Yangiliklar

Oʻzbekiston prezidenti Shavkat Mirziyoyev temir yoʻl transporti xodimlarini kasb bayrami bilan tabrikladi, deb xabar qildi davlat rahbari matbuot xizmati.

«Temir yo‘l transportini yanada rivojlantirish, sohada ko‘rsatilayotgan xizmatlar turini ko‘paytirish va ularning sifatini yaxshilash, muhim zamonaviy kommunikatsiya obyektlarini barpo etish bo‘yicha sizlar bilan birgalikda hali juda katta ishlarni amalga oshirishimiz zarur», deyiladi Mirziyoyev tabriknomasida.

Davlat rahbari so‘nggi paytlarda mamlakatimizda 3 ming kilometrdan ortiq temir yo‘l elektrlashtirilganini qo‘shimcha qildi. Buxoro – Urganch – Xiva va Miskin – Nukus yo‘nalishlarini elektrlashtirish ishlari olib borilmoqda.

Toshkent – ​​Buxoro – Xiva va Toshkent – ​​Chirchiq – Hojikent yo‘nalishlarida tezyurar...

Bugun, 3-avgust kuni O‘zbekiston bo‘ylab quruq va issiq ob-havo kuzatiladi. Janubiy hududlarda chang-to‘zonlar ko‘tarilishi mumkin. Qashqadaryo va Surxondaryo viloyatlarida havo harorati 42 darajagacha isishi mumkin. Havo harorati o‘rtacha 34-39-daraja issiq bo‘ladi. Bu haqda «Gidrometeorologiya» xizmati agentligi xabar beradi.

Toshkent shahrida havo bulutli bo‘lishi ehtimoli bor. Yomg‘ir yog‘maydi. Kunduzi havo harorati 39-daraja issiq, kechasi esa 26 darajagacha pasayadi.

Tog‘li hududlarda havo o‘zgaruvchan bo‘ladi, biroq yog‘ingarchilik kuzatilmaydi. Kunduzi havo 31 darajagacha isishi mumkin, kechasi esa 19-daraja iliq bo‘ladi.

2-avgust kuni Parij-2024 Olimpiya o‘yinlarida boks bo‘yicha chorak finalda Bahodir Jalolov avstraliyalik Teremoana Teremoanani mag‘lubiyatga uchratdi. Sitora Turdibekova xitoy taipeyilik transgender Yu Ting Lin bilan jang o‘tkazdi. Bu haqda Milliy Olimpiya qo‘mitasi matbuot xizmati xabar berdi.

Yarim finalda 7-avgust kuni sportchimizga qarshi Germaniya vakili Nelviye Tiafakka ringga chiqadi.

Aytish joizki, Tokiyo-2020 chempioni Bahodir Jalolov Olimpiya o‘yinlarida ikkinchi medalini kafolatladi.

Sitora Tudibekova nimchorak finalda Yu Ting Linga qarshi yaxshi jang o‘tkazdi, biroq Tayvan vakili chorak finalga yo‘l oldi.

Avvalroq «Kursiv» dzyudochi Alisher Yusupov O’zbekiston delegatsiyasiga bronza medalini olganini e’lon qilgan edi.

2024-yil birinchi yarim yilligi davomida banklar tomonidan imtiyozli taʼlim kreditlari uchun 328,4 mlrd soʻm ajratildi. Bu haqda Iqtisodiyot va moliya vazirligi xabar berdi.

Maʼlum qilinishicha, mazkur kreditlar bilan 40,5 nafar talaba qamrab olindi. Ushbu kreditlarning katta qismi, yaʼni 77,2 foizi xotin-qizlarga berildi.

Tijorat banklari kesimida eng koʻp kredit «Mikrokreditbank» tomonidan (86 mlrd soʻm) ajratilgan. Shulardan 67 mlrd soʻmi foizsiz boʻlsa, qolgan 18 mlrd soʻmi foiz asosida berilgan. Ikkinchi oʻrindan 49 mlrd bilan «Agrobank» joy oldi. Uchlikni 37 mlrd bilan «Aloqa bank» yakunlab berdi.

