Yangiliklar

2025-yilning yanvar – avgust oylarida qariyb 5,2 million nafar o‘zbekistonlik turistik maqsadlarda chet elga safar qilgan. Milliy statistika qo‘mitasining ma’lumotlariga ko‘ra, bu o‘tgan yilning shu davriga nisbatan 1,1 million nafarga yoki 26,8 foizga ko‘p.

Joriy yilning sakkiz oyida O‘zbekiston fuqarolari eng ko‘p Qirg‘iziston (2,3 mln), Qozog‘iston (956 ming) va Tojikistonga (888 ming) sayohat qilgan. Shuningdek, Rossiya (313 ming), Turkiya (182 ming), Saudiya Arabistoni (166 ming), Birlashgan Arab Amirliklari (94,2 ming), Misr (45,4 ming), Vyetnam (28,5 ming) va Xitoy (28 ming) ham mashhur yo‘nalishlar qatoriga kirgan.

Avvalroq joriy yilda O‘zbekistonda ichki sayohatlar o‘tgan yilga nisbatan 2,8 baravar ko‘paygani haqida...

O‘zbekiston va Serbiya qishloq xo‘jaligini raqamlashtirish, ilmiy tadqiqotlar va innovatsiyalarni rivojlantirish bo‘yicha hamkorlik qiladi. Bu haqda Qishloq xo‘jaligi vazirligi ma’lum qildi.

Unga ko‘ra, vazirlik vakillari Serbiya Respublikasining xalqaro iqtisodiy hamkorlik vaziri Nenad Popovich boshchiligidagi delegatsiya bilan uchrashuv o‘tkazdi.

Tomonlar agrar sohada o‘zaro aloqalarni mustahkamlash, yangi hamkorlik yo‘nalishlarini belgilash va qishloq xo‘jaligi mahsulotlari import-eksport hajmini oshirish masalalarini muhokama qildi.

Shuningdek, ilm-fan va innovatsiyalarni rivojlantirish, meva-sabzavotlarni chuqur qayta ishlash hamda raqamlashtirish jarayonlarini kengaytirish bo‘yicha takliflar bildirildi.

Uchrashuvda talaba va soha mutaxassislarini malaka oshirish hamda tajriba almashish dasturlarini yo‘lga qo‘yish masalasi ham ko‘rib chiqildi.

Yakunda uzumchilik va vinochilik yo‘nalishlarida qo‘shma loyihalar, texnologik...

Janubiy Koreyadagi O‘zbekiston elchixonasida 100-nikoh rasmiylashtirildi. Bu haqda «Dunyo» axborot agentligi xabar berdi.

Xabarga ko‘ra, Janubiy Koreyadagi O‘zbekiston elchixonasi 2025-yil davomida o‘z konsullik bo‘limida yuzta nikohni rasmiylashtirdi. Joriy yilning 10-oktabr kuni O‘zbekiston fuqarolari Elyor Nurdinov va Nilufarxon Nuriddinova o‘rtasida elchixonadagi 100-nikoh qayd etildi.

Elchixona FHDY hujjatlarini rasmiylashtirish soni bo‘yicha xorijdagi O‘zbekiston elchixonalari orasida yetakchi o‘rinda qolmoqda.

Avvalroq Adliya vazirligi FHDY sohasidagi 2025-yil 1-yarim yillik natijalarini e’lon qilgandi. Hisobotga ko‘ra, bu davrda respublika bo‘ylab 95,2 mingdan ziyod nikoh qayd etilgan bo‘lib, o‘rtacha nikoh yoshi 24 yoshni tashkil qilgan.

Shuningdek, 34,3 ming nafar ayol turmush o‘rtog‘i familiyasini olgan. 30 yoshgacha bo‘lganlar...

Osaka shahrida tashkil etilgan EXPO butunjahon ko‘rgazmasida O‘zbekiston pavilyoni «Mavzuning eng yaxshi ochib berilishi» nominatsiyasida oltin medal bilan taqdirlandi. Bu haqda prezident administratsiyasi rahbari Saida Mirziyoyeva ma’lum qildi.

O‘zbekiston ko‘rgazmada «Bilimlar bog‘i: kelajakdagi jamiyat uchun laboratoriya» konsepsiyasi orqali an’analar va innovatsiyalar uyg‘unligini namoyish etdi.

