Yangiliklar

2025-yilda Tojikistonning O‘zbekistonga elektr energiyasi eksporti 894,7 million kVt/soatni tashkil etdi. Bu haqda Tojikiston Energetika va suv resurslari vazirligi ma’lumotlarida keltirilgan.

Tojikistonning umumiy elektr energiyasi eksporti 5,36 milliard kilovatt-soatni tashkil qildi. Bu 2024-yilga nisbatan 37,3 foiz (1,45 milliard kVt/soat) ko‘pdir. Xususan, uch mamlakatga elektr energiyasining tijorat eksporti 2,67 milliard kVt/soatni tashkil etdi, bu esa 912,8 million somoniy (taxminan $100 million) ga teng.

Afg‘onistonga 742,3 million somoniyga ($79,5 million) teng 1,76 milliard kVt/soat, O‘zbekistonga 169,8 million somoniyga ($18,19 million) teng bo‘lgan 894,7 million kVt/soat, shuningdek, Qirg‘izistonga esa 1,2 million somoniylik ($128,5 ming) 11,5 million kVt/soat elektr energiyasi eksport qilindi...

Qarshining «Nasaf» klubi 9-fevral kuni Osiyo Chempionlar ligasi Elit musobaqasining 7-turi doirasida Iroqning «Al Shorta» jamoasiga qarshi bahs olib boradi. Qarshi shahridagi «Markaziy» stadion maysasi ta’mirlanayotgani bois uchrashuv Farg‘ona shahridagi «Istiqlol» stadionida o‘tkaziladigan bo‘ldi. Bu haqda O‘zPFL xabar bermoqda.

O‘yin 9-fevral kuni soat 18:45 da boshlanishi belgilangan. Hozirgi vaqtda «Nasaf» musobaqaning G‘arb mintaqasi turnir jadvalida qiyin vaziyatda qolmoqda. O‘tkazilgan 6 ta turning barchasida mag‘lubiyatga uchragan qarshiliklar hisobida birorta ham ochko mavjud emas va jamoa 12-o‘rinda bormoqda.

Ularning raqibi «Al Shorta» esa 1 ochko bilan 11-pog‘onani band etgan. Mazkur o‘yin har ikki jamoa uchun turnir jadvalining quyi qismidagi vaziyatni o‘nglash...

«Тashabbusli budjet» jarayonida ketma-ket ikki mavsum g‘olib bo‘lgan mahallalar uchun navbatdagi ikki mavsumda loyiha kiritish cheklovi joriy etilgan. Bu haqda Iqtisodiyot va moliya vazirligi xabar berdi.

Unga ko‘ra, avvalgi mavsumlarda ketma-ket g‘olib bo‘lgan va 2026-yil 1-mavsumda loyiha kiritish imkoniyati cheklangan mahallalar ro‘yxati shakllantirilgan. Ushbu ro‘yxat bilan tuman va shaharlar kesimida openbudget.uz havolasi orqali tanishish mumkin.

Amaldagi tartibga ko‘ra, 23 ta tuman (shahar)da mahallalar soni 15 ta va undan kam bo‘lgani uchun bu hududlardagi mahallalarga tanaffus qo‘llanmagan.

Shu bilan birga, cheklov qo‘llangan mahallalar sherikchilik asosida loyihalarni ilgari surish imkoniyatiga ega.

Eslatib o‘tamiz, mazkur mavsum loyiha joriy etilganidan buyon o‘tkazilayotgan...

Honda Accord avtomobilining oltinchi avlodi ishonchlilik bo‘yicha noyob natijani qayd etdi. GAC Honda 1 mln kmga yaqin masofa bosib o‘tgan sedan bilan 24 soatlik chidamlilik testini muvaffaqiyatli yakunlaganini e’lon qildi.

Kompaniya ma’lumotiga ko‘ra, sinovda qatnashgan avtomobilning haqiqiy yurishi 978 ming kmni tashkil etgan. Biroq shartli ravishda u 1 mln km deb baholangan. Test davomida sedan 2181 km yo‘l bosib o‘tgan va biror nosozlik kuzatilmagan.

24 soat ichida avtomobilning maksimal tezligi 145 km/soatgacha yetgan. O‘rtacha yonilg‘i sarfi esa 100 kmga 8,09 litrni tashkil etgan. Sinov yakunida texnik jihatdan hech qanday muammo qayd etilmagan.

