Yangiliklar

Apple kompaniyasi tomonidan yangi iPhone 17 seriyasi rasman taqdim etildi. Smartfonlar yangilangan dizayn va imkoniyatlarga ega.

iPhone 17

Smartfonfon beshta rangda taqdim qilindi va yangilangan dizaynga ega bo‘ldi. Qurilma 6,3 dyuymli LTPO OLED ProMotion ekrani bilan jihozlangan bo‘lib, 120 Hz yangilanish tezligini qo‘llab-quvvatlaydi. Always-on display funksiyasi esa energiya sarfini kamaytirib, blok ekranda vidjet va hodisalarni ko‘rsatadi.

Yangi 18 MP old kamera selfi va videozvonoklarni yanada sifatli qiladi. Sensor kattalashgan va kvadrat shaklda bo‘lgani uchun gorizontal selfilarni olish qulaylashdi. Orqa tomonda 48 MP va 12 MP kameralar joylashgan. Qurilma old va orqa kamerada bir vaqtning o‘zida suratga olish imkoniyatini ham taqdim...

84,27 so‘mga tushgan dollar, UzAuto Motors’dan yangi sakkizta model, Sherzodxon Qudratxo‘jaga javob qaytargan Lola Tillayeva, «Toshkent» fond birjasini tark etgan Georgiy Paresishvili — Kursiv Uzbekistan 9-sentabrning muhim yangiliklarini bir joyga jamladi.

Georgiy Paresishvili «Toshkent» fond birjasini tark etdi

2025-yil 8-sentabr kuni «Toshkent» Respublika fond birjasi Georgiy Otarovich Paresishvili mehnat shartnomasi muddati tugagani bois boshqaruv raisi lavozimini tark etdi.

Chinorkentga boruvchi tezyurar elektropoyezd narxi oshiriladi

Shu yilning 25-sentabridan boshlab Toshkent — Chinorkent — Toshkent yo‘nalishida qatnovchi shaharlararo ekspress elektr poyezdlar uchun yangi chipta narxlari joriy qilindi. Endilikda kattalar uchun yo‘l haqi 30 ming so‘m, bolalar uchun esa 16,5 ming so‘mni...

10-sentabr kuni O‘zbekiston hududida havo harorati kechasi 10-22°, kunduzi 20-38° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev Finlyandiya prezidenti Aleksandr Stubb bilan telefon orqali muloqot qildi. Bu haqda davlat rahbari matbuot xizmati ma’lum qildi.

Unga ko‘ra, suhbat davomida ikki mamlakat o‘rtasidagi savdo-iqtisodiy va gumanitar hamkorlikni yanada rivojlantirish masalalari ko‘rib chiqildi.

Muloqotda 2024-yilda tovar ayirboshlash 24 foizga oshgani qayd etildi, shuningdek, Finlyandiyaning «Nordik» universiteti va maktab ta’limini rivojlantirish loyihalari muvaffaqiyatli amalga oshayotgani ta’kidlandi.

Qishloq xo‘jaligi, energetika, konchilik, telekommunikatsiya va boshqa innovatsion sohalarda hamkorlikni rivojlantirish, ta’lim tizimiga ilg‘or texnologiyalarni joriy etish imkoniyatlari muhokama qilindi.

Shuningdek, aniq loyihalarni tayyorlash maqsadida Hukumatlararo komissiya yig‘ilishi va biznes forumini o‘tkazish taklifi bildirildi. Suhbat davomida xalqaro dolzarb masalalar, jumladan, nizolarni...

9-sentabr kuni Xitoy Wenchang kosmodromidan Long March-7A raketasida Yaogan-45 sun’iy yo‘ldoshini o‘rta orbitaga chiqardi. Bu haqda Spacenews nashri ma’lum qildi.

Unga ko‘ra, sun’iy yo‘ldosh resurslarni kuzatish, hosildorlikni baholash va tabiiy ofatlar oqibatlarini kamaytirishga xizmat qiladi.

Yaogan seriyasi odatda razvedka va kuzatuv bilan bog‘liq bo‘lsa-da, bu safargi sun’iy yo‘ldosh kattaligi va orbitasi bilan ajralib turadi.

