Yangiliklar

Samsung AQSh bozorida yangi Galaxy Z TriFold smartfoni sotuvga chiqarilishini e’lon qildi. Bu haqda kompaniya rasmiy sahifasida ma’lum qildi.

Uch buklamali smartfon 30-yanvardan boshlab savdoga chiqadi va uning narxi $2 899 etib belgilangan. Bu ko‘rsatkich uni AQShdagi eng qimmat smartfonga aylantiradi.

Galaxy Z TriFold ikki marta buklanadigan ekran bilan jihozlangan bo‘lib, to‘liq ochilganda 10 dyuymli displeyni taqdim etadi. Bu hozirgacha Galaxy liniyasidagi eng katta ekran hisoblanadi. Qurilmaning eng yupqa qismi atigi 3,9 millimetrni tashkil etadi.

Samsung ma’lumotiga ko‘ra, smartfon konstruksiyasi 200 ming martagacha buklashga chidamli qilib ishlab chiqilgan. AQSh bozorida model faqat qora rangda va 512 GB ichki xotira...

«Yangi bank»da omonati bo‘lgan fuqarolarga kompensatsiya to‘lash bilan «Biznesni rivojlantirish banki» shug‘ullanadi. Bu haqda Omonatlarni kafolatlash agentligi ma’lum qildi.

Agentlikning bildirishicha, kompensatsiya pullari omonatchilar ro‘yxati asosida va shaxsni tasdiqlash tartibi orqali beriladi. Kompensatsiyani olish uchun fuqarolardan hech qanday qo‘shimcha to‘lov olinmaydi.

Jismoniy shaxslar kompensatsiya mablag‘larini bir necha yo‘l bilan olishlari mumkin. Ular «BRB» mobil ilovasi orqali pulni onlayn tarzda boshqa bank kartasiga o‘tkazishlari mumkin. Shuningdek, bank xizmatlari markazlariga borib, naqd pul shaklida ham olish imkoniyati mavjud.

Yakka tartibdagi tadbirkorlar va yuridik shaxslarga kompensatsiya to‘lovlari «Biznesni rivojlantirish banki»ning barcha bank xizmatlari markazlari orqali amalga oshiriladi. Ular bankda hisob ochish yoki...

Telekommunikatsiya xizmatlarini ko‘rsatish tartibi takomillashtirilib, fuqarolar uchun qulayliklarni oshirishga qaratilgan yangi o‘zgarishlar joriy etildi. Bu haqda Adliya vazirligi ma’lum qildi.

Yangi hujjatga muvofiq, mobil aloqa abonentlarining shaxsiy hisobidagi mablag‘ xizmatdan foydalanishni davom ettirish uchun yetarli bo‘lmaganda, mobil operator va abonent o‘rtasidagi shartnomani bekor qilish muddati 2 oydan 1 yilgacha uzaytirildi.

Shuningdek, abonentlar amaldagi tarif rejasini boshqa tarif rejasiga bepul almashtirish huquqiga ega bo‘ladi. Faqat muayyan guruhlar yoki cheklangan hududlar uchun mo‘ljallangan maxsus tarif rejalari bundan mustasno.

Tarif shartlari o‘zgartirilgan taqdirda operatorlar abonentlarni kamida 15 kun oldin ommaviy axborot vositalari, rasmiy veb-sayt yoki SMS xabarnomalar orqali xabardor qilishi shart.

Haj va Umraga borish tartibi raqamlashtirilib, endi yagona portal orqali ro‘yxatdan o‘tish majburiy etib belgilandi. Bu Vazirlar Mahkamasining qarori bilan tasdiqlandi.

Mazkur hujjat asosida «Haj va Umra yagona portali» ishga tushirildi. Endilikda muqaddas ziyoratga borishni istagan barcha fuqarolar ushbu portal orqali ro‘yxatdan o‘tishi shart bo‘ladi.

