Xiaomi 15 Ultra hali Xitoyda chiqmagan bo‘lsa-da, u allaqachon global bozorga chiqarilish uchun hozirlanmoqda. Bu haqda Gizmochina nashri ma’lum qildi.
Unga ko‘ra, Xiaomi 15 Ultra global versiyasi «G» bilan tugaydi, Xitoy versiyasi esa «C» bilan ajralib turadi. Xitoyda smartfon fevral oyida chiqishi kutilmoqda, global bozorga esa mart yoki aprel oylarida chiqarilishi taxmin qilinmoqda.
Xiaomi 15 Ultra Qualcomm Snapdragon 8 Elite chipseti va Android 15 asosidagi HyperOS 2.0 operatsion tizimi bilan jihozlanadi. 6,7 dyuymli LTPO OLED ekran va 120 Hz yangilanish tezligi unga yuqori sifatli vizuallik taqdim etadi. Kamerasi 50, 50, 50 va 200 MP tasvir sensorlari va periskopik moduli bilan ta’minlangan. Yangi AI Fusion sun’iy intellekt tizimi 100 karra zoomni aniqlikni saqlagan holda olish imkonini beradi.
Xiaomi 15 Ultra mijozlarga teri, shisha tolali yoki keramika korpus variantlarida taklif etiladi. Bundan tashqari, birinchi marta Xiaomi smartfoni bazaviy versiyada Tiantong sun’iy yo‘ldosh aloqasini qo‘llab-quvvatlaydi, eng yuqori model esa Beidou tizimi bilan ishlash imkoniyatiga ega.
Eslatib o‘tamiz, avvalroq Samsung Galaxy S21, S23 va A54 uchun muhim yangilanishlar chiqarilgani haqida yozgan edik.
