Yangiliklar

Jahon sog‘liqni saqlash tashkiloti ma’lumotiga ko‘ra, dunyo bo‘ylab 50 milliondan ortiq insonlar epilepsiyadan aziyat chekmoqda. Yiliga bu kasallikka chalinayotgan bemorlar soni 5 million nafarga oshayotgani tashvishli holat, deb xabar bermoqda Sog‘liqni saqlash vazirligi.

Rossiyaning Boltiq federal universiteti hamda N.I. Pirogov nomidagi milliy tibbiy jarrohlik markazi olimlari elektroensefalografiya tahlilining yangi usulini ishlab chiqdi. Bunda sun’iy intellekt texnologiyalaridan foydalaniladi.

Olimlar mazkur usulni 108 nafar insonda sinovdan o‘tkazdi. Ulardan yarmi epilepsiyaga chalingan, qolganlari esa sog‘lom edi. Tadqiqot natijalariga ko‘ra, yangi usul fotosensitiv bo‘lmagan epilepsiyani 71 foiz aniqlikda tashxislash imkonini berdi.

Epilepsiya – bosh miyaning surunkali kasalligi bo‘lib, aksariyat hollarda 20 yoshgacha bo‘lgan...

Buyuk Britaniya bosh vaziri Kir Starmer tinchlikparvarlik missiyasi doirasida Britaniya qoʻshinlarini Ukrainaga yuborishga tayyorligini bildirdi. Bu haqda u 16-fevral kuni The Telegraph gazetasida chop etilgan maqolasida ma’lum qilgan.

Starmerning ta’kidlashicha, London Ukraina xavfsizligini ta’minlashda yetakchi rol oʻynashni maqsad qilgan. Buyuk Britaniya allaqachon Ukraina armiyasini qoʻllab-quvvatlash uchun yiliga 3 milliard funt ajratmoqda va agar kerak boʻlsa, oʻz qoʻshinlarini joylashtirishga tayyor.

Shuningdek, Britaniya bosh vaziri bu qaror nafaqat Ukraina kelajagi, balki butun Yevropa xavfsizligi bilan bogʻliq. Shu bilan birga, u NATO davlatlarini mudofaa xarajatlarini kuchaytirishga va Rossiyaga qarshi sanksiyalarni kuchaytirishga chaqirdi.

Starmer bu mavzuni Donald Tramp bilan uchrashuvda, shuningdek, 17-fevral kuni...

Xiaomi kompaniyasi 2024-yil oktabr oyida Snapdragon 8 Elite 2 protsessoriga ega bo‘lgan birinchi smartfonni taqdim etishi kutilmoqda. Xiaomi 16 Pro ushbu yangi chip bilan birinchi yoki yetakchi smartfonlardan biri bo‘ladi, deb xabar qilmoqda Gizmochina nashri.

Xiaomi va Qualcomm hamkorligi davom etayotgan bo‘lib, kompaniya avvalgi flagmanlarini ham Qualcomm’ning eng yangi protsessorlarida taqdim etgan.

Mashhur insayder Digital Chat Station Xiaomi 16 Pro displey dizayni va texnik xususiyatlarini oshkor qildi. Uning ma’lumotlariga ko‘ra, smartfon ancha ingichka ramkali tekis ekran bilan jihozlanadi. Xiaomi 16 Pro 6,85 dyuymli LTPO OLED panelga ega bo‘lib, 2K o‘lcham va 120 Gts yangilanish tezligini qo‘llab-quvvatlaydi.

Shuningdek, smartfon LIPO...

Janubiy Koreya hukumati Xitoyning DeepSeek chat-boti faoliyatini toʻxtatdi. Qaror vaqtinchalik, biroq xizmat qancha muddatga bloklangani noma’lum. Bu haqda mahalliy Yonhap agentligi xabar berdi.

DeepSeekʼning toʻxtatilishiga Janubiy Koreya rasmiylarining xizmatdagi ma’lumotlarni yigʻish va boshqarishning shaffof boʻlmagan usullari haqidagi xavotirlari sabab boʻldi. Avvalroq DeepSeek Janubiy Koreyaning bir nechta idoralarini bloklagan edi.

Eslatib o‘tamiz, 10-fevral kuni Hyundai xodimlari uchun DeepSeekʼga kirish yopilgan edi.

