Yangiliklar

Janubiy Koreyada to‘rt nafar O‘zbekiston fuqarosiga terrorizmni moliyalashtirishga qarshi qonunni buzganlik bo‘yicha ayblov qo‘yildi. Bu haqda Yonhap agentligi xabar berdi.

Tergov ma’lumotlariga ko‘ra, ular Suriyadagi terrorchi guruhga pul mablag‘lari va transport vositalarini yetkazib berishda ishtirok etgan bo‘lishi mumkin. Kvanchju shahri politsiyasi versiyasiga ko‘ra, ishning asosiy gumondori 30 yoshlar atrofidagi O‘zbekiston fuqarosi hisoblanadi.

Kriptovalyutada pul o‘tkazilgani aytilmoqda

Tergov ma’lumotlariga ko‘ra, asosiy gumondor 2025-yil aprelidan boshlab taxminan sakkiz oy davomida «Katiba at-Tavhid val-Jihod» guruhiga qariyb 6,3 mln von, ya’ni taxminan $4,6 ming miqdorida kriptovalyuta o‘tkazgan.

Mazkur guruh BMTning terrorchi tashkilotlar ro‘yxatiga kiritilgan. Tashkilot ma’lumotlariga ko‘ra, u «Al-Qoida» bilan aloqador.

Politsiya...

AQSh Afg‘onistondagi foydali qazilmalar sohasiga sarmoya kiritish bo‘yicha «Tolibon» hukumati bildirgan taklifni rad etdi. Vashington «Tolibon» bilan bu masalada hamkorlik qilishni rejalashtirmayotganini ma’lum qildi. 

«Tolibon» AQSh sarmoyasini taklif qilgandi

Harakatning tashqi ishlar vaziri Amirxon Muttaqiy avvalroq AQSh kompaniyalarini Afg‘onistonning konchilik, infratuzilma, qishloq xo‘jaligi va savdo sohalariga sarmoya kiritishga chaqirgandi.

U «Financial Times»ga bergan intervyusida «Tolibon» va AQSh o‘rtasidagi munosabatlarga so‘nggi 20 yillik urush nuqtayi nazaridan emas, balki kelajakdagi hamkorlik imkoniyatlaridan kelib chiqib baho berish kerakligini aytgan. Biroq AQSh Davlat departamenti bu taklifni rad etdi.

«Tolibon» bilan hamkorlik qilish rejamiz yo‘q»

AQSh Davlat departamenti vakili Vashington «Tolibon» bilan Afg‘onistondagi...

Dunyoning turli mamlakatlarida ChatGPT, Claude, Grok, Google Gemini va boshqa sun’iy intellekt servislarining ishlashida nosozliklar kuzatildi. Foydalanuvchilar xabar yuborish, javob olish hamda ayrim platformalarga kirishda muammolarga duch kelgan. Bu haqda Kursiv Kazakhstan xabar berdi.

Nosozliklar 3-sentabr kuni kechki vaqtda qayd etilgan. Muammo bir vaqtning o‘zida bir nechta mashhur sun’iy intellekt xizmatlariga ta’sir qilgani aytilmoqda.

Foydalanuvchilar xabar yubora olmagan

Manbaga ko‘ra, ChatGPT faoliyatidagi uzilishlar yuzasidan o‘n minglab foydalanuvchilardan shikoyatlar kelib tushgan.

Ayrim foydalanuvchilar ChatGPT orqali so‘rov yubora olmagan yoki yuborilgan xabarlarga javob olmagan. Chatlardan foydalanishga urinish vaqtida ekranda xatolik haqidagi bildirishnomalar ham paydo bo‘lgan.

Shu bilan birga, muammolar faqat...

O‘zbekistonda 2026-yilning yanvar–iyul oylarida ko‘rsatilgan bozor xizmatlari hajmi 802,5 trln so‘mni tashkil etdi. Bu ko‘rsatkich 2025-yilning mos davriga nisbatan real hisobda 16,7 foizga oshdi. Bu haqda Milliy statistika qo‘mitasi ma’lum qildi.

