Yangiliklar

Surxondaryo viloyatida soxta hujjatlardan foydalanib, 25 mlrd so‘mlik kredit mablag‘larini talon-toroj qilish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Holat qanday aniqlandi

Departamentning Surxondaryo viloyati boshqarmasi tomonidan o‘tkazilgan tergovga qadar tekshiruv davomida MChJ ta’sischisi va boshqa fuqarolar avval kredit shartnomasi asosida garovga qo‘yilgan bino-inshootlarni soxta hujjatlar yordamida takroran garov sifatida rasmiylashtirgani aniqlangan.

Ular ushbu hujjatlar orqali Andijon viloyatidagi tijorat banklaridan biridan 25 mlrd so‘m kredit ajratilishiga erishib, mablag‘larni talon-toroj qilganlikda gumon qilinmoqda.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, Kursiv...

Janubiy Koreyada rekord darajadagi jazirama oqibatida kamida 16 kishi halok bo‘ldi. Joriy yilning 15-mayidan 2-avgustigacha mamlakatda 2 025 kishida issiq bilan bog‘liq kasalliklar qayd etildi, deb xabar berdi mamlakat Ichki ishlar vazirligi.

Prezident Li Chje Myon ekstremal ob-havo hodisalari tobora odatiy tus olayotganini ta’kidlab, mansabdorlarni aholini himoya qilish choralarini tezlashtirishga chaqirdi. U milliy inqirozlarga qarshi kurash tizimini tubdan qayta ko‘rib chiqish, shuningdek, konditsionerlardan foydalanish ortishi fonida elektr ta’minoti tizimlarini tekshirish zarurligini bildirgan.

Iqlim qanday o‘zgarmoqda

Yakshanba kuni mamlakat janubi-sharqidagi Yansan shahrida havo harorati 42,5 darajaga yetdi. Milliy meteorologiya agentligi ma’lumotiga ko‘ra, bu hududda kuzatuvlar olib borilgan so‘nggi...

Krishtianu Ronaldu va Jorjina Rodrigesning kutilayotgan to‘yi haqida yangi tafsilotlar paydo bo‘ldi. OAV ma’lumotlariga ko‘ra, marosim mehmonlari uchun qat’iy dress-kod belgilanadi va ulardan faqat qora rangli libosda kelish so‘ralishi mumkin.

Surat va video olish taqiqlanishi mumkin

Jurnalistlar taxminicha, Ronaldu va Rodriges mehmonlardan maxfiylik shartnomasini imzolashni so‘rashi mumkin.

Shuningdek, marosim davomida foto va video suratga olish to‘liq taqiqlanishi ehtimoli bor.

Dress-kod qora rangda bo‘lishi aytilmoqda

To‘y haqidagi mish-mishlar portugaliyalik teleko‘rsatuvda e’lon qilingan taklifnoma suratidan keyin kuchaydi.

Turli taklifnomalarda marosim boshlanish vaqti har xil ko‘rsatilgan: ayrimlarida 14:00, boshqalarida esa 17:00 deb yozilgan. Biroq ulardagi umumiy jihat — mehmonlardan faqat...

2026-yilning yanvar–iyun oylarida UzAuto Motors va BYD kompaniyalari O‘zbekistonda eng ko‘p soliq to‘lovchilar qatoriga kirdi. Bu haqda Soliq qo‘mitasi ma’lum qildi.

«UzAuto Motors» AJ davlat budjetiga 1 trln 158,8 mlrd so‘m soliq to‘ladi. Soliq qo‘mitasi ma’lumotlariga ko‘ra, kompaniya ishlab chiqarish sohasida eng ko‘p soliq to‘lagan yirik korxonalar orasida uchinchi o‘rinni egalladi. Kompaniya o‘tgan yilning mos davrida 700 mlrd so‘m soliq to‘lagan edi.

«BYD Uzbekistan Factory» MChJ QK esa olti oy davomida 196,6 mlrd so‘m soliq to‘lab, reytingning 19-pog‘onasidan joy oldi. Shunday qilib, «UzAuto Motors»ning soliq to‘lovlari BYD zavodi ko‘rsatkichidan qariyb 5,9 baravar yoki 962,2 mlrd so‘mga ko‘p...

