Yangiliklar

O‘zbekiston Kimberli jarayoni sertifikatlashtirish sxemasiga qo‘shilib, xalqaro olmos bozorida faoliyat yuritish imkoniyatlarini kengaytirdi. 2024-yil 12-15-noyabr kunlari Dubayda (Birlashgan Arab Amirliklari) Kimberli jarayonining 21-yillik yalpi majlisi bo‘lib o‘tdi. Unda O‘zbekistonning murojaati ijobiy baholandi va mamlakat to‘laqonli a’zo sifatida qabul qilindi, deb xabar bermoqda Investitsiyalar, sanoat va savdo vazirligi.

Bu qaror joriy yil oktabr oyida Kimberli jarayoni ekspert missiyasining O‘zbekistonga tashrifi davomida respublikaning minimal talablarni bajargani uchun ijobiy baho olganidan so‘ng qabul qilindi.

Kimberli jarayoni noqonuniy qazib olingan yoki «qonli» deb ataluvchi olmoslarning jahon bozoriga kirib kelishiga qarshi kurashuvchi xalqaro hukumatlararo tashabbusdir. Ushbu tizimga a’zo bo‘lmagan mamlakatlar ishlov berilmagan olmos sotib...

Jismoniy tarbiya fani o‘qituvchilariga malaka toifasi berishning yangi tartibi ishlab chiqiladi. Bu haqda PQ-392-son prezident qarori qabul qilindi.

2024-yil 15-noyabr kuni jismoniy tarbiya fanini o‘qitilishi hamda fan doirasidagi o‘qituvchilarning kasbiy faoliyatini rivojlantirishga qaratilgan prezident qarori tasdiqlandi.

Hujjatga muvofiq kelgusi yildan boshlab maktab o‘quvchilarining yosh toifasi bo‘yicha olimpiya va ommaviy sport turlariga ustuvorlik berish orqali sport turlari ro‘yxati shakllantiriladi.

Shuningdek, kelgusi yildan 1-iyuliga qadar jismoniy tarbiya fani o‘qituvchilarining bilim darajasi va kasbiy mahoratini aniqlash bo‘yicha milliy baholash tizimi ishlab chiqiladi va amaliyotga joriy etiladi.

Bundan tashqari, 2025/2026-o‘quv yilidan boshlab har bir maktabda bosqichma-bosqich maktab sport klublari faoliyati yo‘lga qo‘yiladi va...

Prezident qaroriga muvofiq uy sharoitida tirik pilla yetishtirayotganlar daromad solig‘idan ozod qilinadi. Bu haqda Huquqiy axborot Telegram kanalida ma’lum qilindi.

Qayd etilishicha, 2024-yil 15-noyabrdagi qarori bilan Soliq kodeksiga kiritilgan yangi qo‘shimchalar uy sharoitida tirik pilla yetishtirayotgan kasanachilarga foyda keltiradi.

2023-yil 1-yanvaridan 2026-yil 1-yanvariga qadar, uy sharoitida tirik pilla yetishtirish faoliyatidan olingan daromadlar jismoniy shaxslardan olinadigan daromad solig‘idan ozod qilinadi.

Shuningdek, uy sharoitida pilla yetishtiruvchilarning mehnatiga haq to‘lashga yo‘naltirilgan mablag‘lar ham ijtimoiy soliqdan ozod qilinadi.

Qonunga ko‘ra, tutzorlar bilan band bo‘lgan yer uchastkalari uchun yer solig‘i 0,1 koeffitsiyent qo‘llangan holda hisoblanadi.

Eslatib o‘tamiz, avvalroq Kursiv Uzbekistan may...

O‘zbekistonlik Adelya Kurmaeva va Yoqubjon Sokhibov Osiyo Futbol Konfederatsiyasi (AFC) komissarlari ro‘yxatiga kiritildi. Bu haqda futbol eksperti Alisher Nikimbayev ma’lum qildi.

Qayd etilishicha, ularni komissarlar ro‘yxatiga kiritish qarori AFC seminari davomida qabul qilingan.

O‘zbekiston futboli tarixida ilk bor faol komissarlar soni to‘rt kishiga yetdi.

