Yangiliklar

Samsung Electronics kompaniyasining aksiyalari rekord darajaga yetdi. Bunga yangi avlod sun’iy intellekt xotira chiplari narxi avvalgisidan 30 foizga qimmatroq bo‘lishi haqidagi xabarlar sabab bo‘ldi. Bu haqda Bloomberg nashri xabar bermoqda.

Uch kunlik dam olishdan so‘ng ochilgan Janubiy Koreya birjasida kompaniya aksiyalari 5,4 foizga o‘sdi. Xabarlarga ko‘ra, Samsung o‘zining HBM4 chiplarini donasi uchun $700 atrofida baholamoqda. Kompaniya mazkur ma’lumotlarga rasmiy izoh berishdan bosh tortgan.

Avgust oyida raqobatchi SK Hynix kompaniyasi Nvidia uchun HBM4 narxini $500 dollar atrofida belgilagan edi, ammo endi ular ham o‘z narxlarini oshirishi taxmin qilinmoqda.

«Bu holat sun’iy intellekt xotira bozorida talab hamon...

Navoiy viloyatida o‘tkazilgan tezkor tadbirda jami 1100 dona noqonuniy saqlanayotgan o‘q-dori musodara qilindi.

Davlat xavfsizlik xizmatining Navoiy viloyati bo‘yicha boshqarmasi va Ichki ishlar organlari xodimlari hamkorligida o‘tkazilgan tadbirda Buxoro viloyatining G‘ijduvon tumanida yashovchi, 1989-yilda tug‘ilgan shaxsga tegishli Oniks rusumli avtotransport vositasi to‘xtatib tekshirilgan. Avtomashina yukxonasidan otish uchun yaroqli bo‘lgan 500 dona 5,6 mm kalibrli patronlar topilgan.

Tadbir davomida gumonlanuvchining yashash xonadoni ham ko‘zdan kechirilgan va u yerdan qo‘shimcha 600 dona xuddi shunday kalibrdagi patronlar ashyoviy dalil sifatida olingan. Jami 1100 dona o‘q-dori tegishli tartibda rasmiylashtirilgan.

Hozirda mazkur holat yuzasidan Jinoyat kodeksining 248-moddasi (O‘qotar qurolning, o‘q-dorilarning, o‘qotar qurol asosiy qismlarining...

O‘zbekistonda 661 mingdan ortiq rezident kriptoaktivlar aylanmasi sohasidagi rasmiy xizmat ko‘rsatuvchi provayderlar ro‘yxatidan o‘tdi. Bu haqda Istiqbolli loyihalar milliy agentligi xabar bermoqda.

Taqdim etilgan ma’lumotlarga ko‘ra, bugungi kunda mamlakatda 21 ta litsenziyalangan provayder ishlamoqda. Ulardan uchtasi kriptobirja, 12 tasi kriptodo‘kon va oltitasi kriptodepozitariy hisoblanadi.

Xizmat ko‘rsatuvchi provayderlar orqali ro‘yxatdan o‘tgan mijozlarning umumiy soni 663 691 nafarga yetgan. Ulardan 661,8 ming nafari O‘zbekiston rezidentlari bo‘lsa, yana 1,8 ming nafari norezidentlardir.

Raqamli aktivlarni chiqarish qismida ikkita emitentning faoliyati qayd etilgan. Chiqarilgan tokenlarning umumiy soni 2,1 mlndan oshgan. Shundan 16,97 mlni ta’minlangan tokenlar va 4,1 mlni utilitar tokenlardir. 2022 – 2025 yillarda...

O‘zbekistondagi yonilg‘i quyish shoxobchalarida iste’molchilarga neft mahsulotlari sifatini mustaqil tekshirish imkonini beruvchi maxsus uskunalar o‘rnatiladi. Ushbu chora «O‘zbekiston – 2030» strategiyasi doirasida amalga oshirilishi ko‘zda tutilgan.

Shoxobchalarni tegishli uskunalar bilan jihozlash jarayoni 2026-yildan boshlanadi. Rejaga ko‘ra, dastlabki yil yakuniga qadar mamlakatdagi obyektlarning 10 foizini qamrab olish maqsad qilingan.

