Yangiliklar

AQSh prezidenti Donald Tramp ko‘rsatmasi bilan diversity visa (DV) — Green Card lotereyasi dasturi to‘xtatildi. Bu haqda AQSh ichki xavfsizlik vaziri Kristi Noem X ijtimoiy tarmog‘ida ma’lum qildi.

Unga ko‘ra, qaror Braun universiteti va Massachusets texnologiya instituti bilan bog‘liq otishma gumondori AQShga aynan shu dastur orqali kirgani ortidan qabul qilingan. Ma’lumotlarga ko‘ra, gumondor Klaudio Manuel Neves Valente 2017-yilda diversity visa (DV1) dasturi orqali AQShga kirgan.

Vazirning so‘zlariga ko‘ra, Tramp 2017-yilda ham ushbu dasturga qarshi chiqqan edi. O‘sha yili Nyu-Yorkda yuk mashinasi bilan uyushtirilgan hujumda sakkiz kishi halok bo‘lgan. Undagi aybdor shaxs ham aynan Green Card orqali AQShga kirgan.

Joriy yil smartfon bozorida bir qator yangiliklar bilan yodda qoldi. Ishlab chiqaruvchilar foydalanuvchilarni yangi dizaynlar, kuchli batareyalar va kamera imkoniyatlari bilan hayratda qoldirishga harakat qildi. Quyida 4pda ma’lumotlari asosida 2025-yilda e’tiborga molik asosiy tendensiyalar jamlangan.

Batareyalar hajmi keskin oshdi

Smartfonlarning ishlash muddati ancha uzaydi. Silikon-uglerod (Si/C) batareyalar energiyani ko‘proq sig‘dira olgani sababli, endi 6500–8000 mA·soatli akkumulyatorlar oddiy holga aylandi. Eng muhimi telefonlar kattalashib ketmadi.

Bunday batareyalar arzon modellarda (Redmi 15), o‘rta segmentda (Poco F7) va flagmanlarda (OnePlus 15, Xiaomi 17 Pro Max) paydo bo‘ldi. Apple, Samsung va Google esa hozircha 5000 mA·soat atrofida qolmoqda. Kelajakda esa...

19-dekabr kuni Afg‘onistonda sodir bo‘lgan zilzila O‘zbekistonda ham sezildi. Bu haqda Seysmoprognostik monitoring markazi xabar berdi.

Unga ko‘ra, yer silkinishining magnitudasi 6, chuqurligi 105 kilometrni tashkil etdi. Zilzila soat 10:39 da sodir bo‘lgan. Zilzila epimarkazi Аfg‘onistonning Taxor viloyati. Epimarkaz Toshkentdan 551 km janubiy-sharqda. Koordinatalari 36,31 daraja shimoliy kenglik, 69,28 daraja sharqiy uzunlik.

O‘zbekiston hududlarida sezilish kuchi:

AQShning Braun universitetida ikki kishini o‘ldirish va to‘qqiz kishini yaralashda gumon qilingan Klaudio Neves Valente Nyu-Xempshir shtatidagi omborxonada o‘lik holda topildi. Bu haqda The Guardian xabar bermoqda.

Huquqni muhofaza qilish organlari Valenteni qidirishda guvohlarning ko‘rsatmalari va kuzatuv kameralaridan keng foydalanishdi. Gumonlanuvchi avtomobil raqamlarini almashtirish orqali yashirinishga uringan, biroq ijaraga olingan transport vositasi orqali uning shaxsi va manzili aniqlangan. U o‘lik holda topilgan omborxonadan ikkita o‘qotar qurol va jinoyat joyidagi dalillarga aynan mos keluvchi ashyolar topilgan.

Otishmada halok bo‘lgan ikki nafar talabalardan biri Braun universitetida tahsil olayotgan o‘zbekistonlik MuhammadAziz Umurzoqov edi. Ma’lum qilinishicha, MuhammadAziz kelajakda malakali neyroxirurg bo‘lishni orzu qilgan...

