Yangiliklar

O‘zbekistonda agrar sohani moliyaviy qo‘llab-quvvatlash tizimi kengaytiriladi. Bu prezidentning tegishli qarorida belgilangan.

Hujjatga ko‘ra, qishloq xo‘jaligi subyektlariga paxta yetishtirish, chorvachilik uchun ozuqa ekinlari ekish hamda sovitilgan mol va qo‘y go‘shti importi bo‘yicha yangi subsidiyalar ajratiladi.

Paxtaning har tonnasi uchun 500 ming so‘m

2026-yil hosilida yetishtirilgan paxta xomashyosining har bir tonnasi uchun 500 ming so‘mdan subsidiya beriladi. Bunda 4 va 5-navli paxta ushbu tartibdan mustasno.

Shuningdek, 2026-yilda o‘ziga biriktirilgan yer maydonlarida paxta yetishtirgan paxta-to‘qimachilik klasterlari va ular ta’sis etgan korxonalarga har bir gektar uchun 1,5 mln so‘mdan subsidiya ajratiladi.

Chorvachilik xo‘jaliklariga ham subsidiya beriladi

2027 – 2029-yillarda chorvachilik...

BMW benzinli 3 Series’ning sakkizinchi avlodini taqdim etdi. Yangi avlod dastlab M350 xDrive versiyasida namoyish qilindi. U amaldagi M340i xDrive o‘rnini egallaydi.

Model modernizatsiya qilingan CLAR platformasida qolgan bo‘lsa-da, tashqi ko‘rinish va salon to‘liq yangilangan.

Tashqi dizayn yangilandi

Yangi BMW 3 qoraytirilgan radiator panjarasi, kattalashtirilgan havo kirish teshiklari, yangilangan orqa chiroqlar, diffuzor va to‘rtta chiqarish quvuriga ega.

330, 330 xDrive va M350 xDrive versiyalarining uzunligi 4 754 mm, eni 1 849 mm, balandligi 1 455 mm ni tashkil etadi.

Benzinli versiyalar modernizatsiya qilingan CLAR platformasidan foydalanadi. Elektr BMW i3 esa kompaniyaning yangi arxitekturasida yaratilgan.

Salon elektr BMW’lar...

Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Bu haqda Shavkat Mirziyoyevning shaxmat va parashaxmat bo‘yicha O‘zbekiston terma jamoalari a’zolari bilan uchrashuvida ma’lum qilindi.

Yangi filiallar yosh shaxmatchilarni tayyorlash imkoniyatlarini kengaytirishga qaratilgan. Shuningdek, akademiyada oliy toifali murabbiylarni tayyorlash yo‘lga qo‘yiladi.

Xususiy klublardagi xarajatning yarmi qoplanadi

FIDE reytingida 1 500 balldan yuqori natijaga ega shaxmatchilarning xususiy klublarda o‘qish xarajatlarining 50 foizi davlat tomonidan qoplanadi.

Shuningdek, o‘qing: Parashaxmatchilarga 2 xonali uy, avtomobil va 50 ming dollar berildi

Bundan tashqari, mamlakatda «O‘zbekiston Grand chess» milliy brendi ostida xalqaro turnirlarni muntazam...

O‘zbekiston 2025-yilda 462,3 mingta avtomobil ishlab chiqarib, Osiyodagi eng yirik avtomobil ishlab chiqaruvchi davlatlar orasida 9-o‘rinni egalladi. Bu ko‘rsatkich 2024-yildagidan yuqori bo‘lgan.

Seasia Stats xabar berishicha, 2025-yilda Osiyo – Tinch okeani mintaqasida jami 59,2 mln transport vositasi ishlab chiqarilgan. Bu dunyoda ishlab chiqarilgan 96,4 mln avtomobilning 61 foizidan ortig‘iga teng.

O‘zbekiston Top-10 talikka kirdi

2025-yilda O‘zbekiston 462 343 ta avtomobil ishlab chiqargan. Bir yil avval bu ko‘rsatkich...

«Yangi Bank» AJga tegishli bino va inshoot sotuvga qo‘yildi. Bu haqda E-auksion – elektron savdo platformasida e’lon qilindi. Obyekt Toshkent shahri Yunusobod tumani, Amir Temur shohko‘chasi, 99-uyda joylashgan bo‘lib, Bino avval bankning bosh ofisi sifatida foydalanilgan. Sotuv «Yangi Bank» AJ Tugatish komissiyasi tomonidan amalga oshirilmoqda.

