Yangiliklar

Google kompaniyasi sun’iy intellektga asoslangan Gemini for Home platformasi bilan ishlaydigan yangi Google Home smart kolonkasini taqdim etdi. Bu haqda The Verge nashri ma’lum qildi.

Ushbu qurilma brendning so‘nggi olti yil ichidagi birinchi yangi smart-kolonka modeli bo‘lib, u avvalgi Nest Audio o‘rnini bosadi. Qurilma Gemini for Home platformasi uchun maxsus ishlab chiqilgan.

Yangi Google Home kolonkasini oldindan buyurtma qilish mumkin bo‘lib, yetkazib berishlar 2026-yil 25-iyundan boshlanadi. Qurilma $100 narxda sotuvga chiqadi va uning taqdimoti dastlab bahorga rejalashtirilgan bo‘lsa-da, keyinroq kechiktirilgan.

Dizayn jihatdan kompaniya indikator chiroqlarini an’anaviy panjara ortidan olib chiqib, ularni qurilma asosidagi yorug‘lik halqasi ko‘rinishida joylashtirgan. Kolonka...

O‘zbekiston – Kolumbiya uchrashuvi munosabati bilan 18-iyun kuni barcha davlat tashkilotlarida ish vaqti soat 10:00 da boshlanadi. Bu haqda prezident matbuot kotibi Sherzod Asadov ma’lum qildi.

Ilk futbol uchrashuvi Toshkent vaqti bilan 18-iyun kuni soat 07:00 da boshlanadi. Shu munosabat bilan fuqarolarga milliy terma jamoaga oila davrasida muxlislik qilish uchun qo‘shimcha qulaylik yaratish maqsadida ish vaqti bir soat kech boshlanmoqda.

Sherzod Asadovning ta’kidlashicha, Shavkat Mirziyoyev ham uchrashuvni uyida, oila a’zolari va nabiralari bilan birgalikda tomosha qiladi.

Ma’lumot uchun, milliy terma jamoaning Jahon chempionatidagi ishtiroki munosabati bilan maktablarda va poytaxtdagi qator bog‘larda maxsus tomosha maydonlari...

Davlat xizmatchilarida korrupsiyaga nisbatan murosasiz munosabatni shakllantirish maqsadida jazoni ijro etish muassasalari va tergov hibsxonalariga profilaktik tashriflar yo‘lga qo‘yildi. Bu haqda Korrupsiyaga qarshi kurashish agentligi ma’lum qildi.

Mazkur tashabbus Korrupsiyaga qarshi kurashish milliy kengashi tomonidan tasdiqlangan 2026-yilga mo‘ljallangan Korrupsiyaning oldini olish bo‘yicha harakatlar rejasi doirasida amalga oshirilmoqda.

Tashriflarning asosiy maqsadi davlat xizmatchilariga korrupsiyaning salbiy oqibatlarini amalda ko‘rsatish, noqonuniy harakatlar muqarrar ravishda javobgarlikka olib kelishini tushuntirish hamda xizmat vazifalarini halol va mas’uliyat bilan bajarish zarurligini kuchaytirishdan iborat.

Ilk tashrifda Qurilish va uy-joy kommunal xo‘jaligi vazirligi hamda Kadastr agentligi rahbariyati va mas’ul xodimlari ishtirok etdi. Ular tergov xonalari, hibsda saqlash...

Markaziy bank boshqaruvi 2026-yil 17-iyundagi yig‘ilishida asosiy stavkani o‘zgarishsiz yana 14 foiz darajasida qoldirdi.

Regulyator ma’lumotiga ko‘ra, 2026-yil may oyida umumiy inflyatsiya yillik 5,5 foizgacha pasaydi. Bazaviy inflyatsiya esa 5,7 foizni tashkil etdi.

Markaziy bank 2026-yil yakunida umumiy inflyatsiya 6,5 foiz atrofida bo‘lishini prognoz qilmoqda. Iqtisodiy o‘sish bo‘yicha prognoz esa 7 – 7,5 foiz darajasida saqlab qolindi.

Iyun oyidan energiya resurslari tariflari oshirilgani inflyatsiyaga qisqa muddatli ta’sir qilishi kutilmoqda.

Markaziy bank pul-kredit siyosati inflyatsiyani 5 foizlik maqsadli darajaga tushirish, makroiqtisodiy barqarorlikni ta’minlash va aholining xarid qobiliyatini saqlashga qaratilgan bo‘lib qolishini bildirdi.

