Yangiliklar

Auto Shanghai 2025 ko‘rgazmasida SAIC-Audi o‘zining birinchi ishlab chiqarish modeli AUDI E5 Sportback ni rasman taqdim etdi. Bu haqda CarNewsChina nashri ma’lum qildi.

Brend va dizayn
Yangi brend logotipi to‘rt halqasiz, «AUDI» yozuvi bilan ko‘rsatilgan. E5 Sportback sportbop dizayni, yorqin LED faralar va LiDAR sensorli ilg‘or xavfsizlik tizimi bilan ajralib turadi.

Texnik tomoni

Ichki dizayn va texnologiya

Shavkat Mirziyoyev Kashmir hududida sodir bo‘lgan terrorchilik harakati oqibatida ko‘plab insonlar halok bo‘lgani va jiddiy jarohatlangani munosabati bilan Hindiston prezidenti Draupadi Murmu va bosh vaziri Narendra Modiga ta’ziya yo‘lladi. Bu haqda davlat rahbari matbuot kotibi ma’lum qildi.

Unga ko‘ra, prezident halok bo‘lganlarning oila a’zolari va yaqinlariga, butun Hindiston xalqiga samimiy hamdardlik bildirib, jabrlanganlarning tez fursatda sog‘ayib ketishini tiladi.

Eslatib o‘tamiz, avvalroq Mirziyoyev elektrotexnika sohasidagi yutuqlar va kelgusi rejalarga bag‘ishlangan taqdimot bilan tanishgan edi.

Vashingtonda bo‘lib o‘tayotgan Google’ga qarshi antimonopoliya sudida OpenAI vakili Nik Terli mashhur Chrome brauzeri sotuvga qo‘yilsa, kompaniya uni xarid qilishga qiziqishini bildirdi. Bu haqda Reuters axborot agentligi ma’lum qildi.

Unga ko‘ra, mazkur taklif AQSh Adliya departamenti Google’ning qidiruv bozoridagi ustun mavqeyini kamaytirish uchun uni aktivlarini sotishga majbur qilishi mumkinligi fonida bildirildi.

Sudda OpenAI vakili, shuningdek, Google ChatGPT’ga o‘zining qidiruv texnologiyasini ishlatishga ruxsat bermaganini ma’lum qildi. Hozirda ChatGPT Microsoft’ning Bing tizimidan foydalanadi. Vakilga ko‘ra, ko‘proq Google API’laridan foydalanish mahsulot sifatini oshirishga xizmat qilishi mumkin.

Sud jarayonida Google’ning boshqa kompaniyalar bilan eksklyuziv kelishuvlari, raqobatchilarga to‘siq bo‘layotgani haqida ham fikrlar bildirildi. Adliya...

23-aprel kuni respublikaning ko‘pchilik hududlarida havo biroz bulutli bo‘lishi kutilmoqda. Ayrim viloyatlarda qisqa muddatli yomg‘ir yog‘ishi, momaqaldiroq bo‘lishi ehtimoli mavjud, deya xabar bermoqda «O‘zgidromet».

Toshkent shahrida ob-havo biroz bulutli bo‘ladi, kunning ikkinchi yarmida yomg‘ir va momaqaldiroq bo‘lish ehtimoli bor. Harorat 23-25° atrofida iliq bo‘ladi.

Qoraqalpog‘iston va Xorazmda quyoshli kun hukm suradi – yog‘ingarchilik yo‘q, harorat kunduzi 28-33° gacha ko‘tariladi.

Buxoro va Navoiyda osmon biroz bulutli, ammo yomg‘ir yo‘q. Harorat 24-29° atrofida iliq bahoriy ob-havo.

Toshkent viloyatida ham kunning ikkinchi yarmida qisqa muddatli yomg‘ir yog‘ishi mumkin. Harorat 23-28° atrofida bo‘ladi.

Sirdaryo, Jizzax va Samarqandda osmon ochiq, iliq bahoriy havo hukm...

Mercedes-Benz Shanxay avtosalonida futuristik interyeri va hashamatli yechimlari bilan ajralib turadigan Vision V konseptini namoyish etdi. Bu haqda CarNewsChina nashri ma’lum qildi.

