Yangiliklar

O‘zbekistonning oltin-valyuta zaxiralari 2026-yil 1-sentabr holatiga $72,1 mlrdni tashkil qildi. Bu ko‘rsatkich 1-avgustga nisbatan $7,8 mlrd yoki 12,1 foizga oshganini ko‘rsatadi.

«O‘zbekiston respublikasining yalpi xalqaro zaxiralari hajmi 2026-yil avgust oyida $7,8 mlrdga oshdi. Xususan, oy davomida oltin narxining $4,1 mingdan $4,6 minggacha o‘sishining ta’siri +7,8 mlrd dollarni tashkil etdi», – deyiladi regulyator izohida.

O‘sish asosan oltin zaxiralari hisobiga yuz berdi. Avgust boshida $56,1 mlrd bo‘lgan oltin qiymati sentabr boshiga kelib $65 mlrdga oshdi. Oltinning jismoniy hajmi ham, 13,8 mlndan oshib, 14,1 mln unsiyaga yetdi.

Ammo xorijiy valyutadagi aktivlarda tushish kuzatildi. Ularning hajmi avgust boshidagi...

Milliy statistika qo‘mitasi ma’lumotlariga ko‘ra, 2026-yil avgust oyida O‘zbekistonda 1 kg palov tayyorlash uchun zarur mahsulotlarning hisoblangan qiymati hududlarga qarab 109,6 ming so‘mdan 130,3 ming so‘mgacha bo‘lgan. 

Eng qimmat palov Toshkentda

1 kg palov tayyorlash eng qimmat Toshkent shahrida — 130 285 so‘mni tashkil etgan. Undan keyingi o‘rinlarda Farg‘ona viloyati — 126 711 so‘m va Toshkent viloyati — 124 226 so‘m qayd etilgan.

Samarqand viloyatida bu ko‘rsatkich 123 498 so‘m, Qashqadaryoda 122 257 so‘m, Surxondaryoda 121 367 so‘m, Navoiyda 120 850 so‘m, Buxoroda 120 600 so‘mni tashkil qilgan.

Xorazmda 1 kg palov tayyorlash qiymati 119 940 so‘m...

Tijorat banklari tomonidan 8-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 8-sentabr uchun valyutalar kursi e’lon qilingani haqida yozgan edi.

«Mashinalar» multfilmining afsonaviy qahramoni Makvinning nusxasi Formula-1 bo‘yicha Italiya Gran-prisida Monza trassasida paydo bo‘ldi. Bu haqda Formula-1 matbuot xizmati ma’lum qildi. 

«Mashinalar» 20 yoshda

Maxsus chiqish Formula-1, Disney va Pixar hamkorligida tashkil etilmoqda. Tadbir «Mashinalar» animatsion filmi franshizasining 20 yilligiga bag‘ishlangan.

Makvin nusxasi Monza trassasida faxriy aylanishni amalga oshirdi.

Shuningdek, rasmiy xavfsizlik avtomobili — Mercedes-AMG GT 63 PRO ham multfilm uslubidagi maxsus dizaynda namoyish etildi.

Pixar qahramoni va Formula-1 hamkorligi

Multfilm Pixar studiyasi tomonidan Walt Disney uchun ishlangan va ilk bor 2006-yilda ekranlarga chiqarilgan.

Formula-1 va Disney hamkorligidagi mazkur aksiya so‘nggi yillarda avtopoygalarni yosh auditoriyaga...

Fransiya prezidenti Emmanuel Makron sun’iy intellekt kino ijodkorlarining o‘rnini bosmasligi kerakligini aytdi. U Sen-Pol-de-Vens shahrida o‘tkazilgan xalqaro kino sammitida SI ustidan nazoratni kuchaytirishga chaqirdi. Prezidentning so‘zlarini Agence France Presse keltirdi. 

Kino sohasi uchun 1 mlrd yevrolik fond

Sammitda Fransiya va Janubiy Koreya kino va boshqa media yo‘nalishlarini qo‘llab-quvvatlash uchun 1 mlrd yevrolik fond tashkil etishini e’lon qildi. Mablag‘ keyingi besh yil davomida ikki mamlakatdagi animatsiya va boshqa tasviriy kontent bilan shug‘ullanuvchi kompaniyalarni qo‘llab-quvvatlashga yo‘naltiriladi.

