Yangiliklar

Lada avtomobillari Birlashgan Arab Amirliklari bozorida sotila boshlandi. Bu haqda «Avtopotok» ma’lum qildi. Rasmiy savdolar uchun olib kelingan ilk partiya avtomobillarning bir qismi allaqachon xaridorlarga topshirilgan.

Ma’lumotlarga qaraganda, avtomobillar test-drayvsiz sotilgan. Shunga qaramay, bu holat xaridorlarni to‘xtatmagan. Sotilgan modellari orasida Lada Aura biznes-sedani, Lada Iskra hamda sport talqindagi Niva Sport bor.

Avvalroq Lada Niva Travel BAA bozorida taxminan $17,7 mingdan taklif etilayotgani xabar qilingan edi. Lada Vesta narxi esa $22,6 mingdan boshlanadi.

Ma’lumot uchun, Lada Iskra Rossiyaning Lada brendi tomonidan ishlab chiqilgan yangi ommaviy yengil avtomobil hisoblanadi. Model AvtoVAZ zavodida yaratilgan bo‘lib, u Lada Granta va Lada Vesta o‘rtasidagi...

2025-yilda O‘zbekistonda 45,3 ming nafar jismoniy shaxsga elektr tarmoqlariga uzatilgan quyosh energiyasi uchun davlat budjetidan 209 mlrd 201 mln so‘m subsidiya ajratildi. Hududlar kesimida tahlil qilinganda, subsidiya oluvchilar va to‘langan mablag‘lar bo‘yicha Xorazm viloyati yetakchilik qilmoqda.

Xorazm viloyatdagi foydalanuvchilarga jami 55 mlrd 405 mln so‘m to‘lab berilgan. Undan keyingi o‘rinlarni Qoraqalpog‘iston Respublikasi (29 mlrd 123 mln so‘m) hamda Buxoro viloyati (25 mlrd 740 mln so‘m) egallagan. Shuningdek, Qashqadaryo viloyatida 18 mlrd 161 mln so‘m va Navoiy viloyatida 13 mlrd 464 mln so‘m miqdorida subsidiya ajratilgan.

Toshkent shahrida ushbu ko‘rsatkich 13 mlrd 335 mln so‘mni tashkil etgan. Ro‘yxatning quyi...

3-fevral uchun valyutalar kursi yangilandi. Unga ko‘ra, dollar 17,01 so‘mga oshib, 12 242,17 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

23-yanvarda 14,85 so‘mga oshib, 12 136,92 so‘mga yetdi. 26-yanvarda 51,97 so‘mga tushib, 12 084,95 so‘mni tashkil etdi. 27-yanvar esa dollar 13,17 so‘mga tushib, 12 098,12 so‘mga yetdi. 28-yanvarda 29,90 so‘mga oshib, 12 128,02 so‘mni tashkil etgan edi. 29-yanvarda dollar 40,96 so‘mga oshib, 12 168,98 so‘mni, 30-yanvarda esa 32,13 so‘mga oshib, 12 199,10 so‘mni  tashkil etdi. 2-fevral kuni dollar 26,06 so‘mga oshib, 12 225,16 so‘mga...

Aholi va qishloq xo‘jaligini ro‘yxatga olish jarayonlarining birinchi bosqichida 30 milliondan ortiq aholi tizimda ro‘yxatdan o‘tdi.

Birinchi bosqich 2026-yilning 15–31-yanvar kunlari census.stat.uz portali orqali onlayn shaklda amalga oshirildi. Dastlabki ma’lumotlarga ko‘ra, atigi 17 kun ichida mamlakatdagi barcha xonadonlarning 82,3 foizida yashovchi 30 milliondan ortiq aholi onlayn savolnomani to‘ldirdi. Bu ko‘rsatkich MDH davlatlari orasida rekord natija sifatida qayd etildi.

Onlayn bosqichda qatnashmagan yoki savolnomani xatolar bilan to‘ldirgan fuqarolar uchun ikkinchi bosqich 4–28-fevral kunlari o‘tkaziladi. Bu jarayonda mahalla yettiligi vakillari uyma-uy yurib, ma’lumotlarni planshetlar orqali tizimga kiritadi.

Tayyorgarlik doirasida 7,6 milliondan ortiq turar joy obyektlarining GPS manzillari aniqlashtirildi. Shuningdek, ro‘yxatga...