Avvalroq Kursiv Uzbekistan DeepSeek oʻzbekistonlik foydalanuvchilar orasida AppStoreʼdagi bepul ilovalar reytingida yetakchilik qilgani haqida xabar berdi.

Madinadan uchib kelgan Centrum Air aviakompaniyasiga tegishli samolyot qalin tuman sababli Namanganda qo‘na olmadi. Bu haqda Tashkent Sky News Telegram kanalida ma’lum qilindi.

Unga ko‘ra, ekipaj samolyotni zaxira maydonchasi bo‘lmish Farg‘ona aeroportiga qo‘ndirishga qaror qilgan.

Ma’lumot uchun, 17-fevral, dushanba kuni ertalab Namangan aeroportida qalin tuman kuzatildi. Ko‘rinish masofasi 0 metrni tashkil etdi.

Eslatib o‘tamiz, avvalroq ham Namangan aeroportidagi noqulay ob-havo sababli samolyot Farg‘onaga qo‘ndirilgan edi.

Grok chat-botining uchinchi versiyasi dushanba oqshomida taqdim etiladi, deb xabar berdi Reuters agentligi tadbirkor Ilon Maskning so‘zlariga tayanib.

Xizmat Tinch okeani vaqti bilan soat 20:00 da bo‘lib o‘tadigan namoyishda taqdim etiladi. Toshkentda esa bu vaqt seshanba kuni soat 9:00 ga to‘g‘ri keladi.

Grok 3 chat-boti sun’iy intellekt asosida ishlaydi. Xizmatni yaratish va qo‘llab-quvvatlash bilan Maskning xAI startapi shug‘ullanadi.

Eslatib o‘tamiz, avvalroq Ilon Mask OpenAI’ni $97,4 milliardga sotib olishni taklif qilgan edi.

Shu kunlarda ijtimoiy tarmoqlarda 2025-yil 1-martdan boshlab pensiya va maoshlar oshirilishi rejalashtirilayotgani haqida xabarlar tarqatilgan edi. Iqtisodiyoti va moliya vazirligi bu kabi xabarlarning noto‘g‘ri ekanini ma’lum qildi.

«Ayni paytda ijtimoiy tarmoqlarda ish haqi, pensiya va nafaqalarning 2025-yil 1-martdan va 1-avgustdan 10 foizga oshirilishi to‘g‘risida xabarlar haqiqatga to‘g‘ri kelmasligini ma’lum qilamiz», – deydi vazirlik.

Ma’lum qilinganidek, maosh va pensiyalar haqida rasmiy ma’lumotlar faqat davlat idoralari tomonidan e’lon qilinadi.

Eslatib o‘tamiz, avvalroq fuqarolar murojaatsiz pensiyaga chiqish imkoniyatiga ega bo‘lishi haqida yozgan edik.

17-fevral kuni O‘zbekistonda ob-havo biroz bulutli bo‘ladi, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Unga ko‘ra, ayrim hududlarda tuman tushishi mumkin. Toshkentda kechasi 0-2° iliq, kunduzi esa 10-12° iliq bo‘ladi. Shamol sharqdan 3-8 m/s tezlikda esadi.

Qoraqalpog‘iston Respublikasi va Xorazm viloyatida kechasi 1-6° sovuq, kunduzi 6-11° iliq bo‘ladi. Shamol tezligi 7-12 m/s.

Buxoro va Navoiy viloyatlarida harorat kechasi 2° sovuqdan 3° iliqqacha bo‘ladi, kunduzi esa 10-15° iliq bo‘ladi.

Toshkent, Sirdaryo, Samarqand va Jizzax viloyatlarida kechasi 0-5° iliq, kunduzi 8-13° iliq bo‘ladi. Shamol tezligi 7-12 m/s.

Qashqadaryo va Surxondaryo viloyatlarida kechasi 0-5° iliq, kunduzi...

Grosmeyster Nodirbek Abdusattorov Ukraina kiber sport jamoasi NAVI’ga qo‘shildi. Bu haqda jamoa rasmiy sahifasida ma’lum qilindi.

