Yangiliklar

O‘zbekiston terma jamoasi himoyachisi Abduqodir Husanov «Manchester Siti»ning 2026/27-yilgi Chempionlar ligasi umumiy bosqichi uchun qaydnomasidan joy oldi. 22 yoshli futbolchi klubning A ro‘yxatiga kiritilgan. Bu haqda Sports.kz xabar berdi.

«Manchester Siti» turnir uchun jami 23 futbolchini A ro‘yxatga kiritdi. Ular orasida Abduqodir Husanov ham bor.

Klub qaydnomasiga Donnarumma, Rulli, Bettinelli, Shabo, Lyuis, Husanov, Reys, Diash, Gehi, Gvardiol, Ayt-Nuri, Nunes, Kovachich, Anderson, Buaddi, Fernandes, Sherki, Foden, Doku, Allan, Ndiaye, Semenyo va Holand kiritilgan.

Niko O’Rayli va Rayan Makadu esa B ro‘yxatidan joy olgan.

«Manchester Siti» ilk o‘yinini «Portu»ga qarshi o‘tkazadi

«Manchester Siti» Chempionlar ligasi umumiy bosqichidagi ilk uchrashuvini 8-sentabr...

O‘zbekistonlik grossmeyster Javohir Sindarov Hindistonning Bengaluru shahrida an’anaviy tarzda kutib olindi. Shaxmatchi Tech Mahindra Global Chess League 2026 turnirida qatnashish uchun Hindistonga yetib borgandi.

Chess with Lokesh Instagram sahifasida Sindarovning mehmonxonaga kelgan payti aks etgan video e’lon qilindi.

Sindarovga tilak qo‘yildi

Videoda mehmonxona xodimasi an’anaviy sari libosida Sindarovni kutib olgani ko‘rinadi.

U shaxmatchiga sham, gullar va shirinliklar qo‘yilgan patnisni tutadi. Shundan so‘ng Sindarovning peshonasiga qizil tilak belgisi qo‘yiladi.

Apple’ning yangi iPhone Ultra modeli AQShda taxminan $2 mingdan sotuvga chiqishi mumkin. Vodafone operatorlari ma’lumotlarida qurilmaning narxi va xotira variantlari paydo bo‘lgan, biroq Apple bu ma’lumotlarni hozircha rasman tasdiqlamagan. Bu haqda Mydrivers xabar berdi.

Avstraliyadagi ma’lumotlarga ko‘ra, 256 GB xotirali iPhone Ultra 3 699 Avstraliya dollari, 512 GB versiya 4 199 dollar, 1 TB xotirali model esa 4 699 Avstraliya dollari turishi mumkin.

Mahalliy 10 foizlik soliq va hududiy narx siyosati hisobga olinsa, AQSh bozorida qurilmaning boshlang‘ich narxi taxminan $2 ming bo‘lishi mumkinligi aytilmoqda.

Avvalgi prognozlardan arzonroq bo‘lishi mumkin

Bungacha ayrim tahlilchilar iPhone Ultra narxi...

Turkiya Superligasining to‘rtinchi turida «Istanbul Bashakshehir» «Galatasaray»ga 2:3 hisobida mag‘lub bo‘ldi. Uchrashuvda O‘zbekiston terma jamoasi futbolchilari Eldor Shomurodov va Abbosbek Fayzullayev asosiy tarkibda maydonga tushdi. Flashscore portali uchrashuvdan so‘ng futbolchilarning o‘yinini baholadi.

Shomurodov gol urdi

Eldor Shomurodov uchrashuvni to‘liq o‘tkazdi va 66-daqiqada penaltidan gol urdi.

Flashscore unga 6,9 ball qo‘ydi.

Fayzullayev 6,5 ball oldi

Abbosbek Fayzullayev ham asosiy tarkibda o‘yinni boshladi. U 74-daqiqada almashtirildi.

Portal o‘zbekistonlik futbolchining o‘yinini 6,5 ball bilan baholadi.

Eng yuqori baho Yunus Akgunga berildi

Uchrashuvning eng yaxshi futbolchisi sifatida «Galatasaray» hujumchisi Yunus Akgun qayd etildi. U Flashscore’dan 8,2 ball oldi.

Eslatib o‘tamiz...

