Yangiliklar

Mubashshir Ahmad tibbiy yordam ko‘rsatilishidan shikoyat qilmagan va muntazam ravishda to‘liq tibbiy tekshiruvdan o‘tkazib kelinayotganini ta’kidladi. Bu haqda Oliy Majlisning Inson huquqlari bo‘yicha vakili (ombudsman)ning Navoiy viloyatidagi mintaqaviy vakili ma’lum qildi.

U avvaldan mavjud bo‘lgan kasalliklari tufayli sog‘lig‘ida biroz o‘zgarishlar mavjudligini va tegishli tibbiy yordam olayotganini bildirgan.

U mehnatga o‘z xohishiga ko‘ra jalb qilinganligini (oshxona ishlari bilan shug‘ullanadi), qonunchilikda belgilangan vaqtlar doirasida ortiqcha mehnatga jalb etilmaganini va ish sharoitlari mehnatni muhofaza qilish qoidalariga mos ekanligini qayd etgan.

Oziq-ovqat ta’minoti va yashash sharoitlari bo‘yicha ham shikoyat qilmagan. U sog‘lig‘idan kelib chiqib, belgilangan norma bo‘yicha oziq-ovqat berilayotganini ma’lum qilgan.

Ombudsmanning...

O‘zbekistonning davlat qarzi jahon standartlariga ko‘ra, mo‘tadil va boshqariladigan darajada hisoblanadi. 2025-yilning oktabr oyining boshiga kelib, uning hajmi $75,4 milliardni tashkil etdi, deb ma’lum qildi Investitsiyalar, sanoat va savdo vazirligi (ISSV).

Bu summaning $37,4 milliardini davlatning tashqi qarzi tashkil etadi, qolgan $38 milliard esa davlat kafolatisiz xususiy va davlat korxonalari tomonidan olingan qarzlar. Vazirlikning ta’kidlashicha, davlat qarzining yalpi ichki mahsulotga nisbati taxminan 26% bo‘lib, bu esa makroiqtisodiy barqarorlik uchun xalqaro xavf chegaralaridan ancha pastdir.

2017 – 2025-yillarda davlat qarzi hisobiga O‘zbekistonda 1,5 ming kilometrdan ortiq avtomobil yo‘llari, 470 kilometr temir yo‘l elektrlashtirilgan, suv ta’minoti infratuzilmasi yangilangan. Shuningdek, Boeing...

Inbusiness.kz nashrining yozishicha, Qozog‘istonning yaqinda sotilgan Kazakhmys kompaniyasi hali ham katta miqdordagi mis zaxiralariga ega.

Nashrga ko‘ra, u yerdagi mis zaxirasi jami 47,4 million tonnani tashkil etadi. 2020-yilda ommaviy axborot vositalari Kazakhmys Barlau’ga tayanib, Kazakhmys’ning tasdiqlangan mis zaxiralari 762 million tonnani tashkil etgani, bu juda katta ko‘rsatkich ekanini yozgandi. Qidiruv kompaniyasi rahbari Galim Nurjanovning so‘zlariga ko‘ra, 2030-yilga borib mis zaxiralari 5 million tonnaga ko‘payishi kutilmoqda.

Shu bilan birga, 2021-yilda Kazakhmys kompaniyasi raisining birinchi o‘rinbosari Andrey Gaidin Qozog‘istonning mis zaxiralari 2025-yilga kelib 10 million tonnagacha ko‘payishini bashorat qilgan edi, aftidan u qisman Kazakhmys aktivlariga ishora qilgan. 2024-yilning iyun oyida mis...

BYD yangi all-elektrik Song Ultra SUV modelini taqdim etdi. Ushbu modelda avvalgi Song seriyasidagi elektr motorlardan ko‘ra kuchliroq motor mavjud. U 270 kW (362 ot kuchi) quvvatga ega va maksimal tezligi 210 km/soatni tashkil etadi.

Song Ultra dizayni jihatidan Song Pro DM-i modeliga o’xshash, ammo old dizaynida kichik farqlar mavjud. Orqa tomonda esa BYD’ning Xitoy tugmasi dizayni qo‘llanilgan. EV va Song Ultra logotiplari pastki chap va o‘ng qismida joylashgan.

