Yangiliklar

Bolalarga nisbatan zo‘ravonlik uchun javobgarlikni kuchaytirishga qaratilgan qonun loyihasi Oliy Majlis Qonunchilik palatasiga kiritildi. Hujjat «Adolat» SDP fraksiyasi tashabbusi bilan ishlab chiqilgan.

Qonunchilik palatasi Kengashi loyihani yalpi majlis kun tartibiga kiritishga qaror qildi. Uni ko‘rib chiqish uchun Demokratik institutlar va fuqarolik jamiyatini rivojlantirish masalalari qo‘mitasi mas’ul etib belgilangan.

Javobgarlik choralarini kuchaytirish taklif qilinmoqda

Loyiha bilan Jinoyat kodeksi, Jinoyat-protsessual kodeksi, Ma’muriy javobgarlik to‘g‘risidagi kodeks hamda boshqa qonun hujjatlariga o‘zgartirish va qo‘shimchalar kiritish ko‘zda tutilgan. Ular bolalarga nisbatan zo‘ravonlik holatlari uchun javobgarlik choralarini kuchaytirishga qaratilgan. Qonun loyihasi joriy yilning 29-sentabr kuni quyi palataning navbatdagi majlisida ko‘rib chiqilishi rejalashtirilgan.

O‘zbekistonda 2027-yil 1-yanvardan Pensiya jamg‘armasi fuqarolardan qog‘oz shaklidagi hujjatlar va ma’lumotlarni qabul qilish amaliyotini bekor qiladi. Qarorga ko‘ra, pensiya bilan bog‘liq ayrim xizmatlar bosqichma-bosqich interaktiv shaklda ko‘rsatiladi.

Ayrim xizmatlar onlayn shaklga o‘tadi

2026-yil 1-noyabrdan mehnat sharoiti zararli va og‘ir ishlarda band bo‘lgan hamda pensiya yoshini qisqartirish huquqiga ega shaxslarga imtiyozli shartlarda pensiya tayinlash xizmati interaktiv shaklda ko‘rsatiladi.

2026-yil 1-dekabrdan fuqarolar boshqa turdagi pensiyaga o‘tish uchun ham elektron tarzda murojaat qilishi mumkin bo‘ladi.

2027-yil 1-yanvardan esa pensiya to‘lovini naqd pul shakliga o‘tkazish hamda to‘xtatib turilgan pensiya to‘lovlarini tiklash xizmatlari ham interaktiv shaklga o‘tadi.

Bir yil ish staji avtomatik...

O‘zbekistonda Vazirlar Mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasining seysmik xavfsizlikni ta’minlash bo‘yicha vakolatlari aniqlashtirilmoqda.

Inspeksiya binolar seysmik xavfsizligini nazorat qiladi

Yangi tartibga ko‘ra, inspeksiya O‘zbekiston hududida qurilayotgan bino va inshootlarning seysmik xavfsizlik talablariga muvofiqligini nazorat qiladi.

Shuningdek, u elektron texnik pasportlar asosida bino va inshootlarni seysmik zaiflik bo‘yicha tasniflashda, ularni instrumental-texnik tekshirishda hamda zilzilabardoshligini oshirishda ishtirok etadi.

Elektron texnik pasportlar shakllantiriladi

Inspeksiya seysmik faol hududlarda qurilishi rejalashtirilayotgan va uning nazoratiga kiruvchi bino hamda inshootlar, jumladan, ko‘p qavatli turar joylar uchun elektron texnik pasportlarni shakllantiradi.

Ushbu pasportlarda obyektlarning seysmik zaifligini baholash uchun zarur...

Surxondaryo viloyati hokimi Ulug‘bek Qosimov Termiz shahrida ishga velosipedda qatnay boshladi. Termiz shahar hokimligining xabar berishicha, viloyat hokimiga boshqarma, tashkilot va muassasalar rahbarlari ham qo‘shilgan.