Tadbirda 65 mamlakatdan 220 ga yaqin vakil ishtirok etdi. Ular kino va media industriyasining sun’iy intellekt, kinoteatrlarga tashriflar kamayishi hamda smartfon va boshqa raqamli...

Xitoyda sun’iy intellekt yordamida ishlab chiqilgan ilk innovatsion dori bozorga chiqarish uchun tasdiqlandi. Mprosevir nomli preparat yengil va o‘rtacha darajadagi COVID-19 bilan kasallangan katta yoshli bemorlarni davolashda qo‘llanadi. Bu haqda Global Times xabar berdi. 

Preparat Westlake University, Westlake Laboratory va Westlake Pharmaceuticals tomonidan ishlab chiqilgan. Xitoy Milliy tibbiy mahsulotlar ma’muriyati uni chiqarish uchun shartli ruxsat bergan.

49 mlrd birikma orasidan nomzod tanlangan

Uni yaratishda sun’iy intellekt va DNK-kodlangan ma’lumot texnologiyasi qo‘llangan. Tadqiqotchilar preparat yaratish jarayonining dastlabki bosqichida 49 mlrd kimyoviy birikmadan iborat ma’lumotlardan foydalangan.

Keyinchalik SI modeli ularning sonini bir necha kun ichida to‘qqiztagacha qisqartirgan. Ushbu...

Indoneziyada Anak Krakatau vulqonining otilishi oqibatida ikki kun davomida yopiq qolgan beshta aeroport seshanba kuni yarim tundan keyin faoliyatini qayta boshladi. Bu haqda BBC xabar bermoqda.

Vulqon faolligi qariyb 3 mingta reysning buzilishiga sabab bo‘ldi, 340 mingdan ortiq yo‘lovchi esa aeroportlarda qolib ketdi.

Anak Krakatau juma kuni kechqurun otila boshlagan. Vulqondan lava favvoralari otilib, kul bulutlari Jakarta shahri hamda Lampung provinsiyasigacha yetib borgan. Dam olish kunlari davomida hududda seysmik faollik yuqori bo‘lib qoldi.

Jakarta aeroporti ikki kun faoliyatini to‘xtatdi

Jakartadagi Soekarno-Hatta xalqaro aeroporti yakshanba kuni ertalab reyslarni to‘xtatgan birinchi aeroport bo‘ldi. U faqat seshanba kuni soat 00:30 da...

Toshkentning Yashnobod tumanidagi 151-maktabda 3-sinf o‘quvchisi og‘ziga solingan metall buyum sabab shifoxonaga yotqizilib, jarrohlik amaliyotini boshdan kechirgani aytilmoqda. Holat yuzasidan huquqni muhofaza qiluvchi organlar tergovga qadar tekshiruv olib bormoqda.

Holat maktab hojatxonasida sodir bo‘lgan

Toshkent shahar maktabgacha va maktab ta’limi boshqarmasining rasmiy munosabatiga ko‘ra, hodisa 2-sentabr kuni Yashnobod tumanidagi 151-maktabda sodir bo‘lgan.

Ma’lum qilinishicha, maktabning 3-sinf o‘quvchisi hojatxonaga chiqqan vaqtda yuqori sinf o‘quvchilari uning og‘ziga noma’lum jism solgan.

5-sentabr kuni bolaning sog‘lig‘i yomonlashgani sababli u shifoxonaga olib borilgan. Tibbiy tekshiruvlar davomida bolaning ichki qismida metall buyum borligi aniqlangan.

Bola operatsiya qilingani aytilmoqda

Ijtimoiy tarmoqlarda tarqalgan audioyozuvda...

Blackview kompaniyasi IFA 2026 ko‘rgazmasida yangi himoyalangan Blackview Xplore 6 smartfonini namoyish etdi. Bu haqda Notebookcheck nashri xabar bermoqda.

Modelning eng noodatiy jihatlaridan biri tashqi telekonverterni ulash imkoniyati bo‘ldi. Uning yordamida smartfonning periskop teleobyektividagi 3 karra optik zum 10 karra kattalashtirishgacha oshadi.

10 karra zum uchun alohida telekonverter

Xplore 6 uchun 3,33 karra telekonverter maxsus himoya g‘ilofga o‘rnatiladi. Aksessuar ulangach, smartfon uni avtomatik aniqlaydi va kamera ilovasida tegishli belgi paydo bo‘ladi.

