Yangiliklar

O‘zbekistonda IIV Akademiyasiga qabul qilishdan tortib kursantlarni amaliyotga biriktirishgacha bo‘lgan jarayonlarda yangi mexanizmlar joriy etiladi. Bu haqda prezidentning tegishli qarori qabul qilindi.

O‘zgarishlar 2026/2027-o‘quv yilidan bosqichma-bosqich amalga oshiriladi. Akademiya faoliyatini rivojlantirishda dunyoning Top – 1000 taligiga kiruvchi universitetlar hamda «Yangi O‘zbekiston» universiteti tajribasidan foydalaniladi.

Akademiyada maktablar tizimi joriy etiladi

Qarorga ko‘ra, IIV Akademiyasida «ta’lim – tadqiqot – amaliyot» integratsiyasini kuchaytirish maqsadida xalqaro akademik modellarga asoslangan maktablar tizimi joriy qilinadi.

Amaldagi fakultet va kafedralar maqbullashtirilib, ular negizida maktablar hamda sho‘balar tashkil etiladi. Bu orqali ta’lim, ilmiy tadqiqot va amaliy tayyorgarlikni yagona tizimga birlashtirish ko‘zda tutilgan.

Ta’lim jarayoni kredit-modul tizimiga...

8-sentabr kuni Yangi Toshkent tumani hududidagi qurilish obyektida yong‘in sodir bo‘ldi. Hodisa oqibatida jabrlanganlar haqida ma’lumot kelib tushmagan. 

Yong‘in soat 15:40 da o‘chirildi

FVV ma’lumotiga ko‘ra, qurilish obyektining yuqori qismida qurilish mahsulotlari yonayotgani haqida 112 tizimi orqali xabar kelib tushgan.

Shundan so‘ng yong‘in-qutqaruv ekipajlari hodisa joyiga yetib borgan. Yong‘in soat 15:40 da to‘liq o‘chirilgan.

Hodisa oqibatida tan jarohati olganlar to‘g‘risida ma’lumot kelib tushmagan.

Avvalroq Toshkent viloyatining Zangiota tumanida joylashgan omborxonalarning birida yong‘in yuz bergandi.

Chevrolet 2027-yilgi Chevrolet Bolt elektromobili uchun 2026-yil sentabr oyiga mo‘ljallangan yangi moliyaviy takliflarni e’lon qildi. Bu haqda GMAutority nashri xabar bermoqda.

Takliflar 30-sentabrgacha amal qiladi va ayrim shartlar faqat GM Financial orqali moliyalashtirishda qo‘llanadi.

Kredit foizi 0,9 foizdan boshlanadi

2027-yilgi Chevrolet Bolt’ni kredit asosida xarid qiluvchilar uchun 36 oyga 0,9 foizli, 60 oyga esa 2,9 foizli yillik stavka taklif qilinmoqda.

Ushbu shartlardan foydalanish uchun avtomobil GM Financial orqali moliyalashtirilishi kerak. Shu bilan birga, sentabr oyida Bolt uchun naqd xaridga qo‘shimcha chegirma mavjud emas.

Bolt LT oyiga $419 evaziga lizingga beriladi

Chevrolet Bolt LT uchun butun AQSh bo‘ylab...

Jorjina Rodriges Venetsiya kinofestivalidagi qizil yo‘lakda odatda ko‘p e’tibor tortadigan $3 mlnlik unashtiruv uzugisiz paydo bo‘ldi. U bu safar Chopard’ning yirik olmosli taqinchoqlarini tanladi, deya xabar berdi Marca.

32 yoshli Rodriges «Mr. Nelson, Did You Kill People?» filmi namoyishiga to‘q ko‘k rangdagi Gucci libosida tashrif buyurdi. U chuqur yoqali pidjakni tor yubka va baland poshnali qora tuflilar bilan uyg‘unlashtirdi.

$3 mlnlik uzuk o‘rnini olmoslar egalladi

Jorjina Rodrigesning qiyofasida eng ko‘p e’tibor tortgan jihatlardan biri Krishtianu Ronaldu unga 2025-yilda sovg‘a qilgani aytiladigan, qiymati taxminan $3 mln bo‘lgan ulkan unashtiruv uzugining yo‘qligi bo‘ldi.

Buning o‘rniga u qo‘llari, bo‘yni va quloqlarini...