Rahbarlarga ham velosipeddan foydalanish tavsiya qilindi

Qosimov barcha darajadagi rahbarlarga ishga borish va qaytishda, shuningdek, shahar ichida harakatlanishda imkon qadar velosipeddan foydalanishni tavsiya qilgan. Tashabbus 2026-yil 25-martdagi «Toza havo» umummilliy loyihasi doirasida amalga oshirilmoqda. Ushbu hujjat asosida 1-maydan boshlab har oyning 10 va 25-sanasida «Avtomobilsiz kun» aksiyasi o‘tkazib kelinmoqda.

1-oktabrdan ekologik ikki oylik boshlanadi

Prezidentning 2026-yil 23-sentabrdagi farmoniga ko‘ra, joriy yilning 1-oktabridan mamlakatda «Tozalik va ozodalik dolzarb ikki oyligi» o‘tkaziladi. Unda...

O‘qituvchi va murabbiylar kuni munosabati bilan ta’lim-tarbiya tizimida faoliyat yuritayotgan bir guruh xodimlar faxriy unvon, orden va medallar bilan mukofotlandi. Prezident farmoniga ko‘ra, jami 108 kishi davlat mukofotlariga sazovor bo‘lgan.

Mukofotlanganlar ro‘yxati

Eslatib o‘tamiz, avvalroq shaxmat olimpiadasi g‘oliblari davlat mukofotlari bilan taqdirlangandi. Prezident Shavkat Mirziyoyev Samarqandda o‘tgan 46-Butunjahon shaxmat olimpiadasi va 3-Parashaxmat olimpiadasi g‘oliblari hamda ishtirokchilarini davlat mukofotlari bilan taqdirlash to‘g‘risidagi farmonni imzoladi.

O‘zbekistonda ko‘p kvartirali uylarni tegishli ruxsatnomasiz qurish uchun javobgarlik kuchaytiriladi. Bu haqda Adliya vazirligi xabar bermoqda.

Qurilishni boshlash uchun ruxsatnoma kerak bo‘ladi

«Litsenziyalash, ruxsat berish va xabardor qilish tartib-taomillari to‘g‘risida»gi Qonunga kiritilgan o‘zgartirishlarga ko‘ra, qurilish-montaj ishlarini boshlashdan oldin qurilish va uy-joy kommunal xo‘jaligi sohasini nazorat qiluvchi hududiy inspeksiyalardan ruxsatnoma olish talab etiladi.

Besh yilgacha qamoq jazosi belgilandi

Jinoyat kodeksiga kiritilgan o‘zgartirishlarga ko‘ra, ko‘p kvartirali uylarni nazorat inspeksiyalarining ruxsatnomasisiz qurish, agar shaxs avval xuddi shunday harakat uchun ma’muriy jazoga tortilgan bo‘lsa, jinoiy javobgarlikka sabab bo‘ladi.

Bunday holat uchun uch yildan besh yilgacha ozodlikdan mahrum qilish jazosi belgilandi.

AQSh Markaziy Osiyo davlatlarining kiberxavfsizligi va raqamli rivojlanishini qo‘llab-quvvatlash uchun $5 mln ajratadi. Bu haqda AQSh Davlat kotibi yordamchisining o‘rinbosari Mark Kemeron ma’lum qildi.

Uning so‘zlariga ko‘ra, mablag‘ CRDF Global tashkiloti orqali AQShning xorijiy yordam dasturi doirasida taqdim etiladi.

Mablag‘ qaysi yo‘nalishlarga sarflanadi

Ajratiladigan mablag‘ kiberhodisalarga tezkor javob berish tizimini takomillashtirish, muhim infratuzilmani himoya qilish, moliya sektorining kiberxavfsizligini oshirish va ushbu sohadagi davlat siyosatini rivojlantirishga yo‘naltiriladi.

AQShning xalqaro kiber va raqamli siyosati ham sherik davlatlarda xavfsiz raqamli infratuzilma yaratish va kiberbarqarorlikni oshirishga qaratilgan.

Sun’iy intellekt ham muhim yo‘nalish bo‘ladi

Kemeron Markaziy Osiyo strategik jihatdan muhim hudud ekanini...

