Yangiliklar

Prezident Shavkat Mirziyoyev 9-oktabr kuni Toshkent shahrining 2045-yilgacha mo‘ljallangan bosh rejasi loyihasi bilan tanishib chiqdi. Bu haqda davlat rahbari matbuot xizmati ma’lum qildi.

Unga ko‘ra, davlat rahbari bu boradagi 2022-yilda ko‘rgan ishlanma «ToshkentboshplanLITI» korxonasida tomonidan Singapur, Buyuk Britaniya, Turkiya, Germaniya, Xitoy va Niderlandiya kompaniyalari bilan hamkorlikda takomillashtirildi.

Loyihaga binoan, Toshkent shahri hududi 3 ta zonaga ajratiladi. Birinchi zona – konservatsiya zonasida madaniy meros binolari, tarixiy joylar, uylar va yashil hududlar o‘zgartirilmaydi. Ikkinchi zona – Rekonstruksiya zonasida master-rejalar asosida qo‘shimcha qurilishlar olib boriladi. Uchinchi zona – Renovatsiya zonasida esa eskirgan uy-joy, binolar o‘rnida yangilari qad rostlaydi.

Poytaxt va unga yaqin...

Tojikiston O‘zbekiston bilan xalqaro avtomobil tashuvlari to‘g‘risidagi hukumatlararo bitimga qo‘shimchalarni ratifikatsiya qildi. Bu haqda UzDaily ma’lum qildi.

Unga ko‘ra, endi yuk mashinalari haydovchilari qo‘shni davlat hududi orqali tranzit o‘tish uchun har safar ruxsat olishga majbur bo‘lmaydi.

Tomonlar Shavkat Mirziyoyevning joriy yil aprel oyida Tojikistonga tashrifi chog‘ida tranzit tashishni o‘zaro soddalashtirishga kelishib olgan edi. O‘zbekiston kelishuvga qo‘shimchalar kiritish to‘g‘risidagi protokolni sentabr oyida ratifikatsiya qildi.

Bojxona statistikasi shuni ko’rsatadiki, O’zbekiston va Tojikiston har yili tranzit yuk tashish uchun 25-30 ming ruxsatnoma almashgan.

Avvalroq Kursiv Uzbekistan nashri O‘zbekistondan Rossiyaga temir yo‘l orqali yuk tashish chegirmalari uzaytirilgani haqida yozgan edi.

Kia kompaniyasi avtomobillariga 94 mln so‘mgacha bo‘lgan chegirmalarni e’lon qildi. Bu haqda Kia Uzbekistan ma’lum qildi.

Unga ko‘ra, chegirma Sorento, K8, Cerato, Seltos va Bongo modellariga, oktabr oyi davomida qo‘llanilishi mumkin bo‘ladi. Avtomobillarning mavjudligi to‘g‘risida ma’lumotni kompaniyaning dilerlik markazlaridan olish mumkin.

Eslatib o‘tamiz, avvalroq O‘zbekistonda Kia, Chery va Havalning eng ko‘p sotilayotgan modellari haqida yozgan edik.

O‘zbekiston Statistika agentligining dastlabki ma’lumotlariga ko‘ra, 2024-yilning yanvar – avgust oylarida mamlakatga umumiy qiymati $166,8 mlnga teng bo‘lgan 12,9 mingta elektromobil import qilindi. Ya’ni birgina avgust oyining o‘zida respublikaga 2,3 ming avtomobil olib kelindi.

Xitoy O‘zbekistonga eng ko‘p elektromobil yetkazib beruvchi davlat bo‘lib, deyarli barcha mashinalar Xitoydan keltirildi (12,8 mingta). Shuningdek, Qozog‘iston (22 ta), Gonkong (15 ta), Germaniya (12 ta), Birlashgan Arab Amirliklari (10 ta) va AQSh (9 ta) kabi davlatlardan ham elektromobillar olib kelingan.

Avvalroq Kursiv Uzbekistan joriy yilning yetti oy ichida O‘zbekistonning avtomobil importi 10,6 ming dona mashinaga yetgani haqida yozgan edi.

9-oktabr kuni O‘zbekiston Respublika valyuta birjasida dollarning rasmiy narxi 9,03 so‘mga pasaydi va 12 778,00 so‘mni tashkil qildi.

