Yangiliklar

Oppo Find X10 Pro Max’ning dastlabki kompyuter tasvirlari internetda paydo bo‘ldi. Ma’lumotlarga ko‘ra, smartfon uchta 200 MP kameraga, yangi Samsung ISOCELL HPC sensoriga va juda ingichka ramkali ekranga ega bo‘lishi mumkin.

Tasvirlarda smartfonning orqa qismida yirik gorizontal kamera bloki ko‘rinadi. Uning ichida uchta asosiy kamera joylashtirilgan, yana bir alohida kamera esa blok tashqarisida turadi.

Smartfonning yangi ranglaridan biri Hasselblad ishtirokida ishlab chiqilgan oq variant bo‘lishi mumkin.

Yangi Samsung ISOCELL HPC sensori ishlatiladi

Oppo Find X10 Pro Max Samsung ISOCELL HPC sensorini olgan ilk smartfon bo‘lishi kutilmoqda.

Mazkur sensor DeepPix texnologiyasidan foydalanadi. U yorug‘likni piksel darajasida samaraliroq qabul qilish...

O‘zbekistonlik professional bokschi Bahodir Jalolov superog‘ir vazn toifasida yangi IBF chempioniga aylangan xorvatiyalik Filip Xrgovichga murojaat etib, kelajakda ular ringda to‘qnash kelishiga ishora qildi. Bu haqda u o’zining ijtimoiy tarmoqdagi sahifasida yozib qoldirdi.

Jalolov Xrgovichni jahon chempionlik kamarini qo‘lga kiritgani bilan tabriklarkan, kelajakdagi ehtimoliy jang haqida ham dadil bayonot berdi.

«Filip Xrgovich, ajoyib g‘alabang bilan tabriklayman! Sen aql bovar qilmaydigan xarakter ko‘rsatding va haqiqiy jangchi ekaningni isbotlading. Senga hurmatim baland, chempion. Ammo ertami-kechmi yo‘llarimiz kesishadi. O‘sha kun kelganda haqiqiy chempion kimligini aniqlaymiz», – deb yozdi Bahodir Jalolov ijtimoiy tarmoqdagi sahifasida.

Xrgovich...

Bugun Jorjina Rodriges shaxsiy samolyotlar, qimmatbaho liboslar, Kann kinofestivali qizil yo‘lagi va yirik moda brendlari bilan bog‘lanadi. Biroq Krishtianu Ronaldu bilan tanishishidan oldingi hayoti bundan mutlaqo boshqacha bo‘lgan. U kichik shaharda ulg‘aygan, bolaligidan balet bilan shug‘ullangan, mustaqil hayot boshlash uchun ishlagan, ingliz tilini o‘rganish maqsadida xorijga ketgan va keyinchalik Madridda sotuvchi bo‘lib faoliyat yuritgan.

Rodrigesning bolalikdagi suratlari ham uning bugungi hayoti bilan o‘sha davr o‘rtasidagi katta farqni ko‘rsatadi. Netflix’ning «I Am Georgina» hujjatli loyihasida ham u mashhurlikdan oldingi hayoti, oilasi va Jaka shahridagi xotiralari haqida batafsil gapirgan.

Argentinada tug‘ilib, Ispaniyaning kichik shahrida ulg‘aydi

Jorjina Rodriges 1994-yilda Argentinada tug‘ilgan...

Turkiyaning Pegasus aviakompaniyasi Rossiya havo hududidagi xavfsizlik bilan bog‘liq vaziyat sabab Moskva va Turkiya o‘rtasidagi kamida bir nechta reyslarni bekor qildi. Bu haqda Nexta Live Telegram kanalida xabar qilindi.

Qaror Ukraina prezidenti Vladimir Zelenskiyning Rossiya osmoni xavfsizligi bo‘yicha aviakompaniyalarga qilgan ogohlantirishidan bir kun o‘tib qabul qilingan.