Mazkur davrda eng kam imtiyozli taʼlim kreditlar «Hamkorbank» (4 mlrd soʻm) va «Orient Finans bank...

Avgust oyi boshidan buyon service.e-osgo.uz portalida sug‘urta shartnomalari va polislarini ro‘yxatdan o‘tkazish xizmati ishga tushirildi, deb xabar berdi Istiqbolli loyihalar milliy agentligi (ILMA).

Agentlik sentabr oyi boshidan sug‘urta va qayta sug‘urtalash shartnomalari faqat ushbu portal orqali ro‘yxatdan o‘tkazilishi haqida ogohlantirdi. Portal orqali sug‘urta polislari ham rasmiylashtiriladi.

Eslatib o‘tamiz, joriy yilning birinchi choragi yakunlariga ko‘ra sug‘urta kompaniyalari tomonidan O‘zbekiston iqtisodiyotiga 6,1 trln so‘m mablag‘ kiritilgan edi.

Sug‘urtalovchilarning umumiy aktivlari shu vaqt ichida 9,9 trln so‘mni, sug‘urta to‘lovlarining umumiy hajmi 566,6 mlrd so‘mni tashkil etdi.

Avvalroq «Kursiv» «O‘zbekinvest» sug‘urta kompaniyasining foydasi yil davomida 38 foizga oshganini e’lon qilgan edi.

Balandlikka sakrash bo‘yicha yengil atletikachi Safina Sadullayeva Olimpiya o‘yinlarida final bosqichiga yo‘l oldi. Bu haqda Milliy olimpiya qo‘mitasi xabar beradi.

Sportchimiz balandlikka sakrash dasturida 1.95 metr natijasini qayd etib finalga chiqdi. So‘nggi tur bahslari 4-avgust kuni bo‘lib o‘tadi.

Ma’lumot uchun, hamyurtimiz guruh bosqichida 1.83 va 1.88 metr balandliklarni birinchi urinishda zabt etdi.

Avvalroq «Kursiv» Olimpiada o‘yinlarida medallar jamg‘arish bo‘yicha qaysi jamoa peshqadamligi haqida jadval tuzgan edi.

Savdo-sanoat palatasi raisi Davron Vahobov 26-iyul kungi tadbirkorlar bilan uchrashuvda elektromobillarga bojlarni gibrid avtomobillarniki bilan tenglashtirish kerakligini aytdi. Bu haqda palataning matbuot xizmati xabar berdi.

 Unga ko‘ra, palata raisi o‘z fikrini dalillash uchun boshqa davlatlardagi tizimlarni misol qildi. Jahonning yetakchi mamlakatlaridan AQSHda avtomobil narxining 102,5 foizi, Yevropa Ittifoqi davlatlarida 38,1 foizi, Turkiyada esa 50 foizga teng miqdor boj sifatida joriy qilinganini aytdi.

Shuningdek, boj joriy qilmaslik Xitoy elektromobillarining sifatiga ta’sir qilishini ta’kidlagan. Yana rais, mahalliy sharoitlarga, sifatli xizmat ko‘rsatish imkoniyati yo‘q bo‘lgan elektromobillar xaridi orqali katta xarajatlarga tushishi mumkinligini aytgan.

 Raisga ko‘ra, masala jahondagi akkumulyatorlarni qayta...

Joriy yilning birinchi yarmida 65 mingdan ziyod chet mamlakat fuqarolari tijorat maqsadida tashrif buyurgan. Bu haqda statistika agentligi xabar berdi.

Ushbu koʻrsatkichlar oʻtgan yilning ushbu davri bilan taqqoslanganda 42 ming nafarga yaʼni 2,8 foizga ortgan.

2024-yilning dastlabki 6 oyi davomida Turkmanistondan 37 942 nafar, Tojikistondan 21 451 nafar, Xitoydan 723 nafar, Hindistondan 582 nafar, Afgʻonistondan 21 451 nafar, Turkiyadan 529 nafar, Qirgʻizistondan 385 nafar, Janubiy Koreyadan 329 nafar, Amerika Qoʻshma Shtatlaridan 199 nafar, Rossiyadan 157 nafar, boshqa davlatlardan esa, umumiy hisobda 1 102 nafar chet el fuqarolari tijorat uchun kelgan.

