Yangiliklar

O‘zbekistonda avtomobil bozori oktabr oyida sezilarli yuqorilab, 112,5 ming dona transport vositasi sotildi. Bu haqda Iqtisodiy tadqiqotlar va islohotlar markazi xabar bermoqda. Ushbu ko‘rsatkich sentabrga nisbatan 11 foizga yuqori.

Yengil avtomobillar savdosi sezilarli oshdi

Birlamchi va ikkilamchi bozorlarni birlashtirgan yengil avtomobillar segmenti oy davomida 12,7 foizga ko‘tarilib, 95,4 ming donaga yetdi. Eng faol o‘sish Namangan, Jizzax va Buxoro viloyatlarida qayd etilib, bu hududlarda savdolar 20 foizdan ko‘proqqa oshgan. Samarqand viloyati va Qoraqalpog‘iston Respublikasida savdo faolligi biroz pasaygan.

Birlamchi bozor: mahalliy avtomobillar yetakchilik qildi

Oktabr oyida birlamchi bozor 19 foizlik o‘sishni qayd etdi. Bu qo‘shimcha 6 ming dona...

AQShning Kanzas shtatida 31 yoshli O‘zbekiston fuqarosi Axror Bozorov hibsga olindi. U O‘zbekistonda terrorchilik tashkilotiga aloqadorlik va jihodga da’vat qiluvchi onlayn-materiallar tarqatishda ayblangan.

Bozorovga nisbatan 2022-yilda xalqaro qidiruv e’lon qilingan. AQSh Immigratsiya va bojxona nazorati (ICE) xodimlari uni 9-noyabr kuni Kan­zasda qo‘lga olgan. Bozorov u yerda yuk mashinasi haydovchisi bo‘lib ishlagan.

AQSh rasmiylariga ko‘ra, Bozorov 2023-yil fevralida mamlakat chegarasini noqonuniy kesib o‘tgan. U chegarada ushlangan, biroq keyinchalik qo‘yib yuborilgan. 2024-yilda unga AQShda ishlashga ruxsat berilgan, shu yilning o‘zida Pensilvaniyada tijorat haydovchilik guvohnomasi ham olgan.

Hozirda AQSh rasmiylari uni immigratsiya qonunbuzarligi bo‘yicha javobgarlikka tortmoqda.

Avvalroq Kursiv Uzbekistan AQShda bir...

Raqobat qo‘mitasi mobil aloqa operatorlarining xizmat narxlarini oshirishi yuzasidan o‘rganishlar boshlanganini ma’lum qildi.

Qo‘mita narx oshirishining asosli sabablarini aniqlash uchun joriy yilning noyabr oyi boshida operatorlarga rasmiy so‘rovlar yuborgan. Hozirda ular xizmat sifati va qamrovni kengaytirish bo‘yicha qilinayotgan xarajatlarning narxlarga ta’siri haqida taqdim etgan ma’lumotlar ko‘rib chiqilmoqda.

Agar o‘rganishlar davomida operatorlar tomonidan raqobatga zid yoki kelishilgan harakatlar aniqlansa, belgilangan tartibda tekshiruv o‘tkaziladi. Shuningdek, qonunbuzarliklar tasdiqlangan taqdirda qonunchilikka muvofiq qat’iy choralar ko‘riladi.

Avvalroq Senat yig‘ilishida mobil aloqa operatorlari tomonidan abonentlarning roziligisiz pullik SMS va xizmatlarga avtomatik ulash holatlari ko‘payayotgani muhokama qilingandi. 

Unga ko‘ra, 2025-yil 1-yanvar holatida mamlakatda 36 milliondan ortiq...

O‘zbekiston va Osiyo taraqqiyot banki (OTB)ning qo‘shma loyihalar portfeli 15 mlrd dollardan oshdi. Bu haqda Shavkat Mirziyoyev va bank prezidenti Masato Kando uchrashuvida qayd etildi.

Uchrashuvda ijtimoiy-iqtisodiy islohotlar doirasidagi hamkorlikni kengaytirish masalalari muhokama qilindi. O‘zbekiston va OTB o‘rtasidagi hamkorlik yuqori darajada ekani qayd etildi.

