Yangiliklar

18-fevral kuni O‘zbekistonning ko‘plab hududlarida ob-havo biroz bulutli bo‘ladi, lekin yog‘ingarchilik kutilmaydi, deya yozmoqda «O‘zgidromet» agentligi.

Toshkent shahri va yaqin atrofida kechasi va ertalab tuman tushishi mumkin, shamol sharqdan 3-8 m/s tezlikda esadi, harorat kechasi 0-2° iliq, kunduzi esa 12-14° iliq bo‘ladi.

Qoraqalpog‘iston Respublikasi va Xorazm viloyatida havo biroz bulutli, yog‘ingarchilik kutilmaydi, lekin tuman tushishi mumkin. Shamol sharqdan 7-12 m/s tezlikda esadi, ba’zi joylarda esa kuchayib 13-18 m/s ga yetishi mumkin. Harorat kechasi 2° sovuqdan 3° iliq, kunduzi esa 6-11° iliq bo‘ladi.

Buxoro va Navoiy viloyatlarida havo biroz bulutli, kunning ikkinchi yarmida ba’zi joylarda yomg‘ir yog‘ishi mumkin...

Shavkat Mirziyoyev rasmiy tashrif doirasida Al-Kuvayt shahrida «Action Group Holdings» kompaniyasining rahbari Shayx Muborak as-Sabohni qabul qildi. Bu haqda davlat rahbari matbuot xizmati ma’lum qildi.

Unga ko‘ra, prezident kompaniyaning O‘zbekistonda gidroelektr stansiyalari, ijtimoiy uy-joylar qurish hamda mineral resurslarni qayta ishlash bo‘yicha rejalarini ma’qulladi. Bu loyihalar ikki davlat o‘rtasidagi hamkorlikni yanada rivojlantirishga xizmat qiladi.

Ma’lumot uchun, «Action Group Holdings» kompaniyasi 1998-yilda tashkil etilgan bo‘lib, ko‘chmas mulk, neft sanoati, axborot texnologiyalari, logistika, qurilish, ta’lim, konsalting va savdo sohalarida faoliyat olib boradi.

Eslatib o‘tamiz, avvalroq O‘zbekiston va Kuvayt «aqlli» shaharlarni barpo etish sohasida hamkorlik qilishi haqida yozgan edik.

Elit Chempionlar Ligasining 8-tur bahslarida Qatarning «Al-Sadd» jamoasi bilan o‘ynagan «Paxtakor» futbol klubi bellashuvda 2:1 hisobda g‘alaba qozondi. Bu haqda Kursiv Uzbekistan muxbiri ma’lum qildi.

Ushbu g‘alaba orqali «Sherlar» pley-offga chiqish imkoniyatini saqlab qoldi. Uchrashuv 2:1 hisobida «Paxtakor» foydasiga hal bo‘lib, gollarga Brayan Riaskos mualliflik qildi.

Raqib jamoa safida esa Hasan Al Haydos penaltidan bergan zarbasi orqali «Paxtakor» darvozasini ishg‘ol etdi.

Ma’lumot uchun, «Paxtakor» ayni vaqtda 7 ochko bilan 12 jamoa orasida 7-o‘rinda (8 jamoa pley-offga chiqadi).

Eslatib o‘tamiz, avvalroq Oʻzbekiston amputantlar terma jamoasi Osiyo chempioni boʻlgani haqida yozgan edik.

O‘zbekistonlik tadbirkor va «Paxtakor» futbol klubining sobiq prezidenti Botir Rahimov O‘zbekiston Tennis federatsiyasiga rais etib tayinlandi. Bu haqda Sport vazirligi matbuot xizmati ma’lum qildi.

Unga ko‘ra, Rahimov nomzodi Milliy olimpiya qo‘mitasida bo‘lib o‘tgan konferensiyada ma’qullandi. Unga qadar bu lavozimda O‘zbekiston Milliy banki (NBU) boshqaruvi raisi Alisher Mirsoatov bo‘lgan edi. Endi Mirsoatov O‘zbekiston Qishki sport turlari assotsiatsiyasiga raislik qilmoqda.