Shahrisabz tumani hokimi Samad Hasanovning mahalladagi xonadonlardan biriga kirib, uy egasiga hovli, oshxona va yashash sharoiti bo‘yicha tanbeh bergani aks etgan video ijtimoiy tarmoqlarda keng muhokama qilinmoqda. Hokimlik holatni izohlab, hokim adashib boshqa xonadonga kirib qolganini bildirdi.

Videoda hokim xonadonni ko‘zdan kechirgan

Tarqalgan lavhada Shahrisabz tumani hokimi Samad Hasanov mahalla raisi va boshqa mas’ullar hamrohligida xonadon hovlisiga kirib, uy egasiga yashash joyini saranjom tutish kerakligini aytadi.

Videoda hokim hovli, tandir atrofi, yozgi oshxona, muzlatkich va uy ichidagi holatni tanqid qilgani ko‘rinadi. U hamrohlariga jarayonni suratga olishni davom ettirishni aytgan. Shuningdek, video mahalla guruhiga tashlanishi haqida gapirgani ham...

Smart kompaniyasi yangi Smart #2 shahar elektromobilining 2026-yil oktabr oyiga rejalashtirilgan global taqdimoti oldidan noodatiy reklama kampaniyasini boshladi. Bu haqda CarNewsChina nashri xabar bermoqda.

Dizayn

Kompaniya yangi elektromobil dizaynining dastlabki ko‘rinishini an’anaviy reklama o‘rniga ko‘cha san’ati orqali namoyish etishga qaror qildi. Smart marketing bo‘limi rahbari Kan Iyning ta’kidlashicha, devoriy suratlar brendning eng taniqli ixcham modeli qaytishiga qiziqishni oshirishi kerak.

Shanxaydagi suratni zamonaviy rassom Chju Bin, Gonkongdagi tasvirni esa Parents Parents nomli ko‘cha san’ati jamoasi yaratdi. Buenos-Ayresdagi loyiha Martin Ron, Melburndagi devoriy surat esa Jorjiya Lori tomonidan ishlangan.

Model qanday ko‘rinishga ega

Melburndagi tasvir Smart #2 elektromobilining seriyali...

Tijorat banklari tomonidan 5-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 5-avgust uchun valyutalar kursi e’lon qilingani haqida yozgan edi.

5-avgust kuni Samarkand-2028 giperspektral sun’iy yo‘ldoshi orbitaga muvaffaqiyatli chiqarildi. Bu haqda Uzcosmos agentligi o‘zining ijtimoiy tarmoqdagi sahifasida ma’lum qildi.

Uchirish Xitoyning Shandun provinsiyasi qirg‘oqlari yaqinidagi dengiz start platformasidan STAR.VISION kompaniyasi tomonidan amalga oshirildi.

Uchirish dengiz platformasidan amalga oshirildi

Samarkand-2028 sun’iy yo‘ldoshi bilan birga Lampung-1 giperspektral sun’iy yo‘ldoshi ham orbitaga chiqarildi.

Uchirish Xitoyning Shandun provinsiyasi yaqinidagi dengiz start platformasidan amalga oshirilgan.

Loyiha kosmik sohada yangi bosqich deb baholandi

Samarkand-2028 loyihasi O‘zbekiston tarixidagi eng yirik xalqaro kosmik loyihalardan biri sifatida qayd etilmoqda. Mazkur uchirish milliy kosmik dastur rivojida yangi bosqichni boshlab bergani aytilmoqda.

Loyiha O‘zbekiston va Xitoy o‘rtasidagi ilmiy-texnologik...

AQSh ma’muriyati Braziliyaning Vashingtondagi elchisi Mariya Luiza Ribeyru Viottining vizasini bekor qildi. Bu haqda DW xabar bermoqda.

Qaror Braziliyaning AQSh elchisi lavozimiga ko‘rsatilgan Denni Perez nomzodiga rasmiy rozilik berishni cho‘zayotgani hamda ikki amerikalik diplomatga viza bermagani ortidan qabul qilindi.

AQSh Davlat departamenti vakilining ta’kidlashicha, viza bekor qilinishi Viottining mamlakatdan chiqarib yuborilishini anglatmaydi. Diplomat hozircha AQShda qolishi mumkin, uning vizasi esa tomonlar o‘rtasidagi diplomatik muvozanat tiklanganidan keyin qayta berilishi ehtimoli bor. Vashington buning uchun Braziliya AQSh elchisi nomzodini ma’qullashi kerakligini bildirgan.

