Yangiliklar

Markaziy bank 2025-yil yanvar oyi yakunlari bo‘yicha tijorat banklarining muammoli kreditlari (NPL) hajmini e’lon qildi.

1-fevral holatiga ko‘ra, muammoli kreditlar umumiy miqdori 23 trln 768 mlrd so‘mga yetgan. Bu ko‘rsatkich 1-yanvar bilan solishtirilganda 2,6 trln so‘mga ko‘paygan. Jami kreditlardagi NPL ulushi esa 4,5 foizga yetgan.

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami qarzi 16,8 trln so‘mni tashkil qilgan bo‘lsa, xususiy banklarda bu ko‘rsatkich 6,9 trln so‘mga yetgan.

Davlat banklari orasida qaytarilmayotgan kredit qarzdorligi eng yuqori bank «O‘zmilliybank» 3,7 trln so‘m bilan yetakchilik qilgan. Ammo bankning jami kreditlardagi NPL ulushi 3,5%. Shuningdek, «Biznesni rivojlantirish banki»da...

Oʻzbekiston Respublika tovar-xomashyo birjasi (OʻzRTXB) kuzatuv kengashi har bir aksiya uchun 382 soʻm miqdorida dividend toʻlashni tavsiya etdi. Bu haqda Yagona korporativ axborot portalida ma’lum boʻldi.

Qaror aksiyadorlarning umumiy yigʻilishi tomonidan tasdiqlanishi lozim. Agar toʻlov miqdori oʻzgarmasa, OʻzRTXB qogʻozlarining dividend daromadliligi bozor narxiga nisbatan 10,64 foizni tashkil etadi.

Oʻtgan yilgi SPO (ikkilamchi ommaviy joylashtirish)ning oʻrtacha narxiga nisbatan daromadlilik 14,81 foizga yetadi.

2024-yil mart oyida birja har bir qogʻoz uchun 2,6 ming soʻm dividend toʻlagan edi. Biroq 2024-yil noyabr oyida kompaniyaning ustav kapitali oshirildi. Har bir investor mavjud har bir aksiyaga toʻrttadan qoʻshimcha aksiya oldi. Aksiyalar soni...

Davlat xavfsizlik xizmati (DXX) xodimlari tomonidan olib borilgan tadbirda 17 nafar soliq, 1 nafar bojxona xodimi, 1 nafar bank xodimi, 1 nafar tuman hokimining birinchi oʻrinbosari, 18 nafar xoʻjalik yurituvchi subyektlardan iborat uyushgan jinoiy guruh faoliyati fosh etildi. Bu haqda davlat xizmati xabar bermoqda.

Jinoiy toʻda 2020-yildan 2023-yilgacha sakkizta soxta korxona tashkil etgan. Xorijga mebel mahsulotlarini soxta eksport qilishda roʻyxatdan oʻtkazayotganda 15% QQSni noqonuniy ravishda qaytarib bergan. Bu esa 24,6 mlrd soʻmlik budjet mablagʻlarining oʻgʻirlanishiga olib kelgan.

Jinoiy guruh faoliyatini soliq xizmatining sobiq xodimi muvofiqlashtirgan. U amalda boshqargan korxonalar Namangan viloyati Yangiqoʻrgʻon tumanida roʻyxatdan oʻtgan boʻlsa-da, ularning yuridik manzillari...

Prezident Shavkat Mirziyoyev bosh vazir Abdulla Aripovga 117 ta vazirlik va idoralardagi «Korrupsiyaga qarshi ichki nazorat» tuzilmalari rahbarlarini lavozimidan ozod etib, ularning oʻrniga professional kadrlar toʻgʻrisida topshiriq berdi. Bu haqda prezident matbuot xizmati xabar bermoqda.

Vazirliklarning qonun hujjatlariga rioya etish boʻyicha hududiy mutasaddilari bevosita vazir tomonidan tayinlanadi.

Korrupsiyaga qarshi kurash agentligining ish uslubi oʻzgartiriladi. Tajriba tariqasida boshqarmaga beshta vazirlik va tashkilot: Sogʻliqni saqlash vazirligi, Qurilish vazirligi, Suv xoʻjaligi vazirligi, «Oʻzbekneftgaz» va «Oʻzsuvta’minot» aksiyadorlik jamiyatlari ustidan qonunchilik talablariga rioya etilishi ustidan nazorat yuklanadi.

