Yangiliklar

Chevrolet Bolt 2027 elektromobili yangilangan ko‘rinishda bozorga qaytdi. Model avvalgidek AQSh bozorida nisbatan arzon elektromobil sifatida joylashtirilmoqda.

Yangi Bolt, avvalo, yurish masofasi va quvvatlanish imkoniyati bilan yaxshilangan. Elektromobil 65 kVt/soat sig‘imli litiy-temir-fosfat akkumulyatoriga ega bo‘ldi. EPA standarti bo‘yicha u bir quvvat bilan 262 mil, ya’ni taxminan 422 kilometr yo‘l bosishi mumkin. Tezkor quvvatlash quvvati 150 kVtgacha yetadi, batareyani 10 foizdan 80 foizgacha to‘ldirish esa taxminan 26 daqiqa vaqt oladi. Avvalgi Bolt uzoq masofaga safarlarda unchalik qulay hisoblanmagan bo‘lsa, yangi avlod bu borada ancha yaxshilangan.

Elektromobil dinamikasi ham yomon emas. Old o‘qqa o‘rnatilgan elektr motor 214 ot kuchi va...

Counterpoint Research ma’lumotlariga ko‘ra, 2026-yil mart oyida iPhone 17 qatoridagi modellar AQSh, Xitoy, Hindiston, Germaniya, Buyuk Britaniya, Fransiya va Yaponiyada eng ko‘p sotilgan smartfonlar qatoridan joy oldi. Janubiy Koreyada esa Samsung Galaxy S26 Ultra 43 foizlik ulush bilan yaqqol yetakchi bo‘ldi.

Apple ko‘plab mamlakatlarda ustun

Mart oyida iPhone 17 5G AQSh, Hindiston, Germaniya, Buyuk Britaniya, Fransiya va Yaponiyada eng ko‘p sotilgan model bo‘ldi. Xitoyda esa birinchi o‘rinni iPhone 17 Pro Max 5G egalladi.

Samsung Koreyada katta farq bilan oldinda

Janubiy Koreyada Samsung Galaxy S26 Ultra 5G 43 foizlik ulush bilan birinchi o‘rinni egalladi. Ikkinchi o‘rinda Galaxy S...

Buxoro shahrida umumiy qiymati 188,2 mln so‘mlik sifatsiz va yaroqlilik muddati o‘tgan dori vositalarini muomalaga kiritish holatiga chek qo‘yildi. Bu haqda Bosh prokuratura huzuridagi Departament ma’lum qildi.

Departamentning Buxoro shahri bo‘limi hamda boshqa huquqni muhofaza qiluvchi organlar xodimlari hamkorligida tezkor tadbir o‘tkazildi. Tadbir davomida dori vositalarining noqonuniy savdosi bilan shug‘ullangani aytilayotgan fuqaro Buxoro shahri G‘ijduvoniy ko‘chasi hamda Vobkent tumani «Xayrobod» mahalla fuqarolar yig‘ini hududidagi noturar binolarda dori vositalarini saqlab kelayotgani aniqlandi.

Tekshiruvda ushbu joylarda sifatini tasdiqlovchi hujjatlari bo‘lmagan va yaroqlilik muddati o‘tgan 15 turdagi jami 19 ming dona dori vositasi borligi ma’lum bo‘ldi. Ularning umumiy qiymati 188,2 mln so‘mga...

O‘zbekistonda har yili iyun – avgust oylarida «Ochiq turizm mavsumi» dasturi o‘tkaziladi. Dastur doirasida aviatashuvchilar, turoperatorlar va mehmonxonalarga bir qator imtiyozlar hamda subsidiyalar beriladi.

Prezident qaroriga ko‘ra, 2026-yil 1-iyundan boshlab har yili yoz oylarida «Ochiq turizm mavsumi» dasturi amalga oshiriladi.

Uning doirasida xorijiy davlatlardan O‘zbekistonga yangi aviareyslar yo‘lga qo‘ygan mahalliy va xorijiy aviatashuvchilarning xarajatlarining bir qismi Davlat budjeti hisobidan qoplanadi. Shuningdek, har bir jalb qilingan xorijiy turist uchun $100 miqdorida subsidiya ajratiladi.

