Yangiliklar

Ford kompaniyasi 2026-yilgi Chongqing avtosalonida yangi Ford Mondeo Sport Edition modelini taqdim etdi. Bu haqda CarNewsChina nashri xabar bermoqda.

Xitoy bozoriga mo‘ljallangan ushbu avtomobil fastbek-krossover uslubidagi kuzovga ega bo‘lib, gibrid kuch qurilmasi bilan jihozlangan. Modelning boshlang‘ich narxi 209 800 yuan etib belgilangan. Bu taxminan $31 mingga teng. Yuqoriroq ST-Line versiyasi esa 229 800 yuan, ya’ni qariyb $34 mingdan sotuvga chiqarildi.

Ford Mondeo Sport Edition ikki xil komplektatsiyada taklif qilinadi. Har ikki versiya 2,0 litrli turbomotor va elektromotordan iborat EcoBoost E gibrid tizimiga ega. Ushbu tizim umumiy hisobda 308 ot kuchi ishlab chiqaradi.

Kompaniya elektrlashtirishni faqat ekologik talablar uchun emas...

«O‘zgidromet» 16 – 19-iyun kunlari kutilayotgan yomg‘irlar sabab tog‘oldi va tog‘li hududlarda sel-suv toshqinlari yuzaga kelishi mumkinligi haqida ogohlantirdi.

Tog‘oldi va tog‘li hududlarda yashovchilar, dam oluvchilar hamda haydovchilardan ehtiyot choralarini ko‘rish so‘raldi. Ayrim hududlarda yomg‘ir suvlari to‘planib, suv bosish holatlari yuzaga kelishi mumkin.

Eslatib o‘tamiz, avvalroq 15-iyun kuni O‘zbekistonda havo harorati 38 darajagacha ko‘tarilishi xabar qilingandi.

Surxondaryo viloyatining Sariosiyo tumanida kuchli ta’sir qiluvchi dori vositalarini noqonuniy sotish bilan shug‘ullanib kelgan shaxslar fosh etildi. Bu haqda Bosh prokuratura huzuridagi Departament ma’lum qildi.

Departamentning Sariosiyo tumani bo‘limi tomonidan o‘tkazilgan tergovga qadar tekshiruv davomida ikki shaxs o‘zaro til biriktirib, kuchli ta’sir qiluvchi dori vositalari savdosi bilan shug‘ullangani aniqlangan.

Ma’lumotlarga ko‘ra, fuqarolardan biri keyinchalik sotish maqsadida boshqa shaxsdan 500 dona «Zardeks» nomli kuchli ta’sir qiluvchi dori vositasini 32 mln so‘mga sotib olayotgan vaqtida ushlangan. Mazkur dori vositalari ashyoviy dalil sifatida rasmiylashtirib olingan.

Holat yuzasidan Jinoyat kodeksining 251-1-moddasi bilan jinoyat ishi qo‘zg‘atilgan. Ushbu modda giyohvandlik vositalari, ularning analoglari yoki psixotrop...

2026-yilgi futbol bo‘yicha Jahon chempionatining «K» guruhi ilk turidan o‘rin olgan O‘zbekiston va Kolumbiya terma jamoalari o‘rtasidagi uchrashuvni boshqaradigan hakamlar brigadasi rasman tasdiqlandi.

🚨 [OFICIAL] El inglés Anthony Taylor será el árbitro del debut de la Selección Colombia ante Uzbekistán. pic.twitter.com/qLPT4i36FU

— Samuel Vargas (@SVargasOK) June 14, 2026

Muhim bahsni xalqaro maydondagi eng tajribali referilardan biri sanalgan Anthony Taylor boshqaradi. Angliyalik hakamga qanotlarda Gari Besvik va Adam Nann yordam beradi.

Shuningdek, uchrashuvda to‘rtinchi hakam sifatida kosta-rikalik Xuan Kalderon faoliyat yuritadi. Zaxira assistent hakam vazifasi esa Xuan Karlos Moraga yuklatilgan.

Ma’lumot uchun, O‘zbekiston terma jamoasi Jahon...

Germaniya prezidenti Frank-Walter Steinmeier 15-iyundan boshlab Osiyoning uch davlati — Indoneziya, Filippin va O‘zbekistonga rasmiy tashrif bilan yo‘l oladi. Bu haqda DPA International nashri xabar berdi.

Besh kun davom etadigan safar davomida u qator siyosiy va iqtisodiy uchrashuvlarda ishtirok etishi rejalashtirilgan.

