Yangiliklar

Hozirgi kunda IIV JXD YHXXB xodimlari tomonidan piyodalar yo‘lakchasidan o‘tishda qonunchilikka zid harakatlarni amalga oshirgan piyodalarga jarima qo‘llanilmoqda. Bu borada Kursiv Uzbekistan IIV matbuot xizmat Shohrux G‘iyosov bilan bog‘landi.

Qayd etilishicha, bu kabi maxsus profilaktik tadbirlar yo‘llarda yuzaga kelayotgan ko‘ngilsiz hodisalarni oldini olish maqsadida doimiy o‘tkazilib kelinadi.  

«Piyodalar bilan bog‘liq yo‘l transport hodisalarini oldini olish maqsadida bu kabi maxsus profilaktik tadbirlar doimiy o‘tkazilib turiladi», — dedi IIV matbuot kotibi Shohrux G‘iyosov.

Piyodalar yo‘lkasidan o‘tishda belgilangan tartibga amal qilmaslik oqibatida yo‘l transport hodisalari ko‘paymoqda. Shu sababdan kuchaytirilgan reyd tadbirlari doimiy o‘tkazilib, qoidabuzar piyodalarga bazaviy hisoblash...

Oʻzbekiston va Gonkong oʻrtasida turistlar oqimini koʻpaytirish va aviatsiya orqali yuk tranzitini tashkil etish boʻyicha kelishuv amalga oshirildi. Bu haqda Transport vazirligi matbuot xizmati ma’lum qildi.

Unga ko‘ra, hujjat Malayziyaning Kuala-Lumpur shahrida ICAO ICAN 2024 tadbiri doirasida imzolandi. Bu kelishuv Oʻzbekiston hududi orqali Gonkongdan Yevropa va arab davlatlariga yuklarni tranzit qilish imkonini beradi. Shuningdek, aviaqatnovlar orqali mamlakatga gonkonglik sayyohlarni ko‘proq jalb qilishga ham ishonch bildirildi.

Ma’lumot uchun, avvalroq Gonkong aviatsiya ma’muriyati mahalliy aeroportlar tirbandligi sababli Oʻzbekistonning havo qatnovini yoʻlga qoʻyish taklifini rad etgan edi.

Eslatib o‘tamiz, bundan oldin Uzbekistan Airways Xanchjouga to‘g‘ridan-to‘g‘ri aviaqatnovni yo‘lga qo‘yishini ma’lum qilgan edik.

S&P Global Ratings tahliliy kompaniyasi O‘zbekiston, shuningdek, Markaziy Osiyoning boshqa davlartlari va Kavkaz mamlakatlarida raqamli moliyaviy xizmat ko‘rsatish tobora o‘sib borayotganini ma’lum qildi. Tadqiqot natijalari bo‘yicha hisobot Kursiv Uzbekistan nashrida mavjud.

Tahlilchilarning fikricha, raqamlashtirishning o‘sishiga ushbu hududlarda mobil va internet aloqa tarmoqlarining kengayishi hamda texnologiyalarning jadal rivojlanishi bilan bog‘liq. Iste’molchilarning onlayn xizmatlarga bo‘lgan talabi yuqorilab borgani natijasida banklar raqamli platformalarga ko‘proq sarmoya kiritishni boshladi.

Omonatlarni rasmiylashtirish va kreditlar berishda kam o‘zgarish kuzatildi. Onlayn to‘lovlar tizimida esa banklararo kuchli raqobat ketmoqda. S&P bu moliyaviy institutlarning fintech kompaniyalarini sotib olishiga olib kelishi mumkinligini taxmin qilmoqda. Shuningdek, tadqiqotda O‘zbekistondagi yirik banklar barqaror pozitsiyalarni...

BRICSga a’zo davlatlar rahbarlari XVI sammitining yakuniy deklaratsiyasini qabul qildi. Bu haqda TV BRICS nashri ma’lum qildi.

Unga ko‘ra, deklaratsiya muqaddima va to‘rt bo‘limdan iborat:

«Adolatliroq va demokratik dunyo tartibini barpo etish yo‘lida ko‘p tomonlama munosabatlarni mustahkamlash»;

«Global va mintaqaviy barqarorlik va xavfsizlik manfaatlari yo‘lida hamkorlikni mustahkamlash»;

«Adolatli global manfaatlar yo‘lida moliyaviy-iqtisodiy hamkorlikni chuqurlashtirish. taraqqiyot»;

«Ijtimoiy-iqtisodiy rivojlanish manfaatlari yo‘lida gumanitar almashinuvlarni kengaytirish».

