Yangiliklar

2021-yilda qabul qilingan BMT rezolyutsiyasida Xalqaro Oy kuni 20-iyulda nishonlanishi e’lon qilingan. Shu kuni insoniyat birinchi marta Oyga qadam qoʻydi. Shu sababli «Kursiv» muxbiri Oyning ahamiyati haqida «Oʻzbekkosmos» vakillari va fizika-matematika fanlari doktori, Oʻzbekiston Milliy universiteti, Fizika fakulteti, «Astronomiya va astrofizika» kafedrasi mudiri Tal’at Ahunov bilan suhbatlashdi.

Xalqaro Oy kuni ahamiyati

20-iyul kuni koʻproq siyosiy ahamiyatga ega — deydi Tal’at Ahunov. Professor fikriga koʻra, Oyning aynan astronomiya nuqtai nazaridan ahamiyati qolmagan. Endi uni texnologik nuqtai nazaridan oʻzlashtirish kerak. E’tibor aynan shu yoʻnalishga qaratilgan.

«Oyning oʻziga kelsak, u Yerning yagona tabiiy yoʻldoshi hisoblanadi. Osmonda yorqinligi boʻyicha...

2024-yilda O‘zbekiston media bozoriga investitsiyalar hajmi 1,62 trln so‘mni tashkil etishi prognoz qilinmoqda, bu o‘tgan yilga nisbatan 25 foizga ko‘pdir. Bu haqda «Kursiv» Wonder Digital agentligidan hisobot nusxasini oldi.

Wunder Digital ekspertlari televidenyani mamlakat reklama bozorida peshqadamligini ta’kidladi. Ushbu segmentda reklama beruvchilar o’rtasidagi talab taklifdan sezilarli darajada oshadi.

Mamlakatimizga yirik kompaniyalar kelishi tufayli digital-segmentga investitsiyalar ko‘paydi. Joriy yilda digital-sohaga kiritilgan investitsiyalar 2023-yildagi 286 mlrd so‘mga nisbatan bir yil ichida 406 mlrd so‘mni tashkil qiladi.

 «Asosiy talab bannerli reklamaga, ayniqsa DV360 platformasida va onlayn video yirik reklama beruvchilar orasida tobora ommalashib borayotgan mahsulotdir», — deyiladi hisobotda.

Shu bilan birga, Telegram reklama...

Bugun, 20-iyul kuni mamlakatning janubiy viloyatlarida kuchli shamol tufayli chang-to‘zonlar ko‘tariladi. Respublikada havo quruq va issiq bo‘ladi. O‘rtacha havo harorati 34-39 daraja issiq bo‘ladi, deb xabar beradi Gidrometeorologiya xizmati agentligi.

Toshkent shahrida havo bulutli bo‘ladi. Yog‘ingarchilik kuzatilmaydi. Kunduzi havo harorati 37 darajagacha issiq bo‘ladi, kechasi esa 22-24 daraja issiq.

Tog‘li hududlarda havo bulutli bo‘ladi. Ayrim hududlarda yomg‘ir va momaqaldiroq bo‘lishi mumkin. Chang-to‘zonlar ham ko‘tariladi.

Fuqarolarda ikki yoki undan ortiq pensiya olish uchun huquqi paydo boʻlganda, fuqaroning tanlovi bilan faqat bitta turdagi pensiyani olishi mumkin boʻladi. Bu haqda Pensiya jamgʻarmasi axborot xizmati xabar berdi.

Qayd etilishicha, «Fuqarolarning davlat pensiya ta’minoti toʻgʻrisida»gi Qonunning 4-moddasiga koʻra, davlat pensiyalarining turli xillarini olish huquqiga ega boʻlgan fuqarolarga ularning oʻzlari tanlagan bitta pensiya tayinlanadi.

Eslatib oʻtamiz, Pensiya jamgʻarmasi tomonidan joriy yilning yanvar – may oylarida 124 184 nafar fuqaroga yangi pensiyalar tayinlandi.

Avvalroq «Kursiv» Oʻzbekiston pensiya tizimi boʻyicha reytingda oxirgi oʻrinlardan birida ekanligi haqida xabar bergan edi.

