Yangiliklar

UEFA Chempionlar ligasining guruh bosqichi 5-tur o‘yinlari kutilmagan natijalar va so‘nggi daqiqalardagi dramatik gollarga boy bo‘ldi.

«Liverpul» – «PSV» 1:4

Tur sensatsiyasi Angliyada qayd etildi. Arne Slot boshchiligidagi «Liverpul» o‘z maydonida Niderlandiyaning «PSV» klubini qabul qilib, kutilmaganda yirik 1:4 hisobida mag‘lubiyatga uchradi. O‘yinning 6-daqiqasida Ivan Perishich mehmonlarni oldinga olib chiqqan bo‘lsa-da, Dominik Soboslai oradan 10 daqiqa o‘tib muvozanatni tikladi. Biroq ikkinchi bo‘lim to‘liq Eyndxoven klubi nazoratida o‘tdi. Gus Tilning goli va zaxiradan maydonga tushgan Driushning dubli «PSV»ga «Enfild»da yirik g‘alabani taqdim etdi.

«Atletiko Madrid» – «Inter» 2:1

Turning markaziy to‘qnashuvi Madriddagi «Vanda Metropolitano» o‘yingohida kechdi. Diyego Simeone

27-noyabr kuni Yevropa chempionlar ligasining 5-turi doirasida «Arsenal» o‘z maydonida «Bavariya»ni qabul qilib, 3:1 hisobida g‘alaba qozondi.

Bahsning 22-daqiqasida Bukayo Sakaning uzatmasidan so‘ng himoyachi Timber hisobni ochdi. Biroq oradan o‘n daqiqa o‘tib, 32-daqiqada myunxenliklar vakili Lennart Karl Serj Gnabrining pasidan unumli foydalanib, muvozanatni tikladi. Birinchi bo‘lim 1:1 hisobida yakunlandi.

Ikkinchi bo‘limda londonliklar tashabbusni to‘liq o‘z qo‘liga oldi. 69-daqiqada Noni Madueke jamoasini oldinga olib chiqqan bo‘lsa, 76-daqiqada Gabriel Martinelli yakuniy hisobni o‘rnatdi 3:1. Gollarga Rikkardo Kalafiori va Eberechi Eze assist amalga oshirdi.

O‘yin hissiyotlarga boy va keskin ruhda o‘tdi, hakamlar jami oltita sariq kartochka ko‘rsatishga majbur bo‘ldi. «Arsenal» safida Vilyam...

Parijda o‘tgan UEFA Chempionlar ligasining 5-tur uchrashuvida «PSJ» «Tottenhem» ustidan 5:3 hisobida ishonchli g‘alabaga erishdi.

Uchrashuvning 35-daqiqada Risharlison mehmonlarni oldinga olib chiqdi. Birinchi bo‘lim yakunida, 45-daqiqada Vitinya muvozanatni tiklashga muvaffaq bo‘ldi. Ikkinchi bo‘lim boshida Randal Kolo-Muani «Tottenhem»ni yana hisobda oldinga olib chiqqan bo‘lsa-da, parijliklar bunga tezkor javob qaytarishdi.

Oradan ko‘p o‘tmay Vitinya, Fabian Ruiz va Vilyam Pachoning ketma-ket gollari evaziga mezbonlar 4:2 hisobida ustunlikni qo‘lga kiritishdi. O‘yin yakuniga qadar Kolo-Muani dubl qayd etib farqni qisqartirgan bo‘lsa-da, 76-daqiqada belgilangan penaltini aniq amalga oshirgan Vitinya yakuniy hisobni o‘rnatdi.

Avvalroq Kursiv Uzbekistan «Real Madrid» Gretsiyada «Olimpiyakos»dan ustun kelgani haqida xabar bergan...

UEFA Chempionlar ligasining 5-turi doirasida Gretsiyaning «Olimpiyakos» klubi «Real Madrid»ni qabul qildi va yirik hisobda mag‘lubiyatga uchradi.

O‘yin kutilmagan ssenariy asosida boshlandi: 8-daqiqada «Olimpiyakos» hujumchisi Chikiniyo hisobni ochib, mezbonlarni oldinga olib chiqdi. Biroq birinchi taymning o‘rtalarida tashabbus to‘liq «Qirollik klubi» tomoniga o‘tdi.