Konsept VAN.EA platformasida qurilgan bo‘lib, yopiq qalqon shaklidagi panjara, yoritilgan Mercedes emblemasi va zamonaviy orqa chiroqlar bilan diqqatga sazovor.

Ichkarida esa faqat to‘rt o‘rindiqli VIP-zal makoni taqdim etilgan. Yog‘och, ipak, Nappa terisi va alyuminiy kabi materiallar qo‘llanilgan. 42 dinamikli Dolby Atmos tizimi, yotishga mos o‘rindiqlar, 65 dyuymli proyeksiya ekrani va shaffof shaxmat doskasi kabi yechimlar mavjud.

Mercedes ushbu kontsepti asosida 2026-yilda VLS va VLE deb nomlanuvchi ishlab chiqarish versiyalarini taqdim etishni rejalashtirgan.

Avvalroq Kursiv Uzbekistan yangi Mercedes-Maybach...

Angliya Premer ligasining 34-turidan o‘rin olgan bahsda «Manchester Siti» o‘z maydonida «Aston Villa» ustidan 2:1 hisobida g‘alaba qozondi.

Uchrashuv boshidanoq «shaharliklar» bosimni oshirdi va 7-daqiqadayoq Bernardu Silva hisobni ochdi. Mehmonlar 18-daqiqada Markus Reshfordning penaltisi evaziga javob golini urishdi. 81-daqiqada Omar Marmush hisobni o‘zgartirishga muvaffaq bo‘ldi, ammo hakam golni qo‘pol o‘yin tufayli bekor qildi. O‘yinning 94-daqiqasida Mateus Nunes hal qiluvchi golni kiritdi va jamoasiga muhim uch ochkoni taqdim etdi. Abduqodir Husanov maydonga tushmadi.

Ushbu g‘alabadan so‘ng «Man Siti» 61 ochko bilan 3-o‘ringa ko‘tarildi, «Aston Villa» esa 57 ochko bilan 7-pog‘onada qolmoqda.

Avvalroq Kursiv Uzbekistan Husanov sabab Markaziy Osiyo futboliga qiziqish...

Hukumatning 252-sonli qaroriga binoan, xorijda ishlash istagida bo‘lgan O‘zbekiston fuqarolari uchun yangi imkoniyatlar yaratildi. Bu haqda Adliya vazirligi ma’lum qildi.

Qarorga ko‘ra, «Xorijga ishga tayyorlash markazi» tashkil etiladi va bu yerda yagona darcha tamoyili asosida barcha zarur xizmatlar taqdim etiladi. Xorijga vaqtinchalik ishlash uchun ketayotgan fuqarolarni qulay va arzon transport bilan ta’minlash maqsadida avtobus qatnovlari ko‘paytiriladi.

Shuningdek, «Xorijda ish» tizimi orqali ro‘yxatdan o‘tgan fuqarolarga quyidagi yo‘nalishlarda subsidiya va kompensatsiyalar ajratiladi: til va kasbiy imtihonlar xarajatlarini qoplash uchun – BHMning 3 baravarigacha, ishchi vizani rasmiylashtirish xarajatlari uchun – BHMning 5 baravarigacha, yo‘l chiptasi xarajatlari uchun – BHMning 2 baravarigacha.

Bundan...

23-aprel kuni Toshkent shahri, Nukus va barcha viloyat markazlarida navbatdagi «Avtomobilsiz kun» aksiyasi bo‘lib o‘tadi. Bu haqda Ekologiya vazirligi ma’lum qildi.

Aksiya sog‘lom turmush tarzini targ‘ib qilish, havo ifloslanishini kamaytirish va shaharlar markazlarida transport tirbandligini oldini olishga qaratilgan.

Shu kuni davlat tashkilotlari xodimlari hamda fuqarolarga shaxsiy avtomobillardan voz kechib, jamoat transporti, piyoda yurish yoki ekologik toza vositalardan foydalanish tavsiya etiladi.