My.gov.uz portalida bank kartalari bilan bog‘liq yangi imkoniyatlar ishga tushirilmoqda. Foydalanuvchilar o‘z nomiga rasmiylashtirilgan kartalar haqida ma’lumot olishi, ayrim hollarda ularni boshqarishi va yangi bank kartasiga onlayn buyurtma berishi mumkin.

Yangi kartaga onlayn ravishda buyurtma beriladi

Portalda «Bank plastik kartalarini buyurtma qilish» xizmati mavjud. Ariza beruvchi tizimga kirib, karta turi va kerakli ma’lumotlarni tanlaydi hamda arizani elektron shaklda yuboradi. Buning uchun alohida hujjat talab etilmaydi.

Virtual karta avtomatik tarzda ochilishi mumkin. Jismoniy kartani esa tanlangan bank ofisidan bir kun ichida olib ketish yoki yetkazib berishni tanlash mumkin. Karta narxini tegishli tijorat banki belgilaydi.

O‘z nomingizdagi...

O‘zbekistonlik og‘ir atletikachi Akbar Jo‘rayev «Aichi-Nagoya – 2026» Osiyo o‘yinlarida oltin medalni qo‘lga kiritdi.

Sportchi dast ko‘tarishda 197 kg, siltab ko‘tarishda 226 kg natija qayd etdi. Ikki mashq yakunida Jo‘rayevning umumiy natijasi 423 kg ni tashkil etdi va u mutlaq g‘olib bo‘ldi.

Dast ko‘tarishda jahon rekordi

Akbar Jo‘rayev dast ko‘tarish mashqida 197 kg natija ko‘rsatib, jahon rekordini yangiladi. Shuningdek, sportchi dast ko‘tarish hamda siltab ko‘tarish dasturlarida Osiyo rekordlarini ham yangiladi.

Umumiy natija — 423 kg

Jo‘rayev siltab ko‘tarishda 226 kg natija qayd etdi. Shu tariqa uning ikki mashq bo‘yicha umumiy ko‘rsatkichi 423 kg ga yetdi. Bu natija...

SpaceX Starship kosmik kemasining 14-sinov parvozini amalga oshirdi. Bu Starship tarixida ilk bor kema Yer orbitasiga chiqqan parvoz bo‘ldi. Avvalgi barcha Starship sinovlari suborbital trayektoriya bo‘yicha o‘tkazilgan edi.

Starship Yer atrofini olti marta aylanadi

«RBC» yozishicha, parvoz davomida Starship taxminan 275 km balandlikka ko‘tarildi. Kema Yer atrofida qariyb olti marta aylanishi rejalashtirilgan.

Butun parvoz deyarli o‘n soat davom etadi. Shundan so‘ng Starship Tinch okeaniga, Chili g‘arbida suvga qo‘nishi kerak.

Super Heavy ham muvaffaqiyatli ishladi

Starship’ni uchirishda foydalanilgan Super Heavy tezlatgichi uchirishning barcha bosqichlarini muvaffaqiyatli bajardi.

U kosmik kemadan ajralganidan so‘ng Meksika qo‘ltig‘iga suvga qo‘ndi. SpaceX ma’lumotiga ko‘ra...

Germaniyada ishlashni rejalashtirayotgan o‘zbekistonliklar uchun bir qator bo‘sh ish o‘rinlari taklif qilindi. Bu haqda Migratsiya agentligi xabar bermoqda.

Vakansiyalar orasida avtobus va yuk mashinasi haydovchilari, qurilish sohasi mutaxassislari, santexniklar hamda hamshiralar uchun ish o‘rinlari mavjud. Nomzodlar o‘z kasbi va malakasiga mos vakansiyani tanlab, ariza topshirishi mumkin.

Qaysi kasblar bo‘yicha ish bor

Taklif etilayotgan vakansiyalar orasida avtobus haydovchisi, CE toifali haydovchi, qurilish sohasining turli yo‘nalishlari, santexnik va hamshiralik kasblari bor.

Hamshiralar uchun PRIMECON AG, GLOBOGATE CONCEPT AG va RECRUITMED kompaniyalari tomonidan alohida vakansiyalar taqdim qilingan.