«Yakuniy deklaratsiya tayyorlandi. Unda jahondagi vaziyatning umumiy bahosi, Rossiyaning BRICSga raisligi yakunlari sarhisob qilinadi va uzoq muddatli hamkorlik uchun yoʻnalishlar belgilab qoʻyiladi», — dedi Vladimir Putin.

Shuningdek, «O‘nlik» davlat rahbarlari rivojlanayotgan...

2024-yil yanvar–sentabr oylarida 4,5 million oʻzbekistonlik turist sifatida chet elga chiqdi. Bu haqda Statistika agentligi matbuot xizmati xabar berdi.

Ushbu koʻrsatkich oʻtgan yilning mos davri bilan solishtirilganda 1,2 million nafarga yoki 35,8 foizga oshgan.

O‘zbekistonliklar eng ko‘p tashrif buyurgan davlatlar orasida Markaziy Osiyo davlatlari yetakchilik qildi. Shundan Qirgʻizistonga — 2,1 mln, Tojikistonga — 895,1 ming, Qozogʻistonga — 719,9 ming nafar safar qilgan.

Shuningdek, turist sifatida Rossiyaga (222,9 ming), Turkiyaga (180,9 ming), Saudiya Arabistoniga (121,9 ming), BAA (90,3 ming), Misrga (32,1 ming), Quvaytga (20 ming), Janubiy Koreyaga (17,5 ming) tashrif buyurgan.

Eslatib o‘tamiz, avvalroq Kursiv Uzbekistan 2024-yilning yanvar–iyul oylarida jami...

Qozon shahrida Tatariston raisi Rustam Minnixanov Shavkat Mirziyoyevni Tatariston Respublikasi davlat mukofoti «Do‘stlik» ordeni bilan taqdirladi. Bu haqda davlat rahbari matbuot xizmati ma’lum qildi.

Unga ko‘ra, prezidentga ushbu orden O‘zbekiston va Tatariston o‘rtasidagi hamkorlikni yuksaltirish, ikki xalq do‘stligi va hamkorligiga qo‘shgan ulkan hissasi uchun topshirildi.

Eslatib o‘tamiz, avvalroq Shavkat Mirziyoyev Qozogʻistonning «Oltin Qiron» ordeni bilan taqdirlangan edi.

Oʻzbekistonning aksariyat hududlarida payshanba, 24-oktabr kuni yogʻingarchilik kuzatilmaydi, baʼzi joylarga esa tuman tushish ehtimoli mavjud. Bu haqda «Oʻzgidromet» xabar berdi.

Asosan moʻtadil shamol (7-12 m/s) esishi kutilmoqda, ayrim joylarda shamol kuchayib 13-18 m/s gacha yetishi mumkin.

Mamlakat boʻylab oʻrtacha harorat +13…+18 daraja atrofida boʻladi. Togʻli hududlarda +6…+11 daraja boʻladi, Toshkentda esa +15…+17 daraja boʻlishi kutilmoqda.

Poytaxtda yogʻingarchilik kutilmaydi, togʻlarda esa yomgʻir va tuman tushish ehtimoli bor.

Eslatib o‘tamiz, avvalroq Kursiv Uzbekistan mamlakatda yogʻingarchilik va sovuq havo harorati kuzatilishi haqida xabar bergan edi.

Rossiyalik jurnalist Inessa Papernaya va uning hamrohi Maksim Radchenkoning o‘limi yuzasidan tergov jarayoni ekspertizasi bir oy davom etadi. Bu haqda Bosh prokuraturasi matbuot kotibi Hayot Shamsutdinov TASS agentligiga ma’lum qildi.  

Papernaya, Radchenko va o‘zbekistonlik Xushnud Udekov 20-noyabr kuni Toshkentdagi mehmonxonalardan birida vafot etgan.

«Mehmonxonadagi jurnalist va hamrohining o‘limi sabablarini aniqlash bo‘yicha ekspertiza natijalari taxminan bir oy ichida ma’lum bo‘ladi», — deya Shamsutdinovning so‘zlarini keltirdi agentlik.

