Yangiliklar

Nukus shahri aholisi endilikda kafe va restoranlardan tayyor taomlarni Yandex Go orqali buyurtma qilishi mumkin. Xizmat ishga tushirilgan paytida Oqtepa Lavash, Evos, Feed Up, Grand Lavash, Premier Lounge, Qoraqalpog‘im, Forest va boshqa 30 dan ortiq restoran platformaga ulandi. Bu haqda Yandex Go kompaniyasi Kursiv Uzbekistan’ga xabar berdi.

Restoranlar ro‘yxati va yetkazib berish hududi asta-sekin kengaytirilib, foydalanuvchilarga ko‘proq tanlov, restoranlarga esa sotuvni oshirish uchun yangi imkoniyatlar taqdim etiladi.

O‘rtacha yetkazib berish vaqti taxminan 30 daqiqani tashkil etadi va buyurtmalar logistika xizmatlari hamkorlari va restoran kuryerlari tomonidan amalga oshiriladi. Yetkazib berishning barcha bosqichlari ilovada onlayn rejimda kuzatib boriladi.

Xizmatning boshlanishda foydalanuvchilarga bepul...

19-noyabr, seshanba kuni futbol bo‘yicha O‘zbekiston milliy terma jamoasi 2026-yilgi jahon chempionati saralash bosqichi doirasida KXDR terma jamoasiga qarshi bahs olib boradi. Futbol mutaxassisi Alisher Nikimbaev Kursiv Uzbekistan nashriga ushbu uchrashuvning ehtimoliy natijalari haqida fikr bildirdi.

«G‘alaba ko‘plab omillarga bog‘liq. Umid qilamanki, yaqinda Qatar bilan bo‘lgan o‘yin o‘zbekistonlik futbolchilarni ruhlantirib, ularga vaziyatga boshqa nuqtai nazardan qarashga majbur qiladi», – dedi ekspert.

«Shunga qaramay men biz guruhda ikkinchi o‘rin bilan keyingi bosqichga chiqamiz deb hisoblayman. Dastlab men Eron guruhning favoriti bo‘lgani uchun birinchi o‘rinni egallamasligimizni taxmin qilgan edim. Menimcha, ertaga biz durang o‘ynaymiz», – dedi Nikimbaev Shimoliy koreya terma jamoasi bilan...

Xorazm viloyati Urganch tumanidagi novvoyxona 2 milliard so‘mlik gazni noqonuniy ravishda sarflagan, deb xabar berdi «O‘zenergoinspeksiya» matbuot xizmati.

Inspeksiya xodimlari novvoyxona to‘g‘ridan-to‘g‘ri gaz ta’minoti tizimiga ulangani va hisoblagichsiz ishlatilayotganini aniqladi.

Yoqilg‘i o‘g‘irlash bo‘yicha ish mahalliy huquq-tartibot idoralariga o‘tkazildi.

Avvalroq Kursiv Uzbekistan nashri Sirdaryo viloyatidagi gazni noqonuniy sarflash holati haqida yozgan edi.

O‘zbekistonliklar qishda dam olish uchun issiq iqlimli mamlakatlarni afzal ko‘rmoqda. Bu haqda Aviasales matbuot xizmati Kursiv Uzbekistan’ga xabar berdi.

Yil davomida O‘zbekiston fuqarolari orasida Dubay va Abu-Dabi shaharlariga qiziqish ortdi, deb xulosa qilmoqda ekspertlar.

Aviasales ma’lumotlariga ko‘ra, Malayziyaning Kuala-Lumpur shahri, Indoneziyaning Bali oroli va Qozog‘istonning Olmaota shahri ham o‘zbekistonliklar orasida mashhur sayyohlik yo‘nalishlaridan bo‘lib qolmoqda.

Qayd etilishicha, yil davomida o‘zbekistonliklar orasida xorijga aviachiptalarga bo‘lgan talab 14 foizga oshgan.

Avvalroq Kursiv Uzbekistan o‘n oy ichida O‘zbekistonga 6,5 million xorijiy sayyoh tashrif buyurgani haqida yozgan edi.

Oʻzbekiston prezidenti Shavkat Mirziyoyev parlament va hukumat organlarining faoliyatiga bagʻishlangan yigʻilishda vazirliklar va parlament qoʻmitalarining aholi bilan bevosita muloqot qilib, ularning muammolarini hal qilishga e’tibor qaratishi lozimligini ta’kidladi.