Unga ko‘ra, ushbu jamoa dunyodagi eng nufuzli kiber sport jamoalaridan biri bo‘lib, Counter Strike, Dota 2 va PUBG kabi o‘yinlarda yirik g‘alabalarga erishgan. NAVI shaxmat jamoasi Nodirbek Abdusattorov (dunyo reytingida 6-o‘rinda), amerikalik Uesli So (11-o‘rinda) va ukrainalik Oleksandr Bortnik (166-o‘rinda)dan iborat.

Ma’lumot uchun, jamoa Saudiya Arabistonidagi Esports World Cup musobaqasida $1,5 mln mukofot uchun kurashadi.

Eslatib o‘tamiz, avvalroq Nodirbek Abdusattorov turnirlarda qancha pul ishlab olgani haqida yozgan edik.

Samsung kompaniyasi Galaxy S25 seriyasining birinchi yangilanishni taqdim etdi. Bu haqda Sam Mobile ma’lum qildi.

Unga ko‘ra, ushbu yangilanish Galaxy S25, Galaxy S25 Plus va Galaxy S25 Ultra modellari uchun mavjud bo‘lib, tizimdagi xatolarni tuzatadi va ishlashni yaxshilaydi.

Yangilanish hajmi 500 MB atrofida bo‘lib, unda fevral oyining xavfsizlik patchi ham kiritilgan. Bu patch One UI 7.0 va Android 15 tizimlaridagi xavfsizlik kamchiliklarini bartaraf etadi.

Shuningdek, kamera bilan bog‘liq muammolarni hal qilish bo‘yicha ham tuzatishlar amalga oshirilgan. Ammo tun rejimida paydo bo‘lgan vertikal chiziqlar muammosi qachon hal qilinishi hozircha noma’lum.

Eslatib o‘tamiz, avvalroq Samsung Galaxy S25 Ultra va...

Xitoy o‘zining birinchi insonli kosmik missiyasini amalga oshirish uchun oy yo‘ldoshini yaratish bo‘yicha tanlov e’lon qildi. Bu haqda Space news nashri ma’lum qildi.

Unga ko‘ra, 14-fevralda Xitoyning Insonli kosmonavtika loyihalari boshqarmasi (CMSEO) oy yo‘ldoshini yaratish uchun tanlovni boshladi. Loyihada aytilishicha, yangi yo‘ldosh Xitoyning oyga birinchi qo‘nish missiyasini va keyingi missiyalarni qo‘llab-quvvatlash uchun mo‘ljallangan bo‘ladi. Tanlovga qatnashish uchun takliflar 8-martgacha yuborilishi kerak.

Ma’lumot uchun, Xitoyning oyga qo‘nish missiyasi 2030-yilga qadar amalga oshirilishi rejalashtirilgan. Bu missiya Xitoyning oyda resurslarni o‘rganish va barqaror tadqiqotlarni amalga oshirishga qaratilgan uzoq muddatli rejalarining bir qismi hisoblanadi.

Eslatib o‘tamiz, avvalroq Xitoy ulkan lazer yordamida yulduzlar energiyasini...

2025-yilning yanvarida 2024-yilning shu davriga nisbatan soliq tushumlari sezilarli darajada qisqardi. Bu haqda Soliq qo‘mitasi ma’lum qildi.

Unga ko‘ra, joriy yil yanvar oyida 959 ta yirik soliq to‘lovchisi 8,5 trln so‘mdan ortiq soliq to‘lovini amalga oshirdi. O‘tgan yili soliq to‘lovchilar soni 2 186 nafarni tashkil etgan bo‘lib, 2024-yil yanvar oyida ulardan 9 trln so‘mga yaqin soliq tushumlari olingan edi.

Jumladan, NKMK soliq tushumlari 2,4 trln so‘mdan 2,1 trln so‘mga tushgan, OKMK esa 706,4 mlrd so‘mdan 639,1 mlrd so‘mga qisqargan. «Uzbekneftgaz» beradigan soliq 496,5 mlrd so‘mdan 279,8 mlrd so‘mga, UzGasTrade’niki esa 343,1 mlrd so‘mdan 218,3 mlrd so‘mga qisqargan.

Shuningdek, Uztelekomning...

Oppo Xitoyda A3i Plus modelini taqdim etdi, ammo bu yangi qurilma aslida o‘tgan yil iyulida chiqqan Oppo A3 bilan bir xil, deya xabar bermoqda GSM Arena.

