Yangiliklar

«Toshkent» respublika fond birjasidan (RFB) joy olgan yuqori likvidli aksiyalarning aksariyat qismi ortda qolgan haftani arzonlashish bilan yakunladi. Shunga qaramasdan keskin oʻsish bilan yakunlaganlari ham bor. «Kursiv Uzbekistan» hafta davomida RFBdagi qimmatli qogʻozlarning dinamikasini oʻrganib chiqdi.

Unga ko‘ra, 12-avgustdan 16-avgustga qadar UCI fond indeksi 3,1 foizga kamaydi. Qimmatli qogʻozlar ichida eng katta oʻsish «Turon bank» tomonidan qayd etilib, bankning qimmatli qogʻozlari 39,93 foizga oshdi. Bank sektorlari ichida qolgan banklarning aksiyalari tushdi.

Shuningdek, Oʻzbekiston Respublikasi tovar-xomashyo birjasi (4,10 foiz), «Oʻzmetkombinat» (0,55 foiz), «Kvarts» (6,54 foiz), «Oʻzbektelekom» (4,63 foiz), «Dori-Darmon» (0,54 foiz) va UzAuto Motorsʼning (1,49 foiz) aksiyalari oʻsishga erishdi.

Oʻz navbatida...

Mamlakat aholisining umumiy daromadlari hisobida yollanma ishchilarning daromad ulushi ortdi. Bu haqda statistika agentligi xabar berdi.  

Joriy yilning birinchi yarim yilligi bo‘yicha umumiy hisobda daromadlar tarkibida yollanma ishchilarning daromad ulushi 29,9 foizni tashkil qiladi.

Ushbu ko‘rsatkich 2023-yilning mos davrida esa 29,8 foizni tashkil qilgan.

Ma’lumot uchun, yollanma ishchilarning daromadi deganda, mehnatga haq to‘lashning yashirin qismi (birlamchi yoxud buxgalteriya hisobida aks ettirilmagan, ish beruvchi tomonidan amalga oshiriladigan to‘lovlar)ni qo‘shgan holda pul va natura (ya’ni pul o‘rniga to‘lanadigan mahsulot) shaklida mehnatga haq to‘lash ko‘rinishidagi daromadlar tushuniladi.

Avvalroq «Kursiv» birinchi yarim yillikda Davlat budjeti taqchilligi 29 trln soʻmga teng boʻlgani haqida...

Birlashgan Millatlar Tashkilotining uy-joy huquqi boʻyicha maxsus ma’ruzachisi Balakrishnan Rajagopal Oʻzbekistonga keladi, deyiladi BMT saytida.

Rajagopalning tashrifi 19-avgust, dushanba kuni boshlanadi. Maxsus ma’ruzachi Toshkent, Samarqand, Buxoro va Jizzaxga borish niyatida. Safar yakunida, 30-avgust kuni uning matbuot anjumani o‘tkaziladi. 2025-yil mart oyida BMTga O‘zbekistondagi vaziyat bo‘yicha hisobot taqdim etilishi kutilmoqda.

BMTning maxsus ma’ruzachisi uy-joy huquqining O‘zbekiston qonunchiligiga tatbiq etilishini o‘rganish, shuningdek, huquqiy postulatlar amalda qanday amalga oshirilayotganini tekshirish niyatida. Mahalliy ko‘chmas mulk bozori hajmi, xaridorlarga taklif etilayotgan sharoit va narxlar ko‘rib chiqiladi.

Rajagopal oiladagi zo‘ravonlik qurbonlari boshpanalariga, talabalar yotoqxonalariga va boshpanasizlar yashash joylariga tashrif buyurishni rejalashtirmoqda.

Avvalroq «Kursiv» BMT ma’lumotlariga...

Nomi oshkor etilmagan xaridor Indiana Jons kino qahramoni kiygan jigarrang kigiz shlyapani sotib oldi, deb xabar berdi Bloomberg.

Amerikaning Los-Anjeles shahridagi kimoshdi savdosini kino va televideniye sanoati uchun suvenirlar ishlab chiqaruvchi Propstore o‘tkazdi.

