Yangiliklar

SpaceX asoschisi Ilon Mask 2027-yilda AQShdagi har bir bolaga kompaniyaning bittadan aksiyasini sovg‘a qilish niyatini bildirdi. U bu haqda X ijtimoiy tarmog‘idagi sahifasida yozdi.

«Kelasi yili Amerikadagi har bir bolaga SpaceX’dagi aksiyalarimdan bittadan beraman. Bu ko‘plab shunday tashabbuslarning birinchisi bo‘ladi», — deb yozdi Mask.

Dastur $10,5 mlrdga baholanmoqda

AQSh Aholini ro‘yxatga olish byurosi ma’lumotlariga ko‘ra, mamlakatda 18 yoshga to‘lmagan qariyb 72 mln kishi yashaydi. SpaceX aksiyasining 16-oktabrdagi $146,03 yopilish narxi asosida hisoblanganda, har bir bolaga bittadan aksiya berish dasturining umumiy qiymati taxminan $10,5 mlrdni tashkil etishi mumkin.

Biroq yakuniy summa aksiyalar...

19-oktabr kuni Toshkentning ayrim hududlarida kuzatilgan elektr ta’minoti uzilishiga «Aksa Toshkent» issiqlik elektr stansiyasining ochiq taqsimlash qurilmasiga havoda uchib kelgan shar tushgani sabab bo‘ldi. Energetika vazirligi ma’lumotiga ko‘ra, uzilish qisqa vaqt ichida bartaraf etilib, soat 19:38 da barcha iste’molchilarning elektr ta’minoti to‘liq tiklangan.

Hodisa soat 19:05 da Qibray tumanida joylashgan «Aksa Toshkent» issiqlik elektr stansiyasida yuz bergan.

Shar ochiq taqsimlash qurilmasiga tushgach, himoya tizimi ishga tushgan va stansiya quvvati 460 MVtdan 185 MVtgacha kamaygan.

Dastlabki ma’lumotlarda uzilishga T-5 transformatoridagi shikastlanish sabab bo‘lgani aytilgan edi. Keyinchalik Energetika vazirligi hodisaning asl sababi havoga uchirilgan shar bo‘lganini ma’lum qildi.

To‘rtta tumanning...

Prezident Shavkat Mirziyoyev O‘zbekiston va Tojikiston chegarasidan ID-kartalar orqali o‘tish tizimini joriy etishni tezlashtirish zarurligini aytdi. Bu haqda jurnalist Aziza Qurbonova xabar berdi.

Davlat rahbarining ta’kidlashicha, ikki davlat o‘rtasidagi savdo va yuk tashish hajmi oshib borayotgani chegara orqali o‘tishni soddalashtirish zaruratini kuchaytirmoqda.

«ID-kartalar orqali chegaradan o‘tish tizimini joriy etishni ham tezlashtirishimiz kerak. Chunki yuk tashish hajmi ortib bormoqda va bu masalani hal qilishga real ehtiyoj mavjud», — dedi Shavkat Mirziyoyev.

Tojikiston bilan aloqalar alohida ahamiyatga ega

Prezident Tojikiston bilan munosabatlar uning prezidentlik faoliyatining ilk kunlaridanoq ustuvor yo‘nalishlardan biri bo‘lganini ta’kidladi.

Xiaomi 27-oktabr kuni taqdim etiladigan Redmi K100 smartfonining batareyasi haqida yangi ma’lumotlarni e’lon qildi. Qurilma Jinshajiang turkumidagi 10 000 mA/soat sig‘imli akkumulyator bilan jihozlanadi.

Kompaniya ma’lumotiga ko‘ra, yangi batareya −20 daraja haroratda ham barqaror ishlashga mo‘ljallangan.

Batareyada 28 foiz kremniy-uglerod materiali bor

Redmi K100 akkumulyatorida kremniy-uglerod materialining ulushi 28 foizni tashkil etadi.

Batareyaning hajmiy energiya zichligi 957 Vt·soat/litrga yetadi. Xiaomi uni Jinshajiang turkumidagi eng kuchli akkumulyator sifatida taqdim etmoqda.

Qurilma 100 W quvvatdagi tezkor simli quvvatlashni ham qo‘llab-quvvatlaydi.