Moliyaviy xizmatlar eng yuqori o‘sishni qayd etdi

Hisobot davrida eng yuqori o‘sish moliyaviy xizmatlar sohasida kuzatildi. Mazkur yo‘nalishda o‘sish sur’ati 124,5 foizni tashkil etdi, ya’ni xizmatlar hajmi o‘tgan yilning mos davriga nisbatan 24,5 foizga oshgan.

Keyingi o‘rinda me’morchilik, muhandislik izlanishlari, texnik sinovlar va tahlil sohasidagi xizmatlar turibdi. Ushbu yo‘nalishda o‘sish sur’ati 123,6 foizni tashkil etdi.

Aloqa va axborotlashtirish xizmatlarida esa ko‘rsatkich 120 foizga yetdi. Bu mazkur xizmatlar...

FIFA Yevropa futbol assotsiatsiyalari ittifoqini tashkilot va uning rahbariyatiga qarshi «obro‘sizlantirish kampaniyasi» olib borishda aybladi. Bu haqda BBC ma’lum qildi.

Mojaro FIFA prezidenti Janni Infantinoning Jahon chempionati bilan bog‘liq tijoriy aktivlarning bir qismini xususiy investorlarga sotish bo‘yicha amalga oshmay qolgan rejasi ortidan kuchaydi.

UEFA avvalroq AQSh sudiga murojaat qilib, Shveysariyada ehtimoliy jinoiy ish yuritilishi doirasida FIFAga tegishli hujjatlar va dalillarni oshkor qilishni so‘ragan edi. FIFA esa yangi sud hujjatlarida ushbu talabni kechiktirish yoki rad etishni so‘radi.

UEFA Infantinoni nimada ayblamoqda

Mojaro FIFA Forward Enterprise — FFE deb nomlangan loyiha bilan bog‘liq. UEFA mazkur tashabbus yuzasidan Janni Infantinoni «jinoiy...

Germaniyaning Volkswagen avtomobil konserni 2030-yil oxirigacha dunyo bo‘ylab 100 mingta ish o‘rnini qisqartirishni rejalashtirmoqda. Bu kompaniya tarixidagi va jahon avtomobil sanoatidagi eng yirik qisqartirishlardan biri bo‘lishi kutilmoqda. Bu haqda DW xabar berdi.

Kompaniya rahbariyati va kasaba uyushmalari qo‘shimcha 50 mingta ish o‘rnini qisqartirish bo‘yicha kelishuvga erishgan. Avvalroq yana 50 mingta ish o‘rnini qisqartirish bo‘yicha qaror qabul qilingan edi. Shu tariqa, umumiy qisqartirishlar soni 100 mingtaga yetadi.

Xodimlarning qariyb 15 foizi qisqartiriladi

Volkswagen ma’lumotiga ko‘ra, rejalashtirilgan qisqartirishlar konsernning dunyo bo‘ylab jami xodimlarining qariyb 15 foiziga teng.

Kompaniya tarkibiga Volkswagen brendidan tashqari Audi va Porsche kabi yirik avtomobil ishlab chiqaruvchilari...

Samsung Galaxy S24 FE smartfoni uchun Android 17 asosidagi One UI 9.0 interfeysining beta-versiyasini tarqatishni kengaytirdi. Bu haqda Sammobile nashri xabar bermoqda.

Yangi beta-dastur foydalanuvchilarga One UI 9.0’ning yakuniy barqaror versiyasi chiqishidan oldin uning yangi funksiyalari va o‘zgarishlarini sinab ko‘rish imkonini beradi.

Yangilanish hajmi 3,4 GB dan oshadi

Galaxy S24 FE uchun Hindistonda chiqarilgan birinchi One UI 9.0 beta-yangilanishining hajmi 3 454,95 MB ni tashkil etadi.