Rasmiy Braziliya qanday fikrda

Braziliya hukumati AQSh qarorini rad etib, uni mafkuraviy sabablarga asoslangan dushmanona choralar kuchayishi deb...

Oppo kompaniyasi tomonidan yaqinda taqdim etiladigan Oppo F35 Pro smartfoni 10 000 mA/soat batareya bilan ta’minlanishi mumkin. Bu haqda GSMArena nashri xabar bermoqda.

Yangi ma’lumotlarga ko‘ra, turkum tarkibidagi Oppo F35 Pro Xitoyda sotuvga chiqarilgan A7 Pro Max modelining ayrim o‘zgarishlar bilan qayta nomlangan talqini bo‘ladi. Hozircha kompaniya F35 turkumining taqdimot sanasi va unga nechta model kirishini rasman ma’lum qilmagan.

Ma’lumot tasdiqlansa, Oppo F35 Pro kompaniyaning Hindiston bozoridagi 10 ming mA/soat sig‘imli batareyaga ega ilk smartfoniga aylanadi. A7 Pro Max 80 vattli tezkor quvvatlashni qo‘llab-quvvatlaydi, biroq Hindiston uchun mo‘ljallangan modelning ayrim texnik xususiyatlari o‘zgartirilishi mumkin.

Qo‘shimcha qulayliklar

Model 120Hz...

Apple kompaniyasi Telegram messenjerini bir foydalanuvchi joylagan taqiqlangan material sabab App Store’dan vaqtincha olib tashladi. Bu haqda messenjer asoschisi Pavel Durov ma’lum qildi.

Ilova Telegram jamoasi kontentni o‘chirib, uni joylagan akkauntni bloklaganidan keyin bir necha soat ichida do‘konga qaytarildi.

Durovning aytishicha, hodisa platformadagi tizimli moderatsiya muammosi emas, balki ommaviy kanal va guruh egalaridan pul undirishga qaratilgan hujum oqibati bo‘lgan. Uning ta’kidlashicha, hujumchi avval joylangan eski xabarni tahrirlab, unga sun’iy intellekt yordamida yaratilgan noqonuniy materialni yashirincha qo‘shgan.

Aslida nima bo‘lgan

Eski xabar qayta tahrirlangani sabab guruh a’zolarining aksariyati uni ko‘rmagan va kontentga tezda shikoyat qilish imkoniyati bo‘lmagan. Durov bunday...

AQSh prezidenti Donald Tramp mamlakatdagi hozirgi iqtisodiy vaziyatni «Amerikaning oltin davri» deb atadi. U Truth Social ijtimoiy tarmog‘idagi sahifasida Qo‘shma Shtatlar hali bu davrning boshlanishida ekanini va eng katta g‘alabalar oldinda turganini ta’kidladi.

«AQSh tovarlari eksporti ketma-ket beshinchi oy davomida $200 mlrddan oshdi va biz bu yil qariyb 2,5 trillion dollarga yetish yo’lida turibmiz — bu raqamlar atigi ikki yil oldin hech kim mumkin deb o’ylamagan edi», — dedi Tramp.

Trampning so‘zlariga ko‘ra, mamlakatda ishlab chiqarish rivojlanmoqda, zavodlar faolligi esa to‘rt yildan ortiq davrdagi eng yuqori ko‘rsatkichga chiqdi. Iyul oyida AQSh ishlab chiqarish sanoatidagi...

Ilon Maskka tegishli SpaceX kompaniyasining 2026-yil ikkinchi choragidagi tushumi o‘tgan yilning shu davriga nisbatan 92 foizga oshib, $7,8 mlrdni tashkil etdi. Bu haqda Oninvest xabar berdi.

Natija tahlilchilar kutgan qariyb $6,9 mlrdlik ko‘rsatkichdan yuqori bo‘ldi. Shunga qaramay, hisobot e’lon qilinganidan keyin kompaniya aksiyalari kengaytirilgan savdolarda 7 foizga arzonlashdi.

SpaceX’ning sof zarari $1 mlrddan $541 mlngacha, ya’ni qariyb 46 foizga qisqardi. Har bir aksiyaga to‘g‘ri keladigan zarar $0,09 ni tashkil etdi, tahlilchilar esa $0,26 miqdoridagi zararni kutgan edi. Kompaniyaning tuzatilgan EBITDA ko‘rsatkichi bir yil ichida $1,2 mlrddan $3,5 mlrdgacha oshdi.

