar savdosi yil davomida 3,1 barobar, yangi elektromobillar esa 1,3 barobar oshdi.

Eslatib o‘tamiz, avvalroq Chevrolet yangi Silverado EV ZR2 poyga...

O‘zbekistonning oltin-valyuta zaxiralari fevral oyida $2,03 mlrdga oshib, rekord darajadagi $44,94 mlrdni tashkil etdi. Bu haqda Markaziy bank ma’lum qildi.

Unga ko‘ra, bu so‘nggi o‘n yillikda eng yuqori ko‘rsatkich bo‘lib, jahon bozorida oltin narxining oshishi va qimmatli qog‘ozlar xarid qilinishi bilan bog‘liq.

Markaziy bank fevral oyida 11,8 tonna oltin sotgan bo‘lsa-da, valyuta zaxiralari sezilarli darajada oshdi. Xorijiy qimmatli qog‘ozlarga sarmoya kiritish ham zaxiralarni ko‘paytirishga xizmat qildi.

Oltin-valyuta zaxiralari milliy iqtisodiyot barqarorligini ta’minlashda muhim rol o‘ynaydi. Ular valyuta kursini qo‘llab-quvvatlash, tashqi qarzlarni qoplash va iqtisodiy shoklardan himoya qilish uchun ishlatiladi.

Eslatib o‘tamiz, yanvar oyida Oʻzbekiston dunyoda eng koʻp oltin sotib...

Shavkat Mirziyoyev sanoat uchun muhim minerallar xomashyo bazasini kengaytirish va qo‘shilgan qiymatli mahsulotlar ishlab chiqarish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, O‘zbekistonda volfram, molibden, magniy, litiy, grafit va boshqa qimmatbaho minerallar mavjud bo‘lsa-da, ularni chuqur qayta ishlash va sanoatga jalb qilish yetarlicha rivojlanmagan edi. So‘nggi yillarda bu yo‘nalishda jadal ishlar boshlandi. Kelgusi uch yilda $2,6 mlrdlik 76 ta loyihani amalga oshirish rejalashtirilmoqda.

Davlatimiz rahbari tog‘-kon sanoatida texnologiyalarni rivojlantirish, xomashyoni chuqur qayta ishlash va tayyor mahsulot ishlab chiqarish bo‘yicha aniq topshiriqlar berdi. Shuningdek, Toshkent va Samarqand viloyatlarida texnoparklar tashkil etish taklif qilindi.

Markaziy bank tomonidan tashkil etilgan media muloqot chog‘ida OAV vakillariga bankomatlardan pulni naqd qilish komissiyalari haqida ma’lumot berildi. Markaziy bankning to‘lov tizimlari departamenti direktor o‘rinbosari Miraziz Mirhayotov ushbu komissiyalar bejizga emasligini aytib o‘tdi.

«Bu istalgan davlatlarda kuzatilishi mumkin. Pulni sanash, qayta sanash, saqlash xajajaratlari, shuningdek, bankomatning texnik xarajatlari, elektr energiya to‘lovlari tufayli bu komissiyalar yuzaga keladi. Qo‘shimcha qiladigan bo‘lsak, mamlakatda havo juda isib ketish holatlari kuzatiladi. Bunda albatta ko‘p elektr energiya sarflanadi. E’tibor bergan bo‘lsangiz, har bir bankomat shoxobchasida mijozlarga havo issiq paytda sharoit yaratish maqsadida konditsioner o‘rnatilgan va ular doimiy ravishda ishlamoqda», – deb aytdi...

2025-yilda MDH+ banklarining yevrobond chiqarish hajmi 2024-yilgi rekord darajaga yetishi mumkin. Bunga asosan kreditlarni qayta moliyalashtirish zarurati, ijobiy iqtisodiy sharoit va investorlarning yuqori qiziqishi sabab bo‘lmoqda. Ekspertlarning ta’kidlashicha, bu borada O‘zbekiston va Qozog‘iston banklari yetakchilik qilishi kutilmoqda. Mazkur prognozni Fitch Ratings agentligi e’lon qilgan (hisobot «Kursiv»da mavjud).

O‘zbekiston banklari yevrobond chiqarishni ko‘paytiradimi

Fitch Ratings ma’lumotlariga ko‘ra, 2024-yilda MDH+ banklarining xalqaro obligatsiyalar bozoridagi faolligi sezilarli darajada oshib, jami $3,5 milliardga yetgan (2020-yilda $1,3 mlrd edi). 2025-yilda esa bu tendensiya davom etishi kutilmoqda.

2025-2026-yillarda jami $1,8 milliard miqdoridagi tashqi qarz muddati tugashi kutilayotganligi bois banklar obligatsiyalar chiqarish orqali bu mablag‘larni...

Qozogʻiston prezidenti Qosim-Jomart Toqayev Olmaota aeroportida garovga olingan ayolni jinoyatchidan qutqargan erkakni mukofotlash boʻyicha topshiriq berdi. Bu haqda Qozogʻiston rahbarining matbuot kotibi Ruslan Jeldibay xabar berdi.

