Yangiliklar

Chevrolet Cobalt O‘zbekistonda arzonligi, ishonchliligi, ehtiyot qismlarining keng tarqalganligi va xizmat ko‘rsatish xarajatlarining nisbatan pastligi bilan mashhur bo‘lib qolmoqda. 2026-yilda ham model oilalar, kundalik haydovchilar va birinchi avtomobilini xarid qilayotganlar orasida talab yuqori bo‘lgan sedanlardan biri sifatida qayd etilmoqda.

Ma’lumotlarga ko‘ra, Cobalt’ning asosiy ustunligi narx va amaliylik o‘rtasidagi muvozanatda. Model murakkab bo‘lmagan texnik tuzilishi va kundalik foydalanishga mosligi bilan ajralib turadi.

Cobalt nega ommabop

O‘zbekiston avtomobil bozorida xarid narxi nisbatan qulay, yonilg‘i sarfi maqbul va ta’mirlash oson bo‘lgan avtomobillarga talab yuqori.

Cobalt shu talablarga mos kelgani sabab uzoq yillardan buyon bozorda o‘z o‘rnini saqlab kelmoqda. Ehtiyot qismlarning keng...

Toshkent shahrida fuqaroni Slovakiyaga ishga yuborish va viza rasmiylashtirib berishni va’da qilib pul olgan shaxs ushlandi. Bu haqda Davlat xavfsizlik xizmati ma’lum qildi.

Tezkor tadbir DXXning Toshkent shahar bo‘yicha boshqarmasi hamda Iqtisodiy jinoyatlarga qarshi kurashish departamenti hamkorligida Chilonzor tumanida o‘tkazilgan.

Slovakiyaga ishga yuborish uchun $3 ming talab qilingan

Ma’lum qilinishicha, mahalliy turistik firmada menejer bo‘lib ishlovchi shaxs xorijga ishga jo‘natish faoliyati bilan shug‘ullanish huquqiga ega bo‘lmagan.

Shunga qaramay, u Samarqand viloyatida yashovchi fuqaroni Slovakiyaga ishga yuborish va unga viza rasmiylashtirib berish evaziga $3 ming hamda 2,5 mln so‘m talab qilgan.

Pul olayotgan vaqtida ushlangan

Tezkor tadbir davomida...

AQSh zarbxonasi prezident Donald Tramp tasvirlangan bir dollarlik tangalarni sotuvga chiqardi. Ular asosan kolleksion mahsulot sifatida taklif qilinayotgan bo‘lsa-da, federal qonunchilikka ko‘ra nominal qiymati $1 bo‘lgan qonuniy to‘lov vositasi hisoblanadi.

Shu bilan birga, tangani do‘konda oddiy bir dollarlik pul sifatida ishlatish har doim ham oson bo‘lmasligi mumkin. AQShda xususiy bizneslar qaysi to‘lov shakllarini qabul qilishini ma’lum darajada o‘zi belgilaydi.

Tramp tangalari qancha turadi

AQSh zarbxonasi tangalarni 25 donadan iborat rulonlarda $61 dan, 100 donalik qoplarda esa $154,50 dan sotmoqda.

Zarbxona ma’lumotiga ko‘ra, tangalar oddiy muomaladagi tangalarga o‘xshash qoplamaga ega, biroq sotuvdan oldin real pul muomalasiga chiqarilmagan. Shunga qaramay...

O‘zbekiston fuqarolarining Tailandga borishi uchun viza to‘lovini amalga oshirishning qulayroq mexanizmini yaratish bo‘yicha muzokaralar olib borilmoqda. Hozircha O‘zbekiston fuqarolariga viza to‘lovini amalga oshirish uchun Tailandning Moskvadagi elchixonasiga borish tavsiya etilmoqda. Bu haqda O‘zbekiston Tashqi ishlar vazirligi matbuot kotibi Omonullo Fayziyev Kursiv Uzbekistan’ga ma’lum qildi.

Viza to‘lovi uchun Moskvaga borish talab qilinishi mumkin

Avvalroq O‘zbekistonning Tailanddagi bosh konsulxonasi 15-sentabrdan boshlab O‘zbekiston fuqarolari uchun Tailandga vizasiz kirish tartibi bekor qilinishini ma’lum qilgandi. 

Yangi tartibga ko‘ra, Tailandga borishni rejalashtirayotgan fuqarolar elektron viza uchun onlayn ariza topshirishi kerak. Biroq viza to‘lovini amalga oshirish uchun hozircha Tailandning Moskvadagi elchixonasiga tashrif buyurish talab...

