Yangiliklar

O‘zbekiston prezidenti Shavkat Mirziyoyev Italiya Vazirlar Kengashi raisi Jorja Melonini ushbu lavozimda eng uzoq faoliyat yuritgan hukumat rahbari sifatida tarixga kirgani bilan tabrikladi. Prezident maktubida Jorja Melonining bu natijasi uning siyosiy irodasi, qat’iyati va davlat boshqaruvidagi mas’uliyatiga Italiya xalqi bildirgan ishonchning tasdig‘i ekanini qayd etdi.

Shavkat Mirziyoyev hozirgi murakkab xalqaro sharoitda Italiyaning milliy manfaatlarini himoya qilish, mamlakatning Yevropa Ittifoqi va xalqaro maydondagi nufuzini mustahkamlash borasidagi sa’y-harakatlarni yuqori baholadi.

Shuningdek, Jorja Melonining O‘zbekistonga nisbatan do‘stona munosabati va ikki davlat o‘rtasidagi ko‘p qirrali hamkorlikni kengaytirishga qaratayotgan e’tibori uchun minnatdorlik bildirildi.

O‘zbekiston va Italiya hamkorligi rivojlanmoqda

Maktubda O‘zbekiston Italiya bilan o‘rnatilgan...

Raqobat qo‘mitasi striming, internet va raqamli televideniye xizmatlarini ko‘rsatuvchi platformalarni o‘rganishni boshladi. Bu haqda qo‘mita matbuot xizmati ma’lum qildi.

Qo‘mita ma’lumotiga ko‘ra, 2026-yilning bugungi kun holatiga telekommunikatsiya xizmatlari bo‘yicha 1000 dan ortiq murojaat kelib tushgan. Bu o‘tgan yilning mos davriga nisbatan ikki barobar ko‘p.

Tariflar va xizmat shartlari to‘liq ko‘rsatilmayapti

O‘tkazilgan tahlillar davomida ayrim operator va provayderlarning mobil ilovalari hamda veb-saytlarida iste’molchilar uchun zarur ma’lumotlar to‘liq joylashtirilmagani aniqlangan.

Xususan, ayrim platformalarda tariflar va narxlar, xizmat ko‘rsatish shartlari, ommaviy oferta hamda boshqa muhim ma’lumotlar yetarli darajada taqdim etilmagan.

Shuningdek, ayrim axborotlar davlat tilida berilmayotgani ham qayd etilgan.

Striming...

Infinix kompaniyasi tomonidan Infinix Hot 70 Pro smartfonini jahon bozoriga chiqarildi. Bu haqda Gizmochina nashri xabar bermoqda.

Yangi model 144 Hz yangilanish chastotasiga ega ekran, 50 MP Sony kamerasi, 6000 mA·soat sig‘imli batareya va orqa paneldagi noodatiy Active Matrix Cube tizimi bilan ajralib turadi. Qurilmaning boshlang‘ich narxi ayrim bozorlarda taxminan $245 atrofida.

Orqa panelida interaktiv «kub» bor

Infinix Hot 70 Pro’ning eng noodatiy jihatlaridan biri — orqa paneldagi Active Matrix Cube.

Ushbu kichik interaktiv panel kiruvchi qo‘ng‘iroqlar va xabarlar haqidagi bildirishnomalarni, quvvatlash jarayonini, batareya quvvati kamayganini, ob-havo ma’lumotlarini va taymerlarni ko‘rsatishi mumkin.

Musiqa tinglash yoki o‘yin o‘ynash vaqtida...

Kongo Demokratik Respublikasida Ebola epidemiyasi keskin kuchaymoqda. Hukumat ma’lumotlariga ko‘ra, mamlakatda tasdiqlangan holatlar soni 6 mingdan oshgan, 2 911 kishi vafot etgan. Epidemiya olti viloyatdagi qariyb 60 ta tibbiy hududga tarqalgan.

Kasallikning hozirgi to‘lqiniga Ebola virusining Bundibugyo shtammi sabab bo‘lmoqda. Mutaxassislar ayniqsa mamlakat sharqidagi vaziyatdan xavotirda, chunki davom etayotgan qurolli mojarolar va beqarorlik tibbiy guruhlarning zararlangan hududlarga yetib borishini qiyinlashtirmoqda.

Epidemiya juda tez tarqalmoqda

BMT bosh kotibi Antoniu Guterrish vaziyatni Ebola tarixidagi eng tez rivojlanayotgan epidemiyalardan biri sifatida baholadi. Uning so‘zlariga ko‘ra, virusning tarqalish sur’ati uni jilovlash bo‘yicha olib borilayotgan choralar tezligidan yuqori, biroq epidemiyani to‘xtatish hali ham...