Bodrum — Moskva reysi ham bekor bo‘ldi

2-sentabrga o‘tar kechasi Bodrumdan Moskvaga uchishi kerak bo‘lgan Pegasusning PC1456 reysi bekor qilingan. Yo‘lovchilarga aviakompaniya tomonidan parvozlar «havo hududidagi vaziyat» sabab to‘xtatilgani ma’lum qilingan.

Vnukovo aeroporti tablosida Pegasusning Moskvadan Istanbulga ikkita, Bodrum va Dalmanga bittadan reysi ham bekor qilingani ko‘rsatilgan.

Boshqa aviakompaniyalar reyslari ham...

Chevrolet Traverse 2027 krossoverida turli yo‘l sharoitlariga moslashtirilgan oltita haydash rejimini taklif qiladi. Bu haqda GMAutority nashri xabar bermoqda.

Nashr ma’lumotiga ko‘ra, haydovchi yo‘l sharoiti va ehtiyojiga qarab Normal, Sport, Snow/Ice, Off-Road, Tow/Haul va Terrain rejimlaridan birini tanlashi mumkin.

Normal rejimi — kundalik haydash uchun

Normal Mode Chevrolet Traverse’ning standart haydash rejimi hisoblanadi. U shahar va avtomagistralda kundalik foydalanish uchun mo‘ljallangan.

Mazkur rejimda avtomobil boshqaruv qulayligi va osma tizimining komforti o‘rtasida muvozanatni saqlashga harakat qiladi.

Sport rejimi boshqaruvni keskinlashtiradi

Sport Mode quruq asfalt yo‘llarda faolroq haydash uchun mo‘ljallangan.

Rejim tanlanganda rul boshqaruvi va gaz pedalining javobi o‘zgaradi...

2026-yil 1-oktabrdan ayrim tashqi iqtisodiy faoliyat ishtirokchilariga importda to‘lanadigan QQS summalarini o‘zaro hisobga olish imkoniyati beriladi. Bu haqda Adliya vazirligi xabar berdi.

Shuningdek, eksport jarayonlarining raqamlashtirilishi hisobiga bojxona rasmiylashtiruvi, fitosanitariya sertifikati, fumigatsiya va tovarning kelib chiqish sertifikati uchun yig‘im hamda to‘lovlar 30 foizga kamaytiriladi.

2027-yildan bojxona qiymatini nazorat qilish soddalashtiriladi

2027-yil 1-yanvardan xavf darajasi past bo‘lgan tashqi iqtisodiy faoliyat ishtirokchilari olib kirayotgan tovarlarning bojxona qiymatini tovarlar erkin muomalaga chiqarilgandan keyin nazorat qilish tartibi joriy etiladi.

Bojxona qiymatini nazorat qilish maqsadida tovarlar uchun qat’iy bojxona qiymatini belgilash taqiqlanadi.

Shuningdek, bojxona qiymati bo‘yicha dastlabki qaror qabul qilish amaliyoti joriy etiladi...

Misr sharqida avtobus ishtirokida yuz bergan yo‘l-transport hodisasi oqibatida kamida 16 kishi halok bo‘ldi, yana 28 kishi jarohatlandi. Bu haqda mamlakat Sog‘liqni saqlash vazirligi ma’lum qildi.

Hodisa chorshanba kuni ertalab Janubiy Sinay gubernatorligidagi Dahab va Nuvayba shaharlari o‘rtasidagi yo‘lda sodir bo‘lgan.

Halok bo‘lganlar orasida Iordaniya fuqarolari ham bor

Misr va Iordaniya OAV ma’lumotiga ko‘ra, halok bo‘lganlar orasida Iordaniya fuqarolari ham bo‘lgan.

Avtobusda jami qancha yo‘lovchi bo‘lgani hozircha aniq ma’lum qilinmagan.

Jarohatlanganlarga yordam ko‘rsatish va ularni shifoxonalarga yetkazish uchun hodisa joyiga 20 ta tez yordam mashinasi yuborilgan.