Meta kompaniyasi o‘zining hozirgacha yaratilgan eng kuchli sun’iy intellekt modeli — Muse Spark 1.3’ni ishga tushirdi. Bu haqda kompaniya saytida ma’lum qilindi.

Yangi model 2-sentabrdan dasturchilar uchun pullik asosda ochildi, yaqin vaqt ichida esa Instagram, Facebook va Meta AI chatbotiga integratsiya qilinishi rejalashtirilmoqda.

Kompaniya yangi model dasturlash, murakkab topshiriqlarni bajarish va foydalanuvchi nomidan mustaqil harakat qilish kabi vazifalarda avvalgi Meta modellari bilan solishtirganda sezilarli yaxshilanganini ta’kidlamoqda.

Meta yangi modelni eng katta sakrash deb atadi

Meta’ning sun’iy intellekt bo‘yicha direktori Aleksandr Vang Bloomberg’ga bergan intervyusida Muse Spark 1.3 kompaniya modellari unumdorligidagi hozirgacha eng katta o‘sish ekanini aytdi.

Uning so‘zlariga...

Xiaomi Hindistonda Redmi 17 5G smartfonining global versiyasini taqdim etdi. Qurilma 7900 mA/soat sig‘imli batareya, 6,9 dyuymli ekran va Snapdragon 4 Gen 5 protsessoriga ega. Gizmochina xabariga ko‘ra, bu Xitoy versiyasidagi 6300 mA/soat batareyadan ancha kattaroq.

Redmi 17 5G 1600×720 piksel aniqlikdagi 6,9 dyuymli LCD displey bilan jihozlangan. Ekran 120 Gts yangilanish tezligi va 825 nitgacha maksimal yorqinlikni qo‘llab-quvvatlaydi.

Displey ko‘k yorug‘lik va miltillashni kamaytirishga qaratilgan TÜV Rheinland sertifikatlariga ham ega. Smartfon 4 nanometrli Snapdragon 4 Gen 5 protsessorida ishlaydi. Uning maksimal chastotasi 2,4 GGs gacha yetadi.

Qurilma 6 GB gacha LPDDR4X operativ xotira va 256 GB gacha UFS...

Toshkent viloyatining Ohangaron tumanida Isuzu rusumli avtobus va Lacetti avtomobili to‘qnashdi. Hodisa oqibatida uch kishi shifoxonaga olib ketilgan. Bu haqda viloyat YHXB matbuot xizmati xabar berdi.

Avtobus qayrilish vaqtida Lacetti bilan to‘qnashgan

Yo‘l-transport hodisasi 2-sentabr kuni soat taxminan 18:30 larda A373 «Toshkent – O‘sh» avtomobil yo‘lining 75-kilometrida sodir bo‘lgan.

Qayd etilishicha, 1964-yilda tug‘ilgan haydovchi Isuzu rusumli avtobusni qayrilish mumkin bo‘lgan joydan qayrilayotgan vaqtda qarama-qarshi yo‘nalishda harakatlanib kelayotgan, 1997-yilda tug‘ilgan haydovchi boshqaruvidagi Lacetti bilan to‘qnashgan.

Uch kishi shifoxonaga olib ketildi

Hodisa oqibatida Lacetti haydovchisi hamda avtobusda bo‘lgan ikki nafar yo‘lovchi birinchi tibbiy yordam ko‘rsatish uchun shifoxonaga...

AQSh va Avstraliya Tinch okeani mintaqasida mudofaa hamkorligini kengaytirish va tiyib turish salohiyatini kuchaytirish bo‘yicha kelishuvga erishdi. Tomonlar bu qarorni Xitoyning mintaqadagi harbiy salohiyati oshib borayotgani bilan izohlamoqda.

AQSh mudofaa vaziri Pit Hegset Vashingtonda avstraliyalik hamkasbi Richard Marls bilan uchrashib, mintaqadagi kuchlar muvozanatini saqlash muhimligini ta’kidladi.

AQShning Avstraliyadagi harbiy ishtiroki kengayadi

Richard Marlsning aytishicha, AQShning Avstraliyadagi harbiy ishtiroki tobora kengayib bormoqda. U bu jarayonni Ikkinchi jahon urushidan beri kuzatilgan eng yirik an’anaviy harbiy kuchayishlardan biri sifatida baholayotgan Xitoyning faoliyati bilan bog‘ladi.