Andijon viloyatida iste’molchilardan asossiz ravishda 3,5 milliard so‘mdan ortiq mablag‘ undirib olgan korxona aniqlandi. Bu haqda Raqobatni rivojlantirish va iste’molchilar huquqlarini himoya qilish qo‘mitasi xabar berdi.

Gap shundaki, «And Obod» MChJ tomonidan aholiga maishiy chiqindilarni yig‘ish va tashib chiqish xizmatlarini ko‘rsatish jarayonida qonunbuzarlikka yo‘l qo‘yilgan. Xususan, mazkur korxona o‘z zimmasiga yuklatilgan hududlarda chiqindilarni belgilangan grafik asosida to‘plash va tashib chiqish ishlarini to‘liq va sifatli bajarmagan. Buning oqibatida ayrim hududlarda ko‘plab chiqindilar to‘planib qolgan.

Olib borilgan hisob-kitoblar natijasida korxona tomonidan iste’molchilardan jami 3 mlrd 585 mln so‘mga yaqin miqdorda asossiz ortiqcha daromad olingani ma’lum bo‘ldi.

Maxsus komissiya tomonidan korxonaga...

O‘zbekiston vakillari va Chexiya transport vazirligi rasmiylari mamlakatga «Škoda Transportation» elektr poyezdlarini yetkazib berish bo‘yicha muzokaralar o‘tkazdi. Bu haqda Dunyo xabar bermoqda.

Muzokaralar Pragada O‘zbekiston delegatsiyasi va Chexiya transport vaziri maslahatchisi Mikulash Mislbek o‘rtasida bo‘lib o‘tdi. Chexiya tomoni Pragada O‘zbekiston elchixonasining ochilishi iqtisodiy va transport diplomatiyasini faollashtirishda muhim qadam bo‘lganini ta’kidladi. Tomonlar, shuningdek, aviatsiya va temir yo‘l infratuzilmasini rivojlantirishda hamkorlik qilish masalalarini ko‘rib chiqdilar.

Suhbat davomida nafaqat temir yo‘l, balki Omnipol va ERA kompaniyalari ishtirokida aviatsiya tarmog‘ini modernizatsiya qilish masalalariga ham e’tibor qaratildi. Uchrashuvda O‘rta koridor» tranzit yo‘nalishini rivojlantirish va Chexiya kompaniyalarining Markaziy Osiyo bozoriga kirish istiqbollari muhokama qilindi.

International Finance Corporation (IFC) O‘zbekistonda alyuminiy bankalar ishlab chiqaruvchi birinchi zavodni rivojlantirish maqsadida East Can Solutions kompaniyasiga investitsiya kiritmoqda. Bu haqda IFC Kursiv Uzbekistan’ga ma’lum qildi.

Investor kompaniyaga ko‘ra, Toshkent shahrida joylashgan ushbu korxona ichimlik ishlab chiqaruvchilarni to‘liq qayta ishlanadigan qadoqlash mahsulotlari bilan ta’minlaydi. Bu esa bozordagi ortib borayotgan talabni qondirish, ichki taklifni kengaytirish va importga bo‘lgan qaramlikni kamaytirishga xizmat qiladi.

IFC investitsiyalari ushbu loyiha doirasida 200 dan ortiq bevosita ish o‘rinlarini yaratishga yordam berishi va atrof-muhitga ijobiy ta’sir ko‘rsatishi kutilmoqda. Zavodning yillik ishlab chiqarish quvvati 1,1 milliard dona alyuminiy bankaga yetishi rejalashtirilgan.

«East Can Solutions» MChJ asoschisi Shuhrat Ergashevning...

UzAuto Motors O‘zbekistonda yangi Chevrolet Traverse Z71 modeli sotuvi boshlanganini e’lon qildi. Uning narxi 795 mln so‘mni tashkil etadi.

Ma’lum qilinishicha, avtomobilni xarid qilish bo‘yicha shartnomalarni UzAuto Motors’ning barcha rasmiy dilerlik markazlarida rasmiylashtirish mumkin.

Qo‘shimcha ma’lumotni kompaniyaning +998 78 141 77 77 raqamli call-markazi orqali yoki rasmiy sayt orqali olish mumkin.

Model haqida

Zamonaviy avtomobil bozorida kuch, qulaylik va texnologiyalarni birlashtirgan yirik krossoverlarga talab yuqori bo‘lib qolmoqda. Ushbu 7 o‘rinli, to‘liq yurituv tizimiga ega krossover ham aynan shu segmentga mo‘ljallangan. Model o‘zining yirik o‘lchamlari, kuchli turbodvigateli va keng ichki makoni bilan katta oila hamda uzoq safarlar uchun mos...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 23-yanvardan 30-yanvargacha bo‘lgan davrda salbiy dinamikani ko‘rsatib, UCI fond indeksi 0,4 foizga tushdi.