Sovuq havoda ham ishlashi aytilmoqda

Yangi batareyaning muhim jihatlaridan biri — past haroratdagi ishlash qobiliyati.

Xiaomi ma’lumotiga ko‘ra, Redmi...

Prezident Shavkat Mirziyoyev 19-oktabr kuni Amerika–O‘zbekiston ishbilarmonlik va investitsiya kengashining ikkinchi yig‘ilishida AQSh investorlariga O‘zbekistonda biznes boshlashni soddalashtirish zarurligini ta’kidladi. Shu maqsadda Plug and Play tamoyiliga asoslangan yangi yondashuv joriy etiladi.

Investorlar uchun yer, infratuzilma, ruxsatnomalar va hujjatlar masalasi oldindan hal qilingan tayyor loyihalar taklif qilinadi. Mahalliy tadbirkorlar ham loyihalarda sherik sifatida qatnashishi va investitsiya xatarlarining bir qismini o‘z zimmasiga olishi mumkin. Yangi tashkil etilgan To‘g‘ridan to‘g‘ri investitsiyalar jamg‘armasi ham bunday loyihalarda ishtirok etadi.

AQSh biznesi bilan yangi loyihalar kengaytiriladi

Yig‘ilishda AQSh Davlat kotibi Marko Rubio, AQSh prezidentining maxsus vakili Serjio Gor, shuningdek, Amerika kompaniyalari va banklari...

Toshkentning Yashnobod tumanidagi «Elbek» bog‘ida daraxt va butalarning holatini o‘rganish ishlari boshlandi. Poytaxt hokimligi ma’lumotiga ko‘ra, 11 gektarlik bog‘ hududida qariyb 5 ming tup daraxt va buta mavjud.

Mutaxassislar ularning holatini baholab, qaysi o‘simliklar parvarishga muhtojligini aniqlamoqda.

Sug‘orish tizimi ham ta’mirlanmoqda

Tekshiruv bilan bir vaqtda bog‘ hududidagi piyodalar yo‘laklari tartibga keltirilmoqda, chiqindilar tozalanmoqda va mavjud sug‘orish tizimi ta’mirlanmoqda.

Shuningdek, yangi sug‘orish tarmoqlarini yotqizish ishlari olib borilmoqda.

Qurigan va xavfli daraxtlar aniqlanadi

Toshkentning boshqa hududlarida ham yashil hududlarni tekshirish ishlari davom etmoqda.

Ekologlar, dendrologlar va boshqa mutaxassislar qurigan yoki kasallangan daraxtlar, shikastlangan shox-shabbalar hamda piyodalar uchun xavf tug‘dirishi...

Britaniyaning The Sun nashri Shimoliy Koreya yetakchisi Kim Chen In miyasiga qon quyilgani, komaga tushgani va davolanish uchun Pekinga olib ketilgani haqida xabar berdi. Biroq ushbu ma’lumot hozircha rasman tasdiqlanmagan.

Kim Chen In 19-oktabr kuni omma oldida ko‘ringan

Shimoliy Koreya davlat axborot agentligi KCNA 20-oktabr kuni Kim Chen In bir kun avval Pxenyandagi kiyim-kechak va poyabzal ko‘rgazmasiga tashrif buyurganini yozgan. Rasmiy suratlarda u rafiqasi Ri Sol Ju va qizi Kim Ju E bilan birga ko‘ringan.

Rasmiylar koma haqida ma’lumot bermadi

Shimoliy Koreya ham, Xitoy rasmiylari ham Kim Chen Inning komaga tushgani yoki Pekinda davolanayotgani haqida bayonot...

Yevropa klublar kubogining uchinchi turida o‘zbekistonlik grossmeyster Nodirbek Abdusattorov SuperChess Romania safida g‘alaba qozondi. Nodirbek Yakubbayev esa o‘z partiyasida mag‘lub bo‘lganiga qaramay, uning jamoasi ham turda g‘alaba qayd etdi.

Abdusattorov Chonkani mag‘lub etdi

Nodirbek Abdusattorov vengriyalik Balaj Chonkaga qarshi partiyada g‘alaba qozondi.

U to‘p surayotgan SuperChess Romania jamoasi Cheddleton klubini 5:1 hisobida yengdi.