«Biz taqdim etgan «Bilimlar bog‘i: kelajakdagi jamiyat uchun laboratoriya» konsepsiyasida an’analar va innovatsiyalar uyg‘unligi o‘z aksini topgan. G‘oyamiz jahon hamjamiyatida keng ko‘lamli aks sado berdi. Barchani ruhlantirgan professionallik va ushbu loyihaga bo‘lgan ishonch uchun butun jamoaga, shuningdek, xalqaro hamkorlarimizga samimiy minnatdorlik bildiraman», — deydi Mirziyoyeva.

Avvalroq Shavkat Mirziyoyev mamlakatda rasmiy tashrif...

«UzAuto Motors» AJ kompaniyasi yangi Chevrolet Damas va Cobalt modifikatsiyalarini taqdim etadi. Bu haqda kompaniya matbuot xizmati xabar bermoqda.

«Xorazm Avto» korxonasida yangi modellarni ishlab chiqarish, ishlab chiqarish quvvatlarini modernizatsiya qilish va kengaytirish rejalashtirilgan. Yangi quvvatlar asosida kichik biznes va xususiy mijozlar uchun Damas minivenining yangi avlodi ishlab chiqariladi.

Yangi Damas ixcham, tejamkor va sig‘imdor avtomobil bo‘lib, shahar ichidagi harakatlar hamda tijoriy faoliyat uchun qulaydir. Uning o‘lchamlari kattalashgan, yuk ko‘tarish qobiliyati va sig‘imi oshgan, haydovchi va yo‘lovchilar uchun qulaylik sezilarli yaxshilangan. Model Damas Move (yo‘lovchi) va Damas Max (yuk-yo‘lovchi) versiyalarida taqdim etiladi.

Yangi model hozirgi Damas bilan...

O‘zbekiston Tashqi ishlar vazirligi Misrda yuz bergan yo‘l-transport hodisasi oqibatida Qatar amiri devoni xodimlaridan uch nafari halok bo‘lgani munosabati bilan chuqur hamdardlik bildirdi.

«Misrning Sharm ash-Shayx shahrida sodir bo‘lgan yo‘l-transport hodisasi oqibatida Qatar amiri devoni uch nafar xodimining halok bo‘lgani haqida xabarni chuqur qayg‘u bilan qabul qildik», — deyiladi vazirlikning rasmiy bayonotida.

Vazirlik Qatar hukumati va xalqiga, halok bo‘lganlarning oila a’zolari hamda yaqinlariga chuqur hamdardlik bildirdi. Shuningdek, ushbu hodisada jarohat olganlarga tezroq sog‘ayib ketishlarini tiladi.

Eslatib o‘tamiz, avvalroq Buyuk Britaniya G‘azoga $27 millionlik gumanitar yordam ajratishi haqida xabar bergan edik.

Banklar 13-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.

Xitoyning BYD kompaniyasi tomonidan Braziliyaning San-Paulu shahrida yangi SkyRail monorels tizimi ishga tushirildi. Bu poyezd maksimal 616 nafar yo‘lovchini tashiy oladi.

Loyiha San-Paulu metrosining 17-oltin yo‘nalishi doirasida sinovdan muvaffaqiyatli o‘tkazildi.

SkyRail liniyasining umumiy uzunligi 6,7 kilometr bo‘lib, u BYD kompaniyasi tomonidan ishlab chiqilgan Yun texnologiyasi asosida qurilgan. Tizim 14 ta besh vagonli poyezddan iborat.

Har bir poyezd 616 kishini sig‘dira oladi, shuningdek, nogironlar uchun maxsus joylar ajratilgan. Loyihaning rasmiy ochilishi 2026-yilda bo‘lib o‘tadi. Tizim kuniga 100 ming yo‘lovchini tashishga mo‘ljallangan.

SkyRail boshqa ikkita metro liniyasi bilan bog‘lanadi, bu esa San-Pauludagi jamoat transporti samaradorligini oshiradi.

BYD Brazil SkyRail texnik direktori...

Oppo kompaniyasi yangi Hasselblad Professional Imaging Kit nomli maxsus modulli suratga olish to‘plamini taqdim etdi. Bu haqda Gizmochina xabar bermoqda.

U Find X9 Pro flagmaniga mo‘ljallangan va professional darajadagi foto va video suratga olish imkonini beradi.

To‘plam tarkibiga Hasselblad telekonverteri, magnitli tutqich, magnitli qopqoq va yelkaga osiladigan professional kamar kiradi. Qurilma 16-oktabr kuni Oppo Find X9 seriyasi bilan bir vaqtda savdoga chiqadi.