Shunda ekvivalent fokus masofasi 230 mm gacha yetadi. Raqamli zum bilan birgalikda esa bu ko‘rsatkich 1600 mm gacha oshishi mumkin.

To‘rtta 50 MP kamera

Smartfonning asosiy...

Avtomobil dvigatelidagi motor moyini yangilash texnik xizmatning eng muhim qismlaridan biri hisoblanadi. «O‘zavtosanoat» AJ bu yo‘nalishda video tayyorladi.

Ayrim haydovchilar moyni almashtirib, eski moy filtrini qoldirish mumkin deb hisoblaydi. Filtr tashqi ko‘rinishda hali yaroqli bo‘lib tuyulishi mumkin, ammo uning ichida avvalgi foydalanish davrida yig‘ilgan iflosliklar saqlanib qoladi.

Shu sababli yangi moy quyilganidan keyin ham eski filtr moylash tizimining samarali ishlashiga xalaqit berishi mumkin.

Moy filtri qanday ishlaydi

Dvigatel ishlayotgan paytda motor moyi tizim bo‘ylab uzluksiz aylanadi. U dvigatelning harakatlanuvchi qismlarini moylaydi, ishqalanishni kamaytiradi va ayrim detallarni sovitishga yordam beradi.

Shu jarayonda moy tarkibiga dvigatel qismlarining yeyilishidan hosil bo‘ladigan...

Parijdagi Eyfel minorasi 7-sentabr kuni xodimlarning ish tashlashi sababli tashrif buyuruvchilar uchun yopildi. Norozilikka minoraga tashrif buyurgan hinduiy diniy guruhning talabi ortidan ayol xodimlarning vaqtincha chetlatilgani sabab bo‘ldi.

Minorani boshqaruvchi SETE kompaniyasi keyinchalik bu qarorni xato deb tan oldi va tashrif tashkilotchilarining bunday sharti qabul qilinmasligi kerakligini ma’lum qildi.

Ayol xodimlar tashrif vaqtida chetlatilgan

Hodisa Bochasanwasi Akshar Purushottam Swaminarayan Sanstha (BAPS) diniy harakatiga mansub qariyb 100 nafar erkakning Eyfel minorasiga tashrifi vaqtida yuz bergan.

SETE ma’lumotiga ko‘ra, guruh tashrif davomida ayollar bilan muloqot imkon qadar cheklanishini so‘ragan. Natijada ayrim ayol xodimlar o‘z vazifalaridan vaqtincha chetlatilgan yoki boshqa xodimlar...

O‘zbekistonlik grossmeyster Javohir Sindarov va qozog‘istonlik Bibisara Assaubaeva dona surayotgan FYERS American Gambits jamoasi Hindistonning Bangalor shahrida o‘tayotgan Tech Mahindra Global Chess League turnirining uchinchi turida yirik hisobda mag‘lub bo‘ldi. Jamoa Magnus Karlsen yetakchiligidagi Alpine APL Pipers’ga 3:15 hisobida imkoniyatni boy berdi.

Sindarov Karlsenga qarshi dona surdi

Uchinchi tur markaziy qarama-qarshiliklaridan biri birinchi taxtada bo‘lib o‘tdi. Unda Javohir Sindarov sobiq jahon chempioni, norvegiyalik Magnus Karlsen bilan kuch sinashdi.

Partiyada Karlsen ustunlikka erishib, yakunda o‘zbekistonlik grossmeyster ustidan g‘alaba qozondi. Bu natija Alpine APL Pipers jamoasining umumiy hisobdagi yirik g‘alabasiga muhim hissa qo‘shdi.

Sindarov va Karlsen qarama-qarshiligi tur oldidan ham...

Prezidenti Shavkat Mirziyoyev rafiqasi bilan birga rasmiy tashrif bilan Serbiya poytaxti Belgrad shahriga yetib bordi. Bu haqda davlat rahbari matbuot xizmati xabar bermoqda.

Prezidentni Aleksandr Vuchich kutib oldi

Prezidentning samolyoti Serbiya havo hududiga kirganidan so‘ng unga mezbon mamlakat Harbiy havo kuchlarining qiruvchi samolyotlari hamrohlik qildi.