Unga ko‘ra, A3i Plus 6,7 dyuymli OLED ekran, Qualcomm Snapdragon 695 chipi, 50 MP asosiy kamera va 5000 mAh batareyaga ega. U ColorOS 14 tizimi bilan ishlaydi.

Narx jihatidan A3i Plus chegirmali narxda sotuvga chiqadi: 12/256GB modeli $178, 12/512GB versiyasi esa $205). Taqqoslash uchun, Oppo A3 ning 12/256GB versiyasi $246 sotilmoqda.

Oppo A3i Plus 17-fevraldan boshlab Xitoyda sotuvga chiqariladi.

Eslatib o‘tamiz, avvalroq Samsung Galaxy S25 Ultra va iPhone 16 Pro Max mustahkamligi sinovidan...

O‘zbekiston chegarasida sobiq Aktaudagi hokim o‘rinbosari Timur Sadvakassov qo‘lga olindi. Bu haqda Kozachkov offside Telegram sahifasiga tayanib, Tengri News nashri ma’lum qildi.

Unga ko‘ra, sobiq amaldor Qozog‘iston hukumati tomonidan qidiruvga berilgan.

U firibgarlik va katta miqdorda pora berishga undashda gumon qilinmoqda. Sadvakassov Qirg‘izistonga noqonuniy ravishda o‘tib, keyin O‘zbekiston hududiga kirib, O‘zR chegara qo‘shinlari tomonidan qo‘lga olingan.

Kursiv Kazakhstan ma’lumotlariga ko‘ra, sobiq hokim o‘rinbosarining qo‘lga olingani Qozog‘istonning Moliyaviy monitoring agentligi tomonidan hali tasdiqlangani yo‘q.

AFA ma’lumotlariga ko‘ra, «Tiolayn» konchilik kompaniyasining aksiyadori Viktor Dolgalev Sadvakassov orqali huquqni muhofaza qilish organlarini pora bilan sotib olishga uringani aytiladi.

Eslatib o‘tamiz, avvalroq avtofiribgarlikda...

Jidda shahrida Islom dunyosi Madaniyat vazirlarining 13-yig‘ilishi bo‘lib o‘tdi. O‘zbekiston madaniyat vaziri Ozodbek Nazarbekov boshchiligidagi delegatsiya ham ushbu tadbirda ishtirok etdi, deya yozmoqda vazirlik matbuot xizmati.

Unga ko‘ra, vazirning Saudiya Arabistoni madaniyat vaziri shahzoda Badir bin Abdulloh bin Muhammad bin Farxon Al Saud bilan o‘tgan uchrashuvida ikki mamlakat o‘rtasidagi siyosat, iqtisodiyot, madaniyat va turizm sohalaridagi hamkorlikni yanada rivojlantirish muhimligi ta’kidlandi. O‘zbekistondan Saudiya Arabistonining nufuzli madaniy tadbirlarida, jumladan, Qizil dengiz xalqaro kinofestivali va Riyod mavsumida faol ishtirok etayotganligi qayd etildi.

Uchrashuvda ikki tomonlama madaniy almashinuv dasturlari, ta’lim va madaniyatga investitsiyalar, shuningdek, arab kalligrafiyasi bo‘yicha qo‘shma ilmiy tadqiqotlarni amalga oshirish masalalari...

BYD Song dunyoning eng ko‘p sotilgan 5 ta yengil avtomobillaridan biriga aylandi. Bu haqda IXBT ma’lum qildi.

Unga ko‘ra, reytingda Tesla Model Y, Toyota RAV4, Honda CR-V va Hyundai Tucson yetakchilik qilmoqda.

Tesla Model Y sotuvlari 1,09 mln.ni tashkil qildi. Bu o‘tgan yilga nisbatan 1,2% kamroq. Ikkinchi o‘rinda Toyota RAV4 joylashib, sotuvlar hajmi 1,02 mln.ni tashkil etdi (+10,7%). Uchinchi o‘rinda Honda CR-V joylashdi, sotuvlar hajmi 738 315 (+4,2%) ni tashkil etdi. Ushbu model 2010 – 2015 yillarda segmentda yetakchi bo‘lgan.

