Yangiliklar

Zeekr Xitoydan tashqaridagi MDH davlatlariga norasmiy kirgan mashinalari dasturiy ta’minotini masofadan turib bloklaydi. Bu haqda Tengriavto nashri xabar berdi.

Unga ko‘ra, kompaniya shu yo‘l bilan rasmiy dilerlarni qo‘llab-quvvatlamoqchi. Bu esa Zeekr mashinalarini faqat rasmiy dilerlardan olish lozimligini anglatadi.

«15-iyuldan keyin konveyerdan chiqqan Zeekr avtomobillari, agar Xitoydan tashqarida topilsa yoki ishlab chiqaruvchi tomonidan ruxsat etilmagan SIM-kartalardan foydalanilsa, ogohlantirish bildirishnomalarini oladi. Agar bunga e’tibor berilmasa, ekran funksiyasi o‘chiriladi va foydalanuvchidan yordam uchun Zeekr bilan bog‘lanish so‘raladi», dedi Zeekr International.

«Zeekr International» vakili omma orasida tarqalgan ushbu ma’lumotlarni  tasdiqladi, ammo gap faqat 2024-yil 15-iyuldan keyin konveyerdan chiqqan...

29-iyulga o‘tar kechasi Toshkent shahrining Mirzo Ulug‘bek tumanida qurigan o‘t yonib ketishi oqibatida yong‘in sodir bo‘ldi, deb xabar berdi tuman hokimligi.

Hokimlik xabariga ko‘ra, yong‘in Anaybuloq ko‘chasidagi yopiq hududda sodir bo‘ldi.

«Yong‘in Mirzo Ulug‘bek tumani FVB xodimlari tomonidan o‘chirilgan, oqibatda jabrlangan va zarar ko‘rgan fuqarolar yo‘q», deya aniqlik kiritdi tuman hokimligi matbuot xizmati.

Avvalroq «Kursiv» Toshkentning Yunusobod tumanidagi yangi binolardan birida yong‘in chiqqani haqida yozgan edi.

Samarqand va Navoiyda fuqarolarni xorijga ishga yuborishni va’da qilgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar berdi.

Ma’lum qilinishicha, Oqdaryo tumanida fuqaro boshqa ikki fuqaroning ishonchiga kirib, ularni Angliyaga ishga yuborishni va’da qilib, evaziga $4,5 ming firibgarlik yoʻli bilan qoʻlga kiritgan. Tadbir davomida 1,2 mln soʻm va $700 qaytarib bergan vaqtida ashyoviy dalillar bilan ushlangan.

Shuningdek, yana bir holatda fuqaro 47 nafar fuqaroni chet davlatlarga ishga yuborishi evaziga jami $37,2 mingni firibgarlik yoʻli bilan qoʻlga kiritganligi aniqlangan.

Navoiy viloyatida ham fuqaro boshqa bir fuqaroning ishonchiga kirib, uni Janubiy Koreya davlatiga yashash va ishlash...

29-iyul kuni O‘zbekiston Respublika valyuta birjasida dollarning o‘rtacha tortilgan qiymati 25,45 so‘mga pasaydi va 12 574,38 so‘mni tashkil qildi.

Mamlakat banklari AQSh valyutasini 12 540 – 12 595 so‘mdan xarid qilishmoqda va 12 620 – 12 660 so‘mdan sotishmoqda.

Eslatib o‘tamiz, 26-iyul kuni dollarning o‘rtacha qiymati 34,17 so‘mga pasaygan edi.

2024/2025-o‘quv yilidan respublikamizdagi barcha OTM larda bakalavriat va magistratura uchun to‘lov-kontrakt shaklida bir yillik ta’lim qiymati 15 % ga oshirildi. Bu haqda Oliy ta’lim, fan va innovatsiyalar vazirligi ma’lum qildi.

Talabaning bir yillik ta’limi uchun to‘lov summasi u o‘qiyotgan ta’lim shakli va yo‘nalishiga qarab farq qiladi. Misol uchun, pedagogika yo‘nalishida, bakalavriatning kunduzgi ta’lim shaklida, stipendiyasiz tahsil oladigan talaba 2024/2025-o‘quv yili uchun 7,4 mln so‘m to‘laydi. Jahon siyosati yo‘nalishida ikkinchi mutaxassislikka, kunduzgi shaklda o‘qiydigan talaba esa bir yillik ta’lim uchun amalga oshirishiga to‘g‘ri keladi.

