Yangiliklar

«Hizbulloh» uzoq yillik rahbari Hasan Nasrulloh Isroil tomonidan oʻldirilganidan bir oy o‘tib, oʻzining bosh kotibi oʻrinbosari Shayx Naim Qosimni yangi rahbar etib sayladi. Bu haqda CNN axborot agentligi ma’lum qildi.

Qosim bir paytlar Eronning Isroil bilan mojarosida eng kuchli ishonchli vakili hisoblangan. Guruhning kuchi so‘nggi haftalarda Isroil zarbalari tufayli sezilarli darajada zaiflashgan, oliy rahbarlar halok bo‘lgan, minglab jangchilar yaralangan va raketa qobiliyati pasaygan. Guruh hozirda Livan janubida Isroilning shiddatli harbiy kampaniyasiga duch kelmoqda.

Yangi rahbar haqida e’longa javoban Isroil mudofaa vaziri Yoav Gallant X-ga shunday deb yozdi: “Bu vaqtinchalik tayinlash uzoqqa cho‘zilmaydi».

Ma’lumot uchun, Naim Qosim 1953-yilda Livan janubidagi...

Argentinada 10 qavatli mehmonxona qulashi oqibatida bir kishi halok bo‘ldi, yana to‘qqiz kishi bedarak yo‘qoldi. Bu haqda CNN axborot agentligi ma’lum qildi.

Unga ko‘ra, poytaxt Buenos-Ayresdan Atlantika okeani sohilida, taxminan 370 km uzoqlikdagi Villa Gessel shahridagi 10 qavatli Dubrovnik mehmonxonasi 29-oktabr kuni ertalab qulab tushdi.

O‘t o‘chiruvchilar, tez tibbiy yordam xodimlari va politsiya 300 ta dron va maxsus itlar yordamida vayronalar ostida omon qolganlar va o‘lganlar jasadini qidirishda davom etmoqda.

Buenos-Ayres provinsiyasi xavfsizlik vaziri Xaver Alonso TN telekanali orqali qurbon bo‘lgan 80 yoshli erkak vayron bo‘lgan mehmonxona yonidagi binoda istiqomat qilganini aytdi.

Marhum erkakning umr yo‘ldoshi qutqarilgan, o‘g‘li esa...

UzAuto Motors aksiyadorlarga dividendlar to‘laydi. Korporativ axborot yagona portali ma’lumotlariga koʻra, qaror 2024-yil 25-oktabrda boʻlib oʻtgan aksiyadorlarning umumiy yigʻilishida (AUY) ma’qullangan.

Dividend har bir oddiy aksiya uchun 620 so‘m miqdorida to‘lanadi. Avtomobil ishlab chiqaruvchining qimmatli qog‘ozlari birjada 62 ming so‘mdan sotilmoqda (2024-yil 29-oktabr holatiga). Shunday qilib, dividend daromadliligi 1% ni tashkil qiladi. Mablag‘lar investorlar hisobiga 25-oktabrdan 25-dekabrgacha o‘tkaziladi. Buning uchun elektron pochta orqali ariza yuborish talab etiladi. Brokerlar dividendlar olish uchun ariza yozish bo‘yicha ma’lumotlarni taqdim etishdi.

Umumiy hisobda UzAuto Motors’ning birinchi yarim yilda taqsimlanmagan foydasi 8,5 trillion so‘mni tashkil etdi. Umumiy yig‘ilishda dividendlar to‘lash uchun...

Hindistonning Unified Payments Interface (UPI) tezkor toʻlov tizimi Humo va Uzcard bilan integratsiyalashuvni amalga oshiradi. Bu haqda Markaziy bank matbuot xizmati ma’lum qildi.

Unga ko‘ra, mazkur hamkorlik masalalari vakillar tomonidan muhokama qilindi.

Bundan tashqari, Humo toʻlov tizimi va NPCIning NPCI International shoʻba korxonasi umumiy toʻlov tarmogʻini yaratish boʻyicha kelishuvga erishdi.

Ma’lumot uchun, UPI 2016-yilda ishga tushirilgan va NPCI tomonidan ishlab chiqilgan. Platforma p2p va p2m transferlarini amalga oshirish imkonini beradi.

