Yangiliklar

AQShning Vashington shtatidan yo‘lga chiqqan to‘rt nafar sayohatchi 53 kun davomida eshkakli qayiqda harakatlanib, 5 ming kilometrga yaqin (3100 mil) masofani bosib o‘tib, Gavayi orollaridagi Maui oroliga yetib bordi. Bu haqda Hawaii News Now nashri xabar berdi.

Motor va yelkansiz sayohat

Sayohatchilar 2-may kuni yo‘lga chiqqan bo‘lib, ular safar davomida motor, yelkan yoki kuzatuv kemasisiz faqat o‘z kuchiga tayangan. Jamoa 24-iyun kuni Kahului bandargohiga yetib kelgan va ularni yaqinlari hamda do‘stlari kutib olgan.

53 kunlik sinov

Jamoa a’zolaridan Greg Andersonning aytishicha, bir necha haftadan so‘ng okeandagi hayot bir xil to‘lqinlar, ob-havo va mashaqqatlar takrorlanadigan kunlarga aylangan.

Yana...

Vivo kompaniyasi yangi budjet segmentiga mo‘ljallangan Vivo Y6a smartfonini taqdim etdi. Bu haqda kompaniya rasmiy sahifasida ma’lum qildi.

Qurilma sig‘imi 7200 mA/soat bo‘lgan akkumulyator, IP68 va IP69 darajasidagi suv hamda changdan himoya va $295 lik narxi bilan e’tiborni tortmoqda.

Katta batareya va Snapdragon protsessori

Smartfon 44 Vt quvvatga ega tezkor simli quvvatlashni qo‘llab-quvvatlaydigan 7200 mA/soat sig‘imli batareya bilan jihozlangan. Simsiz quvvatlash funksiyasi mavjud emas.

Qurilma Qualcomm Snapdragon 4 Gen 2 protsessori asosida ishlaydi va 5G tarmoqlarini qo‘llab-quvvatlaydi. Xotira konfiguratsiyasi 8 GB tezkor va 256 GB doimiy xotiradan iborat.

120 Gs ekran va 50 MP kamera

Vivo Y6a...

Kongo Demokratik Respubliksida Ebola virusi yuqtirgani tasdiqlanganlar soni 1155 nafarga yetgan. Ulardan 304 nafari vafot etgan, deya xabar bermoqda Reuters.

Kongo hukumati Ebola virusini yuqtirganlar va qurbonlar bo‘yicha 24-iyun holatidagi hisobot e’lon qildi. So‘nggi 24 soat ichida esa yana 37 ta yangi kasallanish va 5 ta o‘lim holati kuzatilgan.

Sog‘liqni saqlash mutaxassislarining ta’kidlashicha, epidemiologik va biologik kuzatuv choralarining kuchaytirilishi kasallanish holatlarini ertaroq aniqlash imkonini bermoqda. Shu bilan birga, hisobotda virusning aholi orasida tarqalishi haftadan haftaga ortib borayotgani ham tasdiqlangani qayd etilgan.

Ebola — yuqori o‘lim xavfiga ega virusli kasallik bo‘lib, u kasallangan odamning qon va boshqa biologik suyuqliklari...

29-iyun uchun valyutalar kursi yangilandi. Unga ko‘ra, dollar kursi 4,23 so‘mga tushib, 12 009,29 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

22-iyun kuni 27,11 so‘mga tushib, 12 058,45 so‘m, 23-iyun kuni esa 68,19 so‘mga tushib, 11 990,26 so‘m bo‘ldi. 24-iyun kuni 26,78 so‘mga oshib, 12 017,04 so‘mni, 25-iyun kuni 7,36 so‘mga oshib, 12 024,40 so‘mni, 26-iyun kuni esa 10,88 so‘mga tushib, 12 013,52 so‘mni tashkil etdi.

Markaziy bank ma’lumotlariga ko‘ra, yevro 49,24 so‘mga oshib, 13 699 so‘mni, rubl esa 5,21 so‘mga tushib, 154,74 so‘mni tashkil qildi.

Avvalroq Kursiv...

Apple xotira va saqlash chiplari narxining keskin qimmatlashuvi fonida iPad va MacBook qurilmalari narxlarini oshirishini e’lon qildi. Bu haqda Reuters agentligi xabar berdi.

Kompaniya ma’lum qilishicha, narxlarning oshishiga sun’iy intellekt infratuzilmasi uchun ma’lumotlar markazlari jadal qurilishi sabab xotira va saqlash chiplari narxining keskin ko‘tarilgani sabab bo‘lgan. Apple shu vaqtgacha xaridorlarni ushbu xarajatlardan himoya qilib kelganini, biroq endi ayrim mahsulotlar narxini oshirishga majbur bo‘lganini bildirdi.

Tahlilchilarga ko‘ra, xotira ishlab chiqaruvchilari, jumladan, Micron, so‘nggi oylarda Nvidia kabi sun’iy intellekt chiplari ishlab chiqaruvchilarining buyurtmalariga ustuvorlik bergan. Natijada elektronika ishlab chiqaruvchilari uchun xotira chiplari yetkazib berish hajmi qisqargan va narxlar sezilarli oshgan.

O‘zbekiston birinchi prezidenti Islom Karimovning qizi Gulnora Karimovaning xorijdan qaytarilgan aktivlari hisobidan moliyalashtirilgan dastur doirasida respublikadagi 231 ta tug‘uruqxona zamonaviy tibbiy jihozlar bilan ta’minlandi, 80 mingdan ortiq tibbiyot xodimi esa malaka oshirish kurslarida qatnashdi. Bu haqda Iqtisodiyot va moliya vazirligi ma’lum qildi.

Ma’lumot uchun, 2025-yil aprel oyida Gulnora Karimova tomonidan oʻzlashtirilgan $95 mln Shveysariyadan Oʻzbekistonga qaytarildi. Karimovadan ayni paytgacha mamlakatga kelib tushgan $87 million ta’lim va tibbiyotni qoʻllab-quvvatlashga yoʻnaltirilgani aytildi. Bundan $43,5 mln mablag‘ perinatal markazlarida onalar va bolalar o’limini qisqartirish loyihasiga , ta’lim uchun esa $23,5 mln ajratilgan. Ikkinchi komponent doirasida maktab infratuzilmasini modernizatsiya qilish uchun $20 mln...

27-iyun kuni O‘zbekistonning katta qismida havo biroz bulutli, ayrim joylarda o‘zgaruvchan bo‘ladi. Yog‘ingarchilik kutilmaydi. Bu haqda «O‘zgidromet» xabar qildi.

Faqat Toshkent viloyati va Farg‘ona vodiysi viloyatlarining ayrim hududlarida qisqa muddatli yomg‘ir yog‘ishi, momaqaldiroq kuzatilishi mumkin.

Shanba kuni ham ayrim hududlarda momaqaldiroq bo‘ladi

28-iyun kuni ham Toshkent viloyati va Farg‘ona vodiysining ayrim joylarida qisqa muddatli yomg‘ir yog‘ishi hamda momaqaldiroq bo‘lishi ehtimoli saqlanib qoladi.

Shuningdek, respublikaning shimoli-g‘arbiy hududlarida ob-havo beqaror bo‘ladi. Qoraqalpog‘iston Respublikasi va Xorazm viloyatining ayrim joylarida yomg‘ir yog‘ishi, ba’zi hududlarda yog‘ingarchilik kuchli bo‘lishi kutilmoqda. Respublikaning qolgan hududlarida esa yog‘ingarchilik prognoz qilinmayapti.

Toshkentda harorat 41 darajagacha ko‘tariladi

Poytaxtda...

Qatar Airways kompaniyasi O‘zbekiston fuqarolarini Qatar Duty Free va boshqa yo‘nalishlar bo‘yicha turli lavozimlarga ishga taklif qilmoqda. Bu haqda Migratsiya agentligi ma’lum qildi.

Vakant ish o‘rinlari orasida ovqatlanish xizmati yordamchisi, kichik barista, barista, barmen, mehmonlarni kutib oluvchi (hostes), ovqatlanish xizmati jamoasi yetakchisi, ovqatlanish xizmati nazoratchisi, kassa yordamchisi, savdo bo‘yicha yordamchi, katta savdo yordamchisi, do‘kon nazoratchisi, navbatchi menejer, oshpaz yordamchisi, oshpaz, kichik souschi oshpaz, souschi oshpaz hamda nemis, ispan va italyan tillarini biluvchi mijozlarga xizmat ko‘rsatish agenti lavozimlari mavjud.

Nomzodlar kamida o‘rta maktab ma’lumotiga ega bo‘lishi, 18 yoshdan katta bo‘lishi va ingliz tilida erkin muloqot qila olishi kerak. Har...

Toshkent shahrida ehtiyotsizlik oqibatida hojatxonaga tushib ketgan 5 yoshli qizaloq FVV qutqaruvchilari tomonidan qutqarildi. Bu haqda vazirlik matbuot xizmati ma’lum qildi.

Unga ko‘ra, hodisa 25-iyun kuni soat 17:33 da Toshkent shahrining Yunusobod tumani, Obiravon ko‘chasidagi xonadonlardan birida sodir bo‘lgan.

Dastlabki ma’lumotlarga ko‘ra, 2021-yilda tug‘ilgan qizaloq ehtiyotsizlik va nazoratsiz qolishi oqibatida hovlidagi hojatxonaga tushib ketgan. Hodisa haqida Toshkent shahar Favqulodda vaziyatlar bosh boshqarmasiga xabar berilgan.

Voqea joyiga zudlik bilan yetib kelgan qutqaruvchilar qutqaruv ishlarini boshlagan. Ulardan biri hojatxona chuquriga tushib, qizaloqni xavfsiz tarzda olib chiqqan.

Shifokorlar tomonidan bolaga zarur tibbiy yordam ko‘rsatilgan. Shundan so‘ng u yaqinlariga topshirilgan. Hozirda qizaloqning...

2027-yil 1-yanvardan boshlab xavfli ishlab chiqarish obyektlarida ishlashga ruxsat beruvchi sertifikat yoki ruxsatnomaga ega bo‘lmagan mutaxassislar faoliyat yuritayotgan yonilg‘i quyish shoxobchalari va gaz to‘ldirish inshootlari faoliyati to‘xtatilishi mumkin.

Vazirlar Mahkamasining qaroriga ko‘ra, yonilg‘i quyish shoxobchalari va gaz to‘ldirish inshootlarida avariya va noxush hodisalarning oldini olish bo‘yicha yangi talablar belgilanmoqda.

Asosiy e’tibor xavfli ishlab chiqarish obyektlarida ishlayotgan muhandis-texnik xodimlarning malakasi va sertifikatlariga qaratiladi.

2027-yil 1-yanvardan boshlab bunday obyektlarda faqat maxsus o‘quv kurslarini tamomlagan va tegishli sertifikat yoki ruxsatnomaga ega bo‘lgan mutaxassislar ishlashi kerak bo‘ladi.

Sertifikatsiz xodim bo‘lsa, faoliyat to‘xtatiladi

Agar yonilg‘i quyish shoxobchasi yoki gaz to‘ldirish inshootida tegishli...

O‘zbekiston terma jamoasi himoyachisi Abduqodir Husanov Portugaliya bilan o‘yinda Krishtianu Ronaldu bilan nima haqida gaplashgani yuzasidan izoh berdi. Bu haqda sport sharhlovchisi Davron Fayziyev ma’lum qildi.

Fayziyevning aytishicha, ko‘pchilik Husanov va Ronaldu o‘rtasidagi suhbat mazmuni bilan qiziqqani uchun u futbolchining o‘zidan buni aniqlashtirgan. Husanov videoga tushishni yoqtirmagani sababli uning roziligi bilan suhbatning umumiy mazmuni aytib berilgan.

Husanovga ko‘ra, u Ronaldu bilan o‘yin davomida bir necha bor muloqot qilgan. Suhbatlar asosan maydondagi vaziyatlar va bahsli epizodlar haqida bo‘lgan.

«Aynan videodagi holatda nima haqida gaplashganimizni aniq eslay olmayman. Masalan, bizning golimizdan keyin biroz bahslashdik. U fol dedi...

Bitkoin narxi payshanba kuni ilk bor 21 oylik eng past darajaga tushdi. Forbesga ko‘ra, bunga kripto bozoridagi umumiy pasayish va yaqin kunlarda muddati tugaydigan yirik opsion bitimlari sabab bo‘lishi mumkin.

Shuningdek, investorlar so‘nggi vaqtda sun’iy intellekt bilan bog‘liq kompaniyalar aksiyalari va yirik texnologik kompaniyalar joylashtiruvlariga ko‘proq e’tibor qaratmoqda. Bu esa qisqa muddatda Bitkoin jozibadorligini pasaytirgan.

Bitkoin narxi qancha bo‘ldi

Payshanba kungi savdolarda Bitkoin narxi bir muddat $58,1 minggacha pasaydi. Bu 2024-yil sentabridan beri eng past ko‘rsatkich hisoblanadi.

Keyinroq narx biroz tiklanib, taxminan $59,5 ming atrofida shakllandi. So‘nggi bir kunda Bitkoin 2,6 foizdan ko‘proqqa arzonlagan.

Boshqa kriptovalyutalar ham...

Yandex Ads Telegram’dagi reklama kampaniyalarini boshqarish, brend xabardorligini oshirish va biznes ko‘rsatkichlarini yaxshilash uchun yangi vositalarni ishga tushirdi. Endi kompaniyalar messenjerdan saytga foydalanuvchilarni jalb qilish, murojaatlar va sotuvlarni ko‘paytirish uchun sun’iy intellekt asosidagi yangi optimallashtirish strategiyalaridan foydalanishlari mumkin.

Buning uchun Direktda maqsadni: kliklar yoki konversiyalarni tanlash kifoya. Tizim belgilangan byudjet doirasida havola bo‘yicha maksimal o‘tishlar yoki saytdagi maqsadli harakatlarni ta’minlash uchun reklama postlarini mos foydalanuvchilarga namoyish etadi.

«Maksimal konversiyalar» strategiyasida kerakli maqsadlarni tanlash va ularning qiymatini belgilash mumkin. Masalan, «savatga qo‘shish», «bir bosishda xarid qilish» maqsadini tanlash yoki oflayn do‘konlardagi xaridlarni ham hisobga olish mumkin. Algoritmlar reklamani aynan kerakli...

Hukumat qarori bilan Odil sudlov akademiyasi magistraturasiga o‘qishga qabul qilish tartibi to‘g‘risidagi nizom tasdiqlandi. Bu haqda Adliya vazirligi xabar berdi.

Magistraturada o‘qish muddati

Yangi tartibga ko‘ra, magistraturaga qabul kunduzgi va kechki ta’lim shakllari bo‘yicha amalga oshiriladi. Har ikki ta’lim shakli uchun o‘qish muddati 1 yil etib belgilandi.

Kechki ta’lim shaklida darslar odatda haftasiga 5 kun o‘tkaziladi va haftalik o‘quv yuklamasi 20 akademik soatni tashkil etadi.

Kimlar hujjat topshirishi mumkin

Magistraturaga yurisprudensiya bakalavriati hamda magistraturaga qabul bo‘yicha turdosh oliy ta’lim yo‘nalishlari ro‘yxatiga kiruvchi bakalavr darajasiga ega bo‘lgan shaxslar tanlov asosida qabul qilinadi.

Qabul jarayoni, qoida tariqasida, avgust oyida...

Chevrolet 2026-yilgi JD Power U.S. Initial Quality Study reytingida sanoat bo‘yicha o‘rtacha natijadan yaxshiroq ko‘rsatkich qayd etdi. GM Authority yozishicha, brend 100 ta avtomobilga 171 ta muammo ko‘rsatkichi bilan ommaviy bozor brendlari orasida yuqori o‘rinlardan birini egalladi.

Chevrolet qanday natija ko‘rsatdi

JD Power tadqiqotida Chevrolet 171 PP100 natija qayd etdi. PP100 — 100 ta avtomobilga to‘g‘ri keladigan muammolar sonini anglatadi. Ko‘rsatkich qancha past bo‘lsa, sifat shuncha yaxshi hisoblanadi.

Chevrolet natijasi sanoat bo‘yicha o‘rtacha ko‘rsatkichdan yaxshiroq bo‘ldi. Bu yil umumiy o‘rtacha natija 175 PP100ni tashkil etdi.

Shu bilan birga, Chevrolet o‘tgan yilga nisbatan biroz pastroq o‘rin egalladi. 2025-yilda brend...

Qirg‘izistonning birinchi prezidenti Asqar Akayev O‘zbekistonning marhum prezidenti Islom Karimov haqida fikr bildirib, unga Qirg‘izistonda haykal qo‘ygan bo‘lishini aytdi. Bu haqda u yaqinda e’lon qilingan podkastda gapirgan.

Akayevning fikricha, Karimov davrida O‘zbekistonning tashqi dunyoga nisbatan yopiqroq iqtisodiy siyosati Qirg‘iziston va Qozog‘iston tadbirkorlari uchun imkoniyat yaratgan.

Uning aytishicha, agar O‘zbekiston o‘sha davrda hozirgi Shavkat Mirziyoyev davridagidek ochiq siyosat yuritganida, qirg‘iz tadbirkorlari o‘zbek biznesi bilan raqobat qila olmas edi.

Akayev podkastda qirg‘izlar mustaqillikdan keyin savdo-sotiqni tez o‘zlashtirganini katta muvaffaqiyat deb atadi. U 1990-yillarda prezident bo‘lgan davrida qirg‘izlar bozor mexanizmlariga moslasha oladimi yoki yo‘qmi, degan savol uni ko‘p o‘ylantirganini aytdi.

Sobiq prezidentning...

«Liverpul» sobiq bosh murabbiyi Yurgen Klopp Portugaliya terma jamoasi hujumchisi Krishtianu Ronalduning O‘zbekistonga qarshi o‘yindagi dubliga munosabat bildirdi.

Jahon chempionati guruh bosqichining 2-turida Portugaliya O‘zbekistonni 5:0 hisobida mag‘lub etdi. Uchrashuvda Ronaldu 6 va 39-daqiqalarda gol urdi hamda maydonda to‘liq harakat qildi.

Kloppning aytishicha, Ronalduning birinchi o‘yindan keyingi tanqidlarga bunday javob qaytargani hayratlanarli holat bo‘lgan.

«Eng ajoyib jihat shuki, birinchi o‘yindan keyin Krishtianu Ronaldu keskin tanqidga uchradi. Men buni payqadim. U esa bunga shunday javob qaytardi, ustiga-ustak 41 yoshida juda jonli va shiddatli o‘yin ko‘rsatdi. Men bundan juda xursand bo‘ldim. Bu yoshda ham ishlar o‘xshamaganida uning...

Malayziyaning Farm Fresh @ UPM kompaniyasi O‘zbekistonda chorvachilik va agroturizm majmuasini tashkil etish imkoniyatini o‘rganishga tayyorligini bildirdi. Bu haqda «Dunyo» axborot agentligi xabar berdi.

O‘zbekiston elchisi Karomiddin Gadoyev Malayziyaning Farm Fresh @ UPM kompaniyasi direktori Azmi bin Zaynal bilan uchrashdi.

Muloqot davomida O‘zbekistonda Malayziya tajribasi asosida chorvachilik, agroturizm, umumiy ovqatlanish va ta’lim dasturlarini birlashtirgan majmua tashkil etish imkoniyatlari muhokama qilindi.

Sut mahsuldorligi haqida ma’lumot berildi

Uchrashuvda kompaniya vakillari Malayziyada sut sanoatining rivojlanishi va qoramol zotlarini mahalliy iqlimga moslashtirish tajribasi haqida so‘z yuritdi.

Ta’kidlanishicha, kompaniya fermalarida bir bosh sigirdan o‘rtacha kuniga 18–20 litr sut olinadi.

Taklif direktorlar kengashida...

Samsung kompaniyasi tomonidan yangi taqdim etilgan Samsung Galaxy A27 smartfoni bir qator imkoniyatlar va qulayliklarga ega. Sammobile nashri modelni tahlil qildi.

Galaxy A27 avvalgi avlodga nisbatan bir qator yangilanishlarga ega. Biroq Samsung taqdimotda aynan uchta asosiy jihatga alohida urg‘u berdi: displey, unumdorlik va Awesome Intelligence funksiyalari.

Birinchi yo‘nalish

Birinchi muhim o‘zgarish displey bilan bog‘liq. Galaxy A27 A2x seriyasida Infinity-O ekranga ega ilk model bo‘ldi. Bu yechim old kamera uchun tomchi shaklidagi kesimdan voz kechib, zamonaviyroq dizayn va kontentni ko‘rishda kamroq chalg‘ituvchi ekran tajribasini beradi.

Smartfon ingichkaroq ramkalar hisobiga ham avvalgi modelga qaraganda zamonaviyroq ko‘rinadi. Samsung fikricha, bu Galaxy...

Ko‘cha rassomi Inkuzart Toshkentda giyohvand moddalar reklamalariga qarshi kurash mavzusiga bag‘ishlangan yangi ijodiy ishini taqdim etdi. Bu haqda Telegram kanalida video e’lon qildi.

Rassom e’lon qilgan videoda devorga yopishtirilgan, Telegram orqali yuqori maoshli «ish» taklif qiluvchi reklama aks etgan. Bunday e’lonlar odatda odamlarni giyohvand moddalar noqonuniy savdosiga jalb qilish uchun qo‘llaniladi.

Noqonuniy reklama ijtimoiy murojaatga aylantirildi

Inkuzart ushbu reklamani bo‘yab, uning o‘rniga qizil bo‘yoq bilan «Hayotni tanla» deb...

Xiva shahrida Xitoyning Lyaonin pedagogika universiteti filialini tashkil etish rejalashtirilmoqda. Bu bo‘yicha Vazirlar Mahkamasi qarori loyihasi jamoatchilik muhokamasiga qo‘yildi.

Loyiha bo‘yicha fuqarolar va tashkilotlardan fikr hamda takliflar qabul qilinmoqda.

Filialda qaysi yo‘nalishlar bo‘ladi

Loyihaga ko‘ra, filialda bakalavriat va magistratura bosqichlari bo‘yicha mutaxassislar tayyorlanadi.

Bakalavriatda xalqaro xitoy tili ta’limi, turizm boshqaruvi, xalqaro biznes va sun’iy intellekt yo‘nalishlari ochilishi rejalashtirilgan.

Magistraturada esa xitoy tili va madaniyatini o‘qitish metodikasi, ta’lim boshqaruvi hamda sun’iy intellekt va ta’lim texnologiyalari bo‘yicha kadrlar tayyorlash ko‘zda tutilgan.

Ta’lim qanday shaklda olib boriladi

Filialda o‘quv jarayoni kunduzgi va masofaviy shakllarda tashkil etilishi rejalashtirilgan.

Darslar xitoy, o‘zbek...

O‘zbekistonda Redtag kiyim do‘konlari tarmog‘i hamda FLO poyabzal do‘konlari faoliyatini yakunlamoqda. Har ikki tarmoqda ham qolgan mahsulotlarni sotib tugatish bo‘yicha yirik chegirmalar e’lon qilingan.

Redtag do‘konlari yopilmoqda

Redtag O‘zbekistonda qariyb 13 yil faoliyat yuritdi. Brend mamlakat bozoriga kirib kelgan vaqtda ko‘pchilik kiyim-kechakni asosan bozorlar va savdo rastalaridan xarid qilardi.

Redtag esa xaridorlarga keng savdo zallari, qulay joylashtirilgan mahsulotlar, kiyimni xotirjam kiyib ko‘rish va bank kartasi orqali to‘lov qilish imkoniyatini taklif qilgan ilk ommaviy fashion tarmoqlardan biri bo‘ldi.

Narxlar bozordagidan yuqoriroq bo‘lsa-da, butik do‘konlarga qaraganda ancha arzon edi. Shu sababli Redtag bozorlar va qimmat do‘konlar o‘rtasidagi segmentda o‘z auditoriyasini...

Apple hali birinchi iPhone Ultra 2 modelini rasman taqdim etmagan bo‘lsa-da, kompaniya uning ikkinchi avlodi ustida ishlashni allaqachon tasdiqlagan bo‘lishi mumkin.

Ma’lumotlarga ko‘ra, iPhone Ultra 2 loyihasining tasdiqlanishi Apple bukiluvchi smartfonlar yo‘nalishini uzoq muddatli strategiya sifatida ko‘rayotganini anglatishi mumkin. Birinchi iPhone Ultra sentabr oyida iPhone 18 Pro va iPhone 18 Pro Max bilan birga namoyish etilishi kutilmoqda.

Insayder ma’lumotida iPhone Ultra 2 kengroq bukiluvchi ekran bilan jihozlanishi aytilgan. Bu qurilma Apple’ning bukiluvchi smartfonlar bozoridagi keyingi yirik qadami bo‘lishi mumkin.

Shu bilan birga, iPhone Air 3 taqdiri hozircha aniq emas. Manbaga ko‘ra, Apple ushbu model ustida ish boshlamagan. iPhone Air...

O‘zbekistonda avtomobil importiga oid muhim cheklovlardan biri bekor qilindi. Endilikda jismoniy va yuridik shaxslar texnik talablarni bajargan holda yil davomida bir nechta avtomobil olib kirishi mumkin bo‘ladi. Mazkur qaror avtomobil bozorida raqobatning kuchayishi, tanlov imkoniyatlarining kengayishi va ayrim segmentlarda narxlar shakllanishiga ta’sir qilishi kutilmoqda.

Kursiv Uzbekistan mutaxassislar fikrini o‘rganib, bu o‘zgarishni bozorni liberallashtirish yo‘lidagi muhim qadam sifatida baholanayotganini keltirib o‘tdi. Biroq uning real natijalari haqida turli qarashlar mavjud. Ayrim ekspertlar keskin o‘zgarishlar bo‘lmasligini aytmoqda, boshqalar esa import hajmi va raqobat sezilarli darajada ortishi mumkinligini ta’kidlaydi.

Cheklov nima maqsadda joriy qilingan edi

2017-yildan buyon amalda bo‘lgan tartibga ko‘ra...