Bu SpaceX aksiyalari iyun oyida birjaga chiqarilganidan keyingi ilk choraklik moliyaviy...

Samsung kompaniyasi Samsung Galaxy S27 Ultra smartfoni kameralarida linzalarni ishlab chiqarishning noodatiy usulidan foydalanishi mumkin. Ma’lumotga ko‘ra, kompaniya obyektivlarga maxsus qoplamani yuqori aniqlikdagi purkagichli bosma texnologiyasi orqali surtishni rejalashtirmoqda.

Yangi usul an’anaviy aksga qarshi plyonkalar o‘rniga obyektiv yuzasiga mikroskopik xira qatlamni bevosita tushirishni nazarda tutadi. Bunday texnologiya qoplamaning qalinligi va linza yuzasida joylashishini aniqroq nazorat qilish imkonini berishi kutilmoqda.

Qanday kamera bilan chiqadi

Ma’lumot tasdiqlansa, Galaxy S27 Ultra kamerasi kuchli quyosh nuri yoki murakkab sun’iy yoritish sharoitida paydo bo‘ladigan akslar va yorug‘lik dog‘larini samaraliroq kamaytirishi mumkin. Shuningdek, texnologiya suratlar tiniqligini oshirishi, smartfonning barcha kameralarida tasvir sifatini barqarorlashtirishi hamda...

Chevrolet 2026-yilning birinchi yarmida ommaviy avtomobil brendlari orasida xaridorlar eng ko‘p e’tibor qaratgan ishlab chiqaruvchilardan biri bo‘lib qoldi. Biroq brendga qiziqish 2025-yilning ikkinchi yarmidagi 29 foizdan 27 foizgacha kamaydi. Bu haqda Kelley Blue Book kompaniyasining Brand Watch tadqiqotida ma’lum qilindi.

Sabablar

Tadqiqotga ko‘ra, Chevrolet premium segmentga kirmaydigan avtomobil brendlari orasida uchinchi o‘rinni egalladi. Undan yuqori pog‘onalarda Toyota va Ford joylashgan. GMC brendining ko‘rsatkichi ham ikki foiz punktga pasaygan. Subaru va Kia esa ushbu davrda xaridorlar qiziqishi oshgan yagona ommaviy brendlar bo‘ldi.

Chevrolet ko‘rsatkichining pasayishiga, asosan, pikaplar va to‘liq o‘lchamli yo‘ltanlamaslarga talab susaygani sabab bo‘lgan. Corvette, Colorado, Tahoe, Silverado...

Samarkand-2028 sun’iy yo‘ldoshi, Ronalduning to‘yiga keladigan mehmonlar — 4-avgust kuni e’lon qilingan yangiliklar Kursiv Uzbekistan dayjestida.

Yakkasaroyda beshta bino ruxsatsiz qurilgani aniqlandi

Toshkent shahrining Yakkasaroy tumanida turar joyni o‘zboshimchalik bilan buzish va qurilish ruxsatisiz beshta bino barpo etish holati yuzasidan jinoyat ishi qo‘zg‘atildi. Bu haqda Toshkent shahar prokuraturasi rasmiy munosabat bildirdi.

Joriy yilning 2-avgust kuni ijtimoiy tarmoqlarda Damariq mahallasi, Abdulla Qahhor ko‘chasidagi 19-uyda yashovchi fuqarolarga kompensatsiya pullari to‘liq berilmagani va uy noqonuniy buzilayotgani aks etgan videolavha tarqalgan edi.

Voyaga yetmagan shaxsga avtomobil haydash uchun ruxsat berganlar jinoiy javobgarlikka tortilishi mumkin

O‘zbekistonda voyaga yetmagan shaxsga transport vositasini boshqarishni topshirish...

5-avgust kuni O‘zbekistonning aksariyat hududlarida yog‘ingarchilik kutilmaydi. Bu haqda «O‘zgidromet» xabar berdi.

Havo harorati ayrim viloyatlarda 38 darajagacha ko‘tariladi, ayrim joylarda esa shamol kuchayib, chang-to‘zonlar kuzatilishi mumkin.