O‘zbekiston rezidenti bo‘lgan turoperatorlarga esa salohiyatli xorijiy davlatlardan olib kelingan har 1 ming nafar sayyoh uchun $5 ming subsidiya beriladi.

Bundan tashqari, turoperatorlik va mehmonxona xizmatlari uchun...

Toshkent shahrida 34 kg.dan ortiq og‘ir turdagi narkotik moddalar noqonuniy aylanmasiga chek qo‘yildi. Bu haqda Davlat xavfsizlik xizmati (DXX) xabar bermoqda.

Tadbir davomida poytaxtdagi «Qo‘yliq» bozori yaqinida shubhali tarzda to‘xtab turgan «Lacetti» rusumli avtomobil xolislar ishtirokida ko‘zdan kechirildi. Mashinani Surxondaryo viloyatining Sariosiyo tumanida yashovchi, 1968-yilda tug‘ilgan, avval sudlangan shaxs boshqarib kelayotgani aniqlandi.

Avtomobilda 1984-yilda Denov shahrida tug‘ilgan, hozirda Toshkent shahrida istiqomat qiluvchi fuqaro ham bo‘lgan. Tekshiruv jarayonida avtomobil salonidagi yelim idish ichidan 30 ta o‘ramda jami 34 kg 610 gramm og‘ir turdagi giyohvandlik vositalari topildi. Shundan 12 kg 960 grammi «opiy», 21 kg 650 grammi esa «gashish» ekani aniqlanib...

Samsung kompaniyasi Samsung Galaxy S25 seriyasidagi smartfonlar uchun 2026-yil iyun oyiga mo‘ljallangan xavfsizlik yangilanishini tarqata boshladi. Bu haqda Sammobile nashri xabar bermoqda.

Yangi dasturiy ta’minot avvalgi operatsion tizim versiyasida aniqlangan 45 ta xavfsizlik muammosini bartaraf etadi. Odatda Samsung Galaxy S seriyasi uchun yangilanishlarni avval asosiy modellarga, ya’ni Galaxy S25, Galaxy S25+, Galaxy S25 Ultra va Galaxy S25 Edge’ga chiqaradi.

Yangi firmware hozircha Samsung‘ning ichki bozori — Janubiy Koreyada tarqatilmoqda. Yangilanish hajmi 898,24 MBni tashkil etadi. Bu xavfsizlik paketi uchun odatdagidan ancha katta hajm hisoblanadi. Dasturiy ta’minot S93xNKSUACZF1 versiya raqami ostida chiqarilgan.

Kompaniya yangilanishni yaqin kunlarda boshqa mamlakatlarda ham bosqichma-bosqich...

13 – 15-iyun kunlari kutilayotgan yomg‘irlar sabab O‘zbekistonning tog‘oldi va tog‘li hududlarida sel-suv toshqinlari yuzaga kelishi mumkin.

«O‘zgidromet» ma’lumotiga ko‘ra, kuchli yog‘ingarchilik ayrim hududlarda yomg‘ir suvlari to‘planishi va pastqam joylarni suv bosishiga olib kelishi mumkin.

Sel xavfi bor hududlar

Tog‘oldi va tog‘li hududlarda yashovchi fuqarolar, dam oluvchilar hamda haydovchilarga ehtiyotkor bo‘lish tavsiya qilindi.

Eslatib o‘tamiz, avvalroq hafta davomida harorat 40 darajagacha borishi ma’lum qilingandi. Faqat ayrim hududlarda qisqa muddatli yomg‘ir yog‘ishi va momaqaldiroq bo‘lishi mumkin. 

Namanganda «Eski shahar» turizm majmuasi tashkil etiladi. Bu haqda prezidentning tegishli qarori qabul qilindi.

Xususan, Sharq tongi mahallasidagi Samarqand va Ko‘zagarlik ko‘chalari Toshkent shahri Olmazor tumanidagi Zarqaynar ko‘chasi namunasi asosida «Eski shahar» turizm majmuasiga aylantiriladi.

Qarorga ko‘ra, 2026/2027-yillarda Namangan viloyatida 20 ta «chempion» tadbirkor tanlab olinadi. Ular ishtirokida korxonalarda mehnat unumdorligi va samaradorlikni oshirishga qaratilgan qo‘shma loyihalar amalga oshiriladi.