Avtomobilning o‘lchamlari 4850/1910/1670 mm (uzunlik/eni/bo‘yi) va g‘ildirak bazasi 2840 mm tashkil qiladi. Bu BYD Song seriyasidagi mavjud plug-in gibrid modellardan kattaroq. Misol uchun, 2026-yilgi Song L DM-i modeli...

Samsung kompaniyasi 2025-yilning to‘rtinchi choragi uchun o‘zining prognozini e’lon qildi. Kompaniya natijalari kutilganidan ham yuqori bo‘lishi kerak.

Samsung $64 mlrd daromad olishni va $13,8 mlrd operatsion foyda kutayotganini ma’lum qildi. Bu ko‘rsatkichlar o‘tgan yilga nisbatan ancha yuqori: 2024-yilda daromad $52 mlrd va operatsion foyda esa $4,48 mlrdni tashkil etgan edi.

Hozircha Samsung bu prognozlarga izoh bermagan. E’tiborga olish kerakki, kompaniya dunyodagi eng yirik uchta xotira ishlab chiqaruvchisidan biri bo‘lib, xotira bozorida hozirgi paytda juda katta talab mavjud.

Eslatib o‘tamiz, Samsung kompaniyasining moliyaviy yili 1-apreldan boshlanadi va 31-martda tugaydi.

Avvalroq Kursiv Uzbekistan Samsung tashqariga bukiladigan smartfon ustida ishlayotgani haqida...

Shveysariyaning Mercuria Energy Group Ltd. kompaniyasi Qozog‘istonning Kazakhmys korporatsiyasini sotib olish bo‘yicha bitimni amalga oshirish uchun 1,2 milliard dollar ajratadi.

Ta’kidlanishicha, kompaniya metall bozoridagi ishtirokini faol ravishda kengaytirishni maqsad qilgan. Ushbu bitim Mercuria kompaniyasining Trafigura Group va Glencore Plc tomonidan uzoq vaqtdan beri hukmronlik qilib kelayotgan metall bozorlariga yaqinda kirgan yoki qayta kirgan eng tajovuzkor kompaniya sifatida o‘zini qanday namoyon etganini ko‘rsatadi.

Bu Mercuria kompaniyasining bir yildan sal ko‘proq vaqt ichida moliyalashtirish va oldindan moliyalashtirishga sarflagan $3,5 milliarddan ortiq metall bitimlariga kiritgan eng katta investitsiyasidir. Uning ushbu bozorga tajovuzkor kirishi Trafigura metall bo‘limining sobiq hamraisi Kostas Bintasni yollash bilan...

Farg‘ona viloyatining Buvayda tumanidagi 37-maktabda o‘qituvchilarning bayram va dam olish kunlari navbatchilikka majburlangani yuzasidan yuzaga kelgan mojaroning yangi tafsilotlari e’lon qilindi.

Ommaviy muhokamalardan so‘ng ishdan olingan maktab direktori Hasanboy Nishonov bilan tuzilgan mehnat shartnomasi noqonuniy bekor qilingani aniqlandi.

Avvalroq ijtimoiy tarmoqlarda 2025-yil 25-dekabrdan 2026-yil 6-yanvargacha maktabda ikki smenada navbatchilik qilish belgilangan buyruq skrinshotlari tarqalgan edi. Hujjatda navbatchilik yangi yil bayrami kunlari maktab xavfsizligini ta’minlash maqsadida joriy etilgani ko‘rsatilgan. Ushbu holat jamoatchilikda keskin norozilikka sabab bo‘ldi.

Voqea oshkor bo‘lgach, viloyat Maktabgacha va maktab ta’limi boshqarmasi direktor pedagoglarga lavozim majburiyatiga kirmaydigan vazifalarni yuklagani uchun ishdan bo‘shatilganini ma’lum qildi. Boshqarma bu...

Toyota kompaniyasi Land Cruiser Prado 150 modeli qayta ishlab chiqarishga qaror qildi. Bu haqda Carcoops xabar bermoqda.

Newscape nomli bu paket dastlab Japan Mobility Show ko‘rgazmasida konsept sifatida namoyish etilgan edi, ammo omma tomonidan katta qiziqish bilan kutib olinishi natijasida u seriyali ishlab chiqarishga o‘tdi va 2026-yil 7-martdan Yaponiyada sotuvga chiqadi.

