Yangiliklar

«Toshkent» respublika fond birjasidan (RFB) joy olgan yuqori likvidli aksiyalarning atigi yettitasi oʻtgan haftani (26-iyuldan 2-avgustgacha) ijobiy yakunladi. «Kursiv» hafta davomida RFBdagi qimmatli qog‘ozlarning dinamikasini o‘rganib chiqdi.

Unga ko‘ra, UCI fond indeksi hafta davomida 4,4 foizga oʻsdi. Qimmatli qog‘ozlar ichida eng katta oʻsish «Ipoteka bank» tomonidan qayd etilib, bankning qimmatli qogʻozlari 31,13 foizga oshdi.

Shuningdek, mazkur davrda Oʻzbekiston Respublika tovar-xomashyo birjasi (2,72 foiz), «Oʻzsanoatqurilishbank» (imtiyozli aksiyalar – 6,54 foiz), «Biznesni rivojlantirish banki» (4,77 foiz), «Turonbank» (2,51 foiz), «Trastbank» (3,16 foiz) va UzAuto Motorsʼning qimmatli qogʻozlari ham yaxshigina oʻsishga erishdi.

Aksiyalari eng koʻp tushgan kompaniyalari qatoridan 21 foiz bilan...

O‘zbekistonda Yevropaga ishga yuborishini va’da qilgan MCHJ rahbari qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

«Ch.g» MCHJ rahbari G‘.K. departamentning Chilonzor tumani bo‘limi va DXX xodimlari hamkorligida ushlandi. Muqaddam sudlangan MCHJ rahbari fuqaro B.R. va boshqalarga soxta sertifikat va diplomlar orqali Yevropa mamlakatlariga ishga yuborish va’dasini bergan. Buning uchun esa B.R.dan $4,5 ming olgan vaqtida qo‘lga tushgan.

Tekshiruv davomida MCHJ rahbari xorijga ishlash uchun jo‘natish evaziga 25,8 mln so‘m miqdoridagi pulni fuqaro U.T. va boshqalardan olgani aniqlandi.

Shuningdek, u 5 nafar fuqaroga «H-W.» MCHJda turli kasblar bo‘yicha ta’lim olganini tasdiqlovchi soxta...

Neuralink chipni ikkinchi bemorga muvaffaqiyatli o‘rnatdi, deb xabar berdi «Bloomberg» kompaniya asoschisi Ilon Maskga tayanib.

Ilgari qurilmani 2024-yil iyun oyida odamga implantatsiya qilish rejalashtirilgan edi, biroq tibbiy sabablarga ko‘ra operatsiya qoldirildi. Neuralink bu yil 10 nafar bemorga chiplarni joylashtirishi kutilmoqda.

Joriy yil boshida Mask kompaniyasi birinchi marta odamga chip o‘rnatdi. Keyinchalik ma’lum bo‘lishicha, bemor fikr kuchidan foydalangan holda onlayn shaxmat o‘ynay olgan.  Ilon Maskning fikricha, Neuralink qurilmalari kelajakda smartfonlar o‘rnini bosishi mumkin.

Avvalroq «Kursiv» joriy yilning yanvar oyida Neuralink chipining implantatsiyasi xuddi shu nomdagi tokenning 5000 foizga oshishiga sabab bo‘lganini e’lon qilgan edi.

Bugun, 5-avgust kuni davlat rahbari qisqa muddatli ta’tildan chiqdi. Bu haqda O‘zR prezidenti matbuot kotibi Sherzod Asadov xabar bermoqda.

Prezident hafta davomida Qozog‘istonga tashrif buyurishi rejalashtirilgan. Ostona shahrida Markaziy Osiyo davlatlari rahbarlarining navbatdagi Maslahat uchrashuvi hamda «Markaziy Osiyo + Yaponiya» sammiti bo‘lib o‘tadi.

Eslatib o‘tamiz, Shavkat Mirziyoyev 26-iyul kuni ta’tilga chiqqan edi.

