O‘zbekiston milliy terma jamoasi va Toshkentning «Paxtakor» klubi yarim himoyachisi Akmal Mozgovoyning to‘yi 2026-yil 10-iyul kuni bo‘lib o‘tdi. Marosimdan olingan lavhalar ijtimoiy tarmoqlarda tarqaldi.
Futbolchining turmush o‘rtog‘i Madina ekani qayd etilgan. Kelinlik libosini tayyorlagan salon ham juftlikni tabriklab, Akmal Mozgovoy va Madina to‘y uchun ularning xizmatini tanlaganini ma’lum qilgan.
Marosim futbolchining yaqinlari, qarindoshlari va do‘stlari ishtirokida o‘tkazilgan. Ijtimoiy tarmoqlarda tarqalgan lavhalarda kelin salom va to‘y dasturining boshqa qismlari ham aks etgan.
Qiziqarli jihati, Mozgovoy bilan bir kunda O‘zbekiston terma jamoasining yana bir futbolchisi Abbosbek Fayzullayev ham oila qurgan. Shu sabab ikki futbolchining to‘yidan lavhalar ijtimoiy tarmoqlarda bir vaqtda keng tarqaldi.
Futbolchi haqida
Akmal Mozgovoy 1999-yil 2-aprelda Qarshi shahrida tug‘ilgan. Bo‘yi 1,80 metr bo‘lgan futbolchi markaziy yarim himoyachi sifatida to‘p tepadi. U 2026-yil fevralida BAAning «Baniyas» klubidan «Paxtakor»ga o‘tgan va 2027-yil oxirigacha mo‘ljallangan shartnoma imzolagan.
Transfermarkt ma’lumotiga ko‘ra, Mozgovoyning bozor qiymati 1,4 mln yevroni tashkil etadi. U O‘zbekiston milliy terma jamoasi safida 28 ta uchrashuv o‘tkazib, bitta gol urgan.
Eslatib o‘tamiz, Kursiv Uzbekistan nashri Akmal Mozgovoy ham uylanayotgani haqida yozgan edi.