Ushbu davr mobaynida «O‘zbektelekom»ning imtiyozli aksiyalari eng katta o‘sishga erishib, 8,61 foizga qimmatlashdi. Shuningdek, «O‘zsanoatqurilishbank» (+5,16%) va «Trastbank» (+5%) aksiyalarida ham o‘sish qayd etildi.

O‘z navbatida, «Ipoteka-bank»ning imtiyozli aksiyalari 11,21 foizga arzonlashib, haftaning eng katta pasayishini qayd etdi. Bundan tashqari, «Aloqabank» (-10,13%) va «Hamkorbank» (-10,12%) aksiyalari ham pasayish bilan ajralib turdi. Faqatgina «O‘zbektelekom»ning oddiy aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Hamkorbank» (1 082 ta bitim), «Chilonzor buyum savdo kompleksi» (1 045 ta) va...

2025-yilda yuk tashishlarga bo‘lgan talab yuk-tonna-kilometrlar hisobida 3,4 foizga oshdi. Bu haqda Xalqaro havo transporti assotsiatsiyasi (IATA) Kursiv Uzbekistan nashriga ma’lum qildi. Xalqaro yuk tashishlar bo‘yicha o‘sish 4,2 foizni tashkil etdi. Yuk tashish sig‘imi esa 3,7 foizga kengaydi.

Dekabr oyida global yuk talabi 2024-yil dekabriga nisbatan 4,3 foizga oshdi. Xalqaro yo‘nalishlarda bu ko‘rsatkich 5,5 foiz bo‘lgani qayd etildi.

IATA ma’lumotiga ko‘ra, yuk aviatsiyasida daromadlilik 2025-yilda 1,5 foizga pasaydi. Bu so‘nggi uch yildagi eng kichik pasayish bo‘lib, talab va taklif muvozanatga qaytayotganini ko‘rsatadi. Shunga qaramay, daromadlilik 2019-yil darajasidan 37,2 foiz yuqori saqlanib qolgan.

Shuningdek, xalqaro yo‘lovchi oqimi 7,1 foizga oshib, sig‘im...

Armaniston bosh vaziri Nikol Pashinyan Yerevanda o‘zi tashkil etgan musiqiy guruh bilan jonli konsert dasturini taqdim etdi. Siyosatchi ushbu kechada zarbli cholg‘u asboblari ijrochisi sifatida namoyon bo‘ldi va tadbir videosini o‘z sahifalarida e’lon qildi.

Bosh vazirning ma’lum qilishicha, yangi musiqiy jamoa «Varchaband» deb nomlangan. Bu nom armancha «varchapet» (bosh vazir) va inglizcha «band» (guruh) so‘zlarining birlashmasidan hosil qilingan. Konsert davlat rahbarining musiqachi sifatidagi ilk ommaviy chiqishi bo‘ldi.

Tadbirga kirish oldindan onlayn ro‘yxatdan o‘tish orqali amalga oshirilgan. Pashinyanning musiqaga qiziqishi 2025-yilning avgust oyida, u va rafiqasi Anna Akopyan musiqa asboblarini o‘rganishni boshlagan paytda omma e’tiboriga tushgan edi. O‘shanda hukumat rahbari...

Threads ijtimoiy tarmog‘ida $15 ming budjet bilan avtomobil tanlash mavzusi keng muhokamaga sabab bo‘ldi. Maqolada foydalanuvchilarning Malibu va Elantra haqidagi real fikrlari haqida so‘z boradi.

Chevrolet Malibu

Chevrolet Malibu’ni tanlaganlar uni tezkorligi va tashqi ko‘rinishi uchun maqtab, biznes-klassga kirish eshigi sifatida ta’riflashadi. 2.0 turbo dvigatel ko‘pchilikka yoqadi, avtomobil dinamikasi esa asosiy ustunlik sifatida tilga olinadi. Shu bilan birga, egalari sifatli moy va yuqori oktanli benzin ishlatishni qat’iy tavsiya qiladi.

Biroq tanqidchilar likvidlik masalasini oldinga surmoqda. Ularning fikricha, Malibu’ni keyinchalik sotish qiyin, shu sababli u mablag‘ni «muzlatib qo‘yishi» mumkin. Aynan shu jihat ko‘plab foydalanuvchilarni ikkilanib qolishga majbur qilgan.