O‘zbekistonda 2–8-sentabr kunlari «Muzeylar haftaligi» o‘tkazilmoqda. Shu kunlarda Madaniy meros agentligi tizimidagi 114 ta davlat muzeyi va muzey-qo‘riqxonasiga fuqarolar bepul tashrif buyurishi mumkin. Bu haqda agentlikning Telegram kanalida xabar berildi. 

Haftalik tarix, san’at va milliy meros bilan yaqindan tanishish, noyob eksponatlar hamda qadimiy yodgorliklarni ko‘rish imkonini beradi.

114 ta muzeyga kirish bepul

«Muzeylar haftaligi» doirasida Madaniy meros agentligi tizimidagi davlat muzeylari, muzey-qo‘riqxonalar va uy-muzeylarida ochiq eshiklar kunlari tashkil etilmoqda.

Fuqarolar 8-sentabrga qadar ushbu muassasalarga bepul tashrif buyurishi mumkin.

Tarix va milliy meros bilan tanishish imkoniyati

Haftalik davomida tashrif buyuruvchilar O‘zbekiston tarixiga oid noyob eksponatlar, san’at...

26-avgust butun dunyo nigohi Nepalga qaratildi. Hududdagi dahshatli toshqinlar bolalar, qariyalar, yoshlar-u, o‘rta yoshlilarni ham ayab o‘tirgani yo‘q. Ko‘chalarda mingdan ortiq jasadlar, mashinalar suzdi. Shu bilan birga, bu ofat Nepal uchun kamida $2,56 mlrdga tushdi. Bu haqda Reuters xabar berdi. 

20 mingga yaqin uyni tiklash kerak

Mutasaddilarning dastlabki hisob-kitoblariga ko‘ra, mamlakatda qariyb 20 mingta uyni qayta tiklash talab etiladi. Ularning kamida 7,5 mingtasi to‘liq vayron bo‘lgan.

Umumiy zarar miqdoriga vayron bo‘lgan va shikastlangan binolar, uy-joylar hamda infratuzilma obyektlari kiritilgan.

Rasmiylar bu raqamlar hozircha dastlabki ekanini ta’kidlamoqda. Jabrlangan hududlarda batafsil tekshiruvlar o‘tkazilgach, zarar miqdori yana o‘zgarishi mumkin.

«Urganch Aerovokzal – Xiva – Urganch Aerovokzal» yo‘nalishida CR200J rusumli zamonaviy tezyurar elektropoyezd qatnovi yo‘lga qo‘yildi. Poyezd 415 nafar yo‘lovchiga mo‘ljallangan bo‘lib, uning maksimal tezligi 160 km/soatni tashkil etadi.

Elektropoyezd Xitoyning CRRC Dalian Co., Ltd. kompaniyasi tomonidan ishlab chiqarilgan. U oltita vagondan iborat. Elektropoyezdda «Econom» toifasidagi zamonaviy o‘rindiqlar o‘rnatilgan.

Har bir o‘rindiqda USB quvvatlantirish qurilmasi mavjud. Vagonlarda iqlim nazorati tizimi ishlaydi. Shuningdek, nogironligi bo‘lgan yo‘lovchilar uchun alohida joylar ajratilgan.

Urganch aeroportidan Xivaga 42 daqiqada yetib boradi

7055-sonli «Urganch Aerovokzal – Xiva» poyezdi Urganch aeroportidan soat 08:40 da jo‘naydi.

Poyezd Urganch stansiyasiga 08:59 da yetib kelib, 09:02 da yo‘lini...

«O‘zenergoinspeksiya» avgust oyida o‘tkazgan nazorat tadbirlarida energiya resurslaridan noqonuniy foydalanish bilan bog‘liq 321 ta holatni aniqladi. Dastlabki hisob-kitoblarga ko‘ra, yetkazilgan zarar 71,9 mlrd so‘mni tashkil qilgan.

Ma’lumotga ko‘ra, noqonuniy foydalanish holatlarida 19 mln kVt/soat elektr energiyasi va 10 mln kub metr tabiiy gaz talon-toroj qilingan.

Elektr energiyasi bo‘yicha zarar 40,7 mlrd so‘m

Aniqlangan holatlarda 19 mln kVt/soat elektr energiyasidan noqonuniy foydalanilgan. Buning natijasida 40,7 mlrd so‘mlik zarar qayta hisob-kitob qilingan.