Oʻzbekistonda uchta kripto-doʻkonning litsenziyalari olti oyga toʻxtatildi. Bu haqda «Kursiv» muxbiri xabar bermoqda.

Istiqbolli loyihalar milliy agentligi (ILMA) qarori 2024-yil 1-iyuldan kuchga kirdi. Litsenziyasi toʻxtatilgan kripto-doʻkonlar Cryptocorp, C-Cash va T-Firm hisoblanadi.

ILMAning «Kursiv»ga ma’lum qilishicha, barcha kripto-doʻkonlarning litsenziyalari ularning iltimosiga binoan toʻxtatilgan. Ular ixtiyoriy ravishda ushbu muddatga ishlashni toʻxtatish toʻgʻrisida ariza bilan agentlikka murojaat qilgan.

«Kursiv» yuqorida nomi keltirilgan kompaniyalarning ikkitasi bilan bogʻlandi (uchinchi bilan bogʻlanishning imkoni boʻlmadi), lekin litsenziyaning nima sababdan toʻxtatilgani haqida tushuntirish ololmadi.

Eslatib oʻtamiz, bu joriy yilda Oʻzbekistonda kripto-doʻkon faoliyati toʻxtatilgan birinchi holat emas. 12-iyun kuni Paynet Crypto toʻlovni oʻz vaqtida toʻlamaganligi sababli cheklovlarga duch kelgan...

Rossiya oliy oʻquv yurtlariga oʻqishga kirayotganda oʻzbekistonliklar koʻproq muhandislik- texnika yo‘nalinishini tanlashadi, dedi jurnalistlarga Rossiya Federatsiyasi Ta’lim va fan vazirligi rahbari oʻrinbosari Konstantin Mogilevskiy.

Uning qo‘shimcha qilishicha, joriy yilda Rossiyada 50 mingdan ortiq o‘zbekistonliklar tahsil olmoqda. Vazirlik ma’lumotlariga koʻra, Oʻzbekistonda Rossiya oliy oʻquv yurtlarining 14 ta vakolatxonasi faoliyat koʻrsatmoqda. Bu yil bilim yurtlarni 8 ming talaba bitirdi.

Mogilevskiyning qoʻshimcha qilishicha, may oyida respublikada Bauman nomidagi Moskva davlat texnika universiteti filialini ochish boʻyicha kelishuv imzolangan.

Eslatib o‘tamiz, iyun oyi boshida 15,8 mingdan ortiq o‘zbekistonliklar o‘qish uchun xorijga ketgan edi. Yil davomida bu ko‘rsatkich 7,4 foizga kamaydi. Shundan 2,2 ming...

Joriy yilning 18-iyul kuni «Oʻzbekiston Respublikasi davlat mustaqilligining 33 yillik bayramiga tayyorgarlik koʻrish va uni oʻtkazish toʻgʻrisida»gi prezident qarori qabul qilindi.

Unga koʻra, mustaqillikning 33 yillik tantanasi umumxalq bayrami sifatida tashkil etiladii. Barcha tadbirlar, targʻibot-tashviqot ishlari «Bir boʻlsak – yagona xalqmiz, birlashsak – Vatanmiz!» bosh gʻoyasi ostida tashkil qilinadi.

Ayyom Qoraqalpogʻiston Respublikasi, viloyatlar markazlari va Toshkent shahrida, barcha shahar, tumanlar, qishloq va ovullarda yuqori saviyada nishonlanadi.

Shuningdek, mustaqillik bayrami munosabati bilan «Ona diyor – ranglar jilosida», «Vatan uchun yashaylik!», «Eng ulugʻ, eng aziz» kabi an’anaviy koʻrik-tanlovlar tashkil etiladi.

Avvalroq «Kursiv» O‘zbekiston mustaqillik davrida erishgan iqtisodiy o‘zgarishlar haqida...

Oʻzbekiston prezidenti Shavkat Mirziyoyev va Qirgʻiziston prezidenti Sadir Japarov ikki mamlakat birinchi xonimlari bilan birgalikda Xiva shahridagi Ichanqal’a majmuasi va Nurillaboy saroy majmuasiga tashrif buyurdi. Bu haqda prezident matbuot xizmati xabar berdi.