Milliy statistika qo‘mitasi ma’lumotlariga ko‘ra, 2025-yilning yanvar – sentabr oylarida O‘zbekistonda 664,6 ming nafar tug‘ilish qayd etildi. Hududlar kesimida eng ko‘p tug‘ilish Samarqand viloyatida ro‘yxatga olingan – 80,9 mingta.

Keyingi o‘rinlarda Qashqadaryo viloyati – 75 ming nafar tug‘ilish, Farg‘ona viloyati esa 74 ming nafar tug‘ilish bilan qayd etildi.

Surxondaryo viloyatida 61 ming, Andijon viloyatida 60 ming hamda Namangan viloyatida 57 mingta tug‘ilish holati ro‘yxatga olingan. Toshkent viloyatida 49 mingta, Toshkent shahrida esa 47,7 mingta chaqaloq tug‘ilgani aytildi.

Shuningdek, Xorazm viloyatida 33 mingta, Buxoro viloyatida 32 mingta, Jizzax viloyatida 28 mingta, Navoiy viloyatida 18 mingta va Sirdaryo viloyatida...

OppoReno 15 Mini smartfoni haqida ma’lumotlar tarqaldi. Bu haqda Gizmochina nashri xabar bermoqda.

Manbada qayd etilishicha, yangi Mini modeli seriyaning premium dizaynini saqlagan, ammo o‘lchamlari kichikroq bo‘ladi. Uning 6,32 dyuym AMOLED displeyga ega bo‘lishi va 1,6 millimetrgacha ingichka ramkalar bilan chiqishi taxmin qilinmoqda. Bu esa uni kompakt segmentga yaqinlashtiradi.

Dizayn tafsilotlari ham oshkor bo‘lgan. Qurilmaning og‘irligi atigi 187 gramm bo‘lishi, korpus qalinligi esa 7,99 mm bo‘lishi kutilmoqda.

Shuningdek, smartfon ranglaridan biri Glacier White bo‘lib, lenta uslubidagi bezak bilan Reno 15 Pro dizayniga o‘xshash bo‘ladi. Material sifatida orqa tomonda shisha panel ishlatiladi. Qurilma chang va suvga chidamlilik bo‘yicha IP66, IP...

OpenAI kompaniyasi ChatGPT foydalanuvchilari uchun bevosita interfeys orqali ishlaydigan ilovalar katalogini taqdim etdi. Bu haqda Engadget ma’lum qildi.

Endilikda foydalanuvchilar uchinchi tomon xizmatlarini chat-bot ichida ulash orqali Apple Music’da musiqani qidirish, pleylistlar yaratish va treklar kutubxonasini boshqarish imkoniga ega bo‘ladi. Shuningdek, DoorDash xizmati integratsiyasi yordamida retseptlar va mahsulotlar ro‘yxati asosida oziq-ovqat xaridlarini rejalashtirish mumkin.

Katalog kategoriyalarga bo‘lingan bo‘lib, foydalanuvchilar kerakli ilovani tez topishlari mumkin. Ilovani ulash uchun ro‘yxatdan tanlash, Connect tugmasini bosish va ChatGPT’da ruxsat berish kifoya. Shu orqali tanlangan ilova bilan bog‘liq chatni boshlash mumkin. Masalan, Dropbox ilovasini ulash orqali foydalanuvchi analitika olish, qisqa hisobotlar tayyorlash va...

Turkiya kubogi «A» guruhi 1-turi doirasida «Galatasaroy» o‘z maydonida «Bashakshehir» jamoasini 1:0 hisobida mag‘lub etdi.

Uchrashuvdagi yagona gol 22-daqiqada Ahmed Kutuju tomonidan kiritildi. Ushbu muvaffaqiyat «Galatasaroy» uchun turnirning yangi mavsumidagi muhim g‘alaba bo‘ldi. Mehmonlar jamoasi safida harakat qilayotgan o‘zbekistonlik hujumchi Eldor Shomurodov o‘yinni asosiy tarkibda boshladi.