5 – 6-sentabr kunlari aholiga moliyaviy xizmatlardan foydalanishda qulaylik yaratish maqsadida ayrim banklar odatdagi faoliyatini davom ettiradi. Bu haqda Markaziy bank ma’lum qildi.

Quyidagi tijorat banklarining valyuta ayirboshlash va pul o‘tkazmalari shoxobchalari aholiga xizmat ko‘rsatadi:

Shuningdek, fuqarolar...

O‘zbekistonda lombardlarning jami aktivlari bir yil ichida 50 foizga oshib, 937,7 mlrd so‘mga yetdi. Bu haqda Markaziy bank ma’lumotlarida keltirilgan.

Lombardlar soni kamaydi, aktivlar esa oshdi

2025-yil 1-avgust holatiga ko‘ra, mamlakatda 92 ta lombard faoliyat yuritgan va ularning jami aktivlari 625,7 mlrd so‘mni tashkil etgan.

2026-yil avgustiga kelib lombardlar soni 90 taga tushgan. Shunga qaramay, jami aktivlar 937,7 mlrd so‘mgacha oshgan.

Bir yil davomida lombardlar aktivlari 312 mlrd so‘mga yoki 50 foizga ko‘paygan.

Kreditlar qoldig‘i 692,7 mlrd so‘mga yetdi

Lombardlar tomonidan ajratilgan kreditlarning sof qoldig‘i ham sezilarli darajada oshgan. 2025-yil avgustida bu ko‘rsatkich 513,4 mlrd so‘m bo‘lgan...

General Motors Xitoydagi SAIC-GM-Wuling zavodida Chevrolet brendi uchun ishlab chiqilayotgan yangi elektr sedanining ilk tasvirini ko‘rsatdi. Hozircha avtomobilning nomi, texnik xususiyatlari va qachon sotuvga chiqishi ochiqlanmagan.

Avtomobil sirli tarzda namoyish qilindi

Yangi model General Motors va SAIC-GM-Wuling o‘rtasidagi kelajakdagi avtomobillar bo‘yicha yangi loyiha taqdimotida ko‘zga tashlangan. Rasmiy suratda avtomobilning katta qismi yopilgan bo‘lsa-da, uning sedan kuzoviga ega ekani ko‘rinadi.

GM South America prezidenti va boshqaruvchi direktori Tomas Ovsianyanskiyning Xitoyga tashrifi vaqtida olingan surat kompaniyaning yangi model bo‘yicha ilk rasmiy ishoralaridan biri bo‘ldi.

Chevrolet uchun yangi avlod model bo‘lishi mumkin

Kompaniya hozircha avtomobil haqida batafsil ma’lumot bermagan. Biroq...

Polkovnik Abdumajid Shermuxamedov Andijon viloyati Ichki ishlar boshqarmasi boshlig‘i etib tayinlandi. U bungacha Xorazm viloyati IIB boshlig‘i lavozimida faoliyat yuritgan. Bu haqda Ichki ishlar vazirligi ma’lum qildi. 

Yangi rahbar navbatdan tashqari sessiyada tanishtirildi

Tayinlov Andijon viloyati xalq deputatlari Kengashining navbatdan tashqari sessiyasi doirasida ma’lum qilindi.

Ichki ishlar vazirining tegishli buyrug‘iga asosan, ilgari Xorazm viloyati Ichki ishlar boshqarmasi boshlig‘i lavozimida xizmat qilgan polkovnik Shermuxamedov Abdumajid Mavlyanovich Andijon viloyati IIB boshlig‘i etib tayinlandi.

Sessiyada viloyat hokimi Shuhratbek Abdurahmanov, Prezident Administratsiyasi mas’ullari, Ichki ishlar vazirligi vakillari, xalq deputatlari hamda huquqni muhofaza qiluvchi organlar rahbarlari ishtirok etdi.

Yangi rahbar oldiga...

Sirdaryoda tadbirkor auksion orqali sotib olgan yeridan foydalana olmagani sababli to‘lagan 772 mln so‘mini qaytarib oladigan bo‘ldi. Sud yer ijara shartnomasini muddatidan oldin bekor qildi. Bu haqda Biznes-ombudsman xabar berdi.

Yer auksion orqali olingan

P.E. korxonasi E-auksion platformasi orqali Sirdaryo erkin iqtisodiy zonasi hududidan 7,24 gektar yer maydonini olgan va buning uchun belgilangan to‘lovlarni amalga oshirgan.

