Motorola yangi byudjet smartfoni Moto G Max’ni namoyish qildi. Bu haqda Flipkart nashri xabar berdi.
Qurilmaning asosiy jihati 7000 mA·soat sig‘imli akkumulyator bo‘lib, ishlab chiqaruvchi smartfon bir marta quvvatlanganda uch kungacha ishlashi mumkinligini bildirgan.
Snapdragon protsessori va tezkor xotira
Moto G Max Snapdragon 6s Gen 4 protsessori bilan jihozlangan. U LPDDR5X tezkor xotirasi va UFS 3.1 doimiy xotira texnologiyasi bilan ishlaydi.
Smartfonda 6,72 dyuymli Full HD+ ekran o‘rnatilgan. Displeyning yangilanish chastotasi 120 Gtsni tashkil etadi.
Sony kamerasi
Asosiy kamera 50 megapikselli Sony Lytia 600 sensori bilan ta’minlangan. Shuningdek, 8 megapikselli ultra keng burchakli kamera va 32 megapikselli selfi kamerasi mavjud.
Quloqchin porti ham saqlangan
Motorola qurilmada 3,5 mm quloqchin ulagichidan voz kechmagan. Moto G Max stereo dinamiklar va Dolby Atmos texnologiyasini ham qo‘llab-quvvatlaydi.
Smartfon korpusi IP64 darajasida himoyalangan.
Narxi hozircha noma’lum
Moto G Max’ning rasmiy narxi hali e’lon qilinmagan. Taqqoslash uchun, unga yaqin xususiyatlarga ega Moto G57 Power modeli sotuvga chiqqanida taxminan $145 dan taklif qilingan.
Avvalroq Kursiv Uzbekistan Motorola Razr yaratuvchilaridan biri 300 dollarlik Light Flip telefonini taqdim etgani haqida yozgandi.