Avvalroq «Kursiv» Oʻzbekistonga olti oyda 3,5 mln nafar sayyoh...

Oʻzbekiston Markaziy bankining joriy yil iyun oyidagi yigʻilishlarida 59 ta masala koʻrib chiqildi va ular boʻyicha tegishli qarorlar qabul qilindi. Bu haqda regulyator axborot xizmati xabar berdi.

Unga koʻra, roʻyxatga olish va ruxsat berish yoʻnalishida 51 ta masalalar koʻrib chiqildi. Shuningdek, bitta toʻlov tizimi operatori hamda uchta toʻlov tashkiloti faoliyatini amalga oshirish uchun berilgan litsenziya chaqirib olindi.

Kredit tashkilotlarining moliyaviy holatiga oid sakkizta masala – Markaziy bankning koʻrsatmalari va prudensial meʼyorlari talablarining bajarilishi, mikromoliya tashkilotida oʻtkazilgan tekshirishlar natijasi ham muhokama qilindi.

Toʻlov tizimlari operatorlari va toʻlov tashkilotlarining ustav fondi va tashkiliy-huquqiy shakliga qoʻyilgan talablarga rioya qilmaganligi uchun 13 ta...

Vazirlar Mahkamasi tadbirkorlik faoliyati barqarorligi reytingini hisoblash tartibiga o‘zgartirishlar kiritdi. Bu haqda Savdo-sanoat palatasi xabar berdi.

Unga ko‘ra, mezonlar EBITDA, ya’ni soliqlar, foizlar va amortizatsiyadan tashqari tushgan daromad bo‘yicha qayta ko‘rib chiqildi. Yangi qoidalarga binoan, korxona faoliyat turi bo‘yicha o‘rtacha ko‘rsatkichga nisbatan baholanadi.

EBITDA marjasi o‘rtacha ko‘rsatkichdan 20 % ga oshsa – 10 ball beriladi. Agar 15−20 % ga yuqori bo‘lsa 8 ball, 10−15% ga yuqori bo‘lsa 6 ball beriladi. Belgilangan ko‘rsatkichdan 5−10% ga yuqori hollarda 4 ball beriladi. O‘rtachaga teng yoki 5% dan kam holatda esa 2 balldan oshadi..

Agar ulush o‘rtacha ko‘rsatkichdan 4 baravar...

2-avgust kuni O‘zbekiston Respublika valyuta birjasida dollarning o‘rtacha tortilgan qiymati 6,98 so‘mga ko‘tarildi va 12 581,86 so‘mni tashkil qildi.

Davlatdagi tijorat banklari dollarni 12 515 – 12 570 so‘mdan sotib olishmoqda va 12 610 – 12 640 so‘mdan sotishmoqda.

Eslatib o‘tamiz, 1-avgust kuni AQSh valyutasi narxi 30,77 so‘mga ko‘tarilgan edi.

Oʻzbekiston 2024-yilning dastlabki 6 oyida toʻqimachilik mahsulotlarini 55 ta davlatga $1,5 mlrdlik eksport qildi. Bu haqda  statistika agentligi xabar beradi.

2023-yilning yanvar-iyun oylarida to‘qimachilik mahsulotlarining umumiy eksport miqdori 16,6 foizni qayd etgan. Joriy yilning xos davriga nisbatan ushbu ko’rsatkich 4,8 foizga kamayib 11,8 foizni tashkil etadi.

2024-yilda eksport qilingan toʻqimachilik mahsulotlari tarkibida mavjud boʻlgan tayyor toʻqimachilik mahsulotlari 38,1 foiz, kalava ip esa 46,2 foiz bilan asosiy oʻrinni egallaydi.

Ma’lumot uchun, toʻqimachilik mahsulotlarining tarkibiga; kalava ip- 708,6 mln, tayyor toʻqimachilik mahsulotlari- 584 mln, trikotaj mato- 144,1 mln, gazlamalar- 75,1 mln, paypoq- 20,5 mlnni tashkil etadi.

Avvalroq «Kursiv» Oʻzbekiston yanvar...