Yangilanish S721BXXUEZZHL proshivka raqami bilan tarqatilmoqda. One UI 9.0 Android 17 operatsion tizimiga asoslangan bo‘lib, Samsung interfeysiga qator funksional va vizual o‘zgarishlarni olib keladi.

Kompaniya hozircha beta-versiyani barcha davlatlarda bir vaqtda taqdim...

Farg‘ona va Namanganda giyohvandlik vositalari hamda kuchli ta’sir qiluvchi dori vositalarining noqonuniy aylanmasiga qarshi tezkor tadbirlar o‘tkazildi. Bu haqda Davlat xavfsizlik xizmati ma’lum qildi.

Tadbirlar DXXning hududiy boshqarmalari tomonidan Ichki ishlar va Bojxona organlari bilan hamkorlikda amalga oshirilgan.

Qo‘qonda 782 dona «Tropikamid» topildi

Farg‘ona viloyatida o‘tkazilgan tezkor tadbirlardan biri Qo‘qon shahrida amalga oshirildi.

Unda muqaddam sudlangan 44 yoshli fuqaroning yashash xonadoni xolislar ishtirokida ko‘zdan kechirildi. Tekshiruv davomida uyning yerto‘lasidan 782 dona «Tropikamid» kuchli ta’sir qiluvchi dori vositasi aniqlangan.

Dori vositalari belgilangan tartibda ashyoviy dalil sifatida rasmiylashtirib olingan.

Xonadondan 758 gramm «gashish» olindi

Qo‘qon shahrida aniqlangan yana bir...

GM Chevrolet Tracker va Trailblazer avtomobillarida old paneldagi havo chiqarish teshiklaridan havo oqimi keskin kamayishi yoki butunlay to‘xtashi mumkinligini ma’lum qildi. Bu haqda GMAutority nashri xabar bermoqda.

2026-yil avgustida e’lon qilingan PIC6660 raqamli servis byulleteniga ko‘ra, muammo Shimoliy Amerika bozorida sotilgan 2024–2026-yilgi ayrim Chevrolet Trax va Trailblazer avtomobillariga taalluqli.

Kompaniya ta’kidlashicha, mazkur hujjat avtomobillarni majburiy qaytarib olish kampaniyasi — recall hisoblanmaydi.

Muammo yarim soatdan ortiq harakatdan keyin paydo bo‘lishi mumkin

Ayrim avtomobil egalari konditsioner ishlayotgan paytda old paneldagi havo chiqarish teshiklaridan kelayotgan havo asta-sekin kamayishini bildirgan. Hatto ventilyator maksimal tezlikda ishlayotganida ham salonga juda kam havo kirishi yoki...

O‘zbekiston Prezidenti qaroriga muvofiq, Muxsinxo‘ja Tursunxo‘jayevich Abdurahmonov Vazirlar Mahkamasi huzuridagi Migratsiya agentligi direktori etib tayinlandi. Bu haqda prezident matbuot xizmati xabar berdi.

Agentlik O‘zbekiston fuqarolarini xorijda tashkillashtirilgan tartibda ishga joylashtirish, mehnat migrantlarining huquqlarini himoya qilish hamda tashqi mehnat migratsiyasi jarayonlarini tartibga solish bilan shug‘ullanadi.

Bexzod Musayev lavozimidan ketdi

Shu qarorlar bilan Bexzod Anvarovich Musayev boshqa ishga o‘tishi munosabati bilan Migratsiya agentligi direktori lavozimidan ozod qilindi.

Musayev 2026-yil mart oyidagi rasmiy hujjatlarda ham Migratsiya agentligi direktori sifatida qayd etilgan.

Avvalroq Kursiv Uzbekistan Timur Ismoilov IIV vaziriga o‘rinbosar bo‘lgani haqida yozgandi.

Mirziyoyev rahbarlarni keskin tanqid qildi, Tailand vizasi uchun Moskvaga borish kerak — 3 sentabr yangiliklarini Kursiv Uzbekistan dayjestida o‘qing.

