Yangiliklar

Samsung kompaniyasi Galaxy S25, Galaxy S25 Plus va Galaxy S25 Ultra smartfonlari uchun One UI 8.5 foydalanuvchi interfeysining to‘rtinchi beta-versiyasini taqdim etdi. Bu haqda Sammobile nashri xabar berdi.

Hozircha yangilanish faqat Galaxy S25 oilasi uchun ochiq beta dasturi doirasida tarqatilmoqda.

Yangilanish hajmi taxminan 1,5 GB ni tashkil etadi (proshivka versiyasi oxiri — ZZAL) va dastlab Janubiy Koreyada foydalanuvchilarga yetib borgan. Yaqin kunlarda u boshqa mamlakatlarda ham foydalanish uchun ochilishi kutilmoqda. Qayd etilishicha, ushbu beta-versiya oldingisidan qariyb bir oy kechikib chiqqan — reliz yanvar o‘rtalarida bo‘lishi rejalashtirilgan edi.

To‘rtinchi beta-versiyada asosiy e’tibor tizim barqarorligi va telefon funksiyalarining to‘g‘ri ishlashiga qaratilgan...

Pokiston va O‘zbekiston o‘rtasidagi xususiy sektor hamkorligi doirasida Islomobod shahrida Imom Al-Buxoriy majmuasi qurilishi rejalashtirilgan. Qurilish ishlarini Pokiston kompaniyasi Capital Smart City amalga oshiradi, deya xabar bermoqda Bloom Pakistan.

Hujjatni HRL Group raisi Zahid Rafiq va O‘zbekiston Investitsiyalar, sanoat va savdo vaziri Laziz Qudratov imzoladi. Kelishuv doirasida, Samarqanddagi Imom Al-Buxoriy yodgorligi yaqinida zamonaviy mehmonxona qurilishi ham rejalashtirilgan. Bu loyiha hududga keladigan sayyohlar uchun qulaylik yaratish va madaniy merosni rivojlantirishga xizmat qilishi kutilmoqda.

Mazkur loyihalar infratuzilma va sanoat sohalaridagi kengroq hamkorlik dasturiga kiritilgan bo‘lib, tomonlar umid qiladiki, kelishuvlar ikki tomonlama savdo hajmini $2 mlrdgacha oshirishga yordam beradi...

Fransiyaga tegishi «POMA SAS» kompaniyasining Markaziy Osiyo bo‘yicha menejeri Anton Chudaev Farg‘onaga tashrif buyurib, Farg‘ona tumanining Shohimardon qishlog‘ida zamonaviy turizm maskani, xususan, osma dor yo‘lini barpo etish loyihasi bilan tanishdi. Bu haqda O‘zA ma’lum qildi.

Shuningdek, u viloyat hokimi Xayrullo Bozorov bilan boshqa hududlardagi istiqbolli loyihalar yuzasidan fikr almashdi. Rejalarga ko‘ra, 2027-yildan boshlab Shohimardonga kelgan sayyohlar fransuz osma dor yo‘li orqali Yordon qishlog‘i va Dugoba dam olish hududiga ikki bosqichda yetib borish imkoniyatiga ega bo‘ladilar.

Ma’lumot uchun, «POMA» (PomaGalski S.A.) kompaniyasi kabel transport tizimlari sohasida yetakchi muhandislik kompaniyalaridan biri hisoblanadi. U osma yo‘llar, funikulyorlar, tog‘-chang‘i kurortlari uchun ko‘tarilish...

Apple yaqin kunlarda iPhone 17e modelini taqdim etishi kutilmoqda. Bloomberg nashrining xabar berishicha, yangi smartfon texnik jihatdan sezilarli darajada yaxshilanadi, biroq narx siyosati o‘zgarmaydi.

Ma’lumotlarga ko‘ra, iPhone 17e ichki qismida Apple’ning eng yangi A19 protsessori bilan jihozlanadi. Bu esa qurilmaning unumdorligini iPhone 16e modeliga nisbatan sezilarli oshiradi. Shuningdek, foydalanuvchilar uzoq vaqtdan beri kutgan MagSafe texnologiyasi ham ilk bor «e» seriyasida paydo bo‘ladi. Bu magnitli aksessuarlar va simsiz quvvatlashdan foydalanishni ancha qulaylashtiradi.

Yana bir muhim yangilik — iPhone 17e Apple’ning o‘zida ishlab chiqilgan aloqa chiplariga ega bo‘ladi. Smartfon C1X modem va N1 simsiz aloqa adapteri bilan ta’minlanadi, bu esa barqaror...