Andijon viloyatining Xonabod shahrida 29-iyuldan 31-iyulgacha bo‘lib o‘tgan «Dunyo sadolari» festivalida olti mlrd so‘m ishlatildi. Bu haqda Andijon viloyati hokimligi matbuot xizmati xabar berdi.

Festivalda jahon va o‘zbek estradasi yulduzlari, jumladan, ruminiyalik mashhur san’atkor Inna, qozog‘istonlik Jah Khalib va Jony, Yulduz Usmonova, Ozodbek Nazarbekov, Rayhon, Hamdam Sobirov va boshqalar ishtirok etishdi.

Viloyat hokimligining ma’lumotlariga ko‘ra, 2024-yilning yetti oyida viloyatda tadbirkorlik subyektlaridan tushum 48 mlrd so‘mni tashkil qilgan. Tadbir kunlari esa 8,5 mlrd so‘m daromad olingan. Bu ko‘rsatkich o‘tgan yilga nisbatan 2 baravarga oshdi.

Avvalroq «Kursiv» Andijondagi «Dunyo sadolari» festivaliga Eminem va Tarkan kelmasligi ma’lum boʻlganini e’lon qilgan edi.

2024-yil 5-avgust, dushanba kuni Toshkent shahri vaqti bilan soat 11:30 da «Coindesk» ma’lumotlariga ko‘ra, bitkoin kursi bir kunda 17,24 foizga tushdi.

Savdo platformasi ma’lumotlariga ko‘ra, kripto-aktivning bozor kapitallashuvi $992,2 mlrdga baholangan, Bitkoinning eng baland narxi $61 mingni tashkil etgan.

Eslatib o‘tamiz, iyul oyida Toshkentda bir kishi kripto aktivlarining noqonuniy savdosi uchun besh kunga hibsga olingan.

BYD Ocean seriyali savdo bo‘limi bosh menejeri Chjan Chjuo BYD Seal 2025 ichki qismining fotosuratlari bilan tanishtirdi. Yangi avtomobil 8-avgust kuni rasman taqdim etilishi kutilmoqda.

O‘tgan yilgi BYD Sealning o‘lchamlariga mos ravishda 4800 x 1875 x 1460 mm, g‘ildirak bazasi esa 2920 mm. Hozirgi BYD Seal Glory Editionning orqa g‘ildiragi bilan harakatlanish masofasi esa 550 va 700 kmni, to‘liq g‘ildirakli harakatlanish masofasi esa 650 kmni tashkil etadi.

BYD iyul oyida jami 342,4 mingta avtomobil, shu jumladan, 340,8 mingta yengil avtomobil sotdi, bu o‘tgan yilga nisbatan 30,5% ga ko‘p. 2024 yilning birinchi yetti oyida BYD ning jami yo‘lovchi avtomobillari...

Dushanba kuni taxminan soat 04:00 lar atrofida Andijon tumanida, haydovchining uxlab qolishi natijasida yuk mashinasi temir yo‘l ko‘prigiga borib urildi. Holat yuzasidan Andijon viloyati Ichki ishlar boshqarmasi rasmiy bayonot berdi.

Qayd etilishicha, hodisa 5-avgust kuni tongda Sanoat mahallasidan o‘tgan 4R-116 avtomobil yo‘lining 83-kilometrida sodir bo‘lgan. 22 yoshli haydovchi A.S uxlab qolishi natijasida «HOWO» rusumli yuk mashinasi temir yo‘lga urilgan. Oqibatda yuk mashinasi hamda temir yo‘lga zarar yetgan. Tan jarohati olganlar yo‘q.

Hozirgi vaqtda holat yuzasidan Andijon tumani IIB Yo‘l harakati xavfsizligi xodimlari tomonidan surishtiruv ishlari olib borilmoqda. «Shu o‘rinda barcha haydovchilardan charchoq holatida avtomashina boshqarmaslikni...