Qarorga ko‘ra, yangi tartib 2026-yil 1-fevraldan boshlab haj, 1-maydan esa umra safarlari uchun amal qiladi. Ziyoratchilar haqidagi ma’lumotlar portalga kiritilmasdan turib, safarlarni tashkil etishga ruxsat berilmaydi.

Eslatib o‘tamiz, 2025-yilning oktabr oyida O‘zbekistonda «Haj va Umra yagona portali» ishga tushgan edi.

Endilikda mobil aloqa operatorlari abonent roziligisiz dastlab bepul bo‘lgan xizmatlarni pullik qilishga haqli emas. Bu haqda Telekommunikatsiya xizmatlarini ko‘rsatish bo‘yicha yangi qoidalarda keltirildi.

Shuningdek, tarif rejasi va xizmatlar uchun mablag‘ yechish jarayonida abonent hisobini salbiy holatga, ya’ni qarzdorlikka tushirib yuborish qat’iyan taqiqlanadi.

Yangi tartibga ko‘ra, fuqarolar Prezidenti virtual qabulxonasining ishonch telefonlariga sutka davomida bepul qo‘ng‘iroq qilish imkoniyatiga ega bo‘ladi. Bundan tashqari, mobil aloqa raqamlarini ko‘chirish jarayoni ham sezilarli darajada tezlashtiriladi – avval 8 ish soati talab etilgan xizmat endilikda atigi 20 daqiqa ichida amalgа oshiriladi.

Pullik qo‘shimcha xizmatlar masalasida ham qat’iy talablar belgilanmoqda. Xizmatlar faqat abonentning aniq roziligi bilan...

2026-yil 20-martdan 25-martgacha xalqaro sayyohlik poyezdi «Jibek Joly» birinchi marta Qozog‘iston, O‘zbekiston va Tojikistonni yagona madaniy-ma’rifiy yo‘nalish doirasida bog‘laydi. Bu haqda «Qozog‘iston temir yo‘llari» AJ matbuot xizmati ma’lum qildi.

Poyezd sayohati «Buyuk Ipak yo‘li»dagi asosiy shaharlarni qamrab oladi: Olmaota – Turkiston – Samarqand – Dushanbe – Toshkent – Olmaota. Sayohat paketiga yo‘l haqi, professional gidlar bilan ekskursiya dasturi, kirish chiptalari va barcha transferlar kiritilgan.

Loyiha Navro‘z bayrami va Ramazon oyining tugashidan keyin amalga oshiriladi. Sayohat ishtirokchilari Markaziy Osiyo xalqlarining bayram an’analari, milliy urf-odatlari va musiqasi bilan tanishish imkoniga ega bo‘ladi.

Eslatib o‘tamiz, avvalroq Olmaota – Toshkent tezyurar poyezdi...

Shavkat Mirziyoyev 27-yanvar kuni «Rosatom» davlat korporatsiyasi bosh direktori Aleksey Lixachyovni qabul qildi. Bu haqda davlat rahbari matbuot xizmati ma’lum qildi.

Uchrashuvda mamlakatimizda integratsiyalashgan atom elektr stansiyasini qurish loyihasini amalga oshirishning amaliy jihatlari va atom energiyasidan tinchlik maqsadlarida foydalanish bo‘yicha hamkorlikni kengaytirish masalalari muhokama qilindi.

O‘tgan yilning oktabrida birinchi kam quvvatli reaktor binosi uchun poydevor qo‘yish ishlari boshlanganligi qayd etildi. Elektr stansiyani loyihalashtirish ishlari davom etmoqda. Shu bilan birga, Toshkentdagi «MMFI» milliy tadqiqot yadro universiteti filialida atom energetikasi va yadro texnologiyalari bo‘yicha ilg‘or muhandislik maktabi ishga tushirildi.

Uchrashuv davomida qishloq xo‘jaligi va tibbiyotda yadro texnologiyalarini qo‘llash, sohada...