Bino besh qavatdan iborat

Obyektning yer maydoni 2 540 kv.m, umumiy bino maydoni esa 3 648 kv.mni tashkil etadi. Foydali maydon 2 548,36 kv.mga teng. Shuningdek, obyekt tarkibida 54 kv.m o‘zboshimchalik bilan qurilgan qism ham bor. Uning foydali maydoni 49,15 kv.mni tashkil etadi.

Obyektdan bank yoki ofis sifatida foydalanish mumkin

Bino...

Jahon bozorida oltin 28-sentabr kuni so‘nggi uch oydagi eng keskin pasayishni qayd etdi: dekabr fyucherslari bir kunda 4% arzonlashdi. 30-sentabr holatiga oltinning joriy narxi bir unsiya uchun $4 173 atrofida bo‘lib turibdi. O‘zbekistonda esa 100 grammli oltin quymaning sotuv narxi 178,846 mln so‘mni tashkil etmoqda.

MarketWatch ma’lumotiga ko‘ra, 28-sentabrdagi 4 foizlik pasayish 10-iyundan buyon eng katta bir kunlik tushish bo‘ldi. Savdolar yakunida oltin narxi avgust boshidan beri eng past darajaga tushgan.

Oltin nega arzonlashdi

Oltin narxiga AQSh davlat obligatsiyalari daromadliligining keskin oshishi bosim qilmoqda. Reuters ma’lumotiga ko‘ra, AQShning 10 yillik obligatsiyalari daromadliligi 2007-yil iyunidan beri eng...

Tijorat banklari tomonidan 30-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 30-sentabr uchun valyutalar kursi e’lon qilingani haqida yozgan edi.

Kolumbiyalik xonanda Shakiraning Bishkekdagi konserti uchun chipta narxlari e’lon qilindi. Konsert «Bishkek Arena» stadionida bo‘lib o‘tadi.

Tashkilotchilar ma’lumotiga ko‘ra, sahna stadionning sharqiy tribunasi tomonda joylashtiriladi. Sahna ortidagi tribunalar tomoshabinlar uchun yopiq bo‘ladi.

Chiptalar 12 ming somdan boshlanadi

Ko‘rish imkoniyati cheklangan, sahnaning yon tomonidagi joylar uchun chiptalar 12 ming somdan (taxminan $137) sotiladi.

Yuqori yarusdagi joylar 13,5 ming som ($154), sahnadan uzoqroq ikkinchi va uchinchi yaruslardagi o‘rinlar esa 22 ming som ($252) turadi.

Fan-zonalardan keyin joylashgan asosiy raqs maydoniga kirish 27 ming som ($309), sahna qarshisidagi g‘arbiy tribuna o‘rinlari esa 28 ming som ($320) etib belgilangan.

30-sentabr kuni O‘zbekistonda xodimlarning kundalik ish vaqti kamida bir soatga qisqartiriladi. Bunga 1-oktabr – O‘qituvchi va murabbiylar kuni ishlanmaydigan bayram kuni ekani asos bo‘ladi.

O‘zbekiston Mehnat kodeksining 208-moddasiga ko‘ra, 1-oktabr – O‘qituvchi va murabbiylar kuni ishlanmaydigan bayram kuni hisoblanadi.

Huquqiy asos nima

Mehnat kodeksining 187-moddasida ishlanmaydigan bayram kunlari arafasida har kungi ish yoki smena davomiyligi barcha xodimlar uchun kamida bir soatga qisqartirilishi belgilangan. Shu sababli odatda soat 18:00 gacha ishlaydigan xodimning ish kuni, masalan, 17:00 da yakunlanishi mumkin.

Istisnolar ham bor

Bayramdan oldingi kuni ish vaqtini qisqartirishning imkoni bo‘lmagan uzluksiz ishlaydigan tashkilotlar va ayrim turdagi ishlarda...

