Yangiliklar

Apple kompaniyasi oʻzining Maps ilovasida reklama xizmatini yo‘lga qo‘yishni rejalashtirmoqda. Bu haqda GSM Arena nashri ma’lum qildi.

Bloomberg nashri muxbiri Mark Gurman manbalarga tayanib xabar berishicha, Apple Maps’dagi reklamalar Google Maps’da ishlatiladigan tizimga oʻxshash mexanizm orqali faoliyat yuritadi. Xususan, kompaniya brendlar va chakana savdo kompaniyalariga reklama joylashuvi va qidiruv kalit so‘zlari bo‘yicha taklif berish imkonini yaratadi. Natijada foydalanuvchi qidiruv amalga oshirganda, masalan, «eng yaxshi matcha» so‘rovi bo‘yicha, Starbucks yoki boshqa yaqin kafe zanjirlarining homiylik qilgan natijalari qidiruv ro‘yxatida koʻrinadi.

Shuningdek, xabarda aytilishicha, reklama iOS, iPadOS va macOS platformalaridagi Maps ilovasida koʻrinadi, shuningdek, foydalanuvchilar Apple’ning web-ilovasi orqali ham ushbu...

O‘zbekiston milliy terma jamoasi futbolchilari navbatdagi o‘rtoqlik o‘yinlariga tayyorgarlik doirasida yig‘inga kelib qo‘shildi. Jamoa oldida turgan muhim uchrashuvlar, tarkibdagi yo‘qotishlar va shaxsiy natijalar bo‘yicha hujumchi Eldor Shomurodov fikr bildirdi. Bu haqda Kursiv Uzbekistan muxbiri xabar bermoqda.

Mashg‘ulotlar yaxshi kayfiyatda boshlangan bo‘lib, barcha o‘yinchilar jamlangan. Terma jamoa yetakchilaridan biri Abbosbek Fayzullayev kichik jarohat sababli yig‘inda ishtirok etmayapti. Shomurodov bu holatni «albatta katta yo‘qotish», deb baholab, uning tez orada safga qaytishiga umid bildirdi.

Hujumchi Turkiya chempionatidagi o‘zining sermahsulligi pasayganiga ham to‘xtalib, har doim ham o‘yinchi xohlagandek natija bo‘lavermasligini ta’kidladi.

«Hamma futbolchilar bilan bu holat bo‘lib turadi. Muhimi jamoaviy...

Honor kompaniyasi Honor 600 modellar oilasini yangi Honor 600 va Honor 600 Pro smartfonlari bilan kengaytirishga tayyorlanmoqda. Bu haqda GSM Arena nashri ma’lum qildi.

Honor 600 va 600 Pro dizayni iPhone 17 Pro va iPhone 17 Pro Max modellari ilhomida yaratilgani seziladi. Har ikki model ham 6,57 dyuymli OLED ekran bilan jihozlangan bo‘lib, 120Hz yangilanish tezligi va «1.5K» ruxsatga ega ekanligi bildirildi. Qurilmalar Snapdragon 8-seriyali chipset bilan ishlaydi, ammo aynan qaysi chip modelidan foydalanilgani hozircha ma’lum emas.

Telefonlarning asosiy kamerasi 200MP bo‘lib, OIS (optik stabilizatsiya) texnologiyasi bilan ta’minlangan. Honor 600 modeli faqat ultra keng burchakli kameraga ega bo‘lsa...

O‘zbekiston hukumatiga «Migratory Species Champion Plus» («Ko‘chib yuruvchi turlarni asrash bo‘yicha chempion plus») maqomi berildi. Bu haqda Ekologiya va iqlim o‘zgarishi milliy qo‘mitasi ma’lum qildi.

2026-yil 23-mart kuni qo‘mita delegatsiyasi Braziliyaning Kampo-Grande shahrida bo‘lib o‘tgan Yovvoyi hayvonlarning ko‘chib yuruvchi turlarini muhofaza qilish to‘g‘risidagi konvensiya tomonlarining 15-konferensiyasi (CMS COP15) ochilish marosimida ishtirok etdi. Tadbirda davlatlar, xalqaro tashkilotlar va ekspertlar ko‘chib yuruvchi turlarni muhofaza qilish masalalarini muhokama qildi va global hamkorlikni mustahkamlash bo‘yicha birlashdilar.