Belgraddagi Nikola Tesla nomidagi xalqaro aeroportda Shavkat Mirziyoyev va uning rafiqasini Serbiya Respublikasi prezidenti Aleksandr Vuchich hamda uning rafiqasi Tamara Vuchich kutib oldi.

Ikki mamlakatning davlat bayroqlari ko‘tarildi va oliy martabali mehmonlar sharafiga Faxriy qorovul saf tortdi.

Oliy darajadagi muzokaralar o‘tkaziladi

Tashrifning asosiy tadbirlari 8-sentabr kuni bo‘lib o‘tishi rejalashtirilgan. Dasturga muvofiq, O‘zbekiston...

General Motors kompaniyasi Xitoyda 2027-yilgi Cadillac XT5 PHEV krossoverining rasmiy sotuvini boshladi. Bu haqda GMAutority nashri xabar bermoqda.

Yangi Cadillac XT5 PHEV elektrlashtirilgan versiyasining jahon premyerasidan bir necha hafta o‘tib Xitoy bozoriga chiqarildi. Model aynan ushbu mamlakat uchun ishlab chiqilgan yangi energiyali avtomobillar arxitekturasi asosida yaratilgan.

Cadillac ilk bor Pro va Pro Max versiyalarini taklif qildi

2027-yilgi XT5 PHEV Xitoyda Pro va Pro Max komplektatsiyalarida sotuvga chiqarildi. Cadillac avtomobillarida bu nomlar ilk bor qo‘llanmoqda.

Har ikkala versiya zamonaviy xavfsizlik va elektron tizimlarning keng to‘plamiga ega. Ularning asosiy farqlari salon bezagi hamda haydovchiga yordam beruvchi Momenta R7 tizimining imkoniyatlariga...

O‘zbekiston terma jamoasi himoyachisi Abduqodir Husanov «Manchester Siti» klubining 2026/27-yilgi UEFA Chempionlar ligasidagi ilk uchrashuvi uchun qaydnomasiga kiritildi. Bu haqda klub rasmiy saytida e’lon qilindi.

Ingliz klubi 8-sentabr kuni safarda Portugaliyaning «Portu» jamoasiga qarshi maydonga tushadi. «Manchester Siti» bosh murabbiyi Enso Mareska Portugaliyaga yo‘l olgan 22 futbolchi orasidan Husanovga ham joy berdi.

Husanov Chempionlar ligasidagi ilk o‘yinda maydonga tushishi mumkin

«Manchester Siti» rasmiy saytida e’lon qilingan safar tarkibiga...

Quronboyev ketdi, Mirzayev keldi, suyultirilgan gaz narxi o‘zgaradi — 7-sentabr yangiliklari Kursiv Uzbekistan dayjestida.

Farg‘onada yangi xalqaro aviakompaniya tashkil etilishi mumkin

Farg‘ona viloyatida Afg‘onistonning «Kam Air» kompaniyasi bilan hamkorlikda yangi xalqaro aviakompaniya tashkil etish masalasi muhokama qilindi. Bu haqda viloyat hokimligi xabar berdi.

Viloyat hokimi Xayrullo Bozorov «Kam Air» kompaniyasi rahbari Umar Muhammad Sulaymon boshchiligidagi delegatsiyani qabul qildi. Uchrashuvda «Uzbekistan Airports» AJ Tijoriy faoliyat departamenti boshlig‘i Timur Xalilov ham qatnashdi.

Aziz G‘aniyev «Baniyas» klubiga o‘tdi

O‘zbekiston terma jamoasi yarim himoyachisi Aziz G‘aniyev yangi mavsumni Birlashgan Arab Amirliklarida boshlaydi. 28 yoshli futbolchi «Baniyas» bilan shartnoma imzoladi. Bu haqda O‘zbekiston futbol assotsiatsiyasi xabar berdi.

«Mahallada duv-duv gap»: Quronboyev...

Lionel Messi va Krishtianu Ronaldu Karlos Tevesning futbolchilik faoliyatidagi xayrlashuv uchrashuvida ilk bor bir jamoada maydonga tushishi mumkinligi haqidagi xabarlar ijtimoiy tarmoqlarda keng tarqaldi. Biroq bu ma’lumot hozircha rasman tasdiqlanmagan, deya xabar berdi Sports Yahoo nashri.