Asosiy stavkani ko‘rib chiqish bo‘yicha navbatdagi yig‘ilish 2026-yil...

Shavkat Mirziyoyevning taklifiga binoan Germaniya Federativ Respublikasi prezidenti Frank-Valter Shtaynmayer rafiqasi hamrohligida mamlakatimizga rasmiy tashrif bilan keldi. Bu haqda O‘zA ma’lum qildi.

«Toshkent-Humo» xalqaro aeroportida oliy martabali mehmonni O‘zbekiston Respublikasi bosh vaziri o‘rinbosari Ochilboy Ramatov hamda boshqa rasmiy shaxslar kutib oldi.

Rasmiy tashrif dasturiga muvofiq, O‘zbekiston va Germaniya yetakchilarining tor hamda kengaytirilgan tarkibdagi muzokaralari bo‘lib o‘tadi. Uchrashuvlarda ikki davlat o‘rtasidagi ko‘p qirrali hamkorlikni yanada rivojlantirish masalalari muhokama qilinadi.

Tomonlar savdo, sanoat kooperatsiyasi, energetika va «yashil» texnologiyalar, transport va logistika, farmatsevtika, kimyo sanoati hamda qishloq xo‘jaligi sohalaridagi amaliy hamkorlikni kengaytirish, shuningdek, ta’lim va gumanitar almashinuvlarni faollashtirishga alohida e’tibor qaratadi.

Tom Holland kelajakda O‘rgimchak odam rolini boshqa aktyorga topshirishga tayyor ekanini yana bir bor ta’kidladi. Bu haqda Lifehaker nashri xabar berdi.

Uning fikricha, bu obraz uchun eng munosib nomzodlardan biri yosh britaniyalik aktyor Owen Cooper bo‘lishi mumkin.

Hollandning aytishicha, Cooper juda iste’dodli aktyor bo‘lib, hozirda kino va serial muxlislari orasida katta qiziqish uyg‘otmoqda. Yosh aktyor keng ommaga Adolescence serialidagi roli orqali tanilgan.

Agar bu g‘oya amalga oshsa, Owen Cooper O‘rgimchak odam obrazini gavdalantirgan uchinchi britaniyalik aktyorga aylanishi mumkin. Undan avval bu rolni Tom Holland va Andrew Garfield ijro etgan.

Shuningdek, Holland yangi O‘rgimchak odam aktyoriga ustozlik qilish istagini ham...

Yaponiyaning Sharp kompaniyasi ilk aqlli soati Karada Mate Watch modelini taqdim etdi. Bu haqda Lifehaker nashri xabar berdi.

Qurilmaning asosiy xususiyati iste’mol qilingan kaloriyalarni foydalanuvchi ma’lumot kiritmasdan avtomatik hisoblay olishi bilan ajralib turadi.

Soat bioelektrik impedans sensori va Healbe kompaniyasi ishlab chiqqan Flow texnologiyasi yordamida organizmdagi suyuqlik hamda glyukoza o‘zgarishlarini tahlil etadi. Shu asosda iste’mol qilingan kaloriyalar miqdori aniqlanib, sarflangan energiya bilan taqqoslanadi.

Qurilma, shuningdek, organizmdagi suv miqdorini kuzatadi va suvsizlanish xavfi paydo bo‘lganda tovush yoki vibratsiya orqali ogohlantiradi. Yana bir qiziqarli funksiyasi – Circuit View rejimi bo‘lib, ekran kunning vaqtiga qarab turli ma’lumotlarni ko‘rsatadi.

Karada Mate Watch...

Telegram asoschisi Pavel Durov Buyuk Britaniyada 16 yoshgacha bo‘lgan bolalar uchun ijtimoiy tarmoqlardan foydalanishni cheklash rejalariga qarshi chiqdi. Bu haqda shaxsiy kanalida yozib qoldirdi.

Uning fikricha, bunday taqiq o‘smirlarni platformalardan uzoqlashtirmaydi, aksincha VPN xizmatlaridan foydalanishga undab, ularni yanada xavfli va nazoratsiz kontentga duchor qilishi mumkin.

Durov Rossiyada Telegram bloklangan davrni misol qilib keltirib, ko‘plab o‘smirlar messenjerdan foydalanishda davom etganini, buning uchun esa VPN vositalariga murojaat qilganini ta’kidladi.