O‘zbekistonda tadbirkorlikni yo‘lga qo‘yish istagida bo‘lganlarga garov ta’minotisiz beriladigan kreditlar miqdori oshiriladi. Bu haqda prezident 2026-yil 5-fevralda qarorga imzo chekdi.

Qarorga ko‘ra, oilaviy tadbirkorlikni rivojlantirish dasturlari doirasida mahallalarda tadbirkorlik faoliyatini yo‘lga qo‘yish istagida bo‘lgan fuqarolarga (o‘zini o‘zi band qilgan shaxslarga) garov ta’minotisiz ajratiladigan kreditlar miqdori 50 mln so‘mgacha oshiriladi.

Shuningdek, chorvachilikka ixtisoslashgan mahallalarda import qilingan va sertifikatlangan naslli chorva mollari xaridi va tuyachilik uchun kredit miqdori 100 mln so‘mgacha oshiriladi. Turizm salohiyati yuqori bo‘lgan mahallalarda uy mehmonxonalarini tashkil qilish hamda ixtisoslashuvi 50 foizdan yuqori mahallalarda mahsulotlarni saqlash va qayta ishlash uchun minitexnologiyalar sotib olishga 150 mln so‘mgacha garovsiz...

Prezidentning 2026-yil 5-fevraldagi qarori bilan endi respublikada norasmiy bandlik soni qisqartiriladi.

Qarorga ko‘ra, hokim yordamchisi xatlovi asosida aniqlangan norasmiy bandlik holatlari bo‘yicha ularni bartaraf etish yuzasidan «Yagona milliy mehnat tizimi» IDAKda ish beruvchilarning shaxsiy kabinetlariga Davlat mehnat inspeksiyasi tomonidan ogohlantirish xati yuboriladi.

Ish beruvchilar tomonidan aniqlangan qonunbuzilish holati 3 ish kuni ichida ixtiyoriy ravishda bartaraf etilmagan taqdirda, ushbu holat tegishli korxonalar va tashkilotlarda Davlat mehnat inspeksiyasi tomonidan tekshirish o‘tkazish uchun asos hisoblanadi.

Norasmiy bandlik holati aniqlangan kundan boshlab 1 oy muddat ichida ish beruvchilar xodimlar bilan mehnat shartnomasini rasmiylashtirib, hisoblangan oylik ish haqlarini to‘liq to‘lab bergan taqdirda, ular...

O‘qituvchilarga milliy sertifikat olish uchun subsidiya ajratiladi. 2026-yil 1-martdan boshlab ijtimoiy qo‘llab-quvvatlash va bandlik sohasida bir qator yangi tartiblar kuchga kiradi. Bu haqda Adliya vazirligi xabar berdi.

Unga ko‘ra, 1-martdan «mahalla yettiligi» xulosasi asosida Ijtimoiy reyestrga kiritilgan, I guruh nogironligi bo‘lgan va mehnatga layoqatli a’zosi yo‘q oilalarning uy-joylarida devor va tomlarni izolyatsiya qilish ishlari amalga oshiriladi. Shuningdek, energiya tejovchi deraza va eshiklar, quyosh panellari yoki geliokollektorlar o‘rnatiladi.

Shu sanadan boshlab og‘ir toifadagi tumanlarda oilaviy tadbirkorlikni rivojlantirish dasturlari doirasida kreditlar yillik 12 foiz stavkada ajratiladi. Shuningdek, xotin-qizlar faoli va yoshlar yetakchisi tuman va shahar hokimi tomonidan lavozimga tayinlanadi hamda lavozimidan...

O‘zbekistonda usta dehqonlarga 75 mln so‘mgacha subsidiya beriladi. Bu haqda Adliya vazirligi xabar bermoqda.

Qarorga ko‘ra, Dehqon xo‘jaliklari va tomorqa yer egalari faoliyatini qo‘llab-quvvatlash jamg‘armasi hisobidan yangi subsidiyalar joriy etiladi. Yuqori daromadli mahsulot yetishtirishni yo‘lga qo‘ygan usta dehqonlarga har 10 ta xonadonni ixtisoslashtirgani uchun 2 mln so‘m ajratiladi. Agar mahalladagi xonadonlarning kamida 30 foizi ixtisoslashtirilsa, subsidiya miqdori 75 mln so‘mgacha yetadi.