Yakubbayevning jamoasi ham g‘alaba qozondi

Shuningdek, o‘qing: Nodirbek Abdusattorov Javohir Sindarovga yordam beradi

Nodirbek Yakubbayev Novy Bor Chess Club safida ispaniyalik Alvar Alonso Rosellga qarshi bahs olib bordi va imkoniyatni boy berdi.

Shunga qaramay, Novy Bor Chess Club...

Portugaliya terma jamoasi sardori Krishtianu Ronaldu mamlakat futbol federatsiyasi tomonidan 30 kunga diskvalifikatsiya qilindi. Shuningdek, u 255 yevro, ya’ni joriy kurs bo‘yicha qariyb $286 miqdorida jarimaga tortildi.

Jazo Ronaldu sentabr oyida Portugaliya terma jamoasi yig‘inini o‘zboshimchalik bilan tark etgani bilan bog‘liq.

Nizo Norvegiya va Daniya o‘yinlari oldidan boshlangan

41 yoshli hujumchi Norvegiyaga qarshi Millatlar ligasi bahsida zaxirada qolgan. Keyinroq u 1-oktabr kuni Daniyaga qarshi uchrashuvni ham asosiy tarkibda...

Tijorat banklari tomonidan 20-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Shuningdek, o‘qing: Dollar valyutasining kelajagi qanday — ekspert sharhi

Valyuta sotish uchun eng qulay banklar

Avvalroq Kursiv Uzbekistan 20-oktabr uchun valyutalar kursi e’lon qilingani haqida yozgan edi.

Ispaniyaning sharqiy O‘rta Yer dengizi sohillarida kuchli yomg‘irlar va suv toshqinlari oqibatida kamida to‘rt kishi halok bo‘ldi. Eng og‘ir vaziyat Valensiya va Alikante hududlarida kuzatilmoqda, deb xabar berdi DW.

Ko‘tarilgan suv sabab yuzlab odamlar uylarning tomlari, binolar va avtomobillarda qolib ketgan. Favqulodda xizmatlar 450 dan ortiq kishilarni xavfsiz joyga olib chiqqan.

Oliva shahrida ikki kishi halok bo‘ldi

Oliva shahrida dushanba kuni ikki kishining jasadi topildi. Ulardan biri 79 yoshli ayol bo‘lib, u o‘z uyida topilgan. Yana bir erkak esa kemping hududida yurak xurujidan vafot etgan.

Sagunto shahrida bir erkak plyajda cho‘kib ketgan. Kataloniyada esa bir ayol yomg‘ir sabab...

Qozog‘istonlik Dastan Satpayev va o‘zbekistonlik Abduqodir Husanov Angliya futbolida faoliyat yuritayotgan Markaziy Osiyoning eng ko‘zga ko‘ringan yosh futbolchilaridan. Sports24.kz nashri ikki o‘yinchining imkoniyatlari va transferini taqqosladi.

Satpayevning yo‘li «Qayrat»dan boshlandi

Dastan Satpayev 2008-yil 12-avgustda tug‘ilgan. U professional faoliyatini Olmaotaning «Qayrat» klubida boshlagan va 15 yoshida asosiy jamoada debyut qilgan.

Keyinchalik u klub safida 58 ta o‘yinda 26 ta gol urib, Qozog‘iston futbolining eng istiqbolli hujumchilaridan biriga aylandi. Satpayev...

Samsung Galaxy S27 Ultra modelining old paneli juda ingichka ramkalar bilan ishlab chiqilishi mumkin. Smartfon mo‘ljallangan himoya oynasi ko‘rsatilgan.

Ekran katta, ramkalar esa yanada ingichka bo‘lishi mumkin

Yangi surat smartfon qo‘lda qanday ko‘rinishini ham tasavvur qilish imkonini beradi. Himoya oynasining shakliga qaraganda, Galaxy S27 Ultra katta displey va minimal ramkalarga ega bo‘lishi kutilmoqda.

Hozircha Samsung ekran o‘lchami yoki aniq ramka qalinligini rasman tasdiqlamagan.

Exynos 2700 chipi tilga olinmoqda

Avvalroq boshqa insayder Schrodinger Galaxy S27 turkumidagi barcha modellar Exynos 2700 chipida ishlashi mumkinligini bildirgan edi.