Shtaynmayer matbuot xizmati ma’lumotiga ko‘ra, u safarda rafiqasi Elke Byudenbender hamda Germaniyaning biznes doiralari vakillaridan iborat delegatsiya hamrohligida bo‘ladi.

Tashrifning yakuniy manzili O‘zbekiston bo‘lib, Germaniya prezidenti Toshkentda bir qator uchrashuvlar o‘tkazishi kutilmoqda. Dasturdan Germaniyaning yirik qurilish kompaniyalaridan biri – GP Günter Papenburg filialiga tashrif ham o‘rin olgan.

Ma’lum qilinishicha, muzokaralarning asosiy mavzularidan biri mehnat migratsiyasi va malakali kadrlarni...

Tijorat banklari tomonidan 15-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 15-iyun uchun valyutalar kursi e’lon qilingani haqida yozgan edi.

15-iyun kuni O‘zbekistonning aksariyat hududlarida quruq va issiq ob-havo saqlanib qoladi. «O‘zgidromet» ma’lumotiga ko‘ra, kun davomida havo harorati 33–38 darajagacha ko‘tariladi.

Shu bilan birga, Qoraqalpog‘iston Respublikasi va Navoiy viloyatida, kunning ikkinchi yarmida Toshkent, Samarqand, Jizzax hamda Sirdaryo viloyatlarining ayrim hududlarida qisqa muddatli yomg‘ir yog‘ishi va momaqaldiroq kuzatilishi mumkin. Kechki soatlarda esa Farg‘ona vodiysi viloyatlarida ham yomg‘ir ehtimoli bor.

Shamol tezligi 7–12 metr soniyani tashkil etadi, ayrim joylarda esa 13–18 metr soniyagacha kuchayib, chang-to‘zonlarni yuzaga keltirishi mumkin.

Toshkent shahrida havo harorati 36–38 daraja atrofida bo‘ladi. Kechga yaqin qisqa muddatli yomg‘ir va momaqaldiroq kuzatilishi ehtimoli saqlanib qolmoqda.

Tog‘li va tog‘oldi hududlarda...

Prezident tomonidan narkotik vositalarning noqonuniy muomalasi uchun javobgarlikni kuchaytirishga qaratilgan qonun qabul qilindi. Bu haqda Prezident administratsiyasi rahbari Saida Mirziyoyeva ma’lum qildi.

Uning ta’kidlashicha, yangi qonun bilan ilgari qonunchilikda alohida belgilanmagan bir qator xavfli qilmishlar uchun javobgarlik joriy etildi. Jumladan, yashirin narkolaboratoriyalar va bangixonalar tashkil etish, narkojinoyatlarga homiylik qilish, narkotiklarni transmilliy yo‘l bilan yoki internet orqali tarqatish kabi jinoyatlar uchun og‘ir jazo choralari belgilanmoqda.

Endilikda bunday jinoyatlarni sodir etgan shaxslar 20 yilgacha ozodlikdan mahrum qilinishi mumkin. Uyushgan narkojinoyatchilik uchun jazo choralari esa qariyb ikki baravar og‘irlashtirildi.

Saida Mirziyoyevaning qayd etishicha, avvallari narkojinoyat sodir qilgan ayrim shaxslar qisqa muddat ichida...

Beijing Hyundai qo‘shma korxonasi Xitoy bozorida Hyundai Sonata 2026 sedanini taqdim etdi. Bu haqda ITHome nashri xabar bermoqda.

Yangilangan model to‘rtta komplektatsiyada sotuvga chiqarilgan bo‘lib, narxi 140 ming yuandan 174 ming yuangacha belgilangan. Bu taxminan $20,7 – 25,7 mingga teng.

Dizayn

Tashqi dizayn bo‘yicha sedan avvalgi uslubini saqlab qolgan. Avtomobil Hyundai’ning zamonaviy dizayn yo‘nalishida ishlangan bo‘lib, ikki qavatli old optika, keng radiator panjarasi va orqa qismda yagona yorug‘lik chizig‘i bilan birlashtirilgan chiroqlar bilan ajralib turadi.

Modelning N Line versiyasi ham taklif qilinadi. Ushbu modifikatsiya sport uslubidagi kuzov elementlari, to‘rtta chiqarish trubasi, qizil tormoz supportlari va dekorativ detallar bilan...