Eslatib o‘tamiz, avvalroq Kursiv Uzbekistan futbol bo‘yicha O‘zbekiston milliy terma jamoasi Qatar jamoasiga mag‘lub bo‘lganini xabar bergan edi.

«Brilliant qo‘l» filmida Anna Sergeyevna roli ijrochisi aktrisa Svetlana Svetlichnaya 84 yoshida vafot etdi. Bu haqda RBK nashri xabar berdi.

Svetlichnaya 1940-yilda Armanistonda tug‘ilgan. 1959-yilda «Alla» filmi bilan kinosanoatdagi debyutini amalga oshirgan.

Aktrisa o‘z faoliyati davomida «Bahorning o‘n yetti lahzasi» va «Uchrashuv joyini o‘zgartirish mumkin emas» kabi filmlarda rol ijro etgan. U oxirgi marotaba «Belovod’ye. Yo‘qolgan mamlakat siri» filmida ishtirok etgan.

Svetlichnaya 30 yildan ortiq vaqt davomida xalq artisti Vladimir Ivashov bilan turmush qurgan, u «Askarning balladasi», «Zamondosh qahramoni» va boshqa filmlardagi rollari bilan mashhur. Ivashov 1995-yilda 55 yoshida vafot etgan.

Ma’lumotlarga ko‘ra, 1990-yillarning oxirida aktrisa...

Ispace hamda SpaceX kompaniyalarining Mission 2 parvozi kelgusi yil yanvar oyiga ko‘chirilgani haqida ma’lum qilindi. Bu haqda kompaniya matbuot xizmati xabar berdi.

Ma’lumotlarga ko‘ra, Oyga qo‘nuvchi kosmik apparat reja bo‘yicha tayyorlanmoqda va u uchirishga yakuniy tayyorgarlik uchun belgilangan jadval asosida Floridaga yetkaziladi.

«Biz kosmik agentliklar, davlat idoralari va butun dunyo bo‘ylab kompaniyalar bilan $99 million qiymatidagi memorandumlar va vaqtinchalik foydali yuk xizmatlarini ko‘rsatish bitimlarini (iPSA) imzoladik», – dedi ispace kompaniyasi direktori Djumpei Nodzaki.

Kompaniyaning moliyaviy natijalari, Mission 3 uchun foydali yuklarning sotilishi bo‘yicha o‘tgan moliyaviy yilga nisbatan sezilarli o‘sishni ko‘rsatmoqda.

Joriy yilning 15-noyabr kuni prezident Shavkat Mirziyoyev huzuridagi yig‘ilish yakunlari bo‘yicha noyabr oyida sovuq tufayli davlat rahbari mutasaddilarga uzluksiz elektr ta’minotini ta’minlash bo‘yicha topshiriq bergan.

Energetika vazirligi rahbari Jo‘rabek Mirzamahmudov O‘zbekiston 24 telekanaliga bergan intervyusida noyabr oyida ob-havo sovigani sabab aholi uchun ham, iqtisodiyot tarmoqlari uchun ham energiya resurslarini uzluksiz yetkazib berishni ta’minlash uchun zaxiralar, jumladan, gaz omboridan gaz jalb qilinganini ma’lum qildi.

Shuningdek, barcha energetika quvvatlarini ishga tushirib, qo‘shni davlatlar energetika tizimlari bilan elektr energiyasi tovar aylanmasini ta’minlash vazifasi qo‘yildi.

Bundan tashqari, mas’ul O‘zbekiston 24 telekanaliga bergan intervyusida harorat -10, -20 darajagacha pasayganda oylar va tumanlar kesimida harakatlar...

Humo tizimining xususiylashtirilishi davom etadi, ammo endi Qozog‘istonning Kaspi kompaniyasi ushbu jarayonda ishtirok etmaydi. Bu haqda kompaniya matbuot xizmati xabar berdi.

Qayd etilishicha, Kaspi kompaniyasi O‘zbekistonda raqamli transformatsiyani rivojlantirishga o‘z hissasini qo‘shishni davom ettirishini bildirgan.