Tadbirkor ushbu hududdan shartnomada ko‘rsatilgan maqsadlarda foydalanishni rejalashtirgan.

Hududda boshqa loyiha belgilangan

Keyinchalik hukumat qarori bilan mazkur hududda sanoat kooperatsiyasi markazi obyektlarini barpo etish belgilangan.

Shu sababli tadbirkor auksion orqali olgan yeridan shartnomada nazarda tutilgan maqsadda foydalana olmagan.

Biznes-ombudsman sudga...

Qashqadaryoda qor yog‘di, «dom»da akula boqqan shaxs ushlandi — 4-sentabr yangiliklarini Kursi Uzbekistan dayjestida o‘qing.

Qashqadaryoda qor yog‘di — foto

Qashqadaryo viloyatidagi Hisor davlat qo‘riqxonasida havo keskin sovidi. Natijada qo‘riqxonaning Miraki va G‘elon bo‘limlaridagi yuqori tog‘li hududlar qor bilan qoplandi. Bu haqda Ekologiya va iqlim o‘zgarishi milliy qo‘mitasi huzuridagi Muhofaza etiladigan tabiiy hududlar departamenti ma’lum qildi.

Ma’lumotga ko‘ra, havo haroratining keskin pasayishi ortidan Miraki va G‘elon bo‘limlarining yuqori qismlariga qor yog‘gan. Hisor davlat qo‘riqxonasi G‘elon, Miraki, Tanxozdaryo va Qizilsuv bo‘limlaridan iborat.

Farg‘onadagi ko‘p qavatli uyning yerto‘lasida akula boqilayotgani aniqlandi — video

Farg‘ona shahridagi ko‘p kvartirali uy yerto‘lasida...

Toshkent shahri va Navoiy viloyatida ichimlik suvi tarmoqlariga o‘zboshimchalik bilan ulanib, jami 468,4 mln so‘mlik suvdan noqonuniy foydalanish holatlari aniqlandi. Bu haqda Bosh prokuratura huzuridagi Departament ma’lum qildi.

Aniqlangan holatlar yuzasidan jinoyat ishlari qo‘zg‘atilib, tergov harakatlari olib borilmoqda.

Chilonzorda 366,6 mln so‘mlik zarar aniqlandi

Departamentning Chilonzor tumani bo‘limi tomonidan o‘tkazilgan tergovga qadar tekshiruv davomida «M.O.» MCHJ mas’ul shaxslari Nafosat mahallasidagi qurilish obyektida umumiy foydalanishdagi ichimlik suvi tarmog‘iga tijorat maqsadida o‘zboshimchalik bilan ulanganliklari aniqlangan.

Tekshiruv ma’lumotlariga ko‘ra, buning natijasida 366,6 mln so‘mlik ichimlik suvidan noqonuniy foydalanilgan.

Zarafshonda 101,8 mln so‘mlik suvdan noqonuniy foydalanilgan

Yana bir holat Departamentning Zarafshon...

Shavkat Mirziyoyev Toshkentda tashkil etilgan yangi Zamonaviy san’at markaziga borib, uning faoliyati va tashrif buyuruvchilar uchun yaratilgan sharoitlar bilan tanishdi. Markaz 6-sentabr kuni rasman ochiladi. Bu haqda prezident matbuot xizmati xabar berdi.

Tarixiy bino zamonaviy san’at maskaniga aylandi

Zamonaviy san’at markazi Madaniyat va san’atni rivojlantirish jamg‘armasining yirik loyihalaridan biri hisoblanadi. U O‘zbekistonda zamonaviy san’atga ixtisoslashtirilgan ilk davlat muassasasi sifatida faoliyat yuritadi.

Markaz joylashgan bino 1912-yilda me’mor Vilgelm Geynselman loyihasi asosida qurilgan. Dastlab bu hudud tramvay deposi sifatida foydalanilgan, keyinchalik esa bino dizel elektr stansiyasiga aylantirilgan.

Obyektni qayta tiklash konsepsiyasini Fransiyaning Studio KO me’moriy byurosi ishlab chiqqan. Restavratsiya vaqtida...

O‘zbekistonda tibbiyot va farmatsevtika xodimlarini davlat ro‘yxatidan o‘tkazish tizimini joriy etish rejalashtirilmoqda. Bu haqda prezident matbuot xizmati xabar berdi.

