Yangiliklar

O‘zbekistonda faol turizmni rivojlantirish doirasida tog‘li va chegaraoldi hududlarga tashrif buyurish tartibini yengillashtirish rejalashtirilmoqda. Tegishli qaror loyihasida turistlar uchun ruxsat olish jarayonini raqamlashtirish, xavfsizlik choralarini kuchaytirish hamda yangi turizm xizmatlarini rivojlantirish bo‘yicha qator takliflar ilgari surilgan.

Ruxsatnomani onlayn olish imkoniyati yaratiladi

Loyihaga ko‘ra, mahalliy aholi va xorijiy sayyohlar chegaraoldi hududlariga kirish uchun zarur maxsus ruxsatnomani Yagona interaktiv davlat xizmatlari portali orqali olishlari mumkin bo‘ladi. Mazkur xizmatni ikki oy ichida ishga tushirish va ruxsatnomani 10 kun muddatda rasmiylashtirish ko‘zda tutilgan.

Keyinchalik xizmatni milliy turizm yagona platformasiga integratsiya qilish rejalashtirilmoqda.

Tog‘ yo‘llarida transportga alohida talablar qo‘yiladi

Chorvoq, Zomin va...

Surxondaryo viloyatining Denov tumanida noqonuniy qurilgan uy sud qarori asosida buzilganidan so‘ng, u yerda yashagan oilaga yangi uy-joy qurib berilishi ma’lum qilindi. Bu haqda viloyat Majburiy ijro byurosi xabar berdi.

Uy sud qarori bilan buzilgan

Avvalroq ijtimoiy tarmoqlarda Denovda fuqaroning uyi ogohlantirishsiz buzilayotgani haqida xabarlar tarqalgandi. Majburiy ijro byurosi holatga aniqlik kiritib, buzish ishlari sud hujjati asosida amalga oshirilganini bildirdi.

Gap G‘alaba massivi, Chuqurqishloq mahallasida joylashgan 0,20 gektar sug‘oriladigan qishloq xo‘jaligi yerida qurilgan uy va boshqa inshootlar haqida ketmoqda. Sud qarorida ushbu yer maydonini noqonuniy qurilmalardan tozalash va avvalgi holatiga qaytarish belgilangan.

Qaror ijrosi 7-avgustda ta’minlangan

Argentinalik futbolchi Lionel Messi va uning oilasi 9-avgust kuni otasi Xorxe Messini Argentinaning Rosario shahri yaqinidagi xususiy qabristonda so‘nggi yo‘lga kuzatdi. Bu haqda EFE nashri xabar berdi.

Messining oilasi Rosario shahriga yetib bordi

68 yoshida vafot etgan Xorxe Messining dafn marosimi tor doirada va kuchaytirilgan xavfsizlik choralari ostida o‘tkazildi. Lionel Messi rafiqasi Antonela Rossuzzo va farzandlari bilan 8 avgust kuni AQShdan xususiy samolyotda Rosario shahriga yetib kelgan.

Marosim o‘tkazilgan El Prado qabristoni oilaga ko‘proq maxfiylik yaratish maqsadida tashrif buyuruvchilar uchun vaqtincha yopilgan.

Muxlislar Messiga dalda berdi

Messining otasi vafot etgani haqidagi xabar ortidan muxlislar ham...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 31-iyuldan 7-avgustgacha bo‘lgan davrda ijobiy dinamikani ko‘rsatib, UCI fond indeksi 6,48 foizga oshdi.

Ushbu davr mobaynida «Buxoroneftgazparmalash» aksiyalari eng katta o‘sishga erishib, 75,77 foizga qimmatlashdi. Shuningdek, «O‘zbektelekom» (+73,91%) va «Turonbank» aksiyalarida (+51,92%) ham o‘sish qayd etildi.

O‘z navbatida, «BRB» aksiyalari 16,87 foizga arzonlashib, haftaning eng katta pasayishini qayd etdi. Bundan tashqari, «O‘ztransgaz» (-9,35%) va ««Ipoteka-bank» (-7,90%) aksiyalari ham pasayish bilan ajralib turdi. Faqatgina «Aloqabank», «Kapital sug‘urta», «SQB», «O‘zbekgeofizika» va «Uzbekinvest» aksiyalari narxida o‘zgarish kuzatilmadi.