Toshkentda 35 darajagacha issiq bo‘ladi

Poytaxtda havo biroz bulutli, vaqti-vaqti bilan o‘zgaruvchan bo‘ladi. Yog‘ingarchilik kutilmaydi. Sharqdan esadigan shamol 3–8 m/s tezlikda bo‘lib, ba’zi joylarda 10–12 m/s gacha kuchayishi va chang-to‘zonlar kuzatilishi mumkin. Harorat kechasi 21–23, kunduzi 33–35 daraja bo‘ladi.

Hududlarda yog‘ingarchilik kutilmaydi

Qoraqalpog‘iston Respublikasi va Xorazm viloyatida havo 33–38 darajagacha, Buxoro va Navoiy viloyatlarida 31–36 darajagacha isiydi. Toshkent, Samarqand, Jizzax va Sirdaryo viloyatlarida esa kunduzgi harorat 31–36 darajani tashkil etadi.

Chevrolet Uzbekistan rasmiy Telegram-kanalida avtomobil ixlosmandlari o‘rtasida «Lacetti yoki Gentra?» mavzusida so‘rovnoma e’lon qilindi.

Foydalanuvchilardan qaysi modelni afzal ko‘rishi va tanlovining uchta asosiy sababini izohlarda yozib qoldirish so‘ralgan.

Mazkur so‘rovnoma ijtimoiy tarmoqlarda Gentra modeli yana ishlab chiqarilishi mumkinligi haqidagi taxminlarni kuchaytirdi. Biroq kompaniya hozircha Chevrolet Gentra ishlab chiqarishini qayta yo‘lga qo‘yish yoki modelni bozorga qaytarish bo‘yicha hech qanday rasmiy bayonot bermagan.

Ayni paytda Chevrolet Uzbekistan’ning ushbu posti avtomobil ishqibozlarining fikrini o‘rganishga qaratilgan interaktiv so‘rovnoma sifatida baholanmoqda.

Gentra O‘zbekistonda yillar davomida eng ommabop avtomobillardan biri bo‘lib kelgan va uning ehtimoliy qaytishi haqidagi muhokamalar foydalanuvchilar orasida katta qiziqish uyg‘otmoqda.

Shavkat Mirziyoyev Kadastr agentligi faoliyatini yangicha yondashuvlar asosida tashkil etish bo‘yicha takliflarni ko‘rib chiqdi. Yangi tizimda «bitta ariza – bitta to‘lov» tamoyili joriy etilib, ko‘chmas mulkni ro‘yxatdan o‘tkazish jarayoni to‘liq onlayn shaklga o‘tkazilishi rejalashtirilmoqda.

Har uchinchi ariza rad etilgan

Joriy yilning birinchi yarmida kadastr xizmatlaridan foydalanish bo‘yicha 1 milliondan ortiq ariza kelib tushgan. Ularning 330 mingtasi, ya’ni qariyb 30 foizi rad etilgan. Bu esa fuqarolar va tadbirkorlarning ortiqcha vaqt hamda mablag‘ sarflashiga, korrupsiyaviy xavflarning ortishiga sabab bo‘layotgani qayd etildi.

«Bitta ariza – bitta to‘lov» tamoyili joriy etiladi

Takliflarga ko‘ra, kadastr xizmatlari soddalashtirilib, barcha xizmatlar bitta ariza asosida...

Odam savdosidan jabrlangan shaxslar endilikda reabilitatsiya markazlarida belgilangan muddat davomida yordam olishi, transport xarajatlari esa davlat tomonidan qoplanishi mumkin. Bu haqda prezident farmonida keltirib o‘tildi.

Reabilitatsiya markazlariga qabul tartibi belgilandi

Farmonga ko‘ra, odam savdosidan jabrlangan erkaklar, chet el fuqarolari hamda maxsus dasturlar asosida O‘zbekistonga olib kelingan repatriantlar faqat Odam savdosi jabrdiydalariga yordam berish bo‘yicha Respublika reabilitatsiya markaziga qabul qilinadi.

Shuningdek, hududiy ixtisoslashgan markazlar faoliyati Respublika reabilitatsiya markazi tomonidan muvofiqlashtiriladi.

Ijtimoiy xizmatlardan foydalanish muddati aniqlandi

Yangi tartibga ko‘ra, odam savdosidan jabrlangan deb taxmin qilinayotgan shaxslar ixtisoslashgan markaz xizmatlaridan 1 oy, jabrlangan deb rasman tan olingan shaxslar esa...

Shavkat Mirziyoyev davlat fuqarolik xizmatchilarining mehnatiga haq to‘lash tizimini tubdan takomillashtirish bo‘yicha takliflar taqdimoti bilan tanishdi. Bu haqda prezident matbuot xizmati xabar berdi.