2024-yil 5-avgust sanasidan Fransiyaning «CMA CGM Air Cargo» transport-logistika aviakompaniyasi Chjenchjou — Navoiy — Parij yo‘nalishida ilk parvozni muvaffaqiyatli o‘tkazdi, deya xabar bermoqda Uzbekistan Airports.

Unga ko‘ra samolyot soat 06:27 da (mahalliy vaqt bilan) Navoiyga qo‘ngan. Soha an’anasiga muvofiq, samolyot suv arkasi bilan tantanali kutib olingan.

Qayd etish joinki, Chjenchjoudan Parijga doimiy reyslar Navoiyda texnik toʻxtash bilan haftasiga 5 marta «Airbus A350» samolyotlarida amalga oshirib boriladi.

«CMA CGM Air Cargo» shtab-kvartirasi Parijda joylashgan bo‘lib, yirik fransuz yuk aviakompaniyasi hisoblanadi. U 2021-yilda «CMA CGM» transport guruhidagi aviatsiya shu’ba sifatida tashkil topgan.

Eslatib o‘tamiz, avvalroq Silk Avia Toshkentdan Zominga parvozlarni qayta...

O‘zbekiston elchixonasi amaliy yordami bilan O‘zbekiston va Polshaning sanoat sohasidagi yirik vakillari orasida hamkorlik muzokaralari tashkil etildi. Bu haqda «Dunyo» AA ma’lum qildi.

Unga ko‘ra, muzokaralarda O‘zbekiston diplomatlari, Qurilish va uy-joy kommunal xo‘jaligi vazirligi, «O‘zog‘irsanoatloyiha» instituti direktori Bexzod Hazratqulov, Polshaning FUD kompaniyasi prezidenti Yan Kuxno va «Polsha-Osiyo» Savdo palatasi prezidenti Yanush Pexochinski ishtirok etdilar.

Muzokaralar davomida mamlakatimizdagi qurilish bozoridagi vaziyat, temir yo‘l qurish, zamonaviy kran uskunalari va texnologiyalari transferi haqida so‘z bordi.

Ma’lumot uchun, Polshaning FUD kompaniyasi mashinasozlik, qurilish, energetika, metallurgiya, tog‘-kon sanoati uchun maxsus liftlar, kranlar, metall konstruksiyalar ishlab chiqaradi.

Eslatib o‘tamiz, avvalroq O‘zbekiston va...

Agar Tehron hujum qilishga qaror qilsa, Isroil hukumati Eronga oldindan zarba qilishga buyruq berishi mumkin, deya xabar beradi Ynet.

Quddus Eron va uning ittifoqchilaridan yaqinlashib kelayotgan hujum haqida razvedka ma’lumotlarini oladigan bo‘lsa, oldindan o‘t ochadi.

Ayni paytda Isroil Quddus va Tehron Yaqin Sharqda urush boshlash niyatida emas, deb hisoblaydi.

Mintaqada keskinlashuvning navbatdagi bosqichi HAMAS Siyosiy byurosi rahbari Ismoil Haniya o‘limi ortidan sodir bo‘ldi. Eron rasmiylariga ko‘ra, Haniyaning o‘limida Isroilning aloqasi bor. Quddus buni na inkor etdi, na tan oldi.

Avvalroq «Kursiv» Haniyaning o‘ldirilishi Yaqin Sharq va butun dunyoga qanday ta’sir qilishi haqida e’lon qilgan edi.

Bugun, 5-avgust kuni «Parij – 2024» Olimpiya oʻyinlarida oʻzbekistonlik bir nafar sportchi ishtirok etadi. Bu haqda Milliy olimpiya qoʻmitasi xabar berdi.

Unga koʻra, Oʻzbekiston delegatsiyasidan yunon-rum kurashi ustasi Islom Bahromov (-60 kg) vazn toifasida gilamga chiqadi. Ushbu dastur Toshkent vaqti bilan soat 18:00 dan start oladi.

Avvalroq «Kursiv» oʻzbekistonlik dzyudochilari jamoaviy bahsda ishtirokini yakunlagani haqida xabar bergan edi.

Yaponiyaning Nikkei 225 fond indeksi yuqori foiz stavkalari Amerika iqtisodiyotiga salbiy ta’sir ko‘rsatishi xavotirlari tufayli taxminan 7 foizga tushib ketdi, deya xabar beradi «Associated Press».

5-avgust, dushanba kuni ertalab Nikkei 225 7,1 foiz yo‘qotdi. Biroq shundan so‘ng u yo‘qotilgan o‘rnini tiklay boshladi.

Yaponiyaning yana bir fond indeksi TOPIX 7,8 foizga yo‘qotdi.

Indekslarning pasayishi sarmoyadorlar AQSh iqtisodiga inflyatsiyani jilovlashga urinayotgan yuqori foiz stavkalari zarar ko‘rishi bo‘yicha xatarlar bilan bog‘liq.

«Kursiv» 2-avgust kuni bozorlardagi vaziyat haqida yozgan edi.

Renovatsiya loyihasi doirasida Toshkent shahridagi eski ko‘p qavatli uylar buziladi, poytaxt rahbari Shavkat Umurzoqov tegishli qarorlar qabul qildi.

Mirzo Ulug‘bek tumanida 26,71 gektar, Sergeli tumanida 35,15 gektar, Shayxontohur tumanida 36,82 gektar, Chilonzor tumanida 5 gektar, Yashnobod tumanida 54,67 gektar va Yakkasaroy tumanida 13 gektar maydonda shahar ob’ektlarini rekonstruksiya qilish ishlari amalga oshiriladi.

Loyiha «Toshkent invest kompaniyasi» aksiyadorlik jamiyati, poytaxt qurilish, madaniyat, kadastr masalalari boshqarmalari va boshqa boshqarmalar tomonidan amalga oshiriladi.

Taniqli bloger Nikita Makarenko shahar hokimining...

2024-yilning yanvar – iyun oylari yakunlariga ko‘ra, O‘zbekistonda berilgan avtokreditlar hajmi 8,9 trln so‘mni tashkil etdi, bu 2023-yilning shu davriga nisbatan ikki baravar kam, deb xabar beradi Markaziy bank hisobotida.

Joriy yilning iyul oyi boshidan respublikada 60 foizlik kredit limiti joriy qilingan. Kelgusi yilda bu ko‘rsatkich 50 foizga tushadi.

Regulyator, shuningdek, ipoteka va avtokreditlar berish uchun talablarni kuchaytirdi. Endi qarz oluvchilarning tavakkalchiligini baholashda, «kredit / garov» kabi koeffisient hisobga olinadi.

Avvalroq «Kursiv» ADM Jizzax elektromobillar bojlarini qaytarish tarafdori ekanini e’lon qilgan edi.

Oʻzbekiston delegatsiyasining «Parij – 2024» yozgi Olimpiya oʻyinlaridagi bayroqdori Abdumalik Halokov boks bo‘yicha -57 kg vazn toifasida chorak final bahsida ispaniyalik Xose Kiles ustidan ishonchli g‘alabaga erishdi. Bu haqda Milliy olimpiya qo‘mitasi xabar berdi.

Uchrashuv bokschimizning to‘liq ustunligi bilan o‘tdi va raqibga imkoniyat bermadi. Keyingi bosqich natijasiga qaramay sportchimiz turnirda o‘zini medal bilan kafolatladi.

Yana bir bokschimiz Asadxoʻja Moʻydinxoʻjayev (-71 kg) vaznda Daniya vakili Nikolay Terteryanni mag‘lubiyatga uchratib yarim finalga yo‘l oldi. Shu tariqa yana bir O‘zbekiston vakili o‘zini medal bilan ta’minladi.

Eslatib o‘tamiz, Bahodir Jalolov va Hasanboy Dos‘matov yarim final ishtirokchilariga aylanishdi.