Shomurodov uchrashuvning 62-daqiqasiga qadar maydonda harakat qilib, so‘ngra zaxiraga olindi. Aynan shu daqiqada «Bashakshehir»ning ikkinchi o‘zbekistonlik vakili Abbosbek Fayzullayev o‘yinga qo‘shildi. O‘yin yakuniga qadar mehmonlar hisobni tenglashtirishga urinishgan bo‘lsa-da, «Galatasaroy» himoyasi ishonchli o‘yin namoyish etdi.

Avvalroq Kursiv Uzbekstan Shomurodov Turkiya Superligasida noyabr oyining ramziy tarkibidan joy olgani haqida xabar bergan edi.

SAIC kompaniyasining MG brendi 18-dekabr kuni MG4 Anxin Edition elektromobilini mijozlarga yetkazishni boshlaganini ma’lum qildi. Bu haqda CarNewsChina xabar bermoqda.

Model dunyoda ilk bor ommaviy ishlab chiqarilgan va suyuq-qattiq holatdagi akkumulyator bilan jihozlangan yengil yo‘lovchi avtomobil hisoblanadi. Avtomobil CLTC sikli bo‘yicha 530 km masofaga bir quvvatda harakatlanadi. Quvvatlash tizimi 2C tez quvvatlashni qo‘llab, batareyani 30 foizdan 80 foizgacha 21 daqiqada to‘ldiradi. Bunda elektr energiyasi sarfi 100 km uchun 11,9 kVt/soat deb ko‘rsatilgan.

MG4 Anxin Edition 120 kVt quvvatli doimiy magnitli old elektr motoriga ega, maksimal 250 Nm aylanish momenti mavjud. Tezlanish 0 dan 50 km/soatgacha 3 soniya atrofida. Maksimal...

Tijorat banklari 19-dekabr kuni xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.  

Toshkent shahrida odam savdosi bilan shug‘ullanayotgan ayol ushlandi. Bu haqda Davlat xavfsizlik xizmati xabar berdi.

Qayd etilishicha, o‘tkazilgan tezkor tadbirda poytaxtda yashovchi 27 yoshli ayol 2 fuqaroni Tailandga fohishalik qilishga yuborayotgan vaqtida aeroportda qo‘lga olingan.

Aniqlanishicha, ushbu jinoiy harakat ayni paytda Tailandda bo‘lgan, 20 yoshli shaxs tomonidan tashkillashtirilgan.

Hozirda mazkur shaxslarga nisbatan Jinoyat kodeksining 135-moddasi (odam savdosi) 2-qismi «b», «g», «e», «z» bandlari bilan jinoyat ishi qo‘zg‘atilib, tergov harakatlari olib borilmoqda.

Ma’lumot uchun, ushbu modda bandlariga asosan gumonlanuvchilar besh yildan o‘n yilgacha ozodlikdan mahrum qilish bilan jazolanishi mumkin.

Avvalroq Kursiv Filippinda o‘zini mahalliy fuqaro sifatida tanishtirib mer...

SpaceX kompaniyasining Starlink internet sun’iy yo‘ldoshlaridan biri 17-dekabr kuni orbitada texnik nosozlikka uchradi va Yer tomon nazoratsiz ravishda pasaya boshladi. Bu haqda space.com xabar bermoqda.

Nosozlik oqibatida sun’iy yo‘ldoshning yonilg‘i bagi shikastlangan va undan gaz sizib chiqqan. Bu holat qurilmaning orbital balandligi 4 kilometrga keskin pasayishiga va undan bo‘laklar ajralib chiqishiga sabab bo‘lgan. Hozirda SpaceX mutaxassislari NASA va AQSh Kosmik kuchlari bilan hamkorlikda hosil bo‘lgan kosmik chiqindilarni nazorat qilmoqda.

Kompaniya vakillarining ma’lum qilishicha, sun’iy yo‘ldosh asosan butunligicha qolgan, biroq nazoratsiz aylanish holatida turibdi. Uning hozirgi trayektoriyasi Xalqaro kosmik stansiyadan (XKS) ancha pastda joylashgan bo‘lib, stansiya va uning ekipaji uchun...

Shavkat Mirziyoyev Yaponiyaga rasmiy tashrifi doirasida mamlakat Parlamentining Maslahatchilar palatasi prezidenti Masakazu Sekiguchi bilan uchrashdi. Bu haqda davlat rahbari matbuot xizmati ma’lum qildi.