Uning aytishicha, bolalarni zararli kontentdan himoya qilish uchun ota-onalarda ekran vaqtini cheklash, ota-ona nazorati va qurilmalardan foydalanishni tartibga solish kabi vositalar allaqachon mavjud.

Bundan oldin, Buyuk Britaniya bosh vaziri Keir Starmer mamlakatda...

«Ijtimoiy reyestr»ga kiritilgan yosh oilalar endilikda turar joy ijara xarajatlarini qoplash uchun onlayn tarzda davlat kompensatsiyasini rasmiylashtirishi mumkin. Bu haqda Raqamli texnologiyalar vazirligi ma’lum qildi.

Yangi xizmat my.gov.uz portali orqali yo‘lga qo‘yildi. Unga ko‘ra, ijtimoiy himoyaga muhtoj yosh oilalar turarjoy ijarasi xarajatlarining bir qismini qoplash uchun elektron ariza yuborish imkoniyatiga ega bo‘ldi.

Kompensatsiya mablag‘lari 12 oygacha bo‘lgan muddatga har oy ijara to‘lovining 50 foizigacha miqdorda ajratiladi. Bunda Toshkent shahri, Nukus shahri va viloyat markazlarida kompensatsiya miqdori BHMning (412 ming so‘m) 3 baravarigacha (1,2 mln so‘mdan ziyod), boshqa hududlarda esa bazaviy hisoblash miqdorining 2 baravarigacha (824 ming so‘m) etib...

15-iyun holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,5 foizda qoldi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 23,1 foizni, yuridik shaxslar ulushi ham 22,8 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,8 foizni tashkil etdi. Bungacha ham eng kam foiz «Davr bank» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

O‘zbekistonning Istanbul shahridagi Bosh konsulxonasi hamda Migratsiya agentligi hamkorligida Bolgariyada murakkab moddiy va ijtimoiy ahvolga tushib qolgan 6 nafar O‘zbekiston fuqarosi yurtga qaytarildi. Bu haqda konsulxona rasmiy sahifasida ma’lum qilindi.

Unga ko‘ra, fuqarolarga zarur konsullik-huquqiy va amaliy yordam ko‘rsatilib, ular 16-iyun kuni bepul asosda O‘zbekistonga olib kelindi.

Mas’ul idoralar xorijda ishlashni rejalashtirayotgan fuqarolarni ehtiyotkor bo‘lishga chaqirdi. Xususan, chet elga ketishdan avval ish beruvchi, vositachi tashkilot va mehnat shartnomasi haqidagi ma’lumotlarni sinchiklab tekshirish tavsiya etildi.

Shuningdek, faqat rasmiy manbalar orqali ishga joylashish, barcha hujjatlarni qonuniy tartibda rasmiylashtirish va shubhali takliflarga ishonmaslik zarurligi ta’kidlandi. Mutasaddilar noqonuniy yoki norasmiy yo‘llar bilan...

Wells Fargo banki 2026-yil oxiri uchun S&P 500 indeksi bo‘yicha prognozini oshirdi. Reuters yozishicha, bank endi indeks yil yakunida 7950 punktga yetishini kutmoqda. Avvalgi prognoz 7300 punkt edi.

Yangi baho 16-iyun kungi savdolar yopilishiga nisbatan taxminan 5,8 foizlik o‘sish imkoniyatini anglatadi.

Ma’lumotga ko‘ra, Wells Fargo bunday qarorga kompaniyalar foydasi bo‘yicha prognozlar yaxshilangani, AQSh va Eron o‘rtasidagi oraliq kelishuvdan keyin makroiqtisodiy xavflar kamaygani hamda investorlar kayfiyati tiklangani sabab bo‘lgan.

Wells Fargo strategi Osan Kvonning fikricha, yoz oylarida investorlar «butun bozor rallisi»ni ko‘rishi mumkin.

Unga ko‘ra, o‘sish faqat sun’iy intellekt bilan bog‘liq kompaniyalar bilan cheklanib qolmaydi. Hozirgacha AIdan kamroq foyda...

O‘zbekiston va Turkiya o‘rtasida ehtiyoj yuqori tarmoqlarga o‘zbekistonlik mutaxassislarni ishga joylash bo‘yicha amaliy mexanizmlar ishlab chiqilmoqda. Investitsiyalar, savdo va sanoat vazirligi muvofiqlashtirayotgan V Toshkent xalqaro investitsiya forumi doirasida Turkiya – O‘zbekiston biznes forumi bo‘lib o‘tdi.