Oliy martabali mehmonlar tanishuvni «Ota darvoza»dan boshlab, noyob «Koʻhna ark» majmuasi, Shergʻozixon madrasasi, Juma masjidi, «Toshhovli» majmuasi va boshqa obidalar bilan tanishdi.

Mehmonlar sharafiga oʻzbek xalq qoʻshiqlari yangrab, teatrlashtirilgan tomosha namoyish etildi.

Eslatib o‘tamiz, 18-iyul kuni Qirg‘iziston prezidenti Sadir Japarov davlat tashrifi bilan O‘zbekistonga kelgan edi. Mamlakatlar oʻzaro tovar ayirboshlash hajmini $2 milliardga yetkazishni rejalashtirmoqda.

Avvalroq «Kursiv» Qirg‘izistonda avtomobil zavodi ishga tushirilishi hamda zavodda Cobalt, Onix...

19-iyul kuni O‘zbekiston Respublika valyuta birjasida dollarning o‘rtacha tortilgan qiymati 8,96 so‘mga ko‘tarildi va 12 610,04 so‘mni tashkil qildi.

Mamlakatdagi moliya institutlari dollarni 12 540 – 12 610 so‘mdan xarid qilishmoqda va 12 645 – 12 670 so‘mdan sotishmoqda.

Eslatib o‘tamiz, 18-iyul kuni AQSh valyutasining qiymati 13,14 so‘mga o‘sgan edi.  

Ijtimoiy tarmoqlarda yetkazib berish vaqtida shikastlangan Chevrolet avtomobillari taʼmirlangandan soʻng qayta sotuvga qoʻyilishi haqida xabarlar tarqalmoqda.

UzAuto Motors tarqalgan xabar notoʻgʻri ma’lumot ekanligi va haqiqatga toʻgʻri kelmasligini ma’lum qildi.

Kompaniyaning xabar berishicha, transportirovka vaqtida shikastlangan avtomobillar sotuvdan chiqariladi va qayta sotuvga qoʻyilmaydi.

Shuningdek, kompaniya telekommunikatsiya tarmoqlarida va internetda yolgʻon axborotni tarqatganlik uchun Oʻzbekiston qonunchiligiga binoan ma’muriy javobgarlik koʻzda tutilganini eslatib oʻtdi.

Avvalroq «Kursiv» Jizzaxda Cobalt va Equinox ortilgan avtotreyler YTHga uchragani haqida xabar bergan edi.

2024-yil yanvar – iyun oylarida Toshkent metropoliteni bir kunda oʻrtacha 724,5 ming nafar yoʻlovchiga xizmat ko‘rsatgan. Statistika agentligi bu boradagi aniq raqamlar bilan bo‘lishdi.

Ushbu ko‘rsatkich 2023-yil yanvar – iyun oylaridagi ko‘rsatkichdan 277,1 ming kishiga ko‘pligini anglatadi. Bu esa Toshkent metropolitenidan foydalanuvchilar hajmi deyarli 62%  o‘sganini ko‘rsatmoqda.

Eslatib o‘tamiz, avvalroq Tojikiston poytaxti Dushanbe shahrida ham metro qurilishi mumkinligi haqida yozgan edik.

«O‘zmetkobinat» aksiyadorlik jamiyatining ikkinchi chorak yakuni bo‘yicha sof foydasi 253 mlrd so‘mni tashkil qildi. Bu haqda kompaniya hisobotida ma’lumot berildi.

Bu ko‘rsatkich o‘tgan yilning mos davri bilan solishtirganda 41,3 foizga pastroq. Shuningdek, «O‘zmetkobinat» joriy yilning birinchi choragida 60,5 mlrd soʻm daromad oldi, bu esa 2023-yilning shu davriga nisbatan 71,9 foizga kam.

Ta’kidlash joizki, kombinatning uzoq muddatli bank kreditlari 2,7 trlndan 2,9 trln so‘mga oshdi, lekin yil boshidagi ko‘rsatkichga nisbatan 3,5 trln so‘mga qisqardi. Qisqa muddatli bank kreditlari yillik hisobda 300,4 mlrd so‘mdan 2,1 trln so‘mga oshdi.

Avvalroq «Kursiv» «O‘zmetkombinat» yaqin orada aksiyalarni ommaviy joylashtirish to‘g‘risida qaror qabul qilishi haqida...