Shuningdek, u Radchenko va Papernayaning jasadlari Rossiyaga yuborilganini ham qo‘shimcha qilgan.

Baza Telegram kanali ma’lumotlariga ko‘ra, hodisa Toshkentdagi «Karaman palas» mehmonxonasida sodir bo‘lgan.

Eslatib o‘tamiz, avvalroq Kursiv...

Xitoyning Baidu kompaniyasi bosh direktori Robin Li, sun’iy intellekt (SI) bozori ertami-kechmi qisqarib ketadi deb hisoblaydi.

«Ehtimol, kompaniyalarning bir foizi (SI sohasida — tahr.) omon qoladi, katta kompaniyalarga aylanadi va odamlar hamda jamiyat uchun ko‘plab ajoyib imkoniyatlar yaratadi. Menimcha, biz aynan hozir bu jarayondan o‘tmoqdamiz», — dedi Li Harvard Business Review konferensiyasida.

Shuningdek, Li texnologiyalar, mehnat bozorida 10–30 yildan keyin odamlar bilan raqobat qila olishini ta’kidladi.

Ma’lumot uchun, Baidu turli xil xizmatlarni, shu jumladan, qidiruv tizimini taqdim etuvchi Xitoy kompaniya.

Eslatib o‘tamiz, avvalroq Kursiv Uzbekistan 10 mingdan ortiq musiqachi va aktyorlar SI ishlab chiquvchilariga...

Shavkat Mirziyoyev BRICS sammiti tadbirlari doirasida Yangi taraqqiyot banki prezidenti Dilma Rusefni qabul qildi. Bu haqda davlat rahbari matbuot xizmati ma’lum qildi.

Unga ko‘ra, vakillarimiz moliyaviy institut bilan o‘zaro manfaatli hamkorlik masalalarini muhokama qildi.

Shuningdek, ta’lim va texnologik rivojlanish sohasidagi dastur va loyihalar, ijtimoiy sohani qo‘llab-quvvatlash, sanoat, infratuzilma va logistikani modernizatsiya qilish, raqamlashtirish, energetika va kommunal sohalarda loyihalar ko‘rib chiqilishi qayd etildi.

Buning uchun qo‘shma ekspertlar guruhi tuziladi va aniq loyihalar ko‘rib chiqiladi.

Eslatib o‘tamiz, avvalroq O‘zbekiston – Qozog‘iston biznes forumida $352 millionlik shartnomalar imzolangani haqida yozgan edik.

Shavkat Mirziyoyev BRIKS sammiti doirasida Turkiya prezidenti Rajab Toyyib Erdog‘an bilan uchrashuv o‘tkazdi. Bu haqda davlat rahbari matbuot kotibi ma’lum qildi.

Unga ko‘ra, O‘zbekiston – Turkiya keng qamrovli strategik sheriklik masalalari ko‘rib chiqildi. Ikki davlat rahbarlari siyosiy, savdo-iqtisodiy, investitsiyaviy, madaniy va gumanitar sohalardagi ko‘p qirrali hamkorlikni kengaytirish muhimligini ta’kidladilar.

Shuningdek, geologiya va mineral resurslarni qazib chiqarish, elektrotexnika, mashinasozlik, sog‘liqni saqlash, ta’lim va boshqa sohalarda kooperatsiya loyihalarini ilgari surish masalalari muhokama qilindi.

Eslatib o‘tamiz, avvalroq prezident Narendra Modi bilan uchrashgan edi.

AQShning O‘zbekistondagi elchixonasi budjet tahlilchisi/hisobchi vakansiyasi uchun ochiq tanlov e’lon qildi. Bu haqda elchixona Telegram sahifasida ma’lum qilindi.

Unga ko‘ra, lavozim uchun ariza qoldirgan ​​barcha malakali nomzodlar arizalari ko‘rib chiqiladi.

Oylik maosh $934 (har ikki haftada beriladi).

Nomzod ruxsatnomani olgandan keyin 3 hafta ichida ishni boshlashi lozim.

Hujjat topshirishning so‘nggi muddati 2024-yil 1-noyabr.

Ariza ushbu havola orqali onlayn qoldiriladi.

Eslatib o‘tamiz, avvalroq IT Park ayollar qatlamiga tizimli yordam ko‘rsatishi haqida yozgan edik.

Sun’iy intellekt sohasidagi etika bo‘yicha tadqiqotlar va ishlanmalarni qo‘llab-quvvatlashga qaratilgan Beruniy nomidagi xalqaro mukofot ta’sis etildi. Bu haqda Saida Mirziyoyevaning Telegram sahifasida ma’lum qilindi.

Unga ko‘ra, Shavkat Mirziyoyev ilgari surgan tashabbus qaror sifatida 2024-yil 22-oktabr kuni Parij shahrida bo‘lib o‘tgan YUNESKO Ijroiya kengashining 220-sessiyasida doirasida qabul qilingan.

Mazkur mukofot ikki yilda bir marotaba sun’iy idrok sohasida odob-axloq va inklyuzivlikni rivojlantirish hamda xalqaro ilmiy hamkorlikni mustahkamlashga xizmat qiluvchi loyihalarga beriladi. Gʻoliblar pul mukofoti, sertifikat va medallar bilan taqdirlanadi.

Ma’lumot uchun, ilk taqdirlash marosimi 2025-yilning noyabr oyida Samarqand shahrida YUNESKO Bosh konferensiyasining 43-sessiyasi doirasida o‘tkaziladi.

Eslatib o‘tamiz, avvalroq badiiy...

23-oktabr kuni terrorchilar Turkiya poytaxti Anqaradagi Tusaş aerokosmik korporatsiyasi (TAI) hududiga hujum qildi. Bu haqda Turkiyaning NTV telekanali xabar berdi.

Unga ko‘ra, hujum paytida portlash va otishma ovozlari eshitilgan. Telekanal ma’lumotlariga koʻra, terrorchilar kompaniya binosiga taksida yetib kelishgan. Videokuzatuv kameralari hujumchilardan birini suratga olishga muvaffaq bo‘ldi.

Terrorchilar va huquq-tartibot idoralari o‘rtasida otishma davom etayotgani xabar qilingan.

Turkiya rasmiylari voqeani terakt deb atadi. Mamlakat Ichki ishlar vazirligi rahbari Ali Erlikayaning aytishicha, terakt oqibatida qurbonlar va jarohatlanganlar bor.

Shuningdek, uch nafar terrorchidan ikkitasi yo‘q qilingani haqida ma’lum qilingan.

Ma’lumot uchun, Tusash korporatsiyasi 1973-yil 28-iyunda Sanoat va texnologiyalar vazirligi qoshida mudofaa sanoatida...

Shavkat Mirziyoyev Qozon shahriga tashrifi doirasida Hindiston Respublikasi bosh vaziri Narendra Modi bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda O‘zbekiston – Hindiston hamkorlik masalalari muhokama qilindi.

Shuningdek, yuqori texnologiyalar, sun’iy intellekt, sanoat, energetika, farmatsevtika, transport kommunikatsiyalari bo‘yicha dastur va loyihalarni amalga oshirishga alohida urg‘u berildi.

Shu yili Hukumatlararo komissiyaning navbatdagi yig‘ilishi va biznes forumini o‘tkazish, shuningdek, sanoat kooperatsiyasi bo‘yicha o‘rta muddatli dastur qabul qilishga kelishib olindi.

Ikki davlatda Madaniyat va kino kunlarini, tibbiyot va sport sohalarida hamda yoshlar ishtirokida, shu jumladan, yoshlarning parlament tashkilotlari doirasida qo‘shma tadbirlar o‘tkazish taklif etildi.

Eslatib o‘tamiz, avvalroq...

Shavkat Mirziyoyev amaliy tashrif bilan Qozon shahriga keldi. Bu haqda davlat rahbari matbuot xizmati ma’lum qildi.

Unga ko‘ra, aeroportda Shavkat Mirziyoyevni Tatariston Respublikasi raisi Rustam Minnixanov, Qozon shahri meri Ilsur Metshin va boshqa rasmiylar kutib oldi.

Bugun O‘zbekiston prezidenti qator ikki tomonlama uchrashuvlar o‘tkazadi hamda BRIKS sammitining protokol tadbirlarida qatnashadi. Ertaga «BRICS plyus» formatidagi sammitning asosiy yig‘ilishi bo‘lib o‘tadi.

Eslatib o‘tamiz, avvalroq Braziliya prezidenti BRICS sammitida ishtirok etmasligi haqida yozgan edik.