Halokat sababi hozircha noma’lum

Misr Sog‘liqni saqlash vazirligi avtobusning nima sababdan...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 21-avgustdan 28-avgustgacha bo‘lgan davrda ijobiy dinamikani ko‘rsatib, UCI fond indeksi 21,19 foizga oshdi.

Ushbu davr mobaynida «Olmaliq KMK» aksiyalari eng katta o‘sishga erishib, 38,46 foizga qimmatlashdi. Shuningdek, «O‘ztransgaz» (+28,40%) va «Garant bank» aksiyalarida (+17,11%) ham o‘sish qayd etildi.

O‘z navbatida, «Trastbank» aksiyalari 43,64 foizga arzonlashib, haftaning eng katta pasayishini qayd etdi. Bundan tashqari, «Aloqabank» (-16,28%) va «Ipoteka-bank» (-3,95%) aksiyalari ham pasayish bilan ajralib turdi. Faqatgina «Chilonzor buyum savdo kompleksi», «O‘zbektelekom», «Kapital sug‘urta» va «Buxoroneftgazparmalash» aksiyalari narxida o‘zgarish kuzatilmadi.

Bitimlar soni bo‘yicha UzNIF (5 288 ta), «O‘zbekinvest» (2 979 ta) va...

2-sentabr kuni Toshkent shahrida O‘zbekistonning Birinchi Prezidenti Islom Karimovni xotirlash marosimi bo‘lib o‘tdi. Prezident Shavkat Mirziyoyev Islom Karimov nomidagi ilmiy-ma’rifiy yodgorlik majmuasiga tashrif buyurib, uning haykali poyiga gulchambar qo‘ydi.

Marosimda Qur’on tilovat qilinib, duo o‘qildi. Islom Karimovning O‘zbekiston mustaqilligi, tinchlik va barqarorlikni ta’minlash hamda xalq farovonligini oshirish yo‘lidagi xizmatlari yodga olindi.

Birinchi Prezidentning xizmatlari esga olindi

Islom Karimov O‘zbekiston tarixining murakkab va mas’uliyatli davrida mamlakatga rahbarlik qilgan. Uning nomi O‘zbekiston mustaqilligining qo‘lga kiritilishi, milliy davlatchilikning tiklanishi va mamlakatning mustaqil taraqqiyot yo‘liga chiqishi bilan bog‘liq ekani ta’kidlandi.

Prezident Shavkat Mirziyoyev tashabbusi bilan Islom Karimov xotirasini abadiylashtirish bo‘yicha qator ishlar...

Toshkent viloyatining Bo‘stonliq tumanidagi Qoramanas qishlog‘ida joylashgan 34-sonli maktabga taniqli qozoq yozuvchisi, dramaturg, tarjimon va jamoat arbobi Rahmetolla Rayimqulov nomi berildi. Qaror O‘zbekiston prezidenti Shavkat Mirziyoyev tashabbusi va Toshkent viloyati hokimining qarori asosida qabul qilingan, deb xabar berdi Kursiv.Media.

Maktabda tantanali tadbir o‘tkazildi

2-sentabr kuni maktabda yangi o‘quv yilining boshlanishi hamda yozuvchi xotirasini uning tug‘ilib o‘sgan hududida abadiylashtirishga bag‘ishlangan tantanali tadbir o‘tkazilishi rejalashtirilgan.

Unda O‘zbekiston va Qozog‘istonning davlat va jamoat arboblari, O‘zbekiston Maktabgacha va maktab ta’limi vazirligi hamda Madaniyat vazirligi vakillari ishtirok etadi.

Shuningdek, Qozog‘istonning O‘zbekistondagi favqulodda va muxtor elchisi Yerali Tug‘janov, Turk madaniyati va merosi jamg‘armasi prezidenti...