Nemis tilini bilmaydiganlar ham qatnashishi mumkin

Talablarga javob beradigan, biroq nemis tilini bilmaydigan...

2027-yilgi Chevrolet Tahoe va Suburban modellari uchun taklif etilgan Dark Essentials Plus va Premium Dark Essentials dizayn paketlarining ayrimlari vaqtincha buyurtma uchun yopildi. Bunga ikkala paket tarkibiga kiradigan qora radiator panjarasining mavjud emasligi sabab bo‘lgan.

GM Authority ma’lumotiga ko‘ra, Tahoe va Suburban uchun Dark Essentials Plus paketi hozircha buyurtma qilinmaydi. Premium Dark Essentials esa Tahoe Premier va Suburban Premier versiyalarida vaqtincha mavjud emas.

Muammo qora radiator panjarasi bilan bog‘liq

Cheklovning asosiy sababi – qora Chevrolet emblemasiga ega Black grille radiator panjarasi. Ushbu detal ikkala paket tarkibiga ham kiradi va hozir alohida aksessuar sifatida ham buyurtma uchun mavjud emas.

OpenAI xavfsizlik bilan bog‘liq muammolar sabab yangi GPT-6.1 Astra modelini ommaga chiqarmaslikka qaror qildi. Model dastlab oktabr oyida taqdim etilishi rejalashtirilgan edi.

Muammo modelning mustaqil harakatlarida kuzatilgan

Ichki sinovlarda GPT-6.1 Astra ayrim vazifalarda foydalanuvchi bergan vakolat doirasidan chiqib ketishi va bajargan harakatlari haqida yetarlicha aniq ma’lumot bermasligi aniqlangan. Reuters ma’lumotiga ko‘ra, xavfsizlik testlarida model inson nazoratidan chetlashishga urinishi va avvalgi modelga nisbatan ko‘proq chalg‘ituvchi xatti-harakatlarni namoyish qilgani ham qayd etilgan.

Shu sababli OpenAI modelni hozirgi ko‘rinishida foydalanuvchilarga taqdim etmaslikka qaror qilgan.

Astra sentabrda taqdim etilgan edi

OpenAI 3-sentabr kuni GPT-6 Astra modelini chiqargan. Kompaniya uni o‘zining...

2026-yilning 28-sentabr kuni Toshkent metropolitenidan bir sutkada ilk bor 1 200 124 nafar yo‘lovchi foydalandi. Bu haqda «Toshkent metropoliteni» AJ ma’lum qildi.

1 200 000-yo‘lovchi «Xalqlar do‘stligi» bekatida qayd etildi. Unga bir yil davomida Toshkent metropoliteni xizmatlaridan bepul foydalanish imkonini beruvchi maxsus «oltin karta» sovg‘a qilindi. Metropoliten ma’muriyati bu natijani yo‘lovchilar oqimi oshib borayotganining navbatdagi ko‘rsatkichi sifatida baholadi.

Avvalroq «Kursiv» Toshkentda avtobus va metroda bir martalik elektron to‘lov narxi 1-oktabrdan 1 700 so‘mdan 2 500 so‘mga oshirilishi haqida yozgan edi.

Nukus shahridagi maktabgacha ta’lim muassasasi direktori va uning o‘rinbosari fuqaroni logoped lavozimiga ishga qabul qilish evaziga 20 mln so‘m olayotganda qo‘lga olindi. Bu haqda Bosh prokuratura huzuridagi Departament xabar berdi.

Departamentning Qonliko‘l tumani bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan.

Pul xizmat xonasida olingan

Ma’lumotga ko‘ra, bog‘cha direktori K.R. fuqaro G.R.ni logoped lavozimiga ishga qabul qilish evaziga 20 mln so‘m talab etgan.

Direktorning topshirig‘iga ko‘ra, uning o‘rinbosari R.K. ushbu pulni xizmat xonasida olayotgan vaqtida ashyoviy dalillar bilan ushlangan.