Shuningdek, tomorqa va ijara yerlaridagi samarasiz eski bog‘larni rekonstruksiya qilish va yangi bog‘lar barpo etish ham qo‘llab-quvvatlanadi. Sertifikatga ega mevali ko‘chat xaridida xarajatning 50 foizi qoplanadi. Bunda har bir ko‘chat uchun yordam puli meva turiga qarab 30 ming...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 30-yanvardan 6-fevralgacha bo‘lgan davrda ijobiy dinamikani ko‘rsatdi. Ammo UCI fond indeksi 1,8 foizga tushdi.

Ushbu davr mobaynida «O‘zbekneftgaz» aksiyalari eng katta o‘sishga erishib, 14,74 foizga qimmatlashdi. Shuningdek, «O‘zsanoatqurilishbank» (+12,09%) va «O‘zbektelekom» (+12,09%)ning imtiyozli aksiyalarida ham o‘sish qayd etildi.

O‘z navbatida, «Ipoteka-bank» aksiyalari 12,28 foizga arzonlashib, haftaning eng katta pasayishini qayd etdi. Bundan tashqari, «O‘zsanoatqurilishbank» (-5,48%) va «O‘zbektelekom» (-2,91%)ning oddiy aksiyalari ham pasayish bilan ajralib turdi. Faqatgina «Qashqadaryo texnologik transport» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Chilonzor buyum savdo kompleksi» (1 076 ta), «O‘zsanoatqurilishbank» (1 024 ta) va...

Apple kompaniyasi iOS 26.4 dasturchilar uchun beta-versiyasini 23–27-fevral kunlari chiqarishi kutilmoqda. Bu haqda Bloomberg xabar berdi.

Yangilanishning asosiy xususiyati Google kompaniyasining Gemini sun’iy intellekti asosida yaratilgan aqlli Siri hisoblanadi. Foydalanuvchilar ushbu yordamchining yangi imkoniyatlarini ilk bor aynan beta-versiyada sinab ko‘rishlari mumkin bo‘ladi. Biroq barcha funksiyalar birdaniga ishga tushmasligi, ular kichik yangilanishlar orqali bosqichma-bosqich qo‘shib borilishi aytilmoqda.

Shuningdek, Apple kompaniyasining 2026-yil boshidagi rejalari ham ma’lum bo‘ldi. Unga ko‘ra, yaqin orada iPhone 17e, yangi iPad planshetlari va iPhone protsessori o‘rnatilgan MacBook noutbuklari taqdim etilishi kutilmoqda.

iOS 26.4 operatsion tizim uchun eng yirik yangilanish bo‘lishi kutilmoqda. Tahlilchilarning so‘zlariga ko‘ra, keyingi jiddiy o‘zgarishlar...

Earth Impact Database ma’lumotlari asosida Visual Capitalist portali mutaxassislari tayyorlagan yangi infografika Yer yuzida tasdiqlangan 12 ta eng yirik zarba kraterini ko‘rsatadi. Ular qadimgi ulkan zarbalar natijasida hosil bo‘lgan havzalardan tortib, nisbatan yaqinda yuz bergan to‘qnashuvlargacha bo‘lgan davrni qamrab oladi.

Maydoni bo‘yicha birinchi o‘rinda Janubiy Afrikadagi Vredefort krateri turadi. Uning diametri 160 kilometrga yetadi. Biroq u ikki milliard yildan ortiq vaqt avval shakllangan va shu davr ichida kuchli eroziyaga uchragan.

Ikkinchi o‘rinda Meksikadagi Chiksulub krateri joylashgan. U ancha yaxshi saqlangan va bo‘r-paleogen davridagi ommaviy qirilib ketish, ya’ni dinozavrlarning aksariyati yo‘q bo‘lishida tutgan roli bilan mashhur.

Qiziqarli jihati...

Ayollar va erkaklar o‘rtasida iqtisodiy faoliyatda teng ishtirokni ta’minlash O‘zbekiston milliy daromadini taxminan 29 foizga oshirishi mumkin. Bu haqda mamlakatda We-Finance Code xalqaro tashabbusini amalga oshirish bo‘yicha Markaziy bankning yillik hisobotida keltirilgan.

McKinsey ma’lumotlariga ko‘ra, ayollar o‘z biznesini boshlashda oilaviy va uy majburiyatlari to‘siq bo‘lishini erkaklarga nisbatan ikki barobar ko‘proq qayd etadi. Jahon bankining tahlillari shuni ko‘rsatadiki, ayollarning 60 foizdan ortig‘i mehnat bozorida ishtirok etishda bolalar va keksalar parvarishi bilan bog‘liq majburiyatlarni asosiy to‘siq sifatida ko‘rsatadi. BMT Taraqqiyot dasturining tadqiqotlariga ko‘ra esa, ayollarning 48 foizi ish va oilaviy majburiyatlarni muvozanatlashda jiddiy qiyinchiliklarga duch keladi.