Keyingi yillarda uskunalar o‘rnatish ko‘rsatkichi bosqichma-bosqich oshirib boriladi. Xususan, jihozlanish darajasi 2027-yilda 25 foizga, 2028-yilda 50 foizga hamda 2029-yilda 75 foizga yetkazilishi belgilangan.

2030-yilga kelib esa barcha yoqilg‘i quyish shoxobchalarida sifatni tekshiruvchi qurilmalar mavjud bo‘ladi. Rasmiy ma’lumotlarga ko‘ra, ushbu ishlarni to‘liq xususiy sektor mablag‘lari hisobidan amalga oshirish rejalashtirilgan.

Avvalroq Kursiv Uzbekistan...

O‘zbekiston Respublikasi Markaziy banki dam olish kunlari ayrim tijorat banklarida valyuta ayirboshlash hamda xalqaro pul o‘tkazmalari shoxobchalari faoliyat yuritishini ma’lum qildi. Bu haqda regulyatorning Telegram-kanali xabar berilmoqda.

Markaziy bank tomonidan e’lon qilingan ro‘yxatga ko‘ra, jami 19 ta moliya muassasasi haftaning dam olish kunlari ham aholiga xizmat ko‘rsatishni davom ettiradi. Ular qatoriga «Agrobank», «Milliybank», «SQB», «Asakabank», «Kapitalbank» va «Ipoteka-bank» kabi banklar kiritilgan.

Shuningdek, aholi faqatgina bank filiallari orqali emas, balki muqobil usullardan foydalangan holda ham valyuta operatsiyalarini bajarishi mumkin. Jumladan, 24/7 rejimida uzluksiz ishlovchi avtomatlashtirilgan bankomatlar tarmog‘i faoliyati yo‘lga qo‘yilgan.

Bundan tashqari, bank binosiga tashrif buyurmagan holda, kunning istalgan vaqtida...

Istiqbolli loyihalar milliy agentligi (ILMA) O‘zbekiston tarixida birinchi marta NexaGrid kompaniyasiga kriptovalyuta mayningi bilan shug‘ullanish huquqini berdi.

NexaGrid kompaniyasi 600 mln so‘m ustav fondiga ega bo‘lib, kompyuter uskunalarini boshqarish faoliyati bilan shug‘ullanadi. Uning ta’sischilari Toymurod Sultonov (63%) va Mahmudjon Rozimurodov (37%) hisoblanadi.

ILMA tasdiqlagan nizomga ko‘ra, mayning faqat yuridik shaxslar tomonidan va asosan, quyosh elektr stansiyalari energiyasi yordamida amalga oshirilishi kerak. Yagona elektr tarmog‘iga ulangan taqdirda, energiya to‘lovlari ikki baravar tarif asosida undiriladi va qo‘shimcha ustamalar qo‘llanadi. Arizalar asosida beriladigan ruxsatnoma besh yil muddatga bepul rasmiylashtiriladi.

Avvalroq Kursiv Uzbekistan Bitkoin 15 oylik minimum 64,8 ming dollarga tushgani haqida xabar...

OpenAI kompaniyasi iste’molchilar uchun mo‘ljallangan ilk sun’iy intellekt qurilmalarini yaratish maqsadida 200 kishilik tadqiqot guruhini shakllantirdi. Ularning birinchi mahsuloti ekransiz, ammo kamerali aqlli kalonka bo‘lishi rejalashtirilgan.

Yangi qurilmaning narxi $200 dan $300 gacha bo‘lishi mo‘ljallangan. Uning yetkazib berilish muddati eng kamida 2027-yilning fevral oyiga to‘g‘ri kelishi taxmin qilinmoqda. Bu qadam OpenAI uchun faqat dasturiy ta’minotdan apparat ishlab chiqarishga o‘tishdagi muhim bosqich sanaladi.

Avvalroq 2025-yilning sentabrida kompaniya Apple’ning sobiq dizayn rahbari Jonatan Ayv bilan hamkorlikni boshlagan edi. Tomonlar 2026-yil oxiriga qadar sun’iy intellektli ko‘zoynak, quloqchin, stilus va aqlli chiroqlar kabi ko‘p modalli qurilmalarni ishlab chiqarishni kelishib olgan.