Honor’ning yangi Magic 9 Pro Max smartfoni global taqdimotdan oldin xalqaro xaridorlar uchun sotuvga chiqdi. Qurilmani ko‘plab mamlakatlarga yetkazib berish mumkin, boshlang‘ich narxi esa $1,2 mingni tashkil etadi.

Rossiya hozircha yetkazib beriladigan mamlakatlar ro‘yxatiga kiritilmagan.

6,8 dyuymli OLED-ekran

Honor Magic 9 Pro Max 6,8 dyuymli tekis OLED-displey bilan jihozlangan. Ekran 1320 × 2868 piksel aniqlikka ega. Panel 1,07 mlrd rangni, DCI-P3 rang qamrovini va HDR’ni qo‘llab-quvvatlaydi. Maksimal yorqinlik 5000 nitgacha yetadi.

LTPO texnologiyasi tufayli ekran yangilanish chastotasi 1 dan 120 Hzgacha avtomatik o‘zgaradi.

IP69K himoyasi bor

Smartfon korpusi IP68, IP69 va IP69K standartlariga mos. Bu qurilmaning chang...

Marokash qiroli Muhammad VI Fotima Zahra Mansuriyni mamlakat bosh vaziri etib tayinladi. Shu tariqa u Marokash tarixidagi ilk ayol bosh vazir bo‘ldi.

Mansuriyga yangi hukumatni shakllantirish vazifasi yuklatildi. Uning «Authenticity and Modernity Party» – PAM partiyasi yaqinda bo‘lib o‘tgan parlament saylovlarida eng ko‘p o‘rinni qo‘lga kiritgan.

PAM saylovda 97 ta o‘rin oldi

PAM Marokash Vakillar palatasidagi 395 o‘rindan 97 tasini qo‘lga kiritdi. Bu ikkinchi o‘rinni egallagan partiyadan 31 ta ko‘p. Biroq partiya mutlaq ko‘pchilikka ega bo‘lmagani sababli hukumat tuzish uchun koalitsiya shakllantirishi kerak bo‘ladi.

Saylovda qatnashish darajasi 38% ni tashkil etdi, bu 2007-yildan beri eng past ko‘rsatkichlardan biri...

30-sentabr kuni O‘zbekistonning ayrim hududlarida yomg‘ir yog‘ishi kutilmoqda. Tog‘li joylarda qisqa muddatli yomg‘ir va momaqaldiroq bo‘lishi, baland tog‘larda esa yog‘ingarchilik qorga aylanishi mumkin.

Toshkentda yomg‘ir yog‘adi

Toshkent shahrida havo o‘zgaruvchan bo‘ladi, vaqti-vaqti bilan yomg‘ir yog‘adi. Shamol sharqdan g‘arbga o‘zgarib, 3–8 m/s tezlikda esadi. Harorat kechasi 13–15 daraja, kunduzi esa 21–23 daraja iliq bo‘ladi.

Qaysi hududlarda yomg‘ir kutilmoqda

Buxoro va Navoiy viloyatlarining ayrim joylarida yomg‘ir yog‘adi. Harorat kechasi 8–13 daraja, kunduzi 22–27 daraja bo‘ladi.

Toshkent, Sirdaryo, Jizzax va Samarqand viloyatlarida ham ayrim joylarda yomg‘ir yog‘ishi kutilmoqda. Harorat kechasi 10–15 daraja, kunduzi 21–26 darajani tashkil etadi.

Qashqadaryo va Surxondaryo...

Jetour Zongheng G700 modeli Xitoy bozorida sotuvga chiqdi. Xalqaro bozorda Jetour G700 nomi bilan taklif qilinadigan avtomobil Huawei’ning Qiankun ADS 5.0 aqlli haydovchilik tizimi bilan jihozlangan.

Narxlar $48,5 mingdan boshlanadi

Jetour G700 besh xil komplektatsiyada taklif etiladi. Bazaviy Tanye Edition 150 besh o‘rinli versiyasi $48,5 mingdan, Zongye Edition 150 esa $51,9 mingdan boshlanadi.

Huawei tizimi bilan jihozlangan Zhijing Qiankun Edition 150 narxi $56,8 mingni tashkil qiladi. 260 km elektr yurish zaxirasiga ega versiyalar esa $60,4 mingdan $65,1 minggacha baholangan.

