Yangiliklar

O‘zbekiston 53,45 ball bilan sun’iy intellektga tayyorgarlik bo‘yicha jahon reytingida 70-o‘rinni egalladi. Bu haqda Oxford Insights ma’lum qildi.

Unga ko‘ra, bu mamlakatni Janubiy va Markaziy Osiyoda yetakchilar qatoriga kiritadi, O‘zbekiston uchlikda Hindiston va Turkiyadan keyin uchinchi o‘rinni egallaydi. Hindiston 62,81 ball bilan dunyoda 46-o‘rinni, Turkiya esa 60,63 ball bilan 53-o‘rinni egallagan.

Shuningdek, mintaqaning muvaffaqiyatli davlatlari sifatida Armaniston va Butan ham kiritilgan. 2024 yilgi hukumatlar reytingi bo‘yicha Janubiy va Markaziy Osiyo 8-o‘rinni egalladi, bu mintaqadagi davlatlarning sun’iy intellekt texnologiyalarini rivojlantirish va davlat boshqaruvida yuqori yutuqlarga erishganini ko‘rsatadi.

Mutaxassislar, mintaqa davlatlari hukumat komponenti bo‘yicha yuqori natijalar ko‘rsatishini ta’kidlamoqda. Buning sababi, sun’iy...

TBC Bank Uzbekistan (TBC UZ) o‘zining asosiy aksiyadori – TBC Bank Group PLC (TBC Group) tomonidan $37 million miqdorida kapital jalb qilganini e’lon qildi. Ushbu mablag‘ bilan 2024-yilda jalb qilingan yangi kapitalning umumiy hajmi $75 millionga yetdi. Bu ko‘rsatkich TBC uchun yangi yillik rekord hisoblanadi. Bu haqda kompaniya Kursiv Uzbekistan’ga ma’lum qildi.

Mazkur kapital bank ekotizimini rivojlantirishga yo‘naltiriladi. Ekotizim tarkibiga TBC UZ bilan bir qatorda Payme raqamli to‘lov ilovasi va Payme Nasiya muddatli kreditlash xizmati kiradi.

Eslatib o‘tamiz, 2024-yil sentabr oyiga kelib, TBC ekotizimida ro‘yxatdan o‘tgan foydalanuvchilar soni 17 millionga yetgan. Bu esa O‘zbekiston aholisining 40% dan ortig‘i ushbu xizmatlardan...

2024-yilda Oʻzbekiston sanoat, qishloq xoʻjaligi va xizmatlar sohasiga $38 milliard investitsiya jalb qildi. Bu haqda prezident Shavkat Mirziyoyev tadbirkorlar bilan boʻlib oʻtgan yigʻilishda ma’lum qildi.

Prezidentning ta’kidlashicha, ushbu investitsiyalar eksport hajmini $26 milliardga yetkazish va iqtisodiyotni 6,3 foizga oʻsishini ta’minlash imkonini berdi. Bundan tashqari, mamlakatda kambagʻallik darajasi 9 foizgacha pasaydi. Shuningdek, yaqin yillarda davlat va biznes oʻrtasidagi yaqin hamkorlik ushbu koʻrsatkichni 6 foizga tushirish imkonini berishi aytildi.

Davlat rahbari ish oʻrinlari yaratishda tadbirkorlarning hissasi katta ekanini aytib, soʻnggi paytda kam ta’minlangan oilalardan 387 ming nafar, nogironligi boʻlgan 40 ming nafar fuqaro ish bilan ta’minlandi.

Avvalroq Kursiv Uzbekistan 2025-yilda tijorat...

Oʻzbekiston Interpol orqali Rossiyaning ikki fuqarosi – Bislan Rasayev va Shamil Temirxanovni xalqaro qidiruvga berdi. Bu haqda tashkilotning rasmiy veb-saytida e’lon qilindi.

Lenta nashrining xabar berishicha, rossiyalik fuqarolar prezident administratsiyasi Axborot siyosati departamentining sobiq rahbari Komil Allamjonovga va Istiqbolli loyihalar milliy agentligi rahbari Dmitriy Liga suiqasd uyushtirishda gumonlanmoqda.

Rasayev Qirgʻiziston – Oʻzbekiston chegarasini noqonuniy ravishda kesib oʻtgan boʻlsa, Temirxonov Oʻzbekistonga «Doʻstlik» chegara nazorat punkti orqali qonuniy yoʻl bilan kirib kelgan.