Bu jarayonda Germaniya xalqaro hamkorlik tashkiloti — GIZ bilan birgalikda ishlab chiqarishni maqbullashtirish va mahsulot tannarxini kamaytirishga qaratilgan Lean Six Sigma dasturi joriy etiladi. Ushbu dastur korxonalarda tejamkor ishlab chiqarish tamoyillarini qo‘llash, ortiqcha xarajatlarni qisqartirish va ishlab chiqarish samaradorligini oshirishga...

Qozog‘istonning Chimkent shahrida so‘nggi ikki oy ichida ilonlar bilan bog‘liq 130 dan ortiq murojaatlar qayd etildi. Mavsum boshidan buyon esa chayon chaqishi oqibatida 80 kishi jabrlangan.

Almaty tv ma’lumotiga ko‘ra, qutqaruvchilar oxirgi ikki oyda ilonlar aniqlangani bo‘yicha 130 dan ortiq chaqiruvlar olgan. Ularning qariyb 90 tasi tutib olingan.

Taqqoslash uchun, o‘tgan yil davomida shaharda shunga o‘xshash 200 ga yaqin murojaatlar qayd etilgan edi.

Ma’lum qilinishicha, ilonlar ko‘proq xususiy uylar, turar joy massivlari, bog‘lar va yashil hududlarda uchramoqda. Bunga asosiy sabab sifatida ularning oziq izlab aholi yashash joylariga yaqinlashayotgani ko‘rsatilmoqda.

Qutqaruv xizmati vakili Erbol Ospanovning ta’kidlashicha, ilonlar odatda sichqon va...

Chevrolet Cobalt avtomobili xalq orasida juda ommabop model bo‘lib, joriy yilning yanvar-may oylarida 30 ming dona xarid qilingan. 110 km nashri e’lon qilgan maqolada modelning afzalliklari va kamchiliklari haqida so‘z boradi.

Avtomobil, ayniqsa, oila uchun oddiy va amaliy transport vositasi izlayotganlar orasida ommalashgan. 1,5 litrli benzin dvigatel, avtomat uzatma, keng salon va nisbatan yuqori klirens uni shahar ichida ham, notekis yo‘llarda ham qulay tanlovga aylantiradi. Shu bilan birga, modelning yoshi, ayrim texnik zaif joylari va shovqin izolyatsiyasining sustligi xarid oldidan albatta hisobga olinishi kerak.

Keng salon va oddiy dizayn

Chevrolet Cobalt tashqi ko‘rinishi bilan yorqin taassurot qoldiradigan...

Turkiyaning Istanbul shahrida giyohvandlik moddalari bilan bog‘liq ish doirasida 23 kishi, jumladan, «Muhtasham yuz yil» seriali yulduzi Beren Saat (Ko‘sem Sulton) qo‘lga olindi.

Hürriyet nashri xabariga ko‘ra, ushlanganlar orasida Beren Saat, model va qo‘shiqchi Ayshe Hatun Unal, xonanda Kenan Doğulu hamda ijtimoiy tarmoq yulduzi Kerimjan Durmaz bor.

Politsiya operatsiyasi davomida ushlangan shaxslar avval sud-tibbiy ekspertiza institutiga olib borilgan. U yerda ulardan qon va soch namunalari olingan, so‘ng politsiya bo‘limiga yuborilgan.

Ularga giyohvand yoki psixotrop moddalarni shaxsiy maqsadda saqlash hamda giyohvandlikka undash bilan bog‘liq ayblovlar qo‘yilmoqda.

Tintuvlar davomida ayrim manzil va ish joylaridan giyohvand moddalar hamda ularni iste’mol qilishga mo‘ljallangan...

Mutaxassislar yozning issiq kunlarida avtomobilga quyiladigan benzin tanloviga alohida e’tibor berishni tavsiya qilmoqda. Yuqori harorat dvigatel ishiga ta’sir qilishi va detonatsiya xavfini oshirishi mumkin.

Fit Service texnik direktori Nikita Rodionovning aytishicha, issiq havoda dvigatel yuqori harorat ostida ishlaydi. Bunday sharoitda yonilg‘i-havo aralashmasining noto‘g‘ri yonishi, ya’ni detonatsiya yuzaga kelish xavfi ortadi.