Dizayn deyarli saqlanib qoldi

2027-yilgi model avvalgi G700’ning yirik va yo‘ltanlamas uslubini saqlab qolgan. Orqa qismdagi tashqi zaxira...

Bolalarga jinsiy tajovuz uchun qonun loyihasi, oktabrda harorat qanday va Husanov «Chelsi»ga qachon o‘tadi — 29-sentabr yangiliklari Kursiv Uzbekistan dayjestida.

Abduqodir Husanov «Chelsi»ga qachon o‘tadi

Angliyaning «Chelsi» klubi «Manchester Siti» himoyachisi Abduqodir Husanov o‘yiniga qiziqish bildirmoqda. Londonliklar yaqin kunlarda 22 yoshli futbolchining vakillari bilan bog‘lanishi mumkin.

Manbalarga ko‘ra, «Chelsi» Husanovni 2027-yil yanvaridagi transfer oynasi oldidan markaziy himoyani kuchaytirish variantlaridan biri sifatida ko‘rib chiqmoqda. Hozircha klublar o‘rtasida rasmiy muzokara yoki transfer bo‘yicha kelishuv haqida ma’lumot yo‘q.

Ko‘p kvartirali uylarni ruxsatsiz qurish jazolanadi

O‘zbekistonda ko‘p kvartirali uylarni tegishli ruxsatnomasiz qurish uchun javobgarlik kuchaytiriladi. Bu haqda Adliya vazirligi xabar...

O‘zbekistonlik grossmeyster Javohir Sindarov Qozog‘iston shaxmatchisi Bibisara Assaubayevani Samarqanddagi Butunjahon shaxmat olimpiadasidagi muvaffaqiyati bilan tabrikladi. U Assaubayeva bilan birgalikdagi suratni Instagram’dagi sahifasida joylashtirib, unga «Tabriklayman» deya yozgan va yurakcha qo‘shgan. 

Ikkalasi ham Samarqand Olimpiadasida medal oldi

46-Butunjahon shaxmat olimpiadasida Bibisara Assaubayeva boshchiligidagi Qozog‘iston ayollar terma jamoasi kumush medalni qo‘lga kiritgan. Jamoa turnirni 18 ochko bilan yakunlagan va 11 tur davomida birorta jamoaviy bahsda mag‘lub bo‘lmagan.

Javohir Sindarov esa O‘zbekiston erkaklar terma jamoasi bilan Olimpiada oltin medalini qo‘lga kiritgan. U ikkinchi taxtada 10 ta partiyada 7 ochko to‘plab, individual hisobda bronza medaliga ham ega bo‘lgan.

Bundan bir kun...

Bolalar bilan ishlaydigan tashkilotlarda zo‘ravonlik bilan bog‘liq jinoyat sodir etgan shaxslarning faoliyat yuritishiga yo‘l qo‘ymaslik bo‘yicha amaldagi mexanizmlarning ishlashi yuzasidan senator so‘rovi yuborildi. Bu haqda Oliy Majlis Senati xabar berdi. 

Maxsus reyestrdan foydalanish masalasi ko‘tarildi

Qonunchilikka ko‘ra, ayrim toifadagi shaxslarning ta’lim, tarbiya, bolalarni sog‘lomlashtirish, sport va ijodiy tashkilotlarida ishlashi, shuningdek, bolalar bilan bevosita ishlashni nazarda tutuvchi faoliyat bilan shug‘ullanishi taqiqlangan.

Mazkur tartib 2023-yil 11-apreldagi qonun bilan belgilangan. Shuningdek, bunday shaxslar to‘g‘risidagi ma’lumotlarni o‘z ichiga olgan reyestrni shakllantirish va yuritish tartibi ham belgilangan.

2026-yil 3-martdagi prezident farmoni bilan tasdiqlangan «Yo‘l xaritasi»da esa sog‘liqqa, jinsiy erkinlikka, oilaga, yoshlarga...

Ijtimoiy tarmoqlarda Toshkentdagi Botanika bog‘ida daraxtlar ommaviy  ravishda kesilayotgani haqida xabarlar tarqaldi. Yunusobod tumani hokimiyati tomonidan hududda qurilish ishlari boshlanganiga oid xabarlar rad etildi. 

