Yangiliklar

Huawei ko‘magidagi Maextro brendi Xitoyda Huawei Maextro V800 premium minivenini taqdim etdi. Bu haqda CarNewsChina nashri xabar bermoqda.

Modelning eng yuqori komplektatsiyasi 1,016 mln yuan, ya’ni qariyb $149,7 mingga baholandi. Kompaniya bir vaqtning o‘zida ixchamroq V680 modelini ham sotuvga chiqardi, uning narxi 648 ming yuan yoki taxminan $95,4 mingni tashkil etadi.

Model haqida nimalar ma’lum

Huawei ijrochi direktori Richard Yuning ma’lum qilishicha, V680 va V800 savdosi boshlanganidan keyingi dastlabki bir soat ichida 2 115 ta tasdiqlangan buyurtma qabul qilingan. Bungacha 23 kunlik oldindan savdo davrida modellar uchun 10 mingdan ortiq ariza berilgan bo‘lib, ularning qariyb 80 foizi V...

Tijorat banklari tomonidan 6-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 6-avgust uchun valyutalar kursi e’lon qilingani haqida yozgan edi.

O‘zbekiston 2026-yilning yanvar–iyun oylarida xorijdan $359,5 mlnlik 72 ming tonna mol go‘shti import qildi. Milliy statistika qo‘mitasi ma’lumotlariga ko‘ra, import hajmi o‘tgan yilning mos davriga nisbatan 6 ming tonnaga yoki 9,1 foizga oshgan.

Eng ko‘p go‘sht Hindistondan olib kelingan

Hisobot davrida O‘zbekistonga eng ko‘p mol go‘shti Hindistondan import qilingan. Ushbu davlatdan 33,9 ming tonna mol go‘shti olib kelingan.

Keyingi o‘rinda Belarus turibdi. Yanvar–iyun oylarida Belarusdan 19,6 ming tonna mol go‘shti import qilingan.

Qozog‘iston uchinchi o‘rinda

O‘zbekistonga mol go‘shti yetkazib bergan davlatlar orasida Qozog‘iston ham yuqori o‘rinlardan birini egalladi. Yarim yil davomida ushbu mamlakatdan 10,6 ming tonna mol...

O‘zbekistonda banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin bo‘ladi. Adliya vazirligi mikromoliya tashkiloti va bank faoliyatini o‘zgartirish tartibi haqidagi nizomga kiritilgan o‘zgartirishlarni davlat ro‘yxatidan o‘tkazdi.

Qaysi tashkilotlar faoliyatini o‘zgartirishi mumkin

Yangi tartibga ko‘ra, mikromoliya tashkiloti faqat islomiy bank faoliyatini amalga oshiruvchi mikromoliya bankiga aylanishi mumkin.

Shuningdek, faqat islomiy bank faoliyatini amalga oshiruvchi mikromoliya banki islomiy bankka, islomiy bank esa islomiy mikromoliya bankiga o‘zgartirilishi mumkin.

Bundan tashqari, islomiy mikromoliya banki yana mikromoliya tashkilotiga aylantirilishi yoki oddiy bank faqat islomiy bank faoliyatini amalga oshiruvchi bankka o‘zgartirilishi mumkin.

Islomiy bankka aylanish tartibi belgilanmoqda

Hujjatda kredit tashkilotlarining...

Xitoyning Li Auto kompaniyasi Li Auto i8 elektr krossoverining orqa g‘ildirakdan tortuvchi yangi versiyasini sotuvga chiqardi. Bu haqda CarNewsChina nashri xabar bermoqda.

Olti o‘rindiqli avtomobil 335 ot kuchiga ega bo‘lib, bir marta quvvatlanganda CLTC standarti bo‘yicha 780 kilometrgacha masofa bosib o‘tadi.

Yangi Li Auto i8 RWD’ning Xitoydagi boshlang‘ich narxi 309,8 ming yuan yoki qariyb $45,9 ming etib belgilandi. Kompaniya arzonroq modifikatsiya orqali modelga bo‘lgan talabni oshirishga urinmoqda.

Sotuvlar kutilgan natijani bermadi

Li Auto i8 ilk bor 2025-yil iyulida Xitoy bozoriga chiqarilgan. Dastlab avtomobil Pro, Max va Ultra nomli uchta komplektatsiyada taklif etilgan, biroq talab pastligi sababli kompaniya taqdimotdan...