Uning ta’kidlashicha, AI-95 benzini yuqori harorat va katta yuklama sharoitida detonatsiyaga yaxshiroq qarshilik ko‘rsatadi. Bu ayniqsa quvib o‘tish, tog‘li yo‘llarda harakatlanish yoki avtomobil to‘liq yuklangan paytda muhim ahamiyatga ega.

Agar avtomobil ishlab chiqaruvchisi AI-95 dan foydalanishni tavsiya qilgan bo‘lsa, ayniqsa yozda arzonroq yonilg‘i uchun tavakkal qilmaslik kerak. Bu tavsiya...

Tijorat banklari tomonidan 12-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 11-iyun uchun valyutalar kursi e’lon qilingani haqida yozgan edi.

11-iyundan 12-iyunga o‘tar kechasi futbol bo‘yicha 2026-yilgi Jahon chempionatining ilk bahsi start oladi. Turnirning birinchi uchrashuvida Meksika terma jamoasi afsonaviy «Asteka» stadionida Janubiy Afrika Respublikasini qabul qiladi. Kursiv Uzbekistan nashri tomonidan O‘zbekiston ham qatnashayotgan JCh – 2026 taqvimi taqdim etiladi.

Taqvimda guruh boshchiqlaridagi barcha uchrashuvlar keltirilgan.

Ilk o‘yin bo‘lib o‘tadigan «Asteka» stadioni jahon futboli tarixidagi eng mashhur arenalardan biri hisoblanadi. Aynan shu stadionda 1986-yilgi mundialda Diego Maradona Angliyaga qarshi afsonaviy o‘yinini o‘tkazgan.

Taqvimda 12 guruhdagi barcha uchrashuvlar keltirilgan. O‘zbekiston uchun turnirning dastlabki o‘yini Toshkent vaqti bilan 18-iyun kuni soat 07:00 da boshlanadi. Raqib — Janubiy Amerikaning kuchli vakillaridan biri...

Eron AQSh prezidenti Donald Trampning Vashington va Tehron o‘rtasida tinchlik kelishuvi tez orada imzolanishi mumkinligi haqidagi bayonotini rad etdi. Bu haqda IRNA agentligi xabar berdi.

Eron Tashqi ishlar vazirligi rasmiy vakili Ismoil Baqoiyning aytishicha, kelishuvni imzolash vaqti hamda joyi haqidagi xabarlar hozircha erta va taxminiy tusga ega.

Baqoiyning ta’kidlashicha, AQSh bilan ehtimoliy kelishuv bo‘yicha hali yakuniy qaror qabul qilinmagan. Shuningdek, Tehron muzokaralarda o‘zining «qizil chiziqlari»dan voz kechmoqchi emas.

«Kelishuvni imzolash vaqti va joyi haqidagi xabarlar spekulyativ bo‘lib qolmoqda, hozircha hech narsa yakuniy kelishilgan emas», – dedi Eron TIV vakili.

Uning so‘zlariga ko‘ra, bo‘lajak kelishuv...

Jahon chempionatining guruh bosqichidagi ikkinchi bahsida Chexiya va Janubiy Koreya terma jamoalari o‘zaro kuch sinashdi.

Uchrashuvning asosiy va hal qiluvchi voqealari ikkinchi bo‘limda yuz berdi. Dastlab, 59-daqiqada chexlar hisobni ochishga muvaffaq bo‘lishdi. Qanotdan jarima maydonchasiga uzatib berilgan to‘pni Ladislav Kreychiy boshi bilan darvozaga aniq yo‘lladi. O‘tkazib yuborilgan goldan so‘ng koreyaliklar hujumkorlikni sezilarli darajada oshirishdi.

Ushbu bosim 67-daqiqada o‘z samarasini berdi va Janubiy Koreya muvozanatni tikladi. Li Kan In tomonidan jarima maydonchasiga yetkazib berilgan to‘pni Xvan In Bom ustalik bilan darvoza to‘riga joylab qo‘ydi. «Feynord» yarim himoyachisi bir harakat bilan raqib darvozaboni hamda himoyachisini chalg‘itib, bo‘sh qolgan darvozani ishg‘ol qildi.

Ilon Maskka tegishli SpaceX kompaniyasi birlamchi ommaviy joylashtiruv orqali $75 mlrd jalb qildi. Bu IPO hajmi bo‘yicha tarixdagi eng yirik ko‘rsatkich bo‘ldi.