Bu ma’lumot Galaxy S27 Ultra’ga ham tegishli ekani aytilmoqda. Biroq Samsung bu texnik...

O‘zbekistonlik dzyudochi Diyora Keldiyorova Qozog‘istonda o‘tgan Aktau Asian Open 2026 xalqaro turniridagi g‘alabasidan so‘ng muxlislarga qozoq tilida murojaat qildi. Bu haqda Sports.kz xabar berdi.

Sportchi Instagram sahifasida Aktau shahrida oilasi bilan tushgan suratlarni e’lon qilib, postini qozoq tilidagi minnatdorlik so‘zlari bilan boshlagan.

«Rahmat, Aktau! Oilam, yaqinlarim va barcha muxlislarga qo‘llab-quvvatlagani uchun minnatdorman», – deb yozdi u.

Keldiyorova oltin medalni qo‘lga kiritdi

Diyora Keldiyorova...

Prezident Administratsiyasi rahbari Saida Mirziyoyeva AQSh Davlat kotibi Marko Rubioning rafiqasi Janett Rubio bilan birgalikda Samarqandning tarixiy obidalarini ziyorat qildi. Bu haqda Saida Mirziyoyeva o‘zining Telegram kanalida ma’lum qildi.

U mehmonni Samarqandning boy tarixi, ko‘p asrlik an’analari va mahalliy ustalar san’ati bilan tanishtirganini yozdi.

Ko‘hna va betakror shahar

Saida Mirziyoyeva Janett Rubioga Samarqand bo‘ylab hamrohlik qilganini ta’kidladi.

«Qadrli mehmonimizni bu ko‘hna va betakror shaharning boy tarixi, umrboqiy an’analari, shuningdek, mohir ustalarning san’ati bilan tanishtirish niyatida unga hamrohlik qildim», – deb yozdi u.

U, shuningdek, tashrif Janett Rubioda O‘zbekiston va o‘zbek xalqining mehmondo‘stligi haqida...

Fransiya hukumati hafta oxiridagi tartibsizliklardan so‘ng Parij, Nitssa va yana bir qator shaharlarda qisman komendantlik soati joriy etdi. Cheklovlar dushanba oqshomidan kuchga kirgan. Bu haqda DW xabar berdi.

Namoyishlar yashash xarajatlarining oshishi va hukumat siyosatiga qarshi noroziliklar fonida boshlangan. Dam olish kunlari ayrim shaharlarda namoyishlar politsiya bilan to‘qnashuvlar, do‘konlarni talash va vayronagarchiliklarga aylangan.

Cheklovlar bir nechta shaharda joriy qilindi

Parijning ayrim hududlarida tungi namoyishlar taqiqlandi va harakatlanishga vaqtinchalik cheklovlar qo‘yildi. Shunga o‘xshash choralar Nitssa, Lill, Lion hamda boshqa shaharlarda ham joriy etilgan. Ayrim hududlarda komendantlik soati voyaga yetmaganlarga nisbatan alohida amal qilmoqda.

Fransiya bosh vaziri Sebastyen Lekornyu

20-oktabr kuni O‘zbekiston bo‘ylab ob-havo, asosan, quruq bo‘ladi. O‘zgidromet prognoziga ko‘ra, barcha hududlarda yog‘ingarchilik kutilmaydi, havo o‘zgaruvchan bo‘ladi. Shamol aksariyat hududlarda sharqdan 7–12 m/s tezlikda esadi.

Toshkentda 25 darajagacha iliq bo‘ladi

Toshkent shahrida yog‘ingarchilik kutilmaydi. Shamol sharqdan 3–8 m/s tezlikda esadi.

Harorat kechasi 10–12 daraja, kunduzi esa 23–25 daraja bo‘ladi. Toshkent, Sirdaryo, Jizzax va Samarqand viloyatlarida kechasi 5–10 daraja, kunduzi 20–25 daraja iliq bo‘lishi kutilmoqda.

Janubda harorat 28 darajagacha ko‘tariladi

Qashqadaryo va Surxondaryo viloyatlarida kechasi 7–12 daraja, kunduzi 23–28 daraja bo‘ladi. Andijon, Namangan va Farg‘ona viloyatlarida esa kechasi 7–12 daraja, kunduzi 20–25 daraja iliq bo‘ladi.