AQSh dollari global moliya tizimining shubhasiz yetakchisi sifatida o‘z mavqeini saqlab qolmoqda va butun dunyo bo‘ylab barcha valyuta operatsiyalarining 88 foizini tashkil qiladi. Bu haqda OANDA va Visual Capitalist tomonidan o‘tkazilgan qo‘shma tadqiqotda keltirilgan.

Unga ko‘ra, yevro dollarga nisbatan eng katta savdo hajmiga ega bo‘lib, bu AQSh va Yevro hududi o‘rtasidagi yaqin iqtisodiy aloqalarni tasdiqlaydi.

FX Volume Survey ma’lumotlariga ko‘ra, yagona Yevropa valyutasi dollar juftligida shubhasiz yetakchi hisoblanadi. EUR/USD juftligining o‘rtacha kunlik savdo hajmi $135,3 milliardni tashkil etadi, bu uning eng yaqin raqobatchilaridan sezilarli darajada oshib ketadi.

Yaponiya iyenasi kuniga $92,7 milliard bilan ikkinchi o‘rinda, Kanada dollari esa...

Apple kompaniyasi so‘nggi moliyaviy chorakda kuchli moliyaviy natijalar qayd etdi. Eng katta daromad iPhone sotuvlarida kuzatildi.

Apple hisobotiga ko‘ra, kompaniya ushbu moliyaviy chorakda $85 mlrd qiymatida iPhone sotgan, bu o‘tgan yilning mos davriga nisbatan $69 mlrddan oshgan.

Xitoy bozorida sotuvlar keskin oshdi. Kukning aytishicha, bu o‘sish iPhone 17 modeliga bo‘lgan katta qiziqish bilan bog‘liq bo‘lib, Xitoy hududida tarixdagi eng yaxshi iPhone choragi qayd etilgan. Xitoydagi umumiy sotuvlar $18,5 mlrddan $25,5 mlrdga ko‘tarildi.

«Dekabr oyida Hindistonda beshinchi do‘konimizni ochganimizdan mamnunmiz va tez orada Mumbayda yana bir do‘kon ochish rejamiz bor», — deya ma’lum qildi...

Xitoyning BYD kompaniyasi yangi brendini taqdim etdi. Bu haqda CarNewsChina xabar bermoqda.

2-fevral kuni kompaniya Linghui brendining Weibo’dagi rasmiy sahifasini ishga tushirib, qisqa taqdimot bilan chiqdi. Yangi brend BYD’ning arzon segmentdan uzoqlashish va alohida B2B yo‘nalishni shakllantirish strategiyasining bir qismi hisoblanadi.

Hozirda BYD Xitoy bozorida BYD, Denza, Fang Cheng Bao va Yangwang brendlari bilan faoliyat yuritmoqda. Linghui esa kompaniyaning beshinchi brendi bo‘lib, asosan taksi, ride-hailing va korporativ avtomobillar bozoriga yo‘naltiriladi. Ushbu avtomobillar alohida savdo kanali orqali sotilishi rejalashtirilgan.

Ma’lum qilinishicha, Linghui modellari mavjud BYD avtomobillari asosida ishlab chiqilgan. Dastlabki line-up to‘rtta modeldan iborat bo‘ladi. Eng arzon model Linghui e...

Andijonda Xitoyda ishlab chiqarilgan Cambell rusumidagi zamonaviy elektrobuslar shahar yo‘nalishlariga bosqichma-bosqich joylashtirilmoqda. Bu haqda Transport vazirligi xabar berdi.

Viloyat hokimi Shuhratbek Abdurahmonov yangi qurilgan 2-elektrobuslar parkiga tashrif buyurib, park faoliyati hamda Andijonga olib kelingan navbatdagi 40 ta elektrobus bilan tanishdi.

Yangi elektrobuslar belgilangan yo‘nalishlar bo‘yicha harakatni boshladi. Vazirlik ushbu tashabbus transport xizmatlari sifatini oshirish, atrof-muhitni muhofaza qilish va shahar aholisi uchun yanada qulay sharoit yaratishga qaratilganini ma’lum qildi.

Eslatib o‘tamiz, avvalroq Farg‘onaga Xitoydan 24 ta yangi Yutong avtobusi olib kelingandi. Viloyatga 2024–2025-yillar davomida to‘rtta tashuvchi korxona tomonidan jami 124 ta zamonaviy avtobus keltirilgan. 