Find X9 Pro 200 megapikselli Hasselblad periskop kamerasi bilan jihozlanadi. U 4K 120 fps Dolby Vision formatida video yozishni qo‘llab-quvvatlaydi. Telekonverter yordamida foydalanuvchilar tasvirni yanada aniqroq va moslashuvchan tarzda suratga olishlari mumkin.

Magnitli tutqichda zatvor tugmasi va...

Andijon viloyati Marhamat tumani hokimining o‘rinbosari pora ustida qo‘lga olindi. Bu haqda DXX matbuot xizmati ma’lum qildi.

U mansab vakolatidan foydalanib, tuman hududidan o‘tgan katta yo‘l bo‘yidagi 400 metr uzunlikdagi zovurni yopiq tizimga o‘tkazish evaziga hosil bo‘ladigan 60 sotix yer maydonidan 8 ta savdo do‘koni qurish uchun yer ajratib berishni va hujjatlarni rasmiylashtirishni va’da qilgan. Buning evaziga u fuqaro­dan $15 ming talab qilib, avval $200 olgan.

Davlat xavfsizlik xizmati hamda Bosh prokuratura huzuridagi Departament xodimlari tomonidan o‘tkazilgan tezkor tadbirda hokim o‘rinbosari qolgan $14,8 ming olayotgan paytda ashyoviy dalillar bilan ushlandi.

Unga nisbatan Jinoyat kodeksining 168-moddasi 3-qismi «a, v» bandlari...

Buyuk Britaniya bosh vaziri Keir Starmer Misrda o‘tgan xalqaro sammitda G‘azo sektoriga suv, sanitariya va gigiyena xizmatlarini yetkazib berish uchun 20 mln funt (taxminan $27 mln) miqdorida yordam ajratilishini ma’lum qildi. Bu haqda Reuters nashri xabar berdi.

Unga ko‘ra, yordam UNICEF, Jahon oziq-ovqat dasturi va Norvegiya Qochqinlar Kengashi orqali yetkaziladi. Bu mablag‘ ochlik, malnutritsiya va kasallik xavfi ostida qolgan aholiga yo‘naltiriladi.

Isroil bilan Hamas o‘rtasidagi o‘t ochishni to‘xtatish kelishuvi yakshanba kuni ketma-ket uchinchi kunga kirdi. Buyuk Britaniya G‘azoning qayta tiklanishiga bag‘ishlangan uch kunlik xalqaro sammitni ham o‘tkazishini e’lon qildi.

Shuningdek, Buyuk Britaniya joriy moliyaviy yilda Falastinga jami 74 mln...

O‘zbekistonning birinchi mudofaa vaziri, general-polkovnik Rustam Urmanovich Axmedov 82 yoshida vafot etdi. Bu haqda Mudofaa vazirligi matbuot xizmati xabar berdi.

Rustam Axmedov 1943-yil 10-noyabrda Farg‘ona viloyatining Bog‘dod tumanida tug‘ilgan. U Toshkent oliy tank qo‘mondonlik bilim yurti va Zirhli tank qo‘shinlari harbiy akademiyasini tamomlagan.

U 1991 – 1992-yillarda Mudofaa ishlari bo‘yicha vazir va Milliy gvardiya qo‘mondoni, 1992 – 1997-yillarda esa O‘zbekistonning birinchi mudofaa vaziri lavozimida faoliyat yuritgan.

Rustam Axmedov, shuningdek, 1997 – 1998-yillarda Favqulodda vaziyatlar vaziri bo‘lib ishlagan. U xizmatlari uchun «Faxriy yorliq», «Shon-sharaf» va «Do‘stlik» ordenlari bilan taqdirlangan.

Avvalroq Kursiv Uzbekistan Shavkat Mirziyoyev marhum Ismoil Jo‘rabekov xonadoniga tashrif buyurgani...

Sirdaryo viloyatidagi 398 ta xususiy va oilaviy bog‘chada o‘tkazilgan sanitariya nazoratida qator qoidabuzarliklar aniqlandi. Bu haqda UzA xabar berdi.

Tekshiruvlar Sirdaryo viloyati hokimligi hamda tegishli idoralar ishtirokida o‘tkazilgan. Ularning maqsadi bolalar uchun yaratilgan sharoitlarning sanitariya-gigiyena me’yorlariga qanchalik javob berishini aniqlash bo‘lgan.