Migratsiya agentligi AQShning qishloq xo‘jaligi yo‘nalishidagi yirik rekruting kompaniyalaridan biri bilan hamkorlik to‘g‘risida kelishuv imzoladi. Hujjat O‘zbekiston fuqarolarini H-2A dasturi asosida AQShdagi mavsumiy qishloq xo‘jaligi ishlariga tayyorlash va ishga joylashtirishni nazarda tutadi.

Talablar qanday bo‘ladi

Loyiha doirasida amerikalik ish beruvchilarning ehtiyojlariga mos o‘quv dasturlari ishlab chiqiladi. Nomzodlar uchun ingliz tili va kasbiy tayyorgarlik kurslari tashkil etilib, ularning amaliy ko‘nikmalarini baholash hamda qo‘shma sertifikatlash tizimini joriy qilish rejalashtirilgan. Shuningdek, fuqarolarni saralash va AQShga ishga yuborishning shaffof mexanizmlari yo‘lga qo‘yiladi.

Migratsiya agentligi nomzodlarni tanlash, ularni AQSh mehnat qonunchiligi va ish sharoitlari bilan tanishtirishga mas’ul bo‘ladi. Agentlik mavsumiy ishlar yakunlangach, fuqarolarning...

Krishtianu Ronaldu Saudiya Arabistonining «An-Nasr» klubiga o‘tganidan buyon taxminan $675 mln ishlab topgan. Lionel Messining AQShdagi «Inter Mayami» klubidan olgan daromadi esa 2023-yil o‘rtalaridan beri $210–240 mln atrofida baholanmoqda. Bu haqda Bolavip ma’lumotlariga asoslangan holda Marca nashri xabar berdi.

Ikki futbolchining daromadlari o‘rtasidagi farq $400 mln dan oshadi. Biroq ularning shartnomalari turli moliyaviy model asosida tuzilgan: Ronaldu katta miqdordagi kafolatlangan to‘lovlarni olayotgan bo‘lsa, Messi maoshdan tashqari tijoriy loyihalardan ulush va kelajakda klub aksiyalarini sotib olish imkoniyatiga ega.

Ronaldu uch yildan kamroq vaqtda $675 mln oldi

Krishtianu Ronaldu 2023-yil boshida «An-Nasr» bilan shartnoma imzolab, Yevropa futbolidan Saudiya Arabistoni chempionatiga...

Sirdaryo viloyatida 10 yoshli farzandiga tan jarohati yetkazgan ayolga uch sutka ma’muriy qamoq jazosi tayinlandi. Bu haqda «Millar» dasturida xabar berildi.

Ma’lum qilinishicha, ayol farzandining maktabdagi to‘garakka bormay, ko‘chada o‘ynab yurganidan jahli chiqib, uni kiyim ilgich bilan urgan. Sud-tibbiy ekspertiza xulosasida bola sog‘lig‘ining qisqa muddatga buzilishiga olib kelmagan yengil tan jarohati olgani qayd etilgan.

Bolaning otasi hodisa haqida ishdan qaytganidan keyin xabar topgan. U sudda turmush o‘rtog‘iga nisbatan da’vosi yo‘qligini, oilani saqlab qolish istagida ekanini bildirib, jazoni yengillashtirishni so‘ragan.

Qanday jazo qo‘llanildi

Jinoyat ishlari bo‘yicha Sardoba tumani sudi ayolni Ma’muriy javobgarlik to‘g‘risidagi kodeksning 59-2-moddasi ikkinchi qismida nazarda tutilgan...

Booking.com va boshqa xorijiy joy bron qilish platformalari Turkiya bozoriga qaytishi mumkin. Bu haqda mahalliy Dunya nashri xabar bermoqda.

Turkiyada xorijiy turar joy bron qilish platformalari va turistik servislar faoliyatiga yangi talablar joriy etilishi mumkin. Tegishli qonun loyihasi qabul qilinsa, belgilangan shartlarni bajargan kompaniyalarga mamlakat bozorida ishlashga ruxsat beriladi.

Bu Booking.com platformasining qariyb to‘qqiz yillik tanaffusdan so‘ng Turkiyada turar joylarni bron qilish xizmatini qayta yo‘lga qo‘yishiga imkon yaratishi mumkin.