Eslatib o‘tamiz, iyul oyida Humo to‘lov tizimi xususiylashtirilish jarayoni boshlandi. Shundan so‘ng avgust oyida Kaspi kompaniyasi ushbu jarayonda ishtirok etishni rejalashtirganini ma’lum qilgan edi.

Sentabr oyida davlat aktivlarini boshqarish agentligi, sotuvchilar hamda 8 kompaniyadan arizalar qabul qilganini, ulardan 6 tasi keyingi bosqichga o‘tganini e’lon qildi.

Bu bosqichda nomzodlar moliyaviy va boshqa ma’lumotlarni diqqat bilan tekshirgan yoki ularga oid chuqur o‘rganish ishlari olib borgan.

O‘zbekistonda «Bolalarni zo‘ravonlikning barcha shakllaridan himoya qilish to‘g‘risida»gi yangi qonun (O‘RQ–996-son, 14.11.2024 y.) qabul qilindi.

Hujjatda bolalarga nisbatan zo‘ravonlikning bir qancha turlari qayd etilgan.

Masalan, jismoniy, jinsiy, ruhiy zo‘ravonlik, g‘amxo‘rlik ko‘rsatmaslik, ekspluatatsiya qilish, ta’qib etish (bulling) — ya’ni shaxsga nisbatan davomli ravishda psixologik, og‘zaki yoki jismoniy zo‘ravonlik qilinishi, uni tahqirlash, masxara qilish yoki qo‘rqitish.  

Davlat bolalarni himoya qilish uchun huquqiy, ma’muriy, ijtimoiy va iqtisodiy chora-tadbirlarni ko‘radi. Jumladan, zo‘ravonlikdan jabrlanganlarga himoya orderi berish tartibi joriy etiladi.

Himoya orderi:

Himoya orderi ichki ishlar organlari tomonidan berilib, zo‘ravonlikdan jabrlanuvchiga yoki uning qonuniy vakiliga vakolatli davlat organi ishtirokida topshiriladi...

Afsonaviy Mayk Tayson bloger Jeyk Polga qarshi jangda ochkolar hisobida mag‘lubiyatga uchradi. Jang Netflix tomonidan jonli efirda taqdim etildi.

Boks faxriysi Mayk Tayson va bloger Jeyk Pol o‘rtasida jang to‘liq 8 raund davom etdi. Hakamlar jangni Polning foydasiga 80-72, 79-73, 79-73 deya baholadi.

Umumiy hisob-kitoblarga ko‘ra ushbu g‘alaba Polning karyerasidagi 11-g‘alabasi bo‘ldi. «Temir» Mayk esa o‘zining yettinchi mag‘lubiyatini qabul qildi.

Eslatib o‘tamiz, avvalroq Kursiv Uzbekistan Tayson va Pol o‘rtasidagi jang bo‘yicha mutaxassis fikrini o‘rgangan edi.

Hozircha rasman taqdim etilmagan Samsung Galaxy S25 Geekbench’da sinovdan o‘tkazildi, natijada operativ xotira hajmi oshgani ma’lum bo’ldi. Bu haqda Sammobile xabar berdi.  

Galaxy S24’da 8 GB bo‘lgan operativ xotira hajmi, endilikda Galaxy S25’da 12 GB’ni tashkil etadi.

Qayd etilishicha, xotira hajmining 50 foizga oshishi interfeysning silliq ishlashiga, resurs talab qiladigan ilovalar va sun’iy intellekt funksiyalarining ishiga ijobiy ta’sir qiladi.

Bundan tashqari, Galaxy S25 SM-S931N katalog raqami bilan Janubiy Koreya bozori uchun benchmark sinovidan o‘tkazildi.

Dastlabki ma’lumotlar va Geekbench sinovi natijalariga ko‘ra, Galaxy S25 Plus ham xuddi shunday 12 GB operativ xotiraga ega bo‘ladi. Galaxy S25 Ultra esa...

O‘zbekiston prezidenti yordamchisi Saida Mirziyoyeva 15-noyabr kuni talabalar bilan uchrashdi.

Prezident yordamchisi hamda talabalar o‘rtasida ochiq va samimiy muloqot bo‘lib o‘tdi. 