O‘zbekiston bankning mintaqadagi eng yirik hamkori bo‘lib qolmoqda. Bundan tashqari, yashil energetika, transport, raqamli transformatsiya va ta’lim yo‘nalishlarida qiymati 3 mlrd dollardan ortiq yangi loyihalar ishlab chiqilmoqda. Suveren bo‘lmagan moliyalashtirish mexanizmlari faol joriy etilayotgani ta’kidlandi.

Shuningdek, OTB Boshqaruvchilar kengashining 2026-yil may oyida Samarqandda o‘tadigan yillik yig‘ilishiga tayyorgarlik alohida muhokama qilingan.

Mirziyoyev mazkur tadbir doirasida Kengaytirilgan...

19-noyabr uchun valyuta kurslari e’lon qilindi. Shu kun uchun AQSh valyutasi 11 940,70 so‘m (-69,22 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

11-noyabr kuni dollar 12 014,94 so‘mga (-45,33 so‘m), 12-noyabr kuni 11 990,00 so‘mga (-24,94 so‘m), 13-noyabr kuni esa 11 972,35 so‘mga (-17,65 so‘m) tenglashdi. 14-noyabr kuni 11 985,10 so‘m (+12,75 so‘m), 17-noyabr uchun 12 039,61 so‘m (+54,51 so‘m), 18-noyabr kuni 12 009,92 so‘m (-29,69 so‘m) esa etib belgilandi.

Markaziy bank ma’lumotlariga ko‘ra, yevro 94,64 so‘mga tushib, 13 839,27 so‘mni, rubl esa 0,4 so‘mga tushib, 147,40 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan...

Pokiston davlat banki (NBP) O‘zbekistonda o‘z filialini ochishni rejalashtirmoqda. Bu haqda The Express Tribune xabar berdi.

Ushbu filial orqali ikki davlat o‘rtasidagi hisob-kitoblar va moliyaviy operatsiyalarni soddalashtirishga erishish kutilmoqda. Mazkur masala Pokiston–O‘zbekiston hamkorligiga bag‘ishlangan sakkizinchi sessiya davomida muhokama qilindi.

Shuningdek, uchrashuvda savdo sohasidagi to‘siqlarni bartaraf etish uchun banklararo hamkorlikni kuchaytirish bo‘yicha kelishuvga erishildi. Pokiston ikki tomonlama yillik savdo hajmini $2 milliardga yetkazish bo‘yicha sa’y-harakatlarni jadallashtirmoqda.

Qabul qilingan boshqa qarorlar qatorida Karachi va O‘zbekiston shaharlarini bog‘lovchi to‘g‘ridan to‘g‘ri aviaqatnovlarni yo‘lga qo‘yish ham bor. Bundan tashqari, tomonlar Pokistondan keladigan dori vositalarini sertifikatlash jarayonini tezlashtirish uchun qo‘shma ishchi guruh tuzishga...

Toyota kompaniyasi mashinalarining to‘liq yangilanish muddatini 9 yilga uzaytirdi. Bu haqda Carcoops xabar bermoqda.

Avval bu muddat 4–5 yil bo‘lgan, keyinchalik 7 yilgacha cho‘zilgan edi. Toyota tashqi dizayn va platformani tez-tez almashtirishdan ko‘ra, avtomobil ichidagi dasturiy ta’minotni muntazam va katta hajmda yangilashga e’tibor qaratadi.

Nikkei xabariga ko‘ra, yangi yondashuv so‘nggi avlod Camry modelida allaqachon namoyon bo‘ldi. Model avvalgidek to‘liq avlod almashinuvi emas, balki chuqur restayling oldi. Toyota fikricha, temirdan ko‘ra dasturiy imkoniyatlar muhimroq bo‘lib bormoqda.

Yangi tizim orqali kompaniya avtomobillarga yangi funksiyalar, haydovchiga yordam beruvchi tizimlar va hatto obuna orqali ishlaydigan xizmatlarni davomli ravishda qo‘shib boradi. Bu esa...

Maxsus iqtisodiy va sanoat zonalar direksiyalarini sud da’volarida davlat bojidan ozod qilish taklif etilmoqda. Bu haqdagi qonun loyihasi Oliy Majlis Qonunchilik palatasining navbatdagi majlisida ko‘rib chiqildi.