Mashhur antikvar tadqiqotchisining shlyapasi $630 mingga sotib olindi, uning maksimal narxi $500 ming bo‘lishi kutilgan edi.

Aktyor Xarrison Ford Jons rolida «Indiana Jons va taqdir ibodatxonasi» filmida ushbu bosh kiyimni kiygan.

«Kursiv» may oyi oxirida ingliz musiqachisi Jon Lennonning gitarasi auksionda yozgan edi. Kimoshdi savdolarida taniqli shaxslar yoki kino qahramonlariga tegishli narsalarning narxi, qoida tariqasida, taxminiy qiymatdan oshadi.

Toshkentda 2025-yilgi yoshlar o‘rtasidagi Osiyo oʻyinlari oʻtkazish uchun qurilayotgan Olimpiya shaharchasida metall konstruksiya ishlari yakunlandi, deb xabar qildi Oʻzbekiston Milliy olimpiya qoʻmitasi (MOQ).

Bir kun avval qurilish maydoniga O‘zbekiston sport vaziri Adham Ikramov va MOQ Bosh kotibi Oybek Kasimov tashrif buyurdi.

«Hozirgi kunga kelib, metall konstruksiya ishlari allaqachon yakunlangan bo‘lib, obyektlarning tashqi qismini yopish jarayoni ketmoqda», deyiladi xabarda.

Tekshiruv ishtirokchilari shaharchadan Osiyo o‘yinlaridan keyin foydalanish masalalarini muhokama qilishdi.

Avvalroq «Kursiv» shaharcha qurilishi 2022-yilda boshlanganini yozgan edi.

Bugun, 19-avgust kuni O‘zbekistonda quruq va issiq havo kuzatiladi. Janubiy hududlarda shamol tufayli chang-to‘zonlar ko‘tarilishi mumkin. O‘rtacha havo harorati 30–35 daraja issiq bo‘ladi. Bu haqda Gidrometeorologiya xizmati agentligi xabar bermoqda.

Toshkent shahrida havo biroz bulutli bo‘ladi, biroq yog‘ingarchilik kuzatilmaydi. Kunduzi havo harorati 33-darajagacha isishi mumkin, kechga kelib 18-darajagacha iliq bo‘ladi.

Tog‘li hududlarda qisqa muddatli yomg‘ir yog‘ishi va momaqaldiroq bo‘lishi ehtimoli bor. Ba’zi joylarda sel-suv toshqinlari yuzaga kelishi mumkin. Kunduzi havo 25-darajagacha isishi mumkin.

Avgust oxiriga yetgani sari ota-onalar bozorlar va doʻkonlarni kezib, farzandlari uchun maktab buyumlarini izlashmoqda. «Kursiv» muxbiri Bek-Baraka kanstovar bozori va onlayn do‘konlardagi maktab uchun kiyim-kechak va o‘quv qurollari narxlarini solishtirdi.

Maktab o‘quv qurollari

Bek-Baraka bozorida ruchkalarning narxi sifatiga qarab donasi bir ming so‘mdan boshlanmoqda. Onlayn do‘konda esa uch mingdan belgilandi.

Rangli qalamlarning soni va sifatiga qarab narxi 12 mingdan boshlanib 30 minggacha bormoqda. Marketpleysda esa yetti ming so‘mdan start olmoqda.

12 varaqli daftar narxi savdo rastalarida 600 so‘mdan boshlanmoqda, 48-varaqli umumiy daftarlar esa ikki mingdan sotilmoqda. Onlayn do‘konda 12-varaqli daftarning narxi uch mingdan boshlanib 10 ming so‘mgacha, 48-varaqli daftarning...

Oliy ta’lim muassasalarining bakalavriat ta’lim yoʻnalishlariga kirish test sinovlari natijasidan norozi boʻlgan abituriyentlar 18-avgustdan apellatsiya berishlari mumkin. Bu haqda Bilimni baholash agentligi xabar berdi.

Ma’lum qilinishicha, arizalarini my.uzbmb.uz saytida (shaxsiy kabineti orqali) onlayn tarzda 18-avgustdan 27-avgustga qadar (10 kun davomida) berishlari mumkin.