«Bilimi yetmaydi»: Mirziyoyev ayrim hudud rahbarlarini keskin tanqid qildi

Prezident Shavkat Mirziyoyev hududlardagi ayrim rahbarlarni mavjud resurslardan samarali foydalana olmayotgani va aholini ish bilan ta’minlash bo‘yicha yetarli natijaga erisha olmayotgani uchun tanqid qildi.

Bu haqda davlat rahbari 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan o‘tkazilgan videoselektor yig‘ilishida aytdi. 

O‘zbekistonliklar Tailand vizasi uchun Moskvaga borishi lozim

2026-yil 15-sentabrdan boshlab O‘zbekiston fuqarolari uchun Tailandga vizasiz kirish tartibi bekor...

TCL yangi P80 smartfonlar turkumini taqdim etdi. Seriyaning yuqori modeli — P80 Ultra kompaniyaning NXTPAPER texnologiyasi OLED panel bilan birgalikda qo‘llangan ilk smartfoni hisoblanadi.

Qurilma 6,83 dyuymli, 1,5K aniqlikdagi OLED displeyga ega. Ekranning yangilanish chastotasi 120 Gts, maksimal yorqinligi esa 3200 nitni tashkil etadi. DCI-P3 ranglar makoni to‘liq qamrab olingan.

Max Ink deb nomlangan maxsus rejim alohida tugma orqali faollashtiriladi. U yoqilganda displey oq-qora ko‘rinishga o‘tadi, ortiqcha bildirishnomalar va chalg‘ituvchi ilovalar cheklanadi. Natijada smartfondan elektron kitob o‘qishga o‘xshash tarzda foydalanish mumkin.

Bir quvvat bilan 7 kungacha ishlaydi

P80 Ultra 5800 mA·soat sig‘imli akkumulyator bilan jihozlangan. TCL ma’lumotiga ko‘ra...

O‘zbekiston prezidenti 3-sentabr kuni AQSh Senatidagi Markaziy Osiyo bo‘yicha kokus hamraisi Stiv Deyns bilan uchrashdi. Bu haqda prezident matbuot xizmati xabar berdi.

Tomonlar savdo, investitsiya va qator strategik yo‘nalishlarda hamkorlikni rivojlantirish istiqbollarini ko‘rib chiqdi.

Senator O‘zbekistonni Mustaqillik bayrami bilan tabrikladi

Uchrashuv boshida Stiv Deyns Shavkat Mirziyoyev hamda O‘zbekiston xalqini mamlakat mustaqilligining 35 yilligi bilan muborakbod etdi. U O‘zbekistonga tinchlik, farovonlik va taraqqiyot tiladi.

Savdo va investitsiya loyihalariga e’tibor qaratildi

Muloqotda O‘zbekiston va AQSh o‘rtasidagi strategik sheriklikni yanada mustahkamlash, shuningdek, parlamentlararo aloqalarni rivojlantirish masalalari muhokama qilindi.

Tomonlar so‘nggi yillarda ikki davlat munosabatlari sezilarli darajada faollashganini qayd etdi. Siyosiy...

Qoraqalpog‘istonda faoliyat yurituvchi K.T. korxonasi unga nisbatan qo‘llangan 1 mlrd so‘mlik moliyaviy jarimadan norozi bo‘lib, Biznes-ombudsmanga murojaat qilgan.

Ma’lum bo‘lishicha, korxona 12 – 15-may kunlari fuqaro J.R. bilan tuzilgan shartnoma asosida 1 032,66 tonna sholini sotgan. Mahsulot realizatsiya qilingan paytda esa elektron hisobvaraq-faktura (EHF) rasmiylashtirilmagan.