Majlisda xo‘jalik yurituvchi subyektlar majburiyatlarni bajarmasligi va yerdan samarasiz yoki noqonuniy foydalanish holatlari hamon mavjudligi qayd etildi. Amaldagi qonunchilikka ko‘ra, maxsus iqtisodiy va sanoat zonalari direksiyalari bu haqda sudga da’vo arizasi kiritganda davlat bojini to‘lashga majbur.

Yangi qonun loyihasiga ko‘ra, maxsus iqtisodiy va sanoat zonalari direksiyalari investitsiya bitimi bo‘yicha majburiyatlarni bajarmagan tadbirkorlarning yer uchastkalaridan foydalanish huquqini bekor qilish bo‘yicha sudga da’vo arizalarini topshirishda davlat bojini to‘lashdan ozod etiladi.

Deputatlar mazkur qonun loyihasini...

O‘zbekiston terma jamoasi va Eronning «Persepolis» klubi yarimhimoyachisi Oston O‘runovga Italiya grandlaridan biri «Yuventus» jiddiy qiziqish bildirdi. Bu haqda mahalliy va xorijiy nashrlar xabar bermoqda.

Sports.uz ma’lumotiga ko‘ra, «Yuventus» sport direktori Marko Ottolini O‘runov masalasini O‘zbekiston terma jamoasi bosh murabbiyi Fabio Kannavaro bilan muhokama qilgan. 25 yoshli futbolchi hozirda Tehronning «Persepolis» klubida faoliyat yuritmoqda.

«Al Ain International Cup» xalqaro o‘rtoqlik turnirida O‘zbekiston terma jamoasi Misrni 2:0 hisobida mag‘lub etdi. Har ikki golga Oston O‘runov mualliflik qildi. Futbolchining aynan shu uchrashuvdagi samarali o‘yini Turin klubining e’tiborini tortgani aytilmoqda.

Avvalroq Kursiv Uzbekistan Ashurmatov Eron chempionatining 9-tur ramziy terma jamoasidan joy olgani...

OnePlus kompaniyasi tomonidan OnePlus 15R smartfoni global bozorga taqdim etilishi kutilmoqda. Gizmochina nashrining yozishicha, kompaniya rasmiy saytida «Tez kunda» degan jumla paydo bo‘lgan.

Yangi 15R global bozorda yashil va kulrang ranglarda sotiladi. Bu ranglar Xitoydagi Ace 6 modelidan farq qiladi. Smartfon birinchi bo‘lib Germaniya, Hindiston va Buyuk Britaniyada savdoga chiqadi. OnePlus hali sanani yoki narxni ochiqlamagan.

Gizmochina nashrining yozishicha, OnePlus 15R aslida Xitoyda yaqinda taqdim etilgan OnePlus Ace 6 ning xalqaro versiyasi sifatida taqdim etiladi. Qurilmada 6,83 dyuymli AMOLED ekran bo‘lib, uning yangilanish tezligi 165 Hz, aniqligi esa 1,5K’ni tashkil etadi.

Protsessor sifatida Snapdragon 8 Elite o‘rnatiladi. Asosiy kamera...

Sud qarorlarining kuchga kirish muddati 30 kundan 10 kunga qisqartirilishi mumkin. Bu haqdagi qonun loyihasi Oliy Majlis Qonunchilik palatasida ko‘rib chiqildi.

Loyihaga ko‘ra, Fuqarolik va Iqtisodiy protsessual kodekslariga soddalashtirilgan tartibda ko‘riladigan sud ishlarining bahosini oshirish bo‘yicha o‘zgartirishlar kiritiladi. Amaldagi tartibda quyidagi miqdordagi da’volar soddalashtirilgan tartibda ko‘rib chiqiladi:

Yangi loyihaga muvofiq esa bu chegaralar ancha kengaytirilmoqda:

GM kompaniyasi tomonidan AQSh bozori uchun yangi Chevrolet Blazer avtomobili taqdim etildi. Bu haqda GMAutority nashri xabar bermoqda.

Yangi Blazer’da komplektatsiyalar qayta ko‘rib chiqilgan. Xavfsizlik tizimlari kengaytirilib, dvigatel tanlovida ham o‘zgarishlar qilingan. Endi xaridorlar rasmiy onlayn konfigurator orqali mashinani o‘zlari xohlagancha jihozlab olishlari mumkin.