Fransiyalik hujumchi Kilian Mbappe 22-daqiqada hisobni tenglashtirdi, oradan ikki daqiqa o‘tib jamoasini oldinga olib chiqdi va 29-daqiqada uchinchi golni urib, xet-trikni rasmiylashtirdi. Bu ko‘rsatkich madridliklar tarixidagi eng tez urilgan xet-trik sifatida qayd etildi.

Ikkinchi taymning 52-daqiqasida Tarimi hisobni qisqartirdi. Mbappe esa 60-daqiqada o‘yindagi to‘rtinchi golini kiritib pokerni rasmiylashtirdi. 81- daqiqada Al-Kabiy hisobni qisqartirdi. Yakuniy hisob 3:4. «Qirollik...

27-noyabr kuni O‘zbekiston hududi bo‘ylab havo o‘zgaruvchan bo‘ladi, yog‘ingarchilik kutilmaydi, kechasi va kunduzi harorat viloyatlarga qarab +2…+19° oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev Olimpiya shaharchasidagi stadionda Prezident Olimpiadasining tantanali ochilish marosimida ishtirok etdi. Bu haqda davlat rahbari matbuot xizmati ma’lum qildi.

Tadbirda hududiy saralash musobaqalaridan muvaffaqiyatli o‘tgan sportchilar va jamoalar, shuningdek, jahon, Osiyo va Olimpiya o‘yinlari chempionlari ishtirok etdi. Katta sport bayrami chorlov musiqasi ostida boshlandi va davlat rahbari nutq so‘zladi.

Davlat yetakchisi nutqida Prezident Olimpiadasi O‘zbekiston yoshlarini olimpiya harakatining ezgu g‘oyalari asosida birlashtiruvchi birinchi yirik sport tadbiri ekanini ta’kidladi. So‘nggi sakkiz yilda sport sohasiga e’tibor oshirilgani, budjet mablag‘lari 250 mlrd so‘mdan 3 trln so‘mga yetgani, sport murabbiylarining o‘rtacha maoshi 7 barobar ko‘paygani va yuzlab yangi sport obyektlari qurilgani...

Osiyo chempionlar ligasi-2 guruh bosqichining 5-turida «Andijon» klubi Turkmanistonning «Arkadag‘» jamoasi bilan 1:1 hisobida durang o‘ynadi.

Uchrashuvning birinchi bo‘limida darvozalar daxlsizligi saqlanib qolindi, asosiy voqealar ikkinchi taymda yuz berdi. O‘yinning 63-daqiqasida «Andijon» futbolchisi Akinade raqib darvozasini aniq nishonga olib, hisobni ochdi. Biroq oradan besh daqiqa o‘tib, 68-daqiqada «Arkadag‘» futbolchisi Durdyev javob to‘pini kiritdi va jamoasini mag‘lubiyatdan qutqarib qoldi.

«Andijon» ushbu mavsumdagi xalqaro musobaqada noyob statistikani qayd etmoqda. Jamoa o‘tkazilgan 5 ta uchrashuvning barchasida murosa yo‘lini tanladi. Qayd etish joizki, avvalgi to‘rtta turda «burgutlar» 0:0 hisobidagi duranglarni qayd etgan edi. «Arkadag‘»ga qarshi bahs jamoaning turnirdagi ilk gollik durangi bo‘ldi.

Ayni...

Google YouTube tasmasini foydalanuvchi istagiga moslab sozlash imkonini beruvchi Your Custom Feed nomli yangi eksperimental funksiyani test qilmoqda. Bu haqda Android Headlines ma’lum qildi.

Ushbu imkoniyat foydalanuvchilarga YouTube bosh sahifasida ko‘rinadigan kontentni o‘zlari xohlagan tarzda sozlashga yordam beradi. Sinov jarayonida foydalanuvchilar bosh sahifada yangi tugmani ko‘radi. Bu tugma orqali ular tasmani matn ko‘rinishida berilgan ko‘rsatmalar yordamida boshqarishlari mumkin.

Mazkur jarayonda foydalanuvchi kiritgan so‘rovlarni tushunish uchun sun’iy intellekt texnologiyasidan foydalanilishi kutilmoqda. Bu funksiya yordamida tasmani individual istaklar va afzalliklarga moslashtirish mumkin bo‘ladi.

Yangi funksiyaning tasmani qanchalik o‘zgartira olishi hozircha noma’lum. Texnologiya nashrlari ma’lumotlariga ko‘ra, bu imkoniyatga ega foydalanuvchilarni topish...