Natijalarga ko‘ra, ko‘plab bog‘chalarda oshxonalar ta’mirtalab, suv ta’minotida uzilishlar mavjud, qo‘l yuvish uskunalari yetarli emasligi aniqlangan. Shuningdek, ayrim muassasalarda xodimlar va bolalar belgilangan tibbiy ko‘rikdan o‘tmagani, yotoqxona jihozlari eskirgani va xonalar ta’mirga muhtoj ekani qayd etilgan.

Kamchiliklar asosida bir necha bog‘chalarning faoliyati vaqtincha to‘xtatildi. Bu chora-tadbirlar bolalar uchun xavfsiz va sog‘lom muhit yaratish, shuningdek, sanitariya talablariga qat’iy...

Oʻzbekiston futboli tarixida ilk marta mamlakat mutaxassislari FIFA qoʻmitalari tarkibiga rasman tayinlandi. Bu haqda Oʻzbekiston futbol assotsiatsiyasi (OʻFA) matbuot xizmati xabar berdi.

FIFA Kengashi qaroriga koʻra, OʻFA birinchi vitse-prezidenti Ravshan Irmatov 2025 – 2029-yillar uchun Futbolda texnologiyalar, innovatsiyalar va raqamli rivojlanish qoʻmitasi (Football Technology, Innovation and Digital Transformation Committee) rais oʻrinbosari etib tayinlandi. Qoʻmitaga FIFAning futbol texnologiyalari boʻyicha direktori Yohannes Holzmueller rahbarlik qiladi.

Mazkur qoʻmita VAR tizimi, golni aniqlash texnologiyasi, yarimavtomatik ofsayd nazorati, raqamli monitoring va sun’iy intellekt asosidagi yechimlar kabi innovatsion texnologiyalarni joriy etish va sinovdan oʻtkazish ustida ish olib boradi.

Shuningdek, OʻFA bosh kotibi Avaz Maksumov Sohil...

Mashhur amerikalik aktrisa, «Oskar» mukofoti sovrindori Dayan Kiton 79 yoshida Kaliforniyada vafot etdi. Bu haqda uning oilasi ma’lum qildi.

Dayan Kiton (asl familiyasi Holl) 1946-yil Los-Anjelesda tugʻilgan. U 1970-yillarda Frensis Ford Koppolaning «Choʻqintirgan ota» trilogiyasida Key Adams-Korleone roli orqali butun dunyoda tanilgan.

Aktrisa, shuningdek, Vudi Allenning «Enni Xoll» filmidagi ijrosi bilan 1977-yilda «Eng yaxshi ayol roli» uchun «Oskar» mukofotini qoʻlga kiritgan. Shu film unga «Oltin globus» va Bafta sovrinlarini ham olib kelgan.

Kiton oʻz faoliyati davomida 60 dan ortiq film va teleseriallarda suratga tushgan. U «Uylangan ayollar», «Bir narsa berishi kerak», «Oila toshi», «Kitob klubi», «Chunki men shunday...

Braziliyalik sobiq UFC chempioni Charls Oliveyra uch oylik tanaffusdan soʻng UFC Fight Night 261 turnirining bosh jangida Mateush Gamrotni ikkinchi raundda boʻgʻish usuli bilan mag‘lub etdi.

Jangning dastlabki daqiqalaridayoq Oliveyra hujumkor uslubda harakat qildi. Gamrot raqibini parterga olishga urindi, biroq bu taktika kutilgan natija bermadi. Braziliyalik sportchi darhol qulay pozitsiyani egallab, bir necha bor xavfli harakatlarini sinab koʻrdi.

Ikkinchi raundda Oliveyra tashabbusni butunlay oʻz qoʻliga oldi. Aniq zarbalar seriyasidan soʻng u boʻgʻish usulini qoʻlladi. Hakam jangni 2-daqiqa 48-soniyada toʻxtatdi.

Bu gʻalaba Charls Oliveyra uchun professional faoliyatidagi 32-muddatidan avvalgi gʻalaba boʻldi. Ulardan 22 tasi boʻgʻish yoki ogʻriq keltiruvchi usullar bilan qoʻlga...

Qirgʻiziston Milliy xavfsizlik davlat qoʻmitasi raisi Qamchibek Tashiyev mamlakat poytaxti kelgusida Manas shahriga koʻchirilishi ehtimolini istisno etmadi. Bu haqda u Manasdagi ta’lim muassasalari rahbarlari bilan uchrashuvda ma’lum qildi.