Agar talaba stipendiyali to‘lov-kontrakt asosida tahsil olishni istasa, unda ushbu kontrakt miqdoriga 12 oylik hozirgi stipendiya...

Dzyudo boʻyicha Oʻzbekiston terma jamoasi aʼzolari Shukurjon Aminova va Murodjon Yoʻldoshev Olimpiadaning ilk bosqichidan muvaffaqiyatli oʻtdi. Bu haqda Milliy olimpiya qo‘mitasi xabar berdi.

Shukurjon Aminova ilk bosqichda Kot dʼIvuarlik Zuleyxa Dabonne bilan bellashgan sportchimiz gʻalaba qozonib, ikkinchi davraga yoʻl oldi. Keyingi bosqichda u gruziyalik Eteri Liparteliani bilan bellashadi.

Yana bir dzyudochimiz jahon chempionati sovrindori Murodjon Yoʻldoshev (-73 kg) ham gʻalabaga erishdi. U qozogʻistonlik Daniyar Shamshayev bilan bellashib, ajoyib harakatlari evaziga keyingi bosqichga yoʻl oldi.

Qilichbozlik bahslarida ishtirok etgan Zaynab Dayibekova ilk bosqichda ishtirokini yakunladi. U Janubiy koreyalik Yun Ji-Su bilan bellashib, 11:15 hisobida magʻlubiyatga uchradi.

Avvalroq «Kursiv» Oʻzbekiston...

2024-yilning ikkinchi choragi yakuni bo‘yicha Paynet to‘lov tizimining foydasi 137,2 milliard so‘mni tashkil etdi. Bu o‘tgan yilning shu davriga nisbatan 83,3 foizga ko‘pdir. Bu ma’lumot kompaniya moliyaviy hisobotida e’lon qilindi.

Korxonaning sof tushum 504 milliard so‘mdan oshdi. Yil davomida bu ko’rsatkich 55,2 foizga o’sdi.

«Paynet» AJ 2005 yil dekabr oyida tashkil etilgan bo’lib, pul o’tkazmalari va turli xizmatlar uchun to’lovlarga ixtisoslashgan. Kompaniyaning ustav kapitali 10,5 mlrd.

Avvalroq «Kursiv» Humoni xususiylashtirish jarayoni boshlangani haqida yozgan edi.

Oʻzbekistonda 2024-yil 1-iyul holatiga koʻra, 66 mingga yaqin kichik biznes subyektlari 7,1 trillion soʻm soliq toʻlagan. Bu oʻtgan yilgi koʻrsatkichdan 31,5 foizga koʻpdir, deya xabar bermoqda Soliq qoʻmitasi matbuot xizmati.

Maʼlum qilinishicha, birinchi yarim yillikda kichik biznes subyektlarining tovar aylanmasi 80,6 trillion soʻmdan oshdi va yillik oʻsish 24,9 foizni tashkil etdi.

Statistika agentligi maʼlumotlariga koʻra, 2024-yilning olti oyida respublikada yangi 41 mingta kichik korxona va mikrofirmalar roʻyxatdan oʻtgan.

Bugungi kunda mamlakatda jami 387,1 mingdan ortiq mikrofirma va kichik biznes subyektlari faoliyat yuritmoqda. Yil davomida ularning soni 5,8 foizga kamaydi.

Avvalroq «Kursiv» yaqin ikki yilda kichik biznesni rivojlantirish uchun...

2024-yilning ilk uch oyida orqaga keta boshlagan tug‘ilish darajasi ikkinchi chorakda ham davom etgan. Bu haqda Statistika agentligi ma’lumot berdi.

Joriy yilning olti oyida respublikada 421,9 ming chaqaloq dunyoga keldi. Taqqoslash uchun: 2023-yilning shu davrida – 436,5 ming. Bu joriy yilda tug‘ilganlar soni 3,3 foizga kamayganini anglatadi.