Marlsga ko‘ra, ikki mamlakat mintaqada tinchlik va barqarorlikni saqlash uchun tiyib turish salohiyati hamda kuchlar muvozanatini mustahkamlashi...

Uzbekistan Airways’ning Toshkentdan Moskvaga yo‘l olgan HY603 reysi Rossiyaning ayrim aeroportlarida joriy etilgan vaqtinchalik cheklovlar sabab Toshkentga qaytib keldi. Aviakompaniya Rossiyaga amalga oshiriladigan ayrim qatnovlarda ham o‘zgarishlar bo‘lganini ma’lum qildi.

HY603 reysi Toshkentga qaytdi

3-sentabr kuni Toshkentdan Moskva Domodedovo aeroportiga uchgan HY603 reysi Rossiya hududiga kira olmay, parvozni ortga burdi va Toshkent aeroportiga qaytib qo‘ndi.

Aviakompaniya qaror parvozlar xavfsizligini ta’minlash maqsadida qabul qilinganini bildirdi.

Ayrim reyslar kechiktirilmoqda

Moskvadan Toshkentga uchishi kerak bo‘lgan reys ham kechiktirilgan. Shuningdek, Termiz – Moskva yo‘nalishidagi HY9609 reysi Sankt-Peterburgdagi zaxira aerodromiga yo‘naltirilgan. Vnukovo – Andijon HY9622 va Andijon – Vnukovo HY9621 qatnovlarida ham...

Futbolchi Krishtianu Ronaldu o‘g‘li bir hafta ichida otasining kredit kartasidan $9 mln dan ortiq mablag‘ sarflaganini bilib, uning kartasini «muzlatgani» va akkauntlariga kirishini cheklagani aytilmoqda. Bu haqda Haberler nashri xabar berdi.

Birgina xarid $1,8 mln

Da’voga ko‘ra, Ronaldu ma’lum vaqt davomida o‘g‘liga kredit kartasidan foydalanishga ruxsat bergan. Biroq futbolchi o‘g‘lining xarajatlarini ko‘rib chiqqanida, hisobdagi $1,8 mln miqdoridagi tranzaksiyaga duch kelgan.

Shundan so‘ng Ronaldu kartadan amalga oshirilgan boshqa xarajatlarni ham tekshirtirgani aytilmoqda.

Tekshiruv davomida o‘g‘li bir hafta ichida superkarlar va boshqa hashamatli xaridlarga $9 mln dan ortiq mablag‘ sarflagani haqidagi da’vo ilgari surilgan.

Ronaldu kartani...

Apple 9-sentabr kuni taqdim etishi kutilayotgan iPhone Ultra modelida Face ID tizimidan voz kechishi mumkin. Bu haqda Mydrivers nashri xabar bermoqda.

Internetda tarqalgan himoya oynalari suratlari yangi qurilmaning old kamera qismi odatiy iPhone’lardan sezilarli farq qilishi mumkinligini ko‘rsatmoqda.

Manbaga ko‘ra, iPhone Ultra uchun mo‘ljallangan himoya oynasida Dynamic Island o‘rniga faqat old kamera uchun dumaloq teshik ko‘rinadi. Bu Apple’ning flagman smartfonlari dizaynida katta o‘zgarish bo‘lishi mumkin.

Face ID o‘rniga yon tomondagi skaner kelishi mumkin

Taxminlarga ko‘ra, bunday qaror iPhone Ultra’ning bukiluvchi va juda yupqa korpusi bilan bog‘liq.

Smartfon ochilgan holatda qalinligi atigi 4,5 mm bo‘lishi kutilmoqda. Shunday ixcham korpus...

Ikkilamchi bozordan Chevrolet Damas xarid qilmoqchi bo‘lganlar uchun avtomobilning faqat yili va probegiga qarash yetarli emas. Mutaxassislar kuzov, dvigatel, gaz uskunasi, yurish qismi hamda hujjatlarni batafsil tekshirishni tavsiya qilmoqda.

Avvalo kuzov va tag qismini tekshirish kerak

Avtomobilni ko‘rikdan o‘tkazishni kuzovdan boshlagan ma’qul. Zanglagan joylar, avariya izlari, qayta bo‘yalgan yoki shpaklyovka qilingan qismlarga alohida e’tibor berish kerak.

Ayniqsa kuzovning tag qismi, poroglar, g‘ildirak arkalari va asosiy elementlarning birikish joylarini tekshirish muhim. Damas ko‘pincha yo‘lovchi yoki yuk tashishda ishlatilgani sababli, uning yuklamasi oddiy yengil avtomobillarga qaraganda yuqori bo‘lishi mumkin.