2026-yilning yanvar – iyun oylarida 1 649 nafar xorijlik doimiy yashash maqsadida O‘zbekistonga ko‘chib keldi. Bu ko‘rsatkich o‘tgan yilning shu davridagiga nisbatan 976 nafarga ko‘p. Bu haqda Milliy statistika qo‘mitasi xabar berdi.

Xorijdan ko‘chib kelganlarning aksariyati Rossiya va Qozog‘istondan

Qo‘mita ma’lumotlariga ko‘ra, 2026-yilning dastlabki olti oyida O‘zbekistonga doimiy yashash uchun ko‘chib kelganlarning eng katta qismi Rossiya va Qozog‘iston fuqarolariga to‘g‘ri kelgan.

Jumladan, Rossiyadan 580 kishi, Qozog‘istondan 362 kishi va Tojikistondan 147 kishi O‘zbekistonga ko‘chib kelgan.

Qolgan 560 nafar migrant boshqa davlatlardan kelgan.

Ko‘chib kelganlarning asosiy manzili — Toshkent

Hududlar kesimida eng ko‘p xorijlik Toshkent shahriga...

Vivo kompaniyasi Vivo V80 Lite 5G smartfonining yangi versiyasini Malayziyada taqdim etishga tayyorlanmoqda. Bu haqda Gizmochina nashri xabar bermoqda.

Malayziya bozori uchun mo‘ljallangan versiyaning asosiy xususiyatlaridan biri 10 000 mA/soat sig‘imli katta akkumulyator bo‘lishi mumkin. Bu avvalroq Pokistonda taqdim etilgan V80 Lite 5G’dagi 7050 mA/soatli batareyadan sezilarli darajada katta.

Uch xil xotira varianti taklif etiladi

Vivo V80 Lite 5G Malayziyada uchta xotira konfiguratsiyasida sotuvga chiqarilishi kutilmoqda.

Boshlang‘ich variant 6 GB tezkor va 128 GB ichki xotiraga ega bo‘ladi. Bundan tashqari, 6 GB tezkor va 256 GB doimiy xotirali, shuningdek, 8 GB tezkor va 256 GB ichki xotirali versiyalar...

Toshkent viloyatining Chinoz tumanida mashhur brendlar nomi ostida gigiyenik kosmetika va maishiy kimyo vositalarini qo‘lbola usulda ishlab chiqarish bilan shug‘ullangan yashirin sex faoliyati fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Tezkor tadbir davomida sexdan 18 mingdan ortiq tayyor mahsulot, minglab bo‘sh idishlar hamda ishlab chiqarishda foydalanilgan xomashyo ashyoviy dalil sifatida olingan.

Yashirin sex Chinoz tumanidagi binoda tashkil etilgan

Departamentning Chinoz tumani bo‘limi xodimlari tomonidan o‘tkazilgan tezkor tadbirda «A.N.» MChJ rahbari «Bunyodkor» mahalla fuqarolar yig‘ini hududidagi binoda yashirin sex tashkil qilgani aniqlangan.

Rasmiy ma’lumotlarga ko‘ra, ushbu joyda «Clear», «Чистая линия», «Grass azilet...

Rayan Cherki, Mark Gehi va Yoshko Gvardiol – «Manchester Siti»da avgust oyining eng yaxshi futbolchisi bo‘lish uchun kurashadi. Bu haqda klub saytida xabar berildi.

«Manchester Siti» avgust oyining eng yaxshi futbolchisi uchun nomzodlarni e’lon qildi. Klub muxlislar ovoziga ko‘ra aniqlanadigan sovrin uchun Rayan Cherki, Mark Gehi va Yoshko Gvardiolni qisqa ro‘yxatga kiritdi.

Cherki ikki o‘yinda uchta golga sababchi bo‘ldi

Rayan Cherki avgust oyidagi ikki Premyer-liga uchrashuvida «Manchester Siti» hujumlarining asosiy qahramonlaridan biriga aylandi.

U «Bornmut»ga qarshi bahsda zaxiradan maydonga tushib, ikkita golli uzatma amalga oshirdi. Ulardan biri Yoshko Gvardiolga g‘alaba golini urish imkonini berdi.