Tabiiy gaz bo‘yicha 31,2 mlrd so‘mlik zarar

Shuningdek, 10 mln kub metr tabiiy gazdan noqonuniy foydalanilgani aniqlangan. Ushbu holatlar bo‘yicha zarar 31,2 mlrd so‘m deb hisoblangan.

Avgust...

Vivo kompaniyasi yangi Vivo X500 Pro Max smartfonining videotasvirga olish imkoniyatlarini namoyish etdi. Qurilma Zeiss Super Dynamic kamerasi, kengaytirilgan dinamik diapazon hamda Dolby Vision qo‘llab-quvvatlashi bilan ajralib turadi.

Vivo mahsulot menejeri Xan Bosyao smartfon murakkab yorug‘lik sharoitida qanday video suratga olishini ko‘rsatdi. Sinovda dengiz, quyosh botishi va qarshi yorug‘likda turgan inson yuzi bir kadrda tasvirga olingan.

Kengaytirilgan dinamik diapazon sinovdan o‘tkazildi

Kompaniya bir xil sahnani kengaytirilgan dinamik diapazon yoqilgan va o‘chirilgan holatda solishtirdi.

Vivo ma’lumotiga ko‘ra, bu funksiya yoqilganda X500 Pro Max bir vaqtning o‘zida kechki osmon tafsilotlarini ham, inson yuzining tabiiy rangini ham saqlab qolishga muvaffaq bo‘lgan.

Andijon viloyatidan Belarus respublikasining Vitebsk viloyatiga uzumning ilk partiyasi yetkazib berildi. Bu haqda Andijon viloyati hokimligi matbuot xizmati xabar berdi.

Tomonlar o‘rtasida qishloq xo‘jaligi mahsulotlari, jumladan, meva-sabzavotlarni o‘zaro yetkazib berish, investitsiyaviy hamkorlik va qo‘shma loyihalarni amalga oshirish bo‘yicha kelishuvlarga erishilgan.

Hamkorlikni kengaytirish rejalashtirilgan

Mazkur yetkazib berish Andijon va Vitebsk viloyatlari o‘rtasidagi to‘g‘ridan to‘g‘ri savdo aloqalarini rivojlantirishga qaratilgan.

Bunday loyihalar mahalliy mahsulotlarni yangi bozorlarga olib chiqish, O‘zbekiston va Belarus o‘rtasidagi savdo-iqtisodiy aloqalarni mustahkamlash hamda hududlar o‘rtasidagi hamkorlikni kengaytirishga xizmat qilishi kutilmoqda.

Eslatib o‘tamiz, avvalroq O‘zbekiston mahsulotlari Turkiya bozoriga chiqishi mumkinligi haqida xabar berilgandi. O‘zbekistonning 70 ta oziq-ovqat ishlab...

O‘zbekiston va Gonkong investitsiyalarni rag‘batlantirish va himoya qilish to‘g‘risidagi bitimni (BIT) imzolashga tayyorlanmoqda. Bu haqda O‘zbekiston Investitsiyalar, sanoat va savdo vazirligi ma’lum qildi.

Investorlarga qo‘shimcha kafolatlar berilishi kutilmoqda

Investitsiyalar, sanoat va savdo vaziri o‘rinbosari Ilzat Kasimov Gonkong maxsus ma’muriy hududi adliya kotibi Pol Lam boshchiligidagi delegatsiya bilan uchrashdi.

Muzokaralarda moliya, investitsiya va huquqiy sohalardagi hamkorlikni kengaytirish imkoniyatlari ko‘rib chiqildi. Tomonlar investitsiyalarni rag‘batlantirish va himoya qilish to‘g‘risidagi BIT bitimi hamda boshqa moliyaviy va investitsiyaviy hujjatlarni tayyorlash masalasiga alohida e’tibor qaratdi.

Vazirlikka ko‘ra, mazkur kelishuvlar investorlarga qo‘shimcha kafolatlar yaratishi, biznes yuritish sharoitlarini yaxshilashi va o‘zaro investitsiyalar hajmini oshirishga xizmat qilishi...

Afsonaviy futbolchi Lionel Messi Argentina terma jamoasidagi faoliyatini yakunlashi sport ahlinini birmuncha xafa qildi, «Oltin avlod»ning yana to‘rt vakili Messining izidan borib, o‘z butsalarini mixga ilishi mumkin. Bu haqda footynewsonly xabar berdi.