Bitimlar soni bo‘yicha «O‘zbektelekom» (5 042 ta), «Ipoteka-bank» (4 626 ta) va UzNIF (4 244 ta) peshqadam bo‘ldi.

O‘zbekistonda qiymati 440 mln so‘mgacha bo‘lgan elektromobillarni xarid qilish uchun olingan avtokreditlar foizining bir qismini Davlat budjetidan qoplash taklif etilmoqda. Iqtisodchi Otabek Bakirov bu tashabbusni keskin tanqid qilib, budjet mablag‘larini nisbatan qimmat avtomobil xaridorlarini qo‘llab-quvvatlashga yo‘naltirish o‘rniga elektromobillar uchun utilizatsiya yig‘imini kamaytirish yoki bekor qilish ma’qulroq ekanini ta’kidladi.

Kredit foizining bir qismi budjetdan qoplanadi

Loyihaga ko‘ra, birlamchi bozordan elektromobil xarid qilish uchun olingan avtokreditlar bo‘yicha foiz xarajatlarining 8 foiz bandigacha bo‘lgan qismi davlat tomonidan kompensatsiya qilinadi. Kompensatsiya 1000 BHMdan, ya’ni 440 mln so‘mdan oshmaydigan elektromobillar uchun qo‘llanadi. Kredit miqdori esa 300 mln...

UzAuto Motors 2026-yilning yanvar–iyun oylarida 82 951 dona Chevrolet Cobalt ishlab chiqardi. Bu o‘tgan yilning shu davriga nisbatan 13,5 foizga ko‘p. Autostrada nashrining yozishicha, modelning O‘zbekiston ichki bozoridagi savdosi 39,4 foizga kamayib, 40 936 donani tashkil etdi.

Yarim yil davomida ishlab chiqarilgan Cobalt’larning 49,3 foizi O‘zbekiston bozorida sotilgan. Ishlab chiqarish va ichki savdo o‘rtasidagi farq qariyb 42 mingta avtomobilni tashkil qilgan.

Mazkur farqning bir qismi eksportga yuborilgan bo‘lishi mumkin. Qolgan avtomobillarning qancha qismi omborlarda saqlanayotgani haqida esa ochiq ma’lumot keltirilmagan.

Bir yil avval ishlab chiqarilgan Cobalt’larning 92 foizi ichki bozorda sotilgan

2025-yilning birinchi yarmida UzAuto Motors...

«Al-Hussayn» bosh murabbiyi «Paxtakor»ga qarshi o‘yin oldidan o‘tkazilgan matbuot anjumanida jamoasi tarixiy natija uchun maydonga tushishini aytdi, deb xabar berdi Kursiv Uzbekistan muxbiri. Uning ta’kidlashicha, Iordaniya klubi Osiyo chempionlar ligasi (OChL) Elit bosqichiga yo‘l olgan mamlakatdagi birinchi jamoa bo‘lishni maqsad qilgan.

«Paxtakor» bosh murabbiyi anjumanda qatnashmadi

Kursiv Uzbekistan muxbiri bildirishicha, o‘yin oldidan bo‘lib o‘tgan matbuot anjumanida «Paxtakor» bosh murabbiyi Kamoliddin Tojiyev ishtirok etmadi.

Anjumanda «Al-Hussayn» bosh murabbiyi «Paxtakor»ni hurmat qilishini, biroq jamoasi g‘alaba uchun bor kuchi bilan harakat qilishini bildirdi.

«Al-Hussayn» tarixiy natijaga intilmoqda

Iordaniya klubi bosh murabbiyining aytishicha, «Al-Hussayn» Elit OChLga chiqqan birinchi Iordaniya klubi bo‘lishni istaydi.

Chevrolet 2026-yil avgust oyida Chevrolet Tahoe SUV modeli uchun yangi moliyaviy takliflarni e’lon qildi. Bu haqda GMAutority nashri xabar bermoqda.

AQSH bozorida 2026-yilgi Chevrolet Tahoe’ni uzoq muddatli kredit asosida xarid qilish mumkin, ayrim dilerlik markazlarida esa lizing dasturlari ham mavjud. Takliflar 2026-yil 31-avgustgacha amal qiladi.

Kredit muddati 84 oygacha yetadi

2026-yilgi Chevrolet Tahoe’ni GM Financial orqali moliyalashtirishda 60 oygacha bo‘lgan kredit uchun yillik stavka 5,9 foiz etib belgilangan.