Futbol bo‘yicha 2026-yilgi Jahon chempionati guruh bosqichi 1-turidan o‘rin olgan Monterrey stadionidagi bahsda Shvetsiya milliy terma jamoasi Tunisni 5:1 hisobida mag‘lubiyatga uchratdi.

Uchrashuv Tunis uchun yomon boshlandi. O‘yinning 7-daqiqasidayoq yosh iqtidor egasi Yasin Ayari hisobni ochib, Shvetsiyaga ruhiy ustunlik taqdim etdi. 30-daqiqada Viktor Gyokeresh o‘ziga xos tarzda markazdan ajoyib uzatmani amalga oshirdi va uning sherigi Aleksander Isak imkoniyatni qo‘ldan boy bermay, hisobni ishonchli ko‘rinishga keltirdi – 2:0.

43-daqiqada Xannibal Mejbrining ijodkorona uzatmasini Omar Rekik aniq yakunlab, intrigani qaytardi. Ikkinchi bo‘limda afrikaliklar hisobni tenglashtirish uchun bor kuchini tashladi. Biroq Tunis o‘yinni qutqarish haqida jiddiy o‘ylayotgan bir paytda Shvetsiya yulduzlari yana...

Vladimir Putin va Donald Tramp 14-iyun kuni telefon orqali muloqot qildi. Rossiya prezidenti yordamchisi Yuriy Ushakovning ma’lum qilishicha, suhbat 55 daqiqa davom etgan.

Muloqot davomida tomonlar ikki tomonlama munosabatlar, xalqaro vaziyat, Ukrainadagi urush hamda Yaqin Sharqdagi holatni muhokama qilgan.

Ushakovga ko‘ra, Tramp suhbat davomida Ukrainadagi jangovar harakatlarni to‘xtatish tarafdori ekanini yana bir bor bildirgan. U Kiyev hamda AQShning yevropalik hamkorlariga ta’sir o‘tkazishga tayyorligini aytgan.

Putin esa Trampga Kiyevning Rossiyadagi tinch infratuzilmaga zarba berishga urinishlari frontdagi vaziyatni o‘zgartirmasligini bildirgan. Shuningdek, u Ukraina prezidenti Vladimir Zelenskiy uchrashuv istasa, Moskvaga kelishi mumkinligini aytgan.

Suhbat chog‘ida tomonlar AQSh vakillari Stiv Uitkoff va Jared...

2026-yilning 24-haftasida eng ko‘p qiziqish uyg‘otgan smartfonlar reytingida Samsung Galaxy A57 yetakchilikni qaytarib oldi. GMSArena haftaning eng trenddagi 10 ta smartfonini e’lon qildi.

Xiaomi 17T Pro avvalgi haftadagi yetakchilikni boy berdi va ikkinchi o‘ringa tushdi. Samsung‘ning flagman modeli Galaxy S26 Ultra esa qiziqish bo‘yicha uchinchi pog‘onani egalladi. Bu model o‘tgan haftaga nisbatan bir pog‘ona yuqorilagan.

Xiaomi 17T reytingda to‘rtinchi o‘rinni band qildi. Undan keyingi pog‘onadan Samsung Galaxy A17 joy oldi. Apple’ning eng kuchli smartfonlaridan biri bo‘lgan iPhone 17 Pro Max esa oltinchi o‘ringa ko‘tarildi.

Reytingning keyingi qismida Xiaomi Redmi Note 15 5G, Motorola Moto G Max 5G va Apple...

Farg‘onadan Toshkentga olib ketilayotgan giyohvandlik moddasi to‘xtatib qolindi. Bu haqda Davlat xavfsizlik xizmati (DXX) xabar bermoqda.

O‘tkazilgan tadbir davomida «Qo‘qon — Toshkent» yo‘nalishida harakatlanayotgan «Voyah» rusumli avtomobil Namangan viloyati Pop tumanidagi «Namangan» yo‘l-patrul xizmati maskanida to‘xtatildi. Avtomobilni Toshkent shahrida yashovchi 1995-yilda tug‘ilgan shaxs boshqarib ketayotgan bo‘lgan.

Xolislar ishtirokida o‘tkazilgan tekshiruv vaqtida avtomobil salonidagi o‘rindiq ostidan qora rangli sellofan paket topildi. Paket ichida sof og‘irligi 1 kilogramm 178 gramm bo‘lgan «gashish» moddasi hamda 8 dona «Regapen» kuchli ta’sir qiluvchi dori vositasi borligi aniqlandi.