2026 Blazer qatori 2LT versiyasidan boshlanadi. Old g‘ildirakdan tortuvchi 2.0 L LSY turbobenzin dvigatelli versiya $36 mingdan boshlanadi. Bu o‘tgan yilgi narxdan $1 mingga arzon.

O‘rtadagi 3LT versiyasi esa $41,5 mingdan boshlanadi. 2026-yilda 3LT faqat 2.0 L LSY turbomotorda ishlab chiqariladi. Premier komplektatsiyasi ham butunlay chiqarib tashlangan. FWD konfiguratsiyali RS narxi $45 ming bo‘lib, o‘tgan...

Bugun, 18-noyabr kuni O‘zbekistonning asosiy, U-23 va U-17 terma jamoalari turli musobaqalarda o‘z o‘yinlarini o‘tkazadi. Bu haqda O‘FA xabar berdi.

Birlashgan Arab Amirliklarida davom etayotgan «Al Ain International Cup» xalqaro o‘rtoqlik turniri finalida O‘zbekiston milliy terma jamoasi Eronga qarshi saf tortadi. Uchrashuv 21:00 da «Hazza bin Zayed» stadionida start oladi. O‘zbekiston musobaqa yarim finalida Misr terma jamoasidan 2:0 hisobida ustun kelgan edi.

Qatar maydonlarida bo‘lib o‘tayotgan U-17 Jahon chempionatida Xorvatiyani penaltilar seriyasida mag‘lub etib, keyingi bosqichga yo‘l olgan U-17 terma jamoamiz musobaqaning 1/8 finalida Italiyalik tengqurlariga qarshi bahslashadi. Uchrashuv Toshkent vaqti bilan 17:30 da boshlanadi.

Shuningdek, 2026-yilning yanvar oyida...

2026-yil 1-fevraldan zilzilabardoshlik bo‘yicha ilmiy xulosa olish uchun undiriladigan to‘lov 50 foizga qisqartiriladi. Hukumat binolar va inshootlarning zilzilabardoshligini oshirish bo‘yicha yangi qaror qabul qildi.

Unga ko‘ra, 2025-yil 1-dekabrdan loyihalash jarayonida hududlarning zilzila kuchini ko‘rsatadigan akselerogramma bazalari qo‘llaniladi. Shuningdek, bir xil loyiha seriyasiga bir marta to‘lov asosida xulosa beriladi, shu turdagi qolgan loyihalar uchun alohida to‘lov olinmaydi.

2027-yil 1-oktabrgacha MSK-64 shkalasi bo‘yicha sakkiz ball va undan yuqori seysmik zonalarda maxsus himoya talab etiladigan obyektlar ro‘yxati tasdiqlanadi. Ilmiy xulosalar «Shaffof qurilish» tizimiga to‘liq integratsiya qilinadi.

Avvalroq O‘zbekistonda sun’iy intellekt yordamida zilzilalarni prognoz qilish amaliyoti joriy etilishi haqida prezident farmoni e’lon...

Emirates aviakompaniyasi so‘nggi yillarda eng yirik Boeing samolyotlari buyurtmasini e’lon qildi. Kompaniya 65 ta Boeing 777-9 samolyotini sotib olish bo‘yicha $38 milliardlik shartnoma imzoladi.

Bu bilan kompaniyaning Boeing samolyotlariga bo‘lgan umumiy buyurtma portfeli 315 taga yetdi, shundan 280 tasi 777X oilasiga tegishli. Shartnoma doirasida buyurtmalarni 777-8 yoki 777-10 modellarga aylantirish imkonini beruvchi opsion ham mavjud.

Shuningdek, GE Aerospace bilan hamkorlik kengaytirilib, 130 ta qo‘shimcha GE9X dvigateli buyurtma qilindi, bu bilan Emirates GE9X dvigatellarining eng yirik xaridoriga aylandi — jami 540 dvigatel.

Hozirgi kunda Emirates dunyoda eng yirik Boeing 777 operatori hisoblanadi: flotda 119 ta 777-300ER, 10 ta 777-200LR va...

Huawei 25-noyabr kuni o‘tkaziladigan yirik taqdimot oldidan yangi avlod buklanadigan flagmani — Mate X7 bo‘yicha ilk rasmiy ma’lumotlarni e’lon qildi. Bu haqda kompaniya rasmiy sahifasida ma’lum qildi.