Kredit muddati 84 oygacha uzaytirilsa, yillik stavka 6,9 foizni tashkil qiladi. Ayrim hududlarda dilerlik markazlari alohida lizing shartlarini ham taklif qilmoqda.

Taklifdan foydalanish uchun avtomobil 31-avgustgacha xaridorga topshirilishi kerak. Imtiyozlar...

Namangan shahrida ikki nafar fuqaroni yoshga doir nafaqaga chiqarish va ularning nafaqa pullarini oshirib berishni va’da qilgan mutaxassis ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Departamentning Namangan shahri bo‘limi xodimlari tomonidan o‘tkazilgan tezkor tadbirda Budjetdan tashqari Pensiya jamg‘armasi Namangan shahar bo‘limi bosh mutaxassisi ashyoviy dalillar bilan ushlangan.

200 dollar va 4,8 mln so‘m olgani aytilmoqda

Tergovga qadar tekshiruv ma’lumotlariga ko‘ra, u ikki nafar fuqaroni yoshga doir nafaqaga chiqarish hamda ularga tayinlanadigan nafaqa miqdorini oshirib berishni va’da qilgan.

Buning evaziga u fuqarolardan $200 va 4,8 mln so‘mni firibgarlik yo‘li bilan olayotgan vaqtida tezkor...

Apple 10-avgustdan iPhone 17 smartfonlari narxini 50 – 100 dollarga oshirishi mumkin. Bu haqda MacRumors xabar berdi.

Bunga yarimo‘tkazgich xotiralari bozoridagi inqiroz sabab bo‘layotgani aytilmoqda. Kompaniya ayni vaqtda iPhone 18 taqdimotiga tayyorgarlik doirasida ishlab chiqarish quvvatlarini 30 foizga qisqartirishni rejalashtirayotgani haqida ham ma’lumotlar paydo bo‘ldi.

iPhone 17 narxi qanchaga oshadi?

Insayderlar ma’lumotlariga ko‘ra, Apple 10-avgust, dushanba kunidan boshlab iPhone 17 narxlarini jahon bozorida qayta ko‘rib chiqishi mumkin.

Avvalroq kompaniya Mac, iPad va Apple Vision qurilmalari narxlarini oshirgan edi. iPhone liniyasi esa hozircha bu o‘zgarishlardan chetda qolgan. Istisno tariqasida Yaponiyada iPhone narxi allaqachon 8 – 11 foizga oshirilgan.

Qozog‘iston Moliyaviy monitoring agentligi Maxa.dxb nomi bilan tanilgan o‘zbekistonlik bloger Mahmud Hikmatovni xalqaro qidiruvga berdi. U noqonuniy internet-kazinolarni reklama qilish bilan bog‘liq ish doirasida gumon qilinmoqda.

Agentlik ma’lumotiga ko‘ra, Hikmatov 2000-yilda O‘zbekistonda tug‘ilgan. Sud unga nisbatan qamoqqa olish tarzidagi ehtiyot chorasini tanlagan. Uning qayerdaligi haqida ma’lumot bergan shaxsga mukofot va anonimlik kafolatlanishi ma’lum qilingan.

35 dan ortiq bloger jalb qilingani aytilmoqda

Tergov ma’lumotlariga ko‘ra, Qozog‘istonda noqonuniy qimor o‘yinlarini targ‘ib qilishga qaratilgan keng ko‘lamli sxema faoliyat yuritgan.

Sxema doirasida qimor o‘yinlari uchun maxsus interfeyslar yaratilgan, to‘lovlar ekvayring, mobil pul o‘tkazmalari hamda kriptovalyuta orqali qabul qilingan. Yangi foydalanuvchilarni jalb qilish...

Qozog‘istonda 2 – 9-avgust kunlari 47 ta o‘rmon yong‘ini qayd etildi. Mamlakat Ekologiya va tabiiy resurslar vazirligi ma’lumotiga ko‘ra, barcha yong‘in o‘choqlari o‘z vaqtida nazoratga olinib, bartaraf etilgan.