Eslatib o‘tamiz, «Avtomobilsiz kun» har oyning to‘rtinchi chorshanbasida o‘tkazilib kelinmoqda. Har bir fuqaroning ushbu aksiyadagi ishtiroki atrof-muhit holatini yaxshilashga xizmat qiladi.

Avvalroq Toshkent viloyatida Malayziya bilan golf kurorti qurilishi rejalashtirilayotgani haqida yozgan edik.

«Mening bog‘im» loyihasining joriy yilgi mavsumi bo‘yicha ovoz berish jarayoni boshlandi. Bu haqda Iqtisodiyot va moliya vazirligi ma’lum qildi.

Unga ko‘ra, hozirga qadar hududlardan 570 ta loyiha taklif qilingan bo‘lib, ular orasidan eng yaxshilarini tanlash imkoniyati mavjud. Ovoz berish 30-aprelga qadar davom etadi.

Fuqarolar o‘zlariga manzur loyihaga Ochiq budjet portali yoki Telegramdagi rasmiy bot orqali ovoz berishlari mumkin.

Ma’lumot uchun, «Mening bog‘im» – bu fuqarolar tashabbusi asosida jamoat bog‘lari, yashil maydonlar va dam olish maskanlarini barpo etishga qaratilgan loyiha. U «Ochiq budjet» tizimi doirasida amalga oshiriladi va aholining bevosita ishtiroki asosida g‘olib loyihalar aniqlanadi.

Shavkat Mirziyoyev elektrotexnika sohasidagi yutuqlar va kelgusi rejalarga bag‘ishlangan taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, so‘nggi yillarda bu tarmoq mamlakat sanoatining yetakchi yo‘nalishlaridan biriga aylandi – eksport hajmi 7 barobarga oshdi, mahsulotlar esa 63 ta davlatga yetkazilmoqda.

Bugungi kunda elektrotexnika tarmog‘ida 500 ga yaqin korxonalar faoliyat yuritmoqda, ularda 27 mingdan ziyod ish o‘rinlari mavjud. Shu yil boshida qabul qilingan Prezident qaroriga ko‘ra, yuqori qo‘shilgan qiymatli mahsulotlar ishlab chiqarish, xorijiy sarmoya va brendlarni jalb etish bo‘yicha keng qamrovli ishlar olib borilmoqda.

Joriy yilning birinchi choragida ishlab chiqarish hajmi 7 trln so‘mdan oshdi, eksport...

iPhone 17 smartfonlari chiqarilishiga hali to‘rt-besh oy vaqt bo‘lishiga qaramay, Xitoyda istagan har bir kishi allaqachon ushbu qurilmalarni «ushlab ko‘rishi» mumkin. Bu haqda WCCF Tech nashri ma’lum qildi.

Bu haqiqiy smartfonlar emas, balki ularning maketlaridir. Ular internetga sizib chiqqan CAD-modellarga asoslanib yaratilgan.

Xaridorlar e’tiborini ko‘proq iPhone 17 seriyasi tortmoqda, chunki unda butunlay yangi model – iPhone 17 Air paydo bo‘ladi. Bu model barcha avvalgi smartfonlarga nisbatan ancha yupqa bo‘lib, aynan shu jihat ayrim xaridorlar uchun muhim ahamiyat kasb etishi mumkin. Qurilmaning shunchalik ingichkaligi uni qo‘lda ushlaganda mutlaqo boshqacha his uyg‘otadi va bu omil xarid qaroriga ta’sir qilishi ehtimoldan xoli...

Shavkat Mirziyoyev kimyo sanoatini rivojlantirishga qaratilgan loyihalar taqdimoti bilan tanishdi. Bu haqda davlat rahbari matbuot xizmati ma’lum qildi.

So‘nggi yillarda tarmoqda bozor tamoyillari joriy etilib, xorijiy investitsiyalar oqimi kengaydi. Navoiy, Farg‘ona va Qo‘ng‘irotda tashkil etilgan kimyo klasterlari, Chirchiq va Jizzaxdagi texnoparklar sanoatning yangi bosqichini boshlab berdi.