Oradan bir...

Jizzax viloyatining Zafarobod tumani hokimi G‘ayratjon Eshpo‘latov xizmat avtomobilida yo‘l-transport hodisasiga uchradi. Hodisa oqibatida hokim va uning o‘g‘li jarohatlangan. Eshpo‘latov hozirda shifoxonaning jonlantirish bo‘limida davolanmoqda. Bu haqda Kursiv Uzbekistan’ga viloyat IIB JXX YHXB xabar berdi. 

Hokim xizmat mashinasida YTHga uchragan

Yo‘l-transport hodisasi 30-avgust kuni sodir bo‘lgan. Jizzax viloyati IIB YHXB ma’lumotiga ko‘ra, avtohalokatda ikki kishi tan jarohati olgan va ular tibbiyot muassasasiga yotqizilgan.

Dastlabki ma’lumotlarga ko‘ra, Zafarobod tumani hokimi G‘ayratjon Eshpo‘latovga biriktirilgan KIA Seltos rusumli xizmat avtomobili katta yuk mashinasining orqa qismiga borib urilgan.

Rulda hokimning voyaga yetmagan o‘g‘li bo‘lgan

Ijtimoiy tarmoqlarda tarqalgan xabarlarga ko‘ra, YTH vaqtida avtomobil rulida hokimning...

UzAuto Motors Chevrolet Onix va Tracker avtomobillarida motor moyini har 5000 kilometrda yoki olti oyda bir marta almashtirishni tavsiya qiladi. Bunda qaysi chegara birinchi kelsa, texnik xizmat shu vaqtda amalga oshirilishi kerak.

«O‘zavtosanoat» AJ matbuot xizmati qayd etishicha, 5000 kilometrlik interval moy aynan shu masofadan keyin birdaniga yaroqsiz bo‘lib qolishini anglatmaydi. Bu muddat dvigatelning ishlash sharoiti, moyning xususiyatlari va texnik talablar hisobga olingan holda belgilangan.

Nega aynan 5000 kilometr?

Motor moyining vazifasi faqat dvigatel qismlarini moylashdan iborat emas. U ishqalanishni kamaytiradi, dvigatel detallarini sovitishga yordam beradi, ifloslanishlarni o‘zida ushlab turadi va qismlarni yeyilishdan himoya qiladi.

Biroq dvigatel ishlashi...

IDC prognoziga ko‘ra, 2026-yilda jahon bo‘yicha smartfon yetkazib berish hajmi rekord 16,7 foizga kamayishi mumkin. Xotira chiplari qimmatlashgani sabab arzon Android qurilmalar ishlab chiqarish tobora foydasiz bo‘lib bormoqda, smartfonlarning o‘rtacha sotuv narxi esa 27,6 foizga oshib, rekord $581 ga yetishi kutilmoqda. Bu haqda Android Authority xabar berdi.

IDC’ning 2026-yil avgustdagi prognoziga ko‘ra, smartfon bozori avval kutilganidan ham keskinroq qisqaradi. May oyida yetkazib berish 13,9 foizga pasayishi taxmin qilingan edi, yangi hisob-kitobda esa pasayish 16,7 foizgacha oshirilgan. Asosiy sabab sifatida DRAM va NAND xotira komponentlari taqchilligi ko‘rsatilmoqda.

Xotira komponentlari 300 foizdan ortiq qimmatlashgan

Manbaga ko‘ra, xotira komponentlari narxi bir...

Samsung Android 17 asosidagi One UI 9 beta-dasturini ko‘proq Galaxy qurilmalariga kengaytirdi. 2026-yil sentabrdan Galaxy S25 seriyasi, Galaxy Z Fold7 va Galaxy Z Flip7 egalari ham yangi interfeysni sinab ko‘rishi mumkin bo‘ladi. Bu haqda Tarun Vats xabar berdi.