Gonkongning Tai Po tumanidagi Wang Fuk Court ko‘p qavatli uylar majmuasida yuz bergan yong‘in natijasida kamida 14 kishi halok bo‘ldi. Bu haqda Reuters agentligi ma’lum qildi.

Unga ko‘ra, majmuadagi sakkiz binodan yettitasi hanuzgacha yonmoqda. Undagi ko‘pchilik aholi qariyalar ekanligi aytilmoqda. Yong‘in tufayli yuqori qavatlarda qolib ketgan aholi bilan aloqa o‘rnatilgan. O‘t o‘chirish xodimlari ularga eshik va derazalarni nam sochiqlar bilan yopishni tavsiya qilgan. Olov tez tarqalgani sababli yong‘inni o‘chirish ishlari qiyin kechmoqda.

Xitoy rahbari Si Szinpin yong‘inda halok bo‘lganlarning yaqinlariga hamdardlik bildirdi va tegishli idoralarga yong‘in oqibatlarini kamaytirish bo‘yicha topshiriq berdi. Shu bilan birga, halok bo‘lgan o‘t o‘chiruvchi...

Toshkent viloyati va Toshkent shahrida yer maydonlaridan foydalanish jarayonida korrupsion amaliyotlar aniqlanib, ushbu holatlar bo‘yicha ikki jinoiy ish qo‘zg‘atildi. Bu haqda DXX matbuot xizmati ma’lum qildi.

Birinchi holatda, Toshkent viloyati hokimligining investitsiyalar, sanoat va savdo boshqarmasi bosh mutaxassisi, Toshkent shahrida xususiy faoliyat yurituvchi notarius yordamchisi, 1980-yilda tug‘ilgan rieltor va 1996-yilda tug‘ilgan shaxs tadbirkorlik bilan shug‘ullanish niyatida bo‘lgan fuqaroni aldab, uning ishonchiga kirgan.

Ular Chirchiq shahrida joylashgan va ulgurji savdo bilan shug‘ullanuvchi MChJ balansidagi 8,5 gektar yer maydonini fuqaroga $6,8 mlnga sotish, shuningdek, ushbu hududga elektr, gaz, oqova suv va qurilish ishlari uchun kerakli texnik shartnoma va ruxsatnomalarni taqdim...

Istiqbolli loyihalar milliy agentligi (ILMA) internet monitoringi davomida kriptoaktivlar niqobi ostida faoliyat yurituvchi Lionsgate moliyaviy piramidasini fosh etdi.

O‘rganishlar natijasida Lionsgate loyihasi tashkilotchilarining O‘zbekiston Respublikasi hududida kriptoaktivlar aylanmasi sohasida xizmat ko‘rsatish uchun hech qanday litsenziyaga ega emasligi ma’lum bo‘ldi. Agentlik mazkur platforma moliyaviy piramida alomatlariga ega ekanligini ta’kidlamoqda.

Qonunga muvofiq, O‘zbekistonda kriptoaktivlar xizmatlari faqat litsenziyaga ega rezident yuridik shaxslar tomonidan ko‘rsatilishi shart. Ruxsat etilgan provayderlar toifasiga kripto-birjalar, mayning-pullar, kriptodepozitariylar va kriptodo‘konlar kiradi.

Agentlikning eslatishicha, 2023-yil 1-yanvardan boshlab O‘zbekiston fuqarolari va yuridik shaxslari kriptoaktivlarni sotib olish, sotish yoki ayirboshlash amaliyotlarini faqat milliy provayderlar orqali amalga oshirishlari majburiy hisoblanadi. Ushbu tartibni...

Shu yilning 27-noyabridan Urgut – Samarqand yo‘nalishida 6202/6201 va 6204/6203-sonli shaharlararo poyezdlarining har kunlik qatnovi yo‘lga qo‘yiladi. Bu haqda «O‘ztemiryo‘lyo‘lovchi» AJ ma’lum qildi.

Poyezdlar quyidagi jadval asosida harakatlanadi:

Avvalroq Kursiv Uzbekistan Samarqand – Urgut yangi temir yo‘l liniyasini to‘liq elektrlashtirish rejalashtirilayotgani haqida yozgandi.

Ma’lumot uchun, 55 kilometr uzunlikdagi ushbu yo‘lning boshlang‘ich nuqtasi fevral oyida boshlangan bo‘lib, ikki vokzal, «Urgut» erkin iqtisodiy zonasida ikkita yuk stansiyasi va bir qator ko‘priklarni o‘z ichiga oladi.

Amerikalik bloger Zach King o‘zining Youtube’dagi qisqa videosi ortidan qancha daromad topganini ma’lum qildi. 1 milliard martadan ortiq tomosha qilingan shorts ijodkorga $25,7 ming (328 million so‘m) daromad keltirgan.

Blogerning aytishicha, ushbu video daromaddan tashqari kanal rivoji uchun ham katta hissa qo‘shgan. Aynan shu rolik ortidan uning sahifasiga 3 million yangi obunachi a’zo bo‘lgan. Videoda u ko‘cha devoriga sprey bo‘yoq yordamida narvon rasmini chizadi va kutilmaganda rasm haqiqiy narvonga aylanib, u orqali qorovuldan qochib ketadi.

Zach King amerikalik youtuber va rejissyor bo‘lib, o‘zining videolari bilan mashhur. U kompyuter grafikasisiz, faqat mohirona montaj va rakurslar orqali vizual illyuziyalar yaratishi bilan...

Chery o‘zining yangi yirik SUV modeli Chery Fulwin T9L avtomobilini 2026-yil mart–aprel oylarida Xitoy bozoriga chiqarishini tasdiqladi. Bu haqda CarNewsChina xabar bermoqda.

Model birinchi bor 2025-yil Guanchjou avtosalonida namoyish etilgan. T9L Fulwin subbrendi ostida ishlab chiqariladi, bu brend 2025-yilda gibrid va elektr segmentlarida faol kengaymoqda.

Krossoverning uzunligi 4870 mm, eni 1930 mm, g‘ildiraklar bazasi esa 2920 mm. Model Kunpeng plug-in gibrid platformasida qurilgan va Falcon 700+ aqlli haydash tizimi bilan jihozlangan. Ushbu tizim Horizon Robotics’ning Journey 6P chipida ishlaydi va to‘satdan piyoda chiqib qolishi yoki yo‘l qurilishlari kabi murakkab vaziyatlarga moslashishi mumkin.

Salon qismi Lingxi Smart Cockpit 2.0 tizimi...

O‘zbekistonda yangi O‘zbek – Fransuz universiteti tashkil etilmoqda. Bu haqda prezident qarori e’lon qilindi.

Ta’lim maskani O‘zbekiston qonunchiligi hamda Fransiya universitetlari konsorsiumi tavsiyalari asosida faoliyat yuritadi.

Yangi universitetda dastlab magistratura yo‘nalishlari ochiladi. Keyinchalik bosqichma-bosqich bakalavriat va doktorantura dasturlari yo‘lga qo‘yilishi rejalashtirilgan. Shuningdek, abituriyentlar uchun tayyorlov kurslari tashkil etiladi.

Ta’lim maqsadli davlat granti va to‘lov-kontrakt asosida amalga oshiriladi. Bitiruvchilar universitet diplomi bilan birga, konsorsium tarkibidagi Fransiya oliygohlaridan birining xalqaro akkreditatsiyadan o‘tgan diplomiga ham ega bo‘lishi mumkin. Ushbu diplomlar O‘zbekiston hududida to‘liq tan olinadi.

Avvalroq Kursiv Uzbekistan Toshkentda Germaniya tibbiyot akademiyasi ochilgani haqida yozgandi.

O‘zbekistonda Wildberries WB Taxi xizmatini ishga tushirishga hozirlanmoqda. Bu haqda kompaniya «Kursiv» nashriga ma’lum qildi.

Xizmat avvaliga faqat yopiq guruh uchun ochiladi. Bu kompaniyaga tizimni bosqichma-bosqich tekshirish va foydalanuvchilar uchun qulay sharoit yaratishga yordam beradi.

Birinchi bo‘lib xizmatdan Wildberries xodimlari va hamkorlari foydalanadi. Ular uchun qulay tariflar, mashinaning tez kelishi mavjud bo‘ladi va yo‘l haqi qiymatining 50 foiz keshbek ko‘rinishida «tarvuzlar» qaytariladi. «Tarvuzlar» — Wildberries’ning ichki virtual valyutasi bo‘lib, u faqat karta orqali to‘lov qilganda beriladi.

Haydovchilar uchun ham yaxshi sharoitlar taklif qilinadi. Past komissiya va xizmat sifati talablariga rioya qilinganda kunlik kafolatlangan daromad beriladi.