26 ta yong‘in davlat o‘rmon fondi hududida yuz berdi

Qayd etilgan yong‘inlarning 21 tasi mahalliy ijro etuvchi organlar tasarrufidagi o‘rmon xo‘jaliklarida sodir bo‘lgan. Yana 26 ta yong‘in davlat o‘rmon fondiga qarashli yerlar hududida aniqlangan.

Yong‘in o‘choqlari davlat o‘rmon qo‘riqlash xizmati tomonidan yer usti patrullari vaqtida, «Kazavialesoohrana» aviatsiyasi orqali havodan kuzatuvlar olib borish jarayonida hamda o‘rmon yong‘inlarini erta aniqlash tizimlari yordamida aniqlangan.

Yong‘inlarni o‘chirishga aviatsiya ham jalb qilindi

Yong‘inlarni bartaraf...

Chevrolet’ning 2027-yilgi o‘rta o‘lchamli pikapi yangi qulaylik funksiyasini oladi. GM Authority ma’lumotiga ko‘ra, modelda old yo‘lovchi o‘rindig‘ini elektr orqali olti yo‘nalishda sozlash imkoniyati paydo bo‘ladi.

Bu ushbu avlod pikapi uchun ilk shunday imkoniyat bo‘ladi. Funksiya bel tayanchini elektr sozlash imkoniyatini ham o‘z ichiga oladi.

Funksiya barcha talqinlarda bo‘lmaydi

Yangi o‘rindiq funksiyasi faqat Colorado Z71 va Colorado ZR2 talqinlarida Convenience Package III paketi tarkibida taklif etiladi.

WT, LT, Trail Boss, Z71 va ZR2 talqinlarida esa standart holatda old yo‘lovchi o‘rindig‘i qo‘lda to‘rt yo‘nalishda sozlanadigan bo‘ladi.

Qulaylik va ko‘rinish yaxshilanadi

Yangi funksiya kundalik foydalanishda qulaylikni oshirishi kutilmoqda. Ayniqsa, bo‘yi...

O‘zbekiston fuqarolarini xorijda tashkil etilgan tartibda ishga joylashtirish geografiyasi kengaymoqda. Endilikda Fransiya ham ushbu yo‘nalishdagi davlatlar qatoriga qo‘shildi. Bu haqda Migratsiya agentligi xabar berdi.

Agentlik tomonidan tashkil etilgan pilot loyiha doirasida O‘zbekiston fuqarolarini Fransiyada mavsumiy qishloq xo‘jaligi ishlariga joylashtirish bo‘yicha amaliy bosqich boshlandi.

Dastlabki e’lon va saralash

Joriy yilning 12-iyun kuni Fransiyada mavsumiy qishloq xo‘jaligi ishlarida ishlash istagidagi nomzodlar uchun e’lon berilgan. 1-iyul kuni esa saralangan nomzodlar Fransiyadagi ish beruvchilar ishtirokida onlayn suhbatdan o‘tkazilgan.Natijada pilot loyiha doirasida 10 nafar nomzod ish beruvchilar tomonidan tanlab olingan.

Dastlabki e’lon va saralash

Tanlab olingan 10 nafar nomzoddan dastlabki...

Sony kompaniyasining yangi smartfonlariga tegishli uchta model raqami GSMA IMEI bazasida qayd etildi. Dastlabki taxminlarga ko‘ra, ular kelajakdagi Xperia 1 IX flagmaniga tegishli bo‘lishi mumkin.

Uch xil bozor uchun versiyalar tayyorlanmoqda

Dastlabki ma’lumotlarga ko‘ra, XQ-HH44 Yaponiya bozori uchun mo‘ljallangan, operatorga bog‘lanmagan versiya bo‘lishi mumkin.

XQ-HH54 modeli Yevropa va boshqa xalqaro bozorlarga, XQ-HH74 esa Xitoy va unga yaqin hududlar uchun mo‘ljallanishi taxmin qilinmoqda.

Model indeksining oxiridagi «4» raqami eSIM texnologiyasini qo‘llab-quvvatlashga ishora qilishi mumkin.

Bundan tashqari, Yaponiyaga mo‘ljallangan XQ-HH44 versiyasi 3GPP standartlari asosidagi sun’iy yo‘ldosh aloqasiga mos qurilma sifatida ham qayd etilgan.

