Yangiliklar

Seshanba kuni Brent markali neft fyucherslari barreliga $78,8 ga tushib, iyun boshidan beri eng past darajaga yetdi. Bu dunyodagi eng yirik neft iste’molchisi bo‘lgan Xitoyning talabiga nisbatan davom etayotgan xavotirlar fonida sodir bo‘ldi. Oxirgi ma’lumotlarga ko‘ra, Xitoyning jami yoqilg‘i moyi importi 2024-yilning birinchi yarmida 11 foizga kamaydi.

Xitoyning iqtisodiy prognozi kutilganidan past YaIM ko‘rsatkichlari va Xitoy Xalq bankining o‘tgan hafta o‘sish sur’atlarini oshirishga qaratilgan kutilmagan foiz stavkasini pasaytirganidan keyin yana xavotirlarni kuchaytirdi. Bu neft bozoriga salbiy ta’sir ko‘rsatdi.

Qolaversa, Yaqin Sharqdagi geosiyosiy taranglik haqidagi xavotirlar ham biroz yumshagan. Xabar qilinishicha, Hizbulloh aniq boshqariladigan raketalarni yuborgan, biroq Isroil bilan keng...

Toshkent xalqaro aeroportdagi zal ijaraga berish uchun kimoshdi savdosiga qo‘yildi. Bu haqda «Uzbekistan Airports» matbuot xizmati ma’lum qildi.

Savdoga qo‘yilgan zal xalqaro aeroportining jo‘nab ketish terminalidagi «steril» hududi bo‘lib, 427 kv.m maydonga ega. Zal hamma kommunikatsiyalar bilan jihozlangan. Doira shaklidagi balkonni yig‘ish uchun tayanchlar ham mavjud. Zal interyeri va ta’mirida qilinishi lozim bo‘lgan tayyor dizayn loyihasi taqdim etiladi.

Ijara uchun boshlang‘ich narx 1 kv.mga 880 ming so‘m miqdorida belgilangan.

Shuningdek, texnik topshiriqqa binoan, ijara to‘lovidan tashqari zalda xizmat ko‘rsatilgan har bir yo‘lovchi uchun AJ hisobiga yilning har choragida 39 ming so‘m o‘tkazib boriladi.

Shartnoma tuzish uchun yillik ijara to‘lovi...

Xitoyda sun’iy intellekt (SI) sohasidagi ixtirolar uchun patentlar soni 378 mingtaga yetdi, bu o‘tgan yilgi natijadan 40 foizga ko‘pdir, deya xabar beradi «Sinxua» agentligi Xitoy milliy intellektual mulk boshqarmasi (CHIPA)ga tayanib.

Departament ma’lumotlariga koʻra, Xitoyda sun’iy intellektga oid patentlar sonining oʻsish sur’ati jahondagi oʻrtacha koʻrsatkichdan 1,4 baravar yuqori. SI sohasi yalpi ichki mahsulotning 10 foizini tashkil qiladi.

2023-yil oxiriga kelib, Xitoyning 155 mingga yaqin korxonalari raqamli ixtirolar uchun patent oldi. Bu o‘tgan yilga nisbatan 31 mingtaga ko‘pdir.

Eslatib o‘tamiz, OpenAI Xitoyda o‘zining SI vositalariga kirishni bloklaydi.

Raqobat qo‘mitasi «Knauf»ni gipsokarton bozorida ustun, deb topdi. Bu haqda qo‘mita matbuot xizmati ma’lum qildi.

Gipsokarton bozorida o‘tkazilgan tahlilga ko‘ra, «Knauf Gips Buxoro» MCHJ gipsokarton bozorida 40 % dan ortiq ulushga ega ekanligi aniqlandi.

Buni hisobga olib, qo‘mita «Raqobat toʻgʻrisida»gi Qonunning 13-moddasiga binoan «Knauf» ni ustun mavqega ega deb hisobladi.

Eslatib o‘tamiz, avvalroq Raqobat qoʻmitasi «Orient Finans bank»ni jarimaga tortgani haqida xabar bergan edik.

2025-yil 1-martdan boshlab yoshga doir pensiyalar fuqarolarning murojaatisiz avtomatik tayinlanadi. Bu haqda Pensiya jamgʻarmasi axborot xizmati xabar berdi.