Kompaniya ushbu modelni Mate 80 smartfonlari seriyasi va boshqa qurilmalar bilan birga namoyish etadi.

Mate X7 uchun tanlangan asosiy shior — «Qanchalik ko‘p ochsang, shunchalik kuchli taassurot qoldiradi». Huawei rahbari Yu Chendun taqdimotdan avval smartfonning reklama videosini ham ulashdi. Unda qurilmaning birinchi real ko‘rinishi namoyon bo‘ldi.

Shuningdek, Mate X7 quyidagi asosiy yangilanishlarga ega bo‘ladi:

2025 yilning yanvar – sentabr oylarida O‘zbekistonga jami qariyb 1,4 mln nafar chet ellik turist tashrif buyurdi. Bu haqda Milliy statistika qo‘mitasi xabar berdi.

Qo‘mita ma’lumotlariga ko‘ra, eng ko‘p sayyohlar Rossiyadan tashrif buyurgan – 270 ming kishi. Shuningdek, fuqarolari eng ko‘p tashrif buyurgan davlatlar ichida Turkmaniston – 194 ming, Qozog‘iston – 144 ming, Xitoy – 118 ming va Qirg‘iziston – 114 ming nafar sayyoh bilan yetakchi bo‘lgan.

Shu bilan birga, Hindistondan – 32 ming, Germaniyadan – 30 ming, Koreyadan – 27 ming, AQShdan – 24 ming sayyoh kelgan. Yana boshqa davlatlardan esa jami 256 ming turist O‘zbekistonga tashrif buyurgan.

AQShda Chevrolet avtosalonlari tashqi ko‘rinish jihatdan eng chiroyli deb topildi. Bu haqda GMAutority xabar bermoqda.

Pied Piper kompaniyasining 2025-yilgi Dealership Facility Consistency tadqiqotiga ko‘ra, Chevrolet yangi reytingda Honda, Toyota va Ford kabi raqiblarni ortda qoldirgan.

Tadqiqot sun’iy intellekt yordamida mamlakat bo‘ylab 18 mingdan ortiq avtosalonlar tasvirlarini tahlil qildi. SI 540 mingdan ortiq suratlarda 70 dan ziyod vizual ko‘rsatkichlarni tahlil qildi. U tashqi belgilar ko‘rinishi, hudud obodonlashtirilishi va avtomobillar tartib bilan joylashtirilishi kabi omillarni baholagan.

Pied Piper vitse-prezidenti Kemeron O‘Xagan ta’kidlashicha, yangi indeks avtomobil brendlariga avtosalonlardagi yagona uslubning qanchalik izchil bajarilayotganini aniq baholash imkonini beradi. Tadqiqot Chevrolet salonlarining 75 foizidan...

17-noyabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 32,4 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,9 foizni, yuridik shaxslar ulushi esa 23 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

O‘zbekiston Energetika vazirligi va Afg‘onistonning DABS kompaniyasi o‘rtasida elektr energiya yetkazib berish bo‘yicha shartnoma imzolandi.

Toshkentda bo‘lib o‘tgan uchrashuvda vazir Jo‘rabek Mirzamahmudov Afg‘onistonning DABS kompaniyasi bosh direktori Abdul Bori Umar boshchiligidagi delegatsiyani qabul qildi. Tomonlar suhbat chog‘ida sentabr oyida Shavkat Mirziyoyevning BMT Bosh Assambleyasidagi nutqi hamda kuni kecha Toshkentda bo‘lib o‘tgan Markaziy Osiyo davlatlari rahbarlarining yettinchi Maslahat uchrashuvidagi chiqishlarida bildirilgan tashabbuslar ikki davlat o‘rtasida hamkorlikni mustahkamlab borayotganini alohida qayd etgan.

Shuningdek, uchrashuvda Afg‘oniston hududida qurilayotgan yuqori kuchlanishli elektr uzatish tarmoqlari va podstansiyalarining joriy holati ko‘rib chiqilgan. Bu loyihalarni jadallashtirish, texnik jarayonlarni muvofiqlashtirish va elektr tarmoqlarining uzluksiz ishlashini ta’minlash masalalari...