Uchrashuvda O‘zbekiston va Yaponiya o‘rtasidagi strategik sheriklik va ko‘p qirrali hamkorlikni rivojlantirishda parlamentlarning roli muhim ekani ta’kidlandi. Maslahatchilar palatasi vakillari joriy yil aprel oyida Toshkentda o‘tkazilgan Parlamentlararo Ittifoqning 150 yilligiga bag‘ishlangan sessiyada faol ishtirok etganliklari aytildi.

Shuningdek, yoshlarning parlamentga oid tashabbuslarini qo‘llab-quvvatlash, jumladan, O‘zbekiston – Yaponiya yoshlar parlamentlari a’zolari forumini tashkil etish va 2026-yilda Samarqandda bo‘lib o‘tadigan Yoshlar parlamentlari a’zolari global konferensiyasida Yaponiya delegatsiyasining ishtirok etishini ta’minlash masalalariga e’tibor qaratildi.

Uchrashuvda parlamentlar oliy darajada erishilgan...

19-dekabr yuqori hissiy konsentratsiya va ichki energiya belgisi ostida o‘tadi. Kun odatiy ssenariylarni qayta ko‘rib chiqishga, yuzaki qarorlardan voz kechishga va ishda ham, shaxsiy masalalarda ham ongliroq tanlov qilishga undaydi. Kursiv Uzbekistan 19-dekabr kuni barcha burjlar uchun munajjimlar bashoratini taqdim etadi.

Qo‘y (21.03 – 20.04)

Bugun moliyaga jiddiy e’tibor bering. Qarz, xarajat va kichkina sarflar ham kunning oxirida katta ta’sir qilishi mumkin. Qaysi narsa haqiqatan zarur ekanini aniqlab, xarajatlarni shunga qarab rejalashtiring. Shuningdek, kichik g‘oyalar va loyihalarni belgilab qo‘ying — ularni keyin amalga oshirish oson bo‘ladi. Kechqurun salomatlikni qo‘llab-quvvatlash uchun ozroq sayr qilish va yumshoq mashqlar qilish foydali.

Apple keyingi iPad mini avlodida jiddiy yangilanish rejalashtirayotgani haqida yangi ma’lumotlar paydo bo‘ldi. Gizmochina ma’lumotlariga ko‘ra, iPad mini 8 A17 yoki A19 Pro emas, balki A20 Pro chipi bilan taqdirlanishi mumkin.

Bu chip iPhone 18 seriyasida va Apple’ning ilk bukiluvchi qurilmasida ishlatilishi kutilayotgan kuchli 2nm texnologiyaga ega protsessor bo‘ladi. A20 Pro avvalgi 3nm chiplar bilan solishtirganda taxminan 15 foiz yuqori unumdorlik va 30 foizgacha energiya samaradorligini taklif qilishi aytilmoqda. Bu kichik planshet uchun tezroq ilovalar, kuchliroq o‘yin samaradorligi va uzoqroq ishlash vaqtini anglatadi.

Yana bir katta o‘zgarish – displeyda. Yangi mini 8 modeli 8,5 dyuym OLED ekran bilan...

Qamchiq dovonida yuk avtomobillari harakatiga vaqtincha cheklov o‘rnatildi. Bu haqda «Qamchiqavtoyo‘l IYFK» Telegram sahifasida ma‘lum qilindi.

Unga ko‘ra, Qamchiq dovonidagi 180-kmdagi transport vositalari vaznini nazorat qilish punktida elektr tarmog‘ida qisqa tutashuv yuz bergani tufayli ta’mirlash ishlari olib borilmoqda.

Shu sababli Qamchiq dovonida «Vodiy – Toshkent» yo‘nalishida katta yuk avtomobillari harakati 19-dekabr soat 04:00 dan boshlab vaqtincha cheklandi.

Eslatib o‘tamiz, avvalroq Qamchiq dovonida kanatdan yiqilgan qiz haqida xabar bergan edik.