2024/2025-o‘quv yilida O‘zbekiston maktablarida majburiy forma joriy etilmaydi. Bu haqda Maktabgacha va maktab ta’limi vazirligi boshqarma boshlig‘i Azamat Kamolov ma’lum qildi.

«Har yili har bir maktab tomonidan oʻz nizomi boʻyicha belgilangan forma tanlab olinadi. Hozirga qadar oʻquvchilar uchun ayni bir xil forma kiyilsin, degan qattiq talab qoʻyilmadi. Demak, joriy yilda ham maktablarda majburiy forma joriy etilmaydi», deydi Azamat Kamolov.

Maktabgacha ta’lim va maktab ta’limi vazirligi tomonidan olib borilgan tadqiqot va tahlillarga koʻra, yagona maktab formasi oʻquvchilar (va ularning ota-onalari) oʻrtasida kiyim tanlashda raqobatni to‘xtatadi, shuningdek, turli ijtimoiy-iqtisodiy muhitdagi oilalar oʻrtasidagi tabaqalanishni sezilarli...

Oʻzbekiston prezidenti huzurida iqlim kengashi tuziladi, deb xabar qildi Adliya vazirligi matbuot xizmati.

Tashkilotning ustuvor yoʻnalishi Toshkentning BMTning iqlim oʻzgarishi boʻyicha konvensiyasi va Parij bitimi boʻyicha oʻz majburiyatlarini bajarishini nazorat qilishdan iborat.

Kengash iqlim o‘zgarishi oqibatlarini yumshatish bo‘yicha oliy maslahat organi bo‘ladi.

Bundan tashqari, Green University oliygohida Iqlim ilmiy forumi tashkil etiladi, u fundamental tadqiqotlarni ham rivojlantiradi.

Avvalroq «Kursiv» 2024-yil iyulida O‘zbekiston ShHTni iqlim bo‘yicha kelishuvni qo‘llab-quvvatlashga chaqirganini e’lon qilgan edi.

Parij yozgi Olimpiya o‘yinlarida dzyudo bo‘yicha O‘zbekiston vakillari jamoaviy dasturda chorak final bosqichida mag‘lubiyatga uchradi. Bu haqda Milliy olimpiya qo‘mitasi xabar beradi.

Chorak final bahsida terma jamoa Italiya terma jamoasiga qarshi bahs olib bordi. 2:0 hisobida oldinga chiqqan jamoamiz keyingi to‘rtta bahsda g‘alabaga erishmadi va 2:4 hisobida yutqazdi.

Jamoa bronza medallari uchun o‘tish bosqichida Janubiy Koreya jamoasiga qarshi tatamiga chiqdi. Biroq vatandoshlarimiz 4:2 hisobida imkoniyatni boy berishdi va turnirni tark etishdi.

Eslatib o‘tamiz, Alisher Yusupov dzyudo bo‘yicha olimpiya o‘yinlarida bronza medalini qo‘lga kiritgan edi.

2023/2024-o‘quv yilida Qirg‘izistondagi oliy o‘quv yurtlarida tahsil olayotgan xorijlik talabalarning eng ko‘pi O‘zbekiston fuqarolari bo‘ldi – 24,5 ming kishi, deb xabar berdi AKIpress.

2019/2020-o‘quv yiliga nisbatan bu ko‘rsatkich 68,9 foizga oshgan.

O‘zbekiston fuqarolaridan keyin Hindistondan kelgan talabalar – 14,4 ming kishi. Uchinchi o‘rinda 9,5 ming kishi bilan Pokiston.

2023/2024-o‘quv yilida Qirg‘iziston oliy o‘quv yurtlarida jami 55,8 ming xorijlik tahsil oldi.

Avvalroq «Kursiv» o‘zbekistonlik abituriyentlar ko‘proq Rossiya oliygohlarida muhandislik yo‘nalishini tanlashlarini e’lon qilgan edi.

Samsung prezidenti Li Chje Yong kompaniyaning mobil bo‘limidan norozi, chunki yangi aqlli soatlar va simsiz quloqchinlar Apple qurilmalariga o‘xshash, deb xabar berdi «Ajunews» portali.