Avtomobilni imkon qadar kunduz kuni ko‘rish tavsiya etiladi. Bo‘yoq rangidagi farqlar va...

O‘zbekistonda ishlaydigan onalarga farzandi bir yoshga to‘lguniga qadar Ijtimoiy sug‘urta jamg‘armasidan nafaqa to‘lash tizimi joriy etiladi. Bu Shavkat Mirziyoyev raisligida kambag‘allikni qisqartirish yuzasidan videoselektor yig‘ilishida qayd etildi.

Shuningdek, ehtiyojmand oilalarni qo‘llab-quvvatlash, ularning xarajatlarini kamaytirish va barqaror daromad manbalarini yaratishga qaratilgan yangi mexanizmlarni kengaytirish rejalashtirilmoqda.

Ijtimoiy paket uchun 300 mlrd so‘m ajratilgan

Mehnatga layoqatsiz ehtiyojmand oilalarga «passiv daromad» keltiradigan ijtimoiy paketni moliyalashtirish uchun joriy yilda 300 mlrd so‘m ajratilgan.

Ushbu yordamdan foydalangan 11 ming oilaning qariyb yarmida daromad sezilarli darajada oshgani qayd etildi.

Shu munosabat bilan mas’ullarga bir hafta muddatda mazkur tizimni davom ettirish bo‘yicha qaror loyihasini kiritish topshirildi.

Viloyat va tuman hokimlari oldiga 2026-yilning sentabr – dekabr oylarida aholi bandligini oshirish va 350 ming kishini doimiy ishga joylashtirish vazifasi qo‘yildi. Bu Shavkat Mirziyoyev raisligida kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan videoselektor yig‘ilishida qayd etildi.

Shuningdek, yana 1 mln aholining daromadini oshirish vazifasi qo‘yildi. Buning uchun hududlardagi mavjud iqtisodiy imkoniyatlardan samarali foydalanish, yangi daromad manbalarini yaratish va aholini barqaror bandlikka jalb qilish ko‘zda tutilgan.

230 ming oilani kambag‘allikdan chiqarish rejalashtirilgan

Yil yakuniga qadar 230 ming oilani kambag‘allikdan chiqarish vazifasi ham belgilandi. Bu borada har bir hudud va mahalla kesimida alohida...

O‘zbekistonlik grossmeyster Javohir Sindarov amaldagi jahon chempioni Gukesh Dommarajuga qarshi bo‘ladigan jahon chempionligi bahsiga tayyorgarlik jarayoni haqida gapirdi.

20 yoshli Sindarov 2026-yilgi «Da’vogarlar turniri»da g‘olib chiqib, jahon chempionligi uchun kurashish huquqini qo‘lga kiritdi. U Jahon kubogida ham g‘alaba qozongan.

Sindarov Gukeshning so‘nggi natijalariga e’tibor qaratmayapti

O‘zbekistonlik grossmeyster Gukeshning keyingi turnirlardagi natijalari uning haqiqiy imkoniyatlarini to‘liq aks ettirmasligini aytdi. Sindarovning fikricha, jahon chempionligi uchun bahs alohida tayyorgarlik va mutlaqo boshqa ruhiy bosim ostida o‘tadi.

«Gukesh juda kuchli shaxmatchi. Men u bilan bir necha marta o‘ynaganman va uning kuchini yaxshi bilaman. Bahs oldidan ko‘p narsa...

2026-yil 15-sentabrdan boshlab O‘zbekiston fuqarolari uchun Tailandga vizasiz kirish tartibi bekor qilinadi. Yangi tartibga ko‘ra, mamlakatga borishni istagan fuqarolar oldindan viza rasmiylashtirishi va uning to‘lovini amalga oshirish uchun Rossiyaga, Moskvaga borishi kerak bo‘ladi. Bu haqda O‘zbekistonning Bankok shahridagi bosh konsulxonasi xabar berdi.

Viza uchun Moskvaga borish talab etiladi

O‘zbekiston fuqarolari Tailandga safar qilishdan oldin Tailand Qirolligining rasmiy elektron viza portali orqali ariza topshirishi kerak.

Biroq elektron viza anketasini to‘ldirishning o‘zi yetarli emas. Viza uchun to‘lovni amalga oshirish uchun fuqaro Tailand Qirolligining Moskvadagi elchixonasiga shaxsan tashrif buyurishi lozim.

Vizasiz tartib 15-sentabrdan bekor qilinadi

Tailand Qirolligi hukumati...