GAC Honda’ning qayd etishicha, sinovdan o‘tkazilgan Accord...

Tesla kompaniyasi bu yil kapital xarajatlarni rekord darajaga – $20 mlrddan ortiq oshirishni rejalashtirmoqda. Biroq bu mablag‘ning aksariyati inson haydovchili elektromobillar sotuviga emas, balki avtonom transport va gumanoid robotlar ishlab chiqarishga yo‘naltiriladi, deya yozmoqda Reuters.

Bosh direktor Ilon Maskning ma’lum qilishicha, Model X SUV va Model S sedanlari ishlab chiqarilishi to‘xtatiladi va Kaliforniyadagi zavod maydoni Optimus robotlarini ishlab chiqarishga ajratiladi. Robotlar Texasdagi Gigafactory’da ham ishlab chiqariladi.

Moliyaviy direktor Vaibhav Taneja aytishicha, kapital xarajatlar Cybercab (rulsiz to‘liq avtonom transport), Tesla yarim tirkamali yuk mashinasi (semi-truck), Optimus robotlar kabi yo‘nalishlarga yo‘naltiriladi. Shuningdek, batareya va litiy ishlab chiqarish zavodlariga ham mablag...

General Motors 2026-yildan boshlab Chevrolet Corvette xaridorlari uchun noodatiy imkoniyatni taqdim etmoqda. Endilikda bo‘lajak egalarga o‘z avtomobilining dvigatelini ishlab chiqarish jarayonida bevosita qatnashish taklif etiladi. Bu haqda Autoevolution nashri xabar berdi.

Unga ko‘ra, Build Your Own Engine («Dvigatelingni o‘zing yig‘») nomli ushbu opsiya dastlab eng qudratli 1250 ot kuchiga ega Chevrolet Corvette ZR1X modelini buyurtma qilgan mijozlar uchun joriy etiladi. Xaridorlar Kentukki shtatidagi Bouling-Grin shahrida joylashgan Corvette zavodiga tashrif buyurib, mutaxassis-motoristlar nazorati ostida o‘z avtomobilining dvigatelini yig‘ishda qatnashadi.

Yig‘ilgan dvigatel avval sinov stendida tekshiruvdan o‘tkaziladi, shundan so‘ng avtomobilga o‘rnatiladi. Keyinchalik ushbu xizmatni Corvette’ning boshqa sport versiyalari, ZR1 va Z...

Ilon Mask Ostin shahrida xavfsizlik nazoratchisisiz Robotaxi qatnovi boshlanganini e’lon qilganiga qaramay, amalda bu xizmat kuzatilmayapti. Bu haqda Electrek nashri xabar bermoqda.

22-yanvar kuni qilingan e’londan so‘ng kompaniya aksiyalari 4 foizga oshgan edi. Tesla ishqibozi Devid Moss Ostinda maxsus tajriba o‘tkazib, 42 marta Robotaxi chaqirgan, ammo barcha holatlarda avtomobil ichida haydovchi bo‘lgan. Ijtimoiy tarmoqlarda boshqa foydalanuvchilar ham shunday holatga duch kelayotganini ta’kidlashmoqda.

Tesla dasturiy ta’minot bo‘yicha vitse-prezidenti Ashok Ellusvami «nazoratsiz» mashinalar umumiy park ichida hozircha juda oz miqdorda ekanini tan oldi. Shuningdek, 22-yanvarda namoyish qilingan haydovchisiz mashinalar ortidan kompaniyaning boshqa avtomobillari kuzatib yurgani ma’lum bo‘lgan edi, biroq rasmiy vakillar...

Samarqand viloyati «Zarafshon» daryosi o‘zanidan qum-shag‘al aralashmasi noqonuniy qazib olingani oqibatida tabiatga 422 mlrd so‘m zarar yetkazildi. Holat haqida Ekologiya va iqlim o‘zgarishi milliy qo‘mitasi xabar berdi.

Ma’lum bo‘lishicha, Toyloq tumani hududidan oqib o‘tuvchi, qazish ishlari taqiqlangan daryo o‘zanida noruda materiallar tungi vaqtda noqonuniy qazib olingan. Ushbu materiallar Urgut tumani va Samarqand shahrini bog‘lovchi yangi temir yo‘l liniyasi orqali maxsus beton moslamalar yordamida tashilib, «Zarafshon Propriety Service» MChJ hududiga olib borilgan.