Shuningdek, to‘rtinchi o‘rinda Hyundai Tucson joylashib, sotuvlar hajmi 609 122 ta (-2,8%) ni tashkil etdi, undan keyin esa BYD...

Uzbekistan Airways O‘zbekistonning 10 ta shahridan Moskvaga aviaqatnovlarni amalga oshirmoqda. Bu haqda aviakompaniya matbuot xizmati ma’lum qildi.

Unga ko‘ra Namangan, Farg‘ona, Nukus, Urganch, Termiz, Qarshi, Samarqand, Navoiy va Buxorodan aviaqatnovlar yo‘lga qo‘yildi. Toshkentdan esa Domodedovo va Vnukovo aeroportlari orasida tanlov imkoniyati taqdim etiladi.

Parvozlar jadvali va aviachiptalarning narxi bilan www.uzairways.com saytida yoki Uzbekistan Airways mobil ilovasida batafsil tanishish mumkin.

Chipta narxlari ekonom klass uchun 2 mln so‘mdan 6 mln so‘mgacha, biznes klass uchun esa 9 mln so‘mdan 15 mln so‘mgacha tashkil qilmoqda.

Eslatib o‘tamiz, avvalroq Oʻzbekistondagi xalqaro aeroportlarda yo‘nalishlar soni 15 foizga oshgani haqida yozgan edik.

Samsung Galaxy S25 Ultra va iPhone 16 Pro Max mustahkamlik jihatidan solishtirildi. Sinov PhoneBuff YuoTube kanali tomonidan amalga oshirildi.

Unga ko‘ra, smartfonlar beton va po‘latga tashlanib, ularning qanchalik bardoshli ekani tekshirilgan.

Birinchidan, iPhone 16 Pro Max orqa tomoniga tushib, shishasi ko‘plab yoriqlar bilan zararlanishi va kameraning bir moduli shikastlanishi bilan tugadi. Samsung Galaxy S25 Ultra esa deyarli zarar ko‘rmadi. Keyingi tushishlarda ikkala qurilmada faqat tirnalgan izlar paydo bo‘ldi, ammo Galaxy S25 Ultra’ning sekinlashtirilgan tasvirlarida tushishdan chaqmoqlar chiqdi.

Ekran pasti bilan tushganda esa, iPhone ancha kuchliroq shikastlandi, Galaxy S25 Ultra esa yoriqlarga qarshi vaqtincha chidamli bo‘ldi. Bonus raundida Samsung’ning orqa...

Angliya Premyer ligasining 25-turida «Manchester Siti» o‘z maydonida «Nyukasl» ustidan ishonchli g‘alabaga erishdi – 4:0. Husanov maydonda to‘liq daqiqalarda harakat qildi.

Uchrashuv qahramoni jamoaning yangi a’zosi Omar Marmush bo‘ldi. U mazkur bahsda xet-trik qayd etib, «shaharliklar» g‘alabasiga katta hissa qo‘shdi. Bu haqda Kursiv Uzbekistan muxbiri ma’lum qildi.

Shuningdek, «Siti» darvozaboni Ederson ham o‘ziga xos natijaga erishdi. U Marmushning birinchi goliga assistentlik qilib, APL tarixida golli uzatma bergan darvozabonlar orasida yangi rekord o‘rnatdi.

Avvalroq Kursiv Uzbekistan Husanov «Nyukasl»ga qarshi uchrashuvni asosiy tarkibda boshlashi haqida xabar bergan edi.

Ijtimoiy tarmoqlarda xitoylik fuqarolar Toshkent shahar, Chilonzor tumani Milliy bog‘da bannerlar bilan yig‘ilib, «miting» o‘tkazayotgani haqidagi yolg‘on xabarlar tarqaldi. Ichki ishlar vazirligi ushbu ma’lumotlarni rad etib, voqeaning asl mohiyatini tushuntirdi. Bu haqda UzA ma’lum qildi.

Rasmiy ma’lumotga ko‘ra, 15-fevral kuni «Huawei» kompaniyasi ishchilari odatdagidek shanba va yakshanba kunlari o‘tkaziladigan yugurish aksiyasida ishtirok etgan. Ular sport targ‘ibotiga qaratilgan bannerlar bilan qatnashgan bo‘lib, bannerlarda xitoy tilida «Sport sog‘liq garovi, siz ham yugurib sog‘lom bo‘ling» degan yozuvlar aks etgan.