Ochilish marosimida O‘zbekiston Konvensiyaning amaldagi raisligi doirasida so‘zga chiqib, raislikni rasman Braziliya Federativ Respublikasiga topshirdi. Yalpi majlis davomida O‘zbekiston delegatsiyasi 2024 – 2026-yillar davridagi raisligi natijalari...

Surxondaryo viloyatida o‘zini prokuraturaga aloqador deb tanishtirib, harbiy xizmatga joylashtirishni va’da qilgan shaxs qo‘lga olindi. Bu haqda Bosh prokuratura xabar berdi.

Ma’lumotlarga ko‘ra, fuqaro X.I. o‘zini go‘yoki Departamentda ishlagan deb tanishtirgan. U DXX Chegara qo‘shinlaridagi mansabdorlar bilan aloqasi borligini aytgan. Shu yo‘l bilan u fuqaro M.Q.ni shartnoma asosida harbiy xizmatga joylashtirib qo‘yishni va’da qilgan. Evaziga esa $1 ming talab qilgan.

21-mart kuni o‘tkazilgan tezkor tadbirda X.I. 12,2 mln so‘mni olayotgan vaqtda ashyoviy dalillar bilan ushlangan. Holat yuzasidan Jinoyat kodeksining 168-moddasi va 28, 211-moddalari bilan jinoyat ishi qo‘zg‘atilgan.

Tekshiruv davomida aniqlanishicha, X.I. hech qachon davlat idoralarida ishlamagan.

Eslatib o‘tamiz, Kursiv...

Hyundai Elantra 2027 modelining ilk norasmiy suratlari paydo bo‘ldi. Bu avtomobil P1 bosqichidagi prototip bo‘lib, ishlab chiqarishga yaqinlashganini anglatadi.

P1 bosqichi — model sinovdan o‘tib, endi seriyali ishlab chiqarishga tayyorlanayotganini bildiradi. Bu davrda avtomobil real yo‘llarda tekshiriladi va texnik kamchiliklar aniqlanadi. Yangi Elantra dizayni sezilarli darajada yangilanadi. Kompaniya o‘zining «Sensuous Sportiness» uslubini yanada mukammallashtirmoqda.

Old qismida faralar va radiator panjarasi birlashtirilgan ko‘rinishga ega bo‘ladi. Kunduzgi chiroqlar uzun LED chiziq shaklida bo‘lishi kutilmoqda. Asosiy faralar esa pastroq joylashadi. Yon tomondan qaralganda model retro uslubga yaqinlashadi. Orqa qismida esa 3D effektli yangi yorug‘lik tizimi paydo bo‘ladi.

Salon ham tubdan o‘zgaradi. Avtomobil...

Smart Xitoy bozorida yirik modellari bilan kutilgan natijaga erisha olmayapti. CarNewsChina xabariga ko‘ra, sotilmay qolgan Smart avtomobillari endi katta chegirmalar bilan realizatsiya qilinmoqda.

So‘nggi bir yil ichida brend qariyb 30 mingta avtomobil sotgan. Shundan asosiy ulush kichik Smart #1 modeliga to‘g‘ri kelgan. U umumiy savdoning 64 foizini tashkil etgan. Kattaroq Smart #3 va Smart #5 modellari esa ancha past natija ko‘rsatgan. Ayniqsa, flagman #5 modeliga talab sust bo‘lib qolmoqda.

Ma’lumotlarga ko‘ra, yangi Smart #5 avtomobillari ishlatilgan mashinalar platformalarida sotilmoqda. Ular rasmiy narxdan 100 ming yuanga arzon taklif qilinmoqda.

Masalan, rasmiy narxi 269,9 ming yuan ($39,1 ming) bo‘lgan model...

Forish tumanidagi AES qurilishi doirasida strategik hamkorlik hujjatlari imzolandi va dastlabki beton ishlari boshlandi. Bu haqda Atom energiyasi agentligi ma’lum qildi.

2026-yil 24-mart kuni Toshkent shahrida va Jizzax viloyatining Forish tumanidagi AES qurilish maydonchasida Atom energiyasini rivojlantirish agentligi – «O‘zatom» va Rossiyaning «Rosatom» davlat korporatsiyasi o‘rtasida atom va unga yondosh sohalardagi hamkorlik bo‘yicha kelishuv imzolandi. Hujjatlarni «O‘zatom» direktori Azim Axmedxadjayev va «Rosatom» bosh direktori Aleksey Lixachyov imzoladilar.

