Yangiliklar

AQSh davlat kotibi Marko Rubio 2026-yilda O‘zbekiston va Markaziy Osiyoning boshqa mamlakatlariga tashrif buyurishni rejalashtirmoqda. Bu haqda Reuters xabar berdi.

«Ehtimol, bu bir haftalik safar bo‘ladi. Shuning uchun biz bunga tayyorlanishimiz va buni birgalikda amalga oshirishimiz kerak», – dedi u.

Amerika tashqi siyosat idorasi rahbarining bu bayonoti 6-noyabr kuni bo‘lib o‘tadigan «С5+1» sammiti oldidan bildirildi. Sammitda Markaziy Osiyo davlat rahbarlari va AQSh prezidenti Donald Tramp ishtirok etadi.

Sammit davomida tomonlar investitsiya va savdo masalalarini muhokama qiladi. Bu amerikaliklar uchun ish o‘rinlarini yaratish va mintaqa iqtisodiyotini kuchaytirishga yordam beradi. Rubio ta’kidlashicha, tabiiy resurslardan foydalanish...

6-noyabr kuni Yevropa Chempionlar ligasining 4-turi doirasida «Manchester Siti» o‘z maydonida Dortmundning «Borussiya» jamoasini 4:1 hisobida mag‘lub etdi. Pep Gvardiola shogirdlari o‘yinni ilk daqiqalardanoq to‘liq nazorat qildi. O‘zbekistonlik himoyachi Abduqodir Husanov bu safar maydonga tushmadi.

Angliyaliklar o‘yinni faol boshlab, raqibni yuqori pressing bilan siqib chiqdi. 23-daqiqada Fil Foden hisobni ochdi, oradan besh daqiqa o‘tib Erling Holand Doku uzatmasidan so‘ng hisobni 2:0 ga yetkazdi.

Ikkinchi bo‘limda ham «Siti» ustunlikni boy bermadi. 58-daqiqada Foden o‘zining ikkinchi golini urdi – 3:0. «Borussiya» faqat 74-daqiqada Antonning aniq zarbasi bilan bir gol qaytardi. Ammo uchrashuv yakunida Rayan Sherki raqib himoyasini yorib o‘tib, 90-daqiqada to‘rtinchi golni...

Samsung kompaniyasining yangi smartfonlariga oid render tasvirlar e’lon qilindi. Unda Samsung Galaxy S26 Ultra va Galaxy S25 Ultra yonma-yon ko‘rsatilgan.

Mazkur tasvirlar orqali ikki model o‘rtasidagi dizayn farqlarini solishtirish mumkin.

Asosiy o‘zgarish – korpus burchaklari yanada yumaloqlashgan. Shu bilan birga, ekran ramkasi haqida ma’lumot berilmagan, biroq himoya oynalarining haqiqiy suratlari asosida farq katta emasligi aytilmoqda.

Rasmiy taqdimot 2026-yil boshida o‘tkazilishi kutilmoqda. Galaxy S26 seriyasi uchun ikki xil protsessor qo‘llanilishi aytilmoqda: Samsung Exynos 2600 va Qualcomm Snapdragon 8 Elite Gen 5 for Galaxy. Shuningdek, yangi flagmanlar sun’iy intellekt imkoniyatlari va yangilangan kamera datchiklariga ega bo‘ladi.

Eslatib o‘tamiz, Kursiv Uzbekistan nashri...

Shavkat Mirziyoyev 5-noyabr kuni Vashington shahridagi qarorgohda AQSh Senatidagi Markaziy Osiyo bo‘yicha kokus hamraisi, senator Stiv Deyns hamda Kongress Vakillar palatasi a’zolari bilan uchrashuvlar o‘tkazdi. Bu haqda davlat rahbari matbuot xizmati ma’lum qildi.

Muloqotlarda O‘zbekiston va AQSh o‘rtasidagi strategik sheriklikni yanada mustahkamlash, parlamentlararo hamkorlikni rivojlantirish, savdo-iqtisodiy hamda investitsiyaviy aloqalarni kengaytirish masalalari muhokama qilindi.