EHF texnik nosozlik sabab kechiktirilgan

Amaldagi tartibga ko‘ra, elektron hisobvaraq-faktura tizimida texnik nosozlik yuzaga kelgan taqdirda hujjat vaqtincha qog‘oz shaklida rasmiylashtirilishi mumkin. Bunday nosozlik EHF tizimi operatori tomonidan rasman tasdiqlanishi kerak.

Tizimdagi muammo bartaraf etilgach, qog‘oz shaklida rasmiylashtirilgan hisobvaraq-faktura besh kun ichida undagi sana ko‘rsatilgan holda elektron tizimga kiritilishi lozim.

Korxona ushbu talabga...

Xiaomi yangi bukiluvchi flagmani Xiaomi 18 Fold modelini uchta asosiy Leica kamerasi bilan jihozlaydi. Kompaniya rahbari Lu Veybing ma’lum qilishicha, smartfonda turli masofalarda sifatli suratga olishga mo‘ljallangan kamera tizimi qo‘llanadi.

Yangi modelda asosiy e’tibor yuqori aniqlik, optik zum va keng burchakli tasvirga qaratiladi.

Asosiy kamera 200 Mp bo‘ladi

Xiaomi 18 Fold’ning bosh kamerasi 200 Mp aniqlikdagi Leica moduli bo‘ladi. U 1/1,56 dyuymli yirik sensor bilan jihozlanadi.

Leica Summilux obyektivi esa tasvirlarning tiniqligi va detalliligini oshirishga xizmat qilishi kutilmoqda.

3,5 karra optik zumli periskop kamera qo‘shiladi

Ikkinchi kamera 50 Mp Leica periskop teleobyektivi bo‘ladi. U 3,5 karra optik...

Vyetnamda sud mamlakat tarixidagi eng yirik narkotik moddalar savdosi bilan bog‘liq ishlardan biri bo‘yicha 11 kishini o‘lim jazosiga hukm qildi. Ish doirasida jami 227 kishi ayblanuvchi sifatida sudlangan.

Qolgan sudlanuvchilarga 18 oydan umrbod qamoq jazosigacha bo‘lgan jazolar tayinlandi. Yana qariyb 20 kishi giyohvand moddalarni noqonuniy sotib olish, sotish, tashish va ularning yetkazib berilishini tashkil etish bilan bog‘liq ayblovlar bo‘yicha umrbod qamoqqa hukm qilindi.

Jinoiy tarmoq rahbari ham o‘lim jazosiga hukm qilindi

O‘lim jazosiga hukm qilinganlar orasida xalqaro narkotik savdosi tarmog‘ining tashkilotchisi deb hisoblangan Ha Dan Nam ham bor.

Tergov ma’lumotlariga ko‘ra, u Fransiyadan Vyetnamga narkotik moddalarni olib kirishni...

Toshkent viloyatidagi Navoiy chegara-bojxona postida katta miqdordagi naqd xorijiy valyutani noqonuniy olib chiqib ketishga uringan ikki fuqaro to‘xtatildi. Bu haqda Toshkent viloyati bojxona boshqarmasi axborot xizmati xabar qildi.

Valyutani oyoqlariga skotch bilan yashirishgan

Bojxona va Davlat xavfsizlik xizmati xodimlari hamkorligida o‘tkazilgan tezkor tadbir vaqtida qo‘shni davlatga piyoda chiqib ketayotgan ikki fuqaroning harakatlari shubhali deb topilgan.

Ular xolislar ishtirokida shaxsiy ko‘rikdan o‘tkazilganda, oyoqlariga skotch bilan o‘rab yashirilgan naqd pullar aniqlangan.

$240 ming deklaratsiyasiz olib chiqilayotgan bo‘lgan

Tekshiruv davomida jami $240 ming miqdoridagi naqd xorijiy valyuta topilgan.

Mazkur mablag‘lar bojxona deklaratsiyasida ko‘rsatilmagan, shuningdek, og‘zaki so‘rov vaqtida ham ma’lum qilinmagan.