Shu kuni Shandun viloyati qirg‘og‘idan Smart Dragon-3 raketasi ham uchirildi. U Geely konserniga qarashli Geesatcom tizimi uchun 11 ta sun’iy yo‘ldoshni orbitaga joylashtirdi. Ular yuqori aniqlikdagi navigatsiya va aqlli transport tizimlari uchun qo‘llaniladi.

Ma’lumot uchun, Xitoyning muvaffaqiyatli orbital startlari soni joriy yilda 54 taga yetdi.

Shavkat Mirziyoyev 9-sentabr kuni qishloq xo‘jaligida yer resurslaridan samarali foydalanish bo‘yicha takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

So‘nggi besh yil davomida mamlakatimizda yer hisobini yuritish bo‘yicha yangi tizim yo‘lga qo‘yildi. Natijada 45 mln gektarga yaqin yer maydonidan 42 mln gektari (94 foizi) davlat ro‘yxatidan o‘tkazildi. Qishloq xo‘jaligiga mo‘ljallangan 26 mln gektardan ortiq yerlarning esa 88,4 foizi ro‘yxatga olindi.

Taqdimotda hokimliklar tasarrufiga qaytarilgan bo‘sh yerlarni alohida hisobga olish va ularni qisqa muddatda auksionga chiqarish zarurligi qayd etildi. Buning uchun inson omilisiz ishlaydigan yangi tizim joriy etilishi topshirildi.

Shuningdek, yer ijarasini bozor aktiviga aylantirish bo‘yicha...

Samarqand viloyatida o‘tkazilgan tezkor tadbirlarda katta miqdorda giyohvandlik moddalarining noqonuniy aylanmasi fosh etildi. Bu haqda DXX matbuot xizmati ma’lum qildi.

Unga ko‘ra, Urgut tumanida yashovchi 1992-yilda tug‘ilgan fuqaroning hovlisidan 960 gramm «opiy» moddasini yashirib qo‘ygani aniqlanib, daliliy ashyolar rasmiylashtirildi. Shuningdek, Pastdarg‘om tumanida yashovchi 1971-yilda tug‘ilgan fuqaroning xonadonidan 25 kg 520 gramm «marixuana» saqlanayotgani fosh bo‘ldi.

Mutasaddilarning qayd etishicha, bu moddalar chet davlatdan, xususan, Tojikistondan noqonuniy yo‘llar bilan olib kirilgan bo‘lib, ichki bozorda tarqatilishi rejalashtirilgan.

Hozirda har ikki shaxsga nisbatan JKning tegishli moddasi bilan jinoyat ishi qo‘zg‘atilib, ular qamoqqa olingan. Tergov ishlari davom etmoqda.

Eslatib o‘tamiz, avvalroq DXX Andijon viloyatining...

9 sentabr kuni Qatar poytaxti Dohada bir nechta portlashlar sodir bo‘ldi. Isroil armiyasi bu hujum Hamasning yuqori rahbariyatiga qarshi aniq zarba bo‘lganini ma’lum qildi, deya yozmoqda Reuters.

Guvohlarning xabariga ko‘ra, Katara hududida tutun ko‘tarilgan. Isroil OAVlari hujum Hamasning G‘azodagi rahbari Xalil al-Hayya va boshqa muzokarachilarni nishonga olganini yozmoqda.

Qatar TIV vakili Majid Al Ansari buni «xalqaro qonun va me’yorlarning ochiq-oydin buzilishi» deya qoraladi va tergov o‘tkazishga chaqirdi. Eron ham hujumni xavfli va xalqaro huquqni buzuvchi harakat sifatida baholadi. AQShning Dohadagi elchixonasi esa amerikalik fuqarolarga joyida qolish buyrug‘ini berdi.

Isroilning aytishicha, hujum paytida tinch aholiga zarar yetkazmaslik uchun choralar ko‘rilgan...

Nepal poytaxti Katmanduda ijtimoiy tarmoqlarga qo‘yilgan taqiq va korrupsiyaga qarshi namoyishlarda kamida 19 kishi halok bo‘lib, yuzdan ortig‘i jarohatlandi. Voqealar ortidan bosh vazir KP Sharma Oli iste’foga chiqishga majbur bo‘ldi, deya xabar bermoqda Reuters.