UPI 2022-yilda global tezkor to‘lov tranzaksiyalarining 46 foizini tashkil etgan. 2024-yil yanvar oyida tranzaksiyalar hajmi $222,1 mlrd.ni tashkil qilgan bo‘lib, bu o‘tgan yilga nisbatan 41,7 foizga ko‘pdir.

Eslatib o‘tamiz...

2025-yilda $5,5 mlrd tashqi qarz jalb qilinishi, shundan $3 mlrd Davlat budjeti taqchilligini moliyalashtirishga, qolgan qismi esa investitsiya loyihalariga yo‘naltirilishi rejalashtirilmoqda. Bu haqda Iqtisodiyot va moliya vazirligi ma’lum qildi.

IMVning prognozlariga ko‘ra, davlat qarzi YaIMga nisbatan 2024-yilda 35,5 foizga, 2025 – 2027 yillarda esa 36,7-37 foiz oralig‘ida bo‘lishi kutilmoqda. 2025-yildan boshlab esa yillik yangi tashqi qarz bitimlari $5,5 mlrd.ni tashkil etadi.

Qonun loyihasida konsolidatsiyalashgan budjet taqchilligi bo‘yicha tashqi qarzlarni jalb qilishni cheklash va ularni samarali investitsiya loyihalariga yo‘naltirish orqali davlat qarzining o‘sishini sekinlashtirish choralari ko‘rilishi ta’kidlangan.

Hozirgi kunda davlat qarzi 2024-yil 1-iyul holatiga $37 mlrd.ni yoki YaIMga nisbatan...

O‘zbekistonlik Ergash Garipov Tataristonda kungaboqar yog‘i ishlab chiqaruvchi zavod qurmoqchi, deb xabar berdi «Realnoe Vremya».

Mintaqa hukumati tadbirkorga 7 ming kvadrat metr maydon ajratdi. Loyiha muallifi biznes-rejani amalga oshirish uchun investor qidirmoqda.

Korxonada kuniga o‘n tonna kungaboqar yog‘i ishlab chiqarish ko‘zda tutilgan.

Avvalroq Kursiv Uzbekistan O‘zbekiston prezidentining Qozonga tashrifi haqida yozgan edi.

29-oktabr kuni Janubiy Koreyaning Seul shahrida Osiyo futbol konfederatsiyasi (AFC) tomonidan 2023-yilning eng yaxshi yosh futbolchisi nominatsiyasida Abbosbek Fayzullayev g‘alaba qozondi. Bu haqda AFC rasmiy sayti xabar berdi.

21 yoshli futbolchi 2023/2024-yilgi mavsumda kuchli o‘yin ko‘rsatib, 2015-yilda Dostonbek Hamdamovdan keyin ushbu mukofotni qo‘lga kiritgan ikkinchi o‘zbekistonlik futbolchiga aylandi.

Fayzullayev «Paxtakor» akademiyasi tarbiyalanuvchisi. U 2023-yil avgust oyida Moskvaning «SSKA» klubi bilan shartnoma imzoladi va debyut mavsumida beshta gol urib, 14 ta golli uzatmani amalga oshirdi.

Eslatib o‘tamiz, joriy mavsum sentabr oyida u Moskva klubining eng yaxshi futbolchisi mukofotini qo‘lga kiritgan edi.

Avvalroq Kursiv Uzbekistan Abbosbek Fayzullayev jahonning eng yaxshi yosh...

O‘zbekistonlik bokschi Murodjon Ahmadaliyev meksikalik Rikardo Espinosa bilan vaqtinchalik WBA kamari uchun jang qiladi, deb xabar berdi All Boxing portali. Jang 2024-yilning 14-dekabr sanasida bo‘lib o‘tadi.

Avvaliga Ahmadaliyev mutlaq chempion Naoya Inouega qarshi ringga chiqishi kerak edi, lekin u boshqa bokschiga qarshi chempionlik unvonini himoya qilish uchun jang qiladi.

Eslatib o‘tamiz, Ahmadaliyev 2023-yilning aprel oyida Butunjahon boks assotsiatsiyasi (WBA) va Xalqaro boks federatsiyasi (IBF) tasnifiga ko‘ra, chempionlik kamarini filippinlik Marlon Tapalesga boy bergan edi.