Moliya istitutlari dollarni 12 725 – 12 770 so‘mdan xarid qilishmoqda va 12 790 – 12 850 so‘mdan sotishmoqda.

Eslatib o‘tamiz, 8-oktabr kuni O‘zbekistonda AQSh valyutasining narxi 12 787,03 so‘mni tashkil qilgan edi.

Rossiya prezidenti Vladimir Putin o‘zbekistonlik diplomat, MDH bosh kotibi o‘rinbosari Ilhom Ne’matovni Do‘stlik ordeni bilan taqdirladi. Bu haqda prezident matbuot kotibi Sherzod Asadov xabar berdi.

Ma’lum qilinishicha, elchi ikki mamlakat o‘rtasida munosabatlarni mustahkamlashga qo‘shgan hissasi uchun mukofot bilan taqdirlangan.

Taqdirlash marosimi MDH davlat rahbarlari kengashining majlisida bo‘ldi, unda O‘zbekiston prezidenti Shavkat Mirziyoyev ham ishtirok etdi.

Eslatib o‘tamiz, avvalroq Kursiv Uzbekistan Shavkat Mirziyoyev Rossiyaga tashrif buyurgani haqida xabar bergan edi.  

2024-yilgi kimyo bo‘yicha Nobel mukofoti «oqsilni hisoblash dizayni» uchun amerikalik Devid Beker va «oqsil tuzilishi prognozi» uchun Buyuk britaniyalik Demis Hassabis va Jon Jumperga berildi. 

Mukofot miqdori taxminan $1,06 millionga teng. Pul mukofotidan tashqari, Shvetsiya qiroli sovrindorlarga medal va diplomlarni topshiradi.

Ma’lumot uchun, 10-oktabrda adabiyot, 11-oktabr kuni Osloda tinchlik bo‘yicha Nobel mukofoti laureatlari, 14-oktabr kuni Alfred Nobel mukofotining iqtisod bo‘yicha sovrindorlari nomi e’lon qilinadi.

Shuningdek, 14-oktabrda Shvetsiya banki tomonidan 1968-yilda ta’sis etilgan Alfred Nobel mukofotining iqtisod bo‘yicha sovrindori ma’lum bo‘ladi.

Eslatib o‘tamiz, 2023-yilgi kimyo bo‘yicha Nobel mukofoti «kvant nuqtalarini yaratish va sintez qilish usulini ishlab chiqqani uchun» berilgan edi.

Avvalroq Kursiv Uzbekistan fizika bo‘yicha...

Osiyo taraqqiyot banki (OTB) Tojikiston energetika tizimini Markaziy Osiyo energiya tizimi (CAPS) bilan qayta ulash loyihasini kengaytirish uchun qoʻshimcha $15 million grant ajratilishini e’lon qildi. Mazkur loyiha Oʻzbekiston bilan asosiy hamkorlikni oʻz ichiga oladi. Bu haqda bank axborot xizmati xabar berdi.

OTBning Markaziy va Gʻarbiy Osiyo boʻyicha Bosh direktori Yevgeniy Jukovning soʻzlariga koʻra, Markaziy Osiyo mintaqaviy iqtisodiy hamkorligi (CAREC) dasturi orqali OTB Markaziy Osiyoda elektr energiyasi savdosini rivojlantirishga faol yordam bermoqda. Oʻzbekiston ushbu loyihaning asosiy hamkorlaridan biri sifatida butun mintaqaning energiya barqarorligini mustahkamlashda muhim rol oʻynaydi.

Qoʻshimcha mablagʻlar Tojikiston va Oʻzbekiston podstansiyalarini bogʻlaydigan 22 kilometrlik yangi elektr uzatish liniyasini...

Uzum Tezkor va Korzinka Go hamkorlikda oziq-ovqat mahsulotlarini yetkazib berishni boshladi. Bu haqda kompaniya Kursiv Uzbekistanʼga xabar berdi.

Ma’lum qilinishicha, Uzum Tezkor ilovasida Korzinka Go assortimentining 28 toifasida keltirilgan 10 mingdan ortiq mahsulotlar bor. Buyurtmalar Korzinka omborlarida yigʻilib, Uzum Tezkor kuryerlari tomonidan yetkazib beriladi.