Prezident Shavkat Mirziyoyev 4-sentabr kuni tibbiyot va farmatsevtika sohasida kadrlar tayyorlash, ularni davlat ro‘yxatidan o‘tkazish hamda uzluksiz kasbiy ta’lim tizimini takomillashtirish bo‘yicha takliflar taqdimoti bilan tanishdi.

Tibbiyot xodimlarining yagona elektron reyestri yaratiladi

Aholiga ko‘rsatilayotgan tibbiy xizmatlar sifati va xavfsizligini oshirish maqsadida mutaxassislarning bilim va amaliy tayyorgarligini mustaqil baholash tizimini yo‘lga qo‘yish taklif qilindi.

Barcha tibbiyot va farmatsevtika xodimlarini qamrab oladigan yagona elektron reyestr shakllantiriladi. U 16 ta axborot bazasi bilan integratsiya qilinib, mutaxassislarning ta’limi, malakasi va kasbiy faoliyatiga oid...

O‘zbekiston banklariga bir bankning o‘z kartalari o‘rtasidagi to‘lovlarni uchinchi tomon infratuzilmasisiz amalga oshirish imkoniyati berildi. Tegishli hujjat Adliya vazirligida 27-avgust kuni ro‘yxatdan o‘tkazilib, Lex.uz portalida e’lon qilindi.

Buning uchun banklar tizim ishga tushishidan kamida 30 kun oldin Markaziy bankni xabardor qilishi kerak.

In-house modeli joriy etildi

Markaziy bank bank ichidagi hisob-kitoblarni in-house modeli asosida qayta ishlash tartibini tasdiqladi.

Yangi model bankka o‘z kartalari o‘rtasidagi operatsiyalarni boshqa tashkilot xizmatlaridan foydalanmasdan, o‘zining axborot va to‘lov infratuzilmasida amalga oshirish imkonini beradi. Bunda to‘lovni avtorizatsiya qilish, qayta ishlash va mablag‘larni o‘tkazish jarayonlari bankning o‘z tizimida bajariladi.

Banklar uchun yangi talablar

AQSh Eron bilan muzokaralarni qayta boshlash uchun Tehron savdo kemalariga hujumlarni to‘xtatishi kerakligini bildirdi. Bu haqda AQSh vitse-prezidenti Jey Di Vens Oq uyda o‘tkazilgan brifingda ma’lum qildi.

Vensning so‘zlariga ko‘ra, Vashington hozirgi sharoitda Eron bilan muzokaralarni qayta boshlash niyatida emas. AQSh tomoni Tehronni savdo kemalariga zarba berishda ayblamoqda.

Vashington neft va gaz yetkazib berilishini himoya qilmoqchi

AQSh vitse-prezidenti mamlakat bir necha kun oldin savdo kemalariga hujum qilish imkoniyatlarini cheklashga qaratilgan choralarni ko‘rganini aytdi.

Uning ta’kidlashicha, bu qadamlar jahon bozorlariga neft va gaz yetkazib berilishining uzluksizligini ta’minlash maqsadida amalga oshirilmoqda.

Vens, shuningdek, AQSh uzoq vaqtdan beri Eronga qarshi keng...

BMW starter relesidagi nosozlik sabab 189 130 ta avtomobilini qaytarib olish kampaniyasini boshladi. Bu haqda Kursiv Kazakhstan RBC ma’lumotlariga tayanib xabar berdi.

Qaytarib olinadigan avtomobillar 2014 – 2020-yillarda ishlab chiqarilgan BMW 3 Series, 5 Series va 7 Series modellarini qamrab oladi.

Muammo starter relesi bilan bog‘liq

Aniqlangan nosozlik starter relesining namlikdan yetarli darajada himoyalanmagani bilan bog‘liq.

Uzoq vaqt davomida suv yoki namlik ta’sir qilganda detal ichidagi kontaktlar oksidlanishi mumkin. Bu esa qisqa tutashuvga olib kelib, yong‘in xavfini oshiradi.

Qaysi avtomobillar qaytarib olinadi

Qaytarib olish kampaniyasi 2014-yil 29-iyuldan 2020-yil 12-noyabrgacha ishlab chiqarilgan avtomobillarga taalluqli.

Kompaniya zarur hollarda suv...