Modernizatsiyadan o‘tgan Qo‘qon superfosfat zavodi, 23 ta yangi korxonaning ishga tushirilishi va 4 mingdan ortiq ish o‘rinlarining yaratilishi bu sohada katta yutuqlarga erishilganini ko‘rsatadi. Natijada ishlab chiqarish hajmi 1,5 barobar o‘sdi.

Joriy yilning birinchi choragida $181 mln.lik investitsiya o‘zlashtirilib, 3 loyiha ishga tushdi. Ikkinchi chorakda esa «yashil» vodorod va sian tuzlari korxonalari ishga...

23-24-aprel kunlari O‘zbekistonning olti viloyatida sel va suv toshqini kutilmoqda. Bu haqda «O‘zgidromet» xabar bermoqda.

Samarqand, Jizzax, Toshkent, Namangan, Farg‘ona va Andijon viloyatlarining tog‘li hududlarida sel va suv toshqinlari xavfi e’lon qilindi.

«O‘zgidromet» shu kunlarda kuchli yomg‘ir yog‘ishini taxmin qilmoqda. Agentlik tog‘li hududlar aholisi va sayyohlarni ehtiyot bo‘lishga chaqiradi.

Eslatib o‘tamiz, Kursiv Uzbekistan nashri 22-aprel kuni qanday ob-havo kuzatilishi haqida yozgan edi.

26-mart kuni Markaziy bank «Maroqand» to‘lov tashkilotiga qo‘yilgan cheklovlarni bekor qildi. Bu haqda bank matbuot xizmati ma’lum qildi.

Ma’lumot uchun, 2024-yilning sentabr oyida Markaziy bankning nazorat qo‘mitasi tomonidan «Maroqand» AJ tomonidan taqiqlangan xizmatlar (qimor o‘yinlar) uchun to‘lovlarni amalga oshirishga yo‘l qo‘yib kelgani sababli to‘lovlar bilan bog‘liq xizmatlari olti oyga cheklangandi.

Markaziy bank ma’lumotlariga ko‘ra, tashkilot Upay va Humans Pay tovar belgilariga ega. «Maroqand» asoschisi Humans Companies. 

Avvalroq Kursiv Uzbekistan ILMA qonunlarga regulyator sifatida rasman kiritilgani haqida yozgandi.

Bugun 22-aprel kuni Abdulla Avloniy nomidagi institutda STEAM markazi ochildi. Bu haqda Maktabgacha va maktab ta’limi vaziri Hilola Umarova ma’lum qildi.

O‘zbekiston va Ozarbayjon hamkorligida tashkil etilgan markaz zamonaviy texnologiyalar bilan jihozlandi. Loyiha qiymati 15 mlrd so‘mni tashkil etdi.

Markazda 9 ta laboratoriya, uchrashuv va boshqaruv xonalari mavjud. Jihozlar yordamida o‘quvchilarning IQ va robototexnikasi rivojlantiriladi.

Ozarbayjon Fan va taʼlim vazirligi markazga $551 mingli jihozlar sovg‘a qildi. Ular beg‘araz taqdim etildi.

«Ushbu jihozlar ta’lim sohasiga katta imkoniyatlar olib kiradi», – dedi vazir Hilola Umarova.

Laboratoriyalar orqali aviasimulyatsiya, dronlar, aerodinamika, sunʼiy yo‘ldoshlar o‘rgatiladi. Virtual muhitda xavfsiz...

Toshkent viloyati hokimining Malayziyaga tashrifi chog’ida «The Mines Resort and Golf Club» bilan Toshkent viloyatida golf majmuasi qurilishi bo‘yicha kelishildi.

Loyihani amalga oshirish uchun 100 gektar yer ajratilishi ko‘zda tutilgan. Hudud zamonaviy kurort zonasiga aylantiriladi. Taklif etilgan joylar Bo‘stonliq, Parkent va Ohangaron tumanlari.

Delegatsiya bugun «The Foodbase» kompaniyasi bilan ham muzokara o‘tkazadi. Kompaniya tabiiy shakarni qayta ishlash texnologiyasi bilan tanilgan.

Shuningdek, «Righ food company» bilan vegeterian fast fud ishlab chiqarish bo‘yicha suhbatlar rejalashtirilgan.