Google Avstraliyaning Hind okeanidag Kichik Rojdestvo oroli orqali Maldiv va Oman bilan bog‘lanadigan suvosti kabel tizimini quradi. Bu haqda Reuters agentligi ma’lum qildi.

Ma’lumot uchun, oldinroq Google orolida yirik sun’iy intellekt ma’lumotlar markazi qurish rejasini e’lon qilgan edi. Markaz orol aeroporti yaqinida joylashadi va energiya ta’minoti uchun mahalliy kon kompaniyasi bilan kelishuv amalga oshiriladi.

Oroldagi mavjud energiya tarmog‘i Google ma’lumot markazi va mahalliy aholi ehtiyojlarini qulay qondira oladi, deydi orolning eng yirik ish beruvchisi Phosphate Resources bosh direktori Nikolas Gan. Kompaniya dizel generatorlari orqali fosfat koni va Avstraliya mudofaa kuchlarini ta’minlaydi.

Google tomonidan quriladigan suvosti kabel tizimi Hind...

Eron hukumati mamlakat bo‘ylab keskin suv tanqisligini yumshatish maqsadida bulut «ekish» bo‘yicha maxsus operatsiyalarni boshladi. Bu haqda NP nashri xabar berdi.

Bulut «ekish» jarayoni maxsus uskunalar bilan jihozlangan samolyotlar yordamida mamlakatning shimoli-g‘arbiy hududidagi Urmiya ko‘li havzasida amalga oshirilgan. Kimyoviy moddalar bulutlarga purkalib, namlikni yomg‘irga aylantiradi. Eron bu texnologiyadan bir necha yildan beri foydalanib keladi.

Mamlakat ketma-ket beshinchi yil davom etayotgan qattiq qurg‘oqchilikni boshdan kechirmoqda. Yog‘ingarchilik miqdori tushib ketgani bois asosiy suv omborlari qisqarib, rasmiylar suv iste’molini keskin kamaytirishga urinmoqda. Milliy bulut ekish tadqiqot markazi rahbari Muhammad Mehdi Javodiyonzoda operatsiyalar may oyining o‘rtalarigacha davom etishini ma’lum qildi.

O‘zbekistonlik Suhrob Ubaydullayev Wizz Air’ni diskriminatsiyada ayblab Inson huquqlari bo‘yicha Yevropa Ittifoqi sudiga shikoyat qilgandi. Aviakompaniya unga 120 ming yevro tovon puli taklif qildi, biroq u bu taklifni rad etdi. Bu haqda u Kun.uz’ga bergan intervyusida ma’lum qildi.

Suhrobning aytishicha, kompaniya vakillari undan ushbu voqea bo‘yicha jamoatchilikka murojaat qilmaslik va sud shikoyatini qaytarib olishini so‘ragan.

«Menga Londonda bo‘lganimda qo‘ng‘iroq qilishdi. 120 ming yevro taklif qilishdi, lekin hech qanday uzr so‘ramadi. Meni bu mavzuni ko‘tarmaslikka chaqirishdi. Ustozlarim bilan maslahatlashdim va rad etdim. Pul qadriyatdan yuqori emas», — dedi u.

Nima bo‘lgandi?

2023-yil avgustida Ubaydullayev...

Toshkentda avtomobilning gaz quvuriga urilishi ortidan yuzlab uylar gazsiz qoldi. Bu haqda «Hududgaz poytaxt» gaz ta’minoti filiali xabar berdi.

Unga ko‘ra, poytaxtning Shayxontohur tumani Charxnovza mahallasida joylashgan o‘rta bosimli gaz quvuriga avtomobil urilishi natijasida quvur shikastlangan va gaz sizib chiqish holati yuzaga kelgan.

Ushbu hodisa oqibatida hududdagi 38 ta ko‘p qavatli uy, 450 ta hovli hamda 12 ta yirik iste’molchida gaz ta’minoti vaqtincha to‘xtatildi.

Xabarga ko‘ra, hozirda tuman gaz ta’minoti bo‘limining avariya xizmati quvurni ta’mirlash ishlarini olib bormoqda. Ta’mirlash tugagach, gaz ta’minoti qayta tiklanadi.

Avvalroq qishda vodiydagi metan «zapravka»larga gaz ko‘chma konteynerlarda yetkazib berilishi xabar qilingandi. Unga...