Yangiliklar

Shavkat Mirziyoyev Senat oldida turgan muhim vazifalarni belgilab berdi. Bu haqda prezident matbuot kotibi Sherzod Asadov ma’lum qildi.

Hududlarning oʻziga xos xususiyatlari va ehtiyojlarini inobatga olib, qonunchilik faoliyatini takomillashtirish, mahalliy Kengashlar qarorlari qonunchilikka muvofiq boʻlishini ta’minlash, shuningdek, kengashlarning faoliyatiga har tomonlama yordam berish Senatning asosiy vazifalari sifatida qayd etildi.

Prezidentning ta’kidlashicha, hokimlar endilikda kengash raisi boʻlmasligi islohoti aholini qiynayotgan masalalarni yanada samarali hal etishga zamin yaratadi. 2025-yildan boshlab yer, mol-mulk va aylanma soliqlari mahalliy byudjetlarda qoldirilishi natijasida hududlar mustaqilligini oshirishga imkon beradi.

Senat bu jarayonlarni tizimli ravishda nazorat qilib, mahalliy Kengashlar faoliyatini shaffoflik va qonuniylik asosida tashkil etishda asosiy...

Joriy yilning 1-dekabridan boshlab, Litvadan Yevropa Ittifoqining tashqi chegaralari orqali chiqmoqchi bo‘lgan barcha yuk avtomobillari uchun oldindan elektron navbatga ro‘yxatdan o‘tish tartibi joriy qilinadi. Bu haqda O‘zbekiston transport vazirligi matbuot xizmati xabar berdi.

Ushbu tartib Litvaning Belarus va Rossiya bilan chegarasidagi o‘tkazish punktlarida (Medininkay, Shalchininkay, Kibartay) navbatlarni boshqarish va jamoat tartibini saqlash maqsadida kiritilmoqda.

O‘zbekistonlik va boshqa davlat yuk tashuvchilar chegarani belgilangan vaqtda kesib o‘tish uchun EVIS axborot tizimida oldindan band (bron) qilishlari kerak.

Avvalroq Kursiv Uzbekistan Turkiya bilan ikki tomonlama yuk tashish uchun ruxsatnomalar endi faqat elektron shaklda berilishi haqida yozgan edi.

Senatorlarning vakolatlari bir necha barobar oshirildi. Bu haqda prezident matbuot kotibi Sherzod Asadov ma’lum qildi.

Unga ko‘ra, endilikda Senat qonunchilik tashabbusi bilan chiqish va mahalliy Kengashlar bilan samarali hamkorlik qilish imkoniyatiga ega bo‘ldi.

Mahalliy Kengashlar faoliyatini takomillashtirish, qarorlarni tayyorlash va tasdiqlash uchun yagona tartibni ishlab chiqish, shuningdek, hududlar o‘rtasida ilg‘or tajribalarni ommalashtirish zarurligi qayd etildi.

Shu bilan birga, yuqori palata 10 dan ortiq yuqori martabali mansabdor shaxslarning hisobotlarini tinglasa-da, bu jarayon ko‘pincha chuqur tahlildan yiroq bo‘layotgani ta’kidlandi.

O‘zbekiston xalqaro reytinglarda sezilarli yutuqlarga erishgan bo‘lsa-da, senatorlar xalqaro tashabbuslarni targ‘ib qilishda yetarlicha faol emasligi qayd etildi. Yangi tarkibdan bu borada ko‘proq...

Prezident Shavkat Mirziyoyev yangi chaqiriq Oliy Majlis Senatining birinchi majlisida ishtirok etib, senatorlarni saylovlardagi g‘alabalari bilan samimiy tabrikladi. Bu haqda prezident matbuot kotibi Sherzod Asadov ma’lum qildi.

Unga ko‘ra, yangi tarkib yuqori sifat darajasida shakllangan bo‘lib, yetakchi sohalar mutaxassislari va taniqli ilmiy hamda madaniy arboblarni o‘z ichiga oladi. Senatorlarning 27 foizi ayollar bo‘lib, bu ijtimoiy masalalar, xususan, oila va xotin-qizlar huquqlarini himoya qilishda muhim qadam bo‘lishi ta’kidlandi.