An’anaviy kalonkalardan farqli...

O‘zbekistonda 2025-yil davomida barcha toifadagi xo‘jaliklar tomonidan jami 206,2 ming tonna baliq ovlandi. Bu haqda Milliy statistika qo‘mitasi xabar bermoqda.

Rasmiy ma’lumotlarga ko‘ra, respublika bo‘yicha ovlangan baliq hajmi barqaror o‘sish tendensiyasini namoyish etgan. Hududlar kesimida tahlil qilinganda, eng yuqori ko‘rsatkich Xorazm viloyatida qayd etildi. Bu hududda yil davomida 35,9 ming tonna baliq ovlangan.

Keyingi o‘rinlarni Toshkent (23,4 ming tonna), Andijon (22,2 ming tonna), Samarqand (20,5 ming tonna) hamda Namangan (20 ming tonna) viloyatlari egalladi. Farg‘ona viloyatida esa bu ko‘rsatkich 16,4 ming tonnani tashkil qilgan.

Boshqa hududlardagi natijalar quyidagicha taqsimlandi. Qoraqalpog‘iston Respublikasida 13,9 ming tonna, Jizzaxda 12,4 ming tonna, Sirdaryoda...

Namangan viloyatining Pop tumanida joylashgan «Z.O.T.» MChJga qarashli AYOQShda sifatsiz Ai-92 markali avtobenzin sotilayotgani aniqlandi. Bu haqda O‘zenergoinspeksiya xabar bermoqda.

O‘zenergoinspeksiya tomonidan o‘tkazilgan laboratoriya tahlillari natijasiga ko‘ra, mazkur shoxobchadagi Ai-92 markali avtobenzin davlat standart talablariga mos kelmasligi tasdiqlangan. Natijada shoxobchaga realizatsiya qilingan mahsulot qiymatining 50 foizi miqdorida jarima qo‘llanildi.

Inspeksiya tomonidan AYOQSh mas’ullariga qoldiq sifatida saqlanayotgan sifatsiz neft mahsulotlarini sotuvga chiqarmaslik bo‘yicha ko‘rsatma berilgan. Shuningdek, mahsulot sifatini qonunchilikda belgilangan tartibda qayta tiklash majburiyati yuklatilgan.

Avvalroq Kursiv Uzbekistan Buxoroda sifatsiz yoqilg‘i sotgan «zapravka»larga iqtisodiy sanksiya qo‘llangani haqida xabar bergan edi.

Yangilangan Haval H9 2026 yo‘ltanlamasining yangi xususiyatlari haqida batafsil ma’lumot taqdim etildi. Asosiy yangilik sifatida avtomobil kuzovining to‘liq ruxlangani qayd etilmoqda. Bu haqda avtonovostidnya.ru xabar bermoqda.

Great Wall Motor Rus kompaniyasining strategiya departamenti menejeri Ilya Fedotov taqdim etgan ma’lumotlarga ko‘ra, yo‘ltanlamasning barcha metall qismlari, jumladan, ostonalar va hatto tom qismi ham ruxlangan.

«Bu holat instrumental tekshiruvlar orqali o‘z tasdig‘ini topgan», – deya ta’kidladi kompaniya vakili.

Ishlab chiqarish bosqichidayoq avtomobil asosi maxsus grunt yordamida yemirilishga qarshi ishlovdan o‘tkaziladi. Shuningdek, kuzovning tag qismi namlik va tuzlardan himoya qiluvchi qalin qatlami bilan qoplangan. Ushbu qoplama avtomobil uchun...

AQSh prezidenti Donald Tramp maxsus matbuot anjumanida Oliy sudning bojlar bo‘yicha qarorini «chuqur hafsalani pir qiluvchi» deb atadi. U amaldagi tariflarga qo‘shimcha ravishda 10 foizlik global bojlar kiritish bo‘yicha farmon imzolashini e’lon qildi.

Ma’lumotlariga ko‘ra, AQSh prezidentining yangi bojlari faqat 150 kun amal qiladi. Germaniya hukumati AQSh Oliy sudining qarorini inobatga olganini va «kelgusi qadamlar bo‘yicha ochiqlikka erishish uchun» Tramp ma’muriyati bilan yaqin aloqada bo‘lib turganini ma’lum qildi.