Ma’lum qilinishicha, Rasoyev va Temirxonovga Allamjonov hamda Lini oʻldirish uchun $1,5 mln taklif qilingan. Shuningdek, ular kontrabanda, chegarani noqonuniy kesib oʻtish va qurol saqlashda ayblanmoqda.

Kursiv...

20-dekabr kuni O‘zbekiston Respublikasi valyuta birjasida AQSh dollarining o‘rtacha qiymati 18,01 so‘mga ko‘tarilib, 12 893,07 so‘mni tashkil qildi.

Moliya institutlarida dollar 12 815 – 12 840 so‘mdan xarid qilinmoqda va 12 875 – 12 935 so‘mdan sotilmoqda.

Eslatib o‘tamiz, davlatda 19-dekabr kuni dollar kursi 13,23 so‘mga qimmatlashgan edi.

2025-yilda Oʻzbekistonda tijorat banklari tomonidan jami ajratiladigan kreditlar hajmi 300 trillion soʻmdan oshadi. Bu haqda prezident Shavkat Mirziyoyev tadbirkorlar bilan tashkil qilingan muloqot chogʻida maʼlum qildi.

Prognozlarga koʻra, joriy yil yakuniga qadar kreditlar hajmi 275 trillion soʻmni tashkil qiladi. Shuningdke, kichik biznesga beriladigan kreditlar ulushi hozirgi 28 foizdan 40 foizga oshirilib, 120 trillion soʻmga yetkaziladi.

Shu bilan birga, korxonalarning banklardagi mablagʻlari 20 trillion soʻmga oshib, 107 trillion soʻmga yetdi. Aholi omonatlari ham 25 trillion soʻmga koʻpayib, 105 trillion soʻm boʻldi.

Davlat rahbari 2025-yilda tijorat banklari davlat kafolatisiz xorijdan $6 milliard jalb qilishni rejalashtirayotganini ta’kidladi.

Avvalroq «Kursiv» Oʻzbekistonga dunyoning...

Qirg‘iziston prezidenti Sadir Japarov Xitoy – Qirg‘iziston – O‘zbekiston temir yo‘li qurilishi 2024-yil 27-dekabrda boshlanishini ma’lum qildi, deb xabar berdi Sputnik.

Japarovning ma’lum qilinishicha, loyiha G‘arb va Sharq o‘rtasidagi ko‘prik bo‘ladi. Loyiha qo‘shma korxona tomonidan amalga oshiriladi. Xitoy kompaniyaning 51 foiz ulushiga, O‘zbekiston va Qirg‘iziston 24,5 foizdan ulushga egalik qiladi.

Logistan Telegram kanali xabariga ko‘ra, Qirg‘iziston rasmiylari ushbu temir yo‘l qurilishi bo‘yicha shartnomani 20-dekabr kuni imzolash niyatida.

Avvalroq Kursiv Uzbekistan Qirg‘iziston mamlakat orqali Xitoydan O‘zbekistonga temir yo‘l qurish uchun Jalolobod viloyatidan yer ajratgani haqida yozgan edi.

Oʻzbekistonga dunyoning 23 ta mehmonxona brendlari kirib kelishi kutilmoqda. Bu haqda prezident Shavkat Mirziyoyev tadbirkorlar bilan muloqot chogʻida ma’lum qildi.

Boʻstonliqda $10 milliardlik Sea Breeze nomli yirik markaz qurilishini boshlashga kelishib olindi. Shuningdek, mamlakatimizga dunyoni nufuzli Swissôtel, Sheraton, Ritz-Carlton, Novotel, Pullman, Marriott, ibis, Mercure kabi 23 ta mehmonxona brendlari kirib kelayotgani aytildi.

Qolaversa, tadbirkorlarning 6,5 trillion soʻm sarmoyasi bilan 24 ming oʻrinli mehmonxonalar ishga tushdi. Kelgusi yilda mehmon oʻrinlari yana 30 mingga oshadi. Tadbirkorlar bunga 10 trillion soʻm investitsiya kiritishga tayyor.

Avvalroq «Kursiv» Oʻzbekistonda 2025-yilda elektr energiyasining onlayn ulgurji bozori ishga tushishi haqida xabar bergan edi.