Toshkent shahar hokimining 2024-yil 16-iyuldagi qaroriga muvofiq joriy yilning 1-iyuniga qadar noqonuniy o‘rnatilgan tashqi reklama obyektlari olib tashlanadi, deb xabar bermoqda poytaxt hokimligi.

Demontaj ishlari Toshkent shahar hokimligi huzuridagi Raqamli rivojlanish departamenti MChJ tomonidan amalga oshiriladi.

Obyektlar elektr energiyasidan uziladi. Milliy gvardiya xodimlari ish vaqtida jamoat xavfsizligini ta’minlashga yordam beradi. Noqonuniy o‘rnatilgan tashqi reklama va axborot obyektlarini demontaj qilish ishlari 2024-yil 31-dekabrga qadar yakunlanadi.

Avvalroq «Kursiv» Toshkent ko‘chalaridagi LED ekranlar tekshirilib, me’yoriga keltirishi bo‘yicha amaliy ishlar boshlangani haqida xabar bergan edi.

Aviatsiyadagi global uzilishlar fonida O‘zbekistondagi aviakompaniyalar va aeroportlar odatdagidek ishlamoqda, dedi «Kursiv» nashriga Transport vazirligi matbuot kotibi Navruz Ashirmatov.

Microsoft ishida global nosozlik yuz berdi. Bu butun dunyo bo‘ylab banklar va aviakompaniyalar faoliyatiga ta’sir qildi. Ma’lumotlar «Downdetector» portalida e’lon qilingan xabarlar bilan tasdiqlangan.

Amerikaning «United Airlines», «Delta Airlines» va «Allegiant Airlines» kompaniyalari aloqa muammolari tufayli parvozlarni to‘xtatdi.

Microsoft ishida global nosozlik yuz berdi. Bu butun dunyo bo‘ylab banklar va aviakompaniyalar faoliyatiga ta’sir qildi. Ma’lumotlar «Downdetector» portalida e’lon qilingan xabarlar bilan tasdiqlangan.

Amerikaning «United Airlines», «Delta Airlines» va «Allegiant Airlines» kompaniyalari aloqa muammolari tufayli parvozlarni to‘xtatdi, deb xabar beradi mamlakat fuqaro aviatsiyasi boshqarmasi sayti.

CNN ma’lumotlariga koʻra, Microsoft dasturiy ta’minotidagi nosozlik tufayli Frontier aviakompaniyasi oʻz samolyotlarining AQSh boʻylab parvozini toʻxtatdi. 131 ta reys bekor qilingan, yana 223 tasi kechiktirilgan.

Berlin Brandenburg xalqaro aeroporti (BER) Villi Brandt texnik nosozliklar tufayli faoliyatini to‘xtatdi.

Shuningdek, Turk havo yoʻllari aviakompaniyasi axborot tizimlarida nosozlik yuzaga kelgani, bu esa chiptalarni bron...

Yanvar – may oylarida O‘zbekiston aholisi ko‘proq paratsetamol, aspirin va kofein asosidagi dori-darmonlarni xarid qilgan, deya xabar beradi «Asl Belgisi» kompaniyasi matbuot xizmati «Kursiv» nashriga.

Antibiotik seftriakson ikkinchi o‘rinda, metronidazol asosidagi mikroblarga qarshi dori uchinchi o‘rinda.

O‘zbekistonliklar qon aylanishini normallashtirish uchun dekstran va tuz eritmasini ham ko‘p sotib olishadi.

Asl Belgisining ta’kidlashicha, joriy yilning 5 oyi davomida markirovkalangan dori-darmonlar uchun tushumlar soni oʻtgan yilga nisbatan 107 barobar oshgan.

Kompaniya ma’lumotlariga koʻra, «Asl Belgisi» mobil ilovasida 750 mingdan ortiq mahsulotlar ma’lumotlar bazasi mavjud. Uning yordami bilan aholi mahsulotlarning haqiqiyligini tekshirishlari mumkin bo’ladi.

Avvalroq «Kursiv» ichimliklar ishlab chiqaruvchi «Eurasia Bottlers» Rossiya kompaniyasidan...