Ustyurtda...

Xiaomi avtomobil qatorini yangi flagman sedan bilan kengaytirishi mumkin. Kompaniya Xiaomi SU9 LUX nomini savdo belgisi sifatida ro‘yxatdan o‘tkazish uchun ariza bergani ma’lum bo‘ldi.

CarNewsChina ma’lumotiga ko‘ra, ariza 2026-yil 13-fevralda avtomobillarni qamrab oluvchi 12-sinf bo‘yicha topshirilgan. Hujjat 6-iyunda dastlabki tasdiqlash uchun e’lon qilingan, e’tiroz bildirish muddati esa 7-iyundan 6-sentabrgacha davom etgan.

«9» raqami flagman modelga ishora qilishi mumkin

Xitoy avtomobil bozorida «9» raqami ko‘pincha brendlarning eng yuqori toifadagi modellari uchun ishlatiladi. Masalan, Zeekr 9X, Aito M9, Li Auto L9 va Nio ET9 shunday nomlangan.

Shu sababli SU9 nomi Xiaomi’ning yangi flagman sedaniga tegishli bo‘lishi mumkinligi taxmin qilinmoqda.

«LUX...

Marko Rubio Samarqandda, Google Pay O‘zbekistonda — 19-oktabr yangiliklari Kursiv Uzbekistan dayjestida.

Tramp O‘zbekistonga kelgusi yil kelishi mumkin — Marko Rubio

AQSh Davlat kotibi Marko Rubio O‘zbekistonning iqtisodiy o‘sishi, AQSh bilan kelajakdagi kelishuvlar, to‘g‘ridan to‘g‘ri aviaqatnovlar hamda Donald Trampning ehtimoliy tashrifi haqida gapirdi. Rubio bu haqda Samarqanddagi Registon maydonida jurnalistlar bilan suhbatda ma’lum qildi.

Google Pay O‘zbekistonda yaqin haftalarda ishga tushadi

Google Pay O‘zbekistonda yaqin haftalarda ishga tushadi. Bu haqda 19-oktabr kuni Samarqandda o‘tkazilayotgan C5+1 formatidagi tadbirlar doirasidagi panel sessiyasida ma’lum qilindi.

Raqamli texnologiyalar vazirligi matbuot xizmati xabariga ko‘ra, tadbirda so‘zga chiqqan Google Cloud’ning Markaziy...

O‘zbekiston prezidenti Shavkat Mirziyoyev AQSh Davlat kotibi Marko Rubioni «Buyuk xizmatlari uchun» ordeni, AQSh Prezidentining Janubiy va Markaziy Osiyo bo‘yicha maxsus vakili Serjio Gorni esa «Do‘stlik» ordeni bilan taqdirladi. Mukofotlar ikki mamlakat o‘rtasidagi strategik sheriklikni rivojlantirish va do‘stona aloqalarni mustahkamlashga qo‘shgan hissasi uchun topshirildi. Bu haqda O‘zbekiston prezidenti matbuot xizmati xabar berdi.

Rubio «Buyuk xizmatlari uchun» ordenini oldi

Marko Rubioning O‘zbekiston va AQSh o‘rtasidagi strategik sheriklikni rivojlantirish, siyosiy-diplomatik, savdo-iqtisodiy va madaniy-gumanitar aloqalarni kengaytirishga qo‘shgan shaxsiy hissasi e’tirof etildi.

Shuningdek, uning Markaziy Osiyoda tinchlik va barqarorlikni ta’minlashga qaratilgan sa’y-harakatlarni qo‘llab-quvvatlashi, Yangi O‘zbekistonning xalqaro tashabbuslarini ilgari surish hamda ikki...

O‘zbekiston prezidenti Shavkat Mirziyoyev 19-oktabr kuni AQSh Davlat kotibi Marko Rubio bilan uchrashdi. Tomonlar strategik sheriklikni mustahkamlash, savdo va investitsiyalarni kengaytirish hamda xavfsizlik sohasidagi hamkorlikni muhokama qildi. Uchrashuv doirasidagi Ishbilarmonlik va investitsiya kengashi yig‘ilishida 12 milliard dollarlik yangi kelishuvlarga erishildi. Bu haqda O‘zbekiston prezidenti matbuot xizmati xabar berdi.