Davlat yetakchisi Senat va Kongressdagi Markaziy Osiyo bo‘yicha kokus faoliyatini yuqori baholab, O‘zbekiston bilan hamkorlik sohalarida rekord darajadagi kelishuvlar imzolanayotganini ta’kidladi.

Shuningdek, Montana, G‘arbiy Virjiniya, Michigan va Kaliforniya shtatlari bilan o‘zaro aloqalarni kuchaytirish, ishbilarmonlar delegatsiyalarining tashriflarini tashkil etish bo‘yicha kelishuvlarga erishildi.

Tomonlar dolzarb mintaqaviy masalalar yuzasidan...

Toshkent viloyatida o‘tkazilgan tezkor tadbir davomida noqonuniy aylanmadagi qariyb 5 kilogramm giyohvandlik vositasi qo‘lga olindi. Bu haqda DXX matbuot xizmati ma’lum qildi.

Davlat xavfsizlik xizmati xodimlari IIB va Bojxona organlari bilan hamkorlikda o‘tkazgan tadbir chog‘ida Zangiota tumanidagi katta halqa yo‘li yaqinidagi yashirin joydan 10 dona o‘ramda saqlangan, umumiy og‘irligi 4 kilogramm 956 gramm bo‘lgan «opiy» moddasini ashyoviy dalil sifatida rasmiylashtirib olishgan.

Mazkur holat yuzasidan Jinoyat kodeksining 273-moddasi 5-qismi (giyohvandlik vositalarining qonunga xilof muomalasi) bo‘yicha jinoyat ishi qo‘zg‘atildi. Hozirda ushbu moddalarning egalarini aniqlash choralari ko‘rilmoqda.

Ta’kidlanishicha, bu kabi giyohvandlik vositalari mamlakatga, asosan, xorijdan kontrabanda yo‘li bilan olib kiriladi.

Eslatib o‘tamiz...

6-noyabr kuni O‘zbekistonda havo asosan o‘zgaruvchan bo‘ladi, yog‘ingarchilik kutilmaydi. Kechasi harorat ko‘plab hududlarda sovuq 0–7° atrofida, kunduzi esa 2–17° iliq bo‘ladi, ayrim joylarda tuman tushishi mumkin, deya xabar bermoqda «O‘zgidromet» agentligi.

Apple kompaniyasi iOS 26.1 operatsion tizimini taqdim etdi. Bu yangilanish tizimdagi aniqlangan xatoliklarni tuzatish va ilgari e’lon qilingan, ammo dastlabki chiqarishda mavjud bo‘lmagan yangi funksiyalarni qo‘shishga qaratilgan.

iOS 26.1 foydalanuvchilarga Liquid Glass shaffofligini sozlash imkonini beradi. Endilikda interfeysning ikki rejimidan birini tanlash mumkin: asl ko‘rinish «Shaffof» yoki kamroq shaffof «Bir rangli». Sozlash uchun Sozlamalar → Ekran va yorqinlik → Liquid Glass bo‘limiga kirish talab etiladi.

Yangilanish bloklangan ekran orqali kamera ishga tushishini boshqarish funksiyasini takomillashtirdi. iPhone 16 va 17 foydalanuvchilari uchun swayp orqali kamera ishga tushirilishini o‘chirish mumkin.

Bundan tashqari, budilnikni faqat swayp orqali o‘chirish va qo‘ng‘iroq boshida va oxirida...

WhatsApp Apple Watch uchun yangi ilovani taqdim etdi. Bu haqda kompaniya rasmiy sahifasida ma’lum qilindi.

Endilikda foydalanuvchilar iPhone’ga qaramasdan xabarlarni o‘qish va yuborish imkoniga ega bo‘ladi, bu esa qurilmadan foydalanishni yanada qulay qiladi.

Ilova qo‘ng‘iroq bildirishnomalari, to‘liq matnli xabarlar, ovozli xabarlar, emojilar bilan tezkor javob, yuqori sifatli media va chat tarixini ko‘rish kabi funksiyalarni qo‘llab-quvvatlaydi. Shuningdek, kelajakda qo‘shimcha funksiyalarni joriy etish rejalashtirilgan.