General Motors 2027-yilgi Chevrolet Bolt elektromobilini ishlab chiqarishni 2027-yil o‘rtalarida yakunlaydi. Kompaniya Kansas shtatidagi Fairfax zavodida 2025-yil noyabrda qayta boshlangan ishlab chiqarishni atigi 18 oy davom ettirib, ichki yonuv dvigatelli (ICE) SUV modellarga ustuvorlik berishni rejalashtirmoqda. Qaror AQShda bojlar oshishi va siyosiy yo‘nalishlar o‘zgarishi fonida qabul qilindi.

GM ma’lumotiga ko‘ra, Bolt’ning cheklangan seriyasi Chevrolet Equinox va yangi avlod Buick Envision kabi benzinli modellarga joy bo‘shatadi. Trump ma’muriyati davrida elektromobillar uchun $7,5 ming miqdoridagi federal soliq imtiyozining bekor qilinishi talabni susaytirdi, Meksika va Xitoydan import qilinadigan avtomobillarga yuqori bojlar esa ishlab chiqarishni AQShga qaytarishni tezlashtirdi. Yoqilg‘i tejamkorligi bo‘yicha...

Xalqaro futbol tarixi va statistikasi federatsiyasi (IFFHS) 2025-yil uchun OFK (AFC) ramziy terma jamoasini e’lon qildi.

Ushbu ro‘yxatda O‘zbekiston milliy terma jamoasi va «Manchester Siti» klubi himoyachisi Abduqodir Husanov ham o‘z o‘rnini topdi.

2025-yil Husanov uchun katta muvaffaqiyatlar yili bo‘ldi. U «Lans» klubidan «Manchester Siti»ga o‘tgach Angliya Premer-ligasida o‘ynagan ilk o‘zbek futbolchisi sifatida tarixga kirdi. Shu yilning iyun oyida esa milliy terma jamoa bilan birga Jahon chempionatiga yo‘llanmani qo‘lga kiritdi.

Shuningdek, Goalpost nashri Abduqodir Husanovni 2025-yilning Osiyodagi eng yaxshi yosh futbolchisi deb topgandi.

Avvalroq Kursiv Uzbekistan 24-yanvar kuni Angliya Premyer-ligasining 23-turi doirasida «Manchester Siti» o‘z maydonida «Vulverhempton» ustidan...

O‘zbekistonning Polshadagi elchixonasi va «Varsovia» universiteti o‘rtasida Andijon filialini rivojlantirish bo‘yicha hamkorlik masalalari muhokama qilindi. Bu haqda «Dunyo» AA ma’lum qildi.

Muloqot davomida universitet 2026–2028-yillar davomida Andijon viloyatidagi filial faoliyatini rivojlantirishga jami $2,35 mln miqdorida investitsiya kiritishni rejalashtirayotgani ma’lum qilindi.

Mazkur mablag‘lar moddiy-texnik bazani mustahkamlash, o‘quv infratuzilmasini yaxshilash, filial ustav kapitalini oshirish va litsenziya talablariga rioya etishni ta’minlashga yo‘naltiriladi.

Ma’lumot uchun, Polshaning «Varsovia» Biznes va amaliy fanlar universiteti Varshava shahrida joylashgan xususiy oliy ta’lim muassasasi bo‘lib, u biznes va amaliy fanlar bo‘yicha bakalavr va magistratura dasturlarini olib boradi. Universitet Polsha, Slovakiya, Chexiya va O‘zbekistonda filiallarga ega.

Eslatib...

Volkswagen kompaniyasi Xitoy bozorida yangi Sagitar S sedanini taqdim etdi. Bu haqda ITHome nashri ma’lum qildi.

Ushbu model Volkswagen Jetta o‘lchamidagi analog bo‘lib, yangi kuzov va salon dizayni bilan ajralib turadi.

Yangi sedan o‘lchamlari 4702 × 1815 × 1484 mm, g‘ildirak bazasi esa 2688 mm ni tashkil etadi. Sagitar L modeli bilan solishtirganda, yangi S modeli 110 mm qisqaroq va o‘qlar orasidagi masofa 43 mm ga kamaygan.