Mish-mish qanday tarqaldi

Karlos Teves 2026-yil aprel oyida Olga striming xizmatiga bergan intervyusida xayrlashuv uchrashuvida Messi va Ronalduni birga ko‘rishni istashini aytgan.

Undan Messi va Ronaldu ushbu o‘yinda qatnashadimi, deb so‘ralganda, Teves qisqa qilib: «Biz ularni bir joyga yig‘amiz», degan.

Biroq 6-sentabr kuni X ijtimoiy tarmog‘idagi bir akkaunt ushbu videoni qayta tarqatib, Tevesning so‘zlarini noto‘g‘ri inglizcha tarjima qilgan. Tarjimada go‘yoki Messi va...

9-sentabrdan Xiva – Buxoro – Xiva yo‘nalishida zamonaviy «CRRC-Dalian» elektropoyezdlari qatnovi yo‘lga qo‘yiladi. Bu haqda «O‘ztemiryo‘lyo‘lovchi» xabar berdi.

Xiva – Buxoro yo‘nalishi

9-sentabrdan 707-sonli Xiva – Buxoro-1 elektropoyezdi seshanbadan tashqari haftaning barcha kunlari qatnaydi. Poyezd Xivadan soat 09:55 da jo‘nab, Buxoroga 14:32 da yetib boradi.

706-sonli Buxoro-1 – Xiva elektropoyezdi esa dushanbadan tashqari barcha kunlari harakatlanadi. U Buxorodan soat 15:45 da jo‘nab, Xivaga 20:25 da yetib keladi.

5 ta vagondan iborat elektropoyezd jami 415 ta ekonom klass o‘rindig‘iga ega.

Buxoro – Toshkent qatnovi ham boshlanadi

14-sentabrdan 701-sonli Buxoro-1 – Toshkent elektropoyezdi har dushanba kuni qatnaydi. Poyezd...

Normativ-huquqiy hujjatlar loyihalarida xo‘jalik yurituvchi subyektlarga davlat yordami ko‘rsatilishining raqobatga ta’sirini baholash tartibi belgilandi. Bu haqda Adliya vazirligi xabar berdi.

Yangi nizom tasdiqlandi

Vazirlar Mahkamasining 2026-yil 4-sentabrdagi 462-son qarori bilan Hukumatning 2023-yil 29-dekabrdagi 694-son qaroriga tegishli o‘zgartirish va qo‘shimchalar kiritildi.

Qaror bilan «Normativ-huquqiy hujjatlar loyihalarida davlat yordamining raqobatga ta’sirini baholash tartibi to‘g‘risida»gi nizom tasdiqlandi.

Unga ko‘ra, Raqobatni rivojlantirish va iste’molchilar huquqlarini himoya qilish qo‘mitasi mazkur sohada vakolatli organ etib belgilandi.

Davlat yordami qanday maqsadlarda beriladi

Davlat yordami, jumladan, hududlar yoki ayrim tarmoqlarning ijtimoiy-iqtisodiy rivojlanish darajasini oshirish, fuqarolar bandligini ta’minlash hamda ijtimoiy ahamiyatga ega loyihalarni qo‘llab-quvvatlash uchun berilishi...

O‘zbekistonda gid va gid-tarjimonlarga malaka toifalarini berishning yangi tartibi joriy etiladi. Tegishli tartib 2026-yil 1-dekabrdan kuchga kiradi.

Malaka toifalarini berish vakolati institutga beriladi

Vazirlar Mahkamasining 2026-yil 4-sentabrdagi 468-son qarori bilan «Gidlarga (gid-tarjimonlarga) malaka toifasini berish tartibi to‘g‘risida»gi nizom tasdiqlandi.

Unga ko‘ra, Turizm qo‘mitasi huzuridagi Turizmni rivojlantirish ilmiy-tadqiqot institutiga gid va gid-tarjimonlarga ularning xohishiga ko‘ra malaka toifalarini berish vakolati beriladi.

Malaka toifasi ixtiyoriy asosda beriladi. Uning mavjud emasligi gid yoki gid-tarjimonning qonunchilikda belgilangan tartibda olingan malaka sertifikati asosida faoliyat yuritish huquqini cheklamaydi.

To‘rtta malaka toifasi belgilanadi

Gid va gid-tarjimonlarga quyidagi malaka toifalari beriladi:

— havaskor gid;
— ixtisoslashgan gid;
...