Yil yakunida ularning rahbariyati Milliy kengash oldida korrupsiyaga qarshi kurashda erishgan muvaffaqiyatlari haqida hisobot berishi shart.

Shuningdek...

O‘zbekistonda avtomobillardagi mavjud texnik nosozliklar sababli harakat paytida aniqlangan tezlikdan amaldagi 5 km/soat ayirib tashlash amaliyoti 10 km/soatga ko‘tarilishi mumkin. Bu bo‘yicha bosh vazir o‘rinbosari Achilbay Ramatov topshiriq bergan.

Ya’ni agar ushbu loyiha amalga oshsa, shahar hududlaridagi haydovchilar jarimaga tortilish xavfisiz soatiga 70 kilometr tezlikda harakatlanishi mumkin bo‘ladi.

Shuningdek, tabiat resurslari vazirining maslahatchisi Rasul Kusherbayev bu haqda normativ hujjat loyihasi allaqachon tayyorlangani haqida yozgan.

Shu bilan birga, 1-mayga qadar foto va video qayd etish axborot tizimlarini joriy etish, ishga tushirish va foydalanish bo‘yicha yagona davlat standartini ishlab chiqish bo‘yicha ham topshiriq berilishi mumkin.

Avvalroq Kursiv Uzbekistan o‘tgan yilning 1-sentabrdan...

DxOMark mutaxassislari Xiaomi 15 Ultra smartfonining kameralarini sinovdan o‘tkazib, unga 153 ball baho qo‘yishdi. Ushbu natija Xiaomi flagmanini Pixel 8 Pro va Oppo Find X6 Pro bilan bir xil ball to‘plagan qurilmalar qatoriga qo‘ydi, biroq iPhone 15 Pro Max bu reytingda yuqoriroq o‘rinda turibdi.

Shunday bo‘lsa-da, Xiaomi 15 Ultra fotosurat sifati va televizor kameralarida sirt teksturasini qayta ishlash bo‘yicha rekord natija ko‘rsatdi. Biroq umuman olganda, smartfon bozor yetakchisi bo‘la olmadi.

Xiaomi 15 Ultra Yevropada 1,5 ming yevrodan sotilmoqda, bu esa uni Apple va Samsung flagmanlaridan ham qimmatroq smartfonlardan biriga aylantiradi. DxOMark natijalariga ko‘ra, bu hali ham eng yaxshi kamerali...

Prezident Shavkat Mirziyoyev Korrupsiyaga qarshi kurashish agentligining ishlash uslubidan mutlaqo noroziligini qayd etdi. Uning so‘zlariga ko‘ra, agentlik xodimlari joylarga borib, muammolarni tahlil qilish va ularga yechim topish o‘rniga faqat jinoyat statistikalarini sanash bilan cheklanib qolmoqda.

Davlat rahbari agentlik rahbariyatining korrupsiya eng ko‘p uchraydigan tumanlardagi sog‘liqni saqlash, bandlik bo‘limlari yoki bank filiallariga borib, real holatni o‘rganmagani va zamonaviy nazorat tizimlarini joriy etish bo‘yicha taklif bermagani uchun keskin tanqid qildi.

Prezident topshirig‘i bilan investitsiya dasturlari ustidan nazorat kuchaytirilganidan so‘ng o‘tgan yili 3 trln so‘m, sog‘liqni saqlash tizimida «Situatsion markaz» ishga tushirilishi natijasida esa 1,2 trln so‘m maqsadsiz xarajatlarning oldi olindi.

Shu...

Favqulodda vaziyatlar vaziri va uning oʻrinbosarlari qurilishga ruxsat berish, binoni topshirishda yongʻin xavfsizligi boʻyicha byurokratiya va qonun buzilish koʻpayib ketgani uchun ishdan olingan. Bu haqda prezident Shavkat Mirziyoyev korrupsiyaga qarshi kurashish boʻyicha milliy kengash yigʻilishida ma’lum qildi.