O‘zbekistonlik 15 yoshli o‘quvchilar PISA 2025 xalqaro baholash dasturida tabiiy fanlar bo‘yicha 438 ball to‘plab, 91 ta davlat va ta’lim tizimi orasida 48-o‘rinni egalladi. PISA 2022 bilan solishtirganda natija 83 ballga yaxshilandi. Bu haqda Maktabgacha va maktab ta’limi vazirligi xabar berdi.

PISA 2025 natijalari OECD tomonidan Ta’lim forumi doirasida e’lon qilindi. O‘zbekiston mazkur xalqaro tadqiqotda ikkinchi marta qatnashdi.

Tadqiqotda O‘zbekistondan xalqaro tashkilot tomonidan tasodifiy tanlab olingan 233 ta maktabning 8,6 ming nafar 15 yoshli o‘quvchisi ishtirok etdi.

Tabiiy fanlarda natija sezilarli yaxshilandi

O‘zbekiston o‘quvchilari tabiiy fanlar savodxonligi bo‘yicha 438 ball qayd etdi va 48-o‘rinni egalladi.

Taqqoslash uchun, PISA...

Prezident Shavkat Mirziyoyevning Serbiyaga rasmiy tashrifi doirasida Belgraddagi Serbiya saroyida davlat rahbarini tantanali kutib olish marosimi bo‘lib o‘tdi. Bu haqda prezident matbuot xizmati xabar bermoqda.

O‘zbekiston prezidentini Serbiya Respublikasi prezidenti Aleksandr Vuchich qarshi oldi. Marosim oliy darajadagi muzokaralar boshlanishidan avval tashkil etildi.

Davlat madhiyalari yangradi

Shavkat Mirziyoyev sharafiga faxriy qorovul saf tortdi. Harbiy orkestr ijrosida O‘zbekiston va Serbiya davlat madhiyalari yangradi.

Shuningdek, tantanali marosim doirasida artilleriya to‘plaridan o‘n marta o‘q uzilib, salyut berildi.

Shundan so‘ng Shavkat Mirziyoyev va Aleksandr Vuchich faxriy qorovul safi oldidan o‘tib, ikki mamlakat rasmiy delegatsiyalari a’zolarini qutladilar.

Oliy darajadagi muzokaralar boshlandi

Davlat rahbarlari...

Fransiya prezidenti Emmanuel Makron Yevropa Ittifoqida 15 yoshgacha bo‘lgan bolalarning ijtimoiy tarmoqlardan foydalanishini taqiqlashni taklif etdi. U Yevropa komissiyasini bu borada umumiy qonun qabul qilishga chaqirdi.

Makron bu taklifni Yevropa Komissiyasi prezidenti Ursula fon der Lyayenga 29-avgust kuni yuborgan maktubida bildirgan. Reuters maktub bilan tanishgan.

Makron 15 yoshgacha bo‘lganlar uchun to‘liq taqiqni so‘ramoqda

Makronning fikricha, Yevropa Ittifoqi bolalarni ijtimoiy tarmoqlarning salbiy ta’siridan himoya qilish uchun yagona qoidalarni joriy etishi kerak.

Fransiya prezidenti 15 yoshgacha bo‘lgan bolalarning ijtimoiy tarmoqlarga kirishini butun Yevropa Ittifoqi bo‘ylab taqiqlashni taklif qilgan.

Bu taklif fon der Lyayen ilgari surayotgan yondashuvdan qat’iyroq. Yevrokomissiya...

Humo Air aviakompaniyasi yana davlat tasarrufiga qaytarilib, 100% ulushi 2026–2027-yillarda ommaviy savdoga chiqariladi. Prezidentning 2026-yil 28-avgustdagi farmoniga muvofiq ilova qilingan xususiylashtiriladigan davlat aktivlari ro‘yxatida Humo Air’ning 100% ulushi sotilishi belgilangan.

Humo Air bundan oldin, 2022-yil oxirida Shveytsariyaning ValleyRoad Capital S.A. kompaniyasiga 27,2 mlrd so‘m (100% ulush) evaziga sotilgan. Investor 2026-yilgacha 18 ta samolyot xarid qilish, jumladan, dastlabki uchta havo kemasini 2023-yilda olib kelish majburiyatini olgan edi.

Keyinchalik Humo Air loukoster modelida ishlay boshladi va Toshkentdan Nukus, Samarqand, Urganch, Qarshi, Farg‘ona kabi shaharlarga reyslarni yo‘lga qo‘ydi.

Investor bilan shartnoma bekor qilingan

Davlat aktivlarini boshqarish agentligi Gazeta.uz’ga investor bilan tuzilgan...