Samsung One UI 9 beta-sinovini dastlab Galaxy S26 seriyasida may oyida boshlagan edi. Endi dastur o‘tgan yilgi flagman va bukiluvchi smartfonlarni ham qamrab oladi.

Qaysi qurilmalar One UI 9 beta-versiyasini oladi

Sentabrdan Galaxy S25, S25+, S25 Ultra, S25 FE, Galaxy Z Fold7 va Galaxy Z Flip7 foydalanuvchilari beta-dasturda qatnashishi mumkin.

Galaxy S25 Edge esa hozircha rasmiy qo‘llab-quvvatlanadigan qurilmalar ro‘yxatiga kiritilmagan.

Dastlab...

Chevrolet Cobalt O‘zbekiston va boshqa bozorlarda ommabop sedanlardan biri bo‘lib qolayotgan bo‘lsa-da, avtomobil egalari va avtoblogerlar modelning ayrim kamchiliklariga ham e’tibor qaratmoqda. Avtobloger Sanat Cobalt’ning kundalik foydalanishda sezilishi mumkin bo‘lgan asosiy minuslarini sanab o‘tdi.

Uning fikricha, modelning eng ko‘p seziladigan muammolaridan biri dvigatel quvvatining yetarlicha yuqori emasligi va tezlanish dinamikasining sustligidir. Bu, ayniqsa, quvib o‘tishda va yuqori tezlikda harakatlanishda noqulaylik tug‘dirishi mumkin.

Dvigatel va dinamika asosiy e’tirozlardan biri

Avtoblogerning ta’kidlashicha, Chevrolet Cobalt kuchli dinamika kutayotgan haydovchilar uchun unchalik mos emas. Avtomobil tezlikni bosqichma-bosqich yig‘adi va keskin tezlanish talab qilinadigan vaziyatlarda yetarli chaqqonlikni bermasligi mumkin.

Bu holat trassada quvib...

Xalqaro shaxmat federatsiyasi (FIDE) sentabr oyi uchun yangilangan reytingini e’lon qildi. Unda O‘zbekistonning yetakchi grossmeysterlari Javohir Sindarov va Nodirbek Abdusattorov dunyoning eng kuchli shaxmatchilari qatoridagi o‘rnini yanada mustahkamladi.

Ikki o‘zbekistonlik jahon Top-10 ligasida

Yangilangan reytingga ko‘ra, Javohir Sindarov 2 778 reyting ochkosi bilan dunyoning to‘rtinchi raqamli shaxmatchisi bo‘lib qolmoqda. U o‘tgan oyga nisbatan bir ochko qo‘shgan.

Nodirbek Abdusattorov esa 2 762 ochko bilan bir pog‘ona yuqorilab, jahon reytingida yettinchi o‘ringa chiqdi. Uning reyting ochkosi o‘zgarmagan bo‘lsa-da, raqiblar natijasidagi o‘zgarish Abdusattorovga yuqorilash imkonini berdi.

Shu tariqa O‘zbekiston ayni paytda jahon shaxmati Top-10 ro‘yxatida ikki nafar vakiliga ega kam...

O‘zbekistonda davlat bojxona xizmati organlari faoliyatini takomillashtirish va bojxona ma’murchiligiga zamonaviy yondashuvlarni joriy etish bo‘yicha yangi chora-tadbirlar belgilandi. Bu haqda Adliya vazirligi xabar bermoqda.

«Yangi O‘zbekiston bojxonasi – 2030» strategiyasi tasdiqlandi

Farmon bilan 2026 – 2030-yillarga mo‘ljallangan «Yangi O‘zbekiston bojxonasi – 2030» strategiyasi tasdiqlandi.

Strategiyaning ustuvor yo‘nalishlaridan biri bojxona jarayonlarida tadbirkorlik subyektlari hamda jismoniy shaxslar uchun qulay shart-sharoitlar yaratish etib belgilandi.