Xabarda ta’kidlanishicha, bunda hech qanday hujjat talab etilmaydi. Fuqarolarning shaxsiga oid barcha ma’lumotlar vazirlik va idoralarning elektron bazalaridan olinadi.

Bu orqali fuqarolardan pensiya tayinlash uchun qoʻshimcha hujjatlar yigʻish uchun Pensiya jamgʻarmasining hududiy boʻlinmasiga murojaat qilish talab etilmaydi.

Shuningdek, pensiya yoshiga yetgan fuqaroga qonunchilikda belgilangan talablar doirasida pensiya tayinlash haqida qaror qabul qilinganida uning telefon raqamiga «pensiya tayinlanganligi va uning miqdori» toʻgʻrisida ma’lumot yuboriladi.

Avvalroq «Kursiv» fuqarolar bir vaqtning oʻzida faqat bir turdagi pensiyani olishi mumkinligi haqida xabar bergan edi.

26-iyuldan O‘zbekiston va Qirg‘iziston chegarasida joylashgan «Farg‘ona» va «Oq-qiya» bojxona postlari kechayu kunduz ishlashga o‘tdi. Bu haqda O‘zR Bojxona qo‘mitasi matbuot xizmati xabar berdi.

Endilikda O‘zbekistonning Shohimardon kurort qishlog‘iga yo‘l olgan fuqarolar o‘ziga qulay vaqtda chegaradan o‘tishi mumkin.

Bunday chora O‘zbekiston prezidenti Shavkat Mirziyoyev va Qirg‘iziston rahbari Sadir Japarovning 18-iyul kuni Toshkentda bo‘lib o‘tgan uchrashuvida erishilgan kelishuvlar doirasida amalga oshirildi.

Eslatib o‘tamiz, aprel oyida «Oq-qiya» nazorat-o‘tkazish punkti texnik ishlar tufayli bir muddat yopilgan edi.

30-iyul kuni «Air Samarkand» Saudiya Arabistonining Jidda shahriga ilk parvozini amalga oshirdi. Bu haqda kompaniya matbuot xizmati «Kursiv»ga xabar berdi.

Samolyot Samarqanddan 188 nafar yo‘lovchini olib soat 00:05 da havoga ko‘tarilib, mahalliy vaqt bilan 03:10 da Jidda shahriga qo‘ndi.  Ushbu shaharga musulmonlar uchun muqaddas Makka va Madinaga yo‘l olgan ziyoratchilar yetib kelishadi. Shu kunning o‘zida Samarqanddan soat 15:00 da uchib, Jiddaga mahalliy vaqt bilan 18:20 da yetib keladigan yana bir reys rejalashtirilgan. Bundan buyon aviakompaniya har hafta seshanba kunlari ikkita reysni amalga oshiradi.

«Kompaniyamizning yangi reyslari Oʻzbekiston va Saudiya Arabistoni oʻrtasidagi aloqalarni mustahkamlashga yordam beradi. Va...

2024-yilning dastlabki olti oyi davomida Oʻzbekistonda narkotik moddalar bilan bogʻliq jinoyatlarda gumonlanib, 23 nafar Tojikiston fuqarosi qoʻlga olindi. Bu haqda ushbu mamlakat prezidenti huzuridagi Narkotik moddalarni nazorat qilish agentligi direktori Zafar Samad ma’lum qildi.

«Qoʻlga olinganlarning eng koʻp soni Rossiya Federatsiyasida qayd etilgan – 502 kishi, Oʻzbekiston Respublikasida 23 nafar, Qozogʻiston Respublikasida uch nafar», deya Samadning soʻzlarini keltiradi TASS axborot agentligi.

Umumiy hisobda 2024-yilning yanvar – iyun oylarida 528 nafar Tojikiston fuqarosi narkotik moddalar bilan bogʻliq jinoyatlar uchun xorijda qoʻlga olingan. Bu oʻtgan yilga nisbatan 82 kishiga kam. Qoʻlga olinganlardan jami 96 kg narkotik moddalar olib qoʻyildi.

Avvalroq «Kursiv...