Noroziliklar hukumat tomonidan bir qator ijtimoiy platformalarni mahalliy ro‘yxatdan o‘tmagani uchun bloklash to‘g‘risidagi qarori ortidan boshlandi. Ta’qiq kuchaygach, namoyishlar kengayib, hukumat oxir-oqibat taqiqlarni bekor qildi. Ammo bu tartibsizlikni to‘xtata olmadi.

Namoyishchilar parlament binosiga hujum qilishga harakat qilgan va politsiya ko‘zni yoshlantiruvchi gaz hamda rezina o‘qlar qo‘llashga majbur bo‘lgan. Ba’zi zonalarda namoyishchilar hukumat idoralariga, xususan Singha Durbar (parlament va vazirliklar majmuasi)ga ham o‘t qo‘yganlari, siyosatchilarning uylari...

O‘zbekiston milliy jamoasi bosh murabbiyi Timur Kapadze CAFA – 2025 finalidan keyin jurnalistlar savollariga javob berdi.

Eronliklarning hakamlikdan noroziligiga munosabat bildirarkan, u qisqa qilib:

«Eron qachon rozi bo‘lgan o‘zi? Bu ularga xos narsa. Oson o‘yin bo‘lmadi. Imkoniyatlar bo‘ldi, lekin gol darvozaga kirmadi. Kurashga boy o‘yin bo‘ldi. Xudoga shukur yutdik», deydi Kapadze.

U Eldor Shomurodov penaltidan foydalana olmagani haqida ham gapirdi. Murabbiy Shomurodovni tajribali futbolchi sifatida yuqori baholab, zarur paytlarda jamoani oldinga olib chiqa olishini ta’kidladi.

Shuningdek, ikkinchi bo‘lim boshida jamoa sust o‘ynaganini, ammo qo‘shimcha daqiqalarda ishonchli harakat qilinganini aytdi. Murabbiy turnir davomida o‘yinchilarga...

O‘zbekistonda yanvar-iyul oylarida 212 mingta avtomobil ishlab chiqarilgan. Bu o‘tgan yilning mos davriga nisbatan 3,5 foizga (204,8 ming dona) ko‘p. Ushbu maqolada Kursiv Uzbekistan nashri UzAuto Motors taqdim etayotgan avtomobillar haqidagi ma’lumotlarni taqdim etadi.

Chevrolet Damas

O‘zbekistonda eng ko‘p tanlangan minivenlardan biri Chevrolet Damasdir. Modelning boshlang‘ich narxi 93,1 mln so‘mdan boshlanadi.

Damas 0,8 litrli dvigatel va 5 pog‘onali mexanik uzatma bilan jihozlangan. Uning maksimal quvvati 38 ot kuchini tashkil etadi. Mashinaning yuk ko‘tarish hajmi 450 kg, yonilg‘i sarfi esa o‘rtacha 7 litr/100 km atrofida.

Ixcham o‘lchami va tejamkorligi sababli Chevrolet Damas shahar sharoitida ham, kichik biznes ehtiyojlari uchun...

9-sentabr kuni Xitoyning Leapmotor kompaniyasi o‘zining yangi Leapmotor B10 modeli bilan Yevropa bozoriga chiqdi. Model allaqachon Italiya, Fransiya va Germaniya kabi mamlakatlarda sotuvga qo‘yilgan. Bu haqda ITHome nashri ma’lum qildi.

Uch xil konfiguratsiya taklif qilinmoqda:

Texnik va funksional imkoniyatlar

Leapmotor B...

Prezident farmoni bilan 2026-yil 1-yanvardan «Vakolat.uz» platformasi faoliyat boshlaydi. Bu haqda Adliya vazirligi ma’lum qildi.

Ushbu platforma orqali davlat xizmatlaridan foydalanish va ularning natijalarini olish bo‘yicha boshqa shaxslarga ishonchnoma rasmiylashtirish, yuridik shaxslar tomonidan rasmiylashtirilgan ishonchnomalarni ixtiyoriy ro‘yxatdan o‘tkazish hamda barcha turdagi ishonchnomalar haqiqiyligini onlayn tekshirish imkoniyati yaratiladi.