Eslatib o‘tamiz, AQSh Oliy sudi Trampning qator mamlakatlarga nisbatan bir tomonlama joriy etgan bojlarini noqonuniy deb topgan edi. Sudyalar tariflarni kiritish huquqi faqat Kongressga tegishli ekanini ta’kidlagan.

Avvalroq Kursiv Uzbekistan Hindistonda...

21-fevral kuni Toshkent shahrining Uchtepa tumanida joylashgan qurilish mahsulotlari bozorida yong‘in sodir bo‘ldi. Hodisa oqibatida tan jarohati olganlar aniqlanmagan. Bu haqda Favqulodda vaziyatlar vazirligi xabar bermoqda.

Yong‘in haqidagi xabar 112 tizimiga soat 05:09 da kelib tushgan. Qutqaruv bo‘linmalari voqea joyiga 05:18 da yetib borib, yong‘in soat 06:00 da to‘liq o‘chirilgan. Yong‘in natijasida bozor hududidagi 200 kvadrat metr maydonda joylashgan rom va eshik mahsulotlari yonib zararlangan. Qutqaruvchilarning aralashuvi evaziga bozorning 2000 kvadrat metr maydoni yong‘indan saqlab qolingan.

Rasmiy ma’lumotlarga ko‘ra, 16-fevral kuni mazkur bozor Davlat yong‘in nazorati organi tomonidan tekshirilgan. Xavfsizlik qoidabuzarliklari aniqlangani sababli bozor faoliyati to‘xtatilib, kamchiliklar bartaraf etilguniga...

21-fevral sanasi nafaqat siyosiy va ijtimoiy sohadagi jiddiy burilishlar, balki texnologik ixtirolar hamda san’at olamidagi yorqin shaxslar tavalludi bilan ham yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1848-yilda Karl Marks va Fridrix Engels Londonda o‘zlarining dunyo tarixiga mislsiz ta’sir ko‘rsatgan mashhur «Kommunistik partiya manifesti» asarini nashr etishdi. Ushbu hujjat sinfiy kurash nazariyasini ilgari surib, kelgusida jahon bo‘ylab sotsialistik harakatlarning asosiy poydevoriga aylandi.

1927-yili fransuz modelyeri, moda olamida inqilob qilgan mashhur «Givenchy» moda uyi asoschisi Gubert de Jivanshi tavallud topdi. U 1952-yilda o‘z brendiga asos solgan va aktrisa Odri Xepbyorn bilan kino olamidagi uzoq...

21-fevral kuni O‘zbekistonda ob-havo o‘zgaruvchan bo‘ladi. Kechasi va ertalab ayrim hududlarda yomg‘ir yoki qor yog‘ishi, momaqaldiroq kuzatilishi mumkin, kunduzi esa yog‘ingarchilik kamroq kuzatiladi.

Quyida ob-havo ma’lumoti viloyatlar kesimida:

WhatsApp endi foydalanuvchilarga yangi guruh a’zolarini tezroq kontekstga kiritish imkonini beruvchi Guruh xabari tarixi funksiyasini ishga tushirdi. Meta kompaniyasining aytishicha, bu foydalanuvchilar tomonidan eng ko‘p so‘ralgan funksiyalardan biri edi.

Endi yangi a’zo guruhga qo‘shilganda, unga so‘nggi 25 dan 100 gacha bo‘lgan xabarlarni yuborish imkoniyati mavjud. Bu yangi a’zolarga faqat eng muhim va so‘nggi kontekstni ko‘rib chiqishga yordam beradi. Butun guruh esa oldin yuborilgan xabarlarni osongina ko‘rishi mumkin.

Xabar tarixi yuborilganda guruhdagi barcha a’zolar xabardor qilinadi, yuborilgan vaqt va jo‘natuvchi ma’lumotlari aniq ko‘rsatiladi. Xabar tarixi oddiy xabarlar bilan vizual jihatdan farqlanadi.

Meta ta’kidlaganidek, xabar tarixi avtomatik tarzda yuborilmaydi...