Shavkat Mirziyoyev 19-dekabr kuni Yaponiyaga rasmiy tashrifini imperator Naruxito bilan uchrashuvdan boshladi. Bu haqda davlat rahbari matbuot xizmati ma’lum qildi.

Yaponiya imperatori davlatimiz rahbarini samimiy qutlar ekan, ushbu tashrif O‘zbekiston va Yaponiya o‘rtasidagi do‘stlik va strategik sheriklik munosabatlarini mustahkamlash yo‘lida muhim voqea ekanini ta’kidladi.

Prezident imperatorga hurmatini bildirib, Yangi O‘zbekistonning islohotlarini qo‘llab-quvvatlagani uchun minnatdorligini bildirdi. Uchrashuvda O‘zbekiston va Yapon xalqlari mentalitet, urf-odat va oilaviy qadriyatlar o‘xshashligi hamda ko‘p asrlik tarixiy aloqalar bilan bog‘langanligi ta’kidlandi.

Ikki tomonlama hamkorlik doimiy ravishda kengayib borayotgani, ayniqsa, ta’lim va kadrlar tayyorlash hamda madaniy-gumanitar almashinuvlar sohasida erishilgan yutuqlar qayd etildi. Hozirga qadar 3 mingdan...

SpaceX yaqin kelajakda Starlink Gen 1 (UTR-201) routeri uchun dasturiy ta’minot yangilanishlari chiqarilmasligini aytdi. Ilk foydalanuvchilar uchun kompensatsiya tariqasida bepul Starlink Router Mini qurilmasi taqdim etilmoqda, deya yozadi Norebookcheck.

Unga ko‘ra, bildirishnomalar 2020-yilda sotib olingan ilk Starlink to‘plamlarining egalari — «yassi antenna» joriy etilishidan va bir yil o‘tib Gen 2 routeri taqdim etilishidan avvalgi foydalanuvchilarga yuborilmoqda.

Kompaniya dasturiy ta’minot yangilanishlari to‘xtashini xavfsizlik, tezlik va tarmoq ishonchliligini yanada yaxshilash zarurati bilan izohladi. SpaceX ma’lumotiga binoan, Gen 1 routeridan yangilanishlarsiz ham foydalanish mumkin. Biroq xavfsizlik choralarining yo‘qligi tarmoqni zaiflashtirish ishlash sifatini pasaytirilishi mumkin.

Birinchi foydalanuvchilar uchun kompensatsiya sifatida kompaniya bepul...

19-dekabr sanasi jahon diplomatiyasi, san’at va koinotni tadqiq qilish kabi turli yo‘nalishlardagi muhim voqealari bilan tarixga muhrlangan. Bu kun siyosiy bitimlar, kino olamidagi katta premyeralar va yangi davlat rahbarlarining saylanishi bilan yodda qolgan. Kursiv Uzbekistan kunning eng muhim voqealarini taqdim etadi.

1965-yili Sharl de Goll Fransiya prezidenti etib ikkinchi muddatga qayta saylandi. De Goll ikkinchi turda 55% dan ortiq ovoz to‘plab, o‘z raqibi Fransua Mitteran ustidan ishonchli g‘alaba qozondi.

1972-yilda «Apollo 17» kosmik kemasi o‘zining Oydagi muvaffaqiyatli missiyasini yakunlab, Yerga qaytib keldi. Bu parvoz insoniyatning Oyga amalga oshirilgan oxirgi – oltinchi odam qatnashgan missiyasi bo‘lib tarixda qoldi.

1984-yili...

Qirg‘iziston prezidenti o‘quvchiga o‘z telefonini sovg‘a qildi

Qirg‘iziston prezidenti Sadir Japarov metrlab qalinlikdagi qor uyumlari orasidan maktabga qatnaydigan bola bilan uchrashib, unga o‘zining telefonini berdi. Bu haqda prezident matbuot xizmati xabar berdi.

FIFA o‘yinlarida litsenziya huquqi Netflix’ga berildi

FIFA brendi ostidagi yangi futbol o‘yinlarini ishlab chiqish va nashr etish huquqi Netflix’ga topshirildi. Bu qaror bilan Netflix ilk bor FIFA litsenziyasi asosida videoo‘yin yaratadigan kompaniyaga aylandi.