«Oltin avlod» tarqalmoqda

Argentina jamoasi a’zolari Leandro Paredes, Emiliano Martines va Nikolas Tagliafiko terma jamoadagi kelajagi borasida shubhalar bildirgan. Nikolas Otamendi esa allaqachon Argentina safini tark etishini e’lon qilgan.

Shu tariqa 2021 va 2024-yillardagi Amerika kubogi hamda 2022-yilgi jahon chempionatida g‘olib chiqqan avlod asta-sekin terma jamoadagi faoliyatini yakunlamoqda.

Paredes terma jamoadagi faoliyatini davom ettirish qiyinligini aytdi

Leandro Paredes Messining ketishi ortidan Argentina safida...

— 23-avgust kuni Ozarbayjon va O‘zbekiston prezidentlari ishtirokida ABB Davr loyihasiga rasman start berildi. Hozir ko‘pchilikni asosiy savol qiziqtiradi: bank ABB Davr brendi ostida qachon ishlay boshlaydi?

— Ha, 23-avgust biz uchun tarixiy kunga aylandi. Ozarbayjon Respublikasi Prezidenti janob Ilhom Aliyev va O‘zbekiston Respublikasi Prezidenti janob Shavkat Mirziyoyev ishtirokida ABB Davr loyihasiga rasman start berildi. Ozarbayjon Prezidenti bu voqeani yetakchi ozarbayjon bankining O‘zbekiston bozoriga chiqishi sifatida ta’rifladi. Bizning uchun bu bir vaqtning o‘zida katta g‘urur va katta mas’uliyatdir.

Biz ushbu loyihaga yuqori darajada ko‘rsatilgan qo‘llab-quvvatlash uchun Ozarbayjon va O‘zbekiston prezidentlariga minnatdorchilik bildiramiz. Shuningdek, loyihani amalga oshirishning barcha bosqichlarida bizga ko‘maklashgan...

Ijtimoiy tarmoqlarda «Beruniy» bekatida yo‘lovchilar oqimi haddan tashqari ko‘paygani va tirbandlik yuzaga kelgani aks etgan video tarqaldi. «Toshkent metropoliteni» AJ ushbu xabarlar haqiqatga mos emasligini ma’lum qildi. 

Video 2024-yilda olingan

Metropoliten ma’lumotiga ko‘ra, tarmoqlarda sizdirilgan video 2024-yilda tasvirga olingan. Mazkur holat yuzasidan o‘sha davrning o‘zida ham, 2025-yilda ham rasmiy munosabat bildirilgan.

Ayni vaqtda metropoliten poyezdlari belgilangan jadval asosida muntazam va barqaror harakatlanmoqda. Bekatlarda yo‘lovchilarga xizmat ko‘rsatish ham belgilangan tartibda tashkil etilgan.

Metropoliten ma’muriyati ijtimoiy tarmoq foydalanuvchilari va axborot tarqatuvchilardan tasdiqlanmagan, noto‘g‘ri yoki eskirgan ma’lumotlarni tarqatmaslikni so‘ragan.

Shuningdek, haqiqatga mos kelmaydigan va jamoatchilikni chalg‘ituvchi axborotlarni tarqatish amaldagi...

Toshkentdagi Shahrisabz ko‘chasida BRT yo‘lagining birinchi bosqichi foydalanishga topshirildi. Yo‘l harakatini tashkil etish markaziga ko‘ra, yangi uchastka 1,2 kilometrni qamrab oladi va unda avtobuslar uchun alohida yo‘lak hamda beshta yangi bekat tashkil etildi.

BRT yo‘lagi Shahrisabz, Mirobod va Shota Rustaveli ko‘chalari tutashgan aylanma chorrahadan Amir Temur shoh ko‘chasi bilan kesishmagacha bo‘lgan qismda barpo etildi.

Avtobuslar uchun alohida yo‘lak ajratildi

Yangi BRT uchastkasida jamoat transporti uchun alohida harakat yo‘lagi tashkil etilgan.

U umumiy transport oqimidan bordyurlar orqali jismonan ajratilgan. Bu avtobuslarning tirbandlik ta’siriga kamroq tushishi va qatnov oralig‘ini barqaror saqlashiga xizmat qilishi kutilmoqda.

Shuningdek, loyiha doirasida beshta yangi avtobus...

O‘zbekistonda 2026-yilning yanvar–iyul oylarida 731,9 ming tonna avtomobil benzini ishlab chiqarildi. Bu haqda Milliy statistika qo‘mitasi ma’lum qildi.