2024-yilda dunyo bo‘yicha 83 ming ayol va qiz qasddan o‘ldirilgan, shundan 50 ming nafari, ya’ni 60 foiziga turmush o‘rtoqlari yoki oila a’zolari sababchi bo‘lgan. Ushbu statistika BMT tomonidan taqdim etildi.

Bu har 10 daqiqada bir nafar, har kuni esa 137 nafar ayol yaqinlarining qurboniga aylanayotganini anglatadi.

Zo‘ravonlik ko‘rsatkichlari ancha yillardan beri kamaymayapti

BMTning Narkotiklar va jinoyatchilik bo‘yicha boshqarmasi (NJB) va BMT-ayollar tuzilmasi global majburiyatlar va profilaktika choralariga qaramay, gender asosidagi qotilliklar soni barqaror kamaymayotganini ta’kidladi. 2024-yilda qayd etilgan 83 ming ayol-qizning aksariyati uy sharoitida halok bo‘lgan.

Taqqoslash uchun, erkaklarning 11 foizi oila a’zolari yoki jinsiy sheriklari tomonidan o‘ldirilgan...

O‘zbekistonlik grossmeyster Javohir Sindarov shaxmat bo‘yicha Jahon Kubogi finalida g‘alaba qozonib, musobaqa chempioniga aylandi.

Hal qiluvchi bahsda Sindarov jahon reytingida yuqori o‘rinlardan birini egallab turgan Xitoy vakili Vey Yini tay-brekda dog‘da qoldirdi. Chempionlik uchun kechgan kurash murosasiz o‘tdi. Asosiy partiyalarda tomonlarning kuchlari teng kelgach, g‘olib nomi tay-brek (qo‘shimcha qisqa vaqtli partiyalar) orqali aniqlandi.

Qo‘shimcha bo‘limning birinchi partiyasida grossmeysterlar durangga imzo chekishdi. Ikkinchi hal qiluvchi bahsda esa Javohir Sindarov taktik yurishlari evaziga nomdor raqibini taslim etdi.

Javohir Sindarov shaxmat tarixidagi eng yosh grossmeysterlardan biri hisoblanadi. U ushbu unvonni 12 yoshida qo‘lga kiritgan edi.

Eslatib o‘tamiz, sportchi 2022-yili Chennayda (Hindiston) bo‘lib...

Toshkent shahrida «Yevropa Ittifoqi – Markaziy Osiyo» uchinchi Iqtisodiy forumi o‘tkazildi. Forum doirasida turli sohalarga oid oltita hujjat imzolandi. Bu haqda Kursiv Uzbekistan’ga ma’lumot taqdim qilindi.

Tadbirda 32 davlat hukumatlari, xalqaro tashkilotlar, yirik kompaniyalar va biznes vakillaridan iborat 400 dan ortiq xorijiy ishtirokchi qatnashdi.

O‘zbekiston Bosh vaziri o‘rinbosari Jamshid Xodjayev o‘z nutqida Yevropa Ittifoqi (YI) va Markaziy Osiyo o‘rtasidagi munosabatlar so‘nggi yillarda sezilarli faollashganini ta’kidladi. So‘nggi yetti yilda o‘zaro savdo hajmi to‘rt barobar oshib, 54 mlrd yevroga yetgan. Yevropa Ittifoqi esa o‘n yil davomida mintaqaga 100 mlrd yevrodan ortiq investitsiya yo‘naltirib, asosiy investor maqomini saqlab qolmoqda.

Xodjayevning aytishicha, YI...

Janubi-sharqiy Osiyoda kuzatilayotgan kuchli yomg‘irlar Tailand va qo‘shni davlatlarda keng ko‘lamli suv toshqinlariga sabab bo‘ldi. Bu haqda BBC xabar berdi.

Tailandda bir kunda 335 mm yog‘ingarchilik qayd etilib, bu so‘nggi 300 yildagi eng yuqori ko‘rsatkich bo‘ldi. Tabiiy ofat oqibatida mintaqada umumiy hisobda 150 nafardan ortiq kishilar halok bo‘lgan. Tailand janubidagi 10 ta provinsiyada vaziyat og‘ir bo‘lib turibdi.

Malayziya bilan chegaradosh Hat Yai shahrida transport vositalari va uylar suv ostida qolgan, aholi tomlarda qutqaruvchilarni kutmoqda. Mamlakat bo‘ylab 2 milliondan ortiq kishi toshqinlardan jabr ko‘rgan bo‘lsa-da, hozircha atigi 13 ming kishi vaqtincha boshpanalarga ko‘chirilgan. Ko‘pchilik aholi tashqi dunyodan uzilib qolgan va...