Joriy yilning 30-iyul sanasida Chevrolet Cobalt avtomobilining birinchi partiyasi Moʻgʻulistonga yoʻl oldi. Bu haqda UzAuto Motors AJ xabar berdi.

UzAuto Motors kompaniyasining distribyutori sifatida «Doctor Auto Chain» MCHJ Ulan-bator shahrida kirib kelgan avtomobillarni sotish hamda ularga texnik xizmat koʻrsatish boʻyicha faoliyat bilan shugʻullanadi.

Maʼlumot uchun, UzAuto Motors avtomobillari bir qancha qoʻshni mamlakatlarda, shuningdek, Ozarbayjon, Armaniston hamda Gruziyada Chevrolet Uzbekistan brendi ostida mavjud.

Avvalroq «Kursiv» Chevrolet Qozog‘iston bozorida o‘z o‘rnini yo‘qotishini boshlaganini e’lon qilgan edi.

Respublika Markaziy banki va Hindiston zaxira banki oy davomida oltin zaxiralarini to‘qqiz tonnaga oshirdi. Bu haqda Jahon oltin kengashi (WGC) xabar beradi.

Iyun oyda markaziy banklar tomonidan sof xaridlar 12 tonnani tashkil etdi. Shu bilan birga, umumiy talab kamayib, yalpi xaridlar 31 tonnagacha qisqardi, bu esa 18 tonna yalpi sotish bilan qoplandi.

Joriy yilning iyunida Singapur tonna oltin sotdi va eng katta sotuvchiga aylandi.

Aytish joizki, iyunda O‘zbekiston Markaziy banki zaxirasidagi oltinning fizik hajmi 11,4 mln troy unsiyadan 11,7 mln troy unsiyaga (+9 tonna) oshdi. Regulyatorning oltin zaxiralari qiymati $506,5 millionga oshib, $27,3 milliardga yetdi. Biroq, oltin narxi...

2024-yilning 1-iyul holatiga koʻra, Qozogʻiston aholisi 20,1 millionni tashkil qildi. Bu haqda mamlakat Milliy statistika byurosi xabar berdi.

Maʼlum qilinishicha, shundan 12,5 mln nafari shahar joylarda, 7,5 mln nafari esa qishloq joylarda istiqomat qiladi.

Mamlakatda 2024-yilning yanvar–iyun oylarida aholi soni 125 ming nafarga koʻpaydi. Bulardan tabiiy oʻsish hisobiga 118 ming nafar boʻlsa, qolgan 7289 kishiga migratsiya hisobiga toʻgʻri keladi.

Aholi oʻsishining eng yuqori surʼatlari Ostona shahrida – 2,93 foizga, Chimkentda – 1,38 foizga va Olmaotada – 1,33 foizga qayd etilgan.

Eslatib oʻtamiz, yanvar–iyun oylarida 4128 nafar oʻzbekistonlik Qozogʻistonga koʻchib ketgan.

Avvalroq «Kursiv» joriy yilning olti oyida Oʻzbekistonda...

«Humans Companies» AJ joriy yilning I yarmida 4,2 mlrd so‘m sof foydasi oldi. Tashkilot hisoboti Korporativ axborot yagona portalida e’lon qilindi.

Unga ko‘ra, ushbu sof foyda o‘tkan yildagi mos davr bilan solishtirilsa, 268,9% ga ko‘p deganidir. Sof tushum esa 159,9% ga oshib, 23,4 mlrd so‘mni tashkil qilgan.

Shuningdek, 12 oy davomidagi uzoq muddatli bank kreditlari 9,5 mlrd so‘mdan 13,8 mlrd so‘mga o‘zgargan bo‘lsa, qisqa muddatli qarzlar 19 mlrd so‘mni tashkil qilgan.

Avvalroq «Kursiv» «Click»ning foydasi 50 foizga oshgani haqida yozgan edi.

26-iyul kuni Interpol tomonidan oʻta xavfli jinoyatchi sifatida roʻyxatga olingan 1992-yilda tug‘ilgan Oʻzbekiston fuqarosi qoʻlga olindi. Bu haqda Qirg‘iziston Milliy xavfsizlik davlat qoʻmitasi matbuot xizmati xabar beradi.