«Yoshlarni tinglash nihoyatda muhim, chunki umumiy kelajagimizni aynan ular barpo etadilar», – dedi Mirziyoyeva.

Uchrashuv davomida dolzarb masalalar muhokama qilindi, g‘oyalar o‘rtoqlashildi va fikr almashildi.

Eslatib o‘tamiz, avvalroq Kursiv Uzbekistan Saida Mirziyoyeva Qatar va Marokash malikalari bilan birga nufuzli moda tadbirida ishtirok etgani haqida xabar bergan edi.

15-noyabr holatiga ko‘ra, AQSh davlat qarzi tarixda birinchi marta 36 trillion dollardan oshdi. Bu haqda Debt Clock xizmatining ma’lumotlariga tayanib, Report Az axborot agentligi ma’lum qildi.

Unga ko‘ra, yanvar oyida qarz miqdori $34 trln.dan oshgan edi.

Ekspertlar va siyosatchilar qarzning o‘sishida Jo Bayden ma’muriyatining iqtisodiy siyosatini tanqid qilmoqda. Xalqaro valyuta jamg‘armasi esa 2032-yilga borib davlat qarzi YaIMning 140 foiziga yetishi mumkinligini ta’kidlab, bunday holat global iqtisodiyot uchun xavf tug‘dirishini qayd etgan.

AQSh Kongressi Budjet byurosi 2034-yilga borib qarz hajmi $50 trlndan oshishini prognoz qilmoqda. Mutaxassislar ushbu masalani zudlik bilan hal qilish lozimligini ta’kidlashmoqda.

Eslatib o‘tamiz, O‘zbekistonning davlat qarzi...

Surxondaryo viloyati hokimi Ulug‘bek Qosimov investitsiya va eksport masalalari bo‘yicha taqdimotlarni o‘rgandi. Bu haqda Surxondaryo viloyat hokimligi matbuot xizmati ma’lum qildi.

Unga ko‘ra, taqdimot davomida 2025-yilda Termizda $281,9 mln.lik 50 ta loyiha amalga oshirilishi va 1850 ish o‘rni yaratilishi rejalashtirilgani bildirildi.

Viloyatdagi bojxona postlari faoliyatini yaxshilash va eksportni oshirishga qaratilgan «Eksport uchun uch qadam» tizimi haqida ham ma’lumot berildi. Hokim investitsiyalarni samarali yo‘naltirish, eksport ko‘rsatkichlarini oshirish va tashkilotlararo hamkorlikni kuchaytirish bo‘yicha topshiriqlar berdi.

Shuningdek, zamonaviy mehmonxona, qurilish materiallari ishlab chiqarish, mebel tayyorlash va qishloq xo‘jaligi mahsulotlarini eksport qilish bo‘yicha yangi loyihalar tanishtirildi. Bu sa’y-harakatlar viloyat iqtisodiy rivojlanishiga katta hissa...

Eron hukumati ayollarning jamoat joylarida boshini o‘rashini talab qiluvchi qat’iy hijob qonunlariga rioya qilishdan bosh tortgan ayollar uchun mamlakatda maxsus klinikalar ochilishini e’lon qildi. Bu haqda Iran International ma’lum qildi.

Unga ko‘ra, klinikada hijob o‘rashni bosh tortgan ayollarga psixologik yordam ko‘rsatiladi.

Birinchi «Hijob kiyishni istamagan ayollarga yordam berish va davolash klinikasi» tashkil etilgani haqida Tehrondagi ezgulikni targʻib qilish va oldini olish boʻyicha bosh qarorgohi ayollar va oila boʻlimi boshligʻi Mehri Tolebi Darestoniy e’lon qildi. Uning so‘zlariga ko‘ra, ushbu muassasada kiyinish qoidalarini buzgan ayollarga ilmiy va psixologik muolajalar beriladi.

Klinikalar haqidagi e’lon hijob to‘g‘risidagi qonunni buzgani uchun kampus qo‘riqchilari tomonidan...

15-noyabr kuni Shavkat Mirziyoyev energiya ta’minoti va samaradorlikni oshirishga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda sohadagi muammolar va kelgusidagi vazifalar muhokama qilindi.