2025-yilda O‘zbekistonda jami 879 mingta tirik tug‘ilish holati qayd etildi. Statistika agentligi ma’lumotlariga ko‘ra, bu ko‘rsatkich 2024-yilga nisbatan 46,8 ming nafarga yoki 5 foizga kamaygan.

So‘nggi ikki yillik dinamikada tug‘ilishlar sonining pasayishi kuzatilgan. 2024-yil yanvar–dekabr oylarida 926,4 ming ta tug‘ilish qayd etilgan bo‘lsa, 2025-yilda bu raqam 880 mingga yetmagan. 2024-yilgi ma’lumotlarga qaraganda, o‘g‘il bolalar soni (479,5 ming) qiz bolalarga (446,8 ming) nisbatan 32,6 ming nafarga ko‘proqni tashkil qilgan.

2025-yilgi hududiy taqsimotda Samarqand viloyati yetakchilik qilmoqda, bu yerda 106 ming nafar chaqaloq dunyoga kelgan. Keyingi o‘rinlarni Qashqadaryo (99,6 ming) va Farg‘ona (98,3 ming) viloyatlari egallagan. Eng kam tug‘ilish ko‘rsatkichi...

Hyundai’ning Genesis brendi G80 Magma avtomobilini taqdim etdi. Bu haqda Carcoops xabar bermoqda. Model jami 20 dona chiqadi.

Texnik jihatdan G80 Magma BMW M5 va Mercedes-AMG E63’ga to‘g‘ridan to‘g‘ri raqib sifatida pozitsiyalanmoqda. Sedan 3,5 litrli, ikki turbinali V6 dvigatel bilan jihozlangan bo‘lib, uning quvvati 525 ot kuchiga yetkazilgan. Bu standart G80 bilan solishtirganda 150 ot kuchiga ko‘p. Muhandislar kuchaytirilgan dvigatelga moslab 8 pog‘onali avtomat transmissiyani qayta sozlagan, osma qismini qattiqlashtirib pasaytirgan va Brembo sport tormozlarini o‘rnatgan.

Tashqi ko‘rinishida avtomobil ancha agressivlashgan. Old qismda qora radiator panjarasi va kattalashtirilgan havo kirish teshiklari paydo bo‘lgan. Shuningdek, yangi g‘ildirak disklar, orqa diffuzor...

Samsung kompaniyasi 2-fevral kuni Galaxy F70 smartfonlar liniyasini taqdim etishga tayyorlanmoqda. Shu arafada kompaniya ushbu seriyadagi modellardan biri Galaxy F70e 5G dizaynini oldindan ko‘rsatdi.

Reklama tasvirida smartfon budjet segmentiga mansubligini bildiruvchi belgilar ko‘rinadi. Jumladan, u kichik datchiklarga ega ikki kamerali asosiy blok bilan jihozlangan. Orqa panel dizayni esa charm yoki sun’iy charm ko‘rinishida ishlangan.

Yangi Galaxy F70 liniyasi dastlab Hindistonda taqdim etiladi. Uning global bozorga chiqishi hozircha noma’lum. Ayrim taxminlarga ko‘ra, Galaxy F70e 5G aslida Galaxy A07 5G modelining qayta nomlangan va dizayni o‘zgartirilgan talqini bo‘lishi mumkin. Bunday holda, smartfon Dimensity 6300 protsessori va HD+ aniqlikdagi ekran bilan taqdim...

Toshkent shahrining Yashnobod tumanida joylashgan Aviator savdo majmuasida yuz bergan yirik yong‘in yuzasidan jinoiy ish qo‘zg‘atildi. Bu haqda Bosh prokuratura matbuot kotibi Hayot Shamsutdinov Kursiv Uzbekistan’ga ma’lum qildi.

Mazkur holat yuzasidan Jinoyat kodeksining ikki moddasi bilan ish ochilgan. Xususan, aybdorlarga nisbatan 192-11-modda (Nodavlat tijorat tashkilotida yoki boshqa nodavlat tashkilotida mansabdor shaxslar tomonidan o‘z vakolatlarini suiiste’mol qilish) hamda 259-modda (Yong‘in xavfsizligi qoidalarini buzish) bo‘yicha ayblovlar qo‘yilgan.

Eslatib o‘tamiz, joriy yilning 31-yanvar kuni soat 15:47 da Parkent ko‘chasidagi Aviator majmuasida yong‘in chiqqan, voqea joyiga yetib borgan Favqulodda vaziyatlar vazirligi ekipajlari binodagi fuqarolarni evakuatsiya qilishgan. Yong‘in soat 17:17 da to‘liq bartaraf etilgan edi.

