Yangiliklar

So‘nggi paytlarda Toshkent aeroportiga ishga joylashish bilan bog‘liq bir nechta firibgarlik holatlari qayd etildi. Bu haqda Uzbekistan Airports ma’lum qildi.

Unga ko‘ra, firibgarlar fuqarolarga ma’lum miqdorda pul evaziga ishga joylashtirishni va’da berib, keyinchalik aloqa uzilgan.

Uzbekistan Airports kompaniyasi bu borada rasman bayonot berib, barcha ishga qabul qilish jarayonlari faqat elektron tanlov tizimi orqali amalga oshirilishini ma’lum qildi. Bu tizim shaffoflikni ta’minlab, firibgarlikdan himoya qiladi. Hozirgacha elektron platforma orqali 284 ta ish o‘rniga tanlov o‘tkazilib, 218 nafar xodim ishga qabul qilingan.

Fuqarolar bo‘sh ish o‘rinlari haqidagi ma’lumotni faqat rasmiy manbalardan olishlari lozim. Ma’lumotlar kompaniyaning rasmiy sayti vacancyuzairports.uz yoki Telegram...

Ko‘p kvartirali uylarni boshqaruvchi kompaniyalar faoliyatida qonunga zid va iste’molchilar huquqlarini cheklovchi shartlar aniqlanmoqda. Bu haqda Raqobat qo‘mitasi matbuot xizmati ma’lum qildi.

Unga ko‘ra, 2024-yilning yanvar – oktabr oylarida qo‘mitaga 8,4 mingta iste’molchi murojaati kelib tushgan bo‘lsa, ulardan 380 tasi aynan ko‘p kvartirali uylarni boshqarish sohasi bilan bog‘liq. Murojaatlarni o‘rganish jarayonida boshqaruvchi kompaniyalarning mulkdorlar majlislari o‘tkazmasligi, ishlar haqida ochiq hisobot taqdim etmasligi, shuningdek, ko‘rsatilmagan xizmatlar uchun asossiz qarzdorlikni hisoblash kabi muammolar aniqlangan.

Masalan, Qashqadaryo viloyatidagi «Lochin-Sanjar BK» MChJ shartnomasi bo‘yicha mulkdorlar kechiktirilgan to‘lovlar uchun jarima to‘lashga majbur bo‘lgan, biroq kompaniya o‘z majburiyatlarini bajarmagan holatlarda hech qanday javobgarlik ko‘zda tutilmagan...

FIFA futbol bo‘yicha klublar o‘rtasidagi jahon chempionatining rasmiy kubogini taqdim etdi, u ilk bor 2025-yilgi turnir g‘olibiga topshiriladi. Bu haqda federatsiya xabar berdi.

O‘yinlar AQSHda 15-iyundan 13-iyulgacha 11 shahardagi 12 ta stadionda bo‘lib o‘tadi. Final Nyu-Yorkdagi MetLife stadionida o‘tkaziladi.

Tiffany & Co. bilan hamkorlikda yaratilgan yangi kubok 24 karatli oltin bilan qoplangan va futbol tarixini ifodalovchi gravyuralar bilan bezatilgan.

2024-yilda «Manchester Siti» futbol klubi bu kubokni qo‘lga kiritgan edi.

Avvalroq Kursiv Uzbekistan O‘zbekiston U-20 terma jamoasi Iroq bilan nazorat o‘yinini o‘tkazishi haqida yozgan edi.

Saudiya Arabistonining ACWA Power kompaniyasi va O‘zbekiston Energetika vazirligi umumiy quvvati 2000 MVt/soat bo‘lgan elektr energiyasini saqlash tizimlarini barpo etish bo‘yicha kelishuvga erishdi. Bu haqda respublika Energetika vazirligi xabar berdi.

Loyiha tizimlarning bosqichma-bosqich joriy etiladigan mos hududlarini aniqlash uchun mamlakat energetika tizimini tahlil qilishni nazarda tutadi.

Qurilishning taxminiy qiymati $1,1 milliardni tashkil etadi. Loyihaning amalga oshirilishi natijasida 1000 dan ortiq ish o‘rinlari yaratiladi.