Tekshiruv natijalariga ko‘ra, ushbu qonunbuzarlik oqibatida tabiatga 422,6 mlrd so‘mdan ortiq zarar yetkazilgani aniqlandi. Qo‘mita holat bo‘yicha to‘plangan hujjatlar huquqni muhofaza qiluvchi organlarga taqdim etilganini bildirdi. Shuningdek, temir...

Xiaomi kompaniyasi Redmi Turbo 5 Max bilan birga seriyaning asosiy modeli – Redmi Turbo 5 ni taqdim etdi. Qurilma yuqori modelga qaraganda soddaroq va arzonroq, deya yozmoqda ITHome.

Redmi Turbo 5 4-nanometrli MediaTek Dimensity 8500-Ultra protsessori asosida ishlaydi. Ekran diagonali 6,59 dyuym bo‘lib, ichiga 7560 mA/soat sig‘imli batareya joylashtirilgan. Qurilma 100 Vt quvvatdagi tez zaryadlash va 27 Vt aks zaryadlashni qo‘llab-quvvatlaydi. Ekran ruxsati 1,5K, PWM chastotasi 3840 Hzni tashkil etadi, maksimal yorqinligi esa 3500 kd/m².

Qurilma yon metall ramka, shisha orqa panel va IP69K darajasida chang va suvdan himoya bilan jihozlangan. Dasturiy imkoniyatlar orasida Apple ekotizimi...

Fevral oyida o‘rtacha harorat yanvarga nisbatan biroz yuqori bo‘lishi, ayrim kunlarda bahoriy iliq ob-havo kuzatilishi kutilmoqda. Bu haqda «O‘zgidromet» xabar berdi.

Fevral oyining birinchi besh kunligi nam ob-havo bilan boshlanadi, respublika bo‘yicha asosan yomg‘ir ko‘rinishidagi yog‘ingarchilik kuzatiladi. Havo harorati asta-sekin kechalari 5-10 daraja iliqqacha, kunduz kunlari 13-18 daraja iliqqacha ko‘tariladi.

Keyinchalik, oyning oxirigacha harorat kechalari 2-7 daraja iliqdan 0-5 daraja sovuqqacha, kunduz kunlari 5-10 daraja iliqdan 13-18 daraja iliqqacha o‘zgarib turishi kutilmoqda.

Har o‘n kunlikda ayrim kunlarda 2-3 kundan yog‘ingarchilik (yomg‘ir, qor) bo‘lishi kutilmoqda.

Avvalroq «Kursiv» 30-yanvar kuni qanday ob-havo kuzatilishi haqida yozgandi.

Banklar 30-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi. 

30-yanvar kuni O‘zbekiston milliy terma jamoasi Dubayda o‘quv-mashg‘ulot yig‘ini doirasida Armanistonning «Urartu» klubiga qarshi maydonga tushadi. Soat 18:00 da start oladigan uchrashuv murabbiylar qaroriga ko‘ra yopiq eshiklar ortida o‘tkaziladi.

Ushbu bahs rasmiy o‘rtoqlik uchrashuvi emas, balki nazorat-mashg‘ulot o‘yini maqomida bo‘lib, unda milliy jamoa murabbiylari bir nechta futbolchilarni turli pozitsiyalarda sinab ko‘rishni maqsad qilgan. Shu sababli o‘yin keng jamoatchilik va OAV vakillari uchun yopiq tarzda tashkil etilmoqda. O‘yin Birlashgan Arab Amirliklarining Dubay shahrida bo‘lib o‘tadi.

Raqib jamoa «Urartu» Armaniston futbolining taniqli vakillaridan biri hisoblanadi. Transfermarkt portali ma’lumotlariga ko‘ra, Yerevanning ushbu klubi 1992-yilda tashkil etilgan. Jamoa o‘z tarixida ikki bor...

Sport avtomobillari bozorida noyob avtomobil sotuvga chiqarildi: Sankt-Peterburgda VAZ-2102 klassik universali ko‘rinishidagi sport-prototip namoyish etildi.