Davlat rahbarining ma’lum qilishicha, korrupsiyani tag-tomiri bilan quritish uchun avvalo inson omili va qogʻozbozlikni kamaytirishga alohida e’tibor qaratilmoqda.

«Qurilish sohasi eng korrupsiyalashgan sohalardan biri edi. “Shaffof qurilish» dasturi joriy etilganidan keyin bu yoʻnalishda ham ijobiy oʻzgarishlar sezilmoqda”, – deydi davlat rahbari.

Ilgari investitsiya dasturiga kirgan obyektlarni quradigan pudratchilar mingtaga ham yetmasdi. Oʻtgan yili 13,5 mingta obyekt qurilishida...

Jamiyatda korrupsiya muammosini jamoatchilik muhokamasiga olib chiqadigan ochiq tizim va muhit shakllanmoqda. Ayniqsa, ommaviy axborot vositalarining bu boradagi o‘rni va ta’siri ortib borayotgani Shavkat Mirziyoyev boshchiligidagi korrupsiyani oldini olish bo‘yicha yig‘ilishida qayd etildi.

Ilgari korrupsiya mavzusi jurnalistlar uchun mutlaqo yopiq bo‘lsa, bugungi kunda ochiqlik va shaffoflik tamoyillari yetakchi o‘ringa chiqdi.

Natijada O‘zbekiston ochiqlik bo‘yicha xalqaro reytingda 138 pog‘onaga ko‘tarilib, Markaziy Osiyoda birinchi, dunyo miqyosida esa 30-o‘ringa chiqdi.

«Takror va takror aytaman: biz ochiqlik siyosatini, so‘z erkinligi g‘oyalarini hayotga tatbiq etishda hamisha qat’iy bo‘lamiz!», – dedi davlat rahbari.

Ichki ishlar bosh boshqarmasida boʻlib oʻtgan yigʻilishda poytaxt boshqarmasiga Ravshan Sultonxoʻjayev rahbar etib tayinlandi. Bu haqda hukumat portalida ma’lum qilindi.

Ravshan Sultonxoʻjayev tayinlanuvga qadar Xorazm viloyati Ichki ishlar boshqarmasi boshlig‘i lavozimida faoliyat yuritgan.

Toshkent shahar Ichki ishlar bosh boshqarmasining sobiq boshligʻi Aziz Toshpoʻlatov bir necha kun oldin Oʻzbekiston ichki ishlar vaziri lavozimiga tayinlangan edi.

Eslatib oʻtamiz, Kursiv Uzbekistan nashri Aziz Toshpoʻlatovning ichki ishlar vaziri lavozimiga tayinlangani haqida yozgan.

Xitoyning yetakchi avtomobil ishlab chiqaruvchisi Geely o‘zining barcha modellari uchun boshqaruv tizimi – G-Pilot’ni joriy etishini e’lon qildi. Bu kompaniyaning Zeekr, Lynk & Co va LEVC kabi brendlari avtomobillariga ham tegishli bo‘ladi. Bu haqda Avtorevyu nashri ma’lum qildi.

Geely’ning bu qarori Xitoy avtosanoatida yangi bosqichni boshlab beradi. Avvalroq BYD God’s Eye deb nomlangan avtopilot tizimini barcha avtomobillarida joriy qilishini ma’lum qilgan edi. Geely esa unga raqobatchilik qilgan holda besh xil G-Pilot variantini taklif etadi.

G-Pilot tizimining konfiguratsiyalari:

Bundan tashqari, Geely Flyme Auto operatsion tizimiga sun’iy intellektni chuqur integratsiya qilishini ham e’lon qildi. Bu tizim animatsion avatarlarga ega ovozli yordamchi...

iPhone 8 va iPhone X bilan boshlangan 64 GB xotira davri nihoyasiga yetdi. Apple’ning barcha yangi iPhone va iPad modellari endi kamida 128 GB flesh-xotira bilan jihozlanadi, deya yozmoqda Macrumors.

Unga ko‘ra, Apple ilgari 64 GB bazaviy xotiraga ega bo‘lgan oxirgi modellar sifatida iPhone SE (3-avlod) va iPad 10’ni taqdim etgan edi. Biroq ushbu qurilmalar ishlab chiqarishdan olib tashlandi va ularning o‘rniga minimal 128 GB xotiraga ega iPhone 16e hamda A16 chipli yangi iPad sotuvga chiqarildi.