Apple iPhone 18 liniyasini hali rasman taqdim etmadi, biroq Rossiyada iPhone 18 Pro Max uchun erta bron qilish boshlandi. «Ria Novosti» yozishicha, 256 GB xotirali eSIM-versiya 199 990 rubl ($2,3 ming)ga taklif qilinmoqda.

Bron qilish 4 – 8-sentabr kunlari restore sayti va ilovasi orqali amalga oshiriladi. Aksiya doirasida kafolatlangan narxda atigi 100 dona smartfon ajratilgan. Kompaniya qurilmalarni jahon savdosi boshlanganidan keyin, sentabrning uchinchi o‘n kunligida yetkazib berishni rejalashtirmoqda.

iPhone 18 qachon chiqishi mumkin

Apple yangi qurilmalarni taqdim etish jadvalini o‘zgartirishi mumkin. Dastlab Pro-modellar va ilk buklanadigan iPhone, keyinroq esa bazaviy iPhone 18 chiqarilishi kutilmoqda.

Manbada Apple taqdimoti...

Waymo AQShning Denver, San-Diyego va Tampa shaharlarida haydovchisiz taksi xizmatini ishga tushirdi. Denver va San-Diyegoda xizmat Xitoyning Zeekr kompaniyasi ishlab chiqargan Ojai robotaksilari asosida yo‘lga qo‘yildi. Bu haqda CarNewsChina xabar berdi.

Waymo yangi platformani bosqichma-bosqich Jaguar I-Pace avtomobillari o‘rniga joriy qilmoqda. Ojai modeli avval Zeekr CM1e va Zeekr RT nomlari bilan ham tilga olingan.

Robotaksi Xitoyda ishlab chiqarilib, AQShda jihozlanadi

Waymo Ojai’ning asosiy avtomobil platformasi Zeekr tomonidan Xitoyning Ninbo shahrida ishlab chiqariladi. Shundan so‘ng avtomobil AQShga jo‘natilib, Arizona shtatining Mesa shahrida avtonom boshqaruv tizimi bilan jihozlanadi.

Zeekr avtomobilning o‘zini yetkazib beradi, Waymo esa avtonom haydash tizimi, hisoblash qurilmalari...

7-sentabr uchun valyutalar kursi yangilandi. Unga ko‘ra, dollar kursi 9,70 so‘mga tushib, 11 785,30 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

27-avgust kuni 45,17 so‘mga oshib, 11 823,69 so‘mni, 28-avgust kuni esa 22,46 so‘mga tushib, 11 801,23 so‘mni tashkil qildi. 2-sentabr kuni 19,25 so‘mga oshib, 11 820,48 so‘mga yetdi. 3-sentabr kuni pasayish tendensiyasini ko‘rsatib, 7,39 so‘mga tushib, 11 813,09 so‘m, 4-sentabr 18,09 so‘mga tushib, 11 795 so‘m bo‘ldi.

Yevro kursida tushish kuzatildi. Yevropa valyutasi 3,01 so‘mga pasayib, 13 695,70 so‘m bo‘ldi. Rossiya rubli esa oshdi. Rubl...

SpaceXAI kompaniyasi AQShning ayrim hududlarida Starlink uy interneti uchun 50 foizlik chegirma e’lon qildi. Bu haqda tom’sHardware ma’lum qildi.

Aksiya Tennessi shtatining Memfis shahri va unga qo‘shni Missisipi shtatidagi Sautheyven aholisi uchun amal qilmoqda.

Chegirma Starlink’ning barcha uchta uy tarifini qamrab oladi. Bundan tashqari, yangi mijozlarga Starlink V5 uskunasini ijaraga olishda dastlabki qurilma xarajatlarini to‘lamaslik imkoniyati ham berilmoqda.

Eng qimmat tarif oyiga $65 bo‘ldi

Aksiya doirasida 100 Mbit/s gacha tezlikdagi tarif narxi oyiga $55 dan $27,50 gacha tushirildi.

200 Mbit/s gacha tezlik beradigan tarif esa $85 o‘rniga $42,50 ga taklif qilinmoqda. Starlink Max tarifi oyiga $130 dan...

Lexar kompaniyasi smartfon bilan birga olib yurishga mo‘ljallangan Muse nomli tashqi SSD’ni namoyish etdi. Bu haqda kompaniya rasmiy sahifasida ma’lum qildi.