Platformadan foydalanish mutlaqo bepul bo‘ladi. Shu sanadan boshlab davlat xizmatlari yagona reyestri Adliya vazirligi tomonidan ishlab chiqiladigan «Davlat xizmatlari» avtomatlashtirilgan onlayn axborot tizimida yuritiladi.

Har bir davlat xizmati uchun raqamli pasport shakllantiriladi va uni yagona reyestrga kiritish normativ-huquqiy hujjat asosida amalga oshiriladi.

Shuningdek, farmon asosida 2028-yilgacha Yagona interaktiv davlat xizmatlari...

Oppo kompaniyasi yangi Oppo Find X9 smartfoni haqida rasmiy suratlarni taqdim etdi. Bu haqda Gizmochina ma’lum qildi.

Find seriyasi rahbari Chjou Ibao ma’lum qilishicha, yangi model avvalgi Find X8 va Find X8s g‘oyalarining davomchisi bo‘ladi.

Uning ta’kidlashicha, Find X9 ramka kengligini butunlay yangi darajaga olib chiqadi. Avvalgi Find X8s iPhone 16 Pro Max’dan ham ingichka ramkaga ega bo‘lgan edi. Endi esa Find X9 undan ham nozik ramkasi bilan ajralib turadi.

Oppo ketma-ket uch avlod davomida displey imkoniyatlarini kengaytirib kelmoqda. Buning uchun kompaniya o‘z ishlab chiqarish liniyalariga katta sarmoya kiritgan. Ibao muxlislarga Find X9 ramkasining aniq o‘lchamlarini o‘zlari taxmin qilishni...

Oliy Majlis Qonunchilik palatasida nogironligi bo‘lgan bolalarga ijtimoiy xizmat va yordam ko‘rsatuvchi tadbirkorlik subyektlarini qo‘llab-quvvatlashga qaratilgan qonun loyihasi muhokama qilindi.

Loyihaga ko‘ra, davlat-xususiy sheriklik asosida kunduzgi parvarish xizmatini ko‘rsatuvchi tadbirkorlik subyektlari 2030-yil 1-yanvarga qadar barcha turdagi soliqlardan (ijtimoiy soliqdan tashqari) ozod qilinadi.

Shuningdek, ularning xizmatlaridan foydalanadigan ota-onalar yoki ularning o‘rnini bosuvchi shaxslarning nogironligi bo‘lgan farzandlari uchun oyiga uch million so‘mgacha to‘lanadigan mablag‘lari soliq solinmaydigan daromad sifatida belgilanadi.

Deputatlar qonun loyihasini ikkinchi o‘qishda qabul qildi.

Avvalroq O‘zbekiston hukumatining qarori bilan nogironligi bo‘lgan shaxslarning bandligini ta’minlashga ko‘maklashuvchi tadbirkorlar va bandlik agentliklariga subsidiya ajratish tartibi belgilangandi. 

Unga ko‘ra, ikki turdagi...

Lola Tillayeva Sherzodxon Qudratxo‘janing ijtimoiy tarmoqda e’lon qilgan xabariga munosabat bildirdi. Bu haqda u o‘z Instagram sahifasida ma’lum qildi.

Tillayeva otasi xotirasini hurmat qilmaganlarga keskin murojaat qilib, «men sizlarga singlingiz emasman» dedi. U siyosiy bahsga kirishni istamasligini aytib o‘tdi.

Sherzodxon Qudratxo‘janing fikricha, o‘sha davrdagi noto‘g‘ri qarorlar jamiyatda radikallashuvga olib kelgan va minglab taqdirlar sinib ketishiga sabab bo‘lgan. Qudratxo‘ja bu jarayonlarni Islom Karimovning boshqaruv uslubi bilan bog‘ladi.

Avvalroq Kursiv Uzbekistan Gulnora Karimova ordersiz hibsga olingan va oshxonada sud qilingani haqida xabar bergan edi.