Shuningdek, 2024-yil oktabrdan boshlab Apple o‘zining barcha Mac modellarini kamida 16 GB operativ xotira (RAM) bilan jihozlashni boshladi. Ilgari bu ko‘rsatkich 8 GB...

Jahon oltin kengashi (WGC) ma’lumotlariga koʻra, yanvar oyida Oʻzbekiston dunyoda eng koʻp oltin sotib olgan davlat boʻldi.

Mamlakat Markaziy banki 8 tonna oltin xarid qilib, zaxiralarini 391 tonnaga yetkazdi. Bu esa Oʻzbekistonning umumiy zaxiralarining 82 foizini tashkil etadi.

Xitoy Xalq banki 5 tonna, Qozogʻiston Milliy banki esa 4 tonna oltin sotib olib, zaxiralarini oshirdi. Xitoyning oltin zaxiralari 2285 tonnaga (umumiy zaxiralarning 6%), Qozogʻistonning esa 288 tonnaga (55%) yetdi.

Shuningdek, Polsha, Hindiston, Chexiya va Qatar markaziy banklari ham oltin xarid qilishda davom etdi. Ayni paytda Rossiya, Iordaniya va Qirgʻiziston markaziy banklari yanvar oyida eng koʻp oltin sotgan davlatlar boʻldi.

Eslatib...

BYD va DJI dron ishlab chiqaruvchi kompaniyasi Ling Yuan avtomobilga oʻrnatilgan dron tizimini chiqardi. Bu haqda Cnewpost nashri xabar bermoqda.

Tizim dronni transport vositasi bilan birlashtirib, unga transport vositasining harakatini va atrofini kuzatish uchun yangi koʻrinish imkoniyatini taqdim etadi. To‘plam narxi $2,2 ming.

To‘plamda dronlar uchun quti, dron va bortda joylashishni aniqlash moduli mavjud. Dron qutisining hajmi 0,29 kv.m, qalinligi esa 21,5 smni tashkil etadi.

Tizim dronlarning 25 km/soat tezlikda dinamik uchishi va qoʻnishini ta’minlaydi. Shuningdek, 2 km ichida avtomatik ravishda qaytib kelishini ham qoʻllab-quvvatlaydi. Dron 54 km/soat tezlikda avtomobilni kuzatib bora oladi. Dron batareya quvvati kam boʻlganda avtomatik...

YouTube noqonuniy qimor saytlariga havola beruvchi videolarga qarshi yangi choralar ko‘rmoqda. Bu haqda CNN axborot agentligi ma’lum qildi.

Unga ko‘ra, platforma foydalanuvchilarni ruxsat etilmagan qimor saytlarga yo‘naltiruvchi havolalar, matnlar yoki logotiplarni o‘z ichiga olgan kontentni taqiqladi.

Bundan tashqari, 18 yoshdan kichik foydalanuvchilar va tizimga kirmaganlar onlayn qimor reklama qiluvchi videolarni ko‘ra olmaydi. Yangi qoidalar 19-martdan kuchga kiradi.

YouTube noqonuniy qimor faoliyatining oldini olish va xavfsiz muhit yaratish maqsadida ushbu choralarga qo‘l urgani aytilmoqda.

Eslatib o‘tamiz, avvalroq YouTube videolarga avtomatik dublyaj funksiyasini qo‘shgan edi.

Xokkey boʻyicha jahon chempionatida Oʻzbekiston yoshlar terma jamoasi (U-18) Bosniya va Gersegovina terma jamoasi bilan uchrashuvda gʻalaba qozondi. Bu haqda Milliy olimpiya qoʻmitasi (MOQ) xabar bermoqda.

Oʻzbekistonlik sportchilar raqiblarini 11:3 hisobida magʻlub etishdi. Bu jamoamiz uchun chempionatdagi toʻrtinchi oʻyin boʻldi.

Oʻzbekiston jamoasi navbatdagi oʻyinni 6 mart kuni oʻtkazadi. Uchrashuv Tailand terma jamoasi bilan rejalashtirilgan. Gʻolib uchinchi divizionning «A» guruhida oʻynaydi.