Xiaomi hali rasman taqdim etilmagan Xiaomi 18 Fold bukiluvchi flagmanining kamera imkoniyatlarini ilk bor namoyish etdi. Kompaniya rahbari Lu Veybin Weibo‘da yangi smartfonda olingan suratlar to‘plamini e’lon qildi.

U foydalanuvchilarga suratlar orasidan eng yoqqanini tanlashni taklif qilgan. Shu tariqa, kompaniya 7-sentabrga rejalashtirilgan rasmiy taqdimotdan oldin Xiaomi 18 Fold kamerasining imkoniyatlarini ommaga ko‘rsatdi.

Xiaomi 18 Fold uchta Leica kamerasi bilan chiqadi

Avvalroq Lu Veybin Xiaomi 18 Fold’ning asosiy kamera konfiguratsiyasini ham oshkor qilgan edi. Smartfon Leica bilan hamkorlikda ishlab chiqilgan uchta kamera moduliga ega bo‘ladi.

Asosiy kamera 200 Mp aniqlikdagi, 1/1,56 dyuymli sensor bilan jihozlanadi. Unda Leica Summilux optikasidan...

3-sentabr kuni prezident Shavkat Mirziyoyev raisligida o‘tkazilgan yig‘ilishda mahallalarda tadbirkorlikni rivojlantirish, aholini band qilish va kredit resurslaridan samarali foydalanish masalalari muhokama qilindi. Bu haqda prezident matbuot kotibi Sherzod Asadov xabar berdi.

«Garovi bormi?» degan yondashuv tanqid qilindi

Yig‘ilishda mahalla bankirlari va hokim yordamchilarining loyihalar bilan ishlash ko‘nikmalari tanqidiy baholandi. Qayd etilishicha, ularning ayrimlari loyiha samaradorligini o‘rganish o‘rniga avvalo «Garovi bormi?» degan savolni qo‘ymoqda.

Shuningdek, tadbirkorlarga kredit ajratishda byurokratik to‘siqlar saqlanib qolayotgani, kreditlarni qaytarish grafiklari esa biznes yo‘nalishlarining xususiyatiga moslashtirilmagani ko‘rsatib o‘tildi.

Kreditlarni qaytarish muddatlarini dehqonchilik, savdo va boshqa biznes yo‘nalishlarining o‘ziga xos xususiyatlariga qarab belgilash zarurligi...

O‘zbekistonda xalqaro tan olingan vizalarga ega ayrim xorijiy fuqarolar mamlakatga 30 kungacha vizasiz kira oladi. Bu prezidentning 2026-yil 29-avgustdagi PF–180-sonli farmonida belgilangan.

Yangi tartib 2026-yil 1-sentabrdan kuchga kiradi va Hindiston fuqarolarining muayyan toifalariga tatbiq etiladi.

Qaysi vizalarga ega fuqarolar uchun yangi tartib amal qiladi

Farmonga ko‘ra, Avstraliya, AQSh, Buyuk Britaniya va Shimoliy Irlandiya Birlashgan Qirolligi, Kanada, Koreya Respublikasi, Shengen kelishuvi ishtirokchi davlatlari, Yangi Zelandiya yoki Yaponiya tomonidan berilgan amaldagi ko‘p martalik biznes yoki turizm vizasiga ega Hindiston fuqarolari O‘zbekistonga vizasiz kirishi mumkin bo‘ladi.

Bunda mazkur xorijiy vizalardan kamida bittasi amalda bo‘lishi kerak.

30 kungacha vizasiz bo‘lish mumkin

O‘zbekistonda kambag‘allik bilan ishlash bo‘yicha yangi tizim joriy etiladi. Unga ko‘ra, viloyat, tuman va shahar hokimlari butun iqtisodiy kompleks bilan haftada uch kun faqat kambag‘allikni qisqartirish va bandlik masalalariga e’tibor qaratadi.

Yangi tizim Xorazm viloyatida o‘tkazilgan ikki haftalik tahlil natijalari asosida ishlab chiqilmoqda. Bu haqda davlat rahbari kambag‘allikni qisqartirish va aholi daromadlarini oshirish bo‘yicha o‘tkazilgan videoselektor yig‘ilishida ma’lum qildi.  

Har bir hududda shtab tashkil etiladi

Yangi tartibga ko‘ra, har bir viloyat va tumanda hokim boshchiligida alohida shtablar tuziladi.

«Mahalla yettiligi» uchun mas’ul rahbarlar, viloyat va tuman hokimlari hamda banklar kuchaytirilgan ish rejimiga o‘tadi.