Avvalroq Kursiv Uzbekistan Shahram G‘iyosov WBO talqini bo‘yicha bokschilar orasida birinchi qatorni egallagani haqida yozgan edi.

1-noyabr kuni Toshkent tumanida gaz ta’minoti vaqtincha o‘chiriladi. Bu haqda «Toshkenttumangaz» gaz ta’minoti bo‘limi xabar berdi.

Ta’kidlanishicha, bu 42,9 mingta xonadon, 610 ta ulgurji iste’molchi va 41 ta ijtimoiy soha obyekti zangori yonilg‘isiz qolishini anglatadi. Gaz ta’minotining to‘xtashi gaz tarmoqlaridagi diafragmalarning yozgi rejimdan qishki rejimga o‘tishi bilan bog‘liq.

«1-noyabr, juma kuni ta’mirlash ishlari 08:00 dan 18:00 gacha olib boriladi», – deyiladi xabarda.

Avvalroq Kursiv Uzbekistan gaz ta’minoti bilan bog‘liq 1,5 mingta shikoyat kelib tushgani haqida yozgan edi.

Joriy yilning 1-noyabridan boshlab kichik biznes uchun 100 million so‘mgacha bo‘lgan garovsiz mikrokreditlarni imtiyozli stavkalar bo‘yicha qayta moliyalashtirish mumkin bo‘ladi. Bu haqda prezident qarorida belgilandi.

Belgilanishicha, qayta moliyalashtirish stavkasi biznes ro‘yxatdan o‘tgan hududga bog‘liq bo‘ladi. Eng rivojlangan (birinchi) hududda joylashgan tadbirkorlar va firmalar uchun bu stavka yillik 18 foizni tashkil etadi.

Ikkinchi toifaga kiruvchi hududlar uchun – 17 foiz, uchinchi toifada – 14,5 foiz, to‘rtinchi toifada – 13,5 foiz. Eng quyi stavka esa beshinchi toifadagi hududlarda joylashgan biznes uchun belgilangan bo‘lib, yillik 12,5 foizni tashkil etadi.

Yetti yilgacha muddatga mo‘ljallangan kreditlar tadbirkor murojaat qilgan vaqtdan boshlab o‘n kun ichida...

29-oktabr kuni O‘zbekiston Respublika valyuta birjasida dollarning rasmiy narxi 9,95 so‘mga pasaydi va 12 784,97 so‘mni tashkil qildi.

Moliya institutlarida dollar 12 730 – 12 775 so‘mdan xarid qilinmoqda va 12 800 – 12 855 so‘mdan sotilmoqda.

Eslatib o‘tamiz, mamlakatda 28-oktabr kuni dollarning rasmiy narxi 13,47 so‘mga pasaygan edi. AQSh valyutasi 24-oktabrdan buyon arzonlashib kelmoqda.

O‘zbekiston Kareliya Respublikasidan sinov tariqasida shungit mineralini import qilmoqda. Bu haqda «TASS» agentligiga Kareliya iqtisodiy rivojlanish vaziri Oleg Yermolayev ma’lum qildi.

“Kareliya zavodi o‘zining ilmiy ishlanmalariga ega. Yo‘nalishlardan biri shungitni qishloq xo‘jaligi hayvonlari uchun ozuqaga qo‘shimcha sifatida ishlatishdir. Shungit gribok va boshqa zararli mikroorganizmlarning rivojlanishiga yo‘l qo‘ymaydi», – deya aniqlik kiritdi Yermolayev.

Shungit ugleroddan tashkil topgan moddadir. Bundan tashqari, qurilish, metallurgiya va rang-tasvirda qo‘llaniladi. Shungit aralashmalari o‘g‘it sifatida ham ishlatiladi.

Avvalroq Kursiv Uzbekistan Kareliyaning RK-Grand zavodi O‘zbekistondagi qurilish korxonalariga sellyuloza yetkazib berishni boshlashi haqida yozgan edi.