Avvalroq Kursiv Uzbekistan respublika yoshlar xokkey terma jamoasi Janubiy Afrika jamoasini magʻlub etgani haqida yozgan edi.

6-mart, payshanba kuni muborak Ramazon oyining oltinchi kuni bo‘lib, Toshkent shahrida saharlikning tugashi soat 5:32 ni tashkil qiladi. Iftorlik esa 18:22 da boshlanadi.

O‘zbekistondagi qolgan shaharlar uchun vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan kimlar ro‘za tutmasligi mumkinligi haqida maqola tayyorlagan bergan edi. 

Ukraina prezidenti Vladimir Zelenskiy AQSh prezidenti Donald Tramp bilan Oq uyda bo‘lib o‘tgan uchrashuvni «achinarli» deb atadi va Ukrainaning tinchlik muzokaralariga tayyorligini ta’kidladi. Bu haqda CNN axborot agentligi ma’lum qildi.

Unga ko‘ra, Zelenskiy X platformasida Tramp bilan muloqotidan so‘ng: «Biz kelajakdagi hamkorlik va muloqotning konstruktiv bo‘lishini istaymiz. Ukraina tinchlikka sodiq», – deb yozdi.

Ukraina yetakchisi, shuningdek, Rossiya bilan urushni tugatish bo‘yicha dastlabki bosqich sifatida mahbuslarni ozod qilish, havo va dengiz hududlarida sulh tuzish taklifini ilgari surdi.

Tramp esa Ukraina harbiy yordamni davom ettirish uchun Zelenskiyning tinchlik muzokaralariga majburiyat olishini talab qildi. Bu qaror Ukrainaga katta ta’sir ko‘rsatishi kutilmoqda.

Eslatib...

Ekologiya vaziri Aziz Abduhakimov Jahon bankining global direktori Sameh Vahba bilan uchrashuv o‘tkazdi. Bu haqda vazirlik matbuot xizmati ma’lum qildi.

Unga ko‘ra, uchrashuvda irrigatsiya, landshaftlarni tiklash va havo ifloslanishini nazorat qilish sohalarida hamkorlikni kengaytirish masalalari muhokama qilindi.

Tomonlar «Resiland» loyihasi doirasida Markaziy Osiyoda yer degradatsiyasi va iqlim o‘zgarishiga qarshi kurashish masalasiga alohida e’tibor qaratdi. Shuningdek, O‘zbekistonning 2025-yilni «Atrof-muhitni asrash va yashil iqtisodiyot yili» deb e’lon qilgani hamkorlarga taqdim etildi. Yil davomida Samarqand iqlim forumi, «Eco Expo» xalqaro ko‘rgazmasi va CITES COP20 konferensiyasi kabi yirik tadbirlar o‘tkazilishi rejalashtirilgan.

Jahon banki Toshkent shahrida havo sifatini baholash hamda havo monitoringini yaxshilash bo‘yicha...

O‘zbekistonning barcha hududlarida havo biroz bulutli bo‘ladi, yog‘ingarchilik kutilmaydi. Kechasi va ertalab pasttekislik va daryolar yaqinida tuman tushishi mumkin, deya xabar bermoqda «O‘zgidromet».

Shamol asosan sharqdan esadi, ba’zi joylarda 13-18 m/s gacha kuchayishi mumkin.

Toshkent shahrida kechasi harorat 1-3 daraja sovuq, kunduzi 8-10 daraja iliq bo‘ladi.

Qoraqalpog‘iston va Xorazm viloyatida kechasi 3-8 daraja sovuq, kunduzi 5-10 daraja iliq bo‘lishi kutilmoqda.

Ustyurt platosida esa kechalari harorat 8-13 daraja sovuqqacha tushishi mumkin.

Buxoro va Navoiy viloyatlarida kechasi 3 daraja sovuqdan 2 daraja iliqqacha, kunduzi 10-15 daraja iliq bo‘ladi.

Navoiy viloyatining shimolida esa kechalari harorat 2-7 daraja sovuq...

Futbol bo‘yicha Elit Chempionlar ligasining nimchorak final o‘yinida «Paxtakor» «Al-Hilol» ustidan minimal 1:0 hisobida gʻalaba qozondi.