Avvalroq Kursiv Uzbekistan Xalqaro moliya korporatsiyasi (IFC) ACWA Power kompaniyasiga  O‘zbekistonda qayta tiklanadigan energiya uchun $240 mln ajratishi haqida yozgan edi.

Abdulla Avloniy nomidagi O‘qituvchilarni kasbiy rivojlantirish va yangi metodikalarni o‘rgatish milliy ilmiy-tadqiqot instituti hamda Yandex Uzbekistan hamkorligida O‘zbekiston informatikasi o‘qituvchilari uchun bepul kurslar ishga tushirildi. Bu haqda kurs asoschilari Kursiv Uzbekistan nashriga ma’lum qildi.

Unga ko‘ra, ushbu kurslar o‘qituvchilarga neyrotarmoqlar haqida bilim olish va Python dasturlash asoslari bilan tanishish imkonini beradi.

Kurslar nazariy va amaliy mashg‘ulotlarni o‘z ichiga oladi. Bu esa Python dasturlash tilini bilmagan o‘qituvchilar uchun ham materialni tezda o‘zlashtirishga va uni darhol o‘z darslarida qo‘llashga imkon yaratadi. Ushbu o‘quv dasturi Yandex mutaxassislari tomonidan ishlab chiqilgan va o‘qituvchilarning uzluksiz kasbiy rivojlanish tizimining bir qismiga aylangan.

Kurslar bepul bo‘lib, vaqti...

2024-yilning yanvar – sentabr oylarida O‘zbekiston korxonalari xorijga qariyb 45,4 mingta konditsioner sotdi hamda ushbu eksport natijasida $10,3 mln daromad qildi. Bu haqda Statistika agentligi matbuot xizmati ma’lum qildi.

Eng ko‘p Ozarbayjonga qariyb 21,4 mingta eksport qilindi. O‘zbekiston konditsionerlarini xarid qilish bo‘yicha ikkinchi o‘rinda Tojikiston (12 mingta), uchinchi o‘rinda Qirg‘iziston (4,6 mingta) joy olgan.

Turkiya va Qozog‘iston ham O‘zbekiston ishlab chiqaruvchi konditsionerlarning asosiy xaridorlari qatoridan o‘rin oldi.

Eslatib o‘tamiz, avvalroq Kursiv Uzbekistan Oʻzbekistonda konditsioner sotib olish va uni oʻrnatish necha pulga aylanishi haqida ma’lumot bergan edi.

Xitoyda yangi 2025-yilgi 2,7 litrli turbo, to‘rt silindrli Turbomax dvigateli bilan jihozlangan Chevrolet Tahoe taqdim etildi. Bu haqda Speedme xabar berdi.

Ichki mexanizmi

Xitoyda taqdim etilgan ushbu avtomobilning dvigateli 299 ot kuchi va 500 aylanish quvvati bilan (Nm) AQShdagi 5,3 litrli V8 dvigatelidan 36 ot kuchi va 19 Nm ga kam quvvat ishlab chiqaradi.

Tashqi ko‘rinishi va salon qismi

Uzunligi, kengligi va balandligi mos ravishda 5382, 2058 va 1940 mm bo‘lib, g‘ildiraklar bazasi 3071 mm.ga teng. Yukxonaning hajmi 722 litrni tashkil etadi, lekin uni 3480 litrgacha kengaytirish mumkin.

Yangi avtomobil 2+2+3 sxemali yetti o‘rinli...

Telegram asoschisi Pavel Durov yaqinda bir ishlab chiqarilgan mini ilova yaratishdagi ajoyib muvaffaqiyati haqida post qoldirdi. Bu haqda u o‘z Telegram sahifasida ma’lum qildi.

Unga ko‘ra, ushbu mini ilova ikki kun ichida ishlab chiqilib, qisqa vaqtda katta daromad keltirdi. Bu loyiha nafaqat Telegram platformasining imkoniyatlarini, balki individual ijodkorlik va qat’iyatning natijalarini ham yaqqol ko‘rsatdi.