Bu Xperia 1 IX bo‘lishi mumkin

Huawei Mate 90 seriyasi ekrandagi ma’lumotlarni yon tomondan qarayotgan odamlardan yashirishga yordam beradigan yangi Privacy Display texnologiyasi bilan chiqishi mumkin. Ma’lumotlarga ko‘ra, bu funksiya displey darajasida ishlaydi va maxsus himoya plyonkasiga ehtiyojni kamaytiradi.

Privacy Display apparat darajasida ishlaydi

Huawei bu texnologiyani avval MateBook Pro S noutbukida taqdim etgan.

Oddiy maxfiylik plyonkalari ekranning ko‘rish burchagini qo‘shimcha qoplama orqali toraytiradi. Privacy Display esa bevosita displeyning apparat qismida amalga oshiriladi.

Himoya plyonkasi kerak bo‘lmasligi mumkin

Mate 90’da bunday funksiya bo‘lsa, foydalanuvchilarga ekranni begona nigohlardan himoya qilish uchun alohida maxsus plyonka kerak bo‘lmasligi mumkin.

Texnologiya ekranga yon tomondan qaralganda tasvirni yashirishga...

SAIC kompaniyasi MG 07 modelining plug-in gibrid versiyasini rasmiy saytiga joylashtirdi. Bu haqda CarNewsChina nashri xabar bermoqda.

Yangi MG 07 PHEV faqat elektr energiyasida 245 kilometrgacha, umumiy hisobda esa 1 745 kilometrgacha masofa bosib o‘ta oladi.

Gibrid versiyaning narxi hozircha e’lon qilinmagan. Modelning to‘liq elektr versiyasi esa 29-iyul kuni Xitoyda 125,9 ming yuan, ya’ni qariyb $18,5 mingdan boshlanuvchi narxda oldindan sotuvga chiqarilgan edi.

Ikki xil versiyada taklif qilinadi

MG 07 PHEV ikki komplektatsiyada – 245 Comfort Edition va 245 LiDAR Edition variantlarida sotuvga chiqariladi. Avtomobilning uzunligi 4 886 mm, kengligi 1 900 mm, balandligi 1 478 mm ni...

8-avgust kuni Portugaliyaning Madeyra orolida Krishtianu Ronalduning 2 mingdan ortiq muxlisi futbolchi va uning qaylig‘i Jorjina Rodrigesning to‘yi bo‘lyapti, deb o‘ylab, boshqa juftlikning to‘yiga tashif buyurishgandi. Keyinroq bu Ronaldu va Jorjinaning emas, boshqa juftlikning to‘yi ekani ma’lum bo‘ldi. Futbolchi esa holatga kulgi emojilari bilan munosabat bildirdi.

Ronaldu kulgi bilan munosabat bildirdi

Hodisa haqida Madeyradagi mahalliy sahifalardan biri Instagram’da xabar berdi.

Ronaldu ushbu post ostida beshta kulib yig‘layotgan emoji qoldirdi. Bu uning adashilgan to‘y voqeasiga hazil bilan qaraganini ko‘rsatdi.

Mish-mishlarga Ronalduning opasi ham sabab bo‘lgan bo‘lishi mumkin

Xabarlarga ko‘ra, Ronalduning opasi Katya Aveyru Madeyraga «ziyofat» uchun kelganini yozgan. Bu esa muxlislar...

2026-yilning yanvar – iyun oylarida O‘zbekistonda 373 ming 389 ta tirik tug‘ilish holati qayd etildi. Bu haqda Milliy statistika qo‘mitasi xabar berdi.

Tug‘ilgan chaqaloqlarning 51,7 foizini o‘g‘il bolalar tashkil qilgan.

O‘g‘il bolalar ulushi yuqori

Qo‘mitaning ma’lumotlariga ko‘ra, yilning dastlabki olti oyida:
192,9 ming nafar o‘g‘il bola – 51,7 foiz;
180,5 ming nafar qiz bola – 48,3 foiz.

Shunday qilib hisobot davrida o‘g‘il bolalar qiz bolalarga nisbatan qariyb 12,4 ming nafarga ko‘proq tug‘ilgan.

Tug‘ilishning qaysi qismi shaharlarga to‘g‘ri keladi

Qayd etilgan tug‘ilishlarning 49 foizi shahar joylarda, 51 foizi esa qishloq joylarda qayd etilgan.