Davlat komissiyasi 2024/2025-o‘quv yilida bakalavriat va magistratura talabalari uchun to‘lov va qabulni rasmiylashtirish muddatini joriy yilning 1-dekabrga qadar uzaytirdi. Bu haqda Oliy ta’lim, fan va innovatsiyalar vazirligi matbuot xizmati xabar berdi.

Ma’lum qilinishicha, bazaviy yoki tabaqalashtirilgan to‘lov-kontrakt asosida o‘qish istagini bildirgan abituriyentlar (1-kurs), PF–213-son farmoni asosida qoraqalpog‘istonlik yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar (1-kurs), o‘qishi ko‘chirilgan (ko‘chirib tiklangan) talabalar safiga qabul qilish rasmiylashtirilgan.

Bunda bazaviy to‘lov-kontrakt asosida qabul qilingan abituriyentlar bir yillik o‘qish qiymatining kamida 25 foizini to‘lashi kerak. Tabaqalashtirilgan to‘lov-kontrakt ( super-kontrakt) asosida o‘qishni xohlovchilar uchun qiymatning kamida 50 foizini to‘lash talab etiladi.

Ikkinchi...

Butunjahon boks tashkiloti (WBO) reytingi yangiladi. Ro‘yxatga O‘zbekistondan yetti nafar bokschi joy oldi. Yarimo‘rta vaznda eng yuqori o‘rinni Shahram G‘iyosov egalladi.

Qolgan bokschilar quyidagi pozitsiyalardan joy oldi:

Shuningdek, reytingga o‘rta vazn toifasida ikki nafar qozog‘istonlik bokschi ham kiritildi. Ular mag‘lubiyat nimaligini bilmay kelayotgan Janibek Alimxanuli (chempion) va Meyirim Nursultanov

2024-yilning yanvar-sentabr oylarida O‘zbekistonda elektron xizmatlar ko‘rsatuvchi xorijiy kompaniyalar 101,9 mlrd so‘m soliq to‘lagan bo‘lib, o‘tgan yilning shu davriga nisbatan 2,1 barobarga oshgan. Bu haqda Soliq qo‘mitasi xabar berdi.

To‘langan jami soliqlarning 99,9 foizi 10 ta xorijiy kompaniyaga to‘g‘ri keladi: Meta (41,1 mlrd so‘m), Google (26,1 mlrd so‘m), Apple (22,6 mlrd so‘m), Amazon (3,7 mlrd so‘m), Booking.com (2,2 mlrd so‘m), Zoom (1,4 mlrd so‘m), Netflix (1,3 mlrd so‘m), Acca (1,2 mlrd so‘m), Yandex Europe (1,1 mlrd so‘m) va Xsolla (900,3 mln so‘m).

Amazon, Booking.com va Netflix kompaniyalarI o‘z daromadlarini ikki barobardan ortiq oshirdi. Masalan, Netflix 51 foizga o‘sdi. Booking.com...

29-oktabr kuni O‘zbekiston Savdo-sanoat palatasi raisi o‘rinbosari Dilshod Rasulov va Buyuk Britaniya Lordlar palatasi a’zosi va Global Trade platformasi asoschisi Jon Desmond Veyverli uchrashuv o‘tkazdi. Bu haqda savdo-sanoat palatasi matbuot xizmati xabar berdi.

Uchrashuvda Veyverli tomonidan eksportchilarga butun dunyo bo‘ylab hamkorlar topishga yordam beruvchi Global Trade platformasini taqdimotini namoyish etildi.

GoGlobal Trade – xalqaro hamkorlikni rivojlantirish va jahon bozorida biznes o‘sishini rag‘batlantirishga qaratilgan keng qamrovli global platforma. U korxonalarning global ishtirokini kengaytirish va ularning xalqaro savdo operatsiyalarini optimallashtirishda qo‘llab-quvvatlash uchun bir qator xizmatlar va resurslarni taqdim etadi.

Platforma 195 ta davlatga chiqish imkoniyatini beradi. Savdo tashkilotlari...

Joriy yilning 9 oyi ichida O‘zbekiston respublika tovar-xom ashyo birjasining (O‘zRTXB) avtoraqam.uzex.uz savdo tizimi orqali 620 mlrd so‘mlik 152 mingdan ziyod avtoraqamlar shaffof auksion orqali sotildi. Avtomobil raqamlarining sotuv soni hamda hajmi bo‘yicha 2,6 barobarga o‘sgan. Bu haqda O‘zRTXBning 9 oylik hisobotida ma’lum qilindi.