Hisobot davrida mamlakatda yonilg‘i-energetika va ayrim sanoat mahsulotlarini ishlab chiqarish bo‘yicha ham sezilarli hajmlar qayd etilgan.

Tabiiy gaz ishlab chiqarish 21,6 mlrd kub metrga yetdi

2026-yilning dastlabki yetti oyida O‘zbekistonda 21,6 mlrd kub metr tabiiy gaz qazib olindi.

Shuningdek, mazkur davrda 567,5 ming tonna gaz kondensati va 368,7 ming tonna neft ishlab chiqarildi. Ko‘mir qazib olish hajmi esa 3,5 mln tonnani tashkil etdi.

Dizel yonilg‘isi ishlab chiqarish 683 ming tonnadan oshdi

Yanvar–iyul oylarida mamlakatda 683,4 ming tonna dizel yonilg‘isi...

Chery Jaguar Land Rover (CJLR) tomonidan ishlab chiqilgan yangi Freelander 8 yo‘ltanlamasi Xitoyda sotuv boshlanganidan atigi 12 soat o‘tib 5 mingta qat’iy buyurtma oldi. Model 818 ot kuchiga ega gibrid kuch qurilmasi bilan jihozlangan.

Freelander ma’lumotiga ko‘ra, «qat’iy buyurtma» mijoz avtomobil konfiguratsiyasini yakuniy tasdiqlaganidan keyin buyurtma puli qaytarilmasligini anglatadi. Freelander ilovasi orqali avtomobilga buyurtma berish uchun 5 ming yuan miqdorida to‘lov amalga oshiriladi.

Narxi $46 mingdan boshlanadi

Freelander 8 besh va olti o‘rindiqli konfiguratsiyalarda taklif etiladi. Chegirmalarsiz bazaviy Freelander 8 Pro 5-Seat versiyasi 309,9 ming yuan, ya’ni qariyb $46,1 ming turadi. Eng qimmat Max+ 6-Seat versiyasi esa...

Yangi o‘quv yili boshlanishi munosabati bilan Toshkentdagi oliy ta’lim tashkilotlarida birinchi smena darslari soat 08:00 da boshlanadigan bo‘ldi. Natijada poytaxtdagi 93 ta OTM joylashgan hudud atrofida ertalab soat 8:00 da 44 mingta transport vositasi harakati kamaydi, deya xabar berdi Transport vazirligi.

Avtobuslar soni 1,7 mingtaga yetkazildi

Yangi o‘quv yilidan boshlab poytaxt yo‘nalishlariga chiqarilayotgan avtobuslar soni 1 707 taga yetkazilgan.

Hozir Toshkentda 170 ta yo‘nalish bo‘yicha har kuni 24 mingdan ortiq avtobus qatnovi amalga oshirilmoqda.

Avtobuslarda to‘lov qoidalari qat’iylashdi

1-sentabrdan brutto-shartnoma asosida ishlayotgan barcha shahar avtobuslarida yo‘lkira to‘lash tartibi qat’iylashtirilgan.

Yangi qoidaga ko‘ra, yo‘lovchi avtobusga chiqishi bilan yo‘l...

1-sentabr oqshomi. Bolalarning shodon kulgusi, mehmonlarning tabriklari. Ammo AQShning kutilmaganda tashlagan bombasi visol kechasini qon bilan beladi. 

Hormozgan viloyatidagi to‘y marosimi o‘tkazilayotgan uyga berilgan zarba oqibatida besh kishi halok bo‘lib, 68 kishi yaralandi. Eron rasmiylari hujum uchun AQShni ayblamoqda. Tahlillar esa bino AQSh o‘q-dorisi bilan to‘g‘ridan to‘g‘ri nishonga olingan bo‘lishi mumkinligini ko‘rsatdi.

AQSh ataylab to‘yni «qon bazmi»ga aylantirdi

Hodisa 1-sentabr kuni Eronning Hormozgan viloyati Sirik okrugidagi Kuhe stak hududida yuz bergan.

Dastlab Eron rasmiylari zarba turar joy binosiga tekkanini, u yerda to‘y marosimi o‘tkazilayotganini bildirgan. Viloyat gubernatori o‘rinbosari Ahmad Nafisi hujum oqibatida besh kishi halok bo‘lgani va...

Tijorat banklari tomonidan 4-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 4-sentabr uchun valyutalar kursi e’lon qilingani haqida yozgan edi. 

