Yangiliklar

Shavkat Mirziyoyev ijtimoiy yordamlarning samaradorligini oshirish va nogironligi bo‘lgan bolalar parvarishi bo‘yicha yangi tizimga oid taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, ushbu chora-tadbirlar ijtimoiy himoya tizimini yangilash va yanada adolatli qilish maqsadida ishlab chiqilgan.

Endilikda «Ayollar daftari» va «Yoshlar daftari» orqali yordamlar «Kambag‘al oilalar reyestri»ga asoslanib taqsimlanadi. Mablag‘lar tuman va shaharlardagi ijtimoiy ko‘rsatkichlarga muvofiq taqsimlanadi, oilalarning qo‘shimcha hujjat taqdim etishiga ehtiyoj qolmaydi.

Nogironligi bo‘lgan bolalar uchun davlat-xususiy sheriklik asosida kunduzgi parvarish xizmatlari joriy etilishi rejalashtirilmoqda. Yil oxirigacha 2 mingga yaqin og‘ir nogiron bolalarni qamrab olish ko‘zda tutilgan. Bu, ayniqsa, ularning onalariga ishlash...

Uzbekistan Airways`ning Nyu-Yorkka uchayotgan samolyotida chaqaloq tug‘ildi. Bu haqda kompaniya axborot xizmati ma’lum qildi.

Aniqlanishicha, parvoz chog‘ida yo‘lovchilardan biri tug‘uruq jarayonini boshlagan. Vaziyatni o‘z vaqtida baholagan ekipaj rahbari ovozli e’lon orqali samolyotdagi shifokorlarni yordamga chaqirdi.

Chaqiriqqa yo‘lovchilar orasidagi shifokor-akusher va jarroh darhol javob berishdi. Ularning professional yordami bilan ayol yo‘lovchi o‘g‘il farzandini dunyoga keltirdi. Voqea sabab ekipaj Islandiyaning Keflavik shahridagi zaxira aerodromiga qo‘nishga qaror qildi.

Samolyot muvaffaqiyatli qo‘ngach mahalliy tibbiy xodimlar bortga chiqib, onaga va chaqaloqqa zarur yordam ko‘rsatdi. Keyinchalik ular klinikaga yetkazildi.

Avvalroq Kursiv Uzbekistan 2025-yilda UzAirways Madridga parvozlarni yo‘lga qo‘yishi haqida xabar bergan edi.

BYD kompaniyasining Qin L modelining elektr versiyasi sinov jarayonida ekani aniqlandi. Ushbu model avval chiqarilgan PHEV variantining nomi va uslubini saqlab qolgan bo‘lsa-da, texnik va dizayn xususiyatlari sezilarli darajada farq qiladi. Bu haqda CarNewsChina ma’lum qildi.

Qin L EV modeli Seal seriyasiga mansub bo‘lib, hozirgi kunda sinovdan o‘tmoqda. Avtomobilning tashqi o‘lchamlari: uzunligi 4720 mm, kengligi 1880 mm, balandligi 1495 mm va g‘ildirak bazasi 2820 mm. U 16 yoki 17 dyuymli g‘ildiraklar bilan ta’minlangan. Model BYD’ning lityum temir fosfat batareyasining ikkinchi avlodidan foydalanishi mumkin.

Qin L EV ikki xil versiyada taqdim etiladi: 110 kVt va 160 kVt quvvatga ega elektr...

Uzbekistan Airways 20-yanvardan boshlab Yevropa mamlakatlariga parvoz yo‘nalishlarini o‘zgartirdi. Endilikda aviareyslar Rossiya havo hududidan chetlab o‘tadi. Bu haqda aviakompaniya boshqaruvi raisi Shuxrat Xudaykulov seshanba kuni o‘tkazilgan matbuot anjumanida ma’lum qildi, deya xabar bermoqda Kursiv Uzbekistan muxbiri.

Yo‘nalishdagi o‘zgarish Ozarbayjon havo yo‘llari samolyotining halokati bilan bog‘liq emasligi ta’kidlandi. Joriy yilning yanvar oyi boshida Yevropa aviatsiya xavfsizligi agentligi (EASA) 31-iyulgacha Rossiya havo kengliklarida 60° uzunlikdagi g‘arbda parvoz qilmaslik haqida maslahat berdi.