Abituriyent apellatsiya shikoyati berishi uchun test sinovida ishtirok etgan va test sinovidan chetlatilmagan boʻlishi lozim.

Avvalroq «Kursiv Uzbekistan» bakalavriat boʻyicha test sinovlarining mandati e’lon qilingani haqida xabar bergan edi.

Pokiston hukumati 126 ta ortiq davlat, jumladan, Oʻzbekiston sayyohlari uchun viza tartibini soddalashtirdi. Bu haqda Visasnews agentligi xabar berdi.

14-avgustdan boshlab dunyoning 126 ta davlatidan kelgan xorij fuqarolari Pokistonga, jumladan, Oʻzbekistonga ham bepul viza olishlari mumkin boʻladi.

Elektron vizaga ariza topshirish uchun yuqorida nomlari sanalgan davlatlar fuqarolari 24 soat ichida pasport fotosurati va nusxasini Pokiston IIV veb-saytiga taqdim etadi. Viza 90 kun davomida amal qiladi.

Bu roʻyxatga Qozogʻiston, Qirgʻiziston, Tojikiston, Turkmaniston, Rossiya va Belarus kabi davlatlar ham kiritilgan.

Avvalroq «Kursiv Uzbekistan» Tailand hukumati 15-iyuldan boshlab Oʻzbekiston fuqarolari uchun 60 kunlik vizasiz rejimni rasman joriy qilgani haqida xabar bergan...

2024-yil iyul oyida Oʻzbekiston dunyodagi mobil internet tezligi reytingida 74-oʻrinni egalladi. Bu haqda Speedtest Global Index hisobotida ma’lum qilindi.

Joriy yilning iyul oyi davomida, butun dunyodagi mobil internet tezligi oʻrtacha 56,09 Mbit/sekundni, statsionar internet tezligi esa 93,94 Mbit/sekundni tashkil etdi.

Oʻzbekiston simsiz internet tezligi boʻyicha oʻtgan oyga nisbatdan uch pogʻona yuqorilab 74-oʻrindan joy oldi. Simli internet tezligi boʻyicha esa 82-oʻrinni egalladi.

Dunyoda simsiz internet tezligi boʻyicha 359,85 Mbit/ sekund bilan BAA birinchi oʻrindan joy oldi. Keyingi oʻrinlarda Qatar (343.84 Mbit/s) hamda Kuvayt (232.12 Mbit/s) egalladi.

Shuningdek, simli internet tezligi boʻyicha ham BAA yetakchi (291.85 Mbit/s) boʻlgan boʻlsa, Singapur ikki...

Oʻzbekistonning Rossiyadagi elchixonasi Kursk, Bryansk va Belgorod viloyatlarida boʻlib turgan oʻzbekistonliklarni ehtiyot choralariga rioya qilishga chaqirdi.

Fuqarolarga oʻta zarurat boʻlmasa, koʻchaga chiqmaslik, ommaviy yigʻilishlardan qochish va jamoat joylariga borishni cheklash tavsiya etiladi.

Shuningdek, ushbu hududlarda tahsil olayotgan talabalarga imkon qadar vaqtincha masofaviy (onlayn) ta’limga oʻtish maslahat berildi.

Oʻzbekiston fuqarolari konsullik yordami yoki maslahatlariga muhtoj boʻlgan taqdirda, Oʻzbekistonning Moskvadagi elchixonasining konsullik boʻlimiga (+7 499 238-36-20, +7-499 230-00-76 telefon raqamlari yoki uzkorus@mail.ru. elektron pochta orqali) murojaat qilishlari mumkin.

Eslatib oʻtamiz, 6-avgust kuni Ukraina qoʻshinlari Kursk viloyatidagi chegara hududiga mustahkam oʻrnashib oldi, bu esa harbiy harakatlar boshlanishiga olib keldi.

Avvalroq...

Oʻzbekiston Madaniyat vaziri Ozodbek Nazarbekov «Ovoz» loyihasi xarajatlari bilan bogʻliq tanqidlarga izoh berdi. Uning ta’kidlashicha, ushbu loyiha mamlakat imiji va iste’dodlarni rivojlantirishda muhim ahamiyatga ega. Bu haqda u 16-avgust kuni AOKAda oʻtkazilgan brifingda ma’lum qildi.