Hududda sun’iy ko‘l tashkil etilmoqda

Yunusobod tumani hokimligi ma’lumotiga ko‘ra, Botanika bog‘i hududida daraxtlarni kesish ishlari olib borilmayapti. Ayni paytda aholi uchun dam olish sharoitlarini yaxshilash va yashil hududdagi namlikni oshirishga qaratilgan loyiha amalga oshirilmoqda.

Loyiha doirasida:

barpo etilishi yoki ekilishi rejalashtirilgan.

Suv havzasi uchun o‘simliklar olib tashlanmoqda

Botanika bog‘i...

Slovakiyaning Stashkov qishlog‘idagi maktabda 8-sinf o‘quvchisi o‘tkir tig‘li buyum bilan hujum qilgani aytilmoqda. Hodisa oqibatida 61 yoshli o‘qituvchi halok bo‘lgan, bir o‘quvchi va yana bir ayol jarohatlangan. Bu haqda Slovakiyaning «Pravda» nashri xabar berdi.

Hujum oqibatida o‘qituvchi vafot etdi

Voqea 29-sentabr kuni ertalab Chadka tumani, Stashkov qishlog‘idagi umumta’lim maktabida sodir bo‘lgan. Qutqaruv xizmatlari voqea joyiga ikkita tez yordam mashinasi va ikkita tibbiy vertolyot yuborgan.

Hujum oqibatida 61 yoshli ayol olgan jarohatlari sabab vafot etgan. Shuningdek, bir o‘quvchi va 44 yoshli ayol jarohatlangan.

Qutqaruvchilar voyaga yetmagan o‘quvchini og‘ir ahvolda Martin shahridagi bolalar anesteziologiyasi va intensiv terapiya bo‘limiga...

O‘zbekiston prezidenti Shavkat Mirziyoyev 29-sentabr kuni Eron prezidenti Mas’ud Pezeshkiyon bilan telefon orqali muloqot qildi. Bu haqda Mirziyoyevning matbuot xizmati xabar berdi.

Suhbat avvalida Mirziyoyev Pezeshkiyonni tavallud kuni bilan tabriklab, unga mustahkam sog‘liq, oilaviy farovonlik va davlat faoliyatida muvaffaqiyatlar tiladi.

Muloqot davomida O‘zbekiston va Eron o‘rtasidagi keng qamrovli hamkorlikni rivojlantirish masalalari muhokama qilindi. Xususan, savdo-iqtisodiy, investitsiyaviy hamda madaniy-gumanitar aloqalarni yanada faollashtirishga e’tibor qaratildi.

Tomonlar, shuningdek, mintaqaviy kun tartibi va bo‘lajak tadbirlar rejasini muhokama qilgan.

Avvalroq Pezeshkiyon Hormuz bo‘g‘ozi AQSh tomonidan amalga oshirilayotgan blokada va hujumlar to‘xtatilgan taqdirda ochilishini bildirgandi.

Qirg‘iziston Vazirlar Mahkamasi O‘zbekiston Mudofaa vazirligi bilan harbiy razvedka sohasida hamkorlik to‘g‘risidagi kelishuvni tasdiqladi. Hujjat 2026-yil 30-iyul kuni Cho‘lpon-Otada imzolangan. Bu haqda 24.kg xabar berdi. 

Kelishuv kuchga kirishi uchun zarur tartiblar yakunlanmoqda

Qirg‘iziston hukumati qarori kelishuvning kuchga kirishi uchun mamlakat ichida bajarilishi kerak bo‘lgan tartib-taomillarni yakunlash maqsadida qabul qilingan.

Qirg‘iziston Tashqi ishlar vazirligiga zarur ichki tartiblar bajarilgani haqida O‘zbekiston tomonini xabardor qilish topshirilgan.

Harbiy razvedka bo‘yicha nimalar kelishilgani ochiqlanmagan

Hujjatda O‘zbekiston va Qirg‘iziston o‘rtasidagi harbiy razvedka sohasidagi hamkorlikning aniq yo‘nalishlari, axborot almashish mexanizmlari va tomonlarning majburiyatlari batafsil ochiqlanmagan.

Kelishuv Qirg‘iziston tomonidan zarur ichki tartiblar bajarilganidan so‘ng belgilangan...