Shuningdek, O‘zbekiston Yengil atletika federatsiyasining raisligiga Davlat bojxona qo‘mitasi raisi Akmalxuja Mavlonov tayinlandi. Uning o‘rinbosarlari etib Otabek Choriev, Andrey Abduvaliev va Kamoliddin Usmonov saylandi. Bosh kotib etib esa Kamoliddin Ruzmuhammedov tayinlandi.

Eslatib o‘tamiz, avvalroq «Dori-Darmon» aksiyadorlik kompaniyasiga yangi rais saylangan...

Toshkent davlat transport universitetida «Innovatsion relsli transport» kompetensiyalar markazi tashkil etiladi. Bu haqda Transport vazirligi ma’lum qildi.

Unga ko‘ra, ushbu markaz ANO DPO «TMX Korporativ Universiteti» bilan kelishuv asosida tashkil etilib, transport muhandisligi, ayniqsa, temir yo‘l va metro transporti sohasida mutaxassislar tayyorlashga qaratilgan zamonaviy ta’lim dasturlarini ishlab chiqish va amalga oshirishda asosiy platforma bo‘lib xizmat qiladi.

Eslatib o‘tamiz, avvalroq O‘zbekiston va Mo‘g‘uliston transport qatnovida «E-Permit» tizimi joriy etilishi haqida yozgan edik.

Germaniya Federal bandlik agentligi, Hunarmandlar uyushmasi va Migratsiya agentligi hamkorligida «Germaniyada iqlim biznesi uchun kelajak iste’dodlari» dasturi ishga tushirildi. Bu haqda Migratsiya agentligi ma’lum qildi.

Unga ko‘ra, qurilish va texnika sohasidagi malakali mutaxassislar uchun 50 ta ish o‘rni ajratilgan.

Dasturda elektr, santexnika, qurilish texnologiyasi, betonchi, yo‘l quruvchisi kabi sohalarda ishlash uchun malakali mutaxassislar qatnasha oladi. Talablar orasida kamida 2 yil ish tajribasi va davlat tomonidan tan olingan kasb-hunar diplomi, 20 – 40 yoshdagi sog‘lom va sudlanmagan shaxslar bo‘lishi kerak.

Ishtirokchilar uchun nemis tilini o‘rganish imkoniyati, viza, aviachipta va boshqa xarajatlar qoplanadi. Ish haqi soatiga 12,8 yevrodan boshlanadi. Ro‘yxatdan o‘tish...

Shavkat Mirziyoyev va Kuvayt amiri shayx Mish’al as-Saboh Al-Kuvayt shahrida bo‘lib o‘tgan muzokaralar yakunida keng qamrovli sheriklik munosabatlarini rivojlantirish to‘g‘risida qo‘shma bayonot qabul qildilar. Bu haqda davlat rahbari matbuot xizmati ma’lum qildi.

Unga ko‘ra, muzokaralar davomida ikki tomonlama aloqalarni yanada mustahkamlash va yangi yo‘nalishlarda hamkorlikni rivojlantirishga qaratilgan bir qator hujjatlar imzolandi. Ular orasida sanoat, mehnat, sog‘liqni saqlash, san’at va madaniyat, turizm kabi sohalarda hamkorlikni yanada chuqurlashtirishni ko‘zda tutuvchi bitimlar mavjud.

Shuningdek, «aqlli» shaharlarni barpo etish sohasida hamkorlikni rivojlantirishga doir hujjat ham imzolandi.

Tomonlar 2025 – 2027-yillarga mo‘ljallangan turizm sohasidagi chora-tadbirlar dasturini ham qabul qildilar, bu esa ikki davlat...

Apple o‘zining yangi MacBook Air noutbuklarini M4 chip bilan jihozlab, mart oyining oxirigacha sotuvga chiqarishni rejalashtirmoqda. Bloomberg nashrining xabariga ko‘ra, taqdimot yaqin kunlarda bo‘lib o‘tishi kutilmoqda. Bu haqda Macrumors nashri ma’lum qildi.

Yangi model 13 va 15 dyuymli ekran o‘lchamlarida taqdim etiladi. Uning asosiy yangiligi – Apple M4 chipi bo‘lib, u unumdorlik va energiya samaradorligi jihatidan oldingi avlodga nisbatan sezilarli yaxshilanishlarga ega bo‘ladi.

Bundan tashqari, MacBook Air takomillashtirilgan old kamera bilan jihozlanishi mumkin, u Center Stage texnologiyasini qo‘llab-quvvatlab, foydalanuvchini avtomatik ravishda ramkaning markazida ushlab turadi. Shuningdek, Thunderbolt 4 portlari ham yangilanishlar qatorida bo‘lishi kutilmoqda.

Avvalroq Kursiv Uzbekistan taniqli insayder...

Samarqandda korrupsion jinoyatga aloqador deya baholangan yetti nafar xodimga qamoq jazosi tayinlandi. Bu haqda 14-fevral kuni Bosh prokuror oʻrinbosari Shoxruh Aminov rahbarligida energetika sohasiga oid tanqidiy yigʻilishda ma’lum qilindi.

Unda sohaga oid mutasaddilar, tuman va shahar filiallari xodimlari ishtirok etdi. Yigʻilish soʻngida tizimda oʻzgarishlar qilish, xodimlar orasida profilaktika choralarini kuchaytirish boʻyicha yangi topshiriqlar berildi.

Eslatib o‘tamiz, Samarqandda «zapravka» 553 million so‘mlik elektr energiyasidan noqonuniy foydalangani aniqlangani haqida yozgan edik.

17-fevral, dushanba kuni besh grammlik oltin quymasining narxi 6,29 million soʻmga yetdi, deb xabar berdi Oʻzbekiston Markaziy banki.

Narx 14-fevraldagi tarixiy rekordni yangiladi, oʻsha paytda besh grammlik oltin quymasi 6,27 million soʻmdan qimmatroqqa sotilgan edi. Yil boshidan buyon oltin 11,1 foizga oshdi.

17-fevral holatiga koʻra, oʻn grammlik oltin quymasi narxi 12,58 mln soʻmga, yigirma grammlik quymaning narxi 25,16 mln soʻmga koʻtarildi. 50 va 100 grammlik quymalarning narxi mos ravishda 62,9 mln va 125,8 mln soʻmga yetdi.

Oʻtgan hafta jahon oltin kotirovkalari rekord darajaga koʻtarildi. Investorlar qimmatbaho metallni ehtimoliy savdo urushlari davrida jozibador himoya aktivi sifatida koʻrishmoqda.

Bozor AQSh prezidenti...

Statistika agentligi tomonidan berilgan ma’lumotlariga ko‘ra, 2024-yil davomida Germaniyadan O‘zbekistonga 37,5 ming nafar turistlar tashrif buyurgan. Bu ko‘rsatkich 2023-yil bilan solishtirilganda 7,9 ming nafarga yoxud 26,4 foizga oshgan.

Agentlik tomonidan berilgan ma’lumotga ko‘ra, 2024-yilda Germaniyadan O‘zbekistonga kelgan turistlarning asosiy qismi, ya’ni 31,3 ming nafar (83 foiz) sayohat maqsadida tashrif buyurgan. Qarindoshlarini yo‘qlash (4,5 ming) va xizmat yuzasidan (1,6 ming) jami 6 mingdan ziyod turistlar kelgan. Tashrif buyuruvchilar orasida tijorat (80), o‘qish (43) va davolanish (8) maqsadida ham kelganlar bor.

Avvalroq Kursiv O‘zbekiston mamlakatga tijorat maqsadida qancha turist tashrif buyurganini ma’lum qilgan edi.

Oʻzbekistonda har yilgi mehnat ta’tili uchun haq toʻlashda endi yakshanba kuni inobatga olinmaydi. Prezident tomonidan imzolangan qonunga binoan, Mehnat kodeksiga tegishli oʻzgartirish va qoʻshimchalar kiritildi.

Shuningdek, ish haqi saqlanmaydigan ta’tilning davomiyligi 12 oylik davrda jami 3 oydan oshmasligi kerakligi belgilandi. Endilikda 18 yoshgacha boʻlgan shaxslar oʻrindoshlik asosida ishlay olmaydi, shuningdek, noqulay mehnat sharoitlaridagi ishlarda oʻrindoshlik qilish taqiqlanadi (sogʻliqni saqlash tizimi xodimlaridan tashqari).

Bundan tashqari, 12 yoshga toʻlmagan ikki yoki undan ortiq bolasi yoki 16 yoshgacha nogironligi boʻlgan farzandi bor ota-onalardan biriga har yili kamida 14 kalendar kungacha ish haqi saqlanmagan ta’til beriladi.

Avvalroq Kursiv Uzbekistan homilador yoki farzandi bor...

Raqobat qo‘mitasi Surxondaryo viloyati hududiy boshqarmasi tomonidan olib borilgan o‘rganishlar natijasida «Aloqabank» ATning Angor tumani xizmat ko‘rsatish markazi tashqi reklama va axborotni joylashtirish tartibini buzganlik holatlari aniqlandi.

Mazkur qonunbuzarlik «Reklama to‘g‘risida»gi Qonun hamda Vazirlar Mahkamasining «Tashqi reklama bozorini tartibga solish to‘g‘risida»gi 104-sonli qarori talablariga zid bo‘lgani uchun hududiy boshqarma tomonidan maxsus komissiya ishi doirasida tekshiruv o‘tkazildi.

Tekshiruv natijalariga ko‘ra, «Aloqabank» ATning Angor tumani xizmat ko‘rsatish markaziga nisbatan qonunbuzarliklarni bartaraf etish bo‘yicha majburiy ko‘rsatma berildi va moliyaviy jarima qo‘llash to‘g‘risida qaror qabul qilindi.

Avvalroq Kursiv Uzbekistan «Aloqabank» «yoshlar banki»ga aylanishi haqida xabar bergan edi.

17-fevral kuni AQSh dollarining rasmiy kursi 11,90 soʻmga pasayib, 12 981,25 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 920 – 12 970 soʻmdan sotib olayotgan boʻlsa, 12 995 – 13 055 soʻm oraligʻida sotmoqda.

Shuningdek, yevro 21,56 soʻmga tushib, 13 597,86 soʻmga yetdi. Rossiya rubli esa 1,70 soʻmga tushib, 142,17 soʻmga teng boʻldi.

Avvalroq Kursiv Uzbekistan dollarning rasmiy kursi ilk marta 13 mingdan oshgani haqida xabar bergan edi. 

14-fevral kuni SGMW kompaniyasi o‘zining yangi Wuling Zhiguang EV elektromobilini rasman taqdim etdi. Bu haqda CarNewsChina nashri ma’lum qildi.

Modelning boshlang‘ich narxi 47,8 ming yuan (taxminan $6,6 ming) bo‘lib, eng qimmat varianti esa 50,8 ming yuan ($7 ming) etib belgilandi. Kompaniya ushbu modelni «sof elektr ko‘p maqsadli transport vositasi» deb ta’riflab, uni ochiq havoda dam olish, mobil savdo va qisqa masofali yuk tashish uchun mos ekanini ta’kidladi.

Wuling Zhiguang EV uzunligi 3685 mm, kengligi 1530 mm, balandligi 1765 mm va g‘ildirak bazasi 2600 mm bo‘lib, avtomobilning bo‘sh og‘irligi 892 kg.ni tashkil qiladi. Modelning old qismida, Wuling logotipi ostida...

Ijtimoiy tarmoqlar va Telegram messenjeri orqali Alisher Usmonovga tegishli bo‘lgan USM kompaniyasi har bir O‘zbekiston fuqarosiga 17 mln so‘m tarqatayotgani haqidagi yolg‘on xabarlar tarqatilmoqda. Bu haqda Kiberxavfsizlik markazi ma’lum qildi.

Ushbu ma’lumot haqiqatga to‘g‘ri kelmaydi va firibgarlar tomonidan odamlarni aldash maqsadida tarqatilayotgan navbatdagi kiberjinoyat sxemalaridan biridir.

«Firibgarlar odatda odamlarni o‘z qarmog‘iga ilintirish uchun turli usullardan foydalanadi. Ular sizni pul olish uchun ro‘yxatdan o‘tishga chaqirib, soxta havolaga bosishni talab qilishadi. Ushbu havolaga bosish orqali shaxsiy ma’lumotlaringizni firibgarlar qo‘liga topshirishingiz mumkin. Shuningdek, ular telefoningiz yoki kompyuteringizga zararli dasturiy ta’minot o‘rnatib, moliyaviy ma’lumotlaringizga ega bo‘lishi mumkin...

Yangi Chevrolet Spark elektromobili bir vaqtning o‘zida Braziliya, Meksika va Birlashgan Arab Amirliklarida rasman taqdim etildi. Bu model yanvar oyida Braziliyada yopiq diler tadbirida namoyish qilingan edi, endilikda esa u xalqaro bozorga chiqmoqda. Bu haqda AvtoRevyu nashri ma’lum qildi.

Ilgari Chevrolet Spark ixcham benzinli xetchbek sifatida tanilgan bo‘lsa, yangi versiya butunlay o‘zgarib, Xitoyning SAIC-GM-Wuling qo‘shma korxonasi tomonidan ishlab chiqilgan elektr avtomobili Baojun Yep Plus asosida yaratildi. Asosiy farq emblema va nomda, qolgan jihatlari deyarli bir xil.

Yangi Spark elektromobili uzunligi 3996 mm, kengligi 1760 mm, balandligi 1726 mm bo‘lib, g‘ildirak bazasi 2560 mm va klirensi 150 mm.ni tashkil etadi...

«Toshkent» respublika fond birjasidan (RFB) joy olgan yuqori likvidli aksiyalar 7-fevraldan 14-fevralgacha turli dinamikani qayd etdi. Ushbu davrda UCI fond indeksi 3,65 foizga oshdi.

Aksiyalari eng katta oʻsishga erishgan kompaniyalar qatoridan «Ipoteka-bank» (+8,74 %), «Oʻzbektelekom» (+9,67 %), «Dori-Darmon» (+9,5 %) va «Oʻzsanoatqurilishbank» (+7,59 %) joy oldi.

Oʻz navbatida, aksiyalari haftani salbiy natija bilan yakunlagan kompaniyalar orasida «Aloqabank» (-7,56 %), «Turonbank» (-5,70 %) va «Universalbank» (-4,67 %) va «Oʻzmetkombinat» yetakchilik qildi.

Bitimlar soni boʻyicha «OʻzRTXB» (384 ta), «Aloqabank» (339 ta) va uning imtiyozli aksiyalari (312 ta) yetakchi boʻldi. Hajm boʻyicha esa «OʻzRTXB» (292,8 mln soʻm), «UzAuto Motors» (104 mln soʻm...

Bulung‘ur tumanidagi «Yuqori nuqta» nazorat maskanida Namangan – Samarqand yo‘nalishida harakatlanayotgan «Shineray T30» yuk mashinasi to‘xtatildi. Tekshiruv natijasida 2 tonna mol go‘shti borligi aniqlandi.

Aniqlangan go‘sht mahsulotlarining «Oziq-ovqat mahsulotlari xavfsizligi davlat markazi» xodimlari tomonidan tekshirilganda iste’molga yaroqsizligi ma’lum boʻlgan va mutasaddilar tomonidan tegishli tartibda iste’mol bozoriga kirishi oldi olingan.

Avvalroq Kursiv Uzbekistan Samarqandda mebel ustaxonasi noqonuniy mayning bilan shug‘ullangani haqida yozgan edi.

Ford kompaniyasi yangi Mustang GTD modeli uchun qat’iy sotuv shartlarini joriy qildi. Xaridorlar avtomobilni sotib olganidan keyin ikki yil davomida uni qayta sota olmaydi. Ushbu talab Ford’ning ilgari GT modeli uchun qo‘llagan sxemasiga o‘xshaydi. Bu haqda Fordauthority nashri ma’lum qildi.

Shartnomani buzganlar yuridik oqibatlarga duch kelishi mumkin. Bunga taniqli aktyor va kurashchi Jon Sena misol bo‘la oladi – Ford unga qarshi sud ishini ochib, oxir-oqibat kelishuvga erishgandi.