Tashiyevning aytishicha, 2026-yilda Manasga respublika ahamiyatidagi uchinchi shahar maqomi berilishi rejalashtirilgan. U Jalolobod nomining oʻzgartirilishini strategik jihatdan toʻgʻri qaror deb atadi va Manasning mamlakat rivojlanishidagi roli ortib borayotganini ta’kidladi.

«Ba’zi siyosatchilar Manas poytaxt boʻladi, deb aytishgan. Agar biz bunga loyiq boʻlsak, nega yoʻq? Ammo buning uchun shahar ham, xalq ham tayyor boʻlishi kerak. Poytaxt boʻlish – bu katta mas’uliyat, buning uchun moliyaviy, infratuzilmaviy va ruhiy tayyorgarlik zarur...

Oʻzbekistonning milliy pochta operatori «Oʻzbekiston pochtasi» (UzPost) xususiylashtirilgani haqida ma’lumotlar paydo boʻldi. Bu haqda iqtisodchi Otabek Bakirov bir nechta mustaqil manbalarga tayanib xabar bermoqda.

Bakirovning soʻzlariga koʻra, davlat ulushini sotib olgan investor shimollik yirik elektron savdo platformalaridan biri boʻlishi mumkin. U nom aniq aytilmagan boʻlsa-da, bu Rossiyada faoliyat yurituvchi onlayn platformalardan biri ekani taxmin qilinmoqda.

Hozircha bitim tafsilotlari va aksiyalar paketi hajmi oshkor etilmagan. Davlat aktivlarini boshqarish agentligi ham, UzPost rahbariyati ham bu borada izoh bermagan.

Eslatib oʻtamiz, joriy yil iyun oyida UzPostʼning affillangan shaxslar roʻyxatida oʻzgarishlar kuzatilgan edi. Undan «Aloqabank», Iqtisodiyot va moliya vazirligi hamda ushbu vazirlikka tegishli...

Toshkentda xalqaro Ritz-Carlton brendi ostida besh yulduzli mehmonxona va turarjoy majmuasi qurilishi davom etmoqda. Bu haqda Investitsiyalar, sanoat va savdo vazirligi xabar berdi.

Vazir o‘rinbosari Xurram Teshabayev Ozarbayjonning PASHA Real Estate kompaniyasi rahbari Elchin Gadimov bilan uchrashuv o‘tkazib, loyihaning hozirgi holati va keyingi bosqichlarini muhokama qildi. Uchrashuvda qurilish ishlari belgilangan jadvalga muvofiq davom etayotgani ta’kidlandi.

Majmuaning bosh rejasi Britaniyaning Benoy arxitektura kompaniyasi bilan hamkorlikda ishlab chiqilgan. Loyiha qiymati $200 millionni tashkil etadi. Hozirda yerosti inshootlari qurilishi yakunlanish arafasida, yil oxiriga qadar esa binolarning ustki konstruksiyalarini barpo etish ishlari boshlanishi rejalashtirilgan.

Tomonlar loyiha sifatini xalqaro standartlarga mos darajada ta’minlash, shuningdek...

Yangi Zelandiyada Laurence Gregory Watkins ismli erkak dunyodagi eng uzun ism egasi sifatida Ginnes rekordlar kitobiga kiritildi. Uning rasmiy ismi 2253 ta soʻzdan iborat boʻlib, uni toʻliq aytish uchun 10 daqiqadan ortiq vaqt talab etiladi.

Watkins 1990-yil 8-mart kuni oʻz ismini oʻzgartirish uchun ariza topshirgan. U ismiga tarixiy va madaniy ahamiyatga ega boʻlgan minglab shaxslar, faylasuflar, siyosatchilar hamda yozuvchilarning nomlarini qoʻshganini aytadi.

«Bu ism insoniyat tarixining kichik ensiklopediyasiga oʻxshaydi, har bir ismning oʻz ma’nosi bor», — deydi u.

Ismni rasmiy roʻyxatdan oʻtkazish dastlab rad etilgan, biroq Yangi Zelandiya Oliy sudi uning arizasini qoʻllab-quvvatlab...

Oʻzbekistonda 2026-yil uchun doktorantura va tadqiqot yoʻnalishlari boʻyicha qabul kvotalari tasdiqlandi. Ushbu kvotalar Davlat budjeti mablagʻlari hisobidan moliyalashtiriladi.