Tadbirda Iqtisodiyot va moliya vaziri Jamshid Qo‘chqorov so‘zga chiqib, ijtimoiy sohadagi hamkorlikni yanada tizimli yo‘lga qo‘yish maqsadida Turkiya iqtisodiyotida ehtiyoj yuqori bo‘lgan tarmoqlardagi bo‘sh ish o‘rinlariga o‘zbekistonlik mutaxassislarni uyushgan tartibda ishga joylashtirish bo‘yicha amaliy mexanizmlar ishlab chiqilayotganini ma’lum qildi.

Shuningdek, vazir Turkiya tomoni Samarqand shahri yaqinida joylashgan Imom Buxoriy ziyorat majmuasini rivojlantirish va boshqarish jarayonlarida ishtirok etishga katta qiziqish bildirayotganini ta’kidladi.

Qayd etilishicha...

Prezident qarori bilan Soliq oliy maktabi Soliq qo‘mitasi huzurida alohida yuridik shaxs maqomida tashkil etilib, joriy yildan talabgorlarni qabul qilishni boshlaydi. Bu haqda «O‘zA» agentligi xabar berdi.

Yangi ta’lim muassasasi soliq tizimi uchun kadrlar tayyorlash, qayta tayyorlash hamda ilmiy-tadqiqot ishlarini olib boruvchi bazaviy markaz sifatida faoliyat yuritadi.

Qarorga ko‘ra, oliy maktabga akademik, moliyaviy va tashkiliy mustaqillik beriladi. Unda soliq sohasi uchun zamonaviy mutaxassislar tayyorlashga alohida e’tibor qaratiladi.

Ta’lim tizimi bosqichma-bosqich joriy etiladi

2026/2027-o‘quv yilidan boshlab kamida 3 yillik bakalavriat dasturlari bo‘yicha qabul boshlanadi. 2027/2028-o‘quv yilidan esa magistratura va oliy ta’limdan keyingi bosqichlar ham yo‘lga qo‘yiladi.

Yo‘nalishlar

O‘quv...

17-iyun kuni o‘tkazilgan yangi taqqoslash sinovida Chevrolet Bolt o‘zining asosiy raqiblaridan biri Nissan Leaf ustidan g‘alaba qozondi. Bu haqda GMAuthority nashri xabar berdi.

Car and Driver nashri tomonidan o‘tkazilgan sinovda ikkala elektromobil dizayn, qulaylik, yurish zaxirasi, texnologiya va boshqaruv sifati bo‘yicha solishtirildi. Umumiy natijalarga ko‘ra, Chevrolet Bolt $40 mingdan arzon segmentdagi xaridorlar uchun yaxshiroq taklif sifatida baholandi.

Sinovda Nissan Leaf zamonaviy dizayni va saloni bilan ajralib turgan bo‘lsa-da, Chevrolet Bolt ko‘proq amaliy yondashuv, qulay boshqaruv va klassik interfeys bilan ustunlik qilgani qayd etildi.

Texnik jihatdan Leaf biroz katta batareya va yuqoriroq momentga ega bo‘lsa ham, Bolt yengilroq kuzovi hisobiga...

17-iyun uchun valyutalar kursi yangilandi. Unga ko‘ra, dollar kursi 39,93 so‘mga oshib, 12 052,05 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

11-iyun kuni 13,81 so‘mga oshib, 12 054,03 so‘mni tashkil etdi. 12-iyun kuni 39,55 so‘mga tushib, 12 014,48 so‘m, 15-iyun kuni 32,67 so‘mga tushib, 11 981,81 so‘m bo‘ldi. 16-iyun kuni 1,98 so‘mga tushib, 11 978 so‘mni, 17-iyun kuni esa 32,29 so‘mga oshib, 12 012,12 so‘mni tashkil qildi. 

Markaziy bank ma’lumotlariga ko‘ra, yevro 49,94 so‘mga oshib, 13 985,20 so‘mni, rubl esa 0,82 so‘mga tushib, 166,12 so‘mni tashkil etdi.

Avvalroq Kursiv Uzbekistan...

Saudiya Arabistoni poytaxti Ar-Riyod shahrida O‘zbekiston IT Parkining doimiy bo‘limi ochildi. Bu haqda «Dunyo» AA xabar berdi.