O‘zbekiston va AQSh strategik sheriklikni mustahkamlamoqda

Uchrashuv avvalida Marko Rubio AQSh Prezidenti Donald Trampning samimiy salomi va ezgu tilaklarini Shavkat Mirziyoyevga yetkazdi.

Muloqotda oliy darajada erishilgan kelishuvlarni izchil amalga oshirish, siyosiy va xavfsizlik sohasidagi hamkorlikni kengaytirish masalalariga e’tibor qaratildi. Tomonlar «C5+1» formatidagi navbatdagi vazirlar uchrashuvi yakunlarini ham yuqori baholadi.

Ikki...

AQShning Alyaska shtatida arxeologlar taxminan 13 800 yil avval odamlar yashagan qadimiy manzil qoldiqlarini aniqladi. Sheg Xdaltthiy deb nomlangan hududdan 80 mingdan ortiq arxeologik namuna, tosh qurollar, suyak ignalar va qadimiy o‘choq izlari topilgan. Bu haqda Live Science xabar berdi.

Qadimiy manzil qanday topildi

Sheg Xdaltthiy Alyaskaning ichki qismida, Feyrbanks shahridan janubi-sharqqa taxminan 55 kilometr uzoqlikda joylashgan. Arxeologlar bu hududni 2016-yildan buyon o‘rganib kelmoqda.

Tadqiqotchilar bu yerdan o‘choq, yerga o‘rnatilgan yog‘och ustun izlari va kichik chuqur topgan. Olimlarning fikricha, ustun izi yengil boshpana yoki dastlabki chodirga o‘xshash turarjoy qoldig‘i bo‘lishi mumkin.

Shuningdek, qazishmalar davomida tosh qurollar, suyakdan yasalgan...

Tesla va SpaceX kompaniyalarining ehtimoliy birlashuvi haqidagi taxminlar yana kun tartibiga chiqdi. Reuters’ning 19-oktabr kuni e’lon qilingan tahliliga ko‘ra, investorlar Ilon Maskning sun’iy intellektga oid rejalari va ikki kompaniya faoliyatining tobora yaqinlashib borayotganiga e’tibor qaratmoqda. Hozircha birlashuv bo‘yicha rasman tasdiqlangan bitim yo‘q. Bu haqda Reuters xabar berdi.

Birlashuv haqidagi taxminlar nimaga asoslangan

Reuters ma’lumotiga ko‘ra, tahlilchilar ikki kompaniya o‘rtasida ehtimoliy bitim tuzilishi mumkinligini muhokama qilmoqda. Barclays tahlilchilari SpaceX Tesla’ni sotib olishi mumkin bo‘lgan ssenariyni ham ko‘rib chiqqan. Ayrim taxminlarga ko‘ra, bitim haqida dekabrdagi Tesla aksiyadorlari yig‘ilishigacha e’lon berilishi mumkin.

Biroq bular moliyaviy tahlilchilar prognozlari bo‘lib, kompaniyalar tomonidan tasdiqlangan...

Astronomlar Markarian 501 galaktikasi markazida bir-biriga juda yaqin joylashgan ikkita supermassiv qora tuynuk borligiga dalillar topdi. Tadqiqotchilar hisob-kitoblariga ko‘ra, ular ayrim shartlarda 100 yil ichida birlashishi mumkin. Bu haqda Germaniyaning Maks Plank radioastronomiya instituti ma’lum qildi.

Qora tuynuklar bir-birini 121 kunda aylanib chiqadi

Olimlar bir necha yil davomida to‘plangan radioastronomik kuzatuvlarni tahlil qilib, galaktika markazidan chiqayotgan ikkita zarrachalar oqimini aniqlagan. Bu oqimlar markazda ikkita qora tuynuk bo‘lishi mumkinligini ko‘rsatadi.

Kuzatuvlarga ko‘ra, obyektlar taxminan 121 kunda bir-birini aylanib chiqadi. Ularning orasidagi masofa Yer bilan Quyosh orasidagi masofadan 250 – 540 baravar katta. Kosmik miqyosda esa bu juda yaqin masofa...