Ishlab chiqaruvchiga ko‘ra, u hozirgacha yaratilgan eng yupqa tashqi SSD bo‘lib, qalinligi atigi 3,8 millimetrni tashkil etadi.

O‘lchami smartfon aksessuari kabi

Lexar Muse’ning o‘lchamlari 80 × 48 × 3,8 millimetr. Qurilmaning chetlari qiya shaklda ishlangani sababli ayrim qismlarida uning qalinligi bundan ham kam.

Ixcham korpus uni iPhone bilan birga olib yurish imkonini beradi. SSD uchun MagSafe’ga mos maxsus g‘ilof ham ko‘zda tutilgan. Shu orqali qurilmani smartfonning orqa qismiga mahkamlash mumkin.

USB-C o‘rniga maxsus kabel

Qurilmaning juda...

Qashqadaryo viloyatidagi «Hisor» davlat qo‘riqxonasida havo keskin sovidi. Natijada qo‘riqxonaning Miraki va G‘elon bo‘limlaridagi yuqori tog‘li hududlar qor bilan qoplandi. Bu haqda Ekologiya va iqlim o‘zgarishi milliy qo‘mitasi huzuridagi Muhofaza etiladigan tabiiy hududlar departamenti ma’lum qildi.

Ma’lumotga ko‘ra, havo haroratining keskin pasayishi ortidan Miraki va G‘elon bo‘limlarining yuqori qismlariga qor yoqqan. Hisor davlat qo‘riqxonasi G‘elon, Miraki, Tanxozdaryo va Qizilsuv bo‘limlaridan iborat.

Qo‘riqxona maydoni 81 ming gektardan ortiq

Hisor davlat qo‘riqxonasi 1983-yilda Qashqadaryo viloyatida tashkil etilgan.

Uning asosiy vazifasi Hisor tizmasining shimoli-g‘arbiy tarmoqlaridagi tabiiy hududlarni asl holicha saqlash, noyob o‘simlik va hayvonot dunyosini muhofaza qilish hamda tabiiy jarayonlarni o‘rganishdan...

AQShda mamlakat hududida tug‘ilgan chaqaloqlarga fuqarolik berishni cheklashga qaratilgan prezident Donald Tramp farmoni ijrosi yana to‘sib qo‘yildi. Bu haqda Euronews nashri xabar berdi.

Merilend okrug sudi ma’muriyatga ushbu hujjatni amalga oshirishni taqiqladi.

Farmonning ijrosi taqiqlandi

Sud qaroriga ko‘ra, AQSh Davlat kotibi, Bosh prokurori, Ichki xavfsizlik vaziri, Fuqarolik va immigratsiya xizmati direktori hamda Ijtimoiy ta’minot ma’muriyati rahbari va ularning vakillari farmonni qo‘llashi yoki ijro etishi mumkin emas.

Shu sababli hozircha AQSh hududida tug‘ilgan bolalarning fuqarolik olishiga oid amaldagi tartib o‘zgarishsiz qolmoqda.

Gap tug‘uruq turizmi haqida

Tramp ma’muriyati ushbu farmon orqali chet el fuqarolarining AQShga aynan farzand ko‘rish va...

Xiaomi’ga tegishli Poco brendi Hindistonda X8 Power smartfonini taqdim etdi. Qurilmaning asosiy xususiyati 10 000 mA/soat sig‘imli batareya bo‘lib, u 100 Vt tezkor quvvatlashni qo‘llab-quvvatlaydi va boshqa qurilmalarni ham quvvatlay oladi, deya xabar berdi Gizmochina.

Poco X8 Power kremniy-uglerodli akkumulyator bilan jihozlangan. Shunga qaramay, smartfon korpusining qalinligi 8,65 millimetrni tashkil etadi. Qurilmaning og‘irligi 229 gramm. Taqqoslash uchun, 5 500 mA/soat batareyali Poco X7 modeli 190 gramm edi.

Smartfon powerbank sifatida ham ishlaydi

X8 Power 100 Vt quvvatli HyperCharge tezkor quvvatlash texnologiyasini qo‘llab-quvvatlaydi.

Bundan tashqari, smartfon boshqa qurilmalarni kabel orqali 27 Vt gacha quvvat bilan zaryadlay oladi. Shu tariqa...