Newscape paketi ikki variantda taklif qilinadi. Graphite Gray versiyasi mato qora bampelalar, g‘ildirak yoylari va Mango Orange rangidagi yorqin aksentlarga ega bo‘lib, juda jiddiy va kuchli ko‘rinishga ega. Meld Grey esa soddaroq variant bo‘lib, bampelalar avtomobilning rangiga moslashtirilgan va sariq rangdagi detallar bilan ajralib turadi.

Har ikkala...

Samsung Galaxy S26 seriyasining yakuniy ko‘rinishlari e’lon qilindi. Bu haqda insayder Ice Universe ma’lum qildi.

Tasvirlarga qaraganda, Galaxy S26 va S26+ avvalgi avlod bilan uzviylikni saqlab qoladi, ammo burchaklari biroz kamroq yumaloq bo‘ladi. Galaxy S26 Ultra modeli o‘ziga xos dizaynga ega bo‘lib, uning burchaklari S25 Ultra’ga nisbatan ko‘proq qirrali, seriyaning kichikroq modellari bilan solishtirganda esa kamroq qirrali shaklda ishlab chiqilgan.

Seriyadagi barcha smartfonlar orqa panelda uchta kameradan iborat katta blok bilan jihozlangan. Galaxy S26 Ultra modelida ushbu blokka qo‘shimcha ravishda ToF sensori va asosiy teleobyektiv joylashgan ikki alohida halqa qo‘shilgan. LED chiroq barcha modellarda bir xil joylashuvga ega.

Mercedes-Benz Germaniyada o‘zining ba’zi modellari uchun katta chegirmalar e’lon qildi. Chegirmalar eng ko‘p eski avlod modellari va kompaniyaning elektrokarlariga qaratilgan. Misol uchun, CLA modelining eski versiyasiga 30 foizgacha chegirma berilmoqda.

Shuningdek, EQS elektrokariga 26 foizgacha chegirma berilgan bo‘lib, bu modelni yanada arzon narxlarda olish imkonini yaratadi. Boshqa elektrokarlar, jumladan, B-klass, EQA va EQB modellari 25 foizgacha chegirmaga ega.

Luks versiyalarni tanlovchilar uchun ham chegirmalar mavjud. Masalan, S-klass lux avtomobili va AMG GT sportkarlari uchun 19 foiz chegirma berilmoqda, E-klassi biznes-sedani uchun esa 15 doiz chegirma taqdim etilgan.

Yangi elektr EQE sedaniga esa 25 foiz chegirma mavjud. Ushbu chegirmalar Mercedes-Benz...

Iqtisodiy vaziyat yomonlashuvi sababli butun mamlakat bo‘ylab davom etayotgan namoyishlar fonida Eronda internet o‘chirib qo‘yildi. Bu haqda The Guardian xabar bermoqda.

Norvegiyada joylashgan Iran Human Rights tashkiloti so‘nggi 12 kun ichida xavfsizlik kuchlari tomonidan kamida 45 nafar namoyishchi, jumladan, sakkiz nafar bola o‘ldirilganini ma’lum qildi. Namoyishlar dekabr oyi oxirida boshlangan bo‘lib, hozirda Eronning barcha 31 ta viloyatini qamrab olgan.

Hukumat kuchlari shifoxonalarga reyd uyushtirib, yaradorlarni hibsga olayotgani aytilmoqda. Rasmiy manbalar va mahalliy OAV esa tartibsizliklar boshlanganidan beri 21 kishi, jumladan, xavfsizlik xodimlari halok bo‘lganini tasdiqlagan. 8-yanvar kuni kurd siyosiy guruhlari chaqirig‘i bilan Eronning g‘arbiy hududlarida umumiy ish tashlash e’lon...

Farg‘ona viloyatining Beshariq tumanida Tojikistondan haydab kelingan Lacetti’ning yonilg‘i baki ichiga giyohvandlik moddalari yashirgan shaxs qo‘lga olindi. Bu haqda Davlat xavfsizlik xizmati xabar berdi.

Lacetti haydovchisi 46 yoshli o‘zbekistonlik bo‘lib, u Beshariq tumanida joylashgan «Ravot» chegara-bojxona postiga kelganida chegarachilar tomonidan to‘xtatilgan. Tekshiruv paytida avtomashinaning yonilg‘i baki ichiga sof og‘irligi 10 kg 739 gr «gashish», 412 gr «marixuana» va 35 gr «opiy» giyohvandlik vositalari hamda 6945 dona «Royal» kuchli ta’sir qiluvchi dori vositalari yashirilgani aniqlanib, tegishli tartibda rasmiylashtirib olindi.