Mamlakatimizda bo‘lib o‘tgan saylovlar mahalliy Kengashlar faoliyatida yangi davrni boshlab berdi. Yangi tarkibning 60 foizi yangilandi, 3 mingdan ortiq fuqarolar ilk bor deputatlikka saylandi. Ayniqsa, ayol deputatlar ulushi 32 foizga, yosh deputatlar...

Bugun, 19-noyabr kuni O‘zbekistondagi yetakchi raqamli bank tizimi TBC Uzbekistan o‘z protsessing markazini ishga tushirdi. Bu haqda bank matbuot xizmati Kursiv Uzbekistan’ga xabar berdi.

Bu qadam bankning yangi mahsulot va xizmatlarni tezroq joriy etish imkoniyatini oshiradi hamda uning bozor mavqeyini mustahkamlashga xizmat qiladi.

Yangi protsessing markazi to‘lovlarni qayta ishlash samaradorligini oshiradi va mijozlar, jumladan, kichik va o‘rta bizneslar uchun xizmatlar qatorini kengaytirish imkonini beradi. Bu markaz P2P o‘tkazmalar, bank kartalari orqali to‘lovlar va QR-kod orqali to‘lovlarni amalga oshirishni ta’minlaydi.

Shuningdek, markaz ma’lumotlarni tahlil qilish imkoniyatlarini kuchaytiradi, bu esa mijozlarning ehtiyojlarini chuqurroq tushunish va ularga mos yangi mahsulotlar, jumladan, ekvayring (yuridik...

Haval Xiaolong Max krossoverining sezilarli darajada takomillashgan versiyasi taqdim qilindi. Bu haqda ithome manbalarga tayanib, xabar berdi.

Great Wall Motors kompaniyasi bosh menejeri Chjao Yunponing ta’kidlashicha, 2025-yilda Haval Xiaolong Max krossoverining yangilangan versiyasining taqdimoti bo‘lib o‘tadi.

Ma’lumotlarga ko‘ra, avtomobil gibrid modelga aylantiriladi. Shuningdek, o‘tgan yili matbuot anjumanida Great Wall Motors kompaniyasi rasmiylari tomonidan 2024-yil oxiriga qadar barcha modellar standart komplektatsiyada Hi4 texnologiyasi bilan jihozlanishini tasdiqlangan edi.

Hi4 bu — Great Wall Motors tomonidan ishlab chiqilgan yangi ketma-ket parallel gibrid tizim. Unda elektromotor benzin dvigatelidan mustaqil ravishda yoki u bilan birgalikda ishlashi mumkin.

Hi4 tizimi benzin dvigateli va...

Andijon viloyati Bobur shohkoʻchasidagi chorrahada yoʻl oʻtkazgich qurilishi sababli Zahiriddin Muhammad Bobur xotirasiga atab qad rostlagan maydonning bir qismi koʻprik ostida qolishi mumkin. Holatga viloyat hokimligi rasmiy munosabat bildirdi.

Unga ko‘ra, ilmiy kengash, boburshunoslar va mahalliy yetakchilar mazkur masalani muhokama qilib, Bobur haykalini «Eski shahar» hududidagi tarixiy «Registon» maydoniga koʻchirishga qaror qildi. Bu maydonni zamonaviy qoʻshimchalar bilan boyitib, yanada koʻrkam va mazmunli maskanga aylantirish rejalashtirilgan.

«Bo‘shagan joyda esa savdo majmualari, koʻngilochar markazlar va zamonaviy xizmat ko‘rsatish binolari qurilishi taklif etilmoqda. Shuni ta’kidlash joizki, ushbu hududda turarjoylar qurish rejasi mavjud emas va bu haqdagi xabarlar tasdiqlanmagan...

Telegram messenjerining yangi versiyasi chiqarildi, unda ilova yaratuvchilar uchun funksiyalar mavjud. Bu haqda messenjer asoschisi Pavel Durov ma’lum qildi.

Yangilanishlarga toʻliq ekran rejimi, ilova yorliqlarini qadab qoʻyish, foydalanuvchi harakati va joylashuvini aniqlash, multimedia fayllarini almashish, hujjatlar hamda kulgichlar koʻrinishidagi statuslar yaratish, sovgʻalar yuborish va turli obuna variantlari kiradi.

Durov joriy yangilanishni messenjer ilovalari tarixidagi eng yirik yangilanish deb atadi.

Avvalroq Kursiv Uzbekistan Telegramʼning oldingi versiyasiga ilova va oʻyin ishlab chiquvchilari uchun ba’zi funksiyalar qoʻshilgani haqida yozgan edi.

AQShning qayta saylangan prezidenti Donald Tramp mamlakatdan noqonuniy migrantlarni deportatsiya qilish uchun favqulodda holat joriy etishga tayyor. Bu haqda Judicial Watch konservativ faollar guruhi rahbari Tom Fitton Truth ijtimoiy tarmog‘ida xabar berdi.

«Tramp ma’muriyati ushbu deportatsiya dasturi orqali Bayden olib borgan migratsiya siyosatini toʻxtatish uchun mamlakatda favqulodda holat e’lon qilishga va harbiylarni bu ishga jalb qilishga tayyor», – deb yozdi Fitton.

Tramp ushbu postni o‘z sahifasiga «True!!!» yozuvi bilan repost qildi. Bu esa inglizchadan «Haqiqat» degan ma’noni anglatadi.

Avvalroq Kursiv Uzbekistan nashri Donald Trampning ikkinchi muddatida AQShning O‘zbekistonga nisbatan siyosati qanday o‘zgarishi haqida yozgan

AQSh Adliya vazirligi Google kompaniyasiga Chrome brauzerini sotish talabini qo‘yishni rejalashtirmoqda. Bu haqda Bloomberg axborot agentligi ma’lum qildi.

Unga ko‘ra, bu qadam Google’ning qidiruv bozoridagi monopoliyasini buzishga qaratilgan. Vazirlik sudyadan Google’ning sun’iy intellekt (SI) va Android operatsion tizimiga oid faoliyatini ham qayta ko‘rib chiqishni talab qilishi mumkin.

Google Chrome dunyodagi eng ommabop brauzer bo‘lib, AQShda bozor ulushining 61 foizini egallaydi. Bu brauzer orqali foydalanuvchilarni Google qidiruv tizimiga yo‘naltirish va ma’lumotlarini reklama maqsadlarida ishlatish imkoniyati kompaniya daromadlarining asosiy qismi hisoblanadi. AQSh Adliya vazirligi bu imkoniyatlarni cheklash uchun Chrome’ni mustaqil kompaniyaga aylantirishni taklif qilmoqda.

Biroq bu qaror Google uchun jiddiy moliyaviy...

Abxaziya prezidenti Aslan Bjaniya va hukumat rahbari Aleksandr Ankvab iste’foga chiqmoqda. Bu haqda «Interfaks» agentligi xabar berdi.

Ushbu qaror respublika rahbariyati va muxolifat o‘rtasidagi muzokaralar natijasida qabul qilindi. Prezident va bosh vazirdan tashqari Davlat qo‘riqlash xizmati rahbari Dmitriy Dbar ham lavozimidan ozod etiladi.

Abxaziya qonunchiligiga ko‘ra, davlat rahbari vazifasini vaqtincha vitse-prezident Badr Gunba bajaradi.

15-noyabrdan boshlab Abxaziyada ommaviy norozilik namoyishlari davom etmoqda. Bunga asosiy sabablaridan biri parlamentning Rossiya bilan investitsiya bitimini ratifikatsiya qilgani bo‘ldi. Muxolifat bunday qaror mahalliy biznesga salbiy ta’sir ko‘rsatishi mumkinligini ta’kidlamoqda.

Eslatib o‘tamiz, avvalroq Kursiv Uzbekistan 11-noyabr kuni Yaponiya hukumati ham iste’foga chiqqani haqida xabar...

Zeekr 7X elektr krossoveri O‘zbekiston bozoriga rasman kirib keldi. Kompaniya rasmiy dilerida avtomobil narxi 528 mln so‘mdan boshlanadi.

Xitoy bozorida Zeekr 7X krossoveri 2024-yilning sentabr oyida taqdim etildi va tez orada eng koʻp sotilayotgan avtomobillar qatoriga kirdi. O‘zbekiston ushbu elektromobil uchun birinchi eksport bozori hisoblanadi.

Zeekr avtobrendi O‘zbekistonda 2024-yil iyun oyidan buyon faoliyat yuritib kelmoqda. Dastlab Zeekr 001 liftbeki va Zeekr X krossoveri bilan taqdim etilgan.

Zeekr 7X uchta komplektatsiyada taqdim etilgan. To‘liq privodli faqat maksimal komplektatsiyada mavjud. Narxlar 541 mln so‘mdan 624 mln so‘mgacha turadi. Lekin oldindan buyurtma berilsa, boshlang‘ich narxi 528 mln so‘mdan bo‘ladi.

Kuzov rangini yettita...

Bugun, 19-noyabr kuni futbol boʻyicha Oʻzbekiston milliy terma jamoasi 2026-yilgi jahon chempionatining 3-saralash bosqichi 6-tur doirasida KXDR terma jamoasiga qarshi toʻp suradi.

Uchrashuv Laosdagi «Lao» stadionida boʻlib oʻtadi va Toshkent vaqti bilan soat 17:00 da boshlanadi.

Ayni damda Oʻzbekiston terma jamoasi 5-turdan keyin guruhda 10 ochko bilan ikkinchi oʻrinni egallab turibdi. Birinchi oʻrindagi Eron 13 ochko jamgʻargan. Guruhdagi keyingi oʻrinlardan BAA (7 ochko), Qatar (7ochko), Qirgʻiz Respublikasi (3 ochko) va KXDR (2 ochko) joy olgan.

Avvalroq futbol eksperti Alisher Nikimbayev ushbu uchrashuvning ehtimoliy natijasi haqida fikr bildirgan edi.

To‘rt kun davom etgan auksionda kino va seriallardan 1,8 mingga yaqin rekvizitlar sotilgan. Bu haqda The Sun nashri xabar berdi.

1977-yilda suratga olingan «Yulduzlar jangi: Yangi umid» filmida ishlatilgan klon askarning shlemi yangi egasini topdi. Ushbu rekvizit 325 ming funt sterlingga (taxminan 5,3 milliard so‘m) sotilgan.

Shuningdek, kimoshdi savdosida 2000-yilda suratga olingan «Gladiator» filmining bosh qahramoni kiygan dubulg‘a, Oasis guruhining solisti Noel Gellaxerning gitarasi va qo‘shiqchi Maykl Jeksonning imzosi tushirilgan qizil charm kurtka ham xarid qilingan.

Avvalroq Kursiv Uzbekistan «Titanik» yo‘lovchilarini qutqargan kema kapitani soati kimoshdi savdosida sotilgani haqida yozgan edi.

Bugun, 19-noyabr kuni O‘zbekistonning aksariyat viloyatlarida yog‘ingarchilik kuzatiladi. Qoraqalpog‘iston Respublikasi, Xorazm viloyati va Farg‘ona vodiysida quruq havo bo‘ladi. Havo harorati 13-18 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi, vaqti-vaqti bilan yomg‘ir yog‘adi. Kunduzi harorat 18 darajagacha ko‘tariladi, kechga kelib 6-8 daraja iliq bo‘ladi.

Tog‘li hududlarda ham yomg‘ir va qor yog‘ishi ehtimoli bor, ba’zi joylarda kuchli bo‘ladi. Kunduzi havo 2-7 daraja iliq, kechasi esa 2 darajagacha sovuq bo‘ladi.

Toshkentda hozirda besh mln.ga yaqin odam yashaydi va ishlaydi. Bu nafaqat mamlakatning eng yirik shahri, balki Markaziy Osiyodagi eng gavjum shaharlaridan biridir, deya xabar bermoqda CNN axborot agentligi.

Unga ko‘ra, kelajakda Toshkent yanada kattalashadi. Shaharning sharqiy hududida joylashgan 20 ming gektarlik maydonni rivojlantirish orqali uni yirik metropoliyaga aylantirish rejalashtirilgan.

«Yangi Toshkent» nomini olgan ushbu kengayish loyihasi mamlakatda yangi ish o‘rinlari yaratish, investitsiyalarni jalb qilish va iqtisodiyotni rivojlantirishda muhim rol o‘ynashi kutilmoqda. Yangi Toshkentda turarjoylar, davlat idoralari, universitetlar, kutubxona, muzey va boshqa ko‘plab infratuzilmalar barpo etilishi rejalashtirilgan.

Shavkat Mirziyoyev 2017-yilda keng qamrovli iqtisodiy va ijtimoiy islohotlar dasturini boshlagan. Ushbu rejaga...

18-noyabr kuni Shavkat Mirziyoyev kelgusi yilda Andijon viloyatini ijtimoiy-iqtisodiy rivojlantirish va investitsiya muhitini yaxshilash bo‘yicha yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda yangi loyihalar va takliflar muhokama qilindi. Masalan, Oltinko‘l va Jalaquduq tumanlarida tomchilab sug‘orish orqali qalampir yetishtirish loyihasi boshlangani, Paxtaobodda gilos va rezavor mevalar ekilishi, shuningdek, parrandachilik korxonalarini tiklash orqali 650 kishini ish bilan ta’minlash imkoniyati qayd etildi.

Yig‘ilishda 2025-yilgacha viloyatda $3,1 mlrd investitsiya jalb qilish, 334 ta loyiha amalga oshirish, 305 ming ish o‘rni yaratish va $1 mlrdlik eksportni yo‘lga qo‘yish maqsadi belgilandi.

Prezident yangi imkoniyatlarni samarali ishga solish va aholining...

AQShda prezident Donald Trampning tranzit guruhi tomonidan avtomatlashtirilgan transport vositalarini tartibga solish uchun federal dastur yaratishni Transport departamentining ustuvor vazifalaridan biri qilish rejalashtirilayotgani haqida tarqalgan xabar Tesla aksiyalarining 7% ga oshishiga sabab bo‘ldi. Bu haqda CNBC axborot agentligi ma’lum qildi.

Yaqindagina Tesla kompaniyasining rahbari Ilon Mask Tramp tomonidan yangi tashkil etilgan Davlat samaradorligi departamentini boshqarish uchun tanlangan edi. Ushbu departament byurokratiyani tugatish, ortiqcha qoidalarni bekor qilish va keraksiz xarajatlarni qisqartirishni maqsad qilgan.

Federal tartibga solish mexanizmining yaratilishi Tesla uchun katta imkoniyat yaratdi. Kompaniya o‘zining «Robotaksi» loyihalarini amalga oshirish orqali avtomatlashtirilgan transport sohasida yetakchilikni qo‘lga olishni maqsad qilmoqda.

Mask bir...

Dongfeng Nissanning yangi energiya arxitekturasiga asoslangan birinchi to‘liq elektr modeli Nissan N7 modelini taqdim etildi. Bu haqda Carnewschina ma’lum qildi.

Ishlab chiquvchilarning aytishicha, avtomobil to‘liq elektr transport vositalari uchun yangi standart o‘rnatadi. O‘lchamlari 4930 x 1895 x 1487 mm, g‘ildirak asosi esa 2915 mm.

Modelda 710 ta kuchli LED yorug‘lik manbalari, ramkasiz eshiklar va yashirin eshik tutqichlari mavjud. Qarshilik koeffitsiyenti 0,208 ga teng. Salon 32 Gb tezkor va 256 Gb doimiy xotiraga ega Qualcomm Snapdragon 8295P chipi bilan jihozlangan.

Ta’kidlanishicha, avtomobil haydovchi uchun sanoatda birinchi moslashuvchan o‘rindiqni qo‘llab-quvvatlash algoritmiga ega. Bu doimiy mashg‘ulotlar orqali tanangizga eng qulay holatda haydash...