Shuningdek, o‘qing: Davlat bog‘chalarida ota-onalar to‘lovi oshirildi: yangi narxlar qancha bo‘ladi

Prezident Shavkat Mirziyoyev Samarqandda o‘tgan 46-Butunjahon shaxmat olimpiadasi va 3-Parashaxmat olimpiadasi g‘oliblari hamda ishtirokchilarini davlat mukofotlari bilan taqdirlash to‘g‘risidagi farmonni imzoladi.

Unga ko‘ra, shaxmatchilar, murabbiylar va federatsiya vakillari faxriy unvonlar, orden va medallar bilan taqdirlandi.

«O‘zbekiston iftixori» faxriy unvoni

«O‘zbekiston Respublikasida xizmat ko‘rsatgan sportchi» faxriy unvoni

«O‘zbekiston Respublikasida xizmat ko‘rsatgan sport ustozi» faxriy unvoni

O‘zbekistonda dual ta’lim doirasida talabalarni amaliyotga qabul qilgan korxonalarga talaba uchun to‘langan ish haqining 50 foizini subsidiya sifatida qoplash taklif qilinmoqda. Bu haqda Shavkat Mirziyoyevga taqdim etilgan oliy ta’limni rivojlantirish bo‘yicha takliflarda ma’lum qilindi.

Taklifga ko‘ra, talabalar uchun o‘qish va amaliyot sharoitini yaratgan hamda ularni keyinchalik ishga joylashtirgan korxonalarga boshqa rag‘batlantirish choralari ham berilishi mumkin. Jumladan, bojxona to‘lovlari va amortizatsiya bo‘yicha imtiyozlar, shuningdek 25 nafardan ortiq talabani amaliyotga olgan korxonalarga davlat xaridlarida preferensiyalar qo‘llash ko‘zda tutilmoqda.

Bundan tashqari, O‘zbekistonda uchinchi va to‘rtinchi bosqich talabalarining kamida 80 foizini, ya’ni 185 ming nafar yoshni dual ta’lim bilan qamrab olish maqsadi belgilandi...

Tijorat banklari tomonidan 29-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 29-sentabr uchun valyutalar kursi e’lon qilingani haqida yozgan edi.

Great Wall Motor Rossiya bozorida yangi flagman gibrid Wey V9X narxini e’lon qildi. Model savdosi 2026-yil oktabr oyida boshlanadi va Tank dilerlik markazlarida $114,8 ming atrofida taklif etiladi.

598 ot kuchi va 4,9 soniyalik tezlanish

Olti o‘rinli krossover GWM’ning yangi yagona platformasida yaratilgan. Uning gibrid kuch qurilmasi 2 litrli benzin dvigateli, to‘rt pog‘onali gibrid transmissiya va ikkita elektromotordan iborat.

Tizimning umumiy quvvati 598 ot kuchini, aylanish momenti esa 862 Nm ni tashkil etadi. Avtomobil 0 dan 100 km/soat tezlikka 4,9 soniyada chiqadi.

Elektrda 270 km yuradi

Wey V9X 55,4 kVt/soat sig‘imli akkumulyator bilan jihozlangan. Krossover faqat elektr...

O‘zbekistonlik grossmeyster Javohir Sindarov qozog‘istonlik shaxmatchi Bibisara Assaubaevani Samarqandda o‘tgan 2026-yilgi Jahon shaxmat olimpiadasida kumush medal qo‘lga kiritgani bilan tabrikladi.

Sindarov ijtimoiy tarmoqdagi sahifasida Asaubaevaning medal bilan tushgan suratini joylashtirib, unga «Tabriklayman» deb yozdi.

Qozog‘iston ayollar terma jamoasi ikkinchi bo‘ldi

Samarqanddagi olimpiadada Asaubaeva Qozog‘iston ayollar terma jamoasi safida kumush medalni qo‘lga kiritdi.

Qozog‘iston jamoasi musobaqani ikkinchi o‘rinda yakunladi.