Prezident Shavkat Mirziyoyev shaxmat bo‘yicha Olimpiada chempionlari bilan uchrashuvda ularga beriladigan mukofotlar haqida gapirib, «Mashina ham kerak, lekin kelajak kelinlari uchun uy kerak», deya samimiy hazil qildi. Chempionlarga uy-joy, avtomobil va pul mukofotlari berildi. 

Davlat rahbari har bir shaxmatchining ortida uning ota-onasi, birinchi ustozi, murabbiylari va uni qo‘llab-quvvatlagan butun jamoa turganini ta’kidladi. Shu bois Olimpiadadagi tarixiy g‘alaba nafaqat sportchilarning, balki ularning yaqinlari va ustozlarining ham mehnati samarasi ekani qayd etildi.

«Ustozning eng katta g‘alabasi — shogirdlarining undan ham baland marralarga chiqishidir»

Prezident o‘zbek shaxmatining afsonaviy vakillaridan biri Rustam Qosimjonovga alohida murojaat qildi.

Davlat rahbari Qosimjonovning jahon chempionligini...

Rossiya O‘zbekiston, Ozarbayjon, Tojikiston hamda Yevroosiyo iqtisodiy ittifoqi davlatlariga 1 mln rubldan ortiq naqd pul olib chiqishga cheklov joriy etdi. Tegishli farmonni Rossiya prezidenti Vladimir Putin 29-sentabr kuni imzoladi.

Jismoniy shaxslar uchun limit — 1 mln rubl

Yangi tartibga ko‘ra, jismoniy shaxslar Rossiyadan O‘zbekiston va yana olti davlatga 1 mln rubldan ortiq naqd pul olib chiqa olmaydi. Cheklov Armaniston, Belarus, Qozog‘iston, Qirg‘iziston, Ozarbayjon va Tojikistonga ham tatbiq etiladi.

Yuridik shaxslar va yakka tartibdagi tadbirkorlarga esa ushbu mamlakatlarga naqd pulni miqdoridan qat’i nazar olib chiqish taqiqlanadi.

Ayrim holatlarda naqd pul olib chiqishda istisno mavjud

Farmonda ayrim xalqaro aeroportlar...

Samarqanddagi 3-Parashaxmat olimpiadasida bronza medalini qo‘lga kiritgan O‘zbekiston terma jamoasi a’zolariga 2 xonali xonadon, avtomobil, $50 ming pul mukofoti va davlat mukofotlari topshirildi. Bu haqda jurnalist Aziza Qurbonova xabar berdi.

«Hali ko‘p-ko‘p medallar beraman»

Mukofotlash marosimida davlat rahbari parashaxmatchilarga murojaat qilib:

«Hali ko‘p-ko‘p medallar beraman», – dedi.

Prezidentning 28-sentabrdagi farmoni bilan 3-Parashaxmat olimpiadasida qatnashgan bir guruh sportchilar va murabbiylar ham davlat mukofotlari bilan taqdirlangandi.

Jumladan, parashaxmat bo‘yicha O‘zbekiston milliy terma jamoasi a’zolari Sirojiddin Zaynidinov, Selbi Kakishova, Axadxon Kimsanboyev, Sardorbek Mamarajabov va Marsel Shayusupov «Mardlik» ordeni bilan taqdirlandi.

Parashaxmat terma jamoasi murabbiyi...

30-sentabr uchun valyutalar kursi yangilandi. Dollar 14,21 so‘mga oshib, 11 821,18 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

23-sentabr kuni 7,63 so‘mga tushib, 11 802.19 so‘m bo‘ldi. 24-sentabr kuni 11,86 so‘mga oshib, 11 814,05 so‘mni, 25-sentabr kuni 16,82 so‘mga oshib, 11 830,87 so‘mni tashkil etdi. 26-sentabr kuni esa 5,47 so‘mga tushib, 11 825,40 so‘mga, 29-sentabr kuni 18,43 so‘mga tushib, 11 806,97 so‘mga tenglashdi.

Shuningdek, o‘qing: Dollar valyutasida pul saqlash qanchalik to‘g‘ri

Yevro kursida tushish kuzatildi. Yevropa valyutasi 11,03 so‘mga tushib, 13 419,40 so‘m bo‘ldi. Rossiya rubli oshdi. Rubl...