Sagitar S saloni ikki rangli dizaynga ega. Media tizim 12,9 dyuymli ekran bilan jihozlangan, raqamli asboblar paneli esa 10 dyuymli ekran orqali ko‘rinadi. Shuningdek, ko‘p funksiyali rul va 30 rangli fon...

Rossiyadagi neft narxlarining keskin pasayishi eng yirik xususiy neft kompaniyasi «Lukoyl»ni hukumatdan yordam so‘rashga majbur qildi. Kompaniya Energetika vazirligidan soliqlar tartibini o‘zgartirishni va federal budjetdan to‘lovlar olish imkoniyatini beruvchi chora-tadbirlarni joriy qilishni so‘ramoqda, deya xabar berdi «Izvestiya».

Ma’lumotlarga ko‘ra, 2018-yilda joriy etilgan demfer mexanizmi formulasi o‘zgartirilishi lozim. Bu mexanizm benzin narxlarini barqarorlashtirish uchun ishlab chiqilgan. Ammo Rossiya neftiga berilayotgan chegirmalar $20/barreldan oshgani sababli, neft kompaniyalari dekabr oyida byudjetga 13 milliard rubl to‘lashga majbur bo‘ladi. «Lukoyl» esa soliqqa tortiladigan chegirmalarni $10–15/barrel darajasida cheklashni taklif qilmoqda, shunda kompaniyalar byudjetdan mablag‘ olish imkoniyatiga ega bo‘ladi.

Neft sanoati Urals nefti va Brent narxi...

Rossiyaning Perm shahrida Russo-Balt nomli yangi elektromobil taqdim etildi. Tesla Cybertruck dizaynini eslatuvchi ushbu transport vositasining narxi $67 mingdan boshlanadi.

Yaqinda eski brend huquqini sotib olgan «Russo-Balt» MCHJ ma’lumotlariga ko‘ra, yangi elektromobil o‘lchami jihatidan GAZel’ga teng bo‘lib, «B» toifasidagi haydovchilik guvohnomasi bilan boshqarish mumkin. Mashina yuk ko‘tarish qobiliyati 1000 kg bo‘lgan ko‘taruvchi kuzovga ega. Ishlab chiqarish jarayoni to‘liq Permda tashkil etiladi va kuzov shtamplashsiz, qo‘lda payvandlash usuli orqali yig‘iladi.

Texnik xususiyatlarga ko‘ra, elektromobil oldi tortuvchi bo‘lib, 200 ot kuchiga ega dvigatel va 115 kVt/soat sig‘imli batareya bilan jihozlangan. Bir marta to‘liq quvvatlanishda 400 km masofani bosib o‘tish mumkinligi aytilmoqda...

Ichki ishlar vazirining sobiq o‘rinbosari Bekmurod Abdullayev va Jazoni ijro etish departamenti sobiq boshlig‘i Rustam Tursunov nimada ayblanayotgani ochiqlandi. Bu haqda 27-yanvar kuni prezident raisligidagi yig‘ilishda ma’lum qilindi.

Davlat rahbari yaqinda prezident administratsiyasi va davlat idoralarida komplayens va korrupsiyaga qarshi ichki nazorat tizimi yo‘lga qo‘yilganini aytib o‘tdi. Qisqa muddatda budjetga tushum, talon-toroj, moliyaviy kamchiliklar bo‘yicha 53 trillion so‘m va tashqi savdo operatsiyada $8 milliarddan ortiq qarzdorlik aniqlangani o‘ta ayanchli holat ekani qayd etildi.

Shuningdek, korrupsiyaviy sxemalar bo‘yicha 4,2 trillion so‘m zarar aniqlanib, 1,3 trillion so‘mi undirildi, 55 kishi qamoqqa olindi. Masalan, Ichki ishlar vazirligi tizimida davlat xaridlarida...

Qirg‘iziston Rossiyaga qarshi Yevrosiyo iqtisodiy ittifoqi sudiga rasmiy da’vo arizasi topshirdi. Bu haqda 27-yanvar kuni Qirg‘iziston parlamenti qo‘mita yig‘ilishida ma’lum qilindi.

Masala Jogorku Keneshning mehnat, sog‘liqni saqlash, xotin-qizlar va ijtimoiy masalalar bo‘yicha qo‘mitasida muhokama qilingan. Yig‘ilishda deputat Gulnara Baatyrova Qirg‘izistondan Rossiyada ishlayotgan mehnat migrantlari masalasini ko‘tardi. Uning aytishicha, migrantlar va ularning oila a’zolariga tibbiy sug‘urta polislari berilishi amalda ta’minlanmayapti.

Qirg‘iziston Majburiy tibbiy sug‘urta fondi rahbari Azamat Mukanov Rossiya tomoni YEOII doirasidagi majburiyatlarni bajarmayotganini bildirdi. Uning so‘zlariga ko‘ra, kelishuvlarga asosan Rossiyada ishlayotgan fuqarolarning oila a’zolari ham majburiy tibbiy sug‘urta polisiga ega bo‘lishi kerak.

Bu kelishuv YOIIga a’zo besh davlat tomonidan...

27-yanvar kuni prezident raisligidagi yig‘ilishda hozirda «O‘zbekneftgaz» AJda katta taftish ketayotgani, milliard-milliard so‘mlik talon-torojliklar aniqlangani aytildi. Bu haqda prezident matbuot kotibi Sherzod Asadov ma’lum qildi.

Davlat xavfsizlik xizmati raisiga «O‘zbekneftgaz» AJ bo‘yicha mas’ul xodimlarning javobgarligini ko‘rib chiqish topshirildi. Ehtiyot chorasi sifatida tashkilot boshqaruvi sobiq raisi Bahodir Siddiqov qamoqqa olingan. U davlat mablag‘larini talon-toroj qilish va boshqa korrupsiyaviy jinoyatlarda gumon qilinmoqda.

Ma’lumot uchun, o‘tgan yilning dekabr oyi o‘rtalarida avvaliga O‘zbekiston prezidentining energetik xavfsizlik bo‘yicha vakili Alisher Sultonov, keyin esa «O‘zbekneftgaz» AJ rahbari Bahodir Siddiqov ishdan olingandi.

Sultonov 2013 – 2015-yillarda «O‘zbekneftgaz» raisi o‘rinbosari, 2015 – 2018-yillarda...

Microsoft kompaniyasi katta til modellarini ishga tushirishga ixtisoslashgan o‘zining ikkinchi avlod Maia 200 protsessorlarini e’lon qildi. Bu haqda kompaniya rasmiy sayti xabar berdi.

Yangi protsessor TSMCning 3 nm texnologik jarayoni asosida ishlab chiqarilgan bo‘lib, 140 mlrddan ortiq tranzistorni o‘z ichiga oladi. Maia 200 o‘tkazish qobiliyati 7 TB/s bo‘lgan 216 GB hajmdagi HBM3e xotirasi bilan jihozlangan. Ushbu texnik ko‘rsatkichlar sun’iy intellekt vazifalarini bajarishda samaradorlikni 30 foizga oshirish imkonini beradi.

Sinov natijalariga ko‘ra, Maia 200 Amazon va Google kabi raqobatchilarning yechimlaridan ustunlik qilgan. Bu ustunlik, asosan FP4 va FP8 formatidagi hisob-kitoblarda kuzatilgan. Mazkur «siqilgan» hisoblash standartlari neyron tarmoqlarni aniqlikni saqlagan holda...

Chery kompaniyasi 27-yanvarda ilk to‘liq elektr pikapi — Hilma EVni rasman bozorga chiqardi. Bu haqda CarNewsChina xabar bermoqda. Model Toyota Hilux’ga raqib sifatida pozitsiyalanmoqda.