1-dekabrdan nikohni rasmiylashtirishda fuqarolik holati dalolatnomalarini yozish organlari (FHDYO) tomonidan nikohlanayotgan shaxslardan tibbiy ko‘rik natijalarini talab qilish amaliyoti bekor qilinadi. Bu haqda prezident farmoni qabul qilindi.

Farmon asosida 2028-yilgacha Yagona interaktiv davlat xizmatlari portali (my.gov.uz) va davlat xizmatlari markazlari orqali taqdim etiladigan xizmatlar soni 900 taga yetkazilishi rejalashtirilgan. Proaktiv xizmatlar soni 53 taga, kompozit xizmatlar esa 74 taga ko‘paytiriladi.

Shuningdek, sud qarori asosida nikohdan ajratilganda, ajrim qayd etilishi uchun sud qarorini FHDY organlariga topshirish talabi ham tugatiladi.

Avtotransport vositasini ro‘yxatdan o‘tkazishda esa guvohnomada mulkdorning manzilini ko‘rsatish majburiyati bekor qilinadi.

Avvalroq Kursiv Uzbekistan 1-oktabrdan chiroyli avtoraqamlar savdosi to‘xtatilishi haqida...

«Milliy tiklanish» demokratik partiyasi fraksiyasi yig‘ilishida Alisher Qodirov transport sohasini tanqid qildi. Bu haqda O‘zA xabar berdi.

Yig‘ilishda esa Qodirov Transport vazirligiga murojaat qilib, Uzbekistan Airways va «O‘zbekiston temir yo‘llari» faoliyatida yo‘lovchilarga qulaylik yaratish, chiptalar sotib olish imkoniyatlarini yaxshilash va turizmni rivojlantirish bo‘yicha jiddiy savollar qo‘ydi.

«Yurtimizning tarixiy shaharlariga sayyohlar kelmoqda, lekin har kunlik reyslar yo‘q. Yo‘lovchi oqimi ortiq, ammo infratuzilma yetarli emas. Transport vazirligi turizmga keraklicha hissa qo‘shmayapti, uzoq yillik strategiyasi ham borligiga shubhamiz bor», — dedi Qodirov.

Uning so‘zlariga ko‘ra, ayrim turistik maskanlarga, xususan, ko‘p ming yillik Sarmishsoyga olib boradigan yo‘llar ham...

Endilikda yoshlarni kasb-hunarga yo‘naltirish masalasida yangi agentlik tashkil etiladi. Bu haqda ta’lim tizimi sohasiga bag‘ishlangan yig‘ilishda aytib o‘tildi.

Unga ko‘ra, mamlakatda mavjud 598 ta texnikum 450 ming o‘quvchini qabul qila oladigan salohiyatga ega bo‘lsa-da, bu yil 9-sinfni bitirgan 608 ming o‘quvchidan atigi 182 ming nafari texnikumlarga o‘qishga kirgan.

«Bugundan boshlab bir yil yoshlarni kasb-hunarga o‘rgatish yili bo‘ladi», — dedi Shavkat Mirziyoyev.

Mamlakatdagi barcha texnikumlarda xalqaro standartlar asosida zamonaviy ta’lim muhiti yaratish, o‘quvchilarni kasbga yo‘naltirish va texnikumlarga qamrovni oshirish vazifasi mutasaddilarga yuklatildi.

Kelgusi o‘quv yilida 9-sinf bitiruvchilarining kamida 50 foizi — qo‘shimcha 200 ming o‘quvchini...

O‘zbekistonda kelasi o‘quv yilidan boshlab yuqori sinflar uchun sun’iy intellekt bo‘yicha maxsus darslar kiritiladi. Bu haqda prezident yig‘ilishida ma’lum qilindi.

Yangi fanlarni samarali o‘qitish uchun 2 mingta sinf xonasi kompyuterlar bilan jihozlanadi, 6,3 mingta interfaol doska o‘rnatiladi. Ushbu maqsadlar uchun zarur mablag‘lar keyingi yilgi davlat budjetida ko‘zda tutiladi.