Hozirda holat yuzasidan mazkur shaxsga nisbatan Jinoyat kodeksining 246-moddasi 2-qismi va 25, 273-moddasi 5-qismi bilan jinoyat ishi qo‘zg‘atilib, qamoq ehtiyot chorasi...

Xitoyda Volkswagen Sagitar S avtomobili rasman taqdim etildi. Yangi model hozirgi vaqtdagi Sagitar L (Xitoydagi Jetta analogi) modelidan sezilarli darajada farq qiladi.

Sagitar S’ning o‘lchamlari 4702 x 1815 x 1484 mm, g‘ildirak bazasi esa 2688 mmni tashkil etadi. Avtomobilning og‘irligi 1300 dan 1377 kg gacha o‘zgaradi. Mahsulotning qo‘shimcha jihozlari orasida tomdan panjara, turli xil g‘ildirak disklari, shu jumladan, qorong‘u sport versiyalari va tashqi yoritish tizimi mavjud.

Yangi Volkswagen sedani ikki xil benzinli dvigatel variantida taklif qilinadi. Baza versiyasida oddiy 1,5 litrli atmosferali motor o‘rnatilgan bo‘lib, u 110 ot kuchiga ega. Yuqori versiyalar esa 1,5 litrli turbo-dvigatel bilan jihozlangan bo‘lib...

Adliya vazirligida «Notarial harakatlarni videokonferensiya rejimi orqali amalga oshirish tartibi to‘g‘risida»gi nizom davlat ro‘yxatidan o‘tkazildi. Bu haqda vazirlik rasmiy sahifasida ma’lum qildi.

Nizomga ko‘ra, jismoniy yoki yuridik shaxsning vakili notar idorasiga kelmasa ham, notarlar masofadan videokonferensiya orqali notar harakatlarini amalga oshirishi mumkin. Bunda videokonferensiya rejimi «E-notarius.uz» axborot portali hamda «Notarius» avtomatlashtirilgan axborot tizimi orqali tasdiqlanadi.

Murojaat qiluvchi notar harakatini videokonferensiya orqali amalga oshirishdan oldin elektron tarmoqqa kirib, shartlar bilan tanishadi va roziligini tasdiqlaydi. Shu bilan birga, u amalga oshiriladigan notar harakatining nomini aniq ko‘rsatadi va zarur ma’lumotlarni to‘ldiradi.

Notarius murojaat kelib tushganidan boshlab bir ish kuni ichida uni...

Avstraliyaning aksariyat qismini qamrab olgan kuchli jazirama to‘lqini sababli mamlakatning bir qator hududlarida yong‘in xavfi yuzaga keldi. Bu haqda BBC xabar bermoqda.

Viktoriya shtatida yong‘in xavfi shkalasining eng yuqori darajasi e’lon qilindi va hududda ochiq olovdan foydalanishga to‘liq taqiq joriy etildi. Xavfsizlikni ta’minlash maqsadida shtat bo‘ylab 450 ta maktab va bolalar bog‘chasi o‘z faoliyatini vaqtincha to‘xtatdi.

«Agar siz halokatli yong‘in xavfi prognoz qilingan hududda bo‘lsangiz, xavf darajasi pastroq joyga ertaroq ko‘chib o‘ting», – dedi Viktoriya Favqulodda vaziyatlarni boshqarish komissari Tim Uibush.

Meteorologik kuzatuvlarga ko‘ra, chorshanba kuni Melburnda so‘nggi olti yildagi eng issiq kun qayd...

Toshkent viloyatining Yangiyo‘l shahrida go‘shtini yeyish uchun itini o‘ldirgan fuqaro qo‘lga olindi. Bu haqda viloyat Ichki ishlar bosh boshqarmasi xabar berdi.

Ijtimoiy tarmoqlarda fuqaro o‘zi boqayotgan uy hayvoniga nisbatan shafqatsiz munosabatda bo‘lgani aks etgan video tarqalib, muhokamalarga sabab bo‘lgach IIBB holatni o‘rgangan. Aniqlanishicha, voqea 2025-yilning sentabr oyida Yangiyo‘l shahri Sabo mahallasida yashovchi 27 yoshli fuqaro tomonidan sodir etilgan. U ichki ishlar organlari xodimlari tomonidan ushlangan.