Innovatsion rivojlanish agentligining ma’lumotiga koʻra, kelasi yil ilmiy kadrlarni tayyorlashning barcha bosqichlari uchun jami 5,3 mingta oʻrin ajratilgan. Shundan 4,1 mingtasi tayanch doktorantura, 714 tasi doktorantura, 398 tasi stajyor-tadqiqotchi yoʻnalishlariga toʻgʻri keladi. Shuningdek, maqsadli doktorantura (PhD va DSc) uchun 76 ta kvota belgilanadi.

Oliy ta’limdan keyingi ta’limning barcha shakllari boʻyicha hujjatlar qabuli 2025-yil 5-noyabrgacha davom etadi.

Eslatib o‘tamiz, 2024-yilda bu yoʻnalishlarga 5200 ta, 2025-yilda esa 5250 ta kvota ajratilgan edi.

Avvalroq Kursiv Uzbekistan abituriyentlar uchun kontrakt va grant kvotalari kengaytirilgani...

O‘zbekistonda pullik avtomobil yo‘llarida harakat tezligini 150 km/soatgacha oshirish masalasi ko‘rib chiqilmoqda. Bu haqda Avtoyo‘llar qo‘mitasi bosh yuriskonsulti Hasan Umarov ma’lum qildi.

Uning so‘zlariga ko‘ra, bu taklif yo‘llarga oid qonunning yangi tahririda ko‘zda tutilgan. Hujjatda shuningdek, to‘lovli yo‘llardan foydalanish uchun belgilangan narxning eng yuqori chegarasi ham belgilanadi. Masalan, 200 km masofadagi yo‘l uchun to‘lov 100 ming so‘m atrofida bo‘lishi kutilmoqda.

Deputat Farhod Zayniyevning aytishicha, har bir to‘lovli yo‘lga bepul muqobil yo‘l ham mavjud bo‘ladi.

Unga ko‘ra, mavjud avtomobil yo‘llarini pullik qilish rejalashtirilmagan — buning o‘rniga yangi trassa quriladi.

Shuningdek, favqulodda holatlar paytida to‘lovli yo‘llardan bepul foydalanish imkoniyati yaratiladi. Huquqni...

Fransiya prezidenti Emmanuel Makron Sebastyan Lekornyuni yana bosh vazir lavozimiga tayinladi. Bu haqda Bloomberg nashri xabar berdi.

Nashrga ko‘ra, qayta tayinlov siyosiy muvozanatni saqlash va navbatdagi hukumat inqirozini oldini olishga qaratilgan so‘nggi urinish sifatida baholanmoqda.

Lekornyu 9-sentabrdan 6-oktabrgacha Fransiya hukumatiga rahbarlik qilgan edi. U iste’fosidan bir kun oldin yangi hukumat tarkibini e’lon qilgan, biroq uni muxolifat partiyalari keskin tanqid qilgan.

Yangi bosh vazir 13-oktabr, dushanba kuni kelgusi yilgi Davlat budjetini parlamentga taqdim etadi. Agar hujjat qabul qilinmasa, hukumat moliyalashtirilishini ta’minlash uchun alohida qonun loyihasi ishlab chiqilishi kerak bo‘ladi.

Sebastyan Lekornyu 1986-yil 11-iyunda Obonn shahrida tug‘ilgan. U 2022-yil bahoridan 2024-yil...

Samsung kompaniyasi tomonidan Xitoy bozoriga mo‘ljallangan yangi Samsung W26 smartfoni taqdim etildi. Bu model mashhur Galaxy Z Fold7 smartfonining hashamatli versiyasi bo‘lib, oltin rangdagi bezak elementlari bilan ajralib turadi. Qurilma qizil va qora ranglarda taqdim etilgan.

W26 modeli alyuminiy korpusga ega. Uning qalinligi ochiq holatda 4,2 mm, buklanganda esa 8,9 mm bo‘lib, og‘irligi 215 grammni tashkil etadi.

Smartfon Snapdragon 8 Elite chipi asosida ishlaydi va Android 16 tizimidagi One UI 8 qobig‘iga ega. Qurilma 16 GB operativ xotira hamda 512 GB yoki 1 TB doimiy xotira bilan jihozlangan. Tashqi ekranining diagonali 6,5 dyuym, ichki ekran esa 8 dyuym bo‘lib...