Jinoyatchi oʻz sheriklari bilan birgalikda soxta bojxona yuk deklaratsiyasini rasmiylashtirish bilan shugʻullanib, Oʻzbekiston Davlat budjetiga 12 mlrd soʻmdan ortiq (taxminan $955 ming ) miqdorida zarar yetkazgan.

Botken tuman sudi qarori bilan Interpol qidiruviga berilgan O‘zR fuqarosi tergov hibsxonasiga joylashtirildi.

Avvalroq «Kursiv» Samarqand va Navoiyda fuqarolarni xorijga ishga yuborishni va’da qilgan firibgarlar ushlanganini e’lon qilgan edi.

2024-yilning dastlabki olti oyida mamlakatda 375 dona avtobus ishlab chiqarildi. Bu haqda Statistika agentligi hisobotida ma’lum qilindi.

Unga koʻra, 2023-yilning mazkur davrida 383 dona avtobus ishlab chiqarilgan. 2024-yilda bu koʻrsatkich 2,1 foizga kamaygan.

Ma’lumot uchun, birgina iyun oyida mamlakatda 77 ta avtobus ishlab chiqarilgan.

Eslatib oʻtamiz, Oʻzbekistonda yanvar – iyun oylarida deyarli 178 ming dona yengil avtomobil va 12,8 ming dona maxsus yengil avtomobil ishlab chiqarilgan.

Avvalroq «Kursiv» Toshkent va Chorvoq oʻrtasida avtobuslar qatnovi koʻpayganligi haqida xabar bergan edi.

Xalqaro moliya korporatsiyasi (IFC) «Samarqand» obligatsiyalar bozoriga Oʻzbekistonning yetakchi ichimliklar ishlab chiqaruvchi korxonasini kengaytirish maqsadida 250 milliard soʻmdan ortiq ($20 million) obligatsiyalar joylashtirdi. Bu haqda korporatsiya Linkedin’dagi sahifasida ma’lum qildi.

Qayd etilishicha, muddati 2030-yilning aprel oyida tugaydigan milliy valyutadagi obligatsiya IFCʼning shu kungacha eng uzoq muddatga ega soʻmdagi obligatsiyasi hisoblanadi.

Oʻzbek soʻmidagi ushbu obligatsiya IFCʼning milliy valyutadagi moliyalashtirish manbalarini, shu jumladan, xalqaro kapital bozorlaridan diversifikatsiya qilish strategiyasining bir qismidir.

Ma’lumot uchun, «Samarqand» obligatsiyalari 2018-yilda London fond birjasida (London Stock Exchange) joylashtirilgan.

Avvalroq «Kursiv» mutaxassislari Oʻzbekistonda dollar obligatsiyalarini chiqarishni taklif qilgani haqida xabar bergan edi.

26-iyul kuni Parijdagi Olimpiada o‘yinlariga start berildi. Bugungi kunga kelib qaysi davlat medallar jamg‘arish bo‘yicha peshqadamligini «Kursiv» hisoblab chiqdi.

2-avgust kuni Toshkent vaqti bilan soat 11:20 holatiga ko‘ra Xitoy yetakchi, ikkinchi o‘rinda AQSh vakillari va kuchli uchlikdan turnir mezboni joylashgan.

O‘zbekiston terma jamoasida hozircha bitta oltin va bitta bronza medal majvud. Ikkala medal ham dzyudo sport turida qo‘lga kiritildi.

Markaziy Osiyo davlatlari:

Eslatib o‘tamiz, 28-iyul kuni dzyodichimiz Diyora Keldiyorova final bahsida (-52 kg) o‘z vazn toifasida kosovolik Distrija Krasnich ustidan g‘alaba qozonib oltin medalga sazovor bo‘lgan edi.

1-avgust kuni yana bir sportchimiz Muzaffarbek Toʻraboyev dzyudo bo‘yicha...

Turkiya Instagram ijtimoiy media platformasiga kirishni to‘sib qo‘ydi. Bu haqda Reuters Ankara xabar berdi.

