Bugungi kunda jiddiy qiyinchiliklar va katta muammolardan qo‘rqmasa ham bo‘ladi. Muhim ishlarda muvaffaqiyatga erishish mumkin, ba’zi kichik vazifalarni esa kutganingizdan ham tezroq hal qilishingiz mumkin. Bu, birinchi navbatda, uy-ro‘zg‘or ishlari, yaqinlarga yordam berish, oilaviy turmushni tashkil etish bilan bog‘liq masalalarga taalluqli. Agar uy uchun xarid qilmoqchi bo‘lsangiz, buni kunning birinchi yarmida amalga oshirganingiz ma’qul. Aynan shu paytda to‘g‘ri tanlov qilish, yaxshi narsani topish va unga ko‘p pul sarflamaslik ehtimoli yuqori bo‘ladi. Quyida burjlar bo‘yicha 11-iyul uchun munajjimlar bashoratini taqdim etamiz.
Qo‘y (21.03 – 20.04)
Kayfiyat o‘zgaruvchan bo‘ladi. Ko‘pchilik uchun bu muammo bo‘lishi mumkin, chunki bunday burj vakillari muloqotda xayrixohlik va do‘stona munosabatda bo‘lishi qiyin bo‘ladi. Muloqot esa aynan bugun juda ko‘p bo‘ladi.
Odatlari va mayllari sizni muvozanatdan chiqaradigan, g‘ashingizga tegadigan odamlar bilan ish ko‘rishga to‘g‘ri kelishi ehtimoldan xoli emas. Bundan tashqari, ba’zilar muloqotga istar-istamas kiradigan, manipulyatsiya qilishga harakat qiladigan, suhbatdoshni qo‘zg‘atadigan yoki uning sabr-toqatini sinaydigan odamlar bilan muhim suhbatlar olib borishi kerak bo‘ladi.
Buzoq (21.04 – 20.05)
Kun sizni albatta yoqimli hayratga soladi. Masalan, kutilmaganda nafaqat foydali, balki ilhomlantiruvchi ma’lumot kelib qolishi ham ehtimoldan xoli emas. Agar siz uzoq vaqt davomida biror qaror qabul qilishga jur’at etmagan bo‘lsangiz, bugungi kun voqealari buni qilish vaqti kelganini ko‘rsatadi. Siz barcha shubhalarni chetga surib, hatto hech kim sizni ma’qullamasa va qo‘llab-quvvatlamasa ham, o‘ylagan narsangizni amalga oshirishga tayyor ekanligingizni his qilasiz.
Egizaklar (21.05 – 21.06)
Sizni nihoyatda mazmunli kun kutmoqda. Uning boshlanishi moliyaviy masalalarni hal qilish, qandaydir bitimlar tuzish, yirik xaridlarni amalga oshirish yoki potensial ishbilarmon hamkor bilan suhbatlashishni rejalashtirayotganlar uchun juda muvaffaqiyatli bo‘lishi mumkin.
Sizning ishtiyoqingiz yuqumli bo‘ladi va siz o‘z g‘oyalaringizni ulashadigan odamlar, shubhasiz, ularni amalga oshirishda ishtirok etishni xohlaydilar. Bu yerda sinchkovlik bilan yondashish kerak, chunki ruhiy ko‘tarinkilik va ijobiy his-tuyg‘ular ta’sirida umuman uzoqroq yurish kerak bo‘lgan odamlar bilan hamkorlik yoki qandaydir qo‘shma harakatlar haqida kelishib olish xavfi juda katta.
Qisqichbaqa (22.06 – 22.07)
O‘zingni maqtashga arziydi. Masalan, tajribaliroq tanishlaringiz yoki katta qarindoshlaringizning qo‘lidan kelmagan ishni uddalashingiz ehtimoldan xoli emas. Ko‘plar uchun allaqachon orttirilgan tajriba bugun asqotadi. Uning sharofati bilan burj vakillari noaniq vaziyatdan tezda chiqish yo‘lini topadi yoki uzoq muddatli rejalarni belgilab olishi mumkin. Sizning maslahatlaringizga ilgari har qanday maslahatlarga e’tibor bermaganlar ham quloq soladi. Ammo shuni yodda tutingki, bunday odamlar biroz keyinroq o‘z qarorlari uchun mas’uliyatni sizga yuklashga harakat qiladi. Va bu yerda boshqalarning xatolarida aybdor bo‘lmaslik yoki ularni uzoq va mashaqqatli tuzatishga jalb qilinmaslik uchun chegaralarni yetarlicha aniq belgilash muhim.
Arslon (23.07 – 23.08)
Agar siz anchadan beri biror muhim va foydali ish bilan shug‘ullanishni xohlagan bo‘lsangiz-u, lekin harakat qilishga jur’at eta olmagan bo‘lsangiz, eng qulay payt keldi. Bunda shuni yodda tutingki, kerakli natijani darhol olish imkonini beradigan ishlar bilan cheklanib qolish shart emas. Aksincha, bugungi kunda vaziyatga uzoq muddatli istiqbolda qarash va jiddiy hamda keng ko‘lamli vazifalarni hal etishga kirishish mumkin. Dastlabki qadamlarni tezda qo‘yish mumkin bo‘ladi, eng muhimi, siz tez orada to‘g‘ri yo‘nalishni tanlaganingizga ishonch hosil qilasiz. Bundan tashqari, buni sizga yordami juda foydali bo‘lgan odamlar ko‘radi va ular o‘z qo‘llab-quvvatlashlarini bezovta qilmaydigan va muloyim tarzda taklif qiladi.
Parizod (24.08 – 22.09)
Agar siz bu kunga biror jiddiy va muhim narsani rejalashtirgan bo‘lsangiz, barchasini tezda uddalay olmasligingizga tayyor turing. Umuman olganda, kun dam olish, kuch-quvvatni tiklash, muhim bo‘lmagan va majburiy bo‘lmagan, ammo yoqimli narsalar bilan shug‘ullanish uchun ko‘proq mos keladi.
Agar siz baribir muhim vazifalarni hal qilmoqchi bo‘lsangiz, shuni yodda tutingki, hozir kimningdir yordamiga tayanmasdan, mustaqil harakat qilganingiz ma’qul. Hatto ilgari sizga hamma narsada yordam bergan va doim shunday qilishga va’da bergan odamlar ham bugun pand berishi yoki foydadan ko‘ra ko‘proq zarar keltirishi mumkin. Sizni qo‘llab-quvvatlashni xohlamaganlari uchun emas, balki vaziyat yomonlashgani uchun.
Tarozi (23.09 – 23.10)
Kunning boshlanishi ayniqsa omadli bo‘lishi kutilayotganligi sababli, uzoq muddatga rejalashtirilgan ishlarni kechiktirmasdan, ularni amalga oshirishga ertaroq kirishilgan ma’qul. Sizga eski yoki yangi tanishlar yordam berishi ehtimoli katta. Bu rohatni ulardan darig‘ tutmang, yordam bersinlar. Ular hatto tashvishlaringizning katta qismini o‘z zimmalariga olishlari mumkin. Hammasi qanday bajarilganidan to‘liq qoniqish hosil qilasiz, hafsalangiz pir bo‘lishiga sabab bo‘lmaydi. Shunday ekan, bu aynan o‘z vakolatlarini qandaydir noxush oqibatlarga olib kelishidan qo‘rqmasdan topshirish mumkin bo‘lgan kun.
Chayon (24.10 – 22.11)
Bu zerikish sizning asosiy muammongizga aylanishi mumkin bo‘lgan kunlardan biri. Birinchidan, vaqtni qanday o‘tkazish va nima bilan shug‘ullanishga oid shaxsiy g‘oyalar ko‘p bo‘lmaydi. Ko‘plar uyg‘onib, hech narsa qilmaslik qanchalik yaxshi bo‘lishi haqida o‘ylashadi va dastlab aynan shunday bo‘ladi.
Ammo bir necha soatdan so‘ng siz qandaydir o‘zanga yo‘naltirish kerak bo‘lgan energiya paydo bo‘lganini his qilasiz, ammo o‘zanning o‘zi paydo bo‘lmadi. Bu yerda ko‘p narsa sizning atrofingizdagilarga bog‘liq. Agar yoningizda sizni nima bilan qiziqtirish mumkinligini biladigan va qiziqarli narsalarni taklif qiladigan odamlar bo‘lsa, kuningiz juda yoqimli o‘tadi.