Hisobotda keltirilishicha, 2025-yilga kelib...

8-fevral kuni Angliya Premyer-ligasining 25-turi doirasida «Manchester Siti» safarda «Liverpul»ni 2:1 hisobida mag‘lub etdi. Enfildda kechgan uchrashuvdan so‘ng «shaharliklar» bosh murabbiyi Pep Gvardiola o‘zbekistonlik himoyachi Abduqodir Husanov haqida iliq fikrlar bildirdi.

O‘yindan keyingi matbuot anjumanida Gvardiola futbolchining ingliz futbolidagi moslashuv jarayoni va maydondagi harakatlariga yuqori baho berdi.

«U birinchi marta «Enfild»da o‘ynadi. O‘zbekistondan keldi, Fransiyada bor-yo‘g‘i yarim yil o‘tkazdi va allaqachon shunday darajani ko‘rsatmoqda», – dedi mutaxassis.

Murabbiy himoyachining raqibning yetakchi hujumchilariga qarshi o‘yinini alohida ta’kidlab o‘tdi.

«Bu yerda ilk bor maydonga tushib, Muhammad Saloh va Ekitike kabi...

10-fevral uchun valyutalar kursi yangilandi. Unga ko‘ra, dollar 17,18 so‘mga oshib, 12 320,34 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

3-fevral kuni 17,01 so‘mga oshib, 12 242,17 so‘mni, 4-fevral kuni 16,21 so‘mga oshib, 12 258, 38 so‘mni, 5-fevral kuni 7,39 so‘mga oshib, 12 265,77 so‘mni tashkil qildi. 8-fevral kuni dollarning qiymati 13,71 so‘mga oshib, 12 279,48 so‘mga yetdi. Dollar o‘sishda davom etib, 9-fevral kuni 12 303,16 so‘mni (+23,68 so‘m) tashkil qildi.

Markaziy bank ma’lumotlariga ko‘ra, yevro 106,5 so‘mga pasayib, 14 614,39 so‘mni, rubl 0,14 so‘mga pasayib, 159,36 so‘mni tashkil qildi.

Eslatib o‘tamiz, Kursiv...

CarNewsChina nashri yangi taqdim etilgan Zeekr 9X avtomobili bilan test-drayv o‘tkazdi. Model keng salon, kuchli gibrid texnologiya va murakkab shassi yechimlari bilan bevosita hashamatli SUV bozoriga yo‘naltirilgan.

Mundarija:

Tashqi ko‘rinish va o‘lchamlar

Zeekr 9X klassik to‘liq o‘lchamli SUV proporsiyalariga ega. Korpus uzunligi 5239 mm, eni 2029 mm, balandligi 1819 mmni tashkil etadi. G‘ildirak bazasi esa 3169 mmga teng. Uzun kuzov va baland tom qismi avtomobilga yo‘lda kuchli vizual ta’sir beradi.

Model ikki kamerali pnevmatik osma tizimi bilan jihozlangan. Bu tizim...

Temir yo‘l transporti va metropolitenda harakat hamda tashish xavfsizligi talablarini buzganlik uchun ma’muriy javobgarlik belgilandi. Bu haqda Adliya vazirligi xabar berdi.

Endilikda ushbu qoidabuzarliklar uchun mansabdor shaxslar va xodimlarga BHMning 10 baravari (4,1 mln so‘m) miqdorida jarima solinadi.

Shuningdek, temir yo‘l transporti va metropolitenda harakat yoki tashish xavfsizligi buzilishi bilan bog‘liq hodisani yoki u haqidagi ma’lumotlarni qasddan yashirish ham javobgarlikka sabab bo‘ladi. Bunday holatda ham mansabdor shaxslarga BHMning 10 baravari miqdorida (4,1 mln so‘m) jarima qo‘llanadi.

Bundan tashqari, avtomobil transportida tegishli guvohnomasiz yo‘lovchi tashish, yo‘l haqi tariflarini asossiz oshirish, tasdiqlangan qatnov jadvaliga rioya qilmaslik yoki yo‘nalish sxemasidan chetga chiqish...