Xorijiy platformalar vakolatxona ochishi kerak

Qonun loyihasiga ko‘ra, xorijiy raqamli platformalar Turkiyada rasmiy vakolatxona tashkil etishi va faoliyat yuritish uchun maxsus ruxsatnoma olishi lozim. Ushbu hujjat har ikki yilda...

Samsung hali taqdim etilmagan Samsung Galaxy S26 FE smartfoni uchun ikkita rasmiy g‘ilof ishlab chiqargani aytilmoqda. Bu haqda Sammobile nashri xabar bermoqda.

Internetda tarqalgan tasvirlarga ko‘ra, xaridorlarga shaffof Clear Magnet Case hamda silikon qoplamali Silicone Magnetic Case modellari taklif qilinadi.

Yangi aksessuarlar ichiga o‘rnatilgan magnitlar smartfonni Qi2 standartiga mos quvvatlash qurilmalari va boshqa aksessuarlarga ulash imkonini beradi. Samsung Galaxy S26 FE’ni yaqin oylarda taqdim etishi kutilmoqda.

Shaffof g‘ilof Qi2 aksessuarlarini qo‘llab-quvvatlaydi

Android Headlines nashri e’lon qilgan tasvirlarda Clear Magnet Case shaffof korpusga ega ekani ko‘rinadi. G‘ilofning orqa qismiga joylashtirilgan magnit halqa smartfon va Qi2 standartidagi aksessuarlarning bir-biriga mahkam...

OpenAI kompaniyasining tajriba tariqasida sinovdan o‘tkazilgan sun’iy intellekt agentlari Hugging Face infratuzilmasiga kirishidan bir necha hafta oldin kompaniyaning o‘z kiberxavfsizlik muhitidagi zaifliklarni topib, ulardan foydalangan. Bu haqda OpenAI tadqiqotchilari Black Hat kiberxavfsizlik konferensiyasida ma’lum qildi.

Agentlar kompaniyaning sinov muhiti bilan bog‘langan uchinchi tomon fayllar omborida zaifliklarni aniqlagan, o‘zaro axborot almashish tizimini yaratgan va keyinchalik tashqi infratuzilmalarga kirishga harakat qilgan.

Agentlar internetga bilvosita chiqish yo‘lini topdi

OpenAI ommaga taqdim etilishi rejalashtirilmagan ichki tadqiqot modelini 7-maydan boshlab sinovdan o‘tkazgan. Sinov boshlanganidan bir kun o‘tib, model kiberxavfsizlik bo‘yicha topshiriqni bajara olmay qolgach, internetga bilvosita chiqish imkoniyatini qidira boshlagan.

Natijada model kompaniyaning...

GWM Xitoy bozorida Haval GWM H10 nomli yangi flagman yo‘ltanlamasini sotuvga chiqardi. Bu haqda Autohome nashri xabar bermoqda.

To‘liq uzatmali avtomobil 598 ot kuchiga ega gibrid tizim, besh yoki olti o‘rindiqli keng salon hamda bir marta yonilg‘i quyish va quvvatlash orqali 1,4 ming kilometrgacha yurish imkoniyatini taklif etadi.

Katta kuzov va keng salon

H10 klassik to‘rtburchak shakldagi yo‘ltanlamas dizaynida yaratilgan. Ishlab chiqaruvchiga ko‘ra, avtomobil tashqi ko‘rinishini ishlab chiqishda qadimgi Xitoyning bronza idishidan ilhom olingan. Xaridorlarga kuzovning beshta rang varianti, jumladan, ikki rangli ko‘rinishlar taklif qilinadi.

Avtomobil uzunligi 5 138 millimetrni, orqa eshikdagi zaxira g‘ildirak bilan esa...

Kursiv Uzbekistan 5-avgust kuni mahalliy va xalqaro maydonda yuz bergan yangiliklarni bir joyga jamladi.

Telegram nima uchun App Store’dan olib tashlandi

Apple kompaniyasi Telegram messenjerini bir foydalanuvchi joylagan taqiqlangan material sabab App Store’dan vaqtincha olib tashladi. Bu haqda messenjer asoschisi Pavel Durov ma’lum qildi.

Ilova Telegram jamoasi kontentni o‘chirib, uni joylagan akkauntni bloklaganidan keyin bir necha soat ichida do‘konga qaytarildi.