Mustang GTD modelini sotib olish ham maxsus rozilik talab qiladi. Ushbu cheklovlar avtomobil spekulyatsiyasining oldini olish uchun qo‘yilgan bo‘lib, Porsche va General Motors ham o‘zining eksklyuziv modellari uchun shunga o‘xshash shartlarni joriy...

O‘zbekiston prezidenti Shavkat Mirziyoyev 17-fevral kuni Kuvayt Davlati Amiri Shayx Mish’al as-Sabohning taklifiga binoan rasmiy tashrif bilan ushbu mamlakatga jo‘nab ketdi. Bu haqda davlat rahbari matbuot xizmati ma’lum qildi.

Tashrif doirasida Al-Kuvayt shahrida muzokaralar, shuningdek, ishbilarmonlik va madaniy tadbirlar o‘tkazilishi rejalashtirilgan.

Avvalroq Kursiv Uzbekistan prezident Shavkat Mirziyoyev rasmiy tashrif bilan Kuvaytga borishi haqida xabar bergan edi.

HAMAS G‘azo sektori ustidan nazoratni Falastin milliy ma’muriyatiga topshirishga tayyor, deb xabar berdi Sky News Arabia arab telekanali.

Anklav ustidan nazoratni o‘tkazish to‘g‘risidagi qaror guruh vakillarining Qohiraga tashrifidan so‘ng qabul qilingan. Ularning tanloviga Misrning kuchli bosimi ta‘sir ko‘rsatdi.

Shu bilan birga, HAMAS bir nechta talablarni ilgari surdi – yangi ma’muriyat tarkibida G‘azoning avvalgi rahbariyatini ish joylarida saqlab qolish yoki ularni to‘lov kafolati bilan pensiyaga yuborish.

Avvalroq Kursiv Uzbekistan Falastin prezidenti G‘azoni boshqarishga tayyorligini ma’lum qilgani haqida xabar bergan edi.

Sedan avtomobillari reytingida birinchi o‘rinni 28,1 ming dona sotilgan Geely Geome Xingyuan egalladi. Ushbu model BYD Dolphin klassidagi BYD Seagull narxidagi avtomobil sifatida e’tirof etilmoqda va bu uni xaridorlar orasida ommalashtirgan muhim omillardan biri bo‘ldi. Bu haqda CarNewsChina nashri ma’lum qildi.

Yanvar oyida Xitoyda jami 1,8 million dona yengil avtomobil sotilgan bo‘lib, mazkur ko‘rsatkich o‘tgan yilga nisbatan 12,1 foizga, dekabr oyiga nisbatan esa 31,9 foizga kam. Reytingning keyingi pog‘onalaridan Volkswagen Sagitar (25,7 ming dona), Volkswagen Passat (25,4 ming dona) va Wuling Hongguang Mini EV (24,9 ming dona) joy oldi. Nissan Sylphy va Volkswagen Lavida kuchli beshlikni yakunladi, yettinchi o‘rin...

Italiya A seriyasining navbatdagi turida «Roma» safarda «Parma» jamoasini 1:0 hisobida mag‘lub etdi. Uchrashuvdagi yagona golni 33-daqiqada Matias Sule kiritdi va ushbu epizodda Eldor Shomurodov muhim rol o‘ynadi, deb xabar bermoqda Kursiv Uzbekistan muxbiri.

O‘yinning 31-daqiqasida «Parma» futbolchisi maydondan chetlatildi. Statistik ma’lumotlarga ko‘ra, «Roma» to‘pni 72% nazorat qilgan va raqib darvozasi tomon 16 ta zarba yo‘llagan. «Parma» esa atigi 5 ta zarba bilan cheklanib qoldi. Ushbu g‘alabadan so‘ng rimliklar ochkolari sonini 37 taga yetkazib, turnir jadvalida 9-o‘ringa ko‘tarildi.

Avvalroq Kursiv Uzbekistan Abduqodir Husanov Angliya kubogining ramziy terma jamoasiga kiritilgani haqida xabar bergan edi.