2025-yilda O‘zbekistonning tashqi savdo aylanmasida eksport hajmi $33,8 mlrdga yetdi. Ushbu ko‘rsatkich o‘tgan yilning mos davriga nisbatan 24 foizga yuqori. Bu haqda Milliy statistika qo‘mitasi xabar berilmoqda.

Hisobot davrida O‘zbekiston eksportida eng yuqori ulushga ega bo‘lgan davlatlar ro‘yxatini Rossiya ($4,3 mlrd) boshqarmoqda. Ikkinchi o‘rinni Xitoy ($2,5 mlrd) egallagan bo‘lsa, uchinchi o‘rinda Qozog‘iston ($1,5 mlrd) qayd etilgan. Afg‘oniston ham xuddi shunday, ya’ni $1,5 mlrdlik ko‘rsatkich bilan yetakchi hamkorlar qatoridan joy olgan.

Ro‘yxatning keyingi o‘rinlaridan Turkiya ($1,1 mlrd), Fransiya ($872,2 mln) va Qirg‘iziston ($771,1 mln) o‘rin olgan. Shuningdek, BAA ($720,7 mln), Tojikiston ($683,1 mln) va Pokiston ($325 mln) 2025-yilda O‘zbekiston mahsulotlarining...

2025-yilda so‘m kursi 6,9 foizga mustahkamlanib, kunlik tebranuvchanlik darajasi ikki barobar oshdi. Bu haqda Markaziy bank hisobotida keltirilgan.

Bank hisobotiga ko‘ra, 2025-yilda milliy valyuta almashuv kursi dinamikasi ichki valyuta bozoridagi talab va taklif omillari, umumiy makroiqtisodiy tendensiyalar va tashqi iqtisodiy sharoitlar ta’sirida shakllangan.

O‘zbekistonda valyuta savdolarini tashkil etishning «metching» usuliga o‘tilgan 2021-yildan 2024-yilgacha bo‘lgan davrda ikki tomonlama tebranuvchanlik o‘rtacha 0,1 foizni tashkil etgan bo‘lsa, 2025-yilda 2024-yilga nisbatan 2 barobardan ko‘proqqa oshib, 0,28 foizga yetdi.

2025-yilda so‘mning o‘rtacha standart og‘ishi so‘mda 42,95 ga teng bo‘lgan bo‘lsa, foiz ko‘rsatkichi 0,34 foizni tashkil etdi (2021 – 2024-yillarda ushbu ko‘rsatkich 24,17 so‘m yoki...

Hindiston neftni qayta ishlash zavodlari AQSh bilan savdo bitimini imzolash maqsadida mart va aprel oylari uchun Rossiya neftini xarid qilishdan o‘zini tiymoqda. Bu haqda Reuters agentligi xabar berdi.

Indian Oil, Bharat Petroleum va Reliance Industries korporatsiyalari treyderlarning Rossiya neftini yetkazib berish bo‘yicha takliflarini rad etmoqda. Manbalarga ko‘ra, ushbu qaror Nyu-Dehli va Vashington o‘rtasidagi iqtisodiy hamkorlikni chuqurlashtirish rejasiga bevosita bog‘liq.

Garchi rasmiy Nyu-Dehli importni to‘liq to‘xtatish haqida bayonot bermagan bo‘lsa-da, Tashqi ishlar vazirligi «energiya manbalarini diversifikatsiya qilish strategiyasi» ustuvor ekanini ma’lum qildi.

Donald Tramp 6-fevral kuni Hindiston tovarlariga nisbatan joriy etilgan 25 foizlik tariflarni bekor qildi. U buni Hindistonning «Rossiya...

Bugun, 9-fevral kuni O‘zbekiston va qator davlatlarda Alisher Navoiy tavalludi keng nishonlanmoqda. Buyuk shoir 1441-yil 9-fevralda Hirot shahrida tug‘ilgan.

Alisher Navoiy turkiy adabiyot rivojida muhim burilish yasagan. U chig‘atoy, ya’ni qadimgi o‘zbek tilida yirik va chuqur mazmunga ega asarlar yaratish mumkinligini isbotlagan.

Shoirning eng mashhur asari «Xamsa» hisoblanadi. Ushbu besh doston turkiy tilda yaratilgan ilk yirik adabiy turkum sifatida tarixda qolgan.

Navoiy faqat adib emas, balki davlat arbobi ham bo‘lgan. U Temuriylar saroyida yuqori lavozimlarda faoliyat yuritgan. Husayn Boyqaro davrida olimlar va ijodkorlarni qo‘llab-quvvatlagan.