Yangi ilovadan foydalanish uchun Apple Watch Series 4 yoki undan yuqori modeli va watchOS 10 yoki undan keyingi versiyasi talab etiladi.

Eslatib o‘tamiz, avvalroq WhatsApp’da yangi xavfsizlik funksiyasi paydo bo‘lgan edi.

Toshkent shahrining Mirzo Ulug‘bek tumanida Nihol ko‘chasida yo‘l-ta’mirlash ishlari amalga oshiriladi. Bu haqda shahar hokimligi matbuot xizmati ma’lum qildi.

Unga ko‘ra, ko‘chaning Milliy bog‘ ko‘chasidan aylanma chorrahagacha bo‘lgan qismda transport harakati vaqtincha cheklanadi.

Cheklov 5-noyabr soat 23:00 dan 6-noyabr soat 23:00 gacha amal qiladi.

Haydovchilarga aylanma yo‘nalishlardan foydalanish va belgilangan yo‘l harakati qoidalariga rioya qilish tavsiya etiladi.

Eslatib o‘tamiz, avvalroq Toshkentda Xitoy – O‘zbekiston ustaxonalari ishga tushirilgani haqida yozgan edik.

Qatarda bo‘lib o‘tayotgan jahon chempionatini O‘zbekiston U-17 terma jamoasi g‘alaba bilan boshladi. Birinchi turda O‘zbekiston Paragvayga qarshi maydonga tushdi.

Dastlab uchrashuvning 25-daqiqasida raqib himoyachilarining xatosidan keyin Azizbek Abdumo‘minov raqib darvozasini ishg‘ol qildi. So‘ngra birinchi taymning oxirida yana Azizbek Abdumo‘minov qanotdan uzatilgan to‘pni darvozaga yo‘lladi .

Ikkinchi taymning 89-daqiqasida raqiblar futbolchisi Ledesma penaltini aniq amalga oshirib hisobni qisqartirdi. Shu tariqa o‘yin 2:1 hisobida terma jamoamiz g‘alabasi bilan yakunlandi.

Avvalroq Kursiv Uzbekistan futbol bo‘yicha U-17 terma jamoamizning JCh uchun tarkibi e’lon qilingani haqida xabar bergan edi.

O‘zbekistonda davlat ijtimoiy sug‘urtasining yangi tizimi joriy etiladi. Bu haqda Adliya vazirligi ma’lum qildi.

Yangi tartibga binoan, fuqarolar ijtimoiy sug‘urtaga majburiy yoki ixtiyoriy asosda qo‘shilishlari mumkin. Sug‘urta badallari va minimal sug‘urta stajiga qarab to‘lovlar Ijtimoiy himoya milliy agentligi huzuridagi Davlat ijtimoiy sug‘urta jamg‘armasi orqali amalga oshiriladi.

Jamg‘arma tomonidan to‘lovlar «proaktiv» shaklda, ya’ni fuqarolarning arizasisiz tayinlanadi. Jumladan, 2026-yil 1-yanvardan homiladorlik va tug‘ish nafaqasi, 2026-yil 1-iyuldan vaqtinchalik mehnatga layoqatsizlik nafaqasi avtomatik tarzda belgilanadi.

Shuningdek, 2030-yil 1-yanvardan boshlab ishdan bo‘shatish nafaqasi ham Jamg‘arma orqali tayinlanadi va to‘lanadi.

Eslatib o‘tamiz, avvalroq ozod qilingan shaxslarga bir martalik nafaqa belgilanishi haqida yozgan edik.

Pop Mart do‘konlar tarmog‘i asoschisi, Labubu o‘yinchoqlari bilan mashhur Van Nin Xitoyning eng boy tadbirkorlari reytingida o‘ninchi o‘rinni egalladi. Forbes ma’lumotlariga ko‘ra, uning boyligi $22,3 mlrdga yetgan.