Oʻzbekistonning Jahon savdo tashkilotiga (JST) a’zo boʻlish jarayoni yakuniy bosqichga kirdi. Bu haqda prezident Shavkat Mirziyoyev tadbirkorlar bilan muloqot chogʻida ma’lum qildi.

Jahon savdo tashkiloti qoidalariga zid boʻlgan imtiyozlar bekor qilinayotgan boʻlsa-da, davlat tadbirkorlarni qoʻllab-quvvatlash, adolatli raqobat muhitida ishlashi uchun zarur boʻlgan barcha sharoitni yaratishda davom etishi ta’kidlandi.

Bundan tashqari, qoʻshni mamlakatlar bilan chegaradan oʻtish bilan bogʻliq bir qator masalalarga yechim topildi. 2023-yilda 13-yil yopiq boʻlgan Andijonning «Xonobod», «Mingtepa» va «Qorasuv» hamda 8-yildan beri ishlamagan «Uchqoʻrgʻon» chegara postlari qayta tiklandi.

Eslatib oʻtamiz, 2024-yil dekabr holatiga koʻra, mamlakat JSTga a’zo boʻlish boʻyicha 20 dan ortiq davlatlar bilan muzokaralarni yakunladi...

Iqtisodiy tadqiqotlar va islohotlar markazi 2024-yilga boʻlgan Oʻzbekiston YaIM oʻsish prognozini 6,5 foiz deb baholadi.

Unga ko‘ra, mamlakat iqtisodiyotining barqaror oʻsishi, asosiy tarmoqlarning rivojlanishi va investitsiyalarning oshishi bilan bogʻliq. 2024-yilning yangi hisoboti, soʻnggi ma’lumotlar va iqtisodiy tendensiyalar asosida shakllangan.

2024-yilning birinchi toʻqqiz oyida Oʻzbekiston iqtisodiyoti 6,6% oʻsishni koʻrsatgan. Ikkinchi choraklarda ishbilarmonlik faoliyati indeksi sezilarli oshgani, shuningdek, Google Trends ma’lumotlari asosida iste’molchilarning qiziqishi va faolligi ortishi qayd etilgan.

Markazning prognozi iqtisodiyotning jadal rivojlanishiga, sanoat va xizmat koʻrsatish sohasidagi islohotlarga asoslangan. Shuningdek, xalqaro tashkilotlar, jumladan, Xalqaro valyuta jamgʻarmasi, Jahon banki va Osiyo taraqqiyot banki 2024-yil uchun oʻsish prognozini 5,6 foiz va...

Oʻzbekistonda ilk bor 2025-yilda elektr energiyasining onlayn ulgurji bozori ishga tushadi. Bu haqda prezident Shavkat Mirziyoyev tadbirkorlar bilan muloqotda ma’lum qildi.

Prezident endilikda energiya sohasida ham raqobatli bozorga oʻtish vaqti kelganini ta’kidladi. Shuningdek, hozirgi kunda Oʻzbekistonda mustaqil energiya ishlab chiqaruvchilar soni 24 taga yetgani aytildi.

«Bu yil ishga tushgan $6,3 milliardlik 17 ta yirik «yashil» va yangi texnologiyaga asoslangan energiya quvvatlari hisobiga kelgusi yilda qariyb 90 milliard kilovatt-soat elektr ishlab chiqariladi», – dedi davlat rahbari.

Shu bilan birga, biznes uchun yoʻl, suv, elektr, gaz, temir yoʻl kabi infratuzilma obyektlarini yaxshilashga bu yil 35-trillion...

Duyshenkul Chotonov Qirgʻizistonning Oʻzbekistondagi yangi elchisi etib tayinladi. Bu haqda Qirgʻiziston prezidenti matbuot xizmati xabar berdi.

Chotonov tayinlovga qadar 2011-yildan 2015-yilgacha Janubiy Koreyadagi diplomatik missiyani boshqargan va keyinchalik mamlakatning Vyetnamdagi elchisi etib tayinlangan.

Eslatib oʻtamiz, 2024-yil oktabr oyida Sadir Japarov Musa Jamanbayevni Oʻzbekiston elchisi lavozimidan ozod qilgan edi. U 2022-yildan 2024-yilgacha Qirgʻizistonning Oʻzbekistondagi diplomatik vakolatxonasini boshqargan.

Avvalroq «Kursiv» Oʻzbekistonning Kiprdagi birinchi elchisi tayinlangani haqida xabar bergan edi.