O‘zbekistonning doimiy aholisi 37 134,2 ming kishini tashkil qilgan (2024-yil 1-iyul holatiga ko‘ra). Bu 2023-yilning mos davriga nisbatan aholi 2,1 %, ya’ni 761,8 ming nafarga ko‘paygan deganidir.

Joriy yilning yarmiga kelib O‘zbekistonga 1080 kishi ko‘chib kelgan bo‘lsa, 5066 kishi xorijga ko‘chib ketgan.

Shuningdek, eng yuqori tugʻilish koeffitsiyentiga 26,2 promille bilan Surxondaryo egalik...

2024-yilning yanvar – iyun oylarida Oʻzbekiston qishloq xoʻjaligida 5,8 million tonna gʻalla yetishtirildi. Bu yillik 6,6 foiz oʻsishni tashkil etdi, deyiladi Statistika agentligi hisobotida.

Birinchi yarim yil yakunlariga koʻra, fermer xoʻjaliklarida 4,7 million tonna, qishloq xoʻjaligi faoliyatini amalga oshiruvchi tashkilotlarda 710,5 ming tonna va dehqon xoʻjaliklarida 421,7 ming tonna mahsulot yetishtirildi.

Hududlar kesimida gʻalla yetishtirish boʻyicha Fargʻona viloyati yetakchi – 694,6 ming tonna, Surxondaryo va Qashqadaryo viloyatlari mos ravishda 680,4 ming va 616,2 ming tonnani tashkil etadi.

Eng past koʻrsatkich Qoraqalpogʻistonda qayd etilgan boʻlib, iyul oyi boshida ishlab chiqarish hajmi 129,9 ming tonnaga yetgan.

Mamlakat tomonidan 2024-yilning birinchi olti...

Raqobat qoʻmitasi «Orient finans bank» Termiz filialining Surxondaryo viloyati Termiz shahrida oʻrnatilgan tashqi reklamasi yuzasidan murojaatga binoan bankni jarimaga tortdi. Bu haqda qo‘mitaning rasmiy sahifasida ma’lum qilindi.

Qayd etilishicha, bank Termiz shahri Hakim At-Termiziy koʻchasidagi bank ofisi oldida oʻrnatilgan tashqi reklamani oʻrnatish huquqini beruvchi birorta hujjat mavjud emasligi aniqlangan. Shuningdek, bu bo‘yicha mahalliy hokimliklar bilan shartnomalar imzolanmagani ham ma’lum bo‘lgan.

Shularni inobatga olib, bir necha qonunlar buzilishi yuzasidan «Orient finans» XATB Termiz filialiga nisbatan ish qoʻzgʻatildi va moliyaviy jarimaga tortildi.

Avvalroq «Kursiv» «AVO Bank»ning jarimaga tortilgani haqida xabar bergan edi.

Joriy yilning 26-iyul kuni Investitsiyalar, sanoat va savdo vazirligi va Janubiy Koreyaning O‘zbekistondagi elchisi o‘rtasida muzokaralar o‘tkazildi. Bu haqda vazirlik axborot xizmati xabar berdi.

Unga ko‘ra, muzokaralar mobaynida savdo-iqtisodiy va sarmoyaviy hamkorlik masalalari muhokama qilindi. Ikki mamlakatlararo mahsulot ayirboshlash hajmini oshirish va biznes tuzilmalari oʻrtasidagi aloqalarni oʻrnatish boʻyicha kelishib olindi.

Shuningdek, Koreyaning Kyongi-do provinsiyasi vakolatxonasining Toshkentda ochilishi ma’lum qilindi. Ushbu vakolatxona berilgan imtiyozlardan to‘liq foydalangan holda o‘zaro hamkorlikni rivojlantirishga xizmat qiladi.

Koreya xalqaro hamkorlik agentligi (KOICA) va Iqtisodiy taraqqiyot va hamkorlik jamg‘armasi (EDFC) bilan har tomonlama hamkorlikni mustahkamlash masalasi ham muhokama qilindi.

Avvalroq O‘zbekiston va Janubiy Koreya yuqori texnologiyali xab yaratishni rejalashtirayotgani haqida...

29-iyul, dushanba kuni Toshkentda +37…+39° issiq bo‘lishi kutilmoqda, shamol tezligi 10-12 m/s gacha kuchayishi mumkin, deb xabar berdi «O‘zgidromet».