Reytingda birinchi o‘rinni TikTok’ga egalik qiluvchi ByteDance kompaniyasi asoschisi Chjan Imin egallagan – uning boyligi $65,5 mlrd. Ikkinchi o‘rinda Nongfu Spring brendi egasi Chjung Shanshan ($58,7 mlrd), uchinchi o‘rinda esa Tencent kompaniyasi va WeChat ilovasi yaratuvchisi Ma Xuateng ($52,2 mlrd) joylashgan.

Keyingi o‘rinlarda: Xiaomi asoschisi Ley Tsyun ($46,2 mlrd), NetEase rahbari Uillyam Din ($42,4 mlrd), Pinduoduo va Temu asoschisi Kolin Xuan ($37,9 mlrd), Midea Group egasi Xe Syanzyan ($27,9 mlrd), Alibaba Group...

Elekromobil bozorida BYD’ning ham ulushi ortib bormoqda. Yanvar – sentabr oylarida 17 mingga yaqin BYD avtomobillari sotilgan. Kursiv Uzbekistan nashrining ushbu maqolasida BYD kompaniyasining ilk elektromobillari va ularning yaratilish tarixi haqida so‘z boradi.

Ushbu maqoladan quyidagilarni bilib olasiz:

BYD F3DM

2008-yilda Xitoyning BYD kompaniyasi o‘zining birinchi BYD F3DM modelini taqdim qildi. Bu avtomobil jahon miqyosida birinchi ommaviy ishlab chiqarilgan plug-in gibrid sifatida e’tirof etilgan. «DM» qisqartmasi «Dual Mode» (ikki rejim) degan ma’noni anglatadi. Mashina elektr rejimida...

Research Group Central Asia (RGCA) tadqiqot agentligi O‘zbekistonda banklar va to‘lov xizmatlari brendlarining sog‘lomlik darajasini baholovchi Brand Health Tracking hisobotining dastlabki bosqich natijalarini e’lon qildi. Unga ko‘ra, TBC Bank mamlakatdagi 15 ta yirik bank orasida brendni bilish darajasi bo‘yicha uchinchi o‘rinni egalladi. Bank o‘z natijalarini barcha yo‘nalishlarda – hech qanday eslatmalarsiz hamda eslatmalar bilan tanib olish bo‘yicha oʻz mavqeyini yaxshiladi. Ayniqsa, poytaxtda sezilarli o‘sish kuzatildi – Toshkent shahrida TBC Bank barcha banklar orasida taniqlilik bo‘yicha birinchi o‘rinni egalladi.

Tadqiqot foydalanuvchilar turli vaziyatlarda brendlarni qanchalik oson eslashini hamda moliya bozorida raqobat kuchayayotgan bir sharoitda ularning tanlovlari dinamikasini aks ettiradi. Metodika to‘rtta...

World Gold Council ma’lumotlariga ko‘ra, 2025-yil sentabr oyida O‘zbekiston Markaziy banki 4 tonna oltin sotdi va shu tariqa dunyoning eng yirik oltin sotuvchisi sifatida qayd etildi.

Ma’lum qilinishicha, shu davrda dunyo bo‘yicha markaziy banklar jami 39 tonna oltin xarid qilgan. Eng faol xaridorlar qatorida Braziliya (+15 tonna), Qozog‘iston (+8 tonna), Gvatemala (+6 tonna) va Rossiya (+3 tonna) bor. Turkiya, Xitoy, Chexiya va Gana esa zaxiralarini 1-2 tonnaga oshirgan.

Jahon bo‘yicha sof oltin xarid hajmi 200 tonnani tashkil etdi, bu o‘tgan yilga nisbatan 7 foizga kam. O‘zbekiston esa o‘z oltin zaxirasining bir qismini sotish yo‘lini tanlagan kam sonli davlatlardan biri...

Kentukki shtatida joylashgan Luisvill xalqaro aeroportida UPS kompaniyasiga tegishli yuk samolyoti uchish vaqtida qulab tushdi. Hodisa oqibatida kamida yetti kishi halok bo‘lgani aytilmoqda.