Uchrashuvni maydon egalari faol boshladi va 29-daqiqada Riaskosning uzatgan to‘pini Flamarion darvozaga yo‘llab, hisobni ochdi.

Ikki jamoada ham qator vaziyatlar boʻlishiga qaramasdan uchrashuvda boshqa hisob o‘zgarmadi.

Ushbu jamoalar o‘rtasidagi javob uchrashuvi 11-mart kuni Saudiya Arabistonida bo‘lib o‘tadi.

Avvalroq Kursiv Uzbekistan «Paxtakor» Elit Chempionlar ligasi doirasida qancha mablagʻ ishlab topgani haqida yozgan edi.

Chevrolet kompaniyasi 2026-yilgi Equinox krossoverining narxlari haqida ma’lumot berdi. Bazaviy modelning boshlang‘ich narxi deyarli $30 ming etib belgilangan, to‘liq uzatmali versiyalar esa $31,99 mingdan sotuvga chiqadi. Sport uslubidagi Activ va RS modifikatsiyalarining narxi $34,4 mingdan boshlanadi.

Xaridorlarga bir qator qo‘shimcha opsiyalar ham taklif etiladi. LT versiyasi uchun Convenience Package II to‘plami mavjud bo‘lib, u elektr boshqaruvli o‘rindiqlar, yomg‘ir sensori va simsiz quvvatlash tizimini o‘z ichiga oladi. Shuningdek, Midnight Edition opsiyasi qora dizayn aksentlari bilan ajralib turadi. Activ va RS versiyalarida Convenience Package III to‘plami taklif qilinib, old o‘rindiqlar ventilyatsiyasi hamda orqa o‘rindiqlar isitish tizimi bilan jihozlangan.

Krossover 175 ot...

Adliya vazirligi tomonidan davlat xizmatlari bo‘yicha sun’iy intellektga asoslangan «Odil» chat-boti ishga tushirildi. Bu haqda Adliya vazirligi matbuot xizmati xabar qildi.

Telegram messenjeriga integratsiyalashgan ushbu bot fuqarolarga davlat xizmatlari bo‘yicha ma’lumot olishni osonlashtirish maqsadida ishlab chiqilgan. Bot’da davlat xizmatlaridan foydalanish tartiblari, talablar va jarayonlar haqida batafsil ma’lumot taqdim etiladi. Shuningdek, kerakli hujjatlar va arizalarni topishga yordam beradi hamda qaysi masala bo‘yicha qayerga murojaat qilish kerakligini tushuntiradi.

Bot’ning ishga tushirilishi natijasida «1148» ishonch telefoni operatorlari yuklamasi sezilarli darajada kamayib, foydalanuvchilar so‘rovlariga real vaqt rejimida tezkor javob olish imkoniga ega bo‘ladi. Sinab ko‘rish uchun: @Odil_chat_bot

Ma’lumot uchun, 2024-yilda «1148» ishonch...

Amerikaning Colossal Biosciences kompaniyasi genetik modifikatsiya orqali «jundor sichqon» yaratdi. Bu haqda CNN axborot agentligi ma’lum qildi.

Unga ko‘ra, bu tajriba olimlarga yo‘qolib ketgan hayvonlarning xususiyatlarini tiklash yo‘lida muhim qadam bo‘lishi mumkin. Sichqonning jingalak mo‘ylovlari va uzun, to‘lqinsimon tuklari uni junli mamontga o‘xshash qilib ko‘rsatadi.

Tadqiqotchilar mamont va eng yaqin tirik qarindoshi – Osiyo filining genlari o‘rtasidagi farqlarni aniqlab, sichqon DNKsiga mos o‘zgarishlar kiritdi. Soch o‘sishini nazorat qiluvchi FGF5 geni tahrirlanib, sichqonning tuklari qalinlashdi va uzunlashdi. Shuningdek, boshqa genlar ham tuklarning tuzilishi va rangi uchun modifikatsiya qilindi.

Lekin ayrim olimlar tajribani tanqid qilib, sichqonlarning sovuqqa chidamliligini o‘rganish lozimligini aytishmoqda...