Banklar va bandlikka ko‘maklashish idoralari...

Prezident Shavkat Mirziyoyev hududlardagi ayrim rahbarlarni mavjud resurslardan samarali foydalana olmayotgani va aholini ish bilan ta’minlash bo‘yicha yetarli natijaga erisha olmayotgani uchun tanqid qildi. Bu haqda davlat rahbari 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan o‘tkazilgan videoselektor yig‘ilishida aytdi. 

Prezidentdan qattiq tanqid

Mirziyoyevning ta’kidlashicha, ayrim hudud rahbarlarining qo‘lidagi tayyor imkoniyatlardan unumli foydalanib, odamlarni ishli qilishga bilimi yoki toqati yetmayapti. Shuningdek, ular zamonaviy iqtisodiyotdagi tebranishlar va tezkor o‘zgarishlarni to‘g‘ri anglamayotgani qayd etildi.

«Odamlar kreditni to‘lolmayapti»

So‘nggi bir yilda hududlarda tashkil etilgan 86 ming kichik korxonaning 15 mingtasi...

Xalqaro texnologik kompaniya Yango Group tarkibiga kiruvchi Yandex Uzbekistan 2026-yil uchun Great Place to Work® sertifikatiga ega bo‘ldi. So‘rovnoma natijalariga ko‘ra, xodimlarning 95 foizi kompaniyani ishlash uchun ajoyib joy deb baholagan. Natijalar jamoa ichida ishonch va adolatli munosabat darajasi yuqori ekanini ham ko‘rsatdi. Xodimlarning 98 foizi ishlash uchun zarur resurslar va jihozlar bilan ta’minlanganini aytgan. Shuncha xodim kompaniyada ularga yuqori darajada mas’uliyat berilganini qayd etgan. Yana 98 foiz ishtirokchi xodimlarga jinsidan qat’i nazar adolatli munosabatda bo‘linishini ta’kidlagan.

«Kuchli jamoa ishonch bildiriladigan va rivojlanish imkoniyati beriladigan insonlardan shakllanadi. O‘zbekistonda biz uchun, ayniqsa, yosh mutaxassislarni qo‘llab-quvvatlash va ularga...

Yevropaning kuchli futbol chempionatlarida yozgi transfer oynasi yopildi. 2026-yil yozida qiymati 100 mln yevrodan oshgan oltita transfer amalga oshirildi. Ularning beshtasi Angliya klublari tomonidan amalga oshirilgan. Bu haqda RBC tahlilida keltirildi.

Eng qimmat transfer Enso Fernandesning «Chelsi»dan «Manchester Siti»ga o‘tishi bo‘ldi. Argentinalik yarim himoyachi uchun Manchester klubi 145 mln yevro to‘lagan. Bu Britaniya futboli tarixidagi rekord transferni takrorladi.

Fernandes 100 mln yevrolik chegaradan ikki marta oshdi

Enso Fernandes futbol tarixida 100 mlndan yevro qimmatga ikki marta transfer qilingan ilk futbolchiga aylandi.

2026-yil yanvarida argentinalik futbolchi «Benfika»dan «Chelsi»ga 121 mln yevro evaziga o‘tgandi. O‘sha transfer Angliya futbolidagi eng...

Qoraqalpog‘iston Respublikasi va Xorazm viloyatida yashovchi ayrim toifadagi fuqarolar temir yo‘l chiptalarini maxsus tarif asosida xarid qilishi mumkin. «O‘ztemiryo‘lyo‘lovchi» AJ ma’lumotiga ko‘ra, buning uchun fuqaroning imtiyozli toifaga mansubligi va ushbu hududlarda doimiy yoki vaqtincha ro‘yxatdan o‘tganini tasdiqlash talab etiladi.

Hozirda temir yo‘l chiptaxonalarida fuqaroning ID-kartasi orqali uning yashash manzilini avtomatik aniqlash imkoniyati mavjud emas.

Shu sababli imtiyozli chipta xarid qilishda zarur hollarda Qoraqalpog‘iston respublikasi yoki Xorazm viloyatida yashash joyi bo‘yicha ro‘yxatdan o‘tganlikni tasdiqlovchi qo‘shimcha hujjat so‘ralishi mumkin.

Kompaniya bu talab tashuvchi tomonidan alohida joriy etilmaganini, balki amaldagi tartibdan kelib chiqishini ma’lum qildi.

Imtiyozli chiptani onlayn ham olish mumkin