Zomindagi osma ko‘prik qariyb 150 mlrd so‘mga auksionga qo‘yildi

Jizzax viloyati, Zomin tumanida joylashgan mashhur osma ko‘prik 23-dekabr kuni elektron auksion orqali sotuvga chiqarildi. Savdo e-auksion.uz platformasida bo‘lib o‘tadi.

«Oskar» marosimi YouTube’da bepul...

19-dekabr kuni O‘zbekistonning ayrim joylarida kechasi qor yog‘ishi va tuman tushishi mumkin, kunduzi esa asosan yog‘ingarchiliksiz bo‘ladi. Harorat kechasi -18°gacha sovuq, kunduzi esa +9°gacha iliq bo‘ladi, deya yozmoqda «O‘zgidromet» agentligi.

Quyida ob-havo ma’lumoti viloyatlar kesimida:

Shavkat Mirziyoyev konstitutsiyaviy nazorat samaradorligini oshirish, Konstitutsiyaviy sud ishlarini raqamlashtirish va odil sudlov kafolatlarini kuchaytirish maqsadida yangi farmon qabul qildi. Bu haqda prezident matbuot xizmati ma’lum qildi.

Farmonga ko‘ra, Konstitutsiyaviy sud faoliyatini takomillashtirishning asosiy maqsadlari: fuqarolar va yuridik shaxslarning konstitutsiyaviy odil sudlovga erishish imkoniyatlarini kengaytirish, murojaatlarni ko‘rib chiqish tartibini soddalashtirish, ortiqcha byurokratik to‘siqlarni bartaraf etish, ijro etuvchi hokimiyat organlari faoliyati ustidan konstitutsiyaviy nazoratni o‘rnatish va sud ishlarini to‘liq raqamlashtirish orqali shaffoflikni oshirish.

Sudga to‘g‘ridan to‘g‘ri murojaat qilish huquqi bo‘lmagan shaxslarning arizalari tegishli subyektlarga yo‘naltiriladi va murojaatlar yuzasidan axborot taqdim etish tartibi joriy etiladi.

Konstitutsiyaviy sud 2026-yil 1-iyunga qadar...

Xiaomi kompaniyasi yaqinda yangi flagman smartfoni Xiaomi 17 Ultra’ni taqdim etishga tayyorlanmoqda. Bu haqda Gizmochina ma’lum qildi.

Xiaomi 17 Ultra telefonning HyperOS 3 operatsion tizimi bilan ishlashi tasdiqlandi. Shuningdek, 5G, Wi-Fi 7 (IEEE 802.11be standarti) va Bluetooth Low Energy kabi ulanish imkoniyatlari ham mavjud.

Texnik xususiyatlar hali rasmiy e’lon qilinmagan bo‘lsa-da, oqimlar asosida ba’zi tafsilotlar ma’lum. Mish-mishlarga ko‘ra, Xiaomi 17 Ultra Snapdragon 8 Elite Gen 5 protsessoriga ega bo‘ladi. Batareya sig‘imi taxminan 7000 mA·soat bo‘lib, bu uni flagman smartfonlar orasida eng katta sig‘imli batareyalardan biriga aylantiradi.

Asosiy ustunlik sifatida Xiaomi 17 Ultraning kamera tizimi ko‘rsatilmoqda. Qurilma yangi Leica...

Buyuk Britaniya 18-dekabr kuni Farg‘ona kimyo zavodi va O‘zbekistondagi yana uchta kompaniyaga nisbatan sanksiya joriy etdi.

Kompaniya aktivlarini muzlatish va ishonchli xizmatlarni ko‘rsatishni taqiqlash chorasi qo‘llanildi. Buyuk Britaniya hukumati zavod Ukrainaning hududiy yaxlitligi va suverenitetiga tahdid solishi mumkin bo‘lgan mahsulotlar yoki texnologiyalar yetkazib bergan deb hisoblamoqda.

Shuningdek, sanksiyalar O‘zbekistonda ro‘yxatdan o‘tgan boshqa kompaniyalarga ham ta’sir qildi: