«AvtoVAZ» kompaniyasi Rossiyada Classic’24 nomi bilan mashhur bo‘lgan Lada Niva Travel avtomobilining eng arzon versiyasini ishlab chiqarishni to‘xtatdi. Bu haqda Lada.online resursi xabar berdi.
2025-yil boshida Classic’24 uchun narxlar ro‘yxatida «ishlab chiqarilmagan» belgisi paydo bo‘ldi. Biroq «AvtoVAZ» zavodi yangi yil ta’tilidan qaytmagani sababli ishlab chiqarish 2024-yilning oxirida tugatilgani ma’lum qilindi.
Classic’24 modeli haydovchi xavfsizlik yostiqchasiga ega bo‘lmagan yagona konfiguratsiya edi. Ishlab chiqarilish to‘xtatilishidan oldin avtomobilning narxi 1,33 mln rublni tashkil etdi. Keyinchalik narx 1,31 mln rublgacha tushirildi.
Classic’24 dan keyin Lada Niva Travel modellari orasida eng arzon konfiguratsiya Comfort’24 bo‘ladi. Ushbu versiya ikki xavfsizlik yostiqchasi bilan jihozlangan va 1,4 mln rubl narxida sotuvga chiqarilgan.
AvtoVAZ kompaniyasi hozircha Classic’24 versiyasining ishlab chiqarilishining tugatilishiga oid rasmiy izoh bermagan.
Avvalroq «Kursiv» oʻzbekistonliklar Rossiyaning «AvtoVAZ» korxonasiga ishga taklif qilingani haqida xabar bergan edi.