Toshkentga 200 ta BYD elektrobus va 12 ta metro poyezdi xarid qilish rejalashtirilmoqda. Bu haqda Transport vaziri Ilhom Mahkamov ma’lum qildi.

Mahkamovning ta’kidlashicha, hukumat chiptalarni xarid qilish jarayonini raqamlashtirish ustida ish olib bormoqda. Naqd puldan foydalanishga barham berish ham muhim vazifa boʻlib, bu birinchi navbatda Toshkent shahrida amalga oshirilishi ma’lum qilindi.

Shuningdek, hududlar uchun mingta avtobus yetkazib beriladi. Prezident Shavkat Mirziyoyev joriy yil oxirigacha avtotransport vositalarini xarid qilish topshirig‘ini berdi.

Avvalroq «Kursiv» Oʻzbekistonda barcha transport turlariga chiptalar sotish boʻyicha veb-sayt yaratilishi haqida xabar bergan edi.

Surxondaryoda Termiz davlat muhandislik va agrotexnologiyalar universiteti tashkil etilishi yuzasidan prezident qarori qabul qilindi.

Unga ko‘ra, Termiz muhandislik-texnologiya instituti hamda Termiz agrotexnologiyalar va innovatsion rivojlanish institutini birlashtirib, ular negizida yangi universiteti tashkil etiladi. Oliy ta’lim muassasasi sifatida Oliy ta’lim, fan va innovatsiyalar vazirligi tizimida faoliyat yuritadi.

Unda muhandislik, qishloq xo‘jaligi, ishlab chiqarish va xizmat ko‘rsatish sohalariga doir yonalishlarda abiturientlar qabul qilinadi. Joriy 2024/2025 o‘quv yilidan boshlab universitetda Ilg‘or muhandislik maktabi yuridik shaxs maqomisiz tashkil qilinadi. Unda akademik ko‘rsatkichlari yuqori bo‘lgan talabalar amaliyotga yo‘naltirilgan maxsus ta’lim dasturlari asosida o‘qitish uchun saralab olinadi.

Keyingi yillarda iqtidorli talabalar uchun xorijiy tillar o‘qitiladigan...

«Baxti Tashkentskiy» nomi bilan tanilgan Baxtiyor Qudratullayev 20 yilga ozodlikdan mahrum etildi, deb xabar berdi Daryo nashri.

Nashrning yozishicha, sud Qudratullayevni «xavfli takroriy jinoyatchi» deb tan olgan.

Eslatib o‘tamiz, Qudratullayev 2023-yil dekabr oyi boshida jinoyatga qarshi kurash doirasida hibsga olingan edi. U giyohvand moddalarni saqlash va tovlamachilikda ayblangan.

Avvalroq «Kursiv» «Boxo zavxoz» va «Terminator» nomi bilan tanilgan Bahodir Sultonov o‘n yillik qamoq jazosiga hukm qilingani haqida yozgan edi.

Raqobatni rivojlantirish va iste’molchilar huquqlarini himoya qilish qoʻmitasi Rossiyaning«Lukoyl Overseas Supply and Trading Ltd» kompaniyasiga narx manipulyatsiyasi boʻyicha olingan pullarni qaytarish majburiyatini qoʻydi. Bu haqda qoʻmita axborot xizmati xabar berdi.

Avvalroq qoʻmita tomonidan «Lukoil» kompaniyasiga nisbatan narx manipulyatsiyasi alomatlari bilan ish qoʻzgʻatgan edi.

Qayd etilishicha, ushbu ish yuzasidan qoʻmitaning maxsus komissiyasi «Lukoyl Overseas Supply and Trading Ltd» kompaniyasiga «Raqobat toʻgʻrisida»gi Qonuni hamda Vazirlar Mahkamasining 2020-yil 18-martdagi 170-sonli qarori bilan tasdiqlangan «Birja savdolarida yuqori likvidli va (yoki) monopol turdagi mahsulotlarni sotish tartibi toʻgʻrisida»gi Nizomi talablarining buzilishiga yoʻl qoʻyilgani natijasida asossiz olingan mablagʻni qaytarish boʻyicha qaror qabul qilindi.

Shuningdek, qonunbuzilishlarni...

Jahon bozorlarida oltin va kumush AQSh dollari kursining oshishi fonida arzonlashmoqda, deb xabar berdi «Trading Economics» portali.