Hilma olti xil komplektatsiyada taklif qilinadi. Narxlar $18,3 mingdan $22,7 minggacha belgilandi. Pikap ramali konstruksiyaga ega va orqa yetakchi hamda to‘liq yetakchi variantlarda sotiladi.

Avtomobil tashqi ko‘rinishda yirik radiator panjarasi va RELY logotipi bilan ajralib turadi. Kuzov standart va cho‘zilgan kuzov variantlarida taqdim etilgan. Yuk bo‘limi chuqurligi 1 530 mm yoki 1 810 mmni tashkil qiladi.

Salonida 15,6 dyuymli yoki 12,3 dyuymli markaziy ekran o‘rnatilgan. Yuqori to‘plamlarda adaptiv kruiz, qatorda harakatni ushlab turish va favqulodda...

TIV Rossiyaning O‘zbekistondagi elchisi Aleksey Yerxov bilan Rossiyadagi migratsiya reydlarini muhokama qildi. Joriy yilning 26-yanvar kuni O‘zbekiston tashqi ishlar vaziri o‘rinbosari Olimjon Abdullayev Rossiya tomoni bilan uchrashdi.

Unda O‘zbekistonning Rossiya hududlarida faoliyat yuritayotgan bosh konsullari ham qatnashib, joylardagi real holat va amaliy tajribalar asosida masalalar ko‘rib chiqildi. Rossiya tomonidan esa konsullik bo‘limi, migratsiya uchun mas’ul xodimlar va huquqni muhofaza qiluvchi organlar vakillari ishtirok etdi.

O‘zbekiston tomoni migratsiya tekshiruvlari va reydlar vaqtida fuqarolarning qonunga amal qilayotgan bo‘ladimi yoki migratsiya qoidalarini buzgan bo‘ladimi, huquqlari va insoniy qadr-qimmatini kamsitishga yo‘l qo‘yilmasligi prinsipial ahamiyatga ega ekanini alohida urg‘uladi.

Tomonlar Rossiyada O‘zbekiston fuqarolari uchun...

2025-yil global valyuta bozori uchun burilish nuqtasi bo‘ldi: uzoq vaqt hukmronlik qilganidan so‘ng, AQSh dollari sezilarli darajada qiymatini yo‘qotdi va boshqa mintaqaviy valyutalar yetakchilik qildi. Bu haqda Visual Capitalist ma’lumotlarida keltirilgan.

Unga ko‘ra, AQSh iqtisodiyotining sekinlashishi fonida dollarning zaiflashishi yevro, Meksika pesosi va Janubiy Afrika rendining mustahkamlanishi uchun imkoniyatlar eshigini ochdi.

Dollarning pasayishi va mintaqaviy yetakchilarning o‘sishi

2025-yil uchun asosiy tendensiya AQSh dollarining keskin zaiflashishi bo‘ldi. Valyuta asosiy global valyutalar savatiga nisbatan o‘z qiymatining 9,1 foizini yo‘qotdi. Tahlilchilar buni AQSh iqtisodiyotining sovishi va investorlarning foiz stavkalarining pasayishiga bo‘lgan umidlari bilan bog‘laydi, bu esa dollardagi aktivlarning jozibadorligini kamaytirdi.

Shu...

Meta kompaniyasi o‘z ilovalarida yangi obuna xizmatlarini joriy etishni rejalashtirmoqda. Bu haqda TechCrunch nashri ma’lum qildi.

Kelgusi oylar davomida Instagram, Facebook va WhatsApp’da foydalanuvchilarga premium tajriba taklif qilinadi. Har bir ilovaga alohida obuna va o‘ziga xos eksklyuziv funksiyalar berilishi rejalashtirilgan. Ushbu obunalar foydalanuvchilarga eksklyuziv funksiyalar, kengaytirilgan SI imkoniyatlari hamda ko‘proq ijodiy imkoniyatlarni taqdim etadi.

