Samsung yangi Galaxy AI va S seriyali smartfonlarini taqdim etishga tayyorgarlik ko‘rmoqda. Kompaniya San-Xosedagi Unpacked tadbirini 22-yanvar kuni o‘tkazishini tasdiqladi. Bu tadbir CES ko‘rgazmasidan ikki hafta keyin bo‘lib o‘tadi. Oldindan buyurtma bergan mijozlarga $50 chegirma taklif qilinmoqda.
Samsung matbuot bayonotida: «Galaxy AI evolyutsiyasi yaqinlashmoqda va bu hayotingizni o‘zgartiradi», — deyiladi. Yangi telefonlar ko‘proq tabiiy va intuitiv AI texnologiyalari bilan jihozlangan bo‘lishi kutilmoqda.
Buyurtmalarni 22-yanvargacha «zahira qilish» imkoniyati mavjud. Bu bepul bandlov 5 ming dollarlik Samsung sovg‘a kartasini yutib olish imkonini ham beradi.
Eski telefoningizni almashtirishni rejalashtirayotgan bo‘lsangiz, Samsung bu safar 1250 dollargacha chegirma taklif etadi. Modelga qarab savdo qiymati farq qilishi mumkin.
Avvalroq, Google Galaxy S25 seriyasiga oldindan buyurtma berganlar Gemini Advanced’dan bir yil bepul foydalanishi mumkinligini e’lon qilgan edi.
Avvalroq Kursiv Uzbekistan Samsung Galaxy S21, S23 va A54 uchun muhim yangilanishlar chiqarilgani haqida xabar bergan edi.