Holat protsessual tartibda rasmiylashtirildi. Dastlabki ma’lumotlarga ko‘ra, gumonlanuvchi mazkur moddalarni Toshkent shahridagi mijozlarga sotish maqsadida olib ketayotgan...

AQSh va Eron bir necha oydan beri davom etayotgan keskinlikni yumshatishi mumkin bo‘lgan kelishuv loyihasini muhokama qilmoqda. Reuters ma’lumotlariga ko‘ra, tomonlar yadroviy dastur, sanksiyalar, Eronning muzlatilgan aktivlari hamda Hormuz bo‘g‘ozi orqali savdo kemalari harakatiga oid asosiy bandlarni kelishib olgan.

Loyiha Tehronning yadroviy qurol ishlab chiqarmaslik va uni sotib olmaslik majburiyatini o‘z ichiga oladi. Yakuniy kelishuv imzolanguniga qadar Eron o‘z yadroviy dasturining hozirgi holatini saqlab qolishi ko‘zda tutilmoqda.

Memorandum imzolangach tomonlar 60 kun ichida uranni boyitishning keyingi parametrlari, yuqori darajada boyitilgan yonilg‘i zaxiralari va yadroviy infratuzilma bo‘yicha alohida muzokara o‘tkazishi rejalashtirilgan.

Kelishuv loyihasida sanksiyalar masalasi ham alohida o‘rin olgan. Unga...

2026-yil davomida «Moskvich» dilerlarida gibrid avtomobillar, shuningdek, Moskvich M70 krossoverining to‘liq yuritmali – 4×4 versiyasi paydo bo‘lishi mumkin. Ayni vaqtda yangi modifikatsiyalar Rossiya yo‘llarida sinovdan o‘tkazilmoqda.

Gibrid texnologiyalarga o‘tish brend uchun muhim yo‘nalishlardan biri sifatida ko‘rilmoqda. Bunday avtomobillar yoqilg‘i sarfini kamaytirish, yurish zaxirasini oshirish va elektromobillar infratuzilmasi bir xil rivojlanmagan hududlarda haydovchilarga ko‘proq erkinlik berishi bilan ahamiyatli.

Zavod vakillariga ko‘ra, asosiy e’tibor texnikani Rossiya sharoitlariga moslashtirishga qaratilmoqda. Bunda sovuq qish, qorli yo‘llar, notekis trassalar va murakkab ekspluatatsiya sharoitlari hisobga olinadi.

Shu bilan birga, «Moskvich» muhandislari M70 krossoverining to‘liq yuritmali versiyasini ham sinovdan o‘tkazmoqda. Hozirda brendning ko‘plab krossoverlari old yuritmali...

Futbol boʻyicha 2026-yilgi jahon chempionati guruh bosqichining 1-turida Kot-dʼIvuar terma jamoasi Ekvadorni 1:0 hisobida magʻlub etdi. Uchrashuv taqdirini asosiy vaqt yakunlanishiga sanoqli soniyalar qolganda urilgan yagona gol hal qildi.

Murosasiz kechgan bahsning 90-daqiqasida Amad Diallo raqib darvozasiga toʻp kiritib, jamoasiga muhim gʻalaba keltirdi. Ungacha uchrashuvda hisob ochilmagan va ikkala jamoada ham qator imkoniyatlar yuzaga kelgan edi.

Uchrashuvning birinchi boʻlimi Kot-dʼIvuar futbolchilarining qoʻpol harakatlari bilan yodda qoldi. Hakam 28-daqiqada Seko Fofana, 38-daqiqada Frank Kessie va 40-daqiqada Gela Duega sariq kartochka koʻrsatishga majbur boʻldi.

Mazkur jamoalar JCH – 2026 musobaqasining «E» guruhidan joy olgan. Guruhning parallel uchrashuvida Germaniya terma jamoasi debyutant...

Jahon chempionatining «F» guruhi 1-turi doirasida Yaponiya terma jamoasi Niderlandiyaga qarshi o‘yinning so‘nggi daqiqalarida muvozanatni tiklab, 2:2 hisobida jangovar durang qayd etdi.

Uchrashuvning birinchi bo‘limida hisob ochilmadi, asosiy gollar shousi ikkinchi taymda yuz berdi. 51-daqiqada niderlandiyaliklar sardori Virjil van Deyk hisobni ochgan bo‘lsa, oradan olti daqiqa o‘tib yaponiyalik Keyto Nakamura muvozanatni tikladi. 64-daqiqada Krisensio Sammervill nederlandiyaliklarni yana oldinga olib chiqdi.