18-noyabr, dushanba kuni Toshkent vaqti bilan soat 16:05 da CoinGecko ma’lumotlariga ko‘ra, bitkoin narxi $91,7 minggacha ko‘tarildi.

19-oktabrdan beri kriptovalyuta narxi 35% ga oshdi, yil boshidan esa uning qiymati ikki baravar oshdi.

Avvalroq Kursiv Uzbekistan Donald Trampning prezidentlik saylovidagi g‘alabasi fonida Bitcoin narxining oshishi haqida yozgan edi.

Amerikalik jurnalist Taker Karlson Hasbik nomi bilan taniqli dog‘istonlik bloger Hasbulla Magomedovdan intervyu oldi, bu haqda Karlsonning YouTube’dagi sahifasida e’lon qilindi.

Suhbat davomida Karlson Hasbikdan avvalroq u bilan uchrashganda uni bola deb oʻylagan bokschi Mayk Tayson haqidagi fikrlarini soʻradi.

Magomedovda tug‘ma anomaliya bor, shuning uchun 22-yoshli bloger bolaga o‘xshaydi. Uning bo‘yi 100 sm.dan kam.

Avvalroq Kursiv Uzbekistan nashri Taker Karlson Telegram asoschisi Pavel Durovning Fransiyada hibsga olinishiga qanday izoh bergani haqida yozgan edi.

18-noyabrdan boshlab Toshkent viloyati Piskent tumanidagi avtopoligonda avtotransport vositalarini sinovdan o‘tkazish jarayoniga elektron navbat tizimi joriy etildi. Bu haqda Oʻzbekiston ilmiy-sinov va sifat nazorati markazi» davlat muassasasi matbuot xizmati xabar berdi.

Endi yengil avtomobillarni sinovdan o‘tkazish jarayoni 20-30 daqiqa ichida amalga oshirilishi mumkin. Buning uchun murojaatchilar Bojxona qo‘mitasining «Yagona darcha» tizimida (singlewindow.uz) elektron ariza topshirishi va sertifikatlashtirish organining tasdig‘ini olishi lozim.

Elektron navbat olish tartibi:

Xizmat bepul va qo‘shimcha...

O‘tgan hafta, 2024-yil 8-15-noyabr kunlari davomida «Toshkent» Respublika fond birjasida aksiyalarning umumiy narx o‘zgarishlari sezilarli darajada kuzatildi. Ushbu davrda birja maydonchasida jami 1,8 trillion so‘mlik 5,6 mingta bitim amalga oshirildi. Kursiv Uzbekistan hafta davomida yuqori likvidli aksiyalar bozoridagi vaziyat qanday o‘zgarganini tahlil qildi.

Uzbekistan Composite Index (UCI) haftani 629,67 punktdan boshlagan bo‘lsa, 632,88 punktgacha ko‘tarildi, bu 0,51 foizlik o‘sishni anglatadi. Eng katta o‘sish «Aloqabank» (30,79%) aksiyalarida qayd etildi, bu aksiyaning qiymati 3,67 so‘mdan 4,80 so‘mgacha ko‘tarildi. Shuningdek, «Chilonzor buyum savdo kompleksi» (8,14%) va «O‘zbektelekom»ning imtiyozli aksiyalari (8,72%) ham sezilarli o‘sish ko‘rsatdi.

Biroq ba’zi kompaniyalarning aksiyalari pasaydi. Jumladan, «Olmaliq KMK...

16-noyabr kuni O‘zbekiston Respublikasi valyuta birjasida dollarning rasmiy kursi 12,71 so‘mga oshib, 12 825,01 so‘mni tashkil etdi.

Moliya institutlari ushbu valyutani 12 750 – 12 805 so‘mdan xarid qilishmoqda va 12 830 – 12 885 so‘mdan sotishmoqda.

Eslatib o‘tamiz, 15-noyabr kuni davlatda dollarning narxi 12,17 so‘mga ko‘tarilgan edi.