Tavsiya EASA dan parvoz qilish uchun ruxsat olgan xorijiy aviatashuvchilarga tegishli. Shu bilan birga, uning amal qilish muddati vaziyatga qarab qayta ko‘rib chiqilishi mumkin.

UzAirways’ning boshqaruvi raisi Shuxrat Xudaykulov Yevropaga parvozlar...

28-yanvar kuni AQSh dollarining rasmiy kursi 11,71 soʻmga oshib, 12 974,98 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarni 12 900 – 12 960 soʻmdan sotib olayotgan boʻlsa, 12 965 – 13 020 soʻm oraligʻida sotmoqda.

Shu bilan birga, yevro 56,48 soʻmga tushib, 13 540,69 soʻmga yetdi. Rossiya rubli esa 0,32 soʻmga oshib, 133,06 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.  

O‘zbekistonda kriptoaktivlar sohasida xizmat ko‘rsatuvchi yangi qo‘shma platforma – Coinpay va Binance hamkorligida ish boshladi. Bu haqda Coinpay mahalliy kriptobirjasi matbuot xizmati ma’lum qildi.

Mazkur xizmatning yo‘lga qo‘yilishi Istiqbolli loyihalar milliy agentligi ko‘magi bilan amalga oshirildi. Ushbu hamkorlik orqali foydalanuvchilarga qonunchilikka to‘liq mos holda, xavfsiz va qulay sharoitlarda kripto-aktivlar bilan tranzaksiyalarni amalga oshirish imkoniyati yaratildi. Endi bank kartalari va milliy to‘lov tizimlari orqali milliy valyutada mablag‘larni kiritish va yechish imkoni mavjud.

Binance platformasi orqali foydalanuvchilar quyidagi xizmatlardan foydalanishlari mumkin:

2025-yilda UzAirways Madridga parvozlarni yo‘lga qo‘yadi. Bu haqda kompaniyaning yil yakunlariga bag‘ishlangan matbuot anjumanida ma’lum qilindi, deya xabar berdi Kursiv Uzbekistan muxbiri.

Shuningdek, kompaniya 2025-yilda yangi yo‘nalishlarni ochishni rejalashtirmoqda. Quyidagi reyslar ishga tushirilishi kutilmoqda:

Kompaniya boshqaruv raisi Shuxrat Xudaykulovning so‘zlariga ko‘ra, joriy yilda Xitoyga vizasiz sayohat qilish imkoni beriladi.

«O‘zbekiston fuqarolarining Xitoyga vizasiz sayohat qilish imkoni berilgach Xitoyga bo‘ladigan reyslarga talab ancha oshadi. Shu sababli Shenjenga ham muntazam qatnovlarni yo‘lga qo‘yish rejalashtirilgan», – dedi u.

Matbuot anjumanida kadrlar tayyorlash masalalari ham muhokama qilindi. Kompaniya vakillari uchuvchilar...

2024-yil yakunlariga koʻra, «Ipotekabank»ning sof zarari 240,2 mlrd soʻmni tashkil etdi. Bu haqda moliya muassasasining moliyaviy hisobotida ma’lum qilindi.

Ta’kidlanishicha, shu davrda bankning kredit portfeli 5,6 foizga kamayib, 35,1 trln soʻmni tashkil etdi. Muammoli kreditlar ulushi ikki baravarga oshib, jami kredit portfelining 10,2 foiziga yetdi.

Shuningdek, yil davomida bank aktivlari 9,3 foizga oshdi. Oʻtgan yilning 31-dekabr holatiga koʻra, ular 52,1 trln soʻmga baholangan. Yil yakuni boʻyicha foizli daromadlar uchdan bir qismga oshib, 10,6 trln soʻmni tashkil etdi.

Eslatib oʻtamiz, «Ipotekabank» 2023-yilni 818,9 mlrd soʻm foyda bilan yakunlagan edi.

Avvalroq «Kursiv» Oʻzbekistonning ikki davlat banki muammoli kreditlar tufayli...

2024-yilda Uzbekistan Airways’ning sof daromadi 725 mlrd so‘mni tashkil etdi. Bu haqda kompaniyaning yil yakunlariga bag‘ishlangan matbuot anjumanida ma’lum qilindi, deya xabar berdi Kursiv Uzbekistan muxbiri.