Durovning ta’kidlashicha, ishlab chiquvchi mini ilovani asosiy ishidan ta’tilda bo‘lgan vaqtida ikki kun ichida mustaqil ravishda yaratgan. Muhimi, u bu jarayonda hech qanday jamoa yoki marketing budjetidan foydalanmagan. Barcha ishni – dizayndan tortib server tomonidagi kodgacha – u o‘zi bajargan. Ushbu yondashuv Durovni 2006-yilda VKontakte...

15-noyabr kuni futbol bo‘yicha O‘zbekiston U-20 terma jamoasi Iroq vakillari bilan to‘p suradi. Bu haqda O‘zbekiston futbol assotsiatsiyasi xabar berdi.

O‘yin Toshkent viloyatidagi «Do‘stlik» stadionida soat 15:00 da boshlanadi. Tomonlarning kelishuviga muvofiq, futbol bahsi yopiq eshiklar ortida boʻlib oʻtadi.

Mazkur o‘yin 2025-yilning fevral oyida Xitoyda 20-yoshgacha bo‘lgan futbolchilar o‘rtasidagi Osiyo kubogi musobaqasiga tayyorgarlik sifatida o‘tkazilmoqda.

Avvalroq Kursiv Uzbekistan «JCH – 2026» saralash bosqichida O‘zbekiston Qatarga mag‘lubiyatga uchragani haqida yozgan edi.

Joriy yilning 11-noyabrdagi hukumat qarori bilan uy-joy sotib olish uchun subsidiyalar ajratish tartibiga bir qancha o‘zgartirish va qo‘shimchalar kiritildi.

Ushbu hujjat asosida kreditlar berish hamda boshlang‘ich to‘lovning ma’lum bir qismini qoplab berish bo‘yicha avtomatlashtirilgan tizim joriy etiladi.

Qayd etilishicha, arizachi bergan arizalarni ko‘rib chiqish subsidiya.idm.uz tizimi orqali amalga oshiriladi.

Shuningdek, arizachi davlat xizmatlari markazidan (DXM) murojaat qilgan taqdirda xodim tomonidan ariza bir soatda tizimga kiritilishi kerak bo‘ladi.

Eslatib o‘tamiz, eski tartib bo‘yicha arizachining murojaati ijtimoiy mezonlarga mos kelishini aniqlash hamda uni baholash soliq inspeksiyalarining tuman (shahar) bo‘limlari, tibbiyot hamda moliya bo‘limlari zimmasida bo‘lgan.

Endilikda ushbu vakolat Kadastr...

Joriy yilning 15-noyabr holatiga ko‘ra, 5 grammlik oltin quymasining narxi 5,44 mln so‘mni tashkil etmoqda. Bu haqda Markaziy bank axborot xizmati xabar berdi.

Ushbu ko‘rsatkichlar o‘tgan hafta yakuni 8-noyabr holatida 5,7 mln so‘mni tashkil qilgan. Oltin quymalari bir hafta ichida 256 ming so‘mga yoki 4,5 foizga pasaygan.

Jahon bozorida ham shunga o‘xshash vaziyat kuzatildi. Masalan, LBMA ma’lumotlariga ko‘ra, 8-noyabrda bir troy unsiya uchun kunduzgi fiksing $2,685.20 ni tashkil etgan bo‘lsa, 14-noyabrga kelib u $2,548.45 gacha pasaygan. Shu tariqa narx 5,1 foizga tushgan.

Eslatib o‘tamiz, avvalroq Kursiv Uzbekistan 2023-yil yakunlari bo‘yicha O‘zbekiston...

Shimoliy Koreya yetakchisi Kim Chen In harbiy dronlarni sinovdan o‘tkazishda ishtirok etib, ularni seriyali ishlab chiqarishni boshlash bo‘yicha ko‘rsatma berdi. Bu haqda mamlakat Markaziy telegraf agentligi (STAK) xabar qildi.

STAK ma’lumotiga ko‘ra, mazkur dronlar quruqlikda va dengizda dushman nishonlariga hujum qilish uchun mo‘ljallangan. Sinov davomida Shimoliy Koreya dronlari turli masofalardagi nishonlarga aniq zarba bergan.

«Kim Chen In (…) seriyali ishlab chiqarish jarayonini imkon qadar tezroq yo‘lga qo‘yish va keng ko‘lamda ommaviy ishlab chiqarishga o‘tish zarurligini ta’kidladi», – deyiladi xabarda.