Xiaomi kompaniyasining yangi Xiaomi 17T va Xiaomi 17T Pro smartfonlari kutilganidan ancha erta chiqishi mumkin. Manbalarga ko‘ra, 17T seriyasining ishlab chiqilishi avvalgi avlodga nisbatan tezlashgan va reliz to‘rt oyga oldinga surilgan.

Shuningdek, standart model Dimensity 8500, Pro talqini esa Dimensity 9500 protsessoriga ega bo‘ladi. Bu chiplar yuqori unumdorlik va energiya samaradorligini ta’minlashi kutilmoqda. Asosiy e’tibor aynan ishlash tezligi va batareya quvvatini oshirishga qaratilgan, kamera qismidagi yangilanishlar esa katta o‘zgarish qilmaydi.

Ma’lum qilinishicha, Xiaomi 17T modeli 2602DPT53G (P12A), Pro versiyasi esa 2602EPTC0G (P12U) indekslari bilan ro‘yxatdan o‘tgan. Qizig‘i shundaki, qurilmalar mashhur rassomlar nomi bilan kodlangan: biri Shagal (Marc Chagall), ikkinchisi...

21-fevral, shanba kuni muborak Ramazon oyining uchinchi kuni boʻlib, Toshkent shahrida saharlikning tugashi soat 5:51 ni tashkil qiladi. Iftorlik esa 18:08 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. 

Shavkat Mirziyoyev Qoraqalpog‘iston Respublikasida amalga oshirilayotgan islohotlar natijadorligi va hududning ijtimoiy-iqtisodiy rivojlanishi bo‘yicha yig‘ilish o‘tkazdi. Bu haqda prezident matbuot xizmati ma’lum qildi.

Iqtisodiy salohiyat

Qoraqalpog‘iston ulkan maydoni va qazilma boyliklari bilan katta iqtisodiy salohiyatga ega. Hududda 270 mln tonna sement, 256 mln kub metr qurilish va pardozbop toshlar, 200 mln tonna ohak, 31 mln kub metr keramzit, 30 mln kub metr qurilish qumlari, 27 mln kub metr g‘isht xomashyosi, 6,9 mln tonna shisha, 6,5 mln tonna gips va 4,3 mln tonna vermikulit zaxiralari aniqlangan. Hududlarning uzoqligi va solishtirma ustunliklaridan samarali foydalanish, sog‘lom muhit va shaffof tizim yaratish...

Geely o‘zining flagman krossoveri – Geely Xingyue L qatorini yangi Changfeng talqini bilan kengaytirdi. Model allaqachon Xitoydagi dilerlik markazlarida sotuvga qo‘yilgan. Bu haqda ITHome nashri xabar berdi.

Yangi versiyaning eng muhim o‘zgarishi dvigatel sozlamalariga taalluqli. 2,0 litrli, 218 ot kuchiga ega turbo motor endilikda rasman AI-92 benzini bilan ishlay oladi. Shunga qaramay, avtomobilning dinamik ko‘rsatkichlari o‘zgarmagan: krossover 100 km/soat tezlikka 7,9 soniyada chiqadi, aralash sikldagi yoqilg‘i sarfi esa 100 kilometrga 7,5 litrni tashkil etadi.

Changfeng talqinida multimedia tizimi ham jiddiy yangilangan. Salon uchta yirik ekran bilan jihozlangan bo‘lib, raqamli asboblar paneli 12,3 dyuymni tashkil etadi, markaziy displey va old...

Samsung Electronics yangi versiyadagi Bixby raqamli yordamchisini beta-testga chiqardi. Bu haqda Engadget ma’lum qildi.

Yordamchi sezilarli darajada yangilangan bo‘lib, endi mobil qurilmani tabiiy til orqali boshqarish imkonini beradi va foydalanuvchilar uchun qulaylikni oshiradi.

Yangilangan Bixby yordamida foydalanuvchilarga aniq komandalarni yoki maxsus sozlamalar nomlarini yodlash shart emas. Masalan, «Men ekranga qarayotganimda uning o‘chmasligini xohlayman» deb aytish kifoya va Bixby avtomatik tarzda «Ekranni ko‘rib turganimda yoqilgan holda qoldirish» sozlamasini yoqadi.