Gap Galaxy Watch 7 Ultra soati va Buds 3 Pro quloqchinlar haqida ketmoqda, ularning dizayni OAV ma’lumotlariga koʻra, Apple’dan koʻchirilgan.

2019-yilda Koreya kompaniyasi o‘zining amerikalik raqobatchisining quloqchinlarini masxara qilib, ularni «loviya novdalari» deb atagan. Shu bilan birga, Buds 3 Apple kompaniyasining AirPods 2 Pro dizaynini takrorlaydi.

Buds 3 ning dastlabki xaridorlari ham qurilmaning sifatsizligidan shikoyat qilishgan, shu sababli Samsung ba’zi bozorlarga quloqchinlarni yetkazib berishni avgust oyi oxirigacha qoldirishga qaror qilgan edi.

Apple Watch Ultra’ga...

«Rio – 2016» Olimpiya o‘yinlari g‘olibi Hasanboy Do‘stmatov «Parij – 2024» Olimpiadasida qozogʻistonlik Saken Bibossinovni chorak final bahsida mag‘lubiyatga uchratdi. Bu haqda Milliy olimpiya qo‘mitasi matbuot xizmati xabar beradi.

Bu chiqishi bilan hamyurtimiz Olimpiya o‘yinlarida ikkinchi medal bilan o‘zini kafolatladi. Birinchi raundni boy bergan bo‘lsa ham, keyingi raundlarda yaxshi jang ko‘rsatdi. Endi bokschi yarim finalda jang olib boradi.

Avvalroq «Kursiv» Sitora Turdibekova Olimpiya o‘yinlarida tayvanlik raqibiga imkoniyatni boy berganini e’lon qilgan edi.

Isroilda istiqomat qilayotgan O‘zbekiston fuqarolarini mavjud xavfsizlik holatini hisobga olib, quyidagi ehtiyot choralarini ko‘rishlarini so‘rashdi. Bu haqda Isroildagi O‘zbekiston elchixonasi rasmiy bayonot berdi.

O‘zbekistonliklardan mamlakatning ayrim hududlariga bormaslik, olomon ko‘p joylarda yig‘ilmaslik so‘raldi.

«Isroil hukumati va Oʻzbekiston elchixonasi rasmiy xabarlarini kuzatib boring. Isroil frontorti qoʻmondonligidan bildirishnomalar va ogohlantirishlar (Home Front Command) mobil ilovasi yoki veb-sayti havolasini telefoningizga oʻrnating», deyiladi elchixona bayonotida.

Avvalroq «Kursiv» Isroilda istiqomat qilayotgan Oʻzbekiston fuqarolaridan uylarini tark etmaslik soʻralganini e’lon qilgan edi.

O‘zbekistonlik bokschi Sitora Turdibekova chorak final yo‘llanmasi uchun kechgan jangda tayvanlik raqibi Yu Ting Lingga imkoniyatni boy berdi, deb xabar berdi Milliy olimpiya qo‘mitasi (MOQ).

2024-yil avgust oyi boshida Xalqaro boks assotsiatsiyasi (IBA) Yu Ting Ling va jazoirlik sportchi Imana Xelifning Olimpiadada ishtirokini qoraladi. Tashkilot ma’lumotlariga koʻra, ular ayollar oʻrtasidagi musobaqalarga kirish talablariga javob bermagan.

IBA ushbu talablarni buzgani uchun 2023-yilda Yu Ting Ling va jazoirlik sportchi Imana Xelifni diskvalifikatsiya qildi.

2024-yilda Xalqaro olimpiya qo‘mitasi (XOQ) IBAni tan olingan federatsiyalar ro‘yxatidan chiqarib tashladi va assotsiatsiya hamda unga a’zo federatsiyalarni 2028-yilgi Olimpiada o‘yinlarida ishtirok etishni taqiqladi. XOQ qarori bilan diskvalifikatsiya...