Shtat gubernatori Endi Beshirning so‘zlariga ko‘ra, samolyot bortida bo‘lgan uch nafar ekipaj a’zosi portlash natijasida vafot etgan bo‘lishi mumkin. Yana 11 kishi jarohatlangan, ularning ayrimlari og‘ir ahvolda. Ikki kishi bedarak yo‘qolganlar ro‘yxatida qolmoqda.

Samolyot Luisvilldan Gavayiga uchib ketayotgan edi. Dastlabki ma’lumotlarga ko‘ra, bortda 144 ming litr yonilg‘i bo‘lgan va bu kuchli portlashga sabab bo‘lgan. Hodisa joyida yong‘in tezda kengayib, yaqin atrofdagi ikkita korxona, jumladan, neft mahsulotlarini qayta ishlovchi kompaniya zarar ko‘rgan.

Mahalliy hokimiyat xavfsizlik nuqtayi nazaridan...

Futzal bo‘yicha Osiyo kubogi – 2026 musobaqasi uchun qur’a tashlash marosimi o‘tkazildi. Natijada O‘zbekiston terma jamoasi «C» guruhida Yaponiya, Tojikiston va Avstraliya bilan birga joy oldi.

Musobaqa 2026-yil 27-yanvardan 7-fevralgacha Indoneziyada bo‘lib o‘tadi. Bu guruh nisbatan kuchli deb baholanmoqda Yaponiya Osiyoning eng tajribali jamoalaridan biri, Avstraliya esa so‘nggi yillarda futzalga katta e’tibor qaratmoqda. Tojikiston Markaziy Osiyo mintaqasidagi asosiy raqiblarimizdan biri.

O‘zbekiston futzal terma jamoasi so‘nggi yillarda Osiyo miqyosida barqaror o‘yin namoyish etib kelmoqda. 2024-yilgi Osiyo kubogida jamoamiz bronza medalini qo‘lga kiritgan edi. Bungacha 2001-yilda finalgacha yetib borgan O‘zbekiston chempionlikni qo‘ldan chiqargan.

Jamoa 17 marotaba Osiyo chempionatida ishtirok etgan bo‘lib...

6-noyabr uchun valyuta kurslari e’lon qilindi. Shu kun uchun AQSh valyutasi 11 970,67 so‘m (+20.04 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 30-oktabr kuni 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi. 3-noyabr kuni dollar 12 005,09 so‘mga (-20,13 so‘m) tenglashdi. 4-noyabr kuni dollar 11 972,34 so‘m (-32, 75 so‘m), 5-noyabr kuni esa 11 950,63 so‘m (-21,71 so‘m) etib belgilangan edi.

Markaziy bank ma’lumotlariga ko‘ra, yevro 3,89 so‘mga oshib, 13 748,31 so‘mni, rubl esa 0,11 so‘mga tushib, 147,59 so‘mni tashkil qildi.

Eslatib...

«Yangi Andijon – Xonobod» yo‘nalishida pullik yo‘l quriladi. Bu haqda Andijon viloyati hokimi Shuhrat Abdurahmonov ma’lum qildi.

Unga ko‘ra, viloyat hokimi xitoylik investorlar bilan loyiha bo‘yicha uchrashuv o‘tkazdi.

«Viloyat rahbarining Xitoyda investorlar bilan uchrashuvidagi kelishuvlarga asosan, «Yangi Andijon — Xonobod» yo‘nalishida pullik yo‘l qurish loyihasi amalga oshirilishi kutilmoqda. Kuni kecha Andijonda investorlar bilan loyihani amalga oshirish bo‘yicha navbatdagi uchrashuv bo‘lib o‘tdi», – deyiladi xabarda.

Avvalroq O‘zbekistonda quriladigan pullik yo‘llar uchun qonun loyihasi ishlab chiqilgandi. Mazkur qonun loyihasida pullik avtomobil yo‘llarini qurishga faqat muqobil bepul yo‘l mavjud bo‘lganda ruxsat berilishi qayd etildi. Pulli yo‘llardan...