Avvalroq Kursiv Uzbekistan noyabr oyi boshida Shimoliy Koreya Yaponiya tomonga bir nechta raketa uchirgani haqida yozgan edi.

Dubaydan Bishkekka uchgan Fly Dubai aviakompaniyasi samolyoti Toshkent aeroportida majburiy qoʻnishni amalga oshirdi. Bu haqda «Novosti Tashkentskogo neba» Telegram kanali xabar berdi.

Havo kemasi ekipaji Bishkekda tumanli ob-havo yuzaga kelgani va ko‘rish masofasi 100 metrdan kam bo‘lgani sababli Islom Karimov nomidagi aeroportga qo‘nishga qaror qildi.

Gap FZ-1689 yo‘lovchi reysi haqida ketmoqda.

Avvalroq Kursiv Uzbekistan noyabr oyining ikkinchi o‘n kunligi boshida UzAirways samolyoti Jiddaga o‘z vaqtida ucha olmaganini yozgan edi.

Bugun, 15-noyabr kuni O‘zbekiston bo‘ylab yog‘ingarchilik kuzatilmaydi. Kunduzi havo 12 darajagacha ko‘tariladi. Bu haqda Gidrometeorologiya xizmati agentligi xabar berdi.

Poytaxtda havo biroz bulutli bo‘ladi, biroq yomg‘ir yog‘maydi. Kunduzi havo 9-11 daraja iliq, kechga kelib 1 daraja sovuq bo‘lishi kutilmoqda.

Tog‘li hududlarda ham quruq ob-havo kuzatiladi. Kunduzi havo 5 daraja iliq, kechasi esa 5 daraja sovuq bo‘ladi.

O‘zbekiston va Qatar terma jamoalari o‘rtasidagi futbol bellashuvida Qatar 3:2 hisobida terma jamoamiz ustidan g‘alaba qozondi. Bu haqda O‘zbekiston futbol assotsiatsiyasi ma’lum qildi.

Unga ko‘ra, o‘yin O‘zbekiston terma jamoasi uchun muvaffaqiyatsiz boshlandi. Dastlab, 21-daqiqada sardor Eldor Shomurodov jarohat olib, o‘rnini Jaloliddin Masharipovga bo‘shatdi. Oradan to‘rt daqiqa o‘tib, Qatar terma jamoasi hujumchisi Almoyez Ali gol urib, mezbonlarni hisobda oldinga olib chiqdi. 41-daqiqada esa Almoyez Ali yana bir bor raqib darvozasini ishg‘ol qilib, dubl qayd etdi. Shunday qilib, birinchi taym Qatar jamoasining 2:0 hisobidagi ustunligi bilan yakunlandi.

Ikkinchi bo‘limda O‘zbekiston jamoasi hujumlarini kuchaytirdi. 75-daqiqada Abbosbek Fayzullayev bosh bilan gol urib, hisobdagi...

Shavkat Mirziyoyev sog‘liqni saqlash sohasida kasalliklarni erta aniqlash va samarali davolash bo‘yicha yangiliklar taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, kasalliklarni erta bosqichda aniqlash maqsadida onkologiya, endokrinologiya va kardiologiya markazlari tomonidan skrining tekshiruvlari yo‘lga qo‘yildi. Shu yilning o‘zida 1,7 mlndan ortiq ayol skriningdan o‘tkazilib, 49 ming nafarida saraton oldi holatlar aniqlangan.

Shuningdek, 122 mingdan ortiq aholida yurak-qon tomir kasalliklari va qandli diabetning erta bosqichdagi belgilari topildi. Ushbu sa’y-harakatlar odamlarni og‘ir kasalliklardan saqlashda muhim ahamiyatga ega.

Qashqadaryoda tajriba tariqasida erta aniqlangan onkologik holatlar uchun tibbiyot xodimlariga mukofot berish tizimi joriy etildi. Buning natijasida oilaviy...

Yevropa Komissiyasi Meta kompaniyasiga 797,7 mln yevro miqdorida jarima solib, kompaniyaning Yevropa Ittifoqining monopoliyaga qarshi qoidalarini buzganligini qayd etdi. Bu haqda Yevrokomissiya ma’lum qildi.