«Bir narsani tushuninglar, bugungi kunda Oʻzbekistonni nufuzini koʻtarishga “Ovoz» loyihasi ham xizmat qilmoqda. Agar shuning uchun 2 milliard soʻm sarflash jinoyat boʻlsa, men bunga roziman. Butun dunyoda yagona musiqiy shou mana shu loyiha boʻlib turibdi va 76 ta davlatda namoyish etiladi. Sarflangan 2 milliard soʻmga malomat qilaversanglar, shu pulni hozir uyimni sotib boʻlsa ham beraman”, deydi Madaniyat vaziri.

«Ovoz» loyihasi...

Bugun, 17-avgust kuni Oʻzbekiston bosh vaziri Abdulla Aripov Afgʻoniston poytaxti Kobulga bordi. Bu haqda Tolibon Sanoat va savdo vazirligi xabar berdi.

Qayd etilishicha, Abdulla Aripov Kobulga Oʻzbekistonda ishlab chiqarilgan mahsulotlar koʻrgazmasini ochish hamda Tolibon harakati bilan savdo aloqalari boʻyicha ikki tomonlama uchrashuvda ishtirok etish uchun tashrif buyurgan.

Uni Kobul aeroportida Tolibon bosh vazirining ma’muriy masalalar boʻyicha oʻrinbosari Abdul Salam Hanafiy kutib oldi.

Shuningdek, ushbu uchrashuvda Kobul va Toshkentda Tolibon va Oʻzbekiston oʻrtasida savdo palatalarini tashkil etish va iqtisodiy aloqalarni rivojlantirish masalalari muhokama qilingan.

Avvalroq «Kursiv Uzbekistan» oʻzbekistonlik investorlar Afgʻoniston neft va gaz konlariga qiziqish bildirayotgani haqida xabar bergan...

Oʻzbekistonda kriptologiya sohasida ta’lim va ilm-fan rivojlantiriladi. Bu haqda prezidentning tegishli qarori qabul qilindi.

Qarorga koʻra, 2024–2025-yillarda Oʻzbekistonda kriptologiya sohasida ta’lim va ilm-fanni rivojlantirish boʻyicha chora-tadbirlar rejasi hamda milliy kriptologiya sohasini rivojlantirishning dolzarb yoʻnalishlari boʻyicha 2024–2028-yillarga moʻljallangan ilmiy-tadqiqot ishlari dasturi tasdiqlandi.

Mamlakatning oliy ta’lim va ilmiy-tadqiqot muassasalari, davlat organlari va boshqa tashkilotlarning tajribali mutaxassislaridan iborat Kriptologiya sohasida idoralararo ekspert guruhi tashkil etiladi.

Avvalroq «Kursiv Uzbekistan» Oʻzbekistonda uchta kripto-doʻkonning faoliyati olti oyga toʻxtatilgani haqida xabar bergan edi.

Uzbekistan Airways’ning 15-avgust kuni Toshkent – ​​Kuala-Lumpur yoʻnalishi boʻyicha parvoz qilgan samolyotda yoʻlovchilarning mulkini oʻgʻirlashga urinish holati aniqlandi. Bu haqda aviakompaniya matbuot xizmati xabar berdi.

Unga koʻra, samolyot Kuala-Lumpurga yetib kelgach havo kemasi ekipaji tomonidan politsiya xizmati chaqirtirilgan. Mahalliy politsiya vakillari ekipaj bilan birgalikda samolyot bortida tekshiruv oʻtkazdi va barcha qimmatbaho buyumlar topilgan.

Gumon qilingan chet el fuqarolari shu joyning oʻzida ushlangan va vaziyatga oydinlik kiritish maqsadida politsiya xizmatiga olib ketilgan.

Avvalroq «Kursiv Uzbekistan» 2023-yilda Uzbekistan Airwaysʼning sof foydasi 410,5 milliard soʻmdan oshgani haqida xabar bergan edi.

Toshkentda avtobuslar tezligi 50 km/soatgacha cheklanadi. Bu haqda «Toshshahartransxizmat» AJ matbuot xizmati xabar berdi.