Hodisa 7-mart kuni Toshkent vaqti bilan soat 11:45 da sodir boʻlgan. Olmaota aeroportida 67 yoshli fuqaro hujjatlarni tekshirish chogʻida pichoq olib, aeroport xodimini garovga olgan va portlatish bilan tahdid qilgan.

Muzokaralar davomida erkaklardan biri ayolning oʻrniga oʻzini garovga qoʻyishni taklif qildi. Jinoyatchi chalgʻiganida, erkak uni qurolsizlantirgan.

Tengrinews nashri ma’lumotlariga koʻra, aeroport xodimini qutqargan erkakning ismi Abdraim Musa.

Keyinchalik Muso jang san’atining turli turlari bilan shugʻullangani ma’lum boʻldi. Orda.kz portaliga bergan intervyusida u...

Bugun, 7-mart kuni Koʻksaroy qarorgohida Shavkat Mirziyoyev ishtirokida 8-mart — Xalqaro xotin-qizlar kuni munosabati bilan tantanali marosim boʻlib oʻtdi.

Davlat rahbari ayollarni eng koʻp tashvishga solayotgan muammo ishsizlik ekanini taʼkidladi. Shu bois, ularni tadbirkorlik faoliyatiga kengroq jalb etish maqsadida maxsus dasturlar ishlab chiqilmoqda. 2024-yilda bu yoʻnalishda 17 trillion soʻm kredit ajratildi. Ayol tadbirkorlar tomonidan 81 trillion soʻmlik mahsulot ishlab chiqarilib, $450 millionlik eksport amalga oshirildi.

Shuningdek, prezident Savdo-sanoat palatasi huzurida Tadbirkor ayollar kengashini tashkil etish tashabbusini ilgari surdi. Bu kengash ayol tadbirkorlarni qiynayotgan muammolarni oʻrganib, parlamentga takliflar kiritish bilan shugʻullanadi. Ushbu tashabbusni amalga oshirishga Savdo-sanoat palatasi raisi oʻrinbosari Nodira...

11-martdan AQSh dollarining rasmiy kursi 21,75 so‘mga oshib, 12 940,11 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 855 – 12 910 so‘mdan sotib olayotgan bo‘lsa, 12 930 – 13 000 so‘m oralig‘ida sotmoqda.

Shu bilan birga, yevro 103,72 so‘mga oshib, 14 055,55 so‘mga yetdi. Rossiya rubli esa 0,97 so‘mga oshib, 145,62 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.     

Bugun, 7-mart kuni Koʻksaroy qarorgohida Shavkat Mirziyoyev ishtirokida 8-mart — Xalqaro xotin-qizlar kuni munosabati bilan tantanali marosim boʻlib oʻtdi. Bu haqda prezident matbuot xizmati xabar berdi.

«Mutafakkir bobomiz Alisher Navoiy buyuk ona siymosi, moʻtabar ayol zotini ulugʻlab, ularning baxt-saodati yoʻlida barchamizni fidokor boʻlishga daʼvat etgani albatta bejiz emas. Chindan ham, mehr-oqibat, olijanoblik, muhabbat va sadoqat kabi yuksak insoniy qadriyatlarni kamol toptirishda, oila qoʻrgʻonini mustahkamlashda sizlarning xizmatingizni hech narsa bilan qiyoslab boʻlmaydi», — deydi prezident

Shuningdek, davlat rahbari bugungi kunda ayollar turli soha va tarmoqlarda Oʻzbekiston taraqqiyoti uchun munosib hissa qoʻshayotganini minnatdorlik bilan eʼtirof etdi. Masalan...

Savdo-sanoat palatasi huzurida Tadbirkor ayollar kengashi tashkil etiladi. Bu bo‘yicha prezident taklif berdi.

Yangi kengashning maqsadi — mamlakatda ayol tadbirkorlarning biznesdagi ishtirokini kengaytirish, ularga huquqiy, moliyaviy va amaliy yordam ko‘rsatish hamda yangi imkoniyatlar yaratishdan iborat.

Kengash joylardagi ayol tadbirkorlarni qiynayotgan muammolarni hal qilish uchun parlament oldiga bevosita masala qo‘yish huquqiga ega bo‘ladi.

Shuningdek, tadbirkor ayollarning biznes tashabbuslarini qo‘llab-quvvatlash va zarur shart-sharoit yaratish bo‘yicha ham faoliyat olib boradi.

Avvalroq «Kursiv» O‘zbekistondagi Top – 35 rahbar ayollar reytingi yangilagani haqida yozilgandi.

Raqobat qo‘mitasi tomonidan OAVda reklama axborotlarining qonunchilik talablariga mosligini aniqlash bo‘yicha tekshiruv o‘tkazildi. Bu haqda qo‘mita matbuot xizmati xabar qildi.