Oʻzbekiston hududlarida havo harorati +34…+39° gacha bo‘ladi, sinoptiklar mamlakat janubida havo harorati +43° gacha, shimolda +28…+33° gacha koʻtarilishini xabar berdi.

Cho‘l hududlarida shamol 20-23 m / s gacha kuchayishi mumkin («Bofort» bo‘yicha 8-9 ball). Chang-to‘zonlar yuzaga kelishi mumkin.

Togʻli hududlarda havo harorati +27…+32° boʻladi, yogʻingarchilik kuzatilmaydi.

Avvalroq «Kursiv» O‘zbekistonda jazirama tufayli poyezdlar tezligiga cheklov kiritilgani haqida yozgan edi.

Turkiya qoʻshinlari Isroil hududiga kirishi mumkin. Bu haqda mamlakat prezidenti Rajab Toyyib Erdoʻgʻan ma’lum qildi, deya xabar bermoqda «Kommersant».

Erdoʻgʻon Turkiya qoʻshinlarining Liviya va Togʻli Qorabogʻga kirishi bilan bogʻliq vaziyatni solishtirib, xuddi shunday qadam boʻlishi mumkinligini ma’lum qildi. Shuningdek, u buni qilmaslik uchun hech qanday sabab koʻrmayotganini ta’kidladi.

Bunga javoban Isroil Tashqi ishlar vazirligi Erdoʻgʻonning harakatlarini Iroqning sobiq prezidenti Saddam Husayn bilan taqqosladi.

«Erdogʻan Husaynning izidan borib, Isroilga hujum qilish bilan tahdid qilmoqda. Shunchaki, unga u yerda nima boʻlganini va hammasi qanday yakun topganini eslatib qoʻyaylik», deb yozdi Isroil Tashqi ishlar vaziri Israel Kas

O‘zbekistonlik dzyudochi Diyora Keldiyorova «Parij – 2024» Olimpiada musobaqasida mamlakat hisobiga ilk oltin medalni taqdim etdi, deb xabar bermoqda Milliy olimpiya qo‘mitasi (MOQ).

Keldiyorova 52 kilogrammgacha bo‘lgan vazn toifasida mukofotga sazovor bo‘ldi. Finalda u kosovolik Distrija Krasnichni mag‘lub etdi.

Sportchi Olimpiada chempioni bo‘lgan birinchi o‘zbekistonlik dzyudochi bo‘ldi.

Avvalroq «Kursiv» Keldiyorova sobiq Olimpiada chempioni yaponiyalik Utu Abe ustidan g‘alaba qozongani haqida xabar bergan edi.

Oʻzbekistonda eng koʻp qaysi avtomobil ishlab chiqarilgani ma’lum boʻldi

Oʻzbekiston avtomobil ishlab chiqarish sanoatida 2024-yilning yanvar – iyun oylarida 190 786 dona yengil avtomobillar ishlab chiqarildi. Bu haqda Statistika agentligi hisobotida ma’lum qilindi.

Kamala Harris AQSh prezidentligiga nomzodini qo‘ydi

AQSh prezidenti Jo Baydenning saylovoldi tashviqoti qo‘mitasi federal saylov komissiyasiga vitse-prezident Kamala Harrisni Demokratik partiyadan davlat rahbari lavozimiga asosiy nomzod sifatida ko‘rsatuvchi hujjatlarni yubordi. Hujjat komissiya saytida e’lon qilindi.

Startaplarni qo‘llab-quvvatlash markazi ochildi

20-iyul kuni Toshkentda  startaplarni qo‘llab-quvvatlash markazi – «Startap Garage» ochilish marosimi bo‘lib o‘tdi. Bu haqda Raqamli texnologiyalar vazirligi xabar bermoqda.

O‘zbekistonda tarvuz bozori qulash arafasida

Olimpiada o‘yinlari doirasida futbol musobaqasidan o‘rin olgan guruh o‘yinlarining 2-tur uchrashuvlari bo‘lib o‘tmoqda. 