Qayd etilishicha, ushbu sotilgan avtoraqamlardan 97 foizi jismoniy shaxslarga qolgan uch foizi esa yuridik shaxslarga to‘g‘ri kelgan.

Ushbu sotilgan avtoraqamlardan eng arzoni 1,7 mln so‘m bo‘lsa, eng qimmati 571,1 mln so‘mga sotilgan.

Eslatib o‘tamiz, avvalroq «Kursiv» O‘zbekistonda chiroyli avtomobil raqamlari savdosi uch barobarga oshgani haqida xabar bergan edi.

O‘zbekiston va Pokiston yaqin yillarda tovar aylanmasi hajmini $1 milliardga yetkazish niyatida. Bu haqda «Dunyo» axborot agentligi xabar berdi.

Bu mavzuni 28-oktabr kuni Islomobodda O‘zbekistonning yangi elchisi Alisher To‘xtayev va Pokiston prezidenti Asif Ali Zardari muhokama qildi.

Uchrashuv chog‘ida madaniy-gumanitar va sayyohlik almashinuvi ham muhimligi ta’kidlandi. Pokiston prezidenti o‘z fuqarolari uchun viza rejimining soddalashtirilishi O‘zbekistonga sayohatlarni osonlashtirishini qayd etdi.

Asif Ali Zardari noyabr oyiga rejalashtirilgan Toshkent va Lahor o‘rtasida to‘g‘ridan-to‘g‘ri aviaqatnovlarning tiklanishi sayyohlar oqimini ko‘paytirishga va mamlakatlar o‘rtasidagi madaniy aloqalarni mustahkamlashga xizmat qilishini ta’kidladi.

Avvalroq Kursiv Uzbekistan Pokistonga O‘zbekistonning yangi elchisi yetib borganini yozgan edi.

O‘zbekiston respublika tovar-xom ashyo birjasida ikki tomonlama qarama-qarshi auksioni ishga tushirildi. Bu haqda joriy yilning 29-oktabr kuni o‘tkazilgan matbuot anjumanida ma’lum qilindi.

«Ikki tomonlama qarama-qarshi auksioni, tovar xomashyo birjasida yangi savdo mexanizmi bo‘lib, shu vaqtgacha mavjud bo‘lgan savdo mexanizmlari orasida eng yangisi hisoblanadi», – deydi «O‘zRTXB» AJ Boshqaruv raisining o‘rinbosari Zulfiddin Kamolov.

Ma’lumot uchun, ikki tomonlama qarama-qarshi auksion birjaning savdo rejimi bo‘lib, bozor narxlarini aniqlashning yanada samaraliroq usuli hisoblanadi.

Undagi narxlar sotuvchilar va xaridorlar o‘rtasidagi raqobat natijasida talab va taklif o‘rtasidagi muvozanat darajasida shakllanadi. Ushbu savdo rejimida ikki tomon bir vaqtning o‘zida o‘z narx takliflarini berishlari mumkin...

Endi foydali qazilmalarni qonunga xilof yoki ruxsatnomasiz qazib olganlar jinoiy javobgarlikka tortiladi. Prezident imzolagan qonun bilan ayrim kodekslarga o‘zgartirish va qoʻshimchalar kiritildi.

Shuningdek, Ma’muriy javobgarlik kodeksiga yer uchastkalarini oʻzboshimchalik bilan egallash va qurilish ishlarini olib borish bilan bogʻliq huquqbuzarliklar uchun ichki ishlar organlariga vakolatlar berilishi ko‘zda tutilgan.

Ma’lumot uchun, foydali qazilmalarni ruxsatnomasiz qazib olish 37,5 mln so‘mdan 112,5 mln so‘mgacha jarima yoki uch yilgacha ozodlikdan mahrum qilish jazosiga sabab bo‘ladi. Bunda harakatlar guruh bo‘lib amalga oshirilgan taqdirda, 112,5 mln so‘mdan 187,5 mln so‘mgacha jarima yoki uch yildan besh yilgacha ozodlikdan mahrum qilish chorasi ko‘riladi. Guruh bo‘lib qilingan jinoyat zarari...