Unga ko‘ra, Meta o‘zining ijtimoiy tarmog‘i Facebook’ni Facebook Marketplace xizmatiga majburiy ravishda bog‘lab, foydalanuvchilarga avtomatik ravishda kirish huquqini taqdim etdi. Shu orqali boshqa onlayn reklama xizmatlari provayderlariga nisbatan adolatsiz sharoitlar yaratilib, raqobatchilar cheklangan. Buning natijasida, Marketplace raqobatchilarga nisbatan ko‘proq foydalanuvchi va ko‘proq tarqatish imkoniyatiga ega bo‘ldi.

Bundan tashqari, Meta Facebook va Instagram platformalarida boshqa reklama xizmatlari provayderlariga o‘ziga qulay bo‘lgan, bir tomonlama shartlarni majburan joriy qilib, Facebook Marketplace uchun afzalliklar yaratgan. Bunday shartlar orqali Meta...

Italiya prezidenti Serjio Mattarella amerikalik milliarder Ilon Maskni Italiya ichki ishlariga aralashmaslikka chaqirdi. Bu haqda CNN axborot agentligi ma’lum qildi.

Unga ko‘ra, Mask Rim sudyalarining hukumatning immigratsiyaga qarshi tashabbuslarini to‘xtatib qo‘yishini tanqid qilib, «sudyalar ketishi kerak» deb yozib, Albaniyada boshpana izlovchilarni hibsga olish haqida qaror chiqarayotgan Rim sudyalariga e’tiroz bildirgan edi. Bu chiqish ijtimoiy tarmoqlarda keng muhokamalarga sabab bo‘ldi va Italiyadagi immigrantlarni boshqarish siyosati atrofidagi munozaralarni kuchaytirdi.

Italiya bosh vaziri Giorgia Meloni Mask bilan do‘stona muloqot o‘tkazgan, lekin vaziyatga to‘g‘ridan-to‘g‘ri izoh bermagan. Mask esa Mattarella va Italiya suverenitetiga hurmatini bildirib, fikrini erkin ifoda etishda davom etishini aytdi.

Bu tortishuv...

O‘zbekistonda avtomobil bozoridagi faollik 2024-yilning III choragida 2023-yilga nisbatan kamaygani kuzatildi. Bu haqda Makroiqtisodiy va hududiy tadqiqotlar instituti tahlilida ma’lum qilindi.

Unga ko‘ra, tahlil IIV Yo‘l harakati xavfsizligi bosh boshqarmasi hamda Markaziy bank ma’lumotlari asosida amalga oshirildi.

III chorakda davlat ro‘yxatidan o‘tkazilgan avtomobillar soni 352,8 ming donani tashkil etib, bu shu yil II chorak ko‘rsatkichidan 76,8 mingga, ya’ni 27,8 foizga ko‘proq. Biroq o‘tgan yilning shu davriga nisbatan 19,9 foiz kam.

Avtokreditlar va aholining tasarrufdagi daromadlari avtomobil bozorining faolligiga bevosita ta’sir qiluvchi omillardan hisoblanadi. 2021-yildan 2024-yilning sentabriga qadar avtomobil savdosi bilan avtokreditlar hajmi (korrelyatsiya koeffitsiyenti 0,72) va aholi daromadlari...

Chery kompaniyasi 15-noyabr kuni Guanchjouda boshlanadigan ko‘rgazmada yangi Journeo yoʻl tanlamas (off-road) minivenini taqdim etadi. Ushbu zamonaviy miniven hozircha g‘oya (concept) sifatida taqdim etilib, o‘z xususiyatlari bilan Mitsubishi Delica’dan ustun bo‘lib, pnevmo-podveska, to‘liq gibrid tizim va 2500 km masofani bosib o‘tish imkoniyatiga ega. Bu haqda Autohome.com xabar bermoqda.

Chery Journeo keng eshiklari, katta panoramali tomi va quyosh panellariga ega. Salonda keng joy, alohida o‘rindiqlar, rul o‘rnida shturval joylashtirilgan.