Bugungi kunda Korzinka Go doʻkonlaridan Uzum Tezkor orqali faqatgina Toshkent shahrida yetkazib berilmoqda, ammo kelgusida ushbu xizmatdan boshqa shaharlarda ham yo‘lga qo‘yiladi.

Biz oziq-ovqat yetkazib berishga boʻlgan talab doimiy ravishda oshib borayotganini kuzatmoqdamiz va foydalanuvchilar uchun oziq-ovqat assortimentini kengaytirish ustida faol ishlamoqdamiz. Ma‘lumotlarga koʻra, Uzum Tezkor ilovasida oziq-ovqat doʻkonlaridan kelgan buyurtmalar soni...

Oʻzbekistonda aksiyadorlik jamiyatlari xodimlarining aksiyalarga egalik qilish rejasini joriy etish tartibi tasdiqlandi. Bu haqda Istiqbolli loyihalar milliy agentligi (ILMA) xabar berdi.

Ma’lum qilinishicha, bunday qaror davlat rahbari tashabbusi bilan fuqarolar farovonligini oshirish va qimmatli qogʻozlar bozorini rivojlantirishga qaratilgan islohotlar doirasida qabul qilindi.

ILMA tomonidan ishlab chiqilgan aksiyalarga egalik qilish rejasi toʻgʻrisidagi nizom xalqaro tajribaga asoslangan va xodimlarning aksiyalarga egalik rejasi (ESOP) amaliyotini joriy etishga qaratilgan. Unda xodimlarning aksiyalarni sotib olish shartlari belgilangan va davlat ulushi 50 foiz va undan ortiq boʻlgan aksiyadorlik jamiyatlaridan tegishli rejalar ishlab chiqish talab etiladi.

Shuningdek, yangi qoidalar xodimlar va kompaniyalar oʻrtasidagi munosabatlarni yaxshilash, barqarorlik...

Jahon bankining yangi hisobotiga ko‘ra, Toshkent shahridagi havo sifati bilan bog‘liq muammolar aholi salomatligi va iqtisodiyot uchun jiddiy xavf tug‘dirmoqda. Hisobot O‘zbekistonda havo sifatini boshqarishni takomillashtirish uchun tavsiyalar va «Yo‘l xaritasi»ni taqdim etadi.

Ushbu hisobot O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi hamda Jahon banki tomonidan tayyorlangan bo‘lib, Iqtisodiyot va moliya vazirligi ko‘magida amalga oshirilgan.

O‘zbekiston hukumati havo sifati muammosini jiddiy muammo sifatida tan olmoqda, chunki Toshkent shahridagi PM2,5 zarrachalari darajasi JSST tomonidan belgilangan xalqaro me’yorlardan sezilarli darajada oshib ketgan. Ushbu zarrachalar aholi salomatligi va iqtisodiy faoliyatga zarar yetkazuvchi asosiy ifloslantiruvchi omillardan biri hisoblanadi. Baholashlarga...

Vazirlar Mahkamasining 621-sonli qaroriga binoan 2024-yil 8-oktabrdan zamonaviy agrokompleks faoliyatini rivojlantirish bo‘yicha «Uzex Agro» platformasi ishga tushirildi.

Hujjatga ko‘ra, «Uzex Agro» elektron savdo maydonchasining uzluksiz ishlashini ta’minlash vazifasi O‘zbekiston Respublikasi tovar-xomashyo birjasi huzurida tashkil etilgan «Agro Exchange» MCHJga yuklatildi.

Bundan tashqari, MCHJga hududlarda qishloq xo‘jaligiga mo‘ljallangan yerlardan foydalanishni kengaytirish orqali zamonaviy agrokomplekslar tashkil etish vazifasi ham yuklatilgan.

2025-yil 1-yanvarigacha aholi, fermerlar va dehqon xo‘jaliklaridan platforma orqali mahsulotlarni sotish uchun vositachilik to‘lovlari undirilmaydi.

Ma’lumot uchun, hukumat qarorida «Uzex Agro» elektron savdo maydonchasida qishloq xo‘jaligi mahsulotlarini sotish tartibi to‘g‘risidagi nizom ham tasdiqlangan.

