Avvalroq ommaviy zaharlanish qayd etilgan Angren shahridagi 10-sonli bolalar bog‘chasida 240 nafar tarbiyalanuvchining barchasi tibbiy ko‘rikdan o‘tkazilmoqda, deb xabar qildi O‘zbekiston sanitariya-epidemiologiya osoyishtaligi va aholi salomatligini muhofaza qilish qo‘mitasi matbuot xizmati.
Maktabgacha ta’lim muassasasi vaqtincha o‘z faoliyatini to‘xtatdi. Zaharlangan bolalar soni 31 nafarga yetdi. Oldin 24 nafar bemor qayd etilgan edi.
Jabrlanganlar kasalxonaga yotqizilgan, 7 nafari sog‘lig‘i yaxshilanganidan keyin chiqarilgan.
Mutaxassislar bemorlardan namunalar olib, bolalar bog’chasi omboridagi mahsulotlarni tekshirishadi. Qo‘mita vaziyatni nazoratga oldi.