Vivo kompaniyasining Vivo X300 Ultra haqida yangi tafsilotlar oshkor qilindi. Ma’lumotlarga ko‘ra, bu model sanoatda ikki dona 200 megapikselli kamera sensori o‘rnatilgan birinchi smartfon bo‘ladi.

Asosiy kamera moduli 35 millimetrli fokus masofasiga ega linza bilan ta’minlanadi. Bu juda noodatiy yechim – aksariyat flagmanlarda asosiy kamera 23-24 mm fokusli keng burchakli linzadan foydalanadi. Bunday yechim ilgari faqat Nubia Z80 Ultra modelida qo‘llangan edi.

Asosiy texnik ma’lumotlar:

BYD kompaniyasi tomonidan yangi BYD M9 MPV avtomobili taqdim etildi. Bu haqda CarNewsChina xabar bermoqda.

Narxlar 206 800 yuandan (taxminan $28,9 ming) boshlanadi, lekin vaqtinchalik chegirmalar bilan boshlang‘ich narx 196 800 yuan ($27,5 ming) etib belgilangan. Model to‘liq qayta ishlangan gibrid tizim, kattaroq batareya va yangilangan haydovchiga yordam tizimlari bilan jihozlangan.

Yangi M9 avvalgidek yetti o‘rindiqli bo‘lib, BYD’ning beshinchi avlod DM plug-in gibrid tizimi asosida ishlaydi. Endi to‘rtta komplektatsiya taklif qilinadi: ikkitasida 100 km elektr masofa, ikkitasi esa 218 km masofa mavjud. Gibrid rejimdagi yonilg‘i sarfi 4,9-5,0 L/100 km gacha kamaygan. Umumiy masofa – 1 163 km.

Tashqi...

3-noyabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 32,7 foizni tashkil qilmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,2 foizni, yuridik shaxslar ulushi esa 23,4 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

O‘zbekiston yaylovlarni tiklash va chorvachilikni rivojlantirish maqsadida Osiyo taraqqiyot banki (OTB)dan $63 million miqdorida mablag‘ jalb qiladi.

Loyihaning asosiy maqsadi yangi quduqlar qazish, o‘simlik qoplamini boyitish va dronlar yordamida ekin maydonlarini yangilashdir. O‘zbekiston chorvachilik sohasini qo‘llab-quvvatlash va aholining oziq-ovqat xavfsizligini ta’minlash maqsadida yangi tashabbusni boshlamoqda.

Hujjatga ko‘ra, mamlakat uch yil ichida qoramol sonini 445 ming boshga, qo‘y va echkilarni 1,7 million boshga, parranda sonini esa 10,3 millionga yetkazishni rejalashtirmoqda. Baliqchilik hajmi ham 54 ming tonnagacha oshiriladi.

Import qilinadigan naslli qo‘y, echki va qoramollar uchun subsidiya muddati 2030-yilgacha uzaytirildi. Shu bilan birga, naslli jo‘jalar uchun subsidiyalar faqat mahalliy ishlab chiqaruvchilardan...

Prezident qaroriga ko‘ra, Qoraqalpog‘istonning Qo‘ng‘irot tumanidagi Borsakelmas tuz koni hududida Kungrad salt free zone sanoat zonasi tashkil etiladi. Bu haqda Adliya vazirligi xabar berdi.

Unga muvofiq, 2025 – 2026-yillarda 50 gektar yer maydonida investitsiya loyihalari amalga oshiriladi, keyinchalik zona hududi 200 gektargacha kengaytiriladi. 2026-yilda kamida $50 million, 2026 – 2030-yillarda esa jami $200 million miqdoridagi investitsiyalar jalb qilinishi rejalashtirilgan.

Bundan tashqari, sanoat zonasida loyihalarni boshlagan tadbirkorlarga besh yil muddatga «Nukus» erkin iqtisodiy zona ishtirokchisi maqomi beriladi.

Avvalroq Qoraqalpog‘istonda $2 milliard qiymatidagi 27 ta loyiha amalga oshirilishi xabar qilingandi. Bu orqali salkam 10 ming kishi ish topadi. Shuningdek, so‘nggi...