27-noyabr uchun valyuta kurslari e’lon qilindi. Shu kun uchun AQSh valyutasi 11 881,60 so‘m (-55,29 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

19-noyabr kuni dollar 11 940,70 so‘mga (-69,22 so‘m), 20-noyabr kuni esa 11 910,93 so‘m (-29,77 so‘m) tenglashgan edi. 21 noyabr kuni dollar 11 914,67 so‘m (+3,74 so‘m),  24-noyabr uchun 11 971,40 so‘m (+56,73 so‘m), 25-noyabr kuni esa 11 988,32 so‘m (+16,92 so‘m) etib belgilandi. 26-noyabr kuni AQSh valyutasi 11 936,89 so‘mga (-51,43 so‘m) tenglashgan.

Markaziy bank ma’lumotlariga ko‘ra, yevro 19,81 so‘mga tushib, 13 749,39 so‘mni, rubl esa 0,51 so‘mga tushib, 151,05 so‘mni tashkil qildi.

Eslatib o‘tamiz...

Toshkentda havo sifati yomonlashgani uchun respirator (niqob)ga talab keskin oshdi. Kursiv Uzbekistan muxbirining xabar berishicha, beshta tasodifiy dorixonadan faqat bittasida maxsus respiratorlar mavjud. Qolgan dorixonalarda faqat oddiy tibbiy niqoblar sotilmoqda.

Dorixona xodimlari savdoning oshishi aynan havodagi chang miqdori ko‘paygani bilan bog‘liq ekanini tasdiqladi. Ulardan biri aholi ko‘proq oddiy niqob sotib olayotganini, lekin bunday niqoblar PM2.5 zarrachalariga qarshi foydasizligini ta’kidladi. Farmatsevtlar oddiy niqoblar chang va smogdan himoya qilmasligini aytmoqda.

26-noyabr soat 15:00 dagi holatga ko‘ra, Toshkentda PM2.5 darajasi 120 mkg/m³ ni tashkil etdi. Havo sifati AQI bo‘yicha 196 bo‘lib, bu «juda zararli» toifasiga kiradi. Mutaxassislar bu daraja o‘pka uchun xavfli ekanini...

2030-yilga borib O‘zbekistonning yalpi ichki mahsuloti (YIM) $200 milliardga yetkazilishi rejalashtirilgan. Bu haqda Iqtisodiyot va moliya vazirligining budjetnomasida ma’lum qilindi.

Iqtisodiy o‘sish aholining jon boshiga to‘g‘ri keladigan daromadini $5 mingga yetkazish imkonini beradi. Ushbu ko‘rsatkichga erishish kambag‘allikni qisqartirish va aholining hayot sifatini yaxshilashga xizmat qiladi. Vazirlik tashqi iqtisodiy xatarlarga qaramay, 2028-yilgacha bo‘lgan davr uchun iqtisodiy o‘sish prognozlarini yaxshiladi. Joriy yilda YIM 7 foizga, 2026 – 2027-yillarda ham 7 foizga o‘sishi, 2028-yilda esa 6,9 foiz bo‘lishi kutilmoqda.

Iqtisodiyot va moliya vazirligi budjet masalasiga ham to‘xtalib o‘tdi. Kelgusi yildan boshlab budjet taqchilligi umumiy fiskal balans tarkibida, shu jumladan, dasturlar bo‘yicha depozitlar...

29-noyabr kuni bo‘lib o‘tadigan Superliganing 30-turidan o‘rin olgan «Qizilqum» va «Sho‘rtan» uchrashuvida chempionat tarixida ilk bor to‘liq ayol hakamlar jamoasi ishlaydi. Bu haqda O‘FA xabar berdi.

Uchrashuv bosh hakami etib Nasibabonu Toshmuhammedova tayinlandi. Unga qanotlarda yordamchi hakamlar Kristina Sereda va Zilola Rahmatova ko‘maklashadi.

Ma’lumot uchun, Superliganing 28-turida Kristina Sereda «OKMK» va «Navbahor» bahsida, Nasibabonu Toshmuhammedova esa «Nasaf» hamda «Mash’al» uchrashuvida AVAR hakamlari sifatida ishlagan edi.

Avvalroq Kursiv Uzbekistan Superligada mavsumning eng yaxshi futbolchisi va murabbiyi nomiga da’vogarlar e’lon qilingani haqida xabar berildi.