O‘zbekiston prezidenti Shavkat Mirziyoyev vatandoshlarni Xalqlar do‘stligi kuni bilan tabriklab, davlat hokimiyati organlari bundan buyon ham millatlar o‘rtasidagi totuvlikni mustahkamlashga qaratilgan siyosatni amalga oshirishni ta’kidladi.

«Avvalo, sizlarni, butun O‘zbekiston xalqini Xalqlar do‘stligi kuni bilan chin qalbimdan samimiy tabriklayman. Mamlakatimizda millatlar va konfessiyalar o‘rtasidagi totuvlik va hamjihatlikni mustahkamlash siyosatini izchil davom ettiramiz» — tabriklaydi prezident.

Mirziyoyevning soʻzlariga koʻra, Oʻzbekistonda 130 dan ortiq millat va elat, 16 ta konfessiya vakillari istiqomat qiladi.

Davlat rahbari bugungi «Bunday murakkab sharoitda hayotning o‘zi bizdan mamlakatimizda hukm surayotgan o‘zaro hurmat, mehr-oqibat, totuvlik va birdamlik muhitini yanada mustahkamlashni», deb qo‘shimcha qildi...

30-iyul kuni Oʻzbekiston delegatsiyasi Olimpiada oʻyinlarida akademik eshkak eshish, boks, dzyudo va futbol dasturlarida ishtirok etishadi. Bu haqda Milliy olimpiya qoʻmitasi (MOQ) xabar berdi.

Unga koʻra, akademik eshkak eshish boʻyicha Anna Prakaten Oʻzbekiston delegatsiyasining 30-iyul kungi ishtirokini boshlab beradi.

Akademik eshkak eshish

Anna Prakaten – 12:30

Dzyudo

Sharofiddin Boltaboyev (-81 kg) — 13:00

Boks

Sitora Turdibekova (-57 kg) — 16:08

Nigina Oʻktamova (-54 kg) — 19:50

Hasanboy Doʻsmatov (-51 kg) — 23:15

Toʻrabek Xabibullayev (-80 kg) — 00:05

Futbol

Oʻzbekiston — Dominikan Respublikasi

Avvalroq «Kursiv» oʻzbekistonlik bokschi Ruslan Abdullayev chorak finalga yoʻl olgani haqida xabar bergan edi.

Bugun, 30-iyul kini respublikada quruq va issiq ob-havo kuzatiladi. Janubiy viloyatlarda Qoraqalpogʻiston Respublikasi va Xorazm viloyatidan tashqari chang-toʻzonlar koʻtarilishi mumkin. Havo harorati 34-39 daraja issiq boʻladi. Bu haqda «Gidrometeorologiya» xizmati agentligi xabar beradi.

Toshkent shahrida havo bulutli boʻlishi mumkin. Yogʻingarchilik kutilmaydi. Kunduzi havo 38-darajagacha isiydi, kechasi havo 18-23 daraja issiq boʻladi.

Togʻli hududlarda havo oʻzgaruvchan boʻladi, biroq yomgʻir yogʻmaydi. Kunduzi havo 30- darajagacha isishi mumkin, kechasi esa 14-19 daraja iliq ob-havo kuzatiladi.

Narxlar barqarorligini ta’minlash Markaziy bankning asosiy vazifalaridan biri hisoblanadi. Buning uchun regulyator inflyatsiya bo‘yicha maqsad (target)ni belgilaydi (O‘zbekistonda – 5%) . Pul-kredit siyosati vositalari bu maqsadga erishishga yordam beradi, asosiy stavka esa monetar choralarining asosiy vositalaridan biridir. «Kursiv» asosiy stavkaning 14 dan 13,5 foizga tushirilishi mamlakat iqtisodiyotiga qanday ta’sir qilishini o‘rganib chiqdi.

O‘tgan 10 yil ichida Markaziy bankning asosiy kursi qanday o‘zgargan

O‘zbekiston mustaqilligining dastlabki yillarida mamlakatda bazaviy stavka yuqori darajada edi. 1994-yil 2-maydan boshlab u 150% edi, o‘sha yilning oktabr oyida stavka 225% ga ko‘tarildi. 1995-yil mart oyida eng yuqori cho‘qqiga chiqdi – 300%.