Shuningdek, bojxona organlari infratuzilmasini yaxshilash, sun’iy intellekt texnologiyalaridan kengroq foydalanish va raqamlashtirish darajasini oshirish ko‘zda tutilgan.

Bojxona ma’murchiligini yanada takomillashtirish ham strategiyaning asosiy yo‘nalishlari qatoriga kiritilgan.

Importda oldindan to‘lov bo‘yicha cheklov bekor qilinadi

2026-yil 1-sentabrdan tashqi...

Xiaomi Xitoyda kuzgi yirik taqdimot sanasini rasman e’lon qildi. Tadbir 7-sentabr kuni bo‘lib o‘tadi va uning asosiy yangiliklaridan biri yangi buklanuvchi Xiaomi 18 Fold bo‘ladi.

Shu tariqa Xiaomi o‘zining yangi qurilmasini Apple’ning 9-sentabrga kutilayotgan taqdimotidan ikki kun oldin namoyish etadi. Mazkur tadbirda Apple yangi iPhone Ultra modelini taqdim qilishi kutilmoqda.

Xiaomi 18 Fold yangi XRing O3 chipini oladi

Xiaomi 18 Fold kompaniyaning yangi XRing O3 protsessorida ishlaydigan dastlabki qurilmalardan biri bo‘lishi kutilmoqda.

Dastlabki ma’lumotlarga ko‘ra, buklanuvchi smartfon 7,6 dyuymli ichki ekran bilan jihozlanadi. Qurilmaning asosiy kamerasi 200 MP aniqlikka ega bo‘lishi mumkin.

Smartfonga qariyb 6000 mA·soat sig‘imli akkumulyator...

Toshkent shahrida uch nafar xorijiy fuqaroga O‘zbekistonga kirish vizalarini noqonuniy yo‘l bilan rasmiylashtirib berishni va’da qilgan ikki shaxs ushlandi. DXX ma’lumotiga ko‘ra, 1985-yilda tug‘ilgan Toshkent shahri fuqarosi xorijliklarga vizalarni tanishlari orqali olib berish evaziga $31,2 ming talab qilgan.

$31,2 ming olayotgan vaqtida ushlandi

Tezkor tadbir davomida gumonlanuvchi kelishilgan $31,2 mingni olayotgan vaqtida ashyoviy dalillar bilan qo‘lga olingan.

Tekshiruv davomida ushbu mablag‘ning $4,2 mingini u o‘zida qoldirishi, qolgan $27 mingni esa Toshkent shahrida yashovchi, 1960-yilda tug‘ilgan boshqa fuqaroga yetkazib berishi kerakligi aniqlangan.

Shundan so‘ng tezkor tadbir davom ettirilgan.

Ikkinchi shaxs ham $27 ming bilan qo‘lga olindi

Davlat xavfsizlik...

Navoiy viloyatining Nurota tumanida fuqaroni tibbiyot birlashmasiga ishga joylashtirib berishni va’da qilgan mansabdor shaxs pul olayotgan vaqtida ushlangani ma’lum qilindi. Bosh prokuratura huzuridagi Departamentning Nurota tumani bo‘limi hamda boshqa huquqni muhofaza qiluvchi organlar hamkorligida tezkor tadbir o‘tkazilgan.

Hamshira sifatida ishga kiritishni va’da qilgan

Tergov ma’lumotlariga ko‘ra, G‘ozg‘on shahar tibbiyot birlashmasi Markaziy poliklinikasi mudiri o‘rinbosari fuqaroni shahar tibbiyot birlashmasiga hamshira lavozimiga ishga joylashtirib berishni va’da qilgan. Buning evaziga u fuqarodan $1,5 ming talab etgani aytilmoqda.

Pul olayotgan vaqtda ushlangan

Tezkor tadbir davomida mansabdor shaxs kelishilgan $1,5 mingni olayotgan vaqtida ashyoviy dalillar bilan ushlangan. Holat yuzasidan Jinoyat kodeksining 168-moddasi...