Kompaniya Nasdaq birjasida 555,6 mln dona aksiyani har biri $135 dan joylashtirdi. Ushbu narx bo‘yicha SpaceX’ning umumiy bahosi $1,77 trlnga yetdi. Shu tariqa kosmik kompaniya dunyodagi eng qimmat kompaniyalar o‘ntaligiga kirishi mumkin.

SpaceX IPO‘si avvalgi rekordni ikki baravardan ko‘proqqa ortda qoldirdi. Bungacha eng yirik IPO Saudi Aramco neft kompaniyasiga tegishli edi. Saudiya Arabistoni kompaniyasi 2019-yilda birjaga chiqish orqali $29 mlrdga yaqin mablag‘ jalb qilgan.

SpaceX aksiyalari savdosi 12-iyun, juma kuni Nasdaq va Nasdaq Texas birjalarida SPCX tikeri...

Xitoyda Nio kompaniyasining Onvo subbrendi yangilangan Onvo L60 o‘rta o‘lchamli elektr krossoverini taqdim etdi. Bu haqda CarNewsChina nashri xabar bermoqda.

Model 106 ta yangilanishga ega bo‘ldi. Eng muhim o‘zgarishlar qatorida LiDAR sensori, ilg‘or aqlli haydovchi yordamchi tizimlari va orqa yo‘lovchilar uchun ko‘ngilochar imkoniyatlar kengaytirilgani bor.

Yangilangan Onvo L60 2026-yil 11-iyun kuni Xitoy bozorida rasman sotuvga chiqarildi. Avtomobil uchta komplektatsiyada taklif etiladi: Pro, Max+ va Ultra+. Xaridorlar mashinani to‘liq xarid qilish yoki Battery-as-a-Service, ya’ni akkumulyatorni alohida ijara qilish modeli orqali sotib olishi mumkin.

BaaS modeli bo‘yicha boshlang‘ich narx 135,8 ming yuanni tashkil etadi. Bu taxminan 20 ming dollarga teng. Dizayn...

Tailand qiroli Maha Vachiralongkornning katta farzandi, malika Bajrakitiyabha uch yildan ortiq vaqt davom etgan komadan so‘ng vafot etdi. Bu haqda mamlakat qirollik saroyi ma’lum qildi.

Malika 47 yoshda edi. U 2022-yil dekabrida itlari bilan mashq qilayotgan vaqtda hushini yo‘qotib yiqilgan. Shifokorlar uning holatini yurakdagi mikoplazma infeksiyasi sabab yuzaga kelgan og‘ir yurak ritmi buzilishi bilan izohlagan edi. Shundan beri u Bangkokdagi Chulalongkorn shifoxonasida davolanib kelayotgandi.

Qirollik saroyi bayonotida shifokorlar malikaga eng yaqin va intensiv tibbiy yordam ko‘rsatgani, biroq uning ahvoli asta-sekin yomonlashib borgani qayd etildi. Malika payshanba kuni mahalliy vaqt bilan soat 19:48 da vafot etgan.

Bajrakitiyabha 1978-yil 7-dekabrda qirol...

Motorola kompaniyasi tomonidan Braziliyada yangi Moto G Max smartfoni taqdim etildi. Bu haqda GSMArena nashri xabar bermoqda.

Model 200 megapikselli asosiy kamera, IP69 darajasidagi himoya, 120 Hz chastotali AMOLED ekran va 5200 mA/soat sig‘imli akkumulyator bilan jihozlangan. Smartfon 6,8 dyuymli AMOLED displeyga ega. Ekran 1,5K aniqlik, 120 Hz yangilanish chastotasi va 5000 nitgacha maksimal yorqinlikni qo‘llab-quvvatlaydi. Displey Gorilla Glass 7i himoya oynasi bilan qoplangan.

Moto G Max MediaTek Dimensity 6400 protsessori asosida ishlaydi. Qurilmada 8 GB tezkor xotira va 256 GB ichki xotira mavjud.

Smartfonning asosiy kamerasi 200 megapikselli bosh sensor va 8 megapikselli qo‘shimcha moduldan iborat. Old kamera...