Chevrolet avtomobillarida o‘rindiqlar uchun turli xil qoplamalar, jumladan, mato, tabiiy charm va sintetik materiallardan foydalaniladi. Shular qatorida Evotex va yangi Evotex Ultra materiallari ham bor. Evotex Ultra oddiy Evotex’ning yanada yuqori darajadagi ko‘rinishi sifatida taqdim etilmoqda.

Evotex qanday material

Evotex – charmga o‘xshash sintetik material bo‘lib, Chevrolet uni dastlab 2023-yilgi Colorado va 2024-yilgi Tracker modellarida qo‘llay boshlagan.

General Motors ushbu materialni mato va tabiiy charmga muqobil sifatida ishlab chiqqan. Evotex chidamliligi, dog‘ va suyuqliklarga nisbatan bardoshliligi hamda tozalash qulayligi bilan ajralib turadi.

Bundan tashqari, u tabiiy charmga qaraganda yengilroq bo‘lib, tashqi ko‘rinish va foydalanish hissi jihatidan charmga yaqin.

8-sentabr uchun valyutalar kursi yangilandi. Unga ko‘ra, dollar kursi 4,03 so‘mga oshib, 11 789,33 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

28-avgust kuni dollar 22,46 so‘mga tushib, 11 801,23 so‘mni tashkil etdi. 2-sentabr kuni esa 19,25 so‘mga oshib, 11 820,48 so‘mga yetdi. 3-sentabrdan pasayish tendensiyasi davom etib, dollar 7,39 so‘mga tushib, 11 813,09 so‘m, 4-sentabrda 18,09 so‘mga tushib, 11 795 so‘mni va 7-sentabrda yana 9,70 so‘mga tushib, 11 785,30 so‘mni tashkil qildi.

Yevro kursida oshish kuzatildi. Yevropa valyutasi 7,04 so‘mga oshib, 13 702,74 so‘m bo‘ldi. Rossiya rubli...

Argentina terma jamoasining O‘zbekiston bilan 30-sentabr kuni Xitoyda o‘tkazishi rejalashtirilgan o‘rtoqlik uchrashuvi bekor qilindi. Bunga Lionel Messining Argentina terma jamoasidagi faoliyatini yakunlashi sabab mamlakat terma jamoasi Osiyo safarini bekor qilgan. Bu haqda ESPN Argentina xabar berdi. 

Argentina FIFA kunlarini o‘z maydonida o‘tkazadi

Argentina futbol assotsiatsiyasi (AFA) 21-sentabrdan 6-oktabrgacha davom etadigan FIFA kunlari doirasida terma jamoaning ikki yoki uchta o‘rtoqlik uchrashuvini o‘z maydonida o‘tkazishni rejalashtirmoqda.

Uchrashuvlarning aniq dasturi va raqiblari yaqin kunlarda e’lon qilinishi kutilmoqda. ESPN jurnalisti Diyego Monroyning ma’lumotiga ko‘ra, Argentina terma jamoasining butun FIFA oynasini o‘z maydonida o‘tkazish ehtimoli 90 foizni tashkil etmoqda.

Bahslarning bir qismi Buenos-Ayresdagi...

Kristofer Nolan rejissyorligidagi «Odisseya» filmi jahon kinoprokatida navbatdagi hafta yakunlari bo‘yicha birinchi o‘rinni egalladi. Kartina hafta oxirida $45,96 mln daromad olib, «O‘rgimchak odam: Yangi kun» filmini ortda qoldirdi.

«Odisseya» $1,6 mlrddan oshdi

«Odisseya»ning jahon bo‘yicha umumiy kassasi $1,627 mlrdga yetdi. Shundan $584,7 mln AQSh va Kanadadagi prokat hissasiga to‘g‘ri keladi.

Film xalqaro bozorlarda $1 mlrddan ortiq daromad to‘pladi. Shu tariqa «Odisseya» ushbu natijaga erishgan filmlar qatoridan joy oldi.

Kartina Universal studiyasining eng yuqori daromadli filmi bo‘lib turgan «Yura davri olami»ga ham yaqinlashmoqda. Ushbu filmning jahon prokatidagi umumiy tushumi $1,67 mlrdni tashkil etgan.

«O‘rgimchak odam» $2,4 mlrd yig‘di