3-sentabr kuni AQShning Missuri shtatida 70 yoshli ayol asrab olingan bolaning hayotini xavf ostida qoldirgani uchun sud qilindi. Bu haqda People xabar berdi.

Linkoln okrugi sudyasi Tomas Frashley 3-sentabr kuni Deutschni bolaga xavf tug‘dirishda aybdor deb topilgan ish bo‘yicha hukm chiqardi. Unga, shuningdek, maslahat olish majburiyati yuklatildi va asrab oluvchi ota-ona litsenziyasi bekor qilindi.

Sudya maymunga almashtirish bo‘yicha ayblov bo‘lmaganini aytdi

Deutsch 15-iyun kuni birinchi darajali bolaga xavf tug‘dirish ayblovini tan olgan. Ish materiallariga ko‘ra, u asrab olgan qizni Texasdagi sanitariya sharoitlari yomon va nazorat yetarli bo‘lmagan uyda qarovsiz qoldirgan.

Sudya Frashley hukm vaqtida Deutschning aynan shu holat...

O‘zbekiston Markaziy banki 2026-yil boshidan buyon 40 tonna oltin xarid qildi. Bu ko‘rsatkich mamlakatni yil boshidan beri oltin zaxirasini eng ko‘p oshirgan markaziy banklar orasida uchinchi o‘ringa olib chiqdi. Bu haqda Jahon oltin kengashi (World Gold Council) ma’lum qildi.

Hisobot 2026-yil iyul oyidagi markaziy banklar faoliyatini qamrab oladi. Unga ko‘ra, yil boshidan beri Polsha 90 tonna, Xitoy 60 tonna, O‘zbekiston esa 40 tonna oltin xarid qilgan.

O‘zbekiston iyulda 1 tonna oltin sotdi

O‘zbekiston Markaziy banki iyul oyida 1 tonna oltin sotgan. Shunga qaramay, yil boshidan buyon mamlakatning oltin bo‘yicha sof xaridi 40 tonnani tashkil etmoqda.

O‘zbekistonning...

Ijtimoiy himoya milliy agentligi fuqarolarni Ijtimoiy reyestrdan chiqarish bilan bog‘liq ijtimoiy tarmoqlarda tarqalgan fikrlarga munosabat bildirdi. 

Agentlikka ko‘ra, oilaning Ijtimoiy reyestrdan chiqarilgani uning avtomatik ravishda kambag‘allikdan chiqqanini anglatmaydi.

Reyestrning vazifasi kambag‘allik statistikasini yuritish emas

Ijtimoiy reyestr ehtiyojmand aholini aniqlash, ularni ijtimoiy himoya tizimi bilan qamrab olish hamda zarur yordam va xizmatlarni ko‘rsatish uchun mo‘ljallangan.

Agentlikning ta’kidlashicha, reyestrdan chiqarish belgilangan reja yoki statistik ko‘rsatkichlarni bajarish maqsadida emas, balki oilaning ijtimoiy-iqtisodiy holati amalda yaxshilangani va belgilangan mezonlarga javob bergani asosida amalga oshirilishi kerak.

Ma’lum bir hududdagi kambag‘allik darajasi esa Jahon banki metodologiyasi asosida belgilangan standartlar bo‘yicha o‘tkaziladigan so‘rovlar...

Yaqin Sharqda kemalarga hujumlar kuchaysa, neft narxi bir barrel uchun $120 gacha ko‘tarilishi mumkin. Goldman Sachs tahlilchilariga ko‘ra, bu hozirgi Brent narxidan qariyb 25 foiz yuqori.

Bloomberg ma’lumotiga ko‘ra, Goldman Sachs global xomashyo bozorlari tadqiqotlari bo‘limi hamraisi Daan Struyven Yaqin Sharqdagi so‘nggi voqealar dengiz orqali tashishdagi uzilishlar yanada kuchayishi xavfini oshirganini aytdi.

«So‘nggi bir necha kundagi voqealar dengiz tashuvlaridagi uzilishlar kengayishi va kuchayishi xavfi sezilarli ekanini ko‘rsatmoqda», — dedi Struyven.

Brent narxi $97,8 gacha ko‘tarildi

7-sentabr, dushanba kungi savdolarda Brent markali neft fyucherslari qariyb 1,6 foizga qimmatlashib, bir barrel uchun $97,8 ga yetgan.