2024-yilning 23-oktabr kuni Automechanika Tashkent ko‘rgazmasi o‘z eshiklarini ochdi va 25-oktabrgacha davom etadi. Ko‘rgazma haqida Kursiv Uzbekistan ma’lumot to‘pladi.

Uch kunlik tadbir davomida Hindiston, Germaniya, Italiya, Turkiya, Koreya Respublikasi, Malayziya kabi davlatlardan 435 dan ortiq kompaniyalar o‘z innovatsion texnologiyalari va avtomobil sanoatidagi mahsulotlarini namoyish etmoqda.

Innovatsiyalar va ekspert seminarlar

Ko‘rgazma davomida avtomobil sanoati olamidagi eng so‘nggi yangiliklar bilan tanishish, avtomexanika sohasidagi so‘nggi ishlanmalar haqida ma’lumot olish imkoniyati mavjud. Shuningdek, avtomobil sanoati bo‘yicha ekspertlar tomonidan maxsus seminar va master-klasslar tashkil etilmoqda, bu esa soha mutaxassislari va qiziquvchilar uchun katta imkoniyat yaratadi.

Ko‘rgazmada Shell, Exzap, Lukoil, Saneg, Vikron, JAZ Battery, Orient...

2024-yilning yanvar – sentabr oylarida 225 ming nafar fuqaroga yangi pensiyalar tayinlandi. Bu haqda Pensiya jamgʻarmasi xabar berdi.

Unga koʻra, 179 ming nafar fuqaroga yoshga doir pensiyaga tayinlangan boʻlsa, 32,4 ming nafar fuqarolarga nogironlik pensiyasi tayinlandi. Shuningdek, 13 7 mingta oilaga boquvchisini yoʻqotganlik pensiyasi belgilandi.

Eslatib oʻtamiz, 1-sentabrdan pensiya va nafaqalar miqdori 15 foizga oshirildi. Bunda pensiyani hisoblashning bazaviy miqdori – oyiga 428 000 soʻm, yoshga doir eng kam pensiya miqdori – oyiga 834 000 soʻm, nogironlik pensiyalarining eng kam miqdori – oyiga 920 000 soʻm etib belgilandi.

Avvalroq Kursiv Uzbekistan 2025-yildan boshlab yoshga doir pensiya avtomatik tayinlanishi...

Qozogʻiston va Oʻzbekiston chegara zonasida «Xorgos» savdo-iqtisodiy zonasi modelidagi maxsus erkin savdo zonasini tashkil etish rejalashtirilmoqda. Bu mintaqalar oʻrtasidagi tovar ayirboshlash hajmini 4 baravarga oshirishi kutilmoqda. Tashabbusni Mangʻistau viloyati hokimi Nurdaulet Qilibay Samarqandda boʻlib oʻtgan O‘zbekiston – Qozog‘iston biznes forumida taklif qildi.

Ta’kidlanishicha, loyihani amalga oshirish uchun Mangʻistau viloyatining «Tajen» bojxona posti orqali Oʻzbekiston bilan bogʻlaydigan avtomobil yoʻli qurilishi hozirda davom etmoqda. Kelgusida Qoraqalpogʻistondan Qozogʻiston chegarasigacha boʻlgan yoʻl qurilishi yakunlanishi bilan yuk tashish hajmi sezilarli darajada oshadi.

Bugungi kunda Mangʻistau viloyati ulgurji bozorlarida sotilayotgan qishloq xoʻjaligi mahsulotlarining salmoqli qismi Oʻzbekiston viloyatlarining hissasiga toʻgʻri keladi. Har kuni «Dovut ota...

Makroiqtisodiy va hududiy tadqiqotlar instituti (MHTI) mutaxassislarining ma’lumotlariga ko‘ra, 2024-yilning yanvar – sentabr oylarida onlayn-auksion orqali sotilgan 1 gektar yerning o‘rtacha narxi 1,06 milliardni tashkil etdi, bu narx o‘tgan yil bilan taqqoslaganda 595,1 mln so‘mga qimmatlashgan (2,3 barobar oshgan).

Bu davrda sotilgan yer uchastkalari soni sezilarli darajada oshdi. Toshkent shahrida 4,7 barobar, Qoraqalpog‘istonda 4,4 barobar, Andijon viloyatida 3,2 barobar, Xorazmda 2,8 barobar, Qashqadaryoda 2,7 barobar va Namanganda 2,5 barobar  ko‘p yer maydonlari sotilgan.