Jizzax viloyatining G‘allaorol tumanida fuqarolar nomiga 219 mln so‘mlik imtiyozli kredit rasmiylashtirib, mablag‘larni o‘z ehtiyojlari uchun ishlatgan shaxslar fosh etildi. Bu haqda Bosh prokuratura huzuridagi Departament ma’lum qildi.

Besh fuqaroning elektron imzosidan foydalanilgan

Departamentning G‘allaorol tumani bo‘limi tomonidan o‘tkazilgan tergovga qadar tekshiruvda «Xonimqo‘rg‘on» MFY hokim yordamchisi, tijorat bankining G‘allaorol bank xizmatlari markazi mas’ul xodimlari va boshqa shaxslar besh nafar fuqaroning elektron imzosini qo‘lga kiritgani aniqlangan.

Ular ushbu fuqarolar nomiga jami 219 mln so‘mlik imtiyozli kredit ajratib, mablag‘larni o‘z ehtiyojlari uchun sarflaganlikda gumon qilinmoqda.

Jinoyat ishi qo‘zg‘atildi

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atildi...

Angliyaning «Chelsi» klubi «Manchester Siti» himoyachisi Abduqodir Husanov o‘yiniga qiziqish bildirmoqda. Londonliklar yaqin kunlarda 22 yoshli futbolchining vakillari bilan bog‘lanishi mumkin.

Transfer yanvar oyida amalga oshishi mumkin

Manbalarga ko‘ra, «Chelsi» Husanovni 2027-yil yanvaridagi transfer oynasi oldidan markaziy himoyani kuchaytirish variantlaridan biri sifatida ko‘rib chiqmoqda. Hozircha klublar o‘rtasida rasmiy muzokara yoki transfer bo‘yicha kelishuv haqida ma’lumot yo‘q.

London klubi yozda himoya chizig‘ini kuchaytirgan bo‘lsa-da, yana bir markaziy himoyachi transferini ko‘rib chiqayotgani aytilmoqda.

Chevrolet 2027-yilgi Chevrolet Trax modelida salon dizaynini sezilarli yangilashi mumkin. GM Authority modelning yangi suratlarini e’lon qildi.

Qizil bezaklar hozirgidan kattaroq bo‘lishi mumkin

Amaldagi 2026-yilgi Trax modelida ham qizil aksentlar mavjud. Xususan, 1RS versiyasida Jet Black / Gray salon qizil bezaklar bilan, 2RS’da esa Jet Black Evotex qoplamasi qizil aksentlar bilan taklif etiladi.

Biroq yangi prototipdagi qizil qism hozirgi kichik aksentlardan ancha kattaroq ko‘rinadi. Haydovchi eshigining markaziy qismida keng qizil panel joylashgan bo‘lib, u yuqori va pastki qora qismlar bilan keskin kontrast hosil qiladi.

Bu Chevrolet RS versiyalarida sport uslubini salon ichida ham kuchaytirishga tayyorlanayotganidan dalolat berishi mumkin.

AQShning Eron aviatsiya sektoriga qarshi yangi sanksiyalari mamlakatning xalqaro aviaqatnovlarini keskin cheklamoqda. Ayrim davlatlar Eron aviakompaniyalari reyslarini to‘xtatgan, aeroportlar va xizmat ko‘rsatuvchi kompaniyalar esa ikkilamchi sanksiyalar xavfini hisobga olishga majbur bo‘lmoqda.

AQSh Moliya vazirligi 8-sentabr kuni Eron aviatsiya sektoriga aloqador 36 ta nishonga sanksiya joriy qilgan. Ularning orasida 27 ta Eron aviakompaniyasi ham bor. Vashington bu choralarni «Operation Economic Outcast» kampaniyasi doirasida amalga oshirmoqda.

Bir qator xalqaro reyslar bekor qilindi

Reuters ma’lumotiga ko‘ra, yangi sanksiyalar kuchga kirgach, BAA, O‘mon, Gruziya, Ozarbayjon va Iroq yo‘nalishlaridagi Eron reyslarining bir qismi to‘xtatilgan.

DW esa Bag‘dod va Maskatga qatnovlar bekor qilinganini, Ozarbayjon...