«Yo‘l xaritasi» AES qurilishi bosqichlari, yuqori malakali kadrlar tayyorlash, atom energetikasini jamoatchilik tomonidan qabul qilinishini ta’minlash va bo‘lajak atomchilar shaharchasi infratuzilmasini yaratishni o‘z ichiga oladi.

Forish tumanidagi AES qurilish maydonchasida RITM-200N...

25-mart uchun valyutalar kursi yangilandi. Unga ko‘ra, dollar 3,94 so‘mga oshib, 12 196,00 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

16-mart kuni 20,76 so‘mga tushib, 12 081,63 so‘mni qayd etdi. 17-martdan 19-martga qadar o‘sish qayd etildi. Asosan, 17-mart kuni dollar 9,59 so‘mga oshib, 12 091,22 so‘mni, 18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga yetdi.

Oxirgi besh kunlikdagi o‘zgarish

Grafik Chat GPT yordamida tayyorlandi / Kursiv Uzbekistan

Markaziy bank ma’lumotlariga ko‘ra, yevro...

Toshkent va Andijon yo‘nalishidagi ba’zi yo‘lovchi poyezdlari texnik sabablarga ko‘ra vaqtincha qatnovini to‘xtatdi. Bu haqda «O‘ztemiryo‘lyo‘lovchi» AJ ma’lum qildi.

Joriy yilning 29-mart kuni 734-sonli «Toshkent — Andijon» yo‘lovchi poyezdi harakati bekor qilinadi. Shuningdek, 30-mart kuni 733-sonli «Andijon — Toshkent», 730/729-sonli «Toshkent — Andijon — Toshkent», 92-sonli «Toshkent — Andijon» hamda 94-sonli «Toshkent — Andijon» yo‘nalishlaridagi poyezdlar qatnovi ham amalga oshmaydi.

Biroq ayrim yo‘nalishlardagi poyezdlar belgilangan tartibda harakatlanadi. 29-mart kuni 126/125-sonli «Xiva — Andijon» poyezdi Xiva bekatidan Toshkent Janubiy bekatigacha amaldagi jadval bo‘yicha qatnovni davom ettiradi.

30 va 31-mart kunlari 125/126-sonli «Andijon — Xiva» poyezdi Toshkent Janubiy bekatidan Xiva...

O‘zbekistonda davlat raqam belgilarini tanlash va xarid qilish jarayonini raqamlashtirish maqsadida yangi «AvtoRaqam» mobil ilovasi ishga tushirildi. Bu haqda YHXX matbuot kotibi Zoyir Yo‘ldoshov ma’lum qildi.

Mazkur ilova orqali foydalanuvchilar chiroyli kombinatsiyaga ega davlat raqam belgilarini tanlab, xarid qilishi mumkin. Oddiy davlat raqam belgilarini esa «Random» tizimi orqali tasodifiy tanlash yo‘li bilan olish imkoniyati saqlanib qolgan.

Tizimda har ikki holatda ham inson omili maksimal darajada cheklangan bo‘lib, barcha raqamlar elektron dasturlar orqali taqdim etiladi. Bu esa jarayonning shaffofligi va adolatli tashkil etilishini ta’minlaydi.

«AvtoRaqam» ilovasidan jismoniy va yuridik shaxslar, shuningdek, fuqaroligi bo‘lmagan shaxslar ham foydalanishi mumkin. Foydalanuvchilar real...

O‘zbekistonda eng ko‘p tanlanadigan avtomobillar orasida Chevrolet Cobalt va Tracker alohida o‘rin egallaydi. Ular turli segmentga mansub bo‘lsa-da, ko‘pincha xaridorlar aynan shu ikki model o‘rtasida tanlov qiladi. Quyida ularning asosiy farqlari va qaysi holatda qaysi biri yaxshiroq ekanini ko‘rib chiqamiz.

Dizayn va kuzov

Cobalt klassik sedan hisoblanib, uning dizayni oddiy va amaliy qilib ishlangan. Tracker esa krossover bo‘lib, balandroq kuzov va zamonaviy ko‘rinishga ega. Shahar va yomon yo‘llarda Tracker qulayroq, lekin Cobalt ham soddaligi bilan ajralib turadi.

Narx va xarajatlar

Cobaltning asosiy ustunligi uning arzonligidir. Bu model boshlang‘ich segmentga mansub bo‘lib, xarid va xizmat xarajatlari ham...

Migratsiya agentligi hamda Yaponiyaning «Proud Partners» kompaniyasi hamkorligida tashkil etilayotgan loyiha doirasida yuk yetkazib beruvchi haydovchilar uchun 200 ta ish o‘rni ajratildi. Bu haqda agentlik matbuot xizmati ma’lum qildi.