Talabalar, jumladan birinchi bosqichda tahsil olayotganlar ham to‘lov-shartnomasini olish uchun onlayn ariza yuborishi mumkin. Oliy ta’lim, fan va innovatsiyalar vazirligiga ko‘ra, buning uchun kontrakt.edu.uz tizimidan ro‘yxatdan o‘tish lozim.

Arizalar oliy ta’lim muassasasining qabul komissiyasi tomonidan ko‘rib chiqiladi va tasdiqlangach, QR-kodli to‘lov-shartnomasi shakllantiriladi.

Ariza qanday yuboriladi

Talaba kontrakt.edu.uz platformasiga kirib, tizimdan ro‘yxatdan o‘tadi va to‘lov-shartnomasini olish uchun onlayn ariza yuboradi.

Ariza OTM qabul komissiyasi tomonidan tasdiqlangandan keyin tayyor shartnomani yuklab olish mumkin bo‘ladi.

To‘lovlar o‘z vaqtida amalga oshirilishi kerak

Tasdiqlangan shartnoma shakllantirilgach, unda ko‘rsatilgan to‘lovlarni belgilangan muddatlarda amalga oshirish talab etiladi.

To‘lov-shartnomasi uchun arizani «KONTRAKT EDU» mobil...

Qirg‘iziston prezidenti matbuot kotibi Askat Alago‘zov «Bishkek-Arena» stadionining qurilishiga $386 mln sarflanganini ma’lum qildi.

Uning aytishicha, avval tarqalgan $60 mlnlik raqam noto‘g‘ri bo‘lib, loyiha keyinchalik kengaytirilgan va ko‘p funksiyali majmuaga aylantirilgan. Alago‘zov Facebook’dagi sahifasida stadion bo‘yicha to‘liq ma’lumotlar endi olinganini va shu sabab avvalgi raqamlarga aniqlik kiritilayotganini yozdi.

Alago‘zovning tushuntirishicha, stadion qurilishi dastlab 30–35 ming tomoshabinga mo‘ljallangan oddiy arena sifatida rejalashtirilgan.

O‘sha paytda loyiha qiymati taxminan $60 mln bo‘lishi aytilgan. Keyinchalik Prezident Sadir Japarov topshirig‘i bilan loyiha qayta ko‘rib chiqilib, savdo va ko‘ngilochar obyektlarni ham o‘z ichiga oladigan yirik ko‘p funksiyali majmuaga aylantirilgan.

Stadion 51 ming tomoshabinga...

Avtoekspert Kamol Sulaymonov yangi haydovchilar uchun qaysi avtomobillar ko‘proq mos kelishini aytdi. Uning fikricha, birinchi mashinani tanlashda konstruksiyasi sodda, ko‘rinishi yaxshi va texnik xizmat ko‘rsatish oson bo‘lgan avtomobillarga e’tibor berish kerak.

Ekspert yangi haydovchilar uchun Chevrolet Cobalt, Spark va Nexia 3’ni mos modellar sifatida ko‘rsatdi. Shuningdek, muqobil variant sifatida elektromobillarni ham ko‘rib chiqishni tavsiya qildi.

Parkovka uchun Spark, soddalik uchun Cobalt

Sulaymonovning so‘zlariga ko‘ra, Chevrolet Cobalt yangi haydovchi uchun eng maqbul variantlardan biri bo‘lib qolmoqda. Bu model O‘zbekistonda keng tarqalgan, konstruksiyasi nisbatan sodda. Shu sababli avtomobilga texnik xizmat ko‘rsatish va uni ta’mirlashda odatda jiddiy qiyinchiliklar yuzaga kelmaydi.

Yana bir...

O‘zbekistonda davlat ishtirokidagi yirik aktivlarni xususiy sektorga o‘tkazish jarayoni kengaytirilmoqda. Yangi ro‘yxatga «Turonbank», «O‘zexpomarkaz», Xalqaro hamkorlik markazi, temiryo‘l korxonalari, texnoparklar va savdo obyektlaridagi davlat ulushlari kiritilgan.

Xususiylashtirish 2026-yil 28-avgustdagi 177-son Prezident farmoni asosida amalga oshiriladi. Davlat aktivlarini boshqarish agentligi ma’lumotiga ko‘ra, hujjat doirasida jami 84 ta xo‘jalik jamiyatidagi davlat ulushlari, 1 242 ta ko‘chmas mulk obyekti va qariyb 8 ming gektar yer uchastkalarini savdoga chiqarish rejalashtirilgan. 