Unda ish haqi tizimini yagona, shaffof va natijaga asoslangan mexanizmga o‘tkazish rejalari ko‘rib chiqildi.

Ish haqi tizimidagi muammolar tahlil qilindi

Taqdimotda amaldagi tizimdagi asosiy kamchiliklar qayd etildi. Hozirda davlat xizmatchilarining ish haqi tarkibida lavozim maoshining ulushi 15 foizdan oshmaydi, ish haqi fondining qariyb 70 foizi esa xodimning aniq mehnat natijasiga bog‘liq bo‘lmagan turli ustama, mukofot va rag‘batlantiruvchi to‘lovlardan iborat.

Shuningdek, bir xil lavozimda ishlayotgan xodimlar o‘rtasida maosh bo‘yicha sezilarli tafovutlar mavjudligi, mehnatga haq to‘lash tartibini...

Odam savdosidan jabrlanganlarni aniqlash va ularni jamiyatga qayta integratsiya qilish uchun 1-sentabrdan ishonch telefonlari, sun’iy intellektga asoslangan migratsiya maslahat byurolari va yangi identifikatsiya tartibi ishga tushiriladi. Bu haqda prezident farmoni qabul qilindi.

Jabrlanganlarni aniqlash vakolati kengaytiriladi

Unga ko‘ra, «Inson» markazlari, Ijtimoiy himoya milliy agentligi tizimidagi ixtisoslashgan muassasalar hamda nodavlat notijorat tashkilotlariga odam savdosidan jabrlanganlarni dastlabki identifikatsiya qilish vakolati beriladi.

Yangi maqom va muddatlar belgilanadi

Dastlabki identifikatsiyadan o‘tgan shaxsga bir oygacha «odam savdosidan jabrlangan deb taxmin qilinayotgan shaxs» maqomi beriladi. Yakuniy identifikatsiyadan so‘ng esa jabrlanuvchi maqomi ko‘pi bilan bir yil muddatga rasmiylashtiriladi. Yakuniy identifikatsiya hududiy komissiyalar tomonidan...

2026-yilda Toshkent shahar avtobus yo‘nalishlarida brutto-shartnoma talablari bajarilishi yaxshilanib, sifat mezonlariga rioya qilish darajasi 46 foizga yetdi. Bu haqda «Toshshahartransxizmat» AJ xabar berdi.

Ma«lum qilinishicha, nazorat tadbirlari natijasida tashuvchi korxonalar tomonidan minimal talablarni buzish holatlari sezilarli darajada qisqargan. Xususan, 2026-yil boshidan buyon haydovchilar va avtobuslarga qo‘yilgan talablar buzilishi 50,5 foizga kamaygan.

Shuningdek, tashuvchi korxonalar tomonidan qatnovlarni belgilangan sifat mezonlariga muvofiq amalga oshirish ko‘rsatkichi ham yaxshilanib, 2026-yilda 46 foizga yetgan.

Avvalroq Kursiv Uzbekistan Toshkentda ikki Yutong avtobusi ishtirokida YTH sodir bo‘lgani haqida yozgandi.

Chevrolet’ning faqat etanol yonilg‘isida harakatlanadigan 2027-yilgi Onix Eco modeli Braziliyada yaxshi talabga ega bo‘lmoqda. General Motors vakiliga ko‘ra, model ayniqsa dekarbonizatsiya maqsadlariga e’tibor qaratayotgan kompaniyalar orasida qiziqish uyg‘otgan.

Yangi 2027-yilgi Chevy Onix Eco iyun oyida rasman namoyish qilingan. Ushbu talqin faqat Braziliya bozorida taklif etilmoqda.

Model mamlakatda etanol yonilg‘isi keng tarqalgani va barqaror avtomobil dasturi mavjudligidan foyda olmoqda.

Sotuvlar yaxshi ketmoqda

GM South America ijrochi vitse-prezidenti Fabio Rua Onix Eco Federal hukumatning Sustainable Car dasturiga kiritilganini aytdi.

Uning so‘zlariga ko‘ra, avtomobil yaxshi taassurot qoldirmoqda, jumladan, karbon chiqindilarini kamaytirish maqsadlariga ega kompaniyalar ham ushbu modelni xarid qilmoqda.

Onix...