Eslatib o‘tamiz, avvalroq Kursiv Uzbekistan tadbirkorlar...

2025-yildan boshlab Primorskda mehnat muhojirlariga avtobus haydash va kuryer sifatida ishlash taqiqlanadi, deb xabar berdi «RIA Novosti».

Bundan tashqari, ularga trolleybus va tramvaylarni boshqarish, shuningdek, har qanday turdagi yuk tashish bilan shug‘ullanish ham taqiqlanadi. Biroq taqiq ekskursiya va sayyohlik avtobuslariga ta’sir qilmaydi.

Bungacha Primorye hukumati yettita ish faoliyati turi bo‘yicha migrantlarning ishlashiga taqiq joriy qilgan edi.

Avvalroq Kursiv Uzbekistan nashri Moskva viloyatidagi muhojirlarga shaurma sotish taqiqlanishi haqida yozgan edi.

Mirzo Ulug‘bek tumanidagi Asaka ko‘chasida kuz-qish mavsumiga tayyorgarlik ishlari sababli avtomashinalar harakati uchun vaqtincha yopildi. Bu haqda tuman matbuot xizmati hokimligi ma’lum qildi.

Unga ko‘ra, Asaka ko‘chasining Parkent-2 tor ko‘chasi kirish qismidan Maxatma Gandi ko‘chasiga qadar qismida avtomobillar harakati 10-oktabr soat 17:00 ga qadar vaqtincha cheklanadi.

Shuningdek, Mirzakalon Ismoiliy ko‘chasining Asaka ko‘chasi bilan kesishmasi vaqtincha yopildi.

Eslatib o‘tamiz, avvalroq Toshkentdan Chimyonga yangi tunnel ochilgani haqida yozgan edik.

O‘zbekistonda marburg virusini oldini olish bo‘yicha davlat chegaralarida kuchaytirilgan nazorat amalga oshirilmoqda. Bu haqda Sanepidqo‘mita xabar berdi.

Qayd etilishicha, mamlakatda ushbu virusning keng tarqalishining oldini olish bo‘yicha hamda kasallikni nazorat qilishda xavfsiz inyeksiya usullarini qo‘llash, shaxsiy himoya vositalaridan to‘g‘ri foydalanish belgilanmoqda.

Shuningdek, gemorragik isitmada gumon qilingan shaxslarni izolyatorlarga alohida joylashtirish, gumon qilingan bemorlarning qoniga tegmaslik, bemor ajratgan tana suyuqliklar bilan bevosita muloqotda bo‘lmaslik ta’kidlanmoqda.  

Bundan tashqari, virusning oldini olish uchun, infeksiya bo‘yicha odamlarning xabardorligini oshirish maqsadida aholi orasida tushuntirish va targ‘ibot ishlari amalga oshirilmoqda.

 «Shu o‘rinda fuqarolarimizga jiddiy xavotirga o‘rin yo‘qligini...

AQShning Florida Shtati gʻarbiy sohilida kuchli «Miltan» toʻfoni sodir boʻlmoqda. Bir milliondan ortiq shtat aholisiga toʻfon Tampa hududiga tushishidan oldin evakuatsiya qilish buyurilgan. Bu haqda «Amerika Ovozi» xabar bermoqda.

Ma’lum qilinishicha, toʻfon soatiga 150 milya (241 km/soat) boʻlgan 4-toifaga koʻtarilib, mintaqadagi eng halokatli toʻfonlardan biri boʻlishi mumkinligi aytilmoqda. Florida gubernatori Ron DeSantis 8 ming nafar milliy gvardiya askarlarini jalb qilish va zaruriy ehtiyot qismlarni tayyorlash haqida topshiriq berdi.

Shuningdek, seshanba kuni tushdan keyin 900 ga yaqin ichki va xalqaro reyslar kechiktirildi va 700 ga yaqini bekor qilindi. Parvozlarni kuzatish ma’lumotlari provayderi FlightAware ma’lumotlariga ko‘ra, chorshanba kuniga rejalashtirilgan 1500 dan...