12-iyun sanasi kino olamidagi yorqin premyeralar, muhim siyosiy jarayonlar va taniqli futbol yulduzlarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1915-yili dunyoga mashhur amerikalik bankir va milliarder, Rokfellerlar sulolasining yirik vakili Devid Rokfeller dunyoga kelgan. U uzoq yillar davomida «Chase Manhattan» bankiga rahbarlik qilgan hamda global moliya sohasidagi eng ta’sir doirasi keng shaxslardan biriga aylangan. Rokfeller 2017-yilda 101 yoshida vafot etgan.

1979-yilda argentinalik afsonaviy hujumchi Diego Milito tavallud topgan. U 2010-yilda Italiyaning «Inter» klubi tarkibida Yevropa Chempionlar ligasi finalida dubl qayd etib, jamoasiga g‘alaba keltirgani bilan o‘zbekistonlik muxlislar qalbida mangu qolgan...

Meksikaning Mexiko shahrida start olgan futbol bo‘yicha Jahon chempionatining dastlabki bahsida turnir mezbonlaridan biri JAR termasini qabul qildib, ishonchli g‘alabaga erishdi.

Uchrashuv mezbonlarining ustunligi bilan boshlandi. Dastlabki daqiqalardayoq Raul Ximenesning xavfli zarbasini JAR darvozaboni qiyinchilik bilan qaytardi. 9-daqiqaga kelib esa meksikaliklar o‘z maqsadiga erishdi. Jarima maydonchasi ichida yuzaga kelgan vaziyatdan unumli foydalangan Xulian Kinyones aniq zarbasi bilan hisobni ochdi.

Ikkinchi bo‘limda ham meksikaliklar hujumkor o‘yinni davom ettirdi. O‘yinning 50-daqiqasida JARning ahvoli yanada og‘irlashdi. Sifepelo Sitole raqibiga nisbatan qo‘pol harakat qilgani uchun bosh hakam tomonidan so‘nggi umid foli sifatida baholanib, unga qizil kartochka ko‘rsatildi va u maydondan chetlatildi.

67-daqiqada mezbonlar...

11-iyun kuni Meksika poytaxtidagi «Asteca» stadionida futbol bo‘yicha 2026-yilgi Jahon chempionatining ochilish marosimi o‘tkazildi. Unda turnirning rasmiy taronalari ijro etildi.

Marosim Marko Balich rahbarligida sahnalashtirilgan bo‘lib, u Meksikaning an’anaviy «papel picado» qog‘oz san’ati va folkloriga bag‘ishlandi. Ochilishda Shakira hamda Burna Boy rasmiy Dai Dai qo‘shig‘ini kuyladi.

Shuningdek, Andrea Bochelli, EJAE, David Guetta va Megan Thee Stallion ishtirokida chempionatning rasmiy madhiyasi ijro etildi. Marosimda J Balvin, Ryan Kastro, Belinda kabi Lotin Amerikasi musiqasi vakillari qatnashdi.

Avvalroq Kursiv nashri Jaloliddin Masharipovning holati yuzasidan rasmiy bayonot berilgani haqida xabar bergan edi.

AQSh Eronni ketma-ket ikkinchi kecha bombardimon qildi

AQSH harbiylari Erondagi bir nechta nishonlarga ikkinchi oqshom ketma-ket zarba berdi. Amerika rasmiylariga ko‘ra, harbiy amaliyotdan maqsad Tehronni kelishuv imzolashga majbur qilishdir, deya xabar bermoqda Axios.

Davomi…

Jahon chempionatiga borayotgan oʻzbekistonliklarga tavsiyalar berildi

O‘zbekiston Tashqi ishlar vazirligi AQSh va Meksikada bo‘lib o‘tadigan futbol bo‘yicha Jahon chempionatiga borishni rejalashtirayotgan o‘zbekistonlik muxlislarga muhim tavsiyalar berdi.

Davomi…

O‘zbekistonda avtomobilni rasmiylashtirish narxi yana oshdi

O‘zbekistonda avtomobilni rasmiylashtirish narxi yana oshdi. Autostrada nashrining yozishicha, DYHXXda to‘liq rasmiylashtirish 6 mln 31 ming 680 so‘mni tashkil etmoqda.

Davomi…

Yangi lokal yo‘l va 2000 o‘rinli avtoturargoh — Sergeli avtomobil...