Meta yaqinda $2 milliardga sotib olgan Manus sun’iy intellekt agentini obuna rejalariga integratsiya qiladi. Manus Meta mahsulotlariga qo‘shilib, shuningdek, bizneslar uchun mustaqil obunalar sifatida ham sotiladi.

Meta AI ilovasi doirasida foydalanuvchilar Vibes nomli sun’iy intellekt yordamida qisqa videolar yaratish funksiyasidan foydalanishlari...

27-yanvar kuni Titan Airways aviakompaniyasining maxsus charter reysi Toshkent xalqaro aeroportiga kelib qo‘ndi. Havo kemasida futbol bo‘yicha Jahon chempionatining asl oltindan yasalgan kubogi hamda italiyalik futbol afsonasi Marco Materazzi yetib keldi.

Samolyot bortidagi og‘irligi 6 kg.dan ortiq bo‘lgan sof oltin kubokka 2006-yilgi jahon chempioni Marco Materazzi hamda maxsus xavfsizlik xizmati xodimlari hamrohlik qilmoqda. Havo kemasi Coca-Cola kompaniyasi bilan hamkorlikda brendlashtirilgan bo‘lib, unda «The Original Trophy Is Here» («Asl kubok shu yerda») yozuvi tushirilgan.

Mazkur tashrif FIFA Jahon chempionati kubogining rasmiy sayohati doirasida amalga oshirilmoqda. 2026-yil 3-yanvar kuni Saudiya Arabistonining Ar-Riyod shahridan start olgan tur jami 75 ta manzilni qamrab...

iQOO kompaniyasi iQOO 15R smartfoni Hindistonda 24-fevral kuni rasman taqdim etilishini ma’lum qildi. Bu haqda kompaniya X sahifasida e’lon berdi.

Hozircha qurilmaning barcha texnik tafsilotlari ochiqlanmagan. Biroq iQOO 15R Snapdragon 8 Gen 5 protsessori bilan jihozlanishi tasdiqlandi. Smartfon Android 16 asosidagi OriginOS operatsion tizimida ishlaydi va ikkita orqa kameraga ega bo‘ladi.

Amazon India’dagi ma’lumotlarga ko‘ra, iQOO 15R narxi 55 ming hind rupiyasidan (taxminan $599) oshmaydi. Bu esa uni yuqori imkoniyatli, ammo nisbatan arzon flagman sifatida ko‘rsatmoqda.

Ma’lumotlarga qaraganda, iQOO 15R aslida Xitoyda taqdim etilgan iQOO Z11 Turbo modelining qayta nomlangan talqini bo‘lishi mumkin.

Kutilayotgan texnik xususiyatlar orasida 6,59 dyuymli...

O‘zbekistonda mavjud kiberjinoyat turlari 62 taga yetdi. Shaxsiy ma’lumotlarni o‘g‘irlash, sun’iy intellekt orqali ovoz va yuzni soxtalashtirish hamda zararli fayllarni tarqatish holatlari avj olmoqda.

Ichki ishlar vazirligida kiberjinoyatchilik bo‘yicha alohida departament tashkil etiladi. Mazkur yo‘nalishga vazirning shaxsan o‘zi mas’ul bo‘lishi belgilandi. Adliya vazirligida esa kiberjinoyatchilik va raqamli huquq bo‘yicha alohida boshqarma ochiladi.

Profilaktika inspektorlari bilan o‘tkazilgan suhbatlarda ularning moddiy va ijtimoiy muammolari yig‘ilib qolgani aniqlangan. Shu sabab, ularni qo‘llab-quvvatlash va jamiyatdagi obro‘sini oshirish bo‘yicha yangi choralar belgilandi.

Joriy yil 1-iyuldan poytaxtdagi profilaktika xodimlariga ushbu sohadagi ko‘p yillik staji uchun 5 mln so‘mgacha oylik ustama to‘lanadi. 1-fevraldan yuridik oliygohni bitirib...