Konstruktsiya va ramka

Mad Mechanics tomonidan tayyorlangan shisha tolali panellar ostida TDG Racing ishlab chiqargan sertifikatlangan po‘lat trubadan qattiq fazoviy ramka joylashgan. Bu ramka mashinaga oddiy fuqarolik avtomobillarida erishib bo‘lmaydigan qattiqlikni ta’minlaydi.

Dvigatel va texnik imkoniyatlar

Mashinaning «yuragi» sifatida yapon SR20DET dvigateli ishlatilgan. U kovka pistonlar va shatunlar bilan jihozlangan, Mitsubishi Evolution’dan olingan TD05 turbina bilan ishlaydi va ECU Master boshqaruv bloki orqali nazorat qilinadi. Yakuniy quvvat 400 ot kuchi, mashina vazni bir tonnadan kam bo‘lgani sababli yuqori tezlik va dinamikani...

Chevrolet’ning 1978-yilgi Chevrolet C10 avtomobili yangilandi. Bu haqda GMAutority xabar bermoqda. U atmosferali dvigateldan olinadigan 740 ot kuchi, poyga uchun tayyorlangan shassi va e’tiborni tortadigan dizaynni birlashtirgan.

Mazkur loyiha AQShning Illinoys shtatida joylashgan Level 7 Motorsports ustaxonasida boshlangan. Keyinchalik pikap bir qator texnik va vizual takomillashtirishlardan o‘tkazildi. Tashqi qismidagi eng noyob detal bu Vic Hickey tomonidan ishlab chiqarilgan asl shisha tolali kapot bo‘lib, u Munssey Speed ventlari bilan qayta ishlangan. Kuzov zavod sariq rangida, oq aksentlar bilan bezatilgan. Yukxona va pastki qismi LizardSkin qoplamasi bilan himoyalangan.

Avtomobil 19 dyuymli BC Forged disklariga o‘rnatilgan keng shinalar bilan jihozlangan. Tormoz tizimi...

Bentley kompaniyasi Continental’ning to‘rtinchi avlodi asosida yaratilgan yangi Continental 2027 GT S modelini rasman namoyish qildi. Yangi versiya bazaviy Continental va eng qudratli Speed hamda Supersports o‘rtasidagi bo‘shliqni to‘ldiradi.

Continental 2027 GT S negizida 4,0 litrli V8 dvigatel va elektromotordan iborat gibrid tizim yotadi. To‘liq uzatma bilan uyg‘unlashgan ushbu kuch qurilmasi 670 ot kuchi va 930 N/m aylantiruvchi moment hosil qiladi. Bu ko‘rsatkichlar Bentley tarixidagi mashhur W12 dvigatelidan ham ustun hisoblanadi. Kompaniya ta’kidlashicha, aynan shu gibrid tizim ishlab chiqarilishi to‘xtatilgan W12 davrining mantiqiy vorisi sifatida yaratilgan.

Modelning muhim yangiliklaridan biri to‘liq elektr rejimi. Continental 2027 GT S ichki yonuv...

Xitoy Myanmada mafiya uslubidagi firibgarliklarni amalga oshirgan va qochishga uringan ishchilarni o‘ldirgan mashhur Min oilasi jinoyatchi to‘dasining 11 a’zosini qatl qildi. Bu haqda BBC xabar berdi.

Min oilasi Myanma shimolidagi «To‘rt oila» deb nomlangan jinoiy sindikatlardan biri bo‘lib, internetdagi firibgarlik, fohishalik va giyohvandlik moddalari ishlab chiqarish bilan shug‘ullanadigan yuzlab tashkilotlarni boshqarishda ayblangan. Ular o‘tgan yilning sentabr oyida qotillik, noqonuniy hibsga olish va firibgarlik kabi jinoyatlarda aybdor deb topilganidan so‘ng o‘lim jazosiga hukm qilingandi.

Ikki sudlanuvchi apellyatsiya shikoyati bergandi va ish Xitoyning eng yuqori sudi bo‘lgan Oliy xalq sudiga o‘tkazilgandi, sud esa asl hukmni o‘z kuchida qoldirdi.

Ushbu guruh...

Hyundai kompaniyasi Hyundai Santa Cruz pikapini muddatidan oldin ishlab chiqarishdan chiqaradi. Bu haqda Motor1 nashri ma’lum qildi.