Journeo ilg‘or CPilot 5.0 avtonom boshqaruv tizimi bilan jihozlangan bo‘lib, unda sun’iy intellektga asoslangan yordamchi tizimlar va 1000 TOPS quvvatga ega platforma o‘rnatilgan. Shuningdek, 30 dan ortiq xavfsizlik va haydovchiga...

Bugun, 14-noyabr kuni futbol bo‘yicha 2026-yilgi Jahon chempionati saralash bosqichi doirasida O‘zbekiston va Qatar terma jamoalari o‘rtasidagi uchrashuv bo‘lib o‘tadi. Xalqaro futbol eksperti Alisher Nikimbaev Kursiv Uzbekistan nashriga ushbu o‘yindan nimalar kutish mumkinligi haqida o‘z fikrlarini bildirdi.

Nikimbaevning ta’kidlashicha, O‘zbekiston terma jamoasi 2008-yil sentabr oyidan beri rasmiy o‘yinlarda Qatar terma jamoasidan mag‘lubiyatga uchramagan. 2008-yilda O‘zbekiston Jassim bin Hamad stadionida Qatarga 3:0 hisobida yutqazgan edi. Bugungi o‘yin ham aynan shu maydonda bo‘lib o‘tadi.

«O‘shandan buyon Osiyo kubogida faqat bir bor mag‘lub bo‘lganmiz, u ham penaltilar seriyasida. Qolgan barcha o‘yinlarda g‘alaba qozonganmiz. Umuman olganda, o‘zaro uchrashuvlar tarixi va...

Uzum ekotizimi to‘qqiz oy ichida e-commerce va fintex xizmatlarining sezilarli oʻsishini qayd etdi. Elektron tijorat aylanmasi uch karra oʻsib, $237 millionga yetdi. Shuningdek, fintex yoʻnalishidagi kredit portfeli ikki barobar oshdi. Bugungi kunda Oʻzbekiston aholisining uchdan biri Uzum xizmatlaridan foydalanmoqda.

E-commerce

Platformada hozirda 1 milliondan ortiq mahsulot mavjud, sotuvchilar soni esa 12 mingdan oshgan. 800 dan ortiq yetkazib berish punktlari orqali xizmat koʻrsatadigan Uzum Market’da 9 oy davomida buyurtmalar soni ikki yarim barobarga oʻsib, 14 milliondan oshdi.

Fintex

Avgust oyida Uzum Bank virtual kartasi sinov loyihasini ishga tushirdi. Oktabr oyidan boshlab barcha foydalanuvchilar ushbu kartadan foydalanish imkoniyatiga ega boʻlishdi...

14-noyabr kuni O‘zbekiston Respublikasi valyuta birjasida dollarning rasmiy kursi 7,90 so‘mga pasayib, 12 800,13 so‘mni tashkil etdi.

Moliya institutlari AQSh valyutasini 12 745 – 12 790 so‘mdan xarid qilishmoqda va 12 820 – 12 870 so‘mdan sotishmoqda.

Eslatib o‘tamiz, 13-noyabr kuni ushbu valyutaning narxi deyarli 15 so‘mga o‘sgan edi.

Qozog‘istonda Olmaota – Turkiston – Toshkent – Olmaota yo‘nalishi bo‘yicha yangi «Ipak yo‘li» temir yo‘l safari yo‘lga qo‘yilmoqda. Birinchi reys 2024-yil 16-noyabrda jo‘nab ketadi, deb xabar berdi Qozog‘iston Turizm va sport vazirligi.

To‘rt kun davomida sayyohlar Turkiston va Toshkentning asosiy diqqatga sazovor joylariga tashrif buyurib, Buyuk Ipak yo‘li bo‘ylab qadimiy shaharlar tarixi va madaniyati bilan tanishish imkoniyatiga ega bo‘ladilar.

Tur dasturiga gid hamrohligi, ovqatlanish, transport va kirish chiptalari kiradi. Yo‘lovchilar qadimiy O‘tror shahri, Ariston bobo maqbarasi, «Azret Sulton» qo‘riqxona-muzeyi va «Karvonsaroy» majmuasi kabi tarixiy obidalarni ziyorat qiladilar. Toshkentda esa shaharning tarixiy va zamonaviy yodgorliklari boʻylab ekskursiyalar tashkil etiladi.

Avvalroq...