Ichki ishlar vazirligi ushbu tadbir noqonuniy yig‘ilish yoki miting emasligini, aksincha, sog‘lom turmush tarzini targ‘ib qilishga qaratilgan sport aksiyasi ekanini qayd etdi.

O‘zbekiston Markaziy bankining 2024-yil IV choragi bo‘yicha biznes kayfiyati hisobotiga ko‘ra, tadbirkorlar 2025-yilning I choragida yoqilg‘i va energiya iste’moli hajmining oshishini prognoz qilmoqda.

Ushbu o‘sish, ayniqsa, kommunal xizmatlar, umumiy ovqatlanish va qurilish sohalarida sezilarli bo‘lishi mumkin.

Shuningdek, yuk tashish hajmi bo‘yicha ijobiy kutilmalar ulushi avvalgi chorakka nisbatan oshib, 47 foizga yetgan (III chorakda 40 foiz).

Ishchi kuchiga bo‘lgan talab tibbiyot, ta’lim, umumiy ovqatlanish va qurilish sohalarida ortishi kutilmoqda, lekin ishlab chiqarish va buyurtmalar hajmi bo‘yicha ijobiy prognozlar biroz pasaygan.

Bundan tashqari, ta’lim, tibbiyot va umumiy ovqatlanish sohalarida kredit mablag‘lariga bo‘lgan talab ortishi prognoz qilinmoqda. Biroq...

«Etihad» stadionida «Manchester Siti» va «Nyukasl Yunayted» jamoalari o‘rtasida Premyer liga uchrashuvi bo‘lib o‘tadi. Abduqodir Husanov uchrashuvni asosiy tarkibda boshlaydi. Bu haqda «Manchester Siti» matbuot xizmati ma’lum qildi.

Avvalroq Kursiv Uzbekistan «Manchester Siti» – «Nyukasl»: kim g‘alaba qozonishi haqida mutaxassislarning fikrlarini keltirib o‘tgan edi.

O‘zbekiston prezidenti Shavkat Mirziyoyev 17-18-fevral kunlari rasmiy tashrif bilan Kuvayt Davlatida bo‘ladi. Bu haqda Prezident axborot xizmati ma’lum qildi.

Tashrif Kuvayt Amiri Shayx Mish’al as-Sabohning taklifiga binoan amalga oshirilmoqda. Tashrif doirasida Al-Kuvayt shahrida muzokaralar bo‘lib o‘tishi rejalashtirilgan bo‘lib, O‘zbekiston va Kuvayt hukumati a’zolari, kompaniya hamda bank-moliya tuzilmalari rahbarlari bilan uchrashuvlar o‘tkaziladi.

Muzokaralar davomida ikki davlat o‘rtasidagi do‘stlik va hamkorlikni mustahkamlash, savdo, investitsiya, innovatsiyalar, «yashil» energetika, qishloq xo‘jaligi, transport va logistika, infratuzilma, shaharsozlik, sog‘liqni saqlash kabi sohalarda sheriklikni kengaytirish masalalari muhokama qilinadi.

Avvalroq Kursiv Uzbekistan Shavkat Mirziyoyev Rossiya delegatsiyasini qabul qilgani haqida xabar bergan edi.

Xiaomi kompaniyasi o‘zining yangi flagmani Xiaomi 15 Ultra’ni taqdim etishga tayyorgarlik ko‘rmoqda. Qurilma Xitoyda shu oyning oxirida, jahon bozorida esa 2-mart kuni namoyish etilishi kutilmoqda. Bu haqda Android Headlines nashri ma’lum qildi.

Yangi model dizayni va texnik xususiyatlari oldindan oshkor bo‘ldi. Smartfon 6,73 dyuymli 2K AMOLED displey va 120 Gts yangilanish chastotasiga ega bo‘lib, Qualcomm Snapdragon 8 Elite chipi bilan ishlaydi va Android 15 operatsion tizimi bilan jihozlanadi. Xiaomi 15 Ultra kamerasi flagman segmentida alohida e’tiborga sazovor.

Uning asosiy kamerasi 50 megapikselli Sony LYT-900 sensorga ega bo‘lib, ultra keng burchakli modulida 50 MP Samsung JN5, optik zoomga ega periskop...