Durovning aytishicha, hodisa platformadagi tizimli moderatsiya muammosi emas, balki ommaviy kanal va guruh egalaridan pul undirishga qaratilgan hujum oqibati bo‘lgan. Uning ta’kidlashicha, hujumchi avval joylangan eski xabarni tahrirlab, unga sun’iy intellekt yordamida yaratilgan noqonuniy materialni yashirincha qo‘shgan.

6-avgust kuni O‘zbekistonning aksariyat hududlarida yog‘ingarchilik kutilmaydi, havo harorati janubda 40 darajagacha ko‘tariladi. Bu haqda «O‘zgidromet» prognozi e’lon qilindi.

Farg‘ona vodiysi va tog‘li hududlarda esa qisqa muddatli yomg‘ir, momaqaldiroq hamda sel-suv toshqinlari kuzatilishi mumkin.

Janubda havo 40 darajagacha isiydi

Unga ko‘ra, Qashqadaryo va Surxondaryo viloyatlarida kunduzgi harorat 35–40 darajagacha, Buxoro va Navoiy viloyatlarida esa 34–39 darajagacha ko‘tariladi. Toshkent shahri va markaziy hududlarda havo 33–38 daraja atrofida bo‘ladi.

Farg‘ona vodiysida yomg‘ir yog‘ishi mumkin

Andijon, Namangan va Farg‘ona viloyatlarida ayrim joylarda qisqa muddatli yomg‘ir yog‘ishi va momaqaldiroq bo‘lishi ehtimoli bor. Respublikaning qolgan hududlarida esa yog‘ingarchilik kutilmaydi.

Tog‘li hududlarda...

Markaziy bank mijozlarni identifikatsiya qilishda foydalaniladigan biometrik ma’lumotlarni saqlash tartibini yangiladi. Bu haqda regulyator matbuot xizmati xabar berdi.

Endilikda ayrim moliyaviy tashkilotlar ushbu ma’lumotlarni faqat O‘zbekiston hududida saqlashi lozim.

Yangi talab kuchga kirdi

Markaziy bankning tegishli qarori 1-avgust kuni davlat ro‘yxatidan o‘tkazildi va rasmiy e’lon qilingan kundan boshlab kuchga kirdi. Yangi tartib to‘lov tizimi operatorlari, to‘lov xizmatlarini ko‘rsatuvchi tashkilotlar, faktoring elektron platformalari hamda kredit byurolariga tatbiq etiladi.

Qaysi ma’lumotlar chet elda saqlanishi mumkin

Yangi talablarga ko‘ra, jismoniy shaxslarning identifikatsiya va autentifikatsiya jarayonida foydalaniladigan biometrik ma’lumotlari faqat O‘zbekiston hududidagi serverlarda saqlanishi kerak. Biroq biometrik bo‘lmagan boshqa shaxsga doir...

Google 2026-yil 4-sentabrdan boshlab smartfon va boshqa qurilmalarda Google Assistant’ni bosqichma-bosqich Gemini sun’iy intellekt yordamchisi bilan almashtirishni boshlaydi. Bu haqda Android Authority nashri xabar berdi.

O‘tish jarayoni bir necha hafta davom etadi.

Dastlab qaysi qurilmalar yangilanadi

Kompaniya foydalanuvchilarga yuborgan xabarlarga ko‘ra, o‘zgarishlar avvalo Android smartfonlari, Wear OS operatsion tizimidagi aqlli soatlar hamda mos simsiz quloqchinlarni qamrab oladi. Shuningdek, Android Auto tizimi ham Gemini’ga o‘tkaziladi.

Biroq Google xizmatlari o‘rnatilgan avtomobillar, aqlli kolonka va displeylar hamda Google Assistant’ni qo‘llab-quvvatlovchi boshqa qurilmalar hozircha avvalgi tartibda ishlashda davom etadi.

Gemini asosiy yordamchiga aylanadi

Migratsiya yakunlangach, Android qurilmalarida ovozli buyruq yoki quvvat...

O‘zbekistonlik grossmeyster Javohir Sindarov AQShda o‘tayotgan nufuzli Saint Louis Rapid & Blitz 2026 turnirining rapid bahslarini 11 ochko bilan ikkinchi o‘rinda yakunladi.

U to‘qqizta partiyaning birortasida ham mag‘lub bo‘lmadi va chempionlik uchun kurashni blits bosqichida davom ettiradi.