Oʻzbekiston Jahon savdo tashkiloti (JST)ga a’zo boʻlish uchun AQSh bilan ikki tomonlama muzokaralarni muvaffaqiyatli yakunladi. Bu haqda Oʻzbekiston prezidentining JST masalalari boʻyicha maxsus vakili Azizbek Urunov LinkedIn sahifasida ma’lum qildi.

19-dekabr kuni Oʻzbekiston bosh vazir oʻrinbosari Jamshid Xodjayev va AQSh Savdo vakili Ketrin Tay tegishli protokolni imzoladi. Azizbek Urunov ushbu kelishuv JSTga a’zo boʻlish jarayonidagi muhim bosqich ekanini ta’kidlab, bu yil O‘zbekiston uchun JSTga a’zo boʻlish harakatida tarixiy yil boʻlganini ta’kidladi.

AQSh tomoni Oʻzbekistonning 1994-yilda JSTga a’zo boʻlish uchun ariza topshirgani va 2020-yildan boshlab bu yoʻnalishda faol ish olib borayotganini ma’lum qildi.

«AQSh Oʻzbekistonning JSTga...

Raqobat qoʻmitasi tomonidan Hayot bank, Yangi bank, Aloqa Bank, Asia Alliance Bank, Oʻzsanoatqurilishbank, BRB va Sash U mikromoliya tashkilotiga nisbatan reklama qonunchiligi talablari buzilishi yuzasidan ish qoʻzgʻatildi.

Qoʻmita ommaviy axborot vositalarida tarqatilayotgan reklama axborotlarini oʻrganib, ularning «Reklama toʻgʻrisida»gi hamda «Iste’molchilarning huquqlarini himoya qilish toʻgʻrisida»gi qonunlar talablariga muvofiqligini tahlil qilgan. Monitoring natijasida yuqoridagi qonunlarning buzilishiga oid holatlar aniqlangan.

Mazkur ishlar belgilangan tartibda koʻrib chiqiladi va natijalari boʻyicha qoʻshimcha ma’lumot berilishi kutilmoqda.

Avvalroq Kursiv Uzbekistan Markaziy bank bir necha banklarni jarimaga tortgani haqida yozgan edi.

«Terminator» filmining 77-yoshli yulduzi Arnold Shvartseneggerning og‘ir qadam bosishi muxlislarda xavotirga solib qo‘ydi. Bu haqda New York Post ma’lum qildi.

X ijtimoiy tarmog‘ida e’lon qilingan videoda Shvartsenegger o‘z qo‘riqchilari bilan birga sekin yurganini ko‘rish mumkin. Ijtimoiy tarmoq foydalanuvchilari aktyorning hozirgi sog‘lig‘idan xavotir bildirishgan.

«U kinoda Qorbobo rolini o‘ynaydigan yoshi katta inson. Siz undan 20-yoshdagilar kabi aravalarda aylanib, sakrashini kutyapsizmi?», – deb ta’kidlashdi ayrim X foydalanuvchilari.

Ba’zi foydalanuvchilar Shvartseneggerning hozirgi holatini aktyor bodibilder sifatidagi faoliyati davomida steroidlardan foydalanish bilan bog‘ladi.

Ma’lumot uchun, aktyor Nyu-Yorkda suratga olinayotgan “The Man with the Bag» filmida ishtirok etmoqda.

Avvalroq Kursiv Uzbekistan...

Ijtimoiy tarmoqlarda buxorolik 17-yoshli yigitning kriptovalyutani katta miqdorda ishlab topgani uchun javobgarlikka tortilgani muhokama qilinmoqda. Holat yuzasidan IIV rasmiy munosabat bildirdi.

Ma’lum qilinishicha, bugungi kunda Telegramdagi yopiq kanallarda kriptovalyuta savdosi keng tarqalgan. Bunday guruhlarda «sotuvchi» va «xaridor»lar uchrashib, elektron pullarni kriptovalyutaga yoki aksincha almashtirish orqali vositachilik faoliyati amalga oshiriladi.

«Aslida esa bu faollar ta’kidlagan “iqtidor» egasi oddiy «virtual valyutchik»lik faoliyati bilan shugʻullanib kelgan”, – deyiladi xabarda.

Tergov ma’lumotlariga koʻra, u yetti oy davomida Binance platformasida 34 milliard soʻmlik ($2,6 mln) shubhali operatsiyalarni amalga oshirib, vositachilik haqi olgan. Uning aylantirgan mablagʻlari, asosan, firibgarlik yoʻli bilan oʻzlashtirilgan...