Jami 24,6 mingta lot (69,3 foiz) ijaraga va 10,8 mingta lot (30,7 foiz) mulk huquqi asosida sotuvga qo‘yilgan. Biroq respublikaning 67 ta tumanida mulk huquqi asosida yer...

2024-yilning 9 oyi davomida soliq toʻlovchilar faoliyatini nazorat qilish jarayonida 10,3 trln soʻmlik tafovutlar aniqlandi. Bu haqda Soliq qoʻmitasi ma’lum qildi.

Unga ko‘ra, bu umumiy 551 ming nafar faoliyat ko‘rsatayotgan soliq to‘lovchilar sonining 3,3 foizini tashkil qiladi.

4,9 trln so‘mlik eng katta tafovut QQS bo‘yicha aniqlangan. Daromad solig‘i bo‘yicha tafovut esa 4,7 trln so‘mni tashkil etgan.

Tafovutlarning 55,2 fozi qismi umumiy ovqatlanish, savdo va xizmat ko‘rsatish sohalarida kuzatilgan. Shuningdek, soliqdagi tafovutlarning 17,5 foizi qurilishda, 16,3 foizi esa ishlab chiqarish sohalarida uchragani ma’lum qilindi.

Eslatib o‘tamiz, avvalroq 2024-yilda o‘zini o‘zi band qilganlar soni deyarli 87 foizga oshgani haqida yozgan...

23-oktabr kuni O‘zbekiston Respublika valyuta birjasida dollarning rasmiy narxi 10,05 so‘mga ko‘tarildi va 12 827,90 so‘mni tashkil qildi.

Respublikada banklar AQSh valyutasini 12 755 – 12 790 so‘mdan xarid qilishmoqda va 12 820 – 12 875 so‘mdan sotishmoqda.

Eslatib o‘tamiz, davlatda 22-oktabr kuni dollarning qiymati deyarli 13 so‘mga o‘sgan edi.

«Oʻzbekneftgaz» birja orqali AI-92 benzinini sotishni boshladi. Bu haqda kompaniya matbuot xizmati xabar berdi.

Ta’kidlanishicha, 23-oktabrdan boshlab AI-92 benzinini birja savdolari orqali sotish boshlandi. Bu esa narxlarning raqobatbardoshligini oshirish va yonilgʻi taqsimlash tizimida shaffoflikni oshirish imkonini beradi.

«Buxoro neftni qayta ishlash zavodida AI-92 benzini narxini bosqichma-bosqich pasaytirish ishlari olib borilmoqda. Bu yonilgʻi bozori barqarorligini qoʻllab-quvvatlash va mamlakat aholisi uchun yuqori oktanli benzin mahsulotlari mavjudligini oshirishga qaratilgan strategiyaning bir qismi», – deyiladi xabarda.

Eslatib oʻtamiz, AI-92 benzining narxi BNQIZda bir tonna uchun 11,54 mln soʻmni, neft bazalarida esa 11,78 mln soʻmni tashkil etadi.

Avvalroq Kursiv...

OʻzR prezidenti Shavkat Mirziyoyevning farmon loyihasiga koʻra, aholini ro‘yxatga olish ishlari 2026-yil 15-iyuldan 21-avgustga qadar amalga oshirish rejalashtirilmoqda.

Hujjat qabul qilingach respublika va viloyat miqyosida aholini ro‘yxatga olish komissiyalari tuziladi. Ushbu komissiyalar ro‘yxatga olish ishlari uchun moddiy-texnik ta’minotni va tashkiliy ishlarni ta’minlaydi. Jahon bankining imtiyozli krediti hisobidan planshet va boshqa texnika vositalari sotib olinadi. Qolgan mablagʻlar Davlat budjeti hisobidan ajratiladi.

Farmonga muvofiq, mahalliy va hududiy hokimiyat organlari tomonidan 2025-yil 1-iyulga qadar ko‘chalarga nom belgilarini oʻrnatish, xonadon va uylarni toʻliq raqamlashtirish rejalashtirilgan. Aholini ro‘yxatga olish arafasida hududlar chegaralari va topografik nomlardagi oʻzgarishlar toʻgʻrisidagi ma’lumotlar yangilanadi.

2025-yil 1-sentabridan 2026-yil 1-sentabriga qadar...