Dastlab model 2027-yil o‘rtalarigacha konveyerda qolishi ko‘zda tutilgan edi. Qarorning asosiy sababi sotuvlarning keskin pasayishi bo‘ldi. AQSh bozorida 2023-yilda taxminan 36,6 ming dona sotilgan bo‘lsa, 2025-yil yakunida talab 29 foizga kamayib, 25,5 ming donaga tushdi. Shu davrda bevosita raqib Ford Maverick 155 ming dona bilan Santa Cruzni qariyb olti baravar ortda qoldirdi.

Hyundai rasmiy bayonotida Santa Cruz o‘z missiyasini bajargani qayd etildi. Kompaniya pikap bozorini tark etmaydi va yangi, kuchli loyiha ustida ishlamoqda.

Rejalarga ko‘ra, 2030-yilga borib Santa Cruz o‘rnini to‘liq ramali...

General Motors (GM) AQShning Kanzas-Siti shahridagi Fairfax Assembly zavodida uchta yangi avtomobilni ishlab chiqarishga tayyorgarlik ko‘rish jarayonida mahalliy ishchi kuchiga qo‘shimcha $30 mln sarmoya kiritayotganini e’lon qildi. Bu mablag‘ xodimlarni zamonaviy ishlab chiqarish texnologiyalariga mos tayyorlashga yo‘naltiriladi.

1946-yildan beri faoliyat yuritib kelayotgan zavod hozirda Chevrolet Bolt elektromobilini ishlab chiqarmoqda. Yaqin orada bu yerda benzinli Chevrolet Equinox hamda yangi avlod Buick ixcham krossoveri ishlab chiqarilishi rejalashtirilgan.

GM so‘nggi yillarda ishlab chiqarish infratuzilmasiga qariyb $5,5 mlrd sarmoya kiritgan. Yangi ajratilayotgan 30 mln dollar esa xodimlarni qayta tayyorlash, elektromobil (EV) va ichki yonuv dvigatelli (ICE) modellar o‘rtasida moslashuvchanlikni oshirish, shuningdek, xavfsizlik va...

Toshkent va Namangan viloyatlarida bir nechta korrupsion holatlar aniqlandi. Bu haqda DXX matbuot xizmati ma’lum qildi.

Toshkent viloyatidagi davlat muassasasi rahbari

Toshkent viloyati hokimligining «Yagona buyurtmachi xizmati» davlat muassasasi direktori o‘rinbosari xizmat mavqeyidan foydalangan holda, «Shaffof qurilish» milliy axborot tizimi orqali 2,073 mlrd so‘mlik kapital ta’mirlash shartnomasini yutgan pudratchi tashkilot hisob raqamiga 1,1 mlrd so‘m mablag‘ni pora sifatida o‘tkazib berish evaziga $2 ming olgan.

Shuningdek, u qurilish ishlari belgilangan muddatlarda bajarilmaganligi sababli 643,5 mln ming so‘m penya undirish bo‘yicha Toshkent tumanlararo iqtisodiy sudiga kiritilgan da’vo arizasidan voz kechib, pudratchi foydasiga ajrim chiqarish evaziga $5 mingni pora tariqasida...

Black Shark kompaniyasi Blade 3 nomli yangi portativ akkumulyatorini namoyish qildi. Bu haqda Gizmochina nashri xabar berdi. Qurilma magnitli mahkamlash, yupqa korpus va arzon narx bilan ajralib turadi.

Blade 3’ning asosiy versiyasi 10 000 mA·soat sig‘imga ega bo‘lib, uning qalinligi atigi 13,8 mm, vazni esa 195 grammni tashkil etadi. Shuningdek, kompaniya sig‘imi ikki baravar kichik bo‘lgan yana bir variantni ham taqdim qildi – u 115 gramm vaznga ega va 8 mm qalinlikda.

Akkumulyatorlar litiy-kobalt oksidi asosida ishlab chiqarilgan. Korpusdagi magnitlar qurilmani iPhone’ga mahkamlab ishlatishga mo‘ljallangan bo‘lsa-da, u boshqa smartfon va gadjetlarni ham quvvatlantira oladi.

Blade 3 15 Vt quvvatda...