Shavkat Mirziyoyev 19-dekabr kuni gaz qazib olishning joriy holati va uni oshirish bo‘yicha yig‘ilish o‘tkazdi. Bu haqda prezident matbuot xizmati ma’lum qildi.

«Tarmoqdagi asosiy muammo geologiya-qidiruv ishlariga uzoq yillar yetarlicha e’tibor qaratilmaganidir. Oqibatda ayrim konlar foydalanish muddatini deyarli o‘tab bo‘lgan, yana ba’zilarining samaradorligi past. Shuning uchun zamonaviy texnologiya olib kelinib, 15 ta yangi istiqbolli maydonda geologiya-qidiruv ishlari boshlanadi. Seysmik qidiruv hududi 6,5 ming kvadrat kilometrga kengaytiriladi», – deyiladi xabarda.

Unga ko‘ra, «O‘zbekneftgaz» aksiyadorlik jamiyati raisi joriy yilgi ishlari va 2025-yilga mo‘ljallangan vazifalar haqida axborot berdi. Kompaniya tannarxni kamaytirish, xalqaro kredit reytingini yaxshilash vazifa...

Yaponiyaning Honda kompaniyasi ikkita yangi elektromobilni Honda Zero platformasida taqdim etish sanasini e’lon qildi. Tizerga ko‘ra, original kuzov dizayni modellarning asosiy xususiyati bo‘ladi.

Ma’lum qilinishicha, taqdimot 2025-yil Las Vegasda CES 2025 ko‘rgazmasida bo‘lib o‘tadi. Kompaniya Zero platformasi robototexnika ishlanmalari va Formula-1 tajribasini birlashtirib, elektromobillarni yengilroq va zamonaviyroq qilishini ta’kidladi.

Honda kompaniya elektrik sedan va krossover avtomobillarni namoyish etdi. Deyarli bir yil oldin yapon kompaniyasi yangi avlod «batareyali» mashinalarning konsepsiyalarini – sedan va futuristik tashqi koʻrinishga ega minivenni namoyish etgan edi. Endilikda Honda kompaniyasi seriyaga yaqin prototiplar tasvirlangan tizerni e’lon qildi.

Hozircha avtomobillar narxi va sotuvga chiqish sanasi ma’lum qilinmadi.

O‘zbekiston Respublikasi prezidenti Shavkat Mirziyoyev 19-dekabr kuni Rossiya Federatsiyasi prezidenti Vladimir Putin bilan telefon orqali muloqot o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, suhbatda ikki mamlakat o‘rtasidagi ikki tomonlama hamkorlikning dolzarb masalalari va mintaqaviy tashkilotlar doirasidagi ko‘p tomonlama aloqalar muhokama qilindi. Xavfsizlikka tahdidlar va xatarlarga qarshi kurashni kuchaytirish maqsadida tomonlar maxsus xizmatlar o‘rtasidagi yaqin hamkorlikni davom ettirish zarurligini ta’kidlashdi.

Kreml matbuot xizmati xabariga koʻra, Shavkat Mirziyoyev Rossiya Federatsiya Qurolli Kuchlari kimyoviy, radiatsion va biologik muhofaza qoʻshinlari qoʻmondoni general-leytenant Igor Kirillov va uning yordamchisi Ilya Polikarpovning vafoti munosabati bilan chuqur ta’ziya bildirdi.

O‘zbekiston bu...

Bugun, 20-dekabr kuni Qoraqalpog‘iston Respublikasidan tashqari har bir viloyatda yog‘ingarchilik kuzatiladi. Yo‘llarda yaxmalaklar bo‘ladi. O‘rtacha havo harorati 0-5 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo bulutli bo‘ladi. Vaqti-vaqti bilan qor yog‘adi, yo‘llar muzlaydi. Kunduzi havo harorati 0-2 daraja iliq bo‘ladi, kechasi esa harorat pasayadi.

Tog‘li hududlarda tuman tushadi. Qor yog‘adi, yo‘llarda yaxmalaklar bo‘ladi. Kunduzi va kechasi harorat 2-7 daraja sovuq bo‘ladi.