Air Samarkand aviakompaniyasi 1-noyabrdan Fukuok oroliga yangi reysni yo‘lga qo‘yadi. Bu haqda kompaniya matbuot xizmati xabar berdi.

Toshkentdan samolyot soat 23:55 da jo‘nab ketadi, parvoz 7 soat 5 daqiqa davom etadi. Fukuokdan qaytuvchi reys mahalliy vaqt bilan soat 11:00 da jo‘naydi va Toshkentga soat 16:00 da yetib keladi.

Airbus A330-300 samolyotlarida 36 ta qulaylik darajasi oshirilgan joylar va 277 ta iqtisodiy sinf o‘rinlari mavjud.

Yangi yo‘nalish Crystal Bay Tourism turoperatori bilan hamkorlikda yo‘lga qo‘yilgan.

Avvalroq Kursiv Uzbekistan «Air Samarkand» Jiddaga birinchi parvozini amalga oshirgani haqida yozgan edi.

2023/2024-o‘quv yilida O‘zbekistondagi OTMlarda tahsil olayotgan xorijlik talabalarning soni 10,8 ming nafarga yetdi. Bu haqda Statistika qo‘mitasi ma’lum qildi.

Unga ko‘ra, o‘tgan 2022/2023-o‘quv yilida 5 ming nafar xorij fuqarolari O‘zbekiston oliy o‘quv yurtlarida tahsil olgan.

Ma’lumot uchun, 2018/2019-o‘quv yilida bu ko‘rsatkich 2,7 ming nafarni tashkil etgan edi.

Eslatib o‘tamiz, xorijda tahsil olayotgan talabalar soni boʻyicha Oʻzbekiston dunyoda uchinchi oʻrinda turadi.

Individual harakatlanuvchi va kichik hajmli elektr dvigatelli transport vositalarini boshqarish vaqtida sodir etilgan huquqbuzarliklar uchun ma’muriy javobgarlik belgilandi. Bu haqda Adliya vazirligi ma’lum qildi.

Unga ko‘ra, davlat rahbari tomonidan imzolangan qonun bilan Ma’muriy javobgarlik toʻgʻrisidagi kodeksiga oʻzgartirish va qoʻshimchalar kiritildi.

Bundan tashqari, tez tibbiy yordam va yongʻin-qutqaruv xizmatlarining transport vositalari orqali sodir etilgan qoidabuzarliklari bo‘yicha ortiqcha qogʻozbozlikni bartaraf etish uchun yangi tartib joriy etiladi.

Shuningdek, maxsus avtomatlashtirilgan foto va video qayd etish vositalari orqali aniqlangan yoʻl harakati qoidalari buzilishi ma’lumotlari jarima solish uchun vakolatli tashkilotlarga 48 soat ichida yuborilmasa, ma’muriy ish yuritilmaydi.

Eslatib o‘tamiz, avvalroq tadbirkorlikda ortiqcha hujjatbozlikka yo‘l...

«Davr Bank» tomonidan bank ilovasi orqali 50 mln soʻmgacha mikrokredit rasmiylashtirish boʻyicha berilgan axborot yuzasidan moliyaviy jarima qoʻllanildi. Bu haqda Raqobat qoʻmitasi matbuot xizmati xabar berdi.

Mazkur reklama boʻyicha bankning rasmiy veb-sayti oʻrganilganda, mikroqarz istalgan maqsadlarda foydalanish uchun ajratilishi koʻrsatilgan. Shuningdek, mikrokredit oluvchi kamida oxirgi 6 oy davomida doimiy ish joyiga hamda oylik daromadga ega boʻlgan boʻlishi lozimligi koʻrsatilgan. Mikroqarz muddati – 60 oygacha, foiz stavkasi – 43 foiz, qarz miqdori – 50 mln soʻm etib belgilanganligi aniqlangan.

Mikroqarz boʻyicha qoʻshimcha shartlar va muhim ma’lumotlar tashqi reklamada koʻrsatilmagan.

Bundan tashqari, Toshkent shahrining bir qator koʻchalarida joylashgan LED monitorli reklama...