Ma’lum qilinishicha, «Toshshahartransxizmat» AJ tasarrufidagi avtobuslar maxsus dastur orqali jihozlanadi. Uning yordami bilan transport vositalarining maksimal tezligi 50 km/soat bilan cheklanadi.

Cheklov yoʻlovchilar xavfsizligini ta’minlash va yoʻllarda baxtsiz hodisalarning oldini olish maqsadida joriy etilmoqda.

Avvalroq «Kursiv Uzbekistan» Toshkentda bekatlarda uzoq vaqt turgan avtobus haydovchilariga nisbatan chora ko‘rilishi haqida xabar bergan edi.

2024/2025-oʻquv yili uchun oliy ta’lim muassasalarining bakalavriat ta’lim yoʻnalishlariga kirish test sinovlari boʻyicha tanlov natijalari e’lon qilindi. Bu haqda Bilimni baholash agentligi xabar berdi.

Tanlov natijalarini 4 xil usulda bilish mumkin:

1. my.uzbmb.uz sayti orqali:

my.uzbmb.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

2. mandat.uzbmb.uz sayti orqali:

mandat.uzbmb.uz saytiga abituriyentning ID raqamini kiritgan holda.

3. SMS-xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari boʻyicha SMS-xabarnoma yuboriladi (xizmat haqi mavjud).

4. Test natijalari qaydnomasi orqali. Shuningdek, test natijalari qaydnomasi oliy ta’lim muassasalariga taqdim etiladi.

Avvalroq «Kursiv Uzbekistan...

Bugun, 17-avgust kuni O‘zbekistonda havo harorati biroz pasayadi. Yog‘ingarchilik kuzatilmaydi. Janubiy hududlarda shamol tufayli chang-to‘zonlar paydo bo‘ladi. Mamlakatda o‘rtacha havo harorati 32-37 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida havo bulutli va o‘zgaruvchan bo‘lishi mumkin. Poytaxtda quruq havo kuzatiladi. Kunduzi havo harorati 34-darajagacha ko‘tariladi, kechasi 22-daraja iliq bo‘ladi.

Tog‘li hududlarning Toshkent viloyati va Farg‘ona vodiysida qisqa muddatli yomg‘ir yog‘ishi va momaqaldiroq bo‘lishi mumkin. Kunduzi havo harorati 25-darajagacha isishi mumkin, kechga kelib havo 19 daraja iliq bo‘ladi. 

Uzbekistan Airwaysʼning sof foydasi 2023-yil yakuni boʻyicha 410,5 milliard soʻmdan oshdi. Bu haqda korporativ axborot portalida ma’lum qilindi.

Ma’lum qilinishicha, bu 2022-yilga nisbatan 39,5 foizga koʻp. Yil davomida aviakompaniyaning daromadi 12,2 trillion soʻmdan 14,6 trillion soʻmgacha oʻsdi.

Moliyaviy hisobotga koʻra, oʻtgan yil yakunlarida, korxonalarning qisqa muddatli investitsiyalari hajmi 1,5 trillion soʻmdan, uzoq muddatli investitsiyalar hajmi esa 890,9 milliard soʻmdan oshgan.

Avvalroq «Kursiv Uzbekistan» 2024-yilning aprel–iyun oylarida Uzbekistan Airways 269 milliard soʻm daromad olgani haqida xabar bergan edi.

Qozog‘iston prezidenti farmoniga muvofiq, O‘zbekiston elchisi Saidikrom Niyozxo‘jayev mamlakatning yuksak davlat mukofoti — II darajali «Do‘stlik» ordeni bilan taqdirlandi. Bu haqda «Dunyo» axborot agentligi muxbiri xabar beradi.

O‘zbekiston elchisi Saidikrom Niyozxo‘jayev kecha 15-avgust kuni Qozog‘iston Bosh vaziri o‘rinbosari va tashqi ishlar vaziri Murat Nurtileu tomonidan qabul qilindi.

Eslatib o‘tamiz, Saidikrom Niyozxo‘jayev 2018-yil mart oyida O‘zbekistonning Qozog‘istondagi elchisi etib tayinlangan edi. U 2015–2018-yillarda O‘zbekiston tashqi ishlar vazirining o‘rinbosari lavozimida ishlagan.