Avvalroq Kursiv Uzbekistan Surxon Arena uch yillik tanaffusdan so‘ng qayta foydalanishga topshirilgani haqida xabar bergan edi.

OPPO K12s smartfoni bir qancha yangilik va qo‘shimcha texnik xususiyatlar bilan taqdim etildi. Bu haqda ITHome nashri xabar bermoqda.

Qurilma to‘rtinchi avlod Snapdragon 6 protsessori bilan jihozlanadi. 5700 mm² o‘zaro darajadagi VCga ega va ColorOS 15 tizimini oladi.

Yangi model uch rangda taqdim etiladi. U orqa yumaloq to‘rtburchak linzali modul, to‘g‘ri burchakli o‘rta ramka va orqa qopqoqdagi prizmatik teksturali dizayn bilan jihozlangan. Uning og‘irligi 211 g va qalinligi 8,6 mmni tashkil etadi.

Yangi telefon 7000 mAh sig‘imli katta batareyasi bilan ajralib turadi. Bu batareya 80W tezkor zaryadlashni qo‘llab-quvvatlaydi va kompaniya ma’lumotiga ko‘ra, 1800 marta zaryadlash sikliga bardosh bera...

Oliy Majlis Qonunchilik palatasi soliq va tadbirkorlik sohasidagi munosabatlarni takomillashtirishga qaratilgan qonun loyihasini ikkinchi va uchinchi o‘qishda ma’qulladi. Bu haqda parlament quyi palatasi matbuot xizmati xabar berdi.

Qonun hujjatida soliq sohasida huquqbuzarliklarning oldini olish maqsadida javobgarlik kuchaytirilishi ko‘zda tutilgan. Jumladan, soliq, yig‘im va majburiy to‘lovlardan bo‘yin tovlash uchun sanksiyalar qat’iylashtiriladi.

Shu bilan birga, agar soliq buzilishi oqibatida yetkazilgan zarar to‘liq qoplanadigan bo‘lsa, shaxslar javobgarlikdan ozod etilishi mumkinligi belgilangan.

Dastlabki tergovoldi surishtiruvi va tergov jarayonlariga oid vakolatlar ham aniq belgilab berilgan. Bundan tashqari, soliq buzilishi aniqlanganda, tergov organlari hisobidan budjetga o‘tkazilmaguncha, hisoblangan qo‘shimcha to‘lovlarga penya hisoblanmaydi.

Qonun loyihasining ikkinchi o‘qishida...

23-aprel kuni bir AQSh dollarining rasmiy kursi 30,68 soʻmga tushib, 12 878,96 soʻmni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 830 – 12 900 soʻmdan sotib olayotgan boʻlsa, 12 910 – 12 970 soʻm oraligʻida sotmoqda.

Shu bilan birga, yevro 106,26 soʻmga tushib, 14 801,79 soʻmga yetdi. Rossiya rubli esa 1,36 soʻmga pastlab 158,39 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.   

YouTube Music foydalanuvchilarga qo‘shiq matnlarini ijtimoiy tarmoqlarda ulashish imkoniyatini taqdim etmoqda. Bu yangi funksiya hozircha faqat Android qurilmalaridagi beta foydalanuvchilarda sinovdan o‘tkazilmoqda. Bu haqda Sammobile nashri ma’lum qildi.

Matnni ulashish uchun «Lyrics» yorlig‘iga o‘ting, «Ulashish» tugmasini bosing, kerakli qatorlarni tanlang va Instagram, boshqa ilovalar yoki fayl sifatida ulashingiz mumkin. Fon rangini ham tanlash imkoniyati mavjud.

Musiqa YouTube portali ilgari real vaqtda qo‘shiq matnlarini ko‘rsatishni joriy qilgan edi. Endilikda ushbu matnlarni vizual tarzda bo‘lishish funksiyasi musiqiy tajribani ijtimoiylashtirishga qaratilgan navbatdagi qadamdir.

Biroq platforma hi-res audio sifatini hali qo‘llab-quvvatlamaydi. Apple Music va Tidal allaqachon yuqori aniqlikdagi musiqani taklif qilmoqda. YouTube Music...