Oʻzbekiston olimpiya terma jamoasi Misrga 0:1 hisobida imkoniyatni boy berdi. Uchrashuvning 11-daqiqasida misrlik futbolchisi Ahmed Koka himoyachining qoʻpol xatosidan keyin hisobni ochdi. Oʻyinning qolgan vaqtida darvozalarga toʻp kiritilmadi.

Shu tariqa Oʻzbekiston olimpiya terma jamoasi Olimpiadadagi yurishini guruh bosqichida yakunlaydigan boʻldi.

Eslatib oʻtamiz, Oʻzbekiston birinchi turda Ispaniyaga 1:2 hisobida magʻlub boʻlgan edi.

Avvalroq «Kursiv» o‘zbekistonlik dzyudochi va suzuvchilarining 27-iyuldagi natijalari haqida yozgan edi.

Moliya bozorini chuqurroq tahlil qilish va investitsiya qarorlarini qabul qilish uchun Markaziy bank yangi vosita – davlat qimmatli qogʻozlarining daromadlilik egri chizigʻini ishga tushiradi. Bu haqda Markaziy bank axborot xizmati xabar berildi.

Qayd etilishicha, 2024-yil 1-sentabrdan egri chiziqni kuzatish mumkin boʻladi. Jadval har hafta regulyator saytida e’lon qilinadi.

Daromadlilik egri chizigʻi Iqtisodiyot va moliya vazirligi tomonidan chiqarilgan davlat obligatsiyalari va Markaziy bankning likvidlikni boshqarishda qoʻllaniladigan obligatsiyalari daromadliligi boʻyicha ma’lumotlar asosida hisoblanadi.

«Ushbu daromadlilik egri chizigʻidan davlat qimmatli qogʻozlari va kapital bozorining boshqa instrumentlarining bozor qiymatini baholash hamda ushbu instrumentlar bilan operatsiyalarni amalga oshirishda risk parametrlarini...

Oʻzbekistonda soatlik va kunlik elektr energiyasi iste’moli rekordi yangilandi. Bu haqda Energetika vazirligi axborot xizmati xabar berdi.

Ma’lum qilinishicha, respublikada kuzatilayotgan anomal issiq ob-havo sharoitida elektr energiyasiga boʻlgan talab hafta davomida 16,5 mln kVt/soat yoki oʻrtacha 7,1 foiz oshdi.

25-iyul kuni soat 15:47 da havo harorati +39,7 darajada (Toshkent shahrida) Oʻzbekiston energotizimida iste’mol quvvati 11 822 MVtni tashkil qildi. Mazkur koʻrsatkich yoz davri uchun tarixdagi absolyut rekord boʻlib, 2023 yil 28 iyulda (+40 daraja) qayd etilgan eng yuqori iste’molga nisbatan 343 MVt koʻp boʻldi.

Shuningdek, 26-iyul kuni yozgi maksimal sutkalik elektr energiyasi iste’moli 253,3 mln kVt/soatni tashkil etib, 2023-yil...

Hafta davomida AQSH dollarining soʻmiga nisbatan kursi biroz oʻzgardi. Buni Oʻzbekiston Respublika valyuta birjasi (OʻzRVB) taqdim qilgan ma’lumotdan ham ko‘rish mumkin.

Oʻtgan hafta juma kuni Amerika valyutasining oʻrtacha kursi 12 610,04 soʻmni tashkil qilgan edi. Joriy hafta oxiriga kelib dollar kursi esa 12 599,83 soʻmga pasaydi.

Dollar kursining ushbu davrdagi maksimal qiymati 25 iyulda (12 634), minimal qiymati esa 23 iyulda (12 584,28) qayd etilgan. Umuman olganda, hafta davomida valyuta kursi 1 foizdan kamroqqa pasaydi

O‘zRVBda dollar kursining o‘zgarishi

Avvalroq Oʻzbekiston Markaziy banki joriy yilning ikkinchi choragida iqtisodiyotga turli kanallar orqali valyuta oqimi sezilarli...

Oliy va professional ta’lim muassasalariga kirish test sinovlarida ishtirok etgan abituriyentlar 27-iyuldan 10-avgustga qadar 15-kun davomida oliy ta’lim muassasalari va ta’lim yoʻnalishlarini tanlashlari kerak. Bu haqda Bilim va malakalarni baholash agentligi xabar berdi.