Avvalroq «Kursiv Uzbekistan» Shavkat Mirziyoyev Qozogʻistonning «Oltin Qiron» ordeni bilan taqdirlangani haqida xabar bergan edi.

Toshkent shahrida mingdan ortiq fuqarolarning 550 million soʻm pulini oʻzlashtirishda gumon qilingan firibgar qoʻlga olindi. Bu haqda IIV Kiberxavfsizlik markazi matbuot xizmati xabar berdi.

Samarqand viloyatida yashovchi fuqaro IIOga murojaat qilib, bank kartasidan 7,3 mln soʻm miqdoridagi pul mablagʻlari noma’lum shaxs tomonidan firibgarlik yoʻli bilan oʻzlashtirilganini ma’lum qilgan.

Oʻtkazilgan tezkor-qidiruv tadbirlari natijasida mazkur jinoyatni Toshkent shahrida yashovchi fuqaro sodir etgani aniqlangan. U jabrlanuvchiga qoʻngʻiroq qilib, unga «Lamifarm» tashkiloti tomonidan oʻtkazilayotgan tanlovda televizor va konditsioner yutib olganini aytgan.

Shundan soʻng ushbu yutuqlarni yetkazib berish xizmatiga 200 ming soʻm oʻtkazib berish kerakligi hamda telefon qurilmasiga kod kelishini aytgan va Payme ilovasidan...

16-avgust, juma kuni WTI nefti fyucherslari bir barrel uchun $78 gacha, Brent esa $80,90 gacha ko‘tarildi va ketma-ket ikkinchi hafta o‘sishda davom etdi.

Narxlarning oshishi AQShdan kelgan ijobiy iqtisodiy ma’lumotlar bilan bog‘liq bo‘lib, bu iqtisodiyot barqarorligiga ishonchni kuchaytirdi. Chakana savdo iyul oyida kutilmaganda o‘sib, yuqori iste’mol xarajatlarini ko‘rsatdi va ishsizlik da’volari bir oy ichida eng past darajaga tushdi.

Bularning barchasi Federal rezerv tez orada foiz stavkalarini pasaytirishi mumkinligi haqidagi taxminlarni kuchaytirdi.

Bundan tashqari, bozorlar Yaqin Sharqdagi mojaro va G‘azo sektoridagi o‘t ochishni to‘xtatish bo‘yicha muzokaralar natijalari tufayli neft yetkazib berishdagi xavflarni diqqat bilan kuzatib bormoqda.

Biroq neftga bo‘lgan talab...

16-avgust kuni O‘zbekiston Respublika valyuta birjasida dollarning o‘rtacha tortilgan qiymati 7,95 so‘mga ko‘tarildi va 12 658,00 so‘mni tashkil qildi.

Tijorat banklari AQSh valyutasini 12 590 – 12 650 so‘mdan xarid qilishmoqda va 12 670 – 12 710 so‘mdan sotishmoqda.

Eslatib o‘tamiz, 15-avgust kuni respublikada dollarning narxi 27,28 so‘mga o‘sgan edi.

Sobiq Qishloq xo‘jaligi vaziri Aziz Voitov va yana 49 nafar sudlanuvchiga nisbatan jinoyat ishi bo‘yicha ochiq sud majlisi 2024-yil 5-sentabr kuni soat 15:00 da Yunusobod tumani sudida bo‘lib o‘tadi. Bu haqda OʻzR Oliy sudi Jamoatchilik bilan aloqalar markazi rahbarining rasmiy Telegram kanalida xabar berildi.

15-avgust kuni Mirobod tumani sudi Aziz Voitov va Qishloq xoʻjaligi vazirligi huzuridagi Qishloq xoʻjaligida xizmatlar koʻrsatish agentligi sobiq direktori Husniddin Karimovni va boshqa ayblanuvchilarning jinoyat ishlarini birlashtirdi.

Avvalroq «Kursiv» sobiq Qishloq xo‘jaligi vaziriga nisbatan jinoyat ishi ko‘rib chiqish boshlangani haqida xabar bergan edi.