Prezidentning ta’kidlashicha, vazirliklarning eng katta kamchiligi – quyi boʻgʻinda, ayniqsa, tuman va shahar darajasida samarali ish tashkil eta olmayapti. Endilikda vazirliklar uchun aholi bilan bevosita muloqot qilib, odamlarni qiynayotgan muammolarni joyida hal etish bosh vazifa boʻlishi kerak.

Bundan buyon har bir rahbar va mutasaddi faoliyatiga aynan shu mezon asosida baho beriladi.

Shuningdek, prezident deputatlarni vakolatlari doirasida oʻz okruglaridagi tuman va shahar darajasida soʻrov va talabni kuchaytirishga chaqirdi. Parlament qoʻmitalari esa vazirliklar...

Oliy Majlis Qonunchilik palatasining yangi tarkibdagi birinchi majlisida Shavkat Mirziyoyev so‘zga chiqib, saylovlar natijasida Qonunchilik palatasi tarkibi qariyb 60 foizga yangilanganini aytdi. Bu haqda prezident matbuot xizmati kotibi Sherzod Asadov ma’lum qildi.

Markaziy saylov komissiyasining faoliyati sezilarli kuchaygani, professional saylov organlari tashkil etilgani saylovlarning haqqoniy ruhda oʻtishida muhim rol oʻynadi.

Deputatlarning 11 nafari 35 yoshgacha, ilk bor yoshlar parlamentining 2 nafar vakili Qonunchilik palatasi deputati etib saylandi. Ayniqsa, deputatlarning 38 foizini ayollar tashkil etgani mintaqadagi eng yuqori koʻrsatkichdir.

Tariximizda ilk bor nogironligi boʻlgan fuqaromiz Qonunchilik palatasi deputati etib saylandi.

Yangi tarkibda 63 nafar deputat qayta saylangani esa parlament ishida...

«Korrupsiyaga qarshi kurashda xabar berishning o‘rni va ta’siri» mavzusida o‘tkazilgan so‘rov natijalari e’lon qilindi. Respondentlarning 74 foizi bunday holatlar haqida ma’lum qilishga tayyor ekanini bildirgan. Ushbu tadqiqot Korrupsiyaga qarshi kurashish agentligi tomonidan amalga oshirildi.

Respondentlarning 82,2 foizi korrupsiyaga oid murojaatlarni elektron platformalar yoki mobil ilovalar orqali yuborishni afzal ko‘rishini bildirgan. Murojaat qilishga to‘sqinlik qiluvchi sabablar orasida, xususan, qayerga murojaat qilishni bilmaslik (20,4 foiz) va korrupsiyadan o‘zi manfaatdor bo‘lish (19,8 foiz) alohida ajralib turadi.

Shuningdek, so‘rovda ishtirok etganlarning 13,8 foizi minnatdorchilik belgisi sifatida sovg‘a berishni odatiy hol deb hisoblashini bildirgan bo‘lsa, 7,4 foizi buni korrupsiya ekanini bilmasligini aytgan.

Mazkur natijalar...

Rossiyalik mashhur YouTube blogeri va shaharsozlik tahlilchisi Ilya Varlamov o‘z Telegram kanalida Toshkentda yashash istagi borligini bildirdi.

U avvaldanoq o‘z videolarida Toshkentning boy madaniy merosi, tarixiy me’morchiligi va zamonaviy rivojlanish jarayonlari haqida iliq fikrlarni bildirib kelgan edi.

«Madaniyatshunoslikni o‘rganardim. Juft kunlarda Hazrati Imom ansambliga, toq kunlarda esa ko‘rkam bekatlarga ega Toshkent metrosiga tashrif buyurgan bo‘lardim. Toshkent hayvonot bog‘iga borib, qor qoplonlari va tuyalarni tomosha qilardim. Hammaga Abdul sher haqida gapirib berardim. Shunday qadimiy Eski-shahar turganda sayyohlik ko‘chalariga e’tibor ham bermasdim. Chorsu bozoridan nodir kitoblarni ovlagan bo‘lardim. Ko‘kaldosh madrasasi suratini chizardim. Navoiy xiyobonini aylanib yurardim. «Yalla»ni...