Shuningdek, foydalanuvchi «Nega mening telefonim doim cho‘ntakda bo‘lganda ekran yoqilgan bo‘ladi?» kabi savol bersa, yordamchi bir nechta yechim variantlarini taklif qilishi mumkin.

Endi Bixby internetdagi eng so‘nggi ma’lumotlarga ham...

AQShda Motorola kompaniyasining eng premium bukiluvchi smartfonlari – Motorola Razr 2025 va Motorola Razr Ultra 2025 uchun Android 16’ning barqaror (stable) versiyasi rasman taqdim etildi. Bu haqda Gizmochina nashri xabar berdi.

Yangilanish United States hududida, T-Mobile va Verizon operatorlari orqali tarqatilmoqda. Qizig‘i shundaki, bu jarayon Google Android 17’ning ilk beta-versiyasini chiqargan paytga to‘g‘ri keldi.

Yangilanish tafsilotlari

Har ikki model taxminan olti oy davomida Android 16 beta-sinov dasturida qatnashgan edi. Endilikda foydalanuvchilar to‘liq barqaror tizimga ega bo‘lishmoqda.

Bu yangilanish har ikkala...

Adliya vazirligida qabul qilingan buyruq bilan Davlat budjetini tuzish va ijro etish qoidalariga qo‘shimcha va o‘zgarishlar kiritildi. Bu haqda vazirlik matbuot xizmati ma’lum qildi.

Ushbu hujjat bilan ilk bor genderga yo‘naltirilgan budjetlash va «yashil» budjetlash tushunchalari rasmiy normativ-huquqiy hujjatga kiritildi.

Endilikda har yili kelgusi moliya yili uchun budjet prognozi va undan keyingi ikki yilga mo‘ljallangan budjet mo‘ljallari ishlab chiqiladigan fiskal strategiya va budjetnomada «yashil» budjetlash va genderga yo‘naltirilgan budjetlash bo‘yicha erishilgan natijalar hamda kelgusida amalga oshiriladigan islohotlar tahliliy ko‘rsatkichlari kiritilishi talab qilinadi.

Bundan tashqari, budjet mablag‘larini taqsimlovchi tashkilotlar tomonidan tuziladigan rivojlanish dasturida quyidagi maqsadlar asosida ko‘rsatkichlar belgilanishi...

Janubiy Koreyaning mashhur K-pop guruhi Blackpink YouTube tarixida 100 million obunachiga ega bo‘lgan birinchi musiqiy ijrochiga aylandi. Bu haqda Afisha Daily xabar berdi.

Guruhga platformaning eng nufuzli mukofotlaridan biri – «Qizil brilliant tugma» topshirildi.

Mazkur mukofot hozircha 20 tadan kam kanalda mavjud. Ular orasida T-Series, MrBeast, Cocomelon, Like Nastya, Vlad and Niki, SET India, WWE hamda Kids Diana Show bor. Ushbu mukofotni birinchi bo‘lib qo‘lga kiritgan kanal – T-Series bo‘lgan. 2019-yilda esa mashhur bloger PewDiePie ham ushbu tugmaga sazovor bo‘lgan.

Yangi mini-albom — Deadline

Guruhning yangi Deadline nomli mini-albomi 27-fevral kuni chiqadi. Albomdan Jump nomli raqs-pop singli ham...

Tesla kompaniyasi o‘zining mashhur Cybertruck pikapining narxini arzonlashtirdi. Kompaniya yangi versiyani yangi narxda taqdim etdi, deya xabar qilmoqda ArenaEV.

Manbaga ko‘ra, uning boshlang‘ich narxi 51 ming yevroni tashkil qiladi. Shu bilan birga, eng qimmat versiya – Cyberbeast narxi ham kamaytirildi.

Yangi kirish darajali model

Yangi eng arzon model AWD (all-wheel drive) tizimiga ega bo‘lib, ikkita motor bilan jihozlangan: biri oldida, biri orqada. Oldingi eng arzon versiyada faqat bitta orqa motor bo‘lgan. U pikap orqa yukxonasini motor yordamida yopish qopqog‘i va turli asbob-uskunalarni ulash uchun quvvat portlari bilan ta’minlangan.

Cyberbeast narxi

Eng yuqori darajadagi Cyberbeast narxi...