Parijdagi auksionda Ferrari Testa Rossa J bolalar avtomobili Ferrari Roma kabi to‘liq o‘lchamli superkar narxida sotildi. Bu haqda RM Sotheby’s auksion uyi xabar berdi.

Uning narxi 204 ming yevro bo‘ldi. Yuqori narx modelning eksklyuzivligi bilan bog‘liq. Ferrari Testa Rossa J juda cheklangan miqdorda ishlab chiqarilgan va Italiya avtomobil ishlab chiqaruvchisi tomonidan rasman tasdiqlangan kolleksiya buyumidir.

Model afsonaviy 1958-yilgi Ferrari 250 Testa Rossa avtomobilining aniq nusxasi bo‘lib, asl hajmining 75 foizini tashkil qiladi. Loyiha Britaniyaning bunday nusxalarga ixtisoslashgan The Little Car Company ustaxonasi tomonidan ishlab chiqilgan. Ushbu avtomobillardan atigi 299 tasi ishlab chiqarilgan.

Yuqori narx modelning eksklyuzivligi bilan bog’liq...

Geely Xitoy bozorida yangi plagin-gibrid krossoveri Geely Galaxy M7 modelini namoyish qildi. Bu haqda CarNewsChina xabar bermoqda.

Galaxy M7 Geely Galaxy brendining M-seriyasidagi ikkinchi model bo‘lib, dizayn va o‘lchamlari jihatidan benzinli Geely Atlas (Boyue L) ga yaqin. Avtomobil yopiq old qism, LED chiroq chizig‘i bilan bog‘langan keskin faralar, yirik trapeziyasimon havo kirish panjarasi va yagona orqa fonar bloki bilan ajralib turadi.

Salonida katta suzuvchi sensor ekran, raqamli asboblar paneli, 50 W quvvatli simsiz zaryadlash maydonchasi, jismoniy boshqaruv tugmalari va ikki stakan qo‘ygich mavjud. Shuningdek, A-ustunlarga integratsiyalangan karnaylar, haydovchi tomonda Face ID kamerasi, fon yoritish va kristall uslubidagi boshqaruv...

Oltin va kumush narxlari keskin tushib ketdi. 2-fevral kuni Toshkent vaqti bilan soat 11:17 holatiga oltin qariyb 7 foizdan ko‘proqqa arzonlab, bir unsiyasi $4,5 ming darajasiga tushdi.

Juma kuni esa oltin narxi deyarli 10 foizga pasayib, $5 mingdan pastga tushgan edi. Kumush ham kuchli bosim ostida qoldi va 11 foizdan ko‘proq arzonlab, Toshkent vaqti bilan soat 11:19 holatiga $75 atrofida savdo qilindi.

CNBC nashriga ko‘ra, bu pasayish kuchli dollar va investorlarning foydani fiksatsiya qilishi bilan bog‘liq. Qimmatbaho metallar narxi bir necha kun oldin rekord darajalarga chiqqan edi. Juma kuni bozorda keskin burilish yuz berdi. Bunga AQShda foiz stavkalari...

Angliya Premyer-ligasining 24-turidan o‘rin olgan markaziy uchrashuvida «Manchester Siti» Londonda «Tottenxem» mehmoni bo‘lib, 2:2 hisobida durang o‘ynadi. Abduqodir Husanov ushbu uchrashuvda «Siti»ning asosiy tarkibida maydonga tushdi.

O‘yin «Manchester Siti»ning to‘liq ustunligi bilan boshlandi. 11-daqiqada Rayan Sherki hisobni ochgan bo‘lsa, tanaffusga qadar 44-daqiqada Antuan Semenyo hisobni 0:2 ko‘rinishiga keltirdi. Birinchi bo‘limda mehmonlar yaqqol ustunlik qilishdi va hatto yirikroq hisobda g‘alaba qozonishlari mumkin edi.

Biroq, ikkinchi bo‘limda Tomas Frank boshchiligidagi «Tottenxem» o‘yinni o‘z tomoniga og‘dira oldi. Dominik Solanke 53 va 70-daqiqalarda kiritgan gollari evaziga dubl qayd etib, jamoasini mag‘lubiyatdan qutqarib qoldi. Solankening birinchi goli bahsli vaziyatda kiritilgan bo‘lsa-da, VAR tizimi golni...