Ayni paytda O‘zbekiston Respublikasi Oliy Majlisi Qonunchilik palatasining yangi chaqiriqdagi birinchi tashkiliy majlisi bo‘lib o‘tmoqda. Bu haqda O‘zA ma’lum qildi.

Unga ko‘ra, majlis davomida deputatlar «O‘zbekiston Respublikasi Oliy Majlisi Qonunchilik palatasining Reglamenti to‘g‘risida»gi Qonunga muvofiq Spiker lavozimiga nomzod ko‘rsatish jarayonini boshlashdi.

Ushbu yig‘ilish doirasida Siyosiy partiyalar vakillari kengashi tashkil etilib, ular tomonidan Spikerlikka nomzodlar muhokama qilindi. Kengashning taklifiga asosan, deputatlar yashirin ovoz berish yo‘li bilan O‘zXDP a’zosi Nuriddin Ismoilovni Qonunchilik palatasi Spikeri etib saylashdi.

Eslatib o‘tamiz, avvalroq prezident Senat a’zolarini tayinlagani haqida yozgan edik.

Davlat aktivlarini boshqarish agentligi «Uz Chasys» MChJ ustav kapitalidagi 70% davlat ulushini sotuvga qo‘yganini e’lon qildi.

Unga ko‘ra kompaniya 2008-yilda tashkil etilgan bo‘lib, avtomobillar uchun elektr yoritish tizimlari ishlab chiqarishga ixtisoslashtirilgan. Ustav fondi deyarli 13 mlrd so‘mni tashkil etadi.

Kompaniya ustav kapitalining 30% ulushiga Koreyaning «AMS Co. LTD» kompaniyasi egalik qiladi. Ular ham o‘z ulushini Davaktiv agentligi bilan bir vaqtda sotishga tayyorligini bildirgan.

Savdo jarayoni ochiq raqobat asosida amalga oshiriladi. Xaridorlar korxonaning asosiy faoliyatini kamida 10 yil davomida saqlab qolishlari, ish o‘rinlarini 2 yil mobaynida qisqartirmasliklari va litsenziya kelishuvlariga rioya qilishlari talab etiladi.

Arizalar 2024-yil 17-dekabr soat...

«Oʻzbekiston temir yoʻllari» kompaniyasi «Toshkent – Buxoro – Toshkent» yoʻnalishida yangi poyezd qatnovni yoʻlga qoʻyishni rejalashtirmoqda. Bu haqda respublika Transport vazirligi ma’lum qildi.

«Toshkent yo‘lovchi vagonlarini qurish va ta’mirlash zavodi»da ishlab chiqarilgan poyezd 12 ta vagondan iborat boʻlib, ulardan ikkitasi VIP-yoʻlovchilar uchun, toʻrttasi biznes-klassga moʻljallangan.

Poyezdning o‘ziga xos xususiyati konditsioner tizimi bo‘lib, u poyezd to‘xtayotganda ham o‘z ishini davom ettiradi.

Hozirda poyezd Toshkentdan Buxorogacha bo‘lgan yo‘nalishda sinovdan o‘tmoqda. Uni yaqin kunlarda liniyaga o‘tkazish rejalashtirilgan. Yo‘nalishning ishga tushirilishi Oʻzbekiston davlat bayrogʻi qabul qilinganining 33-yilligiga bagʻishlanadi.

Avvalroq Kursiv Uzbekistan kuni kecha Olmaotadan Toshkentga birinchi sayyohlik poyezdi yo‘lga chiqqani haqida...

Hindiston gipertovushli raketaning birinchi muvaffaqiyatli sinovini amalga oshirdi. Bu haqda Bloomberg axborot agentligi ma’lum qildi.

Unga ko‘ra sinov Odisha shtati qirg‘oqlarida o‘tkazilib, raketa 1500 km masofaga yuk tashish qobiliyatiga ega ekani tasdiqlandi.

Hindiston Mudofaa vaziri Rajnat Singx ushbu yutuqni Hindiston uchun «asosiy bosqich» deb atadi.

Ma’lumot uchun, gipertovushli raketalar yuqori tezlik va manevrlik bilan an’anaviy mudofaa tizimlarini chetlab o‘tish uchun yaratilgan.

Xitoy, AQSh va Rossiya eng rivojlangan gipertovushli texnologiyalarga ega bo‘lsa, Hindiston bu borada texnologiyani o‘rganuvchi mamlakatlar orasida Yaponiya, Avstraliya va Fransiya bilan bir qatordan joy olmoqda.

Eslatib o‘tamiz, avvalroq Apple kompaniyasi iPhone Pro ishlab chiqarishni Hindistonga ko‘chirishi...

Tiffany & Co tomonidan ishlab chiqarilgan oltin qimmatbaho cho‘ntak soati «Henry Aldridge and Son» auksionida deyarli $2 millionga sotildi. Ushbu buyum ilgari «Titanik» layneri yoʻlovchilarini qutqarishga rahbarlik qilgan «Karpatiya» kemasi kapitani Artur Rostronga tegishli boʻlgan. Bu haqda BBC xabar bermoqda.

Rostron ushbu soatni «Titanik»dan omon qolgan yo‘lovchilar tomonidan sovg‘a sifatida olgan. Afsonaviy laynerning halokat signali bilan yetib kelgan «Karpatiya» kemasi 700 dan ortiq odamlarni qutqarib qolgan deb taxmin qilinadi.

Mazkur soat 1,56 million funt sterlingga ($1,97 million) sotilib, «Titanik» bilan bog‘liq esdalik buyumlari bo‘yicha rekord summa sifatida qayd etildi. Yangi egasining ismi oshkor qilinmadi.

Avvalroq Kursiv Uzbekistan Indiana...

Toshkentda qilichbozlik bo‘yicha yoshlar o‘rtasidagi Jahon kubogi bosqichi yakunlandi. Ayollar va erkaklar dasturlarida O‘zbekiston terma jamoasi g‘oliblikni qo‘lga kiritdi. Bu haqda Milliy olimpiya qo‘mitasi (MOQ) xabar berdi.

Yakuniy bahslarda O‘zbekiston erkaklar terma jamoasi qozog‘istonlik qilichbozlarni, ayollar esa terma jamoasi Bolgariya vakillarini mag‘lubiyatga uchratdi.

Uchinchi o‘rinni Vengriya (erkaklar o‘rtasida) va Ruminiya (ayollar o‘rtasida) jamoalari egalladi.

Avvalroq Kursiv Uzbekistan o‘tgan hafta o‘zbekistonlik futbolchilar Qatarga imkoniyatni boy bergani haqida yozgan edi.

Bugun, 18-noyabr kuni Qoraqalpog‘iston Respublikasi, Xorazm, Buxoro, Navoiy va Toshkent viloyatlarida yog‘ingarchilik bo‘ladi. Boshqa viloyatlarda quruq ob-havo kuzatiladi. O‘rtacha havo harorati 15-20 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida ertalab yomg‘ir yog‘ishi ehtimoli bor. Kunduzi havo 18-20 daraja iliq bo‘ladi.

Tog‘li hududlarda ham yomg‘ir va qor yog‘adi. Ba’zi joylarda tuman tushadi. Kunduzi 5-10 daraja iliq bo‘ladi.

Italiya xayriya tashkiloti tomonidan yig‘ilgan 15 tonnalik oziq-ovqat Kiprning Larnaka va Isroilning Ashdod shaharlari orqali anklavga yetkaziladi. Bu haqda Euronews axborot agentligi ma’lum qildi.

Unga ko‘ra, Misericordie xayriya tashkiloti tomonidan yig‘ilgan oziq-ovqat harbiy samolyotlarda Piza aerodromidan Kiprning Larnaka shahriga yetkazildi. Keyin u Kipr hukumati tashabbusi bilan BMT va Yevropa Ittifoqi kabi xalqaro hamkorlar bilan hamkorlikda Kipr dengiz yo‘lagi orqali Isroilning Ashdod portiga jo‘natiladi.

Isroil uzoq vaqtdan beri G‘azoga yordam oqimini to‘sib qo‘ygani uchun tanqid qilinib kelinishiga qaramasdan, bu rad etib kelinmoqda edi.

Payshanba kuni BMTning Gumanitar masalalarni muvofiqlashtirish boshqarmasi yana Isroilni ochlikdan urush quroli sifatida foydalanganlikda aybladi.

Uning ma’lumotlariga...

Oqmo‘la viloyatining Qo‘rg‘aljin tumanidagi sobiq masjid binosida gaz portlashi sodir bo‘ldi. Bu haqda Tengri news ma’lum qildi.

Favqulodda vaziyatlar xizmatining ma’lumotiga ko‘ra, gaz-havo aralashmasining portlashi natijasida bino qulab tushgan. Baxtsiz voqea joyida 1978-yilda tug‘ilgan erkak, 1983-yilda tug‘ilgan ayol va 2012-yilda tug‘ilgan bola halok bo‘lgan.

Hodisa joyida qutqaruv ishlari davom etmoqda. Viloyat hokimiyati voqea sabablarini aniqlash va zarur yordam ko‘rsatish choralarini ko‘rmoqda.

Eslatib o‘tamiz, avvalroq Qozog‘istonda vertolyot qulashi oqibatida bir kishi halok bo‘lgan edi.

21 yoshli raqqosa, tadbirkor va huquqshunos Viktoriya Kjaer Theilvig Daniya uchun ilk bor «Koinot go‘zali» tojini olib berdi. Bu haqda CNN axborot agentligi ma’lum qildi.

Unga ko‘ra, Viktoriya «Koinot go‘zali» tanlovida birinchi daniyalik g‘olib bo‘lib, Mexiko shahrida o‘tkazilgan finalda 120 dan ortiq ishtirokchilarni ortda qoldirdi. Viktoriya tojni amaldagi g‘olib, nikaragualik Sheynnis Palasiosdan qabul qilib oldi.

Bu yilgi tanlov yosh chegarasining olib tashlanishi bilan tarixiy ahamiyatga ega bo‘ldi. Ilk bor 28 yoshdan oshgan ayollar va onalar ishtirok etish imkoniga ega bo‘ldi. Musobaqa davomida yarim finalchilar suzish liboslari va kechki liboslar tanlovlarida o‘z mahoratini namoyish etishdi. Yakuniy bosqichda Viktoriya chidamlilik va...

O‘zbekiston va Qatar raqamli texnologiyalar va innovatsiyalar sohasidagi aloqalarni mustahkamlaydi. Bu haqda Kursiv Uzbekistan nashriga vakillik matbuot xizmati ma’lum qildi.

Unga ko‘ra Qatar bilan hamkorlik bu borada strategik ahamiyatga ega. Ikki davlat o‘rtasidagi aloqalar IT, ta’lim, sarmoya va savdo-iqtisodiy sohalarni qamrab olgan. Ayniqsa, axborot texnologiyalari yo‘nalishida qo‘shma loyihalarni amalga oshirish, innovatsion yechimlarni ishlab chiqish va IT-mutaxassislar tayyorlash bo‘yicha imkoniyatlar faol ko‘rib chiqilmoqda.

2024-yil 16 – 20-noyabr kunlari Qatarda bo‘lib o‘tadigan Mobile 360 ​​Eurasia xalqaro konferensiyasida O‘zbekiston delegatsiyasi ishtirok etmoqda. Unda mamlakatning raqamli transformatsiya strategiyalari, innovatsiyalarni rag‘batlantirish va IT sohasini rivojlantirish borasidagi yondashuvlari namoyish etiladi.

Ushbu tadbir davomida Qatarning bir...

Boku shahrida bo‘lib o‘tgan COP29 konferensiyasida Iqtisodiyot va moliya vazirligi delegatsiyasi GGGI bosh direktor o‘rinbosari Helena McLeod bilan uchrashuv o‘tkazdi. Bu haqda vazirlik matbuot xizmati ma’lum qildi.

Unga ko‘ra, tomonlar o‘zaro hamkorlik loyihalari, jumladan, Parij bitimini amalga oshirish va Koreya Respublikasi bilan iqlim bo‘yicha birgalikdagi harakatlar doirasidagi loyihalarni muhokama qildi.

Yashil investitsiyalarni safarbar qilish, barqaror qishloq xo‘jaligi va ekologik baholashni rivojlantirish masalalari ko‘tarilib, uchrashuv yakunida $6,5 mln miqdorida grant ajratish bo‘yicha kelishuv imzolandi. Bu kelishuv O‘zbekistonda yashil iqtisodiyotga o‘tishni qo‘llab-quvvatlashni maqsad qiladi.

Eslatib o‘tamiz, avvalroq Oʻzbekiston va Germaniya 3 mln yevrolik yangi shartnoma imzolagan edi.

2026-yilgi Lexus ES yangilangan ko‘rinishda namoyish etildi. Bu haqda Carscoops axborot nashri ma’lum qildi.

Unga ko‘ra, model yangi matritsali LED faralar va kapotga qarab torayib boruvchi o‘ziga xos panjaraga ega bo‘lib, bu dizayn avvalgi Lexus RX modelini eslatadi. Orqa qismda esa chiroqlar o‘rtasida joylashgan LED tasma avtomobilga zamonaviy ko‘rinish beradi.

Salondagi eng ko‘zga tashlanadigan yangilik Lexus RX kabi 14 dyuymli ekranga ega mediatizimdir. Avvalroq avtomobil 12,3 dyuymli diagonali ekranga ega mediatizim bilan jihozlangan edi. Sedan, shuningdek, qayta ishlangan vites selektori, takomillashtirilgan ovozli boshqaruv tizimi va ichki bezak va qoplamaning yangi variantlarini oldi.

Texnik nuqtai nazardan, deyarli hech narsa o‘zgarmagan...

Adliya vazirligi Rossiyaning «Nevskiy konditor» MChJga tegishli «Картошка» shokoladining noqonuniy nusxasi ishlab chiqarilayotgani haqida murojaat oldi. Bu haqda Intellektual mulk agentligi ma’lum qildi.

O‘tkazilgan tekshiruv natijasida «F.Y» MChJ tomonidan ushbu shokoladning kontrafakt mahsulotlari savdoga taklif etilgani aniqlangan.

Huquqbuzar kompaniyaga qonun buzilishlarini bartaraf etish talabi kiritildi va bu holat bartaraf etildi. Qonunchilikka ko‘ra, tovar belgisidan qonunga zid foydalanish kontrafakt hisoblanadi va huquqiy javobgarlikka sabab bo‘ladi.

Eslatib o‘tamiz, avvalroq «Bio Smekta» biofaol qo‘shimchasini tasdiqlagan labaratoriya seritifikati bekor qilingan edi.

Ilon Mask amerikalik senatorlarning uning Rossiya bilan aloqalari bo‘yicha tekshiruv talab qilgani va SpaceX’ni hukumat shartnomalaridan mahrum qilish masalasini ko‘tarishlarini keskin tanqid qildi. Bu haqda Tass axborot agentligi ma’lum qildi.

Unga ko‘ra, milliarder senatorlar Jan Shaxin va Jek Ridni «qo‘g‘irchoqlar» deb atab, ayblovlarni ilgari surganlarni «topib, yo‘q qilishini» aytdi.

Maskning ushbu bayonoti X (sobiq Twitter) platformasida joylangan. U senatorlarning talablarini asossiz deya ta’kidlab, «Bu hujjatni kim yozgan va senatorlarni imzolashga kim majburlagan?» degan savolni ko‘targan.

Bunga javoban, The Wall Street Journal gazetasi Maskning Rossiya prezidenti Vladimir Putin bilan muntazam aloqada bo‘lishi mumkinligini xabar qilgan, ammo Kreml bu iddaolarni rad...

Shavkat Mirziyoyev O‘zbekiston Respublikasi Oliy Majlisi Senati a’zolarini tayinlash to‘g‘risidagi farmonni imzoladi. Bu haqda davlat rahbari matbuot xizmati ma’lum qildi.

Ular orasida Ziyo Azamat Hamid o‘g‘li (FA Tarix instituti direktori), Yo‘lchiyeva Munojatxon Abduvaliyevna (O‘zbek milliy musiqa san’ati instituti professori), Rafiqov Qudratilla Mirsagatovich (Kasaba uyushmalari Federatsiyasi raisi), Sa’dullayev Alisher Zafar o‘g‘li (Yoshlar ishlari agentligi direktori), Safoyev Sodiq Solixovich (Senat Raisining birinchi o‘rinbosari), Ko‘chimov Abdusaid Ko‘chimovich (Milliy axborot agentligi bosh direktori), Raxmankulov Mir-Akbar Xodji-Akbarovich (Prezident huzuridagi Qonunchilik va huquqiy siyosat instituti direktori), Turdiyev Sodiqjon («Nuroniy» jamg‘armasi boshqaruvi raisi) hamda Xudaybergenov Tursinxan Aydarovich (Prezidenti maslahatchisi) kabi ko‘zga ko‘ringan yetakchilar bor.

Ushbu tayinlovlar mamlakatning ilm-fan, san’at...