Samsung bugun Koreyada Samsung Galaxy Z Fold 5 va Galaxy Z Flip 5 uchun rasmiy One UI 7 (Android 15) yangilanishini chiqardi. Bu haqda Sammobile nashri ma’lum qildi.

Bu yangilanish bugun chiqarilgan boshqa qurilmalar — Galaxy S23, Galaxy S24 FE, Galaxy Tab S10 va Galaxy Tab S9 seriyalariga ham taalluqli.

Hozircha faqat Koreyada mavjud bo‘lgan ushbu yangilanishni foydalanuvchilar telefonning Sozlamalar > Dasturiy ta’minotni yangilash menyusi orqali yuklab olishlari mumkin. Biroq Samsungning avvalgi yangilanish tajribalarini hisobga olsak, One UI 7 global tarqatilishi biroz tartibsiz kechishi mumkin.

Shunga qaramay, Germaniya va Hindiston kabi bozorlar uchun rasmiy jadvalda Galaxy S24, Z Fold...

AQSh prezidenti Donald Tramp Federal zaxira tizimi (Fed) raisi Jerom Pauellni foiz stavkalarini tushirmagani uchun «asosiy yutqazuvchi» deb atab tanqid qildi. Bu haqda BBC nashri ma’lum qildi.

Tramp ijtimoiy tarmoqda Pauellni «Janob Too Late» deb atab, iqtisodiyotni rag‘batlantirish uchun foiz stavkalarini tezda tushirishni talab qildi. Unga ko‘ra, Pauell o‘z vaqtida harakat qila olmaydi va iqtisodiy sekinlashuv xavfini kuchaytirmoqda.

S&P 500 indeksi 2,4%, Dow Jones 2,5%, Nasdaq esa 2,5%dan ko‘proqqa tushdi. AQSh obligatsiyalarining foiz stavkalari oshdi, dollar qiymati esa pasaydi. Shu bilan birga, investorlar xavfsiz aktivlar izlab, oltinga murojaat qilmoqda — spot oltin ilk bor bir untsiya uchun $3,4 mingni...

O‘zbekistonda Bahouddin Naqshband ilmiy-tadqiqot markazi ochiladi. Bu haqda respublika musulmonlar idorasi xabar bermoqda.

Markazda Bahouddin Naqshband va naqshbandiya tariqati olimlari ijodi o‘rganiladi. Tashkilot mas’uliyatiga ilmiy va madaniy tadbirlar o‘tkazish, so‘fiylar tarixini o‘rganish ham kiradi.

Tasavvufiy naqshbandiya tariqati asoschisi Bahouddin Naqshband 1318-yilda Buxoro yaqinida tavallud topgan bo‘lib, uning ta’limotining asosini ma’naviy o‘z-o‘zini takomillashtirish va dabdabani rad etish tashkil etgan. Naqshband tafakkurning 11 qoidasini ham shakllantirgan.

Eslatib o‘tamiz, Kursiv Uzbekistan nashri Anqaraning Kechioren tumanida buyuk alloma Ahmad al-Farg‘oniy sharafiga o‘rnatilgan byustning ochilish marosimi bo‘lib o‘tgani haqida xabar bergan edi.

Marhum Papa Fransiskning dafn marosimi sanasi ma’lum qilindi. Bu haqda Repubblica nashri xabar bermoqda.

Vatikan ma’lumotiga ko‘ra, Marhumning dafn marosimi 2025-yil 25-aprel kuni bo‘lib o‘tadi. Marosim Avliyo Pyotr soborida o‘tkaziladi va unga dunyoning turli mamlakatlaridan rasmiy delegatsiyalar tashrif buyuradi.

Dafn marosimi mahalliy vaqt bilan ertalab soat 11:00 da boshlanishi rejalashtirilgan. Vatikanda fuqarolar va sayyohlarga marosimni jonli efirda tomosha qilish imkoniyati yaratiladi.

Vafot etgan Papa xotirasiga butun dunyo bo‘ylab motam tadbirlari o‘tkazilmoqda.

Eslatib o‘tamiz, Kursiv Uzbekistan nashri Rim Papasi qanday saylanishi haqida yozgan edi.