Tekshiruvlar natijasida «Tenge bank», «Agrobank», «Ipoteka-bank» va «Tasfinance» mikromoliya tashkilotiga nisbatan ish qo‘zg‘atildi. Qo‘zg‘atilgan ishlar qo‘mita Maxsus komissiyasi tomonidan belgilangan tartibda ko‘rib chiqiladi.

Avvalroq Kursiv Uzbekistan Raqobat qo‘mitasi Coca-cola va Pepsi’ni moliyaviy jarimaga tortgani haqida yozgandi.

Baxtiyor Ibrohimov Oʻzbekistonning Slovakiyadagi birinchi elchisi boʻldi. Ushbu tayinlov haqida «Dunyo» axborot agentligi xabar berdi.

Baxtiyor Ibragimov, shuningdek, Oʻzbekistonning Avstriya va Albaniyadagi diplomatik missiyasini boshqaradi. Elchi Slovakiya prezidenti Peter Pellegriniga ishonch yorliqlarini topshirdi.

Uchrashuvda tomonlar Toshkent va Bratislava oʻrtasidagi munosabatlar yangi bosqichga koʻtarilayotganini taʼkidladilar. Joriy yilda ham har ikki davlat iqtisodiyot va madaniyat sohalarida tadbirlarni rejalashtirgan.

Avvalroq Kursiv Uzbekistan nashri 6-mart kuni Oʻzbekiston prezidenti Shavkat Mirziyoyev olti davlatning yangi elchilarini qabul qilgani haqida yozgan edi.

«Yuksalish» harakati O‘zbekistondagi Top – 35 rahbar ayollar reytingini yangiladi. Bu haqda harakatning matbuot xizmati xabar berdi.

Reytingda boshqaruv sohasida faoliyat yuritayotgan 35 nafar ayollar keltirilgan. 2024-yilda bu ro‘yxatdagi ayollar soni 40 nafarni tashkil etgandi.

Bu yilgi reytingda yetakchilikni Sirdaryo viloyatining Boyovut tumani hokimi Dilfuza Uralova egallagan.

Ushbu reytingni aniqlashda respublikadagi 300 nafardan ortiq nomzodlarning faoliyati tahlil qilindi. Ularning kasbiy yutuqlari, sohani rivojlantirishga qo‘shilgan hissasi va ijtimoiy faolligi hisobga olindi. Shuningdek, ayollarning boshqaruvdagi roli, gender tengligini rivojlantirishdagi o‘rni baholandi.

Ma’lumot uchun, rahbar ayollarning 5 nafari Prezident Administratsiyasida, 3 nafari Oliy Majlis Qonunchilik palatasida, 2 nafari Senatda va...

Ravshan Haydarov Oʻzbekiston U-23 terma jamoasi bosh murabbiyi etib tayinlandi. Bu haqda Oʻzbekiston futbol assotsiatsiyasi (OʻFA) ma’lum qildi.

OʻFA murabbiylar kengashi yigʻilishida U-23 terma jamoasi boshqaruviga nomzod murabbiylar muhokama qilindi. Unga koʻra, «Oʻzbekiston Respublikasida xizmat koʻrsatgan sport ustozi» faxriy unvoni egasi Ravshan Haydarov nomzodi ilgari surildi va rahbariyat tomonidan tasdiqlandi.

Haydarov faoliyati davomida U-22, U-23 toifadagi terma jamoalari va «Paxtakor» klubiga murabbiylik qilgan. Uning faoliyatida jamoalar ikki karra Osiyo chempioni boʻlgan. Shuningdek, ikki bor Jahon chempionati ishtirokchisiga aylangan.

Eslatib oʻtamiz, Kursiv Uzbekistan «Paxtakor» Toshkentda «Al-Hilol» ustidan gʻalaba qozongani haqida yozgan edi.

Olmaotada BMTning Markaziy Osiyo va Afgʻoniston uchun Barqaror rivojlanish maqsadlari (BRM) markazi ochiladi. Bu haqda Qozogʻiston tashqi ishlar vazirligi xabar bermoqda.

Markazni tashkil etish tashabbuskori Qozogʻiston rahbari Qosim-Jomart Toqayev. Rezolyutsiya BMT Bosh Assambleyasi yigʻilishida bir ovozdan qoʻllab-quvvatlandi. Unga 152 ta davlat tomonidan hammualliflik qilgan.

Markaz Markaziy Osiyo davlatlari, xalqaro tashkilotlar, biznes va notijorat birlashmalari oʻrtasidagi hamkorlik platformasi sifatida faoliyat yuritadi. U Qozogʻiston va Markaziy Osiyoning boshqa mamlakatlarida barqaror rivojlanish loyihalarini muvofiqlashtiradi.

Toqayevning soʻzlariga koʻra, Qozogʻiston mintaqaviy integratsiya jarayonlarida yetakchi rol oʻynashga tayyor. Ofisning ochilishi BMTga tashkilot dasturlarini mintaqa sharoiti va ehtiyojlariga yaxshiroq moslashtirishga yordam beradi. Markaz oʻzaro tajriba almashish...