O‘zbekistonda 2026-yil avgust oyida ko‘chmas mulk va transport vositalari oldi-sotdisini eskrou hisobvaraqlari orqali rasmiylashtirish bo‘yicha jami 33 392 ta bitim qayd etildi.

Markaziy bank ma’lumotlariga ko‘ra, bitimlarning yarmidan ko‘prog‘i transport vositalari hissasiga to‘g‘ri kelgan. Shu bilan birga, yana 4 346 ta bitim rasmiylashtirish jarayonida bo‘lgan.

Transport vositalari bo‘yicha bitimlar ko‘proq bo‘ldi

Avgust oyida eskrou hisobvaraqlari orqali 17 807 ta transport vositasi oldi-sotdisi rasmiylashtirildi. Bu jami bitimlarning 53,3 foiziga teng.

Ko‘chmas mulk bo‘yicha esa 15 585 ta bitim qayd etilib, ularning umumiy ko‘rsatkichdagi ulushi 46,7 foizni tashkil etdi.

Shu tariqa avgust oyida eskrou orqali rasmiylashtirilgan transport vositalari oldi-sotdisi ko‘chmas...

Ispaniyaning turli hududlarida Seuta eksklavidagi migratsiya inqirozi va hukumatning vaziyatga munosabati sabab o‘n minglab odamlar namoyishga chiqdi. Bu haqda DW xabar bermoqda.

Aksiyalar Madrid bilan birga Barselona, Valensiya, Sevilya va yana 200 dan ortiq shahar hamda aholi punktlarida o‘tkazildi.

Namoyishlar Ispaniyaning Shimoliy Afrikadagi eksklavi Seutaning rasmiy bayrami bilan bir kunga to‘g‘ri keldi. Odatda tantanalar bilan o‘tadigan bu sana bu yil migratsiya inqirozi fonida nishonlandi.

Madridda 50 mingga yaqin odam qatnashdi

Rasmiy ma’lumotlarga ko‘ra, Madridda o‘tkazilgan namoyishda qariyb 50 ming kishi qatnashgan.

Ispaniyaning hududiy siyosat vaziri Anxel Viktor Torres namoyishlar siyosiy maqsadda tashkil etilganini aytdi. Uning fikricha, aksiyalar Seuta...

Toshkentning Yakkasaroy tumanidagi Glinka ko‘chasida yo‘l qoplamasining bir qismi o‘pirilib tushdi. Hodisa oqibatida bir kishi yengil tan jarohati olgan, ko‘chada transport harakati esa vaqtincha to‘xtatilgan.

Hodisa issiq suv tarmog‘ida yuz bergan

Ijtimoiy tarmoqlarda Glinka ko‘chasida yuqori bosimli quvur yorilgani haqida xabarlar tarqaldi. Mas’ul tashkilotlar ma’lumotiga ko‘ra, hodisa gaz yoki ichimlik suvi tarmoqlari bilan bog‘liq emas.

Toshkent shahar suv ta’minoti hodisa issiq suv ta’minoti tarmog‘ida yuz berganini ma’lum qilgan.

Gaz sizib chiqishi aniqlanmadi

Hududgaz Poytaxt ma’lumotiga ko‘ra, hodisa sodir bo‘lgan hududdan yuqori bosimli gaz quvuri o‘tmaydi. Shuningdek, gaz sizib chiqishi holati ham qayd etilmagan.

Veolia Energy Tashkent...

O‘zbekiston AQSh, Germaniya va Janubiy Koreya bilan bir qatorda kundalik piyoda navigatsiyasi raqamli xaritalarda jazirama issiqqa moslashtirila boshlangan ilk mamlakatlar qatoridan joy oldi, deb yozadi Techloy xalqaro texnologik nashri. Avgust oyida Toshkentda Yandex Maps «yashil» yo‘nalishlarni sinov tariqasida ishga tushirdi. Ular foydalanuvchilarga soyaliroq yo‘lni tanlash va quyoshning to‘g‘ridan to‘g‘ri nurlari ostida kamroq vaqt o‘tkazish imkonini beradi.

Ta’kidlanishicha, Toshkent Markaziy Osiyo va MDHda ommaviy kartografik xizmatda bunday funksiyaga ega bo‘lgan ilk shahar bo‘ldi. Shuningdek, bu Yandex Maps faoliyat yuritadigan 30 ta davlat orasida mazkur funksiyani birinchi bo‘lib ishga tushirgan hudud hisoblanadi.

Qulay yo‘nalish – shahar muhitining muhim qismi

Techloy...

Samarqand shahrida ko‘p qavatli turarjoy binosida tabiiy gazdan noqonuniy foydalanish holati aniqlandi. Dastlabki hisob-kitoblarga ko‘ra, yetkazilgan zarar 3,3 mlrd so‘mni tashkil qilgan.

«Hududgazta’minot» AJ ma’lumotiga ko‘ra, nazorat tadbiri «Hududgaz Samarqand» filiali, shahar gaz ta’minoti bo‘limi va huquq-tartibot organlari hamkorligida o‘tkazilgan.

Bino gaz tarmog‘iga to‘g‘ridan to‘g‘ri ulangan

Tekshiruv Samarqand shahrining Qorasuv mahallasida joylashgan «A.B.» MChJga qarashli ko‘p qavatli turarjoy binosida olib borilgan.

Xatlov davomida bino gaz ta’minoti korxonasi bilan shartnoma tuzmasdan va loyiha hujjatlarini rasmiylashtirmasdan tarmoqqa to‘g‘ridan to‘g‘ri ulangan holda tabiiy gazdan foydalanib kelgani aniqlangan.

Holat bo‘yicha dalolatnoma rasmiylashtirilgan. To‘plangan barcha materiallar huquqni muhofaza qiluvchi organlarga yuborilgan.

Eslatib o‘tamiz...

Toshkent City hududidagi «Sanoatqurilishbank»ka tegishli «SQB Tower» binosining mehmonxona qismi auksion orqali besh yil muddatga ijaraga berildi. Savdolar davomida yillik ijara narxi boshlang‘ich summaga nisbatan 3,3 baravar oshdi.

Auksionda narx 27,8 mlrd so‘mga ko‘tarildi

«E-auksion»dagi savdolar 13-avgust kuni yakunlangan. Unda «QBIC-Payments» MChJ g‘olib deb topilgan.

Lotning boshlang‘ich yillik ijara qiymati 12,1 mlrd so‘m etib belgilangan bo‘lsa, yakunda kompaniya 39,8 mlrd so‘mlik taklif bilan g‘olib bo‘lgan.

Natijada ijara narxi 27,8 mlrd so‘mga yoki qariyb 230 foizga oshgan.

7 ming kvadrat metrdan ortiq maydon ijaraga berildi

Ijara shartnomasi «SQB Tower»ning 24 – 27-qavatlaridagi mehmonxona qismi hamda B2-qavatdagi kir yuvish...

4-sentabr uchun valyutalar kursi yangilandi. Unga ko‘ra, dollar kursi 18,09 so‘mga tushib, 11 795 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

26-avgust kuni 39,55 so‘mga tushib, 11 778,52 so‘mni, 27-avgust kuni 45,17 so‘mga oshib, 11 823,69 so‘mni, 28-avgust kuni esa 22,46 so‘mga tushib, 11 801,23 so‘mni tashkil qildi. 2-sentabr kuni 19,25 so‘mga oshib, 11 820,48 so‘mga yetdi. 3-sentabr kuni pasayish tendensiyasini ko‘rsatib, 7,39 so‘mga tushib, 11 813,09 so‘m bo‘ldi.

Yevro kursida o‘sish kuzatildi. Yevropa valyutasi 21,51 so‘mga oshib, 13 698,71 so‘m bo‘ldi. Rossiya rubli ham oshdi. Rubl...