O‘qotar (23.11 – 21.12)
Birinchidan, kun ancha murakkab bo‘lishi mumkin, ikkinchidan, bu sizni aslo cho‘chitmaydi. Haqiqatan ham, siz intilayotgan natijalarga erishguningizcha ko‘plab qiyinchiliklarni yengib o‘tishga to‘g‘ri keladi. Ammo siz qat’iyatli, matonatli bo‘lasiz va bir daqiqa ham o‘zingizga bo‘lgan ishonchni yo‘qotmaysiz. Aynan shu narsa hammasini yengishga imkon beradi.
To‘g‘ri, shuni yodda tutish kerakki, bugun kerakli natijani darhol olish imkonini beradigan ishlarga e’tibor qaratish ma’qul. Uzoq muddatli loyihalarni boshlash uchun hozir eng qulay payt emas. Masalan, uyda kichik ta’mirlash ishlarini amalga oshirish mumkin, lekin agar siz bunga oldindan tayyorgarlik ko‘rmagan bo‘lsangiz, qayta rejalashtirishni boshlamaganingiz ma’qul.
Tog‘ echkisi (22.12 – 20.01)
Bu kun kutilmagan hodisalarni olib kelmasligi bilan sizni xursand qiladi. Va agar sizda aniq rejalar bo‘lsa, siz ularni xotirjam amalga oshirishingiz mumkin, kutilmaganda nimadir siz kutganingizdan butunlay boshqacha bo‘ladi deb qo‘rqmaysiz.
Kunning boshlanishi siz so‘nggi paytlarda ko‘p o‘ylagan savollarga javob topishga imkon beradi. Hozir nimaga e’tibor qaratish kerakligini hal qila olmaganlar, nihoyat, haqiqatan ham nima muhimligini tushunadi. Agar sizda bugun hal qilishingiz kerak bo‘lgan bir nechta vazifalar orasidan tanlash imkoni bo‘lsa, aynan ertalab intuitsiya nimadan boshlash kerakligini aytadi.
Qovg‘a (21.01 – 19.02)
Kun, ayniqsa, uni katta davrada o‘tkazishni, do‘stlar bilan uchrashishni, oilaviy tadbir tashkil etishni yoki eski tanishlari bilan biror joyga borishni rejalashtirganlar uchun noaniq bo‘ladi. Rejalaringizga qanchalik ko‘p odam jalb qilinsa, nimadir noto‘g‘ri bo‘lishi ehtimoli shunchalik yuqori bo‘ladi.
Agar siz o‘zingiz bilan yolg‘iz qolishga tayyor bo‘lsangiz va hatto bundan xursand bo‘lsangiz, sizni ancha yoqimli shanba kutmoqda. U aqliy mashg‘ulotlar, o‘qish, shuningdek, ijod uchun juda mos keladi. Sizda qandaydir yangi qiziqishlar paydo bo‘lishi yoki o‘zingizni mutlaqo notanish ishda sinab ko‘rgingiz kelishi ehtimoldan xoli emas. Bu lazzatdan o‘zingizni mahrum etmang.
Baliq (20.02 – 20.03)
Tashvishlar ko‘p bo‘ladi, lekin kuningiz umuman olganda ancha yoqimli o‘tadi. Ehtimol, qilish kerak bo‘lmagan eng muhim narsa – ertalabdan jiddiy qarorlar qabul qilishdir, ayniqsa kimdir sizga bosim o‘tkazmoqchi yoki o‘z nuqtai nazarini o‘tkazmoqchi bo‘layotganini his qilsangiz. O‘zingizga biroz vaqt bering. Tushga borib, siz aslida nima bilan shug‘ullanishni xohlayotganingizni, haqiqatan ham nima qilish kerakligini tushunib olasiz, ustuvorliklarni belgilay olasiz va rejalaringizni qanday amalga oshirishni hal qilasiz. Shu vaqtda yordam so‘rab murojaat qilish mumkin bo‘lgan odamlar ham yoningizda bo‘ladi. Ehtimol, ular o‘zlari yordam taklif qilishar, shuning uchun siz so‘rashingiz shart emas.