Mazkur dasturda ishtirok etish uchun asosiy talablardan biri — 2026-yil aprel oyidan boshlab Toshkent viloyatining Angren shahrida tashkil etiladigan 8 oylik bepul o‘quv kurslarida qatnashishga tayyor bo‘lish. Tinglovchilar kurs davomida bepul yotoqxona bilan ta’minlanadi.

Tanlov 2026-yil 30-martdan 3-aprelga qadar onlayn suhbat shaklida o‘tkaziladi va uni «Proud Partners» kompaniyasi amalga oshiradi. Nomzodlar 21 yoshdan 35 yoshgacha bo‘lishi, shuningdek BC toifadagi haydovchilik guvohnomasiga ega bo‘lishi talab etiladi. Bunda C toifa olinganiga...

Li Auto yaqin yillarda EREV sedanlar ishlab chiqarmasligini ma’lum qildi. Bu haqda kompaniya mahsulot liniyasi rahbari Tang Jing bayonot berdi.

Unga ko‘ra, yangi «range extender 3.0» dvigateli aynan L-seriyadagi krossoverlar uchun yaratilgan. Shu sababli uni sedan kuzovgа moslashtirish deyarli imkonsiz. Yangi dvigatel 1,5 litrli turbomotor bo‘lib, 154 ot kuchi ishlab chiqaradi. U Li Auto tomonidan mustaqil ishlab chiqilgan va Suzhou zavodida ishlab chiqariladi.

Mutaxassislarning ta’kidlashicha, ushbu dvigatel sedanlarda xavfsizlik talablariga mos kelmaydi. Chunki u kapotga juda yaqin joylashadi va zarba zonasini qisqartiradi. Shuningdek, bu konstruksiya yo‘l oralig‘ini kamaytirishi mumkin. Bu esa avtomobil barqarorligi va xavfsizligiga salbiy ta’sir qiladi.

Shu...

Surxondaryo viloyatida Afg‘onistondan kartoshka orasiga yashirib olib kirilgan 72 kg narkotik fosh etildi. Bu haqda Davlat xavfsizlik xizmati (DXX) ma’lum qildi.

Termiz tumanida yashovchi 2001-yilda tug‘ilgan fuqaro boshqaruvidagi «MAN» yuk avtomobili Afg‘onistondan «Termiz-avtomobil yo‘li» chegara punkti orqali kirib kelgan. Transport vositasi Davlat xavfsizlik xizmati Chegara qo‘shinlari va bojxona xodimlari tomonidan tekshiruvdan o‘tkazilgan.

Ko‘rik davomida yukxonada kartoshka ortilgani aniqlangan. Ammo mahsulotlar sinchiklab tekshirilganda, ular orasiga kartoshka ko‘rinishida niqoblangan narkotik moddalar yashirilgani ma’lum bo‘lgan.

Jami 222 dona bo‘lakdan iborat 72 kg 300 gramm «gashish» moddasi aniqlanib, ashyoviy dalil sifatida rasmiylashtirib olingan. Dastlabki ma’lumotlarga ko‘ra, ushbu narkotik moddalar Rossiyaga olib ketilishi rejalashtirilgan.

2026-yilgi Mazda3 Turbo avtomobil bozorida o‘ziga xos o‘rin egalladi. Model sport va kundalik foydalanish o‘rtasidagi muvozanatni taklif etadi. Mazda MX-5 Miata’ga xos haydov zavqini amaliy kuzov bilan birlashtirishga urinish seziladi.

Dizayn

Mazda’ning Kodo dizayn falsafasi bu modelda ham o‘zini ko‘rsatadi. Avtomobil ortiqcha agressiv elementlarsiz, silliq va uyg‘un chiziqlarga ega. Ko‘plab raqobatchilar keskin va sportiv ko‘rinishga urg‘u berayotgan bir paytda, Mazda3 yanada muloyim va premium ko‘rinadi. Shu sababli u vaqt o‘tishi bilan ham eskirmaydigan dizaynga ega.

Salon

Ichki qism haydovchiga qulaylik va sifat hissini beradi. Old o‘rindiqlar ergonomik va uzoq safarlarda ham qulay. Materiallar sifati esa...

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov 24-mart kuni FIFA Series musobaqasida qatnashish uchun Toshkentga yetib keldi.