O‘yin yakunlanishi arafasida Osiyo vakillari kuchli iroda namoyish etdi. 89-daqiqada Koki Ogavaning uzatmasidan so‘ng Daiti Kamada Niderlandiya darvozasini ishg‘ol qilib, Yaponiyani mag‘lubiyatdan saqlab qoldi.

Uchrashuv yakunida niderlandiyaliklardan Memfis Depay hamda Miki van de Ven sariq kartochka bilan ogohlantirildi. «F...

Jahon chempionatining guruh bosqichida «nemis mashinasi» o‘zining butun kuchini ishga soldi va Kyurasao terma jamoasi ustidan 7:1 hisobida ishonchli g‘alabani qo‘lga kiritdi.

Uchrashuv kutilganidek yevropaliklarning tezkor hujumlari bilan boshlandi. O‘yinning 6-daqiqasidayoq Florian Virtsning ajoyib uzatmasidan so‘ng Feliks Nmecha hisobni ochib, nemislarni xotirjamlikka chorlagandek bo‘ldi.

Biroq Kyurasao taslim bo‘lishni xohlamadi. 21-daqiqada kutilmagan qarshi hujum yuzaga keldi va Livano Komenensia Germaniya himoyachilarini xato qilishga majbur etib, muvozanatni tikladi – 1:1.

Germaniya terma jamoasi birinchi bo‘lim yakunigacha bosimga asoslangan o‘yinini namoyish etdi. 38-daqiqada Braun yetkazib bergan to‘pni Niko Shlotterbek darvozaga joylab, jamoasini yana oldinga olib chiqdi.

Kyurasao futbolchilarining ruhiyatiga eng katta zarba...

Kursiv Uzbekistan o‘tgan hafta mobaynida mahalliy va xorijiy maydonda yuz bergan muhim yangiliklarni bir joyga jamladi.

«Panduslar» bo‘yicha ishlar hali to‘liq yakunlanmagan — Toshkent metropoliteni

Toshkent metropoliteni metro bekatlarida o‘rnatilayotgan elektron ko‘targich (pandus)lar bo‘yicha ijtimoiy tarmoqlarda tarqalgan xabarlarga munosabat bildirdi.

Metropoliten ma’lumotiga ko‘ra, imkoniyati cheklangan shaxslar va keksalar uchun metro bekatlarining kirish-chiqish qismlariga zamonaviy elektron ko‘targich (pandus)lari o‘rnatilmoqda.

JSST xavfli oziq-ovqat sabab yiliga 1,5 mln kishi vafot etishini ma’lum qildi

Jahon sog‘liqni saqlash tashkiloti (JSST) xavfli oziq-ovqat sabab yiliga 1,5 mln kishi vafot etishini ma’lum qildi. Bu haqda Euronews xabar bermoqda.

Tashkilotga ko‘ra, har yili dunyoda 860 mln...

Toshkent shahrida uy-joy fondini yangilashga qaratilgan renovatsiya dasturining ilk bosqichi boshlandi. Dastlabki ishlar Yashnobod, Mirobod va Sergeli tumanlaridagi tanlab olingan hududlarda olib borilmoqda. Bu haqda Toshkent shahar hokimligi xabar berdi.

Unga ko‘ra, renovatsiya hududlarida maxsus shtablar tashkil etilib, ular aholi bilan bevosita ishlashni yo‘lga qo‘ygan. Shtablar fuqarolarga loyiha mazmuni, ko‘chirish tartibi, kompensatsiya masalalari va hujjatlashtirish jarayonlari bo‘yicha tushuntirishlar bermoqda.

Poytaxt hokimi Shavkat Umurzoqov boshchiligidagi ishchi guruh Jarqo‘rg‘on, Abdurauf Fitrat va Xonobodtepa mahallalarida tashkil etilgan shtablar faoliyati bilan tanishdi. Ushbu markazlarda hokimlik, huquqni muhofaza qiluvchi organlar, kommunal xizmatlar, kadastr, banklar va boshqa mas’ul tashkilotlar vakillari faoliyat yuritmoqda.

Uchrashuvlar davomida fuqarolarni...