«Turonbank»ning 98,9 foizi sotuvga chiqariladi

Yirik aktivlar orasida «Turonbank»ning davlatga tegishli 98,9 foiz aksiyalari bor. Ularni ochiq savdolarga chiqarish ko‘zda tutilgan.

Bankni xususiylashtirishga tayyorlash Iqtisodiyot va moliya vazirligiga yuklatilgan...

Janubiy Koreyada xorijda sodir etilgan jinoyatlar bo‘yicha qidiruvga berilgan 110 nafar chet el fuqarosi yashirinib yurgani aniqlandi. Ularning 19 nafari O‘zbekiston fuqarolari bo‘lib, bu ko‘rsatkich bo‘yicha o‘zbekistonliklar Xitoy fuqarolaridan keyin ikkinchi o‘rinda turibdi. Bu haqda Janubiy Koreya Milliy politsiya agentligi ma’lumotlariga tayanib The Korea Herald xabar berdi.

Janubiy Koreyada yashirinayotgan xalqaro qidiruvdagi xorijliklarning eng katta qismini Xitoy fuqarolari tashkil etgan – 40 nafar yoki umumiy sonning 36 foizi. Keyingi o‘rinda 19 nafar O‘zbekiston fuqarosi qayd etilgan. Mo‘g‘uliston fuqarolari esa 17 nafarni tashkil qilgan.

Eng ko‘p qidiruv firibgarlik bilan bog‘liq

Qidiruvdagi shaxslar orasida eng ko‘p uchraydigan jinoyat turi firibgarlik...

Xiaomi 18 Fold buklanadigan smartfoni uchun Xitoyda oldindan buyurtmalar ochildi. Qurilma 10-sentabrdan sotuvga chiqadi, boshlang‘ich narxi esa 11 ming yuan, ya’ni taxminan $1,6 mingni tashkil etadi.

Xiaomi 18 Fold ichki tomonda 7,58 dyuymli, tashqi tomonda esa 5,38 dyuymli displey bilan jihozlangan. Har ikki ekran tomonlar nisbati 2:1 bo‘lgan formatda ishlaydi.

Korpusi 5 millimetr atrofida

Smartfonning og‘irligi 219 grammni tashkil etadi.

Ochiq holatda korpus qalinligi taxminan 5 millimetr atrofida bo‘ladi. Bu uni yirik buklanadigan smartfonlar orasida nisbatan ixcham modelga aylantiradi.

Xring O3 protsessori o‘rnatilgan

Xiaomi 18 Fold kompaniyaning Xring O3 protsessorida ishlaydi. Geekbench 7 testida chip bir yadroli...

O‘zbekistonda litsenziyalash, ruxsat berish va xabardor qilish tartib-taomillariga oid huquqbuzarliklar haqida vakolatli organlarga xabar bergan jismoniy va yuridik shaxslar pul mukofoti bilan rag‘batlantiriladi. Agar xabar tasdiqlanib, aybdordan jarima undirilsa, xabar bergan shaxsga jarimaning 10 foizi miqdorida bir martalik mukofot beriladi. Bu haqda Adliya vazirligi xabar berdi.

Unga ko‘ra, fuqarolar va tashkilotlar litsenziyalash, ruxsat berish yoki xabardor qilish tartiblariga oid aniqlangan huquqbuzarliklar haqida maxsus elektron tizim yoki Adliya vazirligining mobil ilovasi orqali vakolatli organlarga xabar berishi mumkin.

Agar huquqbuzarlik foto yoki videoga olingan bo‘lsa, materiallarda huquqbuzarlikning o‘zi, huquqbuzar haqidagi ma’lumotlar mavjud bo‘lsa ular, shuningdek, voqea sodir bo‘lgan sana va vaqt...

O‘zbekistonlik grossmeyster Javohir Sindarov va qozog‘istonlik shaxmatchi Bibisara Asaubayeva Hindistonning Bengaluru shahrida Tech Mahindra Global Chess League turniri ochilishiga bag‘ishlangan tadbirda ishtirok etdi. Ularning birga tushgan videosi ChessBase India Instagram sahifasida e’lon qilindi.

Videoda Asaubayeva oq kechki libosda, Sindarov esa qora kiyimda ko‘rinadi. Yomg‘irga qaramay, ular qora-oq soyabon ostida birga suratga tushgan.

Ular birga suratga tushdi

ChessBase India tarqatgan videoda Asaubayeva va Sindarov ochilish marosimida kameralar e’tiborida bo‘lgani...