O‘zbekiston milliy terma jamoasi bosh murabbiyi Fabio Kannavaro mart oyidagi yig‘inga tajribali legionerlar bilan bir qatorda yangi nomlar va yosh futbolchilarni ham jalb qilgan. Xususan, Iroq chempionatida to‘purarlar qatorida borayotgan Sherzod Temirov hamda 18 yoshli «Surxon» himoyachisi Behruz Karimov tarkibga kiritilgan.

Eslatib o‘tamiz, 22-mart kuni Abduqodir Husanov «Manchester Siti» safida Angliya liga kubogi sohibiga aylandi. «Uembli» stadionida kechgan bahsda «shaharliklar» Mikel Arteta boshchiligidagi «Arsenal» klubidan 0:2 hisobida ustun keldi. Bu sovrin Husanov uchun Angliyadagi dastlabki yutuq hisoblanadi.

Iqtisodiy tadqiqotlar va islohotlar markazi tomonidan tayyorlangan tahlilga ko‘ra, O‘zbekistonda so‘nggi besh yil ichida aholi jon boshiga YIM 80,5 foizga o‘sdi. Bu ko‘rsatkich $2 mingdan $3,8 minggacha yetgan.

Eng katta o‘sish Toshkent shahrida qayd etilgan. Bu yerda aholi jon boshiga YIM $9,3 mingga yetgan. Shuningdek, Navoiy va Zarafshon shaharlari ham yuqori natijalarni ko‘rsatgan.

Samarqand, Qo‘qon va Andijon shaharlarida ham iqtisodiy faollik yuqori darajada bo‘lgan. Ularning ko‘rsatkichlari $6,7 – 7,2 ming atrofida shakllangan.

Tahlilga ko‘ra, kichik va o‘rta shaharlarda ham o‘sish kuzatilgan. Termiz, Marg‘ilon va Chirchiq shaharlarida ko‘rsatkichlar $5 mingga yaqinlashgan.

Tumanlar kesimida esa eng katta o‘sish Toshkent shahri tumanlarida qayd...

O‘zbekistonda oltin narxi pasayishda davom etmoqda. Markaziy bank ma’lumotiga ko‘ra, 5 grammli oltin quymasi 9,006 mln so‘mga tushib, 19-martga nisbatan 774 ming so‘mga arzonlashdi. O‘sha xuddi shunday o‘lchamdagi quymaning narxi 9,78 mln so‘mni tashkil etgan edi.

Qaytarib sotib olish narxi 8,657 mln so‘mni tashkil qildi. Qadog‘i buzilgan holatda esa 8,569 mln so‘mga baholanadi. 10 gramm oltin narxi esa 18,013 mln so‘mga yetdi. Uni qayta sotish 17,313 mln so‘mni tashkil qiladi. Texnik talablarga mos kelmasa 17,138 mln so‘mga olinadi.

Jadval:

Oltin narxi global bozorda ham pasayishda davom etmoqda. Goldprice.com ma’lumotiga ko‘ra, 23-mart kuni 1 unsiya oltin narxi...

Jahon banki direktorlar kengashi Surxondaryo viloyatida transport infratuzilmasining modernizatsiyasi uchun $200 mlnlik loyihani ma’qulladi. Bu haqda Jahon bankining matbuot xizmati ma’lum qildi.

Ajratilgan mablag‘ hududdagi mintaqaviy avtomagistralni rekonstruksiya qilish hamda mamlakat transport sohasidagi islohotlarni qo‘llab-quvvatlashga yo‘naltiriladi.

Loyiha doirasida «Avtoyo‘linvest» agentligi ko‘magida M41 avtomagistralining O‘zbekistonni Tojikiston, Qirg‘iziston va Afg‘oniston bilan bog‘lovchi 91 kilometrlik qismi ikki chiziqdan to‘rt chiziqqa kengaytiriladi. Qayta qurish ishlari yakunlangach, yo‘ldan har kuni qariyb 35 ming kishi foydalanishi hamda hududdagi 550 ming aholi uchun yangi biznes va ish o‘rinlari yaratilishi kutilmoqda.

Shuningdek, 180 ga yaqin ko‘prik va suv toshqinlaridan himoya qiluvchi drenaj inshootlari quriladi va ta’mirlanadi. Infratuzilmaning...

OnlyFans platformasining asosiy egasi, Ukrainada tug‘ilgan amerikalik milliarder Leonid Radvinskiy saraton kasalligi oqibatida 43 yoshida olamdan o‘tdi. Tadbirkor uzoq vaqt davomida og‘ir xastalik bilan kurashib kelgan.