Hozirda Ma’muriy javobgarlik to‘g‘risidagi kodeksning 111-moddasi bilan hujjatlar rasmiylashtirilib, dastlabki tergov harakatlari olib borilmoqda. Ushbu moddaga ko‘ra, hayvonlarga nisbatan shafqatsiz munosabatda bo‘lish, ularning o‘limiga yoxud mayib bo‘lishiga olib kelsa – BHMning o‘n baravarigacha...

Samsung Galaxy S26 Ultra flagmani 0 foizdan 75 foizgacha atigi 30 daqiqada zaryad oladi. Bu haqda texnoinsayder Ice Universe ma’lum qildi.

Uga ko‘ra, Galaxy S26 Ultra 60 vattli zaryadlash qurilmasi bilan jihozlangan bo‘lib, sinovlar Samsung kompaniyasi nazorati ostida o‘tkazilgan. Ushbu natijalar qurilmaning real sharoitda ishlash vaqtini taxmin qiluvchi asos bo‘la oladi. Biroq amalda zaryad olish vaqti turli omillarga qarab o‘zgarishi mumkin.

Ma’lumot uchun, Galaxy S26 seriyasining taqdimoti shu yilning 25-fevral kuni AQShda bo‘lib o‘tadi. Kutilishicha, Galaxy S26, Galaxy S26 Plus va Galaxy S26 Ultra modellari avvalgi Galaxy S25 seriyasiga nisbatan qimmatroq narxlarda namoyish etiladi.

Eslatib o‘tamiz...

Saudiya Arabistonining Jidda shahrida o‘tgan Ispaniya Superkubogi yarim final bahsida «Real Madrid» derbida «Atletiko» ustidan 2:1 hisobida zafar quchdi.

Uchrashuv Xabi Alonso shogirdlari uchun shiddatli boshlandi. O‘yinning 2-daqiqasida Federiko Valverde jarima zarbasini qoyilmaqom ijro etib, Yan Oblak qo‘riqlayotgan darvozani ishg‘ol qildi. Ikkinchi bo‘limda ham tashabbus «Qirollik klubi» qo‘lida bo‘ldi.

55-daqiqada yana o‘sha Valverdening uzatmasidan so‘ng Rodrigo himoyachilardan qochib ketdi va vaziyatni xotirjamlik bilan golga aylantirib, hisobni 2:0 ko‘rinishiga keltirdi. Oradan atigi uch daqiqa o‘tib, 58-daqiqada qanotdan uzatilgan to‘pni Aleksandr Syorlot golga aylantirdi.

Ma’lumot uchun, «Qirollik klubi» 11-yanvar kuni turnir finalida Xansi Flik boshchiligidagi «Barselona» qarshi maydonga tushadi.

Avvalroq Kursiv...

«Tashabbusli budjet» doirasida amalga oshirilayotgan «Mening maktabim» loyihasining ikkinchi bosqichi bo‘yicha ovoz berish jarayonlari 11-yanvardan start oladi. Bu haqda Iqtisodiyot va moliya vazirligi xabar berdi.

Saralashdan muvaffaqiyatli o‘tgan loyihalar uchun ovoz berish 20-yanvar kuni soat 23:59 ga qadar davom etadi.

Mazkur bosqichda fuqarolar o‘zlari tahsil olgan yoki farzandlari o‘qiyotgan maktab loyihalarini qo‘llab-quvvatlash imkoniyatiga ega bo‘ladi. Ovozlar natijasiga ko‘ra, eng ko‘p qo‘llab-quvvatlangan tashabbuslar moliyalashtiriladi va amaliyotga tatbiq etiladi.

Tashkilotchilar fuqarolarni faol bo‘lishga, ta’lim muassasalarini rivojlantirishga qaratilgan loyihalar uchun ovoz berib, bevosita jarayonda ishtirok etishga chaqirmoqda.

Avvalroq «Kursiv» nashri 2025-yil 22-oktabr kuni O‘zbekistonda «Mening maktabim» nomli ta’lim loyihasining birinchi bosqichi...

Banklar 9-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 9-yanvar uchun valyutalar kursi e’lon qilingani haqida yozgan edi.