29-yanvar kuni, soat 16:30 holatiga ko‘ra, «Biznesni rivojlantirish banki» orqali «Yangi bank» omonatchilariga 106 mlrd so‘mdan ortiq kompensatsiya mablag‘lari to‘lab berildi. Bu haqda Omonatlarni kafolatlash agentligi ma’lum qildi.

Agentlikning bildirishicha, har bir omonatchiga kompensatsiya mablag‘larini to‘liq va o‘z vaqtida to‘lash uchun zarur bo‘lgan barcha moliyaviy resurslar agent-bankka oldindan o‘tkazilgan. Hozirda agent-bankda mablag‘ yetishmovchiligi bilan bog‘liq hech qanday muammo mavjud emas.

Omonatchilardan asossiz xavotirga tushmaslik, kompensatsiya mablag‘larini o‘zlariga qulay vaqtda olishlari mumkinligi ta’kidlandi.

Shu bilan birga, «BRB» mobil ilovasida foydalanuvchilar sonining keskin oshgani sababli ilovani yuklab olishda ayrim texnik qiyinchiliklar kuzatilayotgani qayd etildi. Ushbu muammolar vaqtinchalik bo‘lib, ilovaning 24/7 rejimida...

Rossiyada rasmiy taqdimoti 4-fevral kuniga belgilangan GAC S7 krossoverining texnik xususiyatlari muddatidan oldin e’lon qilindi. Bu haqda Auro.ru xabar berdi.

Dvigatel va batareya

Avtomobil 1,5 litrli, 156 ot kuchiga ega benzin dvigateli va har bir o‘qda bittadan joylashgan ikki elektromotor bilan jihozlangan, ularning umumiy quvvati 340 ot kuchini tashkil etadi. Tortish batareyasining sig‘imi 36,3 kVt·soat bo‘lib, sof elektr rejimida NEDC sikliga ko‘ra 153 km masofani bosib o‘tishga imkon beradi. To‘liq bak (50 litr) bilan umumiy yurish zaxirasi 867 km ga yetadi.

Yoqilg‘i sarfi va zaryadlash

Aralash siklda yoqilg‘i sarfi 100 km ga 7 litrni tashkil qiladi...

RedMagic kompaniyasi xalqaro bozor uchun yangi avlod flagman smartfoni – RedMagic 11 Air modelini rasman taqdim etdi.

Qurilma Xitoyda 2026-yil 20-yanvarda namoyish qilingan bo‘lib, u avvalgi modelga nisbatan ikki baravar ommabop bo‘lgan. RedMagic 11 Air RedMagic 11 Pro’dan 12 foiz yupqaroq va 10 foiz yengilroq bo‘lsa-da, shaffof dizayn, ekran osti selfi-kamerasi, sovitish tizimidagi haqiqiy ventilyator hamda RGB yoritish kabi brendga xos elementlarni saqlab qolgan.

Smartfon 6,85 dyuymli AMOLED displeyga ega bo‘lib, uning ruxsati 1216 × 2688 piksel va yangilanish chastotasi 144 Gsni tashkil etadi. Asosiy kamera 50 va 8 megapikselli modullardan iborat, old kamera esa 16 megapiksel. Qurilma...

Dubayda haqiqiy «oltin ko‘cha» qurilishi rejalashtirilmoqda. Bu haqda Euronews xabar berdi.

Ma’lum qilinishicha, yangi loyiha Dubai Gold District tarkibida amalga oshiriladi. Ushbu hudud Dubaydagi mashhur Oltin bozorining yangilangan va kengaytirilgan konsepsiyasi bo‘lib, aynan Deira tumanida joylashadi. Hozirning o‘zida bu yerda mingga yaqin oltin va zargarlik buyumlari savdosi bilan shug‘ullanuvchi tadbirkorlar faoliyat yuritadi.

Loyiha doirasida quriladigan «oltin ko‘cha»da aynan qanday elementlar oltindan tayyorlanishi hozircha aniq ochiqlanmagan. Shuningdek, obyektning qachon foydalanishga topshirilishi ham ma’lum qilinmadi. Biroq rasmiylar bu loyiha Dubayning ramziy nuqtalaridan biriga aylanishini ta’kidlamoqda.

Dubai Festivals and Retail Establishment (DFRE) bosh direktori Ahmad al-Hajja oltin Dubay hayoti va biznes madaniyatining...