«O‘zbekneftgaz» yil oxirigacha gaz kondensati, oltingugurt va suyultirilgan gaz ishlab chiqarish hajmini amaldagi ko‘rsatkichga nisbatan 20 foizga oshirishni rejalashtirmoqda. Kompaniya tabiiy gazning sutkalik qazib chiqarish hajmini ham 4,36 mln kub metrga ko‘paytirmoqchi. Bu haqda kompaniyaning kengaytirilgan yig‘ilishida ma’lum qilindi. 

Gaz qazib chiqarish 4,36 mln kub metrga oshiriladi

Kompaniya oldidagi asosiy vazifalardan biri yangi quduqlarni ishga tushirish va amaldagi quduqlarni kapital ta’mirlash hisobiga tabiiy gaz qazib chiqarishni ko‘paytirishdan iborat.

Rejaga ko‘ra, avgust va sentabr oylarida ishga tushirilishi belgilangan quduqlarni foydalanishga topshirish orqali sutkalik qazib chiqarish hajmini 3,9 mln kub metrga oshirish ko‘zda tutilgan.

Yana 16 ta quduqni kapital...

Rossiyaning «Gazprom» kompaniyasi 2026-yil boshidan Qozog‘iston, Qirg‘iziston va O‘zbekistonga tabiiy gaz yetkazib berishni jami hisobda qariyb 70 foizga oshirdi. Bu haqda kompaniya boshqaruvi raisi Aleksey Miller ma’lum qildi.

Miller neft va gaz sanoati xodimlari kuni munosabati bilan o‘tkazilgan yig‘ilishda Markaziy Osiyo yo‘nalishidagi yetkazib berishlar sezilarli ko‘payganini aytdi.

«Bu yil Markaziy Osiyoda ham yaxshi natijalarga erishdik. Qozog‘iston, Qirg‘iziston va O‘zbekistonga yetkazib berishlarimizni jami qariyb 70 foizga oshirdik», — dedi Aleksey Miller.

O‘zbekistonga 2025-yilda 6,48 mlrd kub metr gaz yetkazilgan

O‘zbekiston 2023-yildan Rossiyadan «Gazprom» gazini import qila boshlagan. Yetkazib berish «Markaziy Osiyo — Markaz» magistral...

Farg‘ona viloyatida fuqaroni yuqori lavozimga ishga joylashtirib qo‘yishni va’da qilgan shaxs ushlandi. U o‘zini O‘zbekiston Respublikasi hakamlik sudi sudyasining yordamchisi sifatida tanishtirib, tanishlari orqali Uchko‘prik tumani hokimi lavozimiga tayinlanishni va’da qilgan. Bu haqda Bosh prokuratura huzuridagi departament xabar berdi.

Lavozim uchun $210 ming so‘ragan

Bosh prokuratura huzuridagi Departamentning Farg‘ona viloyati boshqarmasi va huquqni muhofaza qiluvchi boshqa organlar hamkorligida tezkor tadbir o‘tkazilgan.

Tadbir davomida fuqaro boshqa bir fuqaroning ishonchiga kirib, uni $210 ming evaziga Uchko‘prik tumani hokimi lavozimiga ishga joylashtirib qo‘yishini aytgan.

U kelishilgan pulning $100 mingini olayotgan vaqtida ashyoviy dalillar bilan ushlangan.

Jinoyat ishi qo‘zg‘atildi

Mazkur holat yuzasidan...

2026-yilning 26-dekabridan boshlab Toshkent — Mavrikiy yo‘nalishida ilk bor to‘g‘ridan to‘g‘ri aviaqatnovlar yo‘lga qo‘yiladi. Shu munosabat bilan Toshkentdagi Hyatt Regency mehmonxonasida O‘zbekiston va Mavrikiy turizm tadbirkorlarining ikki tomonlama ochiq muloqoti bo‘lib o‘tdi. Bu haqda Turizm qo‘mitasi xabar berdi. 

2027-yildan Marvikiyga haftasiga bir marta parvoz

Muloqot O‘zbekistonning Prestige Travel kompaniyasi tashabbusi bilan Turizm qo‘mitasi hamkorligida tashkil etildi. Unda Mavrikiyning yetakchi turizm kompaniyalari va mehmonxona brendlari vakillari hamda mahalliy turoperatorlar ishtirok etib, ikki tomonlama turistik loyihalarni ishga tushirish va hamkorlik aloqalarini rivojlantirish masalalari muhokama qilindi.

Rejaga ko‘ra, dastlabki bosqichda 26-dekabr va yanvar oylarida jami 4 ta Toshkent...