Shuningdek, aholi va iqtisodiyot talablarini qondirish uchun gaz yetkazib berish hajmi oshirilgani, tarmoqlarning modernizatsiyasi va energiya samaradorligi natijasida yo‘qotishlar kamaygani ta’kidlandi. Bu qishda iste’molchilarga 21 mlrd kub metr gaz yetkazish rejalashtirilgani ma’lum qilindi.

Gaz tarmoqlarini yangilashda raqamlashtirish va xususiy sheriklikning ahamiyati qayd etilib, ushbu jarayonlarni tezlashtirishga doir topshiriqlar berildi. Xalqaro moliya bozoridan mablag‘ jalb qilish va transformatsiyani amalga oshirish uchun xorijiy kompaniyalarni jalb etish masalasi muhimligi aytib o‘tildi.

Yig‘ilishda...

Joriy yilning 10 oyi ichida O‘zbekiston tovar-xomashyo birjasida ikki tonnaga yaqin oltin sotildi. Bu ko‘rsatkich o‘tgan yilning mos davriga nisbatan ikki barobarga o‘sdi. Bu haqda O‘zRTXB matbuot xizmati Kursiv Uzbekistan’ga ma’lum qildi.

2024-yilda savdoga qo‘yilgan oltin bo‘yicha bitimlar 564 tani, umumiy qiymati esa 1,9 trln so‘mni tashkil etdi. Taqqoslash uchun: o‘tgan yilning mos davrida salkam 962 kg oltin sotilgan, shu jumladan, 372 ta, umumiy qiymati 697,5 mlrd so‘mga teng bo‘lgan bitimlar imzolandi.

Kumush

Joriy yilning yanvar – oktabr oylarida birjada 366 kg kumush sotilgan. Ushbu mahsulot bo‘yicha 23 ta, umumiy qiymati 4,1 mlrd so‘mga teng bo‘lgan bitimlar imzolangan.

Ushbu...

16-noyabrga o‘tar kechasi boks faxriysi Mayk Tayson va bloger Jeyk Pol o‘rtasida jang bo‘lib o‘tadi. «Underdog» sport klubi bosh murabbiyi Oleg Xvan Kursiv Uzbekistan’ga uchrashuvning ehtimoliy ssenariylari haqida gapirib berdi.

Oleg Xvanning so‘zlariga ko‘ra, jangda asosiy omil Taysonning yoshi – «Temir Mayk» 58 yoshda. Uning so‘zlariga ko‘ra, adolatli kurashda Taysonning katta tajribaga ega bo‘lishiga qaramay Polning g‘alaba qozonish imkoniyati ko‘proq.

Pol ilgari professional MMA jangchilari bilan jang etgan. 2022-yilning sentabr oyida Pol sobiq Ultimate Fighting Championship chempioni Anderson Silvani mag‘lub etdi.

«Jangning aniq natijasini oldindan aytish mumkin emas, ularning uchrashuvi sport to‘qnashuvidan ko‘ra ko‘proq shoudir. Balki tashkilotchilar afsonaning (Tayson...

Joriy yilning 18-noyabr kuni soat 12:00 da Soliq qo‘mitasida biznes vakillari bilan uchrashuv bo‘lib o‘tadi. Bu haqda qo‘mita matbuot xizmati xabar berdi.

Ushbu uchrashuvda suv va alkogolsiz ichimliklar bozori vakillari bilan tayyor markirovkalangan mahsulotlarni agregatsiyalash tizimini joriy etish jarayonlari muhokamasi bo‘ladi.

Ma’lum qilinishicha, O‘zbekiston suv va alkogolsiz ichimliklar ishlab chiqaruvchilar uyushmasiga bu haqda tegishli xabarnoma yuborilgan.

Mazkur uchrashuvda Iqtisodiyot va moliya vazirligi, Investitsiyalar, sanoat va savdo vazirligi, Savdo-sanoat palatasi vakillari ham ishtirok etadi.

Mazkur yig‘ilishda suv va alkogolsiz ichimliklar savdosi bilan shug‘ullanuvchi tadbirkorlik subyektlari ham ishtirok etishi mumkin.

Ishtirokchilar soliq organlari bilan...

15-noyabr kuni O‘zbekiston Respublikasi valyuta birjasida dollarning rasmiy kursi 12,17 so‘mga ko‘tarilib, 12 812,30 so‘mni tashkil etdi.

Banklar ushbu valyutani 12 740 – 12 785 so‘mdan xarid qilishmoqda va 12 810 – 12 860 so‘mdan sotishmoqda.

Eslatib o‘tamiz, 14-noyabr kuni O‘zRVBda dollarning rasmiy kursi 7,90 so‘mga pasayib, 12 800,13 so‘mni tashkil etgan edi.

Ravshan Raimov Toshkent viloyatining Yangiyo‘l shahrida hokim lavozimida faoliyat yuritadi. Bu haqda viloyat hokimligi matbuot xizmati xabar berdi.

Raimov avval Toshkent shahar davlat soliq boshqarmasi boshligʻi oʻrinbosari bo‘lgan. 2020 – 2023-yillarda Toshkent viloyati davlat soliq boshqarmasi boshligʻi vazifasida ishlagan.

Undan oldin Yangiyo‘lda Dilshod Sultonov hokim vazifasida bo‘lgan.

Avvalroq Kursiv Uzbekistan Fazliddin Umarov Samarqand shahar hokimi etib qayta tasdiqlangani haqida yozgan edi.

Endilikda SMS-pensiya xizmatiga my.gov.uz portali orqali ulanish mumkin. Bu haqda Pensiya jamg‘armasi rasmiy ma’lumot berdi.

Ushbu tizimga ulanishda agar telefon raqamingiz o‘zgargan bo‘lsa yangi raqamni kiritish orqali ulanish mumkin bo‘ladi.

Ma’lum qilinishicha, ushbu online tizimga ulangandan so‘ng @pensiyauzbot orqali pensiya ma’lumotlarini tekshirish mumkin, shuningdek, mazkur xizmatdan ushbu havola orqali foydalanish mumkin.

Eslatib o‘tamiz, avvalroq Kursiv Uzbekistan kelgusi yilda pensiya va ish haqi ko‘tarilishi haqida xabar bergan edi.

15-noyabr kuni soat 11:59 da O‘zbekistonning Navoiy viloyatida 3,9 magnitudali zilzila qayd etildi, deb xabar qildi O‘zR Favqulodda vaziyatlar vazirligi Seysmoprognostik monitoring Respublika markazi.

Yer silkinishlari Tamdin tumanida 15 km chuqurlikda sodir bo‘lgan. Zilzila o‘chog‘idan Toshkentgacha bo‘lgan masofa 427 km.ni tashkil qildi.

Eslatib o‘tamiz, joriy yilning avgust oyi boshida Navoiyda ikki balli zilzila qayd etilgan edi. Zilzila o‘chog‘i Buxoro viloyatida boʻlgan.

Avvalroq Kursiv Uzbekistan Afg‘onistonda olti balli zilzila bo‘lgani haqida yozgan edi.

Joriy yilning 14-noyabr kuni tovar-xomashyo birjasida o‘tkazilgan savdolarning yakunlari bo‘yicha ayrim mahsulotlar uchun shakllangan kunlik o‘rtacha narxlar e’lon qilindi.

Qayd etilishicha, AI-80 markali benzinning narxi tonnasi uchun 9,3 million so‘mni tashkil etib, bir kun avvalgiga nisbatan 0,1 foizga pasaygan.

Shuningdek, dizel narxida ham 1,7 foizga pasayish kuzatilib, tonnasi 12,5 million so‘mni tashkil qilgan.

Suyultirilgan gaz narxida esa biroz boshqacha holat kuzatilgan: mahsulot narxi 0,004 foizga o‘sib, 8,1 million so‘mga yetgan.

Shunga o‘xshash holat oltin quymasida ham kuzatilgan bo‘lib, uning narxi bir kun ichida 0,8 foizga ko‘tarilib, bir gramm uchun 1,74 million so‘mni tashkil qilgan.

Bundan tashqari, 92 markali benzin...