Shoir madrasalar, masjidlar, ko‘priklar va karvonsaroylar qurilishiga homiylik qilgan. Shuningdek, xayriya ishlariga katta e’tibor bergan.

Alisher...

AvtoVAZ Lada avtomobillariga o‘rnatiladigan dvigatellar resursi haqida ma’lumot berdi. Kompaniya ma’lum qilishicha, yangi dvigatellar o‘z sinfi va hajmi bo‘yicha jahon bozoridagi o‘rtacha standartlarga mos keladi.

Loyiha bosqichida dvigatellar uchun kamida 220 ming km yurish resursi belgilab olinadi. Aynan shu ko‘rsatkich sinovlar va mustahkamlikni baholashda asos bo‘lib xizmat qiladi.

Amaliyotda esa dvigatelning xizmat muddati foydalanish sharoiti, yonilg‘i va moy sifati, texnik xizmatning o‘z vaqtida bajarilishi hamda haydash uslubiga bog‘liq bo‘ladi.

To‘g‘ri ekspluatatsiya qilinganda ko‘plab Lada dvigatellari 300 ming km va undan ortiq masofani kapital ta’mirsiz bosib o‘tmoqda.

Shuningdek, AvtoVAZ yangi dvigatel loyihalari seriyali ishlab chiqarishga chiqarilishidan oldin ko‘plab sinovlardan...

Qozog‘istonlik bloger Threads ijtimoiy tarmog‘ida yangi krossover tanlash bo‘yicha maslahat so‘radi. U Hyundai Tucson va Kia Sportage o‘rtasida ikkilanayotganini yozgan. Mavzu ostida ko‘plab fikrlar bildirildi va muhokamalardan umumiy xulosa shakllandi.

Narx va platforma

Muhokama vaqtida har ikki model aksiyalarni hisobga olgan holda taxminan 13 mln tenge narxdan ($26 ming) boshlanayotgani aytildi. Hyundai Tucson ham, Kia Sportage ham Hyundai Motor Group’ning yagona platformasida qurilgan. Ular o‘xshash dvigatellar va uzatmalar qutisidan foydalanadi. Shunga qaramay, foydalanuvchilar bu avtomobillarni to‘liq bir xil deb hisoblamaydi.

Tashqi ko‘rinish

Izohlarga ko‘ra, Hyundai Tucson ko‘proq sokin va oilaviy avtomobil sifatida qabul qilinadi. Kia Sportage esa...

Joriy yilning 10 – 13-fevral kunlari O‘zbekiston hududiga nam havo massalari kirib keladi. Bu haqda «O‘zgidromet» xabar berdi.

Nam havo massalari sabab respublika bo‘yicha vaqti-vaqti bilan yomg‘ir yog‘adi, shimoliy hududlarda yog‘ingarchilik yomg‘irdan qorga aylanishi mumkin. Ayrim joylarda yog‘inlar kuchli bo‘lishi ehtimoli bor.

Tog‘oldi va tog‘li hududlarda ham yomg‘ir va qor yog‘ishi, ayrim paytlarda kuchli yog‘ingarchilik kuzatilishi kutilmoqda.

Shuningdek, respublikaning ayrim hududlarida shamol tezligi 13–18 m/s gacha kuchayadi. 10-fevral kuni esa ba’zi joylarda shamol 20–23 m/s gacha yetishi mumkin.

Eslatib o‘tamiz, avvalroq Sariosiyo aeroportidagi noqulay ob-havo sabab Silk Avia reyslarining jadvali o‘zgartirilgandi.

Xiaomi 18 smartfonlari seriyasi joriy yil oxirida taqdim etilishi kutilmoqda. GSM Arena’ga ko‘ra, ushbu liniyadagi Xiaomi 18 Pro modeli juda kuchli kamera tizimiga ega bo‘lishi mumkin.

Digital Chat Station’ning xabar berishicha, 6,3 dyuymli ekranli yangi flagman smartfon orqa qismida ikkita 200 megapikselli kamera bilan jihozlanadi. Manbada model nomi aniq aytilmagan bo‘lsa-da, gap aynan Xiaomi 18 Pro haqida ketayotgani taxmin qilinmoqda.

Avvalgi Xiaomi 17 va 17 Pro modellarida ham ekran o‘lchami bir xil bo‘lgan, biroq kuchli kamera faqat Pro versiyada taklif qilingan. Shu sababli, Xiaomi 18 Pro’da ham 200 MP asosiy kamera va 200 MP periskop telefoto kamera bo‘lishi mumkin...