Juma kuni ertalabki holatga ko‘ra, oltin uchun bir untsiya narxi $2420 ga, kumush $29,6 ga tushdi.

Qimmatbaho metallar narxining pasayishiga AQShning ijobiy iqtisodiy ma’lumotlari e’lon qilinishi fonida AQSh dollari kursining oshishi sabab bo’ldi. Kumush narxiga tovarning eng yirik iste’molchisi bo‘lgan Xitoyda talabning noaniqligi ham ta’sir ko‘rsatmoqda.

Birjalarda Meta (+2,99 foiz) va Nvidia (+2,41 foiz) aksiyalari qimmatlashmoqda, Apple (-2,23 foiz) va Amazon (-2,36 foiz) qimmatli qog‘ozlari esa pasaymoqda.

Avvalroq «Kursiv» 18-iyul kuni bozorlardagi vaziyat haqida e’lon qilgan edi.

Dunyoning yetakchi chip ishlab chiqaruvchi «Taiwan Semiconductor Manufacturing Co.» (TSMC) kompaniyasi daromadi va sof foydasining oʻsganini ma’lum qildi. Unga koʻra, oxirgi koʻrsatkich 2024-yilning ikkinchi choragida 36 foizga oʻsdi, deya xabar bermoqda Finmarket agentligi.

2024-yilning aprel – iyun oylari oxirida TSMCʼning sof foydasi $7,66 milliardni (yillik oʻsish 36 foizga), daromadi esa $20,6 milliardni (40 foizga) tashkil etdi.

Bu koʻrsatkichlar bozor ishtirokchilari kutganidan ham yaxshiroq boʻlib chiqdi. Xabar qilinishicha, TSMC foyda va daromadlarining keskin oʻsishi kompaniyaning sun’iy intellekt (SI) vositalarida qoʻllaniladigan mikrochiplariga boʻlgan talabning keskin ortishi bilan bogʻliq.

«Hozir talab shunchalik yuqoriki, uni qondirish uchun koʻp mehnat qilishimiz kerak. Umid qilamanki...

Futbol bo‘yicha O‘zbekiston olimpiya terma jamoasi ikkinchi o‘rtoqlik uchrashuvini o‘tkazdi. Mamlakatimiz sportchilarining raqiblari Yangi Zelandiya olimpiya terma jamoasi bo‘ldi, deb xabar qildi Milliy olimpiya qo‘mitasi (MOQ).

O‘zbekiston terma jamoasi 3:1 hisobida g‘alaba qozondi. Gol mualliflari – Husayn Norchayev (ikkita gol) va Oston O‘runov.

Parijdagi XXXIII yozgi Olimpiya o‘yinlari 26-iyuldan 11-avgustgacha bo‘lib o‘tadi. O‘zbekistonlik futbolchilar musobaqa doirasidagi ilk uchrashuvni Ispaniyaga qarshi o‘tkazadi.

Avvalroq «Kursiv» futbol bo‘yicha O‘zbekiston olimpiya terma jamoasining ilk o‘rtoqlik uchrashuvi haqida yozgan edi. Jamoa Fransiyaning «Reysing Grass» klubi bilan uchrashdi. O‘yin 5:0 hisobida jamoamiz foydasiga hal bo‘ldi.

Toshkent shahrining Yashnobod tumanida «Gʻalabaning 40-yilligi» avtobus bekati qulab tushdi. Bu haqda «Toshshahartransxizmat» AJ axborot xizmati xabar berdi.

Hodisa oqibatida hech kim jabrlanmagan. Hozirda mas’ul xodimlar tomonidan bekatni qayta qurish ishlari olib borilmoqda.

Toʻxtash joyidan 11 ta avtobus yoʻnalishi harakatlanadi.

Ijtimoiy tarmoqlarda tarqalgan xabarlarga koʻra, voqea 17-iyul kuni yuz bergan. Lekin rasmiy munosabat kecha kechqurun e’lon qilindi.

Avvalroq «Kursiv» iyul oyi boshida Toshkentda kuchli shamol tufayli daraxtlar qulashi bilan bogʻliq bir necha holat qayd etilgani haqida xabar bergan edi.