Jahon bozorida bug‘doy narxlari keskin oshib, 2023-yil boshidan beri kuzatilmagan darajaga yetdi. Bu haqda Axios nashri xabar bermoqda.

Narxlarning ko‘tarilishiga Rossiya va Ukraina o‘rtasidagi urush fonida Qora dengiz mintaqasidagi eksport uzilishlari sabab bo‘lmoqda.

Qora dengizdagi hujumlar eksportga ta’sir qildi

Iyul oyidan beri Qora dengizdagi portlar, don terminallari va tijorat kemalariga uyushtirilgan hujumlar mintaqadan g‘alla eksportini izdan chiqardi.

S&P ma’lumotlariga ko‘ra, Rossiya va Ukraina birgalikda jahon bug‘doy eksportining qariyb 27 foizini ta’minlaydi. Shu sababli ushbu ikki mamlakatdagi logistika muammolari xalqaro bozorga sezilarli ta’sir ko‘rsatmoqda.

Xalqaro don kengashi ma’lumotiga ko‘ra, Rossiya va Ukrainadan bug‘doy eksporti amalda deyarli to‘xtab qolgan.

Apple’ning yangi iPhone 18 Pro smartfoni taqdimotiga sanoqli kunlar qolgan bir paytda qurilmaning qanday ranglarda sotuvga chiqarilishi haqida yangi ma’lumotlar paydo bo‘ldi.

9to5Mac xabariga ko‘ra, Weibo’dagi Fixed Focus Digital taxallusi bilan tanilgan insayder iPhone 18 Pro uchun uchta yangi rang variantini ma’lum qilgan. 

iPhone 18 Pro uch xil yangi rangda chiqishi mumkin

Insayder ma’lumotlariga ko‘ra, Apple yangi flagmanni quyidagi ranglarda taqdim etishi kutilmoqda:

to‘q olcha yoki bordo;

osmonrang;

qora.

Avvalgi ma’lumotlarda iPhone 18 Pro kumush rangda ham chiqarilishi aytilgandi. Biroq Fixed Focus Digital kumush rangli versiya paydo bo‘lishiga oid hech qanday dalil ko‘rmaganini bildirgan.

Agar ushbu...

Oppo kompaniyasi Xitoy bozorida yangi Oppo A7 Pro smartfonini namoyish etdi. Bu haqda Gizmochina texnologiyalar nashri xabar bermoqda.

Qurilmaning asosiy jihatlari 8000 mA/soat sig‘imli batareya, 80 Vt tezkor quvvatlash va 120 Gts chastotali OLED-ekran bo‘ladi. Smartfon 11-sentabrdan sotuvga chiqadi, deb xabar berdi iXBT.

Yangi model, avvalo, uzoq vaqt quvvat olmasdan ishlashi va mustahkamligi bilan ajralib turishi kutilmoqda. Qurilmaning narxi 2000 yuandan oshmasligi, ya’ni taxminan $300 atrofida bo‘lishi aytilmoqda.

8000 mA/soat batareya va 80 Vt quvvatlash

Oppo A7 Pro 8000 mA/soat sig‘imli katta batareya bilan jihozlanadi. Uni 80 Vt quvvatli simli tezkor quvvatlash texnologiyasi qo‘llab-quvvatlaydi.

Bunday sig‘im bugungi smartfonlar...

2026-yilda smartfonlar uchun xotira chiplari narxining keskin qimmatlashuvi global telefon bozoriga bosim o‘tkazmoqda. Ishlab chiqaruvchilar xarajatlarni kamaytirish uchun o‘rta va arzon segmentdagi qurilmalar ishlab chiqarilishini qisqartirib, ayrim modellarning narxini oshirmoqda.

DIGITIMES hisobotiga ko‘ra, 2026-yilning birinchi yarmida smartfonlarda foydalaniladigan xotira chiplari bo‘yicha kontrakt narxlari 50–80 foizga oshgan. 

Arzon telefonlar ishlab chiqarilishi qisqarmoqda

Komponentlar narxining oshishi smartfon ishlab chiqaruvchilarini mahsulotlarning narxini qayta ko‘rib chiqishga majbur qilmoqda.

Xususan, ko‘plab kompaniyalar o‘rta va quyi narx segmentidagi smartfonlar yetkazib berilishini kamaytirib, ishlab chiqarish xarajatlarini qoplash uchun qurilmalar narxini oshirmoqda.

Oqibatda byudjet segmentidagi telefonlar bozorda kamayishi yoki avvalgidan qimmatroq sotilishi mumkin. 

Global...