Har ming aholiga 19,6 ta tug‘ilish

Toshkent viloyati Angren shahrida fuqaroni Janubiy Koreyaga ishga yuborishni va’da qilib, undan $5,9 ming olgan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Qanday qo‘lga olindi

Departamentning Angren shahri bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan. Unda fuqaro boshqa fuqaroning ishonchiga kirib, yuqori lavozimlarda ishlovchi tanishlari orqali uni Koreyaga ishga yuborishni va’da qilgani aniqlangan. U buning evaziga $5,9 mingni olayotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi — firibgarlik hamda 28, 211-moddalari – pora berish bilan bog‘liq jinoyatlar bo‘yicha jinoyat ishi qo‘zg‘atildi. Hozirda ish...

Pokistonning Khan International Investment Consortium kompaniyasi O‘zbekistonda mehmonxona biznesi, ko‘chmas mulk va turarjoy majmualari yo‘nalishlarida investitsiya loyihalarini amalga oshirishni rejalashtirmoqda. «Dunyo» axborot agentligiga ko‘ra, kompaniya AQShning Best Western xalqaro mehmonxona brendini O‘zbekiston bozoriga olib kirish niyatida.

Elchi kompaniya rahbari bilan muzokara o‘tkazdi

O‘zbekistonning Pokistondagi elchisi Alisher To‘xtayev Khan International Investment Consortium bosh direktori Habib Xan bilan uchrashdi.

Muloqotda O‘zbekistondagi investitsiya muhiti, xorijiy sarmoyadorlar uchun yaratilgan imkoniyatlar va mamlakatning turizm salohiyati muhokama qilindi.

Best Western brendi O‘zbekistonga kirishi mumkin

Habib Xanning aytishicha, kompaniya Pokiston va AQShda mehmonxonalarni boshqarish hamda ularga xizmat ko‘rsatish sohalarida faoliyat yuritadi.

U kompaniya O‘zbekistondagi...

Bugun Jorjina Rodriges ko‘pchilikka Krishtianu Ronalduning jufti, model va ijtimoiy tarmoqlardagi mashhur shaxs sifatida tanish. Biroq uning hozirgi hashamatli hayotidan oldingi davri ancha boshqacha bo‘lgan. Kursiv Uzbekistan Jorjina Rodriges haqidagi beshta qiziqarli faktni jamladi.

1-fakt. Balet uning bolalikdagi eng katta mashg‘uloti bo‘lgan

Jorjina Rodriges 1994-yilda Argentinaning Buenos-Ayres shahrida tug‘ilgan, biroq bolaligining katta qismini Ispaniyaning shimoli-sharqidagi Xaka shahrida o‘tkazgan. Oilaning moliyaviy imkoniyatlari har doim ham yetarli bo‘lmagan. Netflix’ning Tudum nashri yozishicha, maktab davrida Jorjina o‘zini ko‘pincha yolg‘iz his qilgan va aynan onasi uni balet mashg‘ulotlariga olib borgan. Raqs keyinchalik uning sevimli mashg‘ulotiga aylangan.

U balet bilan 16 yoshigacha shug‘ullangan. Keyinchalik...

Eron davlat agentligi – Mehr mamlakat oliy rahbari Mojtaba Xomanaiyning mart oyidan beri ommaga ko‘rsatilmagan ilk videosini e’lon qildi.

Kadrlar qachon tasvirga olingani ma’lum qilinmagan.

Mojtaba xalq bilan birga

Qisqa videoda Mojtaba Xomanaiy bir necha kishi qurshovida o‘tirgani aks etgan. Uning aynan qachon tasvirga olingani yoki video qanday sharoitda suratga tushirilgani ochiqlanmagan.

U mart oyida otasi Ali Xomanaiy vafot etganidan so‘ng Eronning yangi oliy rahbari etib tayinlangan. Ali Xomanaiy 28-fevral kuni AQSh va Isroil zarbasi oqibatida halok bo‘lgan.

Bir necha oy davomida jamoatchilikka ko‘rinmadi

Mojtaba Xomanaiy otasining o‘limiga sabab bo‘lgan zarbalar vaqtida jarohat olgani haqida xabarlar tarqalgan. Shundan keyin u ommaviy tadbirlarda deyarli ko‘rinmagan.

Uning...

Tijorat banklari tomonidan 10-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 10-avgust uchun valyutalar kursi e’lon qilingani haqida yozgan edi.