Buning uchun my.uzbmb.uz platformasining «Oliy va professional ta’lim muassasalariga qabul» boʻlimiga kirib, «Xizmatdan foydalanish» tugmasi bosiladi va «OTM tanlash» boʻlimiga oʻtiladi. Dastlab abituriyent «Tanlov ustuvorligi» va «Maqsadli qabul» boʻyicha oʻz tanlovini amalga oshiradi.

Shundan soʻng abituriyent test topshirgan fanlar majmuasi va ta’lim tiliga mos boʻlgan beshtagacha oliy ta’lim muassasasi va ta’lim yoʻnalishini ta’lim shakli bilan birga tanlaydi.

Bunda ta’lim yoʻnalishlarini bir oliy ta’lim muassasasi yoki...

Oʻzbekiston OTMlariga 2024-yilgi kirish imtihonlarida jami 737 351 nafar abituriyent test sinovlarida qatnashdi. Bu oʻtgan yilgiga nisbatan 17 foizga kam, deya Bilimni baholash agentligi axborot xizmati xabar bermoqda.

Ma’lumotlarga koʻra, abituriyentning 345,9 ming nafari (46,9 foiz) oʻtish ballining eng quyi chegarasi boʻlgan 56,7 ballni toʻplay olmagan.

Eng yuqori oʻrtacha ballar Buxoro (75,9 ball), Toshkent (74,6) va Fargʻona (69,9) viloyatidan qatnashgan abituriyentlar hissasiga toʻgʻri keladi. Eng past ballni esa Sirdaryo viloyati (62,8 ball) va Qoraqalpogʻistondan (63,3 ball) qatnashgan abituriyentlar qayd etdi.

Avvalroq «Kursiv» xorijga oʻqish uchun ketayotgan oʻzbekistonliklar soni kamaygani haqida xabar bergan edi.

Oʻzbekiston Markaziy banki mikromoliya tashkilotlari (MMT) uchun islomiy moliyalashtirish toʻgʻrisidagi nizomni tasdiqladi. Hujjat Islom moliyaviy institutlari uchun buxgalteriya va audit tashkiloti (AAOIFI) standartlarini hisobga olgan holda ishlab chiqilgan va mahalliy xususiyatlarni hisobga olgan, deya ma’lum qilmoqda Markaziy bank.

Xizmatlar koʻrsatishga qoʻyiladigan asosiy talablar sanab oʻtildi. Masalan, MMTga islomiy moliya masalalarini muvofiqlashtiruvchi maxsus kengash tuzishi kerak (bu funksiyani autsorsing qilish mumkin).

Islomiy operatsiyalarning buxgalteriya hisobi alohida boʻlishi kerak (an’anaviy moliyaviy xizmatlar koʻrsatadigan MMTlarda ham).

Markaziy bank nizomida islomiy ijara (ijara), foydani taqsimlash (muzoraba), nasiya savdo (murabaha), sherikchilik (mushoraka) va oldindan toʻlov (salom) kabi islomiy moliyaviy vositalarni taqdim etish tartibi...

Joriy yilning yanvar – iyun oylarida Oʻzbekistondan xorijiy davlatlarga koʻchib ketganlar soni 5066 ming kishini tashkil etdi. Bu haqda Statistika agentligining hisobotida ma’lum qilindi.

Ma’lum qilinishicha, xorijiy mamlakatlarga koʻchib ketganlarning asosiy qismi Qozogʻistonga (4128 nafar) koʻchib ketgan. Shuningdek, Rossiya Federatsiyasiga 760 nafar, Janubiy Koreyaga 37 nafar, Qirgʻiz Respublikasiga 34 nafar, Turkmaniston Respublikasiga 14 nafar va boshqa mamlakatlarga 93 nafar fuqarolar doimiy yashash uchun koʻchib ketgan.

Shu bilan birga, mazkur davrda Oʻzbekistonga xorijiy mamlakatlardan 1 080 kishi doimiy yashash maqsadida koʻchib kelgan. Ularning asosiy qismi Rossiya (390 nafar) va Qozogʻiston (260 nafar) fuqarolari hissasiga toʻgʻri keladi.

Avvalroq «Kursiv» 2023-yilda Oʻzbekistoning...