Iqtidorli o‘quvchilarni qo‘llab-quvvatlash maqsadida hududlarda ixtisoslashgan maktablar tarmog‘i kengayadi. Jumladan, axborot texnologiyalari bo‘yicha Al-Xorazmiy, muhandislikda Mirzo Ulug‘bek, tabiiy fanlarda esa Ibn Sino nomidagi maktablar filiallari tashkil etiladi. Ular mahalliy texnika oliygohlari bilan bog‘lanib, muvaffaqiyatli bitiruvchilarni to‘g‘ridan to‘g‘ri ikkinchi kursga qabul qilish imkonini beradi.

2026-yilda maktab o‘quvchilari o‘rtasida o‘tkaziladigan eng nufuzli xalqaro...

10-sentabr uchun valyuta kurslari e’lon qilindi. Shu kuni uchun AQSh valyutasi 12 355,14 so‘m (-84,27 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 44,43 so‘mga tushib, 14 539,53 so‘mni, rubl esa 3,39 so‘mga tushib, 148,48 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Amerikalik prodyuser Shon Kombs, ya’ni P. Diddy, yana jiddiy ayblovlar markazida turibdi. Tergov hujjatlarida u 1996-yilda Las-Vegasda otib o‘ldirilgan mashhur reper Tupak Shakurni yo‘q qilish buyurtmachisi sifatida tilga olinmoqda. Bu haqda USA Today nashri ma’lum qildi.

Ish bo‘yicha asosiy guvoh — «Krips» to‘dasining sobiq a’zosi Duyeyn Devis. Unga ko‘ra, Tupak Shakur jangdan keyin Devisning jiyani Orlando Anderson bilan mushtlashib qolgan. Shundan keyin Devis qarindoshini himoya qilish uchun hujum uyushtirgan. Biroq tergovchilar fikricha, shaxsiy adovatdan tashqari moliyaviy manfaat ham bo‘lgan.

Ma’lumotlarga ko‘ra, P. Diddy Shakurni va Death Row Records asoschisi Shug Knightni yo‘q qilish uchun $1 mln taklif qilgan. Devisning...

UzAuto Motors hozirda sakkizta yangi model ustida ishlamoqda va ular tez orada bozorga taqdim etiladi. Bu haqda «UzAuto Motors» AJ bosh direktori Yanosh Kovach ma’lum qildi.

Unga ko‘ra, modellar qatori kengaytirilmoqda, kompaniya ayniqsa SUV segmentida yangi avtomobillarni ishlab chiqishga e’tibor qaratmoqda.

Bugungi kunda zavodning umumiy ishlab chiqarish quvvati yiliga 550 ming mashinani tashkil etadi. Yangi press sexi va modernizatsiya ishlari hisobiga qo‘shimcha quvvat oshgan. Shu yilning o‘zida 23 ming avtomobil eksport qilingan bo‘lib, kompaniya Qozog‘iston, Ozarbayjon, Turkmaniston, Tojikiston kabi davlatlar bilan birga, yangi bozorlar – Mo‘g‘uliston va Gruziya tomon ham chiqishni rejalashtirmoqda.

Xorijiy brendlar kirib kelishi hisobiga raqobat kuchaygani...

O‘zbekiston Markaziy banki iqtidorli va tashabbuskor talabalarga mo‘ljallangan maxsus stipendiya dasturini e’lon qildi. Dastur bank ishi, moliya, iqtisodiyot va axborot texnologiyalari yo‘nalishlarida tahsil olayotgan talabalarni qo‘llab-quvvatlashni maqsad qiladi.

Kimlar qatnashishi mumkin

Stipendiya tanlovida respublikaning oliy ta’lim muassasalarida kunduzgi ta’limda bakalavriat va magistratura bosqichining so‘nggi kursida o‘qiyotgan talabalar ishtirok etadi. Ular orasida Jahon iqtisodiyoti va diplomatiya universiteti, Toshkent davlat iqtisodiyot universiteti, O‘zbekiston Milliy universiteti, Toshkent axborot texnologiyalari universiteti, INHA, Vestminster, Singapur menejment instituti, MGIMO Toshkent filiali, Moskva davlat universiteti Toshkent filiali hamda viloyatlardagi iqtisodiyot va IT yo‘nalishlari bo‘yicha ta’lim muassasalari mavjud.

Stipendiya miqdori

Tanlov g‘oliblari kamida bazaviy...