Rapid bahslari mag‘lubiyatsiz yakunlandi

Grand Chess Tour seriyasi doirasidagi musobaqaning rapid qismida Sindarov ikki g‘alaba va yetti durang qayd etib, jami 11 ochko to‘pladi. Natijada u 12 ochko jamg‘argan hindistonlik Rameshbabu Pragnanandxadan atigi bir ochkoga ortda qolib, ikkinchi pog‘onani egalladi. Kuchli uchlikni 10 ochko bilan amerikalik Uesli So yakunladi.

Qiyin vaziyatlardan ochko olib chiqdi

Musobaqa davomida Sindarov Anish Giri...

Qirg‘iziston hukumati O‘zbekiston bilan oyiga 20 ming tonnagacha yonilg‘i yetkazib berish bo‘yicha muzokaralar olib bormoqda. Mamlakat rasmiylariga ko‘ra, masala O‘zbekiston bosh vaziri Abdulla Aripov bilan o‘tkazilgan uchrashuvlarda ham muhokama qilingan.

Yangi ta’minot manbalari izlanmoqda

Qirg‘iziston yonilg‘iga bo‘lgan ehtiyojining 90 foizdan ortig‘ini import hisobidan qoplaydi. Yaqin Sharqdagi geosiyosiy vaziyat va logistika bilan bog‘liq muammolar sabab mamlakat yangi ta’minot yo‘nalishlarini izlamoqda. Shu maqsadda Rossiya, Belarus, Xitoy, Ozarbayjon, O‘zbekiston, Turkiya hamda ayrim Yevropa davlatlari bilan muzokaralar olib borilmoqda.

O‘zbekiston oyiga 20 ming tonnagacha yonilg‘i yetkazib berishi mumkin

Qirg‘iziston Vazirlar Mahkamasi raisi Adilbek Qosimaliyevning ma’lum qilishicha, O‘zbekiston oyiga 20 ming tonnagacha...

Uklon servisi 5-avgustdan boshlab Farg‘ona, Marg‘ilon, Qo‘qon, Namangan va Andijonda bosqichma-bosqich ishga tushiriladi. Bu haqda kompaniya Kursiv Uzbekistan’ga ma’lum qildi.

Dastlab platformaga haydovchilar ulanadi, so‘ng yo‘lovchi tashish va yetkazib berish xizmatlari ishga tushadi.

Farg‘ona vodiysi ilk hududiy kengayish nuqtasi bo‘ldi

Uklon O‘zbekistonda Toshkentdan tashqaridagi ilk yirik kengayishini Farg‘ona vodiysidan boshlamoqda. Kompaniya bir vaqtning o‘zida Farg‘ona, Marg‘ilon, Qo‘qon, Namangan va Andijon shaharlarida xizmatni bosqichma-bosqich yo‘lga qo‘yadi.

Kompaniya ma’lumotiga ko‘ra, Farg‘ona vodiysi aholisi zichligi va transport harakatchanligi yuqori bo‘lgan hududlardan biri hisoblanadi. Uch viloyatda qariyb 11 mln kishi istiqomat qiladi, bu mamlakat aholisining qariyb 29 foiziga teng. 2025-yilda ushbu hududlarda avtomobil...

Aholi soni va turizm oqimining o‘sishi fonida mamlakatda go‘shtga bo‘lgan talab ishlab chiqarish hajmidan 550 ming tonnaga oshib ketdi. Bu haqda Shavkat Mirziyoyev chorvachilik va parrandachilik tarmoqlarini rivojlantirish bo‘yicha takliflar taqdimotida tanishdi.

Muammoni bartaraf etish maqsadida 2028-yilgacha chorvachilik mahsulotlari ishlab chiqarishni sezilarli ko‘paytirish rejalashtirilmoqda.

Go‘shtga talab ishlab chiqarishdan oshib ketdi

Taqdimotda qayd etilishicha, aholi soni va turizm oqimining ortishi oziq-ovqat mahsulotlariga, xususan go‘shtga bo‘lgan talabni keskin oshirgan. Hozirda mamlakatda go‘shtga yillik talab 2 mln 150 ming tonnani tashkil etayotgan bo‘lsa, ishlab chiqarish hajmi 1 mln 600 ming tonnani tashkil etmoqda.

Ishlab chiqarish hajmi oshiriladi

Mavjud tafovutni qisqartirish...