Unga ko‘ra, Instagram bloklanishi haqida hech qanday sabab va muddat ko‘rsatilmasdan patformaning mobil ilovasiga kirish imkoni cheklab qo‘yilgan.

Bu qaror chorshanba kuni Turkiya aloqa xizmati rasmiysi Fahrettin Altunning platformani Hamas rahbarlaridan biri Ismoil Haniyaning o‘limi bilan bog‘lagan. Aytilishicha, Instagram hamdardlik xabarlarini bloklash qarori uchun tanqid qilgan izohlaridan keyin bloklangan.

Turkiya Axborot texnologiyalari va aloqa boshqarmasi (BTK) qarorni 2-avgust kuni internet sahifasida e’lon qildi.

Eslatib o‘tamiz, avvalroq Turkiya prezidenti mamlakat Isroilga qo‘shin kiritishi mumkinligini ma’lum qilgan edi.

Anqarada Rossiya va G‘arb o‘rtasidagi eng yirik 26 mahbus almashinuvi bo‘lib o‘tdi. Bu haqda Turkiyaning NTV telekanali xabar berdi.

Rossiya tomoni AQShga 16 kishini topshirdi (bu guruhga AQSh fuqarolari, ikki fuqarolikka ega shaxslar va rossiyaliklar kiradi), Qo‘shma Shtatlar tomoni esa 8 kishini Rossiyaga taqdim etdi (ularning barchasi Rossiya Federatsiyasi fuqarolari).

Jarayon doirasida amerikalik jurnalist Evan Gershkovich va sobiq AQSh dengiz piyodasi Pol Uilanlarni AQShga jo‘natdi.

Kelishuvda boshqa davlatlar ham ishtirok etdi. Jumaladan, Germaniya Vadim Krasikovni Rossiyaga topshirdi. Bu haqda prezident Vladimir Putin shaxsan xavotirlandi. Belarus sudi esa ilgari yollanma va terrorizm ayblovlari bilan o‘lim jazosiga hukm qilingan Riko Krigerni...

BYD 2024-yil iyul oyida jami 342 383 ta elektromobil sotishga erishdi. Bu haqda BYD kompaniyasining Facebook sahifasida e’lon qilindi.

Unga ko‘ra, yangi energiya vositalarining umumiy savdosi 8,3 milliondan oshdi.

Kompaniya 340 799 ta yo‘lovchi elektromobillarini sotgan. Yillik o‘sish 30,5 % ni tashkil etgan. Iyulda Dynasty va Ocean sotuvi 328 178 dona sotilgan bo‘lsa, 10 340 ta Denza o‘z egalariga topshirilgan. Fangchengbao modeli sotuvlari esa 1842 donani tashkil qilgan.

Shuningdek, kompaniya iyul oyining o‘zida 30 mingdan ziyod yo‘lovchi avtomobillari eksportiga erishgan.

Eslatib o‘tamiz, sal avvalroq BYD yangilangan Song Plus DM-i mashinasini taqdim etgani haqida yozgan edik.

Dastlabki ma’lumotlarga koʻra, birinchi yarim yillik sarhisobiga qaraganda Davlat budjeti taqchilligi 29 trln soʻmga teng boʻldi. Bu haqda Markaziy bankning pul-kredit siyosati sharhida ma’lum qilindi.

Daromadlar 2023-yilning ushbu davriga nisbatan 18,3 foizga oshib, 121 trln soʻmni tashkil qildi. Xarajatlar miqdori qariyb 150 trln soʻmni qayd qildi, ya’ni 16 foizga oʻsdi.

Moliyaviy holatlarning erkinlashishi yuzasidan bozor iqtisodiyoti ishtirokchilari kutilmalari fondida II chorakda budjetni moliyalashtirish ichki manbaalardan tashqi manbaalarga oʻtildi. May oyi sarhisobiga koʻra, 1,55 mlrd dollar miqdorida yevroobligatsiyalar joylashtirildi, shuningdek, jalb qilingan qarz instrumentlari taʼsirida almashuv kursi II chorak bo‘yicha 0,5 foizga mustahkamlanib, yil boshidan esa 1,8 foizga qadrsizlandi.