2024-yilning 16 – 24-sentabr kunlari janob Yasir Abdih boshchiligidagi XVJ vakillaridan iborat guruh O‘zbekiston hukumati bilan uchrashib, joriy iqtisodiy vaziyat va istiqbollarini muhokama qildi. Bu haqda XVF rasmiy sahifasida ma’lum qilindi.

Umuman olganda, prognoz ijobiy deb baholanadi. Yalpi ichki mahsulotning real o‘sishi joriy va keyingi yilda 5,5 foizdan oshishi kutilmoqda. Investitsiyalar esa kuchliligicha qolmoqda.

Unga ko‘ra, CPI inflyatsiyasi zarur qattiq pul-kredit va soliq-byudjet siyosati choralari va energiya narxining oshishi yumshatilgani uchun asta-sekin pasayishni boshlaydi. Joriy hisob taqchilligi 2024-yilda YaIMning qariyb 6,25 foizigacha va 2025-yilda 6,1 foizgacha qisqarishi kutilmoqda. Bu qisman kuchli eksport va pul o‘tkazmalari hamda import qilinadigan...

O‘zbekiston hukumati qochqinlarga mamlakatda imkoniyatlarni kengaytirishga oid qonun loyihasini tayyorlashga kirishdi. Bu haqda YUNISЕF ma’lum qildi.

Tashkilot ma’lumotlariga ko‘ra, 2021-yilda O‘zbekistonga 13 mingdan ortiq Afg‘oniston fuqarolari qisqa muddatli vizalar bilan kirgan. Ushbu holat «Tolibon» harakati hokimiyatni qayta tiklaganidan so‘ng yuzaga kelgan.

Qayd etilishicha, ular O‘zbekistonda huquqiy va iqtisodiy qiyinchiliklarga, jumladan, ro‘yxatdan o‘tish va asosiy xizmatlarga kirishda muammolarga duch kelishmoqda.

«Mening fikrimcha, tavsiyalar 2026 – 2030 yillar uchun O‘zbekiston hukumati va YUNISЕF o‘rtasidagi mamlakat dasturi doirasida hujjat ishlab chiqilishi uchun asos bo‘lib xizmat qiladi. Bu “O‘zbekiston – 2030» Milliy strategiyasiga muvofiq, barqaror rivojlanish maqsadlariga erishishga yo‘naltirilgan...

Telegram messenjerida oʻnta yangi funksiya ishga tushiriladi. Bu haqda messenjer asoschisi Pavel Durov ma’lum qildi.

«Men Telegram jamoasini yaxshi koʻraman. Kuni kecha ilovalarimizga oʻnta takomillashtirishni taklif qildim. Oʻsha kunning oʻzida maketlarni tayyorladik, bugun esa toʻliq funksiyali yigʻilishlarni tayyorlashni yakunladik», – deydi Durov.

Uning ta’kidlashicha, gap tahrirlash vaqtini koʻrish va xabarlarni joʻnatgandan keyin multimedia materiallarini qoʻshish funksiyalari haqida bormoqda.

Avvalroq Kursiv Uzbekistan Telegramʼda qidiruv xavfsizligi kuchaytirilgani haqida xabar bergan edi.

BYD Uzbekistan Factory qo‘shma korxonasining joriy yilning besh oyi davomida 23,9 milliard so‘mlik soliq to‘lovi haqida ma’lumotlar paydo bo‘ldi. Bu borada tarmoq foydalanuvchilari shaurma va lavash ishlab chiqarish elektromobil ishlab chiqarishga nisbatan «ancha foydali» ekanligini ta’kidlashdi. Ushbu fikrga BYD kompaniyasi rasmiy munosabat bildirdi.

BYD Uzbekistan Factory korxonasi ijtimoiy tarmoqdagi xulosalarning bir tomonlama ekanini va kompaniya obro‘yiga putur yetkazishi mumkinligini ma’lum qildi.

«Ijtimoiy tarmoq faollarining, xususan, Timurmalik Elmuradov va Nikita Makarenkoning, Davlat soliq qo‘mitasining qisman e’lon qilingan ma’lumotlariga asoslanib chiqargan xulosalari bir tomonlama bo‘lib, kompaniya faoliyatini keng jamoatchilik ko‘z o‘ngida obro‘sizlantiradi», – deyiladi xabarda.  

Energetika vazirligi quyosh panellari boʻyicha murojaatlar uchun telefon raqamlari sonini koʻpaytirdi. Bu haqda vazirlik axborot xizmati xabar berdi.

Ma’lum qilinishicha, 7–8-oktabr kunlari vazirlik qabulxonasiga 1232 ta qoʻngʻiroq boʻlib, faqat 131 tasiga javob berilgan. Qabul qilingan murojaatlar, asosan, quyosh panellarining afzalliklari, davlat imtiyozlari va narxlari haqida boʻlgan. Bundan tashqari, ba’zi fuqarolar mahallasini elektr uzatish tarmogʻining eskiligi va yangilanishi boʻyicha yordam soʻragan.

9-oktabrdan boshlab, yangi telefon raqamlari +99871-231-16-61 (ichki 7046, 7037 va 7057) joriy etildi. Vazirlik barcha murojaatlarga e’tibor berishini va ijobiy yechimlar topishini ta’kidladi.

Avvalroq Kursiv Uzbekistan yil boshidan buyon besh mingga yaqin fuqarolar oʻz uylarida oʻrnatilgan quyosh panellari orqali...

Birlashgan Arab Amirliklarining (BAA) Jumeirah Group kompaniyasi O‘zbekiston bozoriga kirish imkoniyatini ko‘rib chiqmoqda. Bu haqda «Dunyo» agentligi xabar berdi.

Ma’lum qilinishicha, Jumeirah Group vitse-prezidenti Filip Krous kecha O‘zbekiston elchixonasi vakillari bilan uchrashdi. Tomonlar kompaniyaning respublika bozoriga kirish imkoniyatini muhokama qildilar.

Agentlik ma’lumotlariga ko‘ra, so‘nggi yetti yil ichida O‘zbekistonga xorijiy turistlar oqimi uch baravarga oshgan. Mehmonxonalar soni esa o‘n baravarga ko‘paygan.

Ma’lumot uchun, Jumeirah Group — lyuks darajadagi mehmonxonalar tarmog‘i bo‘lib. Kompaniya davlatga tegishlidir.

Avvalroq Kursiv Uzbekistan Rossiyaning YE’S mehmonxona kompaniyasi O‘zbekiston bozoriga kirishi mumkinligini haqida xabar qilgan edi.

O‘zbekistonda joriy yilning yanvar oyidan avgust oyiga qadar 19,6 trln so‘mlik fuqarolik obyektlari qurildi. Bu haqda respublika Statistika agentligi ma’lum qildi.

Qayd etilishicha, ushbu ko‘rsatkich o‘tgan yilning mos davriga nisbatan 12,1% ga yuqori.

Shuningdek, joriy yilda fuqarolik obyektlarini qurish yo‘nalishi 20,7 foizni ulushni tashkil etmoqda.

Eslatib o‘tamiz, Kursiv Uzbekistan o‘zbek qurilish kompaniyalari byurokratiya va mahsulot sifatining pastligi haqida shikoyat qilgani haqida xabar bergan edi.

Avvalroq hukumat 400 ta korxona vakillarini so‘rovdan o‘tkazib, ular qanday muammolarga duch kelayotganini aniqlashga harakat qilgan edi.

Isroil bosh vaziri Benyamin Netanyaxu Bayrutga qilingan zarba natijasida Livan harbiy guruhi «Hizbulloh»ning yangi rahbari Hoshim Safi ad-Din halok bo‘lganini tasdiqladi. Bu haqda The Times of Israel portali xabar berdi.

«Isroil “Hizbulloh»ning imkoniyatlarini zaiflashtirdi. Biz minglab terrorchilarni, shu jumladan, «Hizbulloh»ning ko‘p yillik rahbari Hasan Nasrulloni va Nasrulloning o‘rnini egallagan rahbarni va uning o‘rnini egallagan shaxsni yo‘q qildik”, – dedi Netanyaxu.

Siyosatchi «Hizbulloh» bugungi kunda so‘nggi yillardagiga nisbatan zaiflashganini ta’kidladi.

Eslatib o‘tamiz, 5 oktabrda Kursiv Uzbekistan Alarabiya portaliga tayanib, Hoshim Safi ad-Din bilan aloqa uzilgani haqida xabar bergan edi.