2014-yil yanvarigacha stavka...

Oʻzbekiston mehnat bozorida 2024-yilning II choragida boʻsh ish oʻrinlarining oylik oʻrtacha soni 35,7 ming birlikni tashkil etib, I chorak koʻrsatkichlariga nisbatan 3 foizga kamaydi. Bu haqda Markaziy bank hisobotida ma’lum qilindi.

Qayd etilishicha, iyun oyida boʻsh ish oʻrinlari sonining kamayishi mavsumiy, jumladan, oʻquv yilining tugashi va ta’til mavsumining boshlanishi bilan bogʻliq boʻlishi mumkin.

Shuningdek, onlayn kuzatish natijalariga koʻra, II chorakda ish qidirish uchun ochiq veb-resurslarga tashrif buyuruvchilar bilan birga koʻrishlar soni ham pasaygan.

Davlat soliq qoʻmitasi ma’lumotlariga koʻra, II chorakda yakka tartibdagi tadbirkorlar soni I chorakka nisbatan 23 mingtaga yoki 8,8 foizga oshib, 287 ming kishini tashkil etdi. Yuqori...

«Toshshahartransxizmat» AJ Google xarita ilovasiga avtobuslarni integratsiya qilayotgani tufayli tizimda keltirilgan noqulayliklar sababli uzr so‘radi. Bu haqda Toshshahartransxizmat AJ Matbuot xizmati xabar berdi.

Ma’lum bo‘lishicha, 2024-yilning fevralida «Toshshahartransxizmat» AJ jamoat transportini boshqarish tizimi – Aqlli Transport Tizimi (IVMS)ga o‘tgan. Mazkur tizimni kuchaytirish uchun qilinayotgan ishlar poytaxtimizdagi aholining avtobuslar harakatini Google xarita ilovasi orqali real vaqtda kuzatish imkoniyatlarini cheklab qo‘ygan.

«Toshshahartransxizmat» AJ ushbu tizimga 1700 ga yaqin avtobuslarning ichki qurilmalaridagi ma’lumotlarini kiritmoqda. Jarayon tugagach yo‘lovchilar IVMSning bor imkoniyatlaridan to‘liq foydalana olishlari mumkin bo‘ladi.

Eslatib o‘tamiz, sal oldinroq Toshkent va Chorvoq o‘rtasida avtobuslar qatnovi ko‘payishi haqida...

Boks boʻyicha Oʻzbekiston terma jamoasi a’zosi Ruslan Abdullayev Olimpiada oʻyinlarida chorak finalga yoʻl oldi. Bu haqda Milliy olimpiya qo‘mitasi xabar berdi.

Oʻzbekistonlik bokschi -63,5 kg vazn toifasida ilk jangini meksikalik Migel Ramiresga qarshi oʻtkazdi. Abdullayev raqibini musobaqadan chiqarib yubordi va chorak finalga yoʻl oldi. Endi u 1-avgust kuni yarim final yoʻllanmasi uchun ringga koʻtariladi.

Oʻzbekistonlik dzyudochilar Shukurjon Aminova va Murodjon Yoʻldoshev ikkinchi bosqichda raqiblariga imkoniyatni boy berishdi.

Shuningdek, suzish boʻyicha Oʻzbekiston terma jamoasi a‘zosi Ilya Sibirsev uchun ham Olimpiida oʻyinlari nihoyasiga yetdi. U 800 metrga erkin usulda suzish dasturida qatnashib, 7:56.67 daqiqa bilan marraga keldi, lekin bu Sibirsevga final...

Zeekr Xitoydan tashqaridagi MDH davlatlariga norasmiy kirgan mashinalari dasturiy ta’minotini masofadan turib bloklaydi. Bu haqda Tengriavto nashri xabar berdi.

Unga ko‘ra, kompaniya shu yo‘l bilan rasmiy dilerlarni qo‘llab-quvvatlamoqchi. Bu esa Zeekr mashinalarini faqat rasmiy dilerlardan olish lozimligini anglatadi.

«15-iyuldan keyin konveyerdan chiqqan Zeekr avtomobillari, agar Xitoydan tashqarida topilsa yoki ishlab chiqaruvchi tomonidan ruxsat etilmagan SIM-kartalardan foydalanilsa, ogohlantirish bildirishnomalarini oladi. Agar bunga e’tibor berilmasa, ekran funksiyasi o‘chiriladi va foydalanuvchidan yordam uchun Zeekr bilan bog‘lanish so‘raladi», dedi Zeekr International.

«Zeekr International» vakili omma orasida tarqalgan ushbu ma’lumotlarni  tasdiqladi, ammo gap faqat 2024-yil 15-iyuldan keyin konveyerdan chiqqan...

29-iyulga o‘tar kechasi Toshkent shahrining Mirzo Ulug‘bek tumanida qurigan o‘t yonib ketishi oqibatida yong‘in sodir bo‘ldi, deb xabar berdi tuman hokimligi.

Hokimlik xabariga ko‘ra, yong‘in Anaybuloq ko‘chasidagi yopiq hududda sodir bo‘ldi.

«Yong‘in Mirzo Ulug‘bek tumani FVB xodimlari tomonidan o‘chirilgan, oqibatda jabrlangan va zarar ko‘rgan fuqarolar yo‘q», deya aniqlik kiritdi tuman hokimligi matbuot xizmati.

Avvalroq «Kursiv» Toshkentning Yunusobod tumanidagi yangi binolardan birida yong‘in chiqqani haqida yozgan edi.

Samarqand va Navoiyda fuqarolarni xorijga ishga yuborishni va’da qilgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar berdi.

Ma’lum qilinishicha, Oqdaryo tumanida fuqaro boshqa ikki fuqaroning ishonchiga kirib, ularni Angliyaga ishga yuborishni va’da qilib, evaziga $4,5 ming firibgarlik yoʻli bilan qoʻlga kiritgan. Tadbir davomida 1,2 mln soʻm va $700 qaytarib bergan vaqtida ashyoviy dalillar bilan ushlangan.

Shuningdek, yana bir holatda fuqaro 47 nafar fuqaroni chet davlatlarga ishga yuborishi evaziga jami $37,2 mingni firibgarlik yoʻli bilan qoʻlga kiritganligi aniqlangan.

Navoiy viloyatida ham fuqaro boshqa bir fuqaroning ishonchiga kirib, uni Janubiy Koreya davlatiga yashash va ishlash...

29-iyul kuni O‘zbekiston Respublika valyuta birjasida dollarning o‘rtacha tortilgan qiymati 25,45 so‘mga pasaydi va 12 574,38 so‘mni tashkil qildi.

Mamlakat banklari AQSh valyutasini 12 540 – 12 595 so‘mdan xarid qilishmoqda va 12 620 – 12 660 so‘mdan sotishmoqda.

Eslatib o‘tamiz, 26-iyul kuni dollarning o‘rtacha qiymati 34,17 so‘mga pasaygan edi.

2024/2025-o‘quv yilidan respublikamizdagi barcha OTM larda bakalavriat va magistratura uchun to‘lov-kontrakt shaklida bir yillik ta’lim qiymati 15 % ga oshirildi. Bu haqda Oliy ta’lim, fan va innovatsiyalar vazirligi ma’lum qildi.

Talabaning bir yillik ta’limi uchun to‘lov summasi u o‘qiyotgan ta’lim shakli va yo‘nalishiga qarab farq qiladi. Misol uchun, pedagogika yo‘nalishida, bakalavriatning kunduzgi ta’lim shaklida, stipendiyasiz tahsil oladigan talaba 2024/2025-o‘quv yili uchun 7,4 mln so‘m to‘laydi. Jahon siyosati yo‘nalishida ikkinchi mutaxassislikka, kunduzgi shaklda o‘qiydigan talaba esa bir yillik ta’lim uchun amalga oshirishiga to‘g‘ri keladi.

Agar talaba stipendiyali to‘lov-kontrakt asosida tahsil olishni istasa, unda ushbu kontrakt miqdoriga 12 oylik hozirgi stipendiya...