Markaziy bank huzuridagi Islom moliyasi kengashi murabaha va mudaraba bo‘yicha milliy standartlarni ishlab chiqmoqda. Bu haqda Markaziy bank raisi o‘rinbosari Abror Mirzo Olimov Kursiv Uzbekistan nashriga yo‘llangan rasmiy xatida ma’lum qildi.

«Ularni tayyorlash yakunlangach, standartlar loyihalari manfaatdor tomonlar, bank hamjamiyati, ekspertlar va bozorning boshqa ishtirokchilari ishtirokida jamoatchilik muhokamasiga taqdim etiladi», — deyiladi rasmiy xatda.

Regulyator islomiy moliya standartlari bosqichma-bosqich ishlab chiqilishi va takomillashtirilishini ta’kidladi. Shu bilan birga, Markaziy bank islomiy bank faoliyati xususiyatlarini inobatga olgan holda 15 ta me’yoriy hujjatga o‘zgartirish va qo‘shimchalar kiritdi.

Mazkur o‘zgartirishlar islomiy bank xizmatlarini litsenziyalash, banklarni boshqarish, moliyaviy barqarorlik...

2026-yilning yanvar–iyun oylarida O‘zbekistonda savdo faoliyati bilan shug‘ullanuvchi 163,6 mingta yuridik shaxs budjetga 18,8 trln so‘mdan ortiq soliq to‘ladi. Bu haqda Soliq qo‘mitasi ma’lum qildi.

Hisobot davrida ushbu korxonalarning jami tovar aylanmasi 449,9 trln so‘mga yaqinlashdi. Ularga qariyb 3 trln so‘mlik soliq imtiyozlari qo‘llanildi.

Eng ko‘p soliq to‘lagan 20 ta savdo korxonasi hissasiga 1,7 trln so‘m yoki sohadagi jami soliq tushumlarining 9 foizi to‘g‘ri keldi. Mazkur kompaniyalarning umumiy tovar aylanmasi 30,2 trln so‘mni tashkil etib, savdo sohasidagi jami aylanmaning 6,7 foiziga teng bo‘ldi. Ular foydalangan soliq imtiyozlari miqdori esa 190,3 mlrd so‘mga yetdi.

Eng yirik soliq to‘lovchilar

Yirik...

Portugaliyalik futbol yulduzi Krishtianu Ronaldu o‘zining ijtimoiy tarmoqlarida shaxsiy garajidan suratlarni ulashdi. Futbolchining o‘nlab million dollarga baholanadigan superkarlar kolleksiyasi muxlislar e’tiborini tortdi.

«Mening o‘yinchoqlarim»

«Al-Nasr» hujumchisi suratlarga «Mening o‘yinchoqlarim» deya izoh qoldirdi. Kadrlarda u Ferrari Monza SP2 yonida suratga tushgan bo‘lib, garajda Ferrari Daytona SP3, Ferrari GTC4 Lusso, Bugatti Veyron Grand Sport, Mercedes-AMG One, Bugatti Chiron, Bugatti Centodieci, Ferrari LaFerrari va McLaren Senna kabi eksklyuziv avtomobillar ham ko‘rinadi.

AQSh, Eron va Omon Hormuz bo‘g‘ozi orqali kemalar qatnovini tiklash bo‘yicha vaqtinchalik kelishuvga yaqinlashgani aytilmoqda. Axios ma’lumotiga ko‘ra, kelishuv 60 kun davomida tijoriy kemalardan o‘tish uchun to‘lov olinmasligini nazarda tutadi.

Kelishuv yaqin kunlarda e’lon qilinishi mumkin

Axios manbalariga ko‘ra, AQSh dastlabki kelishuv haqida 5-avgust kuni e’lon qilishi mumkin.

Donald Tramp ham jurnalistlar savoliga javoban bunday kelishuv «ertaga yoki indinga» bo‘lishi mumkinligini aytgan. U Eron bilan muzokaralar «juda yaxshi» ketayotganini bildirgan.

Kemalar harakati ikki yo‘nalishda tashkil etiladi

Muhokama qilinayotgan rejaga ko‘ra, Fors ko‘rfaziga kirayotgan kemalar Hormuz bo‘g‘ozining shimoliy yo‘nalishi orqali, ya’ni Eron hududiy suvlari orqali harakatlanadi.

Bo‘g‘ozdan chiqayotgan...