Shavkat Mirziyoyev 2024-yildagi investitsiya natijalari va kelgusi yilgi vazifalarni muhokama qilish uchun yig‘ilish o‘tkazdi. Bu haqda prezident matbuot xizmati ma’lum qildi.

Unga ko‘ra, 2017-yildan buyon mamlakat iqtisodiyotiga $188 mlrd investitsiya jalb qilingan, shundan $87 mlrd chetdan kiritilgan. Bu yil investitsiyalar hajmi $36 mlrd.ga yetib, 560 ta yirik va o‘rta loyiha ishga tushirilgan.

Kelgusi yilda $43 mlrd investitsiya jalb qilish, 300 dan ortiq loyihalar amalga oshirish va 662 ta yangi mahsulot ishlab chiqarish rejalashtirilgan.

Prezident, shuningdek, xorijiy investorlar bilan hamkorlikni kuchaytirish va ichki imkoniyatlarni samarali ishlatish zarurligini ta’kidladi. 2030-yilgacha eksport hajmini ikki baravar oshirish maqsadi belgilangan.

Eslatib o‘tamiz, avvalroq...

Toshkentdan Xitoyning Xaynan oroliga to‘g‘ridan-to‘g‘ri reyslar joriy haftada ishga tushdi. Bu haqda Uzbekistan Airports ma’lum qildi.

Unga ko‘ra, «Uzbekistan Airways» va «Qanot Sharq» aviakompaniyalari Xaynan orolining mashhur kurort shahri Sanya uchun muntazam reyslarni taqdim etmoqda. «Uzbekistan Airways» haftada bir marta chorshanba kunlari, «Qanot Sharq» esa payshanba kunlari ushbu reyslarni amalga oshiradi.

Sanya – Janubiy Xitoy dengizida joylashgan tropik iqlimga ega shahar bo‘lib, o‘zining go‘zal dengiz qirg‘oqlari va kurortlari bilan mashhur. Aviachiptalar bo‘yicha batafsil ma’lumotlarni aviakompaniyalarning rasmiy veb-saytlaridan olish mumkin.

Eslatib o‘tamiz, avvalroq O‘zbekiston va Gonkong o‘rtasida aviaqatnovlar yo‘lga qo‘yilgan edi.

O‘zbekiston hukumatining temir yo‘l yo‘lovchilari bir qator bepul xizmatlardan foydalanishga doir yangi qarori qabul qilindi. Bu haqda Adliya vazirligi ma’lum qildi.

Unga ko‘ra, temir yo‘l transporti sohasida davlat tomonidan tartibga solinadigan va bozor tamoyillari asosida taqdim etiladigan xizmatlar ro‘yxati tasdiqlandi.

Yangi tartibga ko‘ra, temir yo‘l yo‘lovchilari bir qator bepul xizmatlardan foydalanish imkoniyatiga ega bo‘ladi. Ular orasida ona va bola xonasi, kutish zalida Wi-Fi, nogironlar uchun aravachalar va yo‘l davomida choy, ichimlik suvi, shakar kabi xizmatlar mavjud.

Eslatib o‘tamiz, avvalroq onkologik kasallikka chalingan ayollarning bepul davolanishi haqida yozgan edik.

O‘zbekiston HelloSafe tahlilchilari tomonidan tuzilgan jahon farovonlik indeksida 86-o‘rinni egalladi. Bu haqda kompaniya platformasida e’lon qilindi.

Unga ko‘ra, indeks olti ko‘rsatkichga asoslanadi. Hisoblashda daromadlar va aholiga to‘g‘ri keladigan yalpi ichki mahsulot (YaIM), tejash normasi, inson salohiyatini rivojlantirish indeksi (ISRI), shuningdek, Jini koeffitsiyenti (tenge ko‘rsatkichi) kabi ma’lumotlar ishlatilgan.

Markaziy Osiyo davlatlari orasida reytingda eng yuqori o‘rinni Qozog‘iston egalladi. U 49-o‘rinda joylashgan. O‘zbekiston mintaqada ikkinchi o‘rinda turibdi. Reytingda uning yaqin qo‘shnilari Surinam va Mongoliya.

Turkmaniston 103-o‘rinni egallagan, Tojikiston esa 104-o‘rinda. Markaziy Osiyo davlatlari orasida eng past pozitsiya Qirg‘izistonga tegishli. U 114-o‘rinda.

Reytingda eng yuqori natijalar Lyuksemburg, Norvegiya va Irlandiyada qayd etilgan...