Dzyudo boʻyicha Oʻzbekiston terma jamoasi aʼzolari Shukurjon Aminova va Murodjon Yoʻldoshev Olimpiadaning ilk bosqichidan muvaffaqiyatli oʻtdi. Bu haqda Milliy olimpiya qo‘mitasi xabar berdi.

Shukurjon Aminova ilk bosqichda Kot dʼIvuarlik Zuleyxa Dabonne bilan bellashgan sportchimiz gʻalaba qozonib, ikkinchi davraga yoʻl oldi. Keyingi bosqichda u gruziyalik Eteri Liparteliani bilan bellashadi.

Yana bir dzyudochimiz jahon chempionati sovrindori Murodjon Yoʻldoshev (-73 kg) ham gʻalabaga erishdi. U qozogʻistonlik Daniyar Shamshayev bilan bellashib, ajoyib harakatlari evaziga keyingi bosqichga yoʻl oldi.

Qilichbozlik bahslarida ishtirok etgan Zaynab Dayibekova ilk bosqichda ishtirokini yakunladi. U Janubiy koreyalik Yun Ji-Su bilan bellashib, 11:15 hisobida magʻlubiyatga uchradi.

Avvalroq «Kursiv» Oʻzbekiston...

2024-yilning ikkinchi choragi yakuni bo‘yicha Paynet to‘lov tizimining foydasi 137,2 milliard so‘mni tashkil etdi. Bu o‘tgan yilning shu davriga nisbatan 83,3 foizga ko‘pdir. Bu ma’lumot kompaniya moliyaviy hisobotida e’lon qilindi.

Korxonaning sof tushum 504 milliard so‘mdan oshdi. Yil davomida bu ko’rsatkich 55,2 foizga o’sdi.

«Paynet» AJ 2005 yil dekabr oyida tashkil etilgan bo’lib, pul o’tkazmalari va turli xizmatlar uchun to’lovlarga ixtisoslashgan. Kompaniyaning ustav kapitali 10,5 mlrd.

Avvalroq «Kursiv» Humoni xususiylashtirish jarayoni boshlangani haqida yozgan edi.

Oʻzbekistonda 2024-yil 1-iyul holatiga koʻra, 66 mingga yaqin kichik biznes subyektlari 7,1 trillion soʻm soliq toʻlagan. Bu oʻtgan yilgi koʻrsatkichdan 31,5 foizga koʻpdir, deya xabar bermoqda Soliq qoʻmitasi matbuot xizmati.

Maʼlum qilinishicha, birinchi yarim yillikda kichik biznes subyektlarining tovar aylanmasi 80,6 trillion soʻmdan oshdi va yillik oʻsish 24,9 foizni tashkil etdi.

Statistika agentligi maʼlumotlariga koʻra, 2024-yilning olti oyida respublikada yangi 41 mingta kichik korxona va mikrofirmalar roʻyxatdan oʻtgan.

Bugungi kunda mamlakatda jami 387,1 mingdan ortiq mikrofirma va kichik biznes subyektlari faoliyat yuritmoqda. Yil davomida ularning soni 5,8 foizga kamaydi.

Avvalroq «Kursiv» yaqin ikki yilda kichik biznesni rivojlantirish uchun...

2024-yilning ilk uch oyida orqaga keta boshlagan tug‘ilish darajasi ikkinchi chorakda ham davom etgan. Bu haqda Statistika agentligi ma’lumot berdi.

Joriy yilning olti oyida respublikada 421,9 ming chaqaloq dunyoga keldi. Taqqoslash uchun: 2023-yilning shu davrida – 436,5 ming. Bu joriy yilda tug‘ilganlar soni 3,3 foizga kamayganini anglatadi.

O‘zbekistonning doimiy aholisi 37 134,2 ming kishini tashkil qilgan (2024-yil 1-iyul holatiga ko‘ra). Bu 2023-yilning mos davriga nisbatan aholi 2,1 %, ya’ni 761,8 ming nafarga ko‘paygan deganidir.

Joriy yilning yarmiga kelib O‘zbekistonga 1080 kishi ko‘chib kelgan bo‘lsa, 5066 kishi xorijga ko‘chib ketgan.

Shuningdek, eng yuqori tugʻilish koeffitsiyentiga 26,2 promille bilan Surxondaryo egalik...