Radvinskiy 2018-yilda, asosan, kattalar uchun mo‘ljallangan kontentlari bilan tanilgan OnlyFans platformasining nazorat paketini sotib olgan edi. U foydalanuvchilarga to‘g‘ridan to‘g‘ri to‘lov qilish imkonini berish orqali tarmoqni yirik biznesga aylantirdi. Hozirda kompaniya obunalarning va sotilgan kontentlarning aksariyat qismidan 20 foizlik komissiya undiradi.

Ma’lumot uchun, 2024-yilda uning daromadi $1,4 mlrdni tashkil qilgan. Milliarder 2021-yildan beri platformadan taxminan $1,8 mlrd dividend olgan. Forbes jurnali ma’lumotlariga ko‘ra, uning jami boyligi $4,7 mlrdga yetgan.

Avvalroq Kursiv Uzbekistan...

Chevrolet Aveo 2026 modeli Meksikada arzonroq narxda sotuvga chiqdi. Bu haqda GMAutority nashri xabar bermoqda.

General Motors bu qaror orqali modelning bozordagi jozibadorligini oshirmoqchi. Kompaniya savdoni ko‘paytirishni maqsad qilgan. Yangi Aveo hatchback to‘rtta komplektatsiyada taqdim etildi. Barcha versiyalar zamonaviy texnologiyalar va xavfsizlik tizimlari bilan jihozlangan.

Avtomobil 1,5 litrli atmosferali dvigatel bilan chiqadi. Uning quvvati 98 ot kuchiga teng. Model 6 pog‘onali mexanik yoki CVT uzatma bilan taklif etiladi. Chevrolet ta’kidlashicha, hatchback sportiv dizayn va keng bagaj bilan ajralib turadi. Orqa o‘rindiqlar yig‘iladi, bu esa kundalik foydalanishda qulaylik yaratadi.

Model Xitoyda ishlab chiqariladi. Uni SAIC-GM-Wuling qo‘shma korxonasi yig‘adi. Modelning boshlang‘ich...

Andijon va Qashqadaryo viloyatlarida kuchli ta’sir qiluvchi dorilar savdosi bilan shug‘ullangan shaxslar ushlandi. Bu haqda Bosh prokuratura huzuridagi Departament ma’lum qildi.

Andijon viloyatining Paxtaobod tumanida o‘tkazilgan tezkor tadbirda fuqaro qo‘lga olindi. U «Tropikamid» va «Regapen» dorilarini 460 ming so‘mga sotayotgan vaqtda ushlangan. Tadbir davomida unga dori yetkazib beruvchi shaxs ham aniqlangan. U muqaddam sudlangan bo‘lib, Andijon shahridagi uyida dorilarni saqlagan.

Dori yetkazib beruvchi shaxsdan 362 dona «Tropikamid» va 1 035 dona «Regapen» dorisi ashyoviy dalil sifatida olingan.

Qashqadaryo viloyatining Chiroqchi tumanida esa yana bir holat fosh etildi. Fuqaro 550 dona «Benzonal» dorisini 1,6 mln so‘mga sotayotganida ushlandi.

Mazkur holatlar...

Shavkat Mirziyoyevga taqdim etilgan «Ekomadaniyat» umummilliy loyihasi doirasida ekologik ta’lim, ilm-fan va targ‘ibotni yagona tizimga birlashtirish rejalashtirilmoqda. Bu haqda prezident matbuot xizmati xabar berdi.

Shuningdek, loyihaga ko‘ra, 2026/2027-o‘quv yilidan boshlab respublikaning barcha 14 hududida «yashil texnikumlar» tashkil etiladi va ular Green University bilan akademik hamkorlikda faoliyat yuritadi. Kelgusida bu muassasalarda tahsil olayotganlar soni bosqichma-bosqich oshirilib, 2028 – 2029-yillarga borib 10 ming nafarga yetkaziladi.

Oliy ta’lim tizimida ham yangi yo‘nalishlar ochiladi. Jumladan, «yashil» iqtisodiyot, iqlim o‘zgarishi, atrof-muhit muhandisligi, barqaror shaharsozlik va energiya almashinuvi kabi mutaxassisliklar joriy etiladi. Ta’limda nazariya va amaliyotni uyg‘unlashtiruvchi dual tizim keng qo‘llanadi.

Aholi orasida ekologik madaniyatni...