O‘zbekistonda foydalanish muddati o‘tgan transport vositalarini utilizatsiya qilishning yangi tizimi ishlab chiqildi. Ekologiya va iqlim o‘zgarishi milliy qo‘mitasi tomonidan jamoatchilik muhokamasiga qo‘yilgan prezident qarori loyihasiga ko‘ra, eski avtomobillar egalari uchun ekologik kompensatsiya to‘lovi joriy etilishi rejalashtirilmoqda.

Loyihada 2027-yil 1-yanvardan boshlab ishlab chiqarilganiga 30 yil va undan ortiq vaqt bo‘lgan avtomobillar egalari har yili bazaviy hisoblash miqdorining 30 baravari miqdorida, ya’ni 12,36 million so‘m ekologik to‘lov to‘lashi taklif etilgan.

Yangi tizim bosqichma-bosqich amalga oshiriladi. Dastlab 2026-yildan yengil avtomobillar, 2027-yildan avtobuslar, mikroavtobuslar va yuk mashinalari, 2030-yildan esa barcha turdagi g‘ildirakli transport vositalari ushbu tartibga qamrab olinadi.

Hujjatga ko‘ra, ekologik talablarga javob...

O‘zbekiston prezidenti Shavkat Mirziyoyev Amerika Qo‘shma Shtatlari prezidenti Donald Trampga tavallud kuni – yubiley munosabati bilan tabrik yo‘lladi. Bu haqda prezident matbuot xizmati xabar berdi.

Davlat rahbari tabrik maktubida Donald Trampning siyosiy faoliyati va yetakchilik fazilatlariga yuqori baho berdi.

«Sizni boy tajribaga ega, o‘z xalqining hurmat va ehtiromiga sazovor bo‘lgan atoqli davlat arbobi sifatida yaxshi bilamiz. Sizning qat’iy siyosiy yetakchiligingiz va mustahkam irodangiz tufayli Amerika Qo‘shma Shtatlarining xalqaro maydondagi obro‘-e’tibori va qudrati tobora mustahkamlanib borayotganini alohida ta’kidlashni istar edim», – deyiladi tabrikda.

Maktubda O‘zbekiston va AQSh o‘rtasidagi munosabatlar bugungi kunda izchil rivojlanib borayotgani, o‘zaro...

AQSh bozoridagi 2026-yil uchun eng hamyonbop yangi pikaplar reytingi tuzildi. Ro‘yxatda birinchi o‘rinni Ford Maverick egalladi, deya xabar berdi Tarantas News nashri.

Mazkur modelning boshlang‘ich narxi $28 145 etib belgilangan. Kompakt pikap gibrid kuch qurilmasi bilan jihozlangan bo‘lib, 191 ot kuchiga ega. Shuningdek, u 100 kilometrga o‘rtacha 5,6 litr yonilg‘i sarflaydi va qariyb 680 kilogrammgacha yuk tashiy oladi.

Reytingning ikkinchi pog‘onasidan Hyundai Santa Cruz joy oldi. Uning narxi $29 750 dan boshlanadi. Keyingi o‘rinlarni esa Toyota Tacoma, Chevrolet Colorado, Ford Ranger va Nissan Frontier egallagan.

Shuningdek, eng arzon pikaplar o‘ntaligidan Chevrolet Silverado 1500, Ford F-150, GMC Sierra 1500 hamda...

So‘nggi kunlarda ijtimoiy tarmoqlarda Buxoro viloyati hamda mamlakatning ayrim hududlarida chigirtkalar to‘dasi paydo bo‘lgani aks etgan videolar keng muhokamalarga sabab bo‘ldi. Holat yuzasidan Favqulodda vaziyatlar vazirligi rasmiy izoh berdi.

Vazirlik ma’lumotiga ko‘ra, kuzatilayotgan holat chigirtkalarning har yili takrorlanadigan mavsumiy ko‘chishi bilan bog‘liq bo‘lib, u mahalliy xarakterga ega. Hozircha qishloq xo‘jaligi ekinlari va mahsulotlariga zarar yetgani qayd etilmagan.

FVV mutaxassislari vaziyat doimiy nazorat ostida ekanini ta’kidlab, aholini asossiz xavotirga berilmaslikka chaqirdi.

Shuningdek, har yili mavsum boshlanishidan oldin va mavsum davomida hududlarda chigirtkalarga qarshi profilaktik hamda kimyoviy ishlovlar olib borilishi ma’lum qilindi. Bu jarayonlarda Favqulodda vaziyatlar vazirligi, O‘simliklar karantini va himoyasi...