CES 2026 ko‘rgazmasida dunyodagi birinchi ultratovushli oshxona pichog‘i — C200 Ultrasonic taqdim etildi. Bu haqda ITHome nashri ma’lum qildi.

Ushbu pichoq mahsulotni kesishda qarshilikni kamaytiradi va oziq-ovqatning pichoqqa yopishib qolishining oldini oladi. Qurilmaning narxi $400 ni tashkil qiladi.

C200 Ultrasonic pichog‘i sekundiga 30 ming martadan ortiq tebranuvchi maxsus tig‘ga ega. Bu yuqori chastotali mikrotebranish yordamida mahsulotga oson kirishni ta’minlaydi. Pichoqning tutqichida ultratovushli tebranishni yoqish uchun kichik tugma mavjud. Tizim ishga tushirilganda qo‘lda yengil qichishish his qilinadi, bu zaif elektr toki kabi seziladi.

Eslatib o‘tamiz, avvalroq Qozog‘istondan O‘zbekistonga un yetkazib berish hajmi ikki baravarga oshgani haqida xabar...

Iroq hukumati Rossiyaning «Lukoyl» kompaniyasiga tegishli bo‘lgan G‘arbiy Qurna-2 neft konini vaqtincha davlat nazoratiga o‘tkazish rejasini ma’qulladi. Bu haqda Reuters agentligi Iroq neft sanoatidagi manbalarga tayanib xabar bermoqda.

Nashrning ta’kidlashicha, bu qaror Iroq rasmiylarining 2025-yil oktabr oyida «Lukoyl»ga nisbatan Vashington joriy etgan sanksiyalar tufayli neft qazib olishdagi uzilishlarning oldini olish istagi bilan bog‘liq.

Basra neft kompaniyasi keyingi 12 oy davomida konni boshqarishni o‘z zimmasiga oladi. Operatsion xarajatlar va pudratchilarning to‘lovlari boshqa bir kon – Majnun konidan olinadigan daromadlar hisobidan qoplanishi rejalashtirilgan. Shu bilan birga, Iroq tomoni «Lukoyl» ulushi uchun xaridor izlashni boshlaydi.

G‘arbiy Qurna-2 «Lukoyl»ning eng yirik xorijiy...

Kia kompaniyasi 2027-yilgi Kia Telluride krossoverni taqdim etdi. Bu haqda Motor1 portali ma’lum qildi.

Modelning boshlang‘ich narxi $40,7 ming bo‘lib, eng yuqori versiyasi SX Prestige X-Pro $58 ming turadi.

Krossoverning o‘lchamlari sezilarli darajada oshgan. O‘rindiqlar va yukxona uchun qo‘shimcha joy yaratish maqsadida g‘ildirak bazasi 7 sm ga uzunroq bo‘lgan. Yangi modelda 3,8-litrli V6 motor o‘rniga 2,5-litrli turbo-motor joylashgan, bu 274 ot kuchiga ega, avvalgi motordan 12 ot kuchiga ko‘proq. Yaqin kelajakda Telluride-ning gibrid versiyasi ham sotuvga chiqariladi, uning narxi keyinroq ma’lum bo‘ladi.

Telluride 2027 modelining bazaviy LX konfiguratsiyasi quyidagi xususiyatlarga ega: 18 dyuymli g‘ildiraklar, LED yoritish, 12,3 dyuymli...

General Motors (GM) kompaniyasi AQShda yangi Buick Electra NEV avtomobilining tizerini e’lon qildi. Bu haqda GMAutority xabar bermoqda. Ushbu modelning global taqdimoti 2026-yilning birinchi choragida bo‘lib o‘tishi kutilmoqda.

Tizer rasmida avtomobilning orqa qismining dizayni aks etgan, bu esa modelning tanasining silueti va ayniqsa orqa chiroqlari kabi xususiyatlarni namoyish etadi. Gorizontal ravishda joylashgan, kaskadli geometrik naqshlar bilan bezatilgan davomiy yorug‘lik guruhlari va markazda BUICK yozuvi o‘rnatilgan.

Mazkur dizayn xususiyatlari, Buick brendi tomonidan yangi Reverse Checkmark yoritish imzosi sifatida taqdim etilgan bo‘lib, bu yangi Kinetik Skulptura dizayn tili doirasida kelajakdagi modellarga qo‘llaniladigan uslubni bildiradi.

Bu yangi Buick Electra NEV krossoveri...