Tadbirda kompaniyaning 2024-yildagi umumiy daromadi 18,2 trln so‘mga yetgani qayd etildi. Kompaniyaning moliya va transformatsiya masalalari bo‘yicha birinchi o‘rinbosari Alisher Sattarovning ta’kidlashicha, 2024-yilda UzAirways foydalanuvchilar soni ikki baravarga oshgan.

«Bu aynan kompaniya daromadiga sezilari darajada ta’sir ko‘rsatdi. 2025-yilda biz daromadni 20 trln so‘mga yetishini taxmin qilyapmiz, sof daromad esa 800 mlrd so‘mdan oshadi», – deydi Alisher Sattarov.

Avvalroq Kursiv Uzbekistan Uzairways aviakompaniyasi 30 foiz chegirma e’lon qilgani haqida...

2024-yil davomida ATI.SU birjasida Oʻzbekistondan eksport yuklarini tashish boʻyicha arizalar soni 48 foizga oshdi. Bu haqda Kursiv Uzbekistanʼga kompaniya matbuot xizmati xabar berdi.

Kompaniya hisob-kitoblariga koʻra, mamlakatdan yuklarni yetkazib berish narxlari 6 foizga oshdi.

«Koʻp jihatdan eksport yuk tashishga talabni Rossiya ta’minladi, u buyurtmalarning umumiy soni boʻyicha yetakchilik qilmoqda. Bu yoʻnalishda birja foydalanuvchilarining faolligi 56 foizga oʻsdi», – deyiladi xabarda.

Bundan tashqari, Belarus va Qozogʻistonga yuk tashishga boʻlgan talab mos ravishda 85 foiz va 67 foizga oshdi.

Import yuk tashishlarda esa pasayish kuzatildi – buyurtmalar soni 4 foizga, narxlar 3 foizga kamaydi. Rossiyadan yuk tashish...

Amerikaning Nvidia kompaniyasining kapitallashuvi Xitoyning DeepSeek sun’iy intellekti oʻsishi fonida $589 milliardga kamaydi, deb xabar bermoqda Forbes.

Grafik chiplar ishlab chiqaruvchisi kompaniyaning narxi $3,5 trilliondan $2,9 trillionga tushdi, bu esa Nvidiaʼni eng qimmat kompaniya maqomidan mahrum qildi.

Shu bilan birga, Nvidia DeepSeek mahsulotini «sun’iy intellekt sohasidagi ajoyib yutuq» deb atadi. Biroq uning ishlashi uchun Nvidiaʼdan katta miqdordagi grafik protsessorlar (GPU) kerak boʻladi, deya ta’kidladi kompaniya.

Forbes ma’lumotlariga koʻra, Nvidia bosh direktori Jensen Xuangning boyligi bir kunda $21 milliardga tushib, $103,1 milliardni tashkil qildi.

Ma’lumot uchun, DeepSeek 2023-yilda Xanchjou shahrida tashkil etilgan. Kompaniyaning nazorat aksiyadori — High-Flyer xedj fondi hammuassisi...

Microsoft TikTokʼning Amerika boʻlinmasini sotib olish boʻyicha muzokaralar olib bormoqda. Bu haqda AQSh prezidenti Donald Tramp jurnalistlar bilan suhbatda ma’lum qildi.

Ma’lum qilinishicha, texnologik gigant ijtimoiy tarmoqni sotib olishga katta qiziqish bildirmoqda. Hozircha Tramp bitim tafsilotlarini oshkor qilmadi.

Avvalroq AQSh prezidenti Florida shtatidagi respublikachilar yigʻilishida ijtimoiy tarmoqning ehtimoliy kelajagi haqida gapirgan edi.

«Koʻramiz, nima boʻladi. Bizda savdolarda ishtirok etishni xohlovchilar koʻp topiladi», – dedi Tramp.

Bungacha TikTok amerikalik milliarder Ilon Mask yoki Oracleʼga sotishi mumkinligi xabar qilingandi.

Dastlab Tramp milliy xavfsizlik nuqtai nazaridan TikTokʼni taqiqlash tarafdori boʻlgan, ammo keyinroq qisman ilovadagi Trampga qarshi...

«Dori-Darmon» AK aksiyadorlarining navbatdan tashqari umumiy yigʻilishida Mirzanozim Doʻstmurodov kompaniya boshqaruv raisi etib saylandi.

Mirzanozim Doʻstmurodov 1956-yil Toshkent viloyatida tugʻilgan, Andijon davlat tibbiyot instituti bitiruvchisi. Uning mehnat faoliyati Respublika travmatologiya va ortopediya ilmiy institutidan boshlangan. Turli lavozimlarda, jumladan, «Oʻzfarmsanoat» konserni va Protez-ortopediya markazida faoliyat koʻrsatgan.

Tayinlovga qadar Doʻstmurodov «Oʻzfarmsanoat» konserni tugatish komissiyasi raisi lavozimida ishlagan. U tibbiyot fanlari nomzodi, ortoped va protezist mutaxassis hisoblanadi.

Bungacha ushbu lavozimda Umida Solihboyeva ishlagan edi.

Avvalroq Kursiv Uzbekistan Erkinjon Turdimov Sirdaryo viloyatiga hokim bo‘lgani haqida xabar bergan edi.

2025-yil 27-yanvarda «O‘zbekiston Respublikasining transport-logistika tizimini yanada rivojlantirish chora-tadbirlari to‘g‘risida»gi prezident qarori qabul qilindi. Bu haqda Savdo-sanoat palatasi rasmiy sahifasida ma’lum qilindi.

Ushbu qarorga muvofiq O‘zbekistonning transport-logistika tizimini 2030-yilgacha rivojlantirish konsepsiyasi va uni amalga oshirish bo‘yicha «Yo‘l xaritasi» tasdiqlandi.

Qarorda avtomobil, temir yo‘l va havo transportida xalqaro yuk tashish hajmini kamida 2 baravarga oshirish, transport va logistika xizmatlari eksportini 2 baravargacha oshirish, konteynerlarda yuk tashish ulushini kamida 1,5 baravarga oshirish, Jahon bankining Logistika samaradorligi indeksida O‘zbekistonni 55-pog‘onadan yuqoriga ko‘tarish kabi maqsadli ko‘rsatkichlar belgilandi.

Xalqaro yuk tashish xizmatlariga qo‘shilgan qiymat solig‘i bo‘yicha nol stavka joriy qilinadi. 2025-yil 1-iyundan davlat chegarasidagi...

Toshkent shahrining Uchtepa tumanidagi tikuvchilik korxonasining omborida yongʻin sodir boʻldi. Bu haqda FVB matbuot xizmati xabar berdi.

Ta’kidlanishicha, Uchtepa tumani, «Taqachi» MFY Taqachi koʻchasidagi tikuvchilik korxonasi omborida yongʻin yuzasidan xabar 27-yanvar kuni soat 21:33 da kelib tushgan. Qutqaruvchilar voqea joyiga soat 21:40 da yetib borib, yongʻinni 22:22 da qurshab olib, 01:41 da oʻchirishgan.

Hodisa oqibatida halok boʻlgan va jabrlanganlar yoʻq. Hozirda yongʻin sababi va keltirilgan moddiy zarar aniqlanmoqda.

Avvalroq Kursiv Uzbekistan Turkiyadagi changʻi kurortida yuz bergan yongʻin 76 kishining hayotiga zomin boʻlgani haqida xabar bergan edi.

Xitoyning DeepSeek kompaniyasining sun’iy intellekt modelining mashhurligi Amerika Qoʻshma Shtatlari prezidenti Donald Trampning e’tiborini tortdi. Bu haqda Reuters agentligi xabar berdi.

Davlat rahbari loyihaning arzonligi va tezkorligi kabi afzalliklarini ta’kidladi. Trampning soʻzlariga koʻra, Xitoy sun’iy intellekt modelining bozorga chiqishi uning AQShdagi raqobatchilarini tezlashtirishi kerak.

«Xitoy kompaniyasi tomonidan ishlab chiqarilgan DeepSeek sun’iy intellekt modellari sanoatimizni uygʻotishi kerak. Gʻalaba qozonish uchun biz musobaqaga (xitoylik dasturchilar bilan – tahr.) e’tibor qaratishimiz kerak», – dedi mamlakat prezidenti.

Avvalroq Kursiv Uzbekistan DeepSeek sabab bitkoin va fond bozorlari tushgani haqida xabar berdi.

Fransiyaning Lion shahrida bo‘lib o‘tgan qandolat tayyorlash bo‘yicha Jahon kubogida Yaponiya jamoasi ketma-ket ikkinchi marta chempionlikni qo‘lga kiritdi. Bu haqda CNN axborot agentligi ma’lum qildi.

Unga ko‘ra, ular limon, nok, marigold va shokoladdan yasalgan Asanoha bargi shaklidagi granita hamda o‘rikli muzlatilgan desert bilan hakamlarni hayratda qoldirdi.

Ikkinchi o‘rinni Fransiya egallab, shokoladli tuxum va xo‘roz shaklidagi desertlari bilan e’tirofga sazovor bo‘ldi. Malayziya esa bronza medalni qo‘lga kiritib, musobaqadagi kuchli uchtalikni yopib berdi.

Musobaqada 10 mamlakatning eng yaxshi qandolat ustalari ishtirok etib, o‘z desertlari orqali milliy madaniyat va oshpazlik meroslarini namoyish qildi. Har bir jamoa muzlatilgan desert, restoran deserti va shokoladdan...

Yevropa Ittifoqi mamlakatlari tashqi ishlar vazirlari Bryusseldagi yigʻilishda Suriyaga qarshi sanksiyalarni bosqichma-bosqich yumshatish rejasini kelishib oldi. Germaniya, Fransiya, Ispaniya kabi davlatlar Suriyadagi hokimiyat almashinuvi tufayli cheklovlarni qisman bekor qilishni qoʻllab-quvvatlamoqda.

Yevropa diplomatiyasi rahbari Kaya Kallasning soʻzlariga koʻra, fuqarolik parvozlarini soddalashtirish uchun aviakompaniyalarga nisbatan sanksiyalarni bekor qilish va neft-gaz texnologiyalari eksportiga qoʻyilgan taqiqni qayta koʻrib chiqish rejalashtirilgan.

Shu bilan birga, Bashar Asad va uning tarafdorlariga qarshi sanksiyalar oʻz kuchida qoladi. «Hayʼat Tahrir ash-Shom»ni terrorchi tashkilotlar roʻyxatidan chiqarish masalasi esa BMT Xavfsizlik kengashida koʻrib chiqilishi kutilmoqda.

Sanksiyalar 2012-yilda neft embargosi, investitsiya cheklovlari va eksport taqiqlarini oʻz ichiga olgan holda joriy etilgan...

Buyuk Britaniyada ikki yuzta kompaniya barcha xodimlari uchun maosh kamaytirilmagan holda to‘rt kunlik ish haftasini joriy etdi. Bu haqda The Guardian nashri ma’lum qildi.

Unga ko‘ra, ushbu tashabbus jami 5 mingdan ortiq ishchilarni qamrab oladi. Bu o‘zgarish asosan marketing, texnologiya va xayriya sohalarida keng qo‘llanmoqda.

Tashabbus tarafdorlari besh kunlik ish tartibini eskirgan deb hisoblashadi. «9 dan 5 gacha, besh kunlik ish haftasi bundan 100-yil oldin o‘ylab topilgan va zamonaviy hayotga mos emas», deydi «4 kunlik hafta» jamg‘armasi direktori Jo Rayl.

To‘rt kunlik hafta nafaqat xodimlarning baxtli va mazmunli hayot kechirishlariga, balki unumdorlikni oshirishga ham yordam beradi. Ayni paytda bu...

2024-yilda O‘zbekistonda mansabdorlik jinoyatlari soni yil davomida 3,8 mingtaga yetdi. 2023-yilda esa mazkur raqam 3,4 ming edi, deya xabar qilmoqda Bosh prokuratura.

Unga ko‘ra, jinoiy javobgarlikka tortilgan shaxslar soni ham ortdi: 2023-yilda 3,5 ming kishini tashkil etgan bo‘lsa, o‘tgan yilga kelib raqamlar 4,9 ming kishigacha ko‘paygan.

Mansabdorlik jinoyatlaridan yetkazilgan zarar 2024-yilda 3,6 trln so‘mni tashkil etdi, shundan 2,3 trln so‘mi undirilgan. Bu esa umumiy miqdorning 65% qismini tashkil qiladi. 2023-yilda zarar nisbatan kamroq – 1,5 trln so‘m, undirilgan summa esa 1,3 trln so‘m yoki 84,7%ni tashkil qilgan.

Javobgarlikka eng ko‘p tortilganlar tuman darajasidagi xodimlar bo‘ldi. Ularning soni 2024-yilda...

O‘zbekiston hududida 28-yanvar kuni havo biroz bulutli bo‘lib, ayrim joylarda tuman tushishi mumkin. Bu haqda «O‘zgidromet» agentligi ma’lum qildi.

Unga ko‘ra, yog‘ingarchilik kutilmaydi, faqat ayrim viloyatlarda kechga tomon biroz qor yoki yomg‘ir yog‘ishi ehtimoli bor. Sharqdan esayotgan shamol tezligi 3-12 m/s atrofida bo‘lib, ba’zi hududlarda yo‘nalishini o‘zgartirib g‘arbga qarab esadi. Harorat, asosan, kechasi 0-5° iliq, kunduzi esa 2-12° iliq bo‘ladi.

Toshkent shahri va Toshkent viloyatida havo biroz bulutli bo‘lib, kechasi va ertalab tuman ehtimoli mavjud. Kunduzi havo 6-8° iliq bo‘ladi.

Qoraqalpog‘iston Respublikasi, Xorazm, Buxoro va Navoiy viloyatlarida kechga tomon biroz qor yoki yomg‘ir yog‘ishi mumkin.

Samarqand viloyatida...

2025-yilgi «Tashabbusli budjet»ning 1-mavsumi 1-fevraldan boshlanadi va 20-martga qadar davom etadi. Bu haqda Iqtisodiyot va moliya vazirligi ma’lum qildi.

Unga ko‘ra loyiha kiritish bosqichi 1 – 20-fevralda, saralash bosqichi 21-fevral – 7-martda, targ‘ibot bosqichi 8 – 10-martda, ovoz berish bosqichi esa 11 – 20-martda o‘tkaziladi.

G‘oliblar 21-mart kuni Navro‘z bayrami kuni e’lon qilinadi.

Eslatib o‘tamiz, avvalroq mobil aloqa operatorlariga aksiz solig‘i bekor qilinishi haqida yozgan edik.

Falastinliklar Shimoliy G‘azoga qaytishni boshladi

27-yanvar kuni falastinliklarning bir necha ming nafari shimoliy G‘azoga qaytishni boshladi. Bu haqda CNN axborot agentligi ma’lum qildi.

Unga ko‘ra, qaytishga tayyorlanayotganlar orasida keksa odamlar, bolalar va yaralanganlar ham bor. Ko‘plari bir necha oylardan beri ko‘chmanchi lagerlarda yashagan va bu kunni uzoq kutgan. Biroq qaytganlarning ko‘pi uchun bu jarayon og‘ir bo‘lmoqda, chunki ko‘plarining uylari vayronaga aylangan.

Bu hududda yillar davomida davom etgan og‘ir bombardimon va janglar natijasida qilingan vayronagarchilikdan so‘ng odamlar uylariga qaytdi. Isroil, aslida, shimolga qaytish uchun yo‘lni 48 soat kechiktirib ochdi, buning sababi sifatida Hamasni sulh shartlarini buzganlikda aybladi.

Eslatib o‘tamiz, avvalroq...

Shavkat Mirziyoyev 27-yanvar kuni «Atrof-muhitni asrash va «yashil» iqtisodiyot yili» davlat dasturi loyihasi yuzasidan yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, mamlakatda ekologik toza iqtisodiyotga o‘tish uchun turli tashabbuslar amalga oshirilmoqda. Oxirgi uch yilda yirik quyosh va shamol elektr stansiyalari ishga tushirildi, «yashil energiya» sertifikati tizimi joriy etildi. 2025-yil «Atrof-muhitni asrash va «yashil» iqtisodiyot» yili deb e’lon qilindi va davlat dasturi loyihasi jamoatchilik muhokamasidan o‘tkazildi.

Yig‘ilishda energetika sohasidagi kelgusi rejalar, «yashil texnologiyalar»ni rivojlantirish va resurslarni tejashga qaratilgan strategiyalar muhokama qilindi. Shuningdek, yirik sanoat korxonalarida energiya samaradorligini oshirish, «yashil iqtisodiyot»ga o‘tish va ekologik toza texnologiyalarni...