Ochilish marosimi davomida ishtirokchilarga mamlakatimizda raqamli iqtisodiyot, dasturlash, startaplar va IT-xizmatlar sohasida yaratilgan keng imkoniyatlar haqida ma’lumot berildi.

Xususan, IT Park hududida amal qilayotgan soliq imtiyozlari, xizmatlar eksportini qo‘llab-quvvatlash mexanizmlari hamda xorijiy investorlar uchun yaratilgan qulay sharoitlar taqdim qilindi.

Qayd etilishicha, sohada amalga oshirilayotgan izchil islohotlar natijasida AQSh, Kanada, Fransiya, Yaponiya va Saudiya Arabistoni kompaniyalari hamda mutaxassislari IT Park rezidentiga aylanmoqda. Shu bilan birga, O‘zbekistonda IT-xizmatlar eksporti hajmi sezilarli darajada oshib, mahalliy kompaniyalar xalqaro bozorlarga faol chiqmoqda.

Ma’lum qilinishicha, Ar-Riyoddagi...

Chevrolet Silverado 1500’ning yangi avlodi – 2027-yil modeli rasman taqdim etildi. Bu haqda kompaniya rasmiy sahifasida ma’lum qildi.

Kompaniya uni tarixidagi eng kuchli va eng zamonaviy Silverado sifatida ta’riflamoqda.

Yangi modelda 5.7L va 6.6L hajmdagi yangi avlod V8 dvigatellari, shuningdek 2.7L TurboMax va 3.0L turbo-dizel kabi variantlar taklif etiladi. Ishlab chiqaruvchiga ko‘ra, bu motorlar yuqori quvvat, mustahkamlik va tortish kuchi bilan ajralib turadi.

Dizayn va ichki qism yangilandi

2027 Silverado butunlay yangilangan tashqi ko‘rinishga ega bo‘lib, yanada agressiv old qism, yangi LED chiroqlar va trimga qarab farqlanadigan dizayn elementlari bilan taqdim etilgan.

Salon qismida esa katta raqamli ekranlar...

Germaniya Respublikasi prezidenti Frank-Valter Shtaynmayer Osiyo bo‘ylab rasmiy safari doirasida Toshkentga tashrif buyurdi. Prezident samolyoti Toshkent-Humo aeroportida ko‘rinish berdi.

Davlat rahbari bilan birga uning rafiqasi hamda biznes doiralari vakillaridan iborat delegatsiya ham kelgan. Tashrif davomida O‘zbekiston va Germaniya o‘rtasidagi siyosiy, iqtisodiy hamda investitsiyaviy hamkorlik masalalari muhokama qilinishi kutilmoqda.

Avvalroq «Kursiv» nashri Albaniya prezidenti O‘zbekistonda qanday kutib olingani haqida yozgandi.

AQSh va Eron o‘rtasidagi urushni yakunlash bo‘yicha muzokaralar doirasida $300 mlrdlik xususiy investitsiya mexanizmini yaratish rejalashtirilmoqda. Bu haqda Reuters agentligi xabar berdi.

Rekonstruksiya va rivojlanish jamg‘armasi deb nomlanishi kutilayotgan mazkur mexanizm urushni yakunlash bo‘yicha yakuniy kelishuvga erishish uchun tomonlarga iqtisodiy rag‘bat yaratishga xizmat qiladi. Jamg‘arma davlat mablag‘lari yoki grantlar hisobidan emas, balki xususiy sektor investitsiyalari asosida shakllantiriladi. Mablag‘larni AQSh, Fors ko‘rfazi mamlakatlari, Osiyo, Janubiy Amerika va Afrika kompaniyalari ajratishi rejalashtirilgan.

Manbaga ko‘ra, investitsiyalar energetika, logistika, ishlab chiqarish va transport sohalariga yo‘naltiriladi. Eron tomoni dastlab urush oqibatida yetkazilgan zarar uchun AQShdan $400 mlrd miqdorida kompensatsiya talab qilgan, biroq Vashington...

O‘zbekiston va Xitoy «yashil» energetika loyihalarini tezlashtirishga kelishdi. Bu haqda Shavkat Mirziyoyev va Xitoy Xalq Respublikasi Milliy energetika boshqarmasi rahbari Van Xunchji boshchiligidagi delegatsiya uchrashuvida qayd etildi.

Muloqotda energetika va geologiya sohalarida o‘zaro manfaatli yuqori texnologik loyihalarni ilgari surish, shuningdek, bank-moliya yo‘nalishida amaliy hamkorlikni kengaytirish masalalari muhokama qilindi.

Uchrashuvda «China Energy Engineering Corporation», «China Datang», «Sinoma Energy Conservation», «China Southern Power Grid», «CAMCE», «CNNC», «State Nuclear Uranium Resource Development» kompaniyalari rahbarlari, shuningdek, «The Export-Import Bank of China» va «Bank of China» vakillari qatnashdi.

Prezident Shavkat Mirziyoyev O‘zbekiston va Xitoy o‘rtasidagi hamkorlik savdo-iqtisodiy va investitsiyaviy yo‘nalishlarda jadal rivojlanayotganini mamnuniyat bilan...

Qozog‘iston 1-iyuldan boshlab ayrim davlatlardan pomidor importini vaqtincha cheklashni rejalashtirmoqda. Bu haqda East-Fruit nashri xabar berdi.

Qaror Yevrosiyo iqtisodiy ittifoqiga a’zo bo‘lmagan mamlakatlardan olib kiriladigan yangi va sovitilgan pomidorlarga tegishli bo‘ladi.

Rasmiy ma’lumotlarga ko‘ra, cheklov barcha transport turlari orqali amalga oshiriladigan yetkazib berishlarga tatbiq etiladi. Shu bilan birga, YOII davlatlaridan import hamda Qozog‘iston hududi orqali tranzit tashuvlar ushbu taqiqdan mustasno bo‘ladi.

Tegishli tashabbus 5-iyun kuni o‘tkazilgan idoralararo komissiya yig‘ilishida ma’qullangan. Shundan so‘ng Qishloq xo‘jaligi vazirligi import tartiblarini belgilovchi hujjat loyihasini tayyorlagan.

Avvalroq «Kursiv» nashri O‘zbekistonda yiliga bitta avtomobil import qilish cheklovi bekor qilingani haqida yozgandi.

O‘zbekiston Respublikasi Istiqbolli loyihalar milliy agentligi (ILMA) «Agat Credit» MMT AJ hamda «Freedom Finance» MCHJ XKni kapital bozori sohasida «Tartibga solish qumdoni» maxsus huquqiy rejimi ishtirokchilari sifatida ro‘yxatdan o‘tkazdi.

«Agat Credit» MMT AJ korporativ obligatsiyalar emitentlari faoliyati bo‘yicha mazkur rejim ishtirokchisi sifatida ro‘yxatdan o‘tdi. Kompaniya O‘zbekistonda ushbu maqomga ega bo‘lgan birinchi emitent bo‘ldi.

«Tartibga solish qumdoni» doirasida «Agat Credit» mamlakat ichki fond bozorida xorijiy valyutada nominallashtirilgan korporativ obligatsiyalarni chiqarishni amalga oshiradi. Bu O‘zbekiston kapital bozori uchun yangi moliyaviy vosita hisoblanadi. Chunki shu paytgacha «Toshkent» Respublika fond birjasida korporativ obligatsiyalar faqat milliy valyutada joylashtirilgan.

Ushbu obligatsiyalar chakana va institutsional investorlar...

Toshkent xalqaro investitsiya forumi doirasida Markaziy Osiyodagi birinchi lyuks poyezd – «Samarkand Express» loyihasini muvofiqlashtirish bo‘yicha uch tomonlama hadli bitim imzolandi. Bu haqda Madaniyat va san’atni rivojlantirish jamg’armasi ma’lum qildi.

Hujjatni «Arsenale International» bosh direktori Raffael Breski, O‘zbekiston Madaniyat va san’atni rivojlantirish jamg‘armasi raisi Gayane Umerova hamda «O‘zbekiston temir yo‘llari» AJ boshqaruvi raisining birinchi o‘rinbosari Hikmatulla Raxmetov imzoladi.

Bitim «Samarkand Express» loyihasini muvofiqlashtirish va amalga oshirish mexanizmlarini belgilab beradi. Loyiha O‘zbekistonning madaniy va turizm salohiyatini rivojlantirishga qaratilgan.

Yangi hashamatli poyezd Toshkent, Samarqand, Buxoro va Xiva shaharlarini bog‘laydi. Mazkur yo‘nalish